Lajme ekonomike!

[forwardi]

Re: Lajme ekonomike!

Citigroup kërkon të blejë AMC

Banka amerikane Citigroup kërkon monopolin grek OTE e nëpërmjet saj Cosmotenë dhe AMC-në

Altin Xhikneli
Citigroup, banka më e madhe investimeve kërkon të blejë kompaninë greke OTE, e cila ka nën pronësi dhe kompaninë shqiptare AMC. Sipas agjencive të huaja të lajmeve, analistët e bankës Citigroup janë duke bërë llogaritë e tyre për të blerë kompaninë greke e cila për ta gjithsesi përfaqëson një risk në treg. Çmimi i përcaktuar si objektiv për blerjen e aksioneve është rreth 25 euro për një aksion. Por çdo efekt “blerje” e bërë nga Citigroup i rrit çmimin në bursë kompanisë greke e kësisoj analistët e bankës po tregohet të kujdesshëm në përllogaritje. Mazhoranca e aksioneve të kompanisë greke OTE e ka qeveria greke me 38.7%. Ndërkohë që OTE, ka 67% të kompanisë së telefonisë së lëvizshme Cosmote dhe 33% të tjera janë me ofertë publike. Kështu, që rrjedhimisht, pronari i AMC-së që është Cosmote me 85% të aksioneve, nëse do të shitet tek Citigroup do të ndërrojë pronësi dhe në Shqipëri. OTE, është kompania e dytë më e madhe nga pronësia shtetërore në shtetin Helen. Ajo ka rrjetin më të madh të telefonisë fiske në Greqi dhe zotëron pjesën më të madhe të tregut të telefonisë së lëvizshme.
Vetëm të ardhurat e operatorit të telefonisë së lëvizshme Cosmote përgjatë 5 shteteve në Europë llogariten të jenë 1.78 miliardë euro për vitin 2005. Ndërkohë të dega e saj në Shqipëri, AMC ka realizuar të ardhura vjetore për vitin 2005 në vlerën e 137 milionë euro. Blerja nga ana e bankës më të madhe të investimeve në botë Citigroup, të kompanisë me pronësi shtetërore OTE rrjedhimisht do të sjellë dhe një ndryshim pronësie në operatorin shqiptar AMC. Por duhet patur parasysh që deri tani blerja e gjigantit grek të telefonisë OTE është një plan i cili nuk pritet të realizohet shpejt.
Austriakët heqin dorë
Telekom Austria nuk është më i interesuar për blerjen e kompanisë greke OTE. Sipas burimeve zyrtare, nga Telekom Austria vendimi për të mos marrë pjesë në blerjen e kompanisë greke ka ardhur pasi Telekomi Austriak nuk do të marrë pjesë në menaxhimin e kompanisë greke. Pas disa lajmesh të botuara në shtyp mbi mundësinë e privatizimit të kompanisë shtetërore greke OTE, bëhej fjalë për një privatizim të mundshëm të 10-15 % të aksioneve të kësaj kompanie nga Telekom Austria. Por qeveria greke pat vendosur që shesë 10-15% të aksioneve të investitorëve shtetërore por pa i dhënë menaxhimin austriakëve. Kështu, pas këtij vendimi, austriakët, kanë hequr dorë pasi kjo nuk do t’i lejonte ata të gjeneronte të ardhura sipas planit të tyre.

Profili i Citigroup
Citigroup është një kompani hollding e cila për vitin 2005 ka patur të ardhura prej 121 miliardë dollarë. Numri i punonjësve të kësaj kompanie është 2 600 dhe aktivitetet saj kryesore janë të fokusuara në banka, tregun e sigurimeve, bankë investimesh etj. Kjo kompani është më e madhja në botë dhe sipas disa të dhënave Citigruop zotëron 5% të gjithë tregut botërore.

E Shtune, 21 Prill 2007

 

[forwardi]

Re: Lajme ekonomike!

Ruli: Ku dështuam me reformat

Ministri i Ekonomisë evidenton problemet me reformën e pronësisë, doganave dhe tatimeve

Gert Osmani
Administrata është ndjerë e “kryqëzuar” përballë biznesit si nga shefi i qeverisë ashtu dhe nga ministri i Ekonomisë. Kryeministri Berisha dhe ministri Ruli kanë paraqitur dje në një takim me biznesmenë problemet e administratës shqiptare që i kanë kushtuar kosto biznesit. “Ky është një problem serioz që duhet të marrë zgjidhje me shpejtësi. Kemi shumë respekt për administratën, por nuk është kristalizuar akoma sensi i të shërbyerit. Interesi i vendit për investimet tuaja dhe të të tjerëve është më shumë jetik se çdo vend tjetër i Evropës. Shqipëria ka nevojë për investime. Në rast se çdo zyrtar do të kishte parasysh këtë fakt jam i sigurt se do të rriste 3-4 herë shpejtësinë e bashkëveprimit me ju” tha Berisha. Nga ana tjetër ministri Ruli është shprehur se administrata prish natën atë që ekzekutivi bën ditën. “Progresi në fushën e tokës dhe ndërtimit është i pjesshëm. Ka patur shumë aktivitete te paralizuara ne fushe e doganave dhe tatimeve. Zbatimi i parimit te konsultimit periodike me biznesin kërkon një reformë të harmonizuar dhe jo takime parciale dhe spontane” tha Ruli. Por si në çdo analizë, ministri i Ekonomisë ka shtruar për zgjidhje një sërë çështjesh për vazhdimësinë e reformave. Krijimi i sistemit për te garantuar cilësinë rregullatore nëpërmjet zbatimit te vlerësimit të impaktit rregullator), monitorimi i ngushte i te gjithë iniciativave ligjore dhe nen ligjore ne zbatim për sistemin e licencimit, thellimi i reformës ne te gjitha fushat e planit te veprimit
Regjistrimi biznesit në një “stacion”
Një nga zhvillimet kryesore për biznesin është regjistrimi në një institucion të vetëm dhe brenda ditës. Sipas ministrit Ruli, është propozuar krijimi i Qendrës Kombëtare të Regjistrimit, me autonomi të plotë vendimmarrëse në lidhje me procesin e regjistrimit tregtar, si një “zyrë me një ndalesë (one-stop-shop)” për regjistrimin e biznesit”. Procesi i reformimit të regjistrimit do të realizojë nëpërmjet kësaj qendre shndërrimin e procesit të regjistrimit nga një proces miks (gjyqësor dhe administrativ) në një proces tërësisht administrativ dhe regjistrimin në një ditë të vetme, me një hap te vetëm, më pranë përfituesve dhe tërësisht elektronik. Biznesi do të përfitojë regjistrim të menjëhershëm për efekt tregtar, fiskal, sigurime shoqërore e shëndetësore dhe të punës, me një hap të vetëm. Për këtë paketa e plotë ligjore është përfunduar dhe është tashmë në procesin e miratimit ne Kuvendin e Shqipërisë. Në të njëjtën kohë është përfunduar ngritja e sistemit IT dhe po finalizohen të gjithë elementet për infrastrukturën fizike të Qendrës. Paketa e plotë ligjore përbëhet nga ligji baze, si dhe 9 amendime të ligjeve të tjera që lidhen me regjistrin tregtar, fiskal, të punës, etj. Ndërkohë janë hartuar edhe 16 akte nënligjore që do të shoqërojnë këtë proces.

E Shtune, 21 Prill 2007

 

[forwardi]

Re: Lajme ekonomike!

Kapitaneria: Punimet nuk e mbyllin portin e Durrësit

Flet kapiteni i Përgjithshëm: S‘ka bllokim, as ulje të kapacitetit përpunues

Pavarësisht punimeve që një kompani britanike "Clyside Surveys Ltd" po kryen në portin më të madh shqiptar, lëvizja e trageteve dhe përpunimi i anijeve të mallrave do vijojë normalisht. Kapiteni i Përgjithshëm i Porteve, Vladimir Beja, sqaroi dje për "Shqip", se nuk bëhet fjalë për bllokim të punës së portit të Durrësit, madje as për ulje të kapaciteteve përpunuese të tij. "Punimet që po kryhen në port, për matjen e thellësisë së baseneve ujorë, po bëhen pa ndikuar në punën e portit. Sigurisht që këto matje do të kërkojnë ndonjë lëvizje anijesh të ankoruara, apo mosfunksionimin e përkohshëm të ndonjë zone të portit, por janë marrë të gjitha masat që këto procedura të mos sjellin asnjë ndikim te funksionimi normal i portit më të madh në vend, sepse çdo cenim i këtij funksionimi normal do të sillte kosto të larta ekonomike", tha kreu i kapitanerisë së porteve. Autoritetet portale kanë marrë të gjitha masat për t‘i dhënë hapësirën e nevojshme kompanisë britanike "Clyside Surveys Ltd" për të kryer matjet e thellësisë ujore të basenit të portit të Durrësit dhe në kalata. Burime nga Kapitaneria e Portit Detar të Durrësit thanë për gazetën "Shqip", se kompania britanike ka nisur ditën e enjte matjet nga kanali hyrës dhe kalata nr.4, e cila është zbrazur nga anijet tregtare. Agjencitë e spedicionit dhe lundrimit detar, si dhe operatorët e tjerë portualë janë njoftuar paraprakisht për këto punime, që do të sjellin disa ndryshime në aktivitetin e portit, por që nuk do të bllokojnë për asnjë çast aktivitetin e tij. Masa janë marrë dhe nga Autoriteti Portual e Kapitaneria për të nxjerrë në radë, jashtë basenit të portit, të gjitha anijet e ankoruara në kalata, ndërsa kompania do të kryejë matjet e saj. Njëkohësisht e lirë është kërkuar dhe kalata e peshkimit, ku ankorohen dhjetëra peshkatore. Fillimisht, njoftimi për nisjen e punimeve në portin e Durrësit u kuptua si pezullim i aktivitetin normal të këtij porti, por kapiteni i Përgjithshëm i Porteve, Vladimir Beja, thekson se situata është krejt normale në këtë port, pasi asnjë anije tregtare dhe asnjë traget nuk do të ketë vonesa në përpunim, pavarësisht punimeve që kryhen. "Mbyllja e portit mund të bëhet vetëm në situata të jashtëzakonshme dhe vetëm me vendim qeverie. Masa kaq ekstreme nuk janë marrë as kur kemi pasur stuhi të forta detare dhe nuk mund të merren për shkak të punimeve që kryhen në port", theksoi Beja.

 

[forwardi]

Re: Lajme ekonomike!

Projekti

Puna nisi nga danezët e "Rohde Nielse"

Kompania daneze "Rohde Nielse", fitoi tenderin ndërkombëtar të projektit për thellimin emergjent të kanalit hyrës dhe basenit të portit, por ajo u largua papritur, duke ngrirë zbatimin e investimit prej afro 3 milionë eurosh, duke i dhënë fund shpresës për realizimin e shpejtë të thellimit të basenit ujor, kanalit hyrës dhe mundësimit të futjes së anijeve të tonazhit të madh. Vështirësitë që hasi kompania daneze në zbatimin e projektit, të nisura me gjetjen e disa predhave luftarake në tabanin e hapësirës ujore portale dhe të vazhduara më tej me mosgjetjen e komunikimit të duhur me autoritetet e portit.

 

[forwardi]

Re: Lajme ekonomike!

Rruga e Peshkopisë, investimi shkon dëm

2 mln euro nuk ndryshuan situatën

Rruga nacionale Milot-Peshkopi, 150 kilometra e gjatë, që prej ndërtimit, para rreth 30 vitesh, nuk ka njohur asnjë lloj ndërhyrje për rikonstruksionin e saj. Kjo kishte bërë, që 150 mijë banorë të Qarkut verilindor të Dibrës, ku bëjnë pjesë rrethet Dibër, Bulqizë dhe Mat, të lidheshin me kryeqytetin nëpërmjet një udhëtimi plot vështirësi, që zgjaste deri në 7 orë. Çelja e një investimi, në fundin e vitit të kaluar, me një shumë prej 5 milionë eurosh, u duk se do t‘i jepte fund kalvarit të vuajtjeve të dibranëve. Drejtoria e Përgjithshme e Rrugëve bëri tenderimin, duke e ndarë këtë rrugë në 5 lote, Milot-Ulëz, Ulëz-Burrel, Burrel-Klos, Klos-Bulqizë dhe Bulqizë-Peshkopi, ku përfshihej dhe ai i Doganës së Bllatës, Maqellarë-Bllatë. Për secilin nga këto lote, do hidheshin nga 1 milion euro. Në muajt e fundit të vitit 2006 filluan punimet pothuajse në të gjitha lotet, përjashtuar atë Klos-Bulqizë, për efekt të motit të ftohtë. Burime nga Drejtoria Rajonale e Rrugëve Dibër, bëjnë me dije se nga 5 milionë euro të dhëna, u shpenzuan vetëm 2 milionë, pasi koha me reshje e ngrica nuk favorizonte në këtë drejtim. Madje, edhe punimet që u kryen në këtë periudhë, në mjaft prej këtyre loteve, rezultuan të pasuksesshme, për shkak të cilësisë së dobët. Këto ditë ka filluar "arnimi" në të gjitha lotet. Më keq situata paraqitet në lotin Bulqizë-Peshkopi, ku ka nisur riasfaltimi i rrugës "së re". Nga udhëtarë dhe shoferë që qarkullojnë në këtë rrugë, mëson se edhe pse janë shpenzuar mbi 2 milionë euro, gjendja pak ka ndryshuar.

 

[forwardi]

Re: Lajme ekonomike!

Berisha rrit qiratë e Nanos

Qeveria rrëzon vendimin për qiratë e ndërmarrjeve publike. Qiraja e 1 m2 rritet nga 1 në 3 USD

Qeveria ka zbardhur dje një vendim të ri për çmimin e qirave të pasurive të ndërmarrjeve dhe institucioneve shtetërore, duke shfuqizuar në këtë mënyrë vendimin e mëparshëm të qeverisë Nano. Sipas vendimit të Këshillit të Ministrave, nr.162, datë 7.3.2007, për ndërtesat brenda unazës së vjetër të Bashkisë së Tiranës çmimi dysheme do të jetë jo më pak se 300 lekë/m2 në muaj ose pak më shumë se 3 dollarë. Sipas vendimit të mëparshëm, një seri institucionesh publike si Kinostudioja, Qendra Ndërkombëtare e Kulturës, ish-ekspozita “Shqipëria Sot”, ambientet te Pallati i Kulturës, ambientet e vilave qeveritare te Blloku dhe shumë komplekse të tjera, ishin dhënë me qira simbolike prej 1 dollar për metër katror. Në terma relativë, duket sikur qeveria “Berisha” I ka rritur qiratë e këtyre ambienteve me 300 për qind por në fakt rritja për metër katror është nga 1 në 3 dollarë, që përsëri mbetet një shifër simbolike po të kemi parasysh tregun e qirave në Tiranë. Por gjithsesi qeveria e ka të justifikuar vendimin e saj pasi ky është çmimi dysheme i dhënies me qira dhe në raste të konkurrencës ky çmim mund të rritet.

Qira me konkurrim
Pasuritё e institucioneve shtetërore, tё ndërmarrjeve shtetёrore dhe shoqërive tregtare, me kapital 100 pёr qind shtetëror, u jepen tё tretёve, me qira ose enfiteozё, nёpёrmjet procedurёs sё
konkurrimit. Pasuritё, qё jepen me qira, sipas përcaktimit të pikës 1 të kёtij vendimi, janё trualli i lirë, ndёrtesat, trualli i lirё funksional (jo nёn ndёrtesё), makineritё e pajisjet dhe linjat e prodhimit. Pasuritё, qё jepen me enfiteozё, sipas përcaktimit të pikës 1 të kёtij vendimi, janё vetëm pasuritё e paluajtshme tё institucioneve e tё ndёrmarrjeve shtetёrore dhe tё shoqёrive tregtare, me kapital 100 pёr qind shtetёror. Vendimi ndalon dhënia me qira ose enfiteozë e objekteve shtetёrore, tё ndёrtuara nё troje private, pёrveçse kur kjo u shërben interesave publike, sipas pёrkufizimit tё dhёnё nё ligjin nr.9235, datё 29.7.2004 “Pёr kthimin dhe kompensimin e pronёs”, tё ndryshuar.
Tarifa e qirasё mujore.Nё rast se paraqiten pёr konkurrim propozime pёr veprimtari, elementet e konkurrimit pёr dhёnien me enfiteozё tё pasurisё shtetёrore janë niveli i investimit, nё pasuri tё paluajtshme, pёr pёrmirёsimin e pronёs, i cili tё jetё mbi 200 pёr qind e vlerёs sё objektit. Po ashtu i rëndësishëm është qёllimi dhe niveli i investimit nё tёrёsi, nё objekt, niveli i punësimit dhe tarifa e detyrimit mujor.
Vendimi përjashton nga konkurrimi dhёnien me qira, pёr njё afat deri nё 1 vit, e sipёrfaqeve deri nё 200 m2 dhe subjekteve tё pajisura me leje shfrytёzimi tё pasurive natyrore minerare, me leje peshkimi, lejen e shfrytёzimit tё ujёrave. Vendimi parashikon dhe përsëritjen e kontratave për subjektet qё kanё zbatuar me seriozitet kushtet e kontratёs sё pёrfunduar. Por përsëri kjo mbetet në dorë të organit të varёsisё administrative.
Vilat qeveritare
Sipas vendimit të ri të qeverisë, pasuritё, nё administrim tё Drejtorisё sё Shёrbimeve Qeveritare, jepen me qira prej saj, me afat deri nё njё vit, pa kufizim pёr sipёrfaqen, sipas tarifave tё pёrcaktuara. Kontrata mbi këtë afat lidhet nga pёrfaqёsuesi i pronarit tё pronës shtetёrore, duke zbatuar tarifat e këtij vendimi. Për pasuritё, nё administrim tё Autoritetit Portual, Durrёs, jepen me qira ose enfiteozё prej tij, nё pёrputhje me ligjin nr.9130, datё 8.9.2003 “Pёr autoritetin portual”, sipas procedurave tё këtij vendimi. Për subjektet e pajisura me leje shfrytёzimi tё pasurive natyrore minerare, peshkimit, ujërave, etj., Ministria e Ekonomisë, Tregtisë dhe Energjetikës ia autorizon, në emër dhe për llogari të saj, tё drejtёn e lidhjes së kontratës, në përputhje me përcaktimet e Kodit të Procedurës
Administrative, rast pas rasti, institucionit, që ka të drejtën e dhёnies sё lejes sё shfrytёzimit.



Tarifat e qirave minimale
Për zonat jashtë unazës por brenda vijave kufizuese të bashkisë së Tiranës, ambientet e institucioneve publike do të jepen me jo më pak se 200 lekë/m2 në muaj. Ndërkohë brenda vijave kufizuese të bashkive Berat, Durrës, Fier, Korçë, Lushnjë, Pogradec, Sarandë, Shkodër, Elbasan, Vlorë, Gjirokastër, Kavajë, Krujë, Laç, Lezhë, çmimi dysheme do të jetë jo më pak se 150 lekë/m2 në muaj. Ndërsa jashtë vijave kufizuese të këtyre bashkive jo më pak se 100 lekë/m2 në muaj. Për ambientet brenda vijave kufizuese të bashkive Bilisht, Ersekë, Ballsh, Peqin, Tepelenë, Dibër, Pukë, Kukës, Përmet, Delvinë, Bulqizë, Gramsh, Has, Kuçovë, Librazhd, Malësi e Madhe, Mat, Rrëshen, Skrapar, Tropojë, Ura Vajgurore, Manëz, Sukth, Shijak, Fushë-Krujë, Cërrik, Patos, Roskovec, Divjakë, Libohovë, Maliq, Shëngjin, Vau i Dejës, Kamëz, Vorë, Rrogozhinë, Himarë, Selenicë, Orikum, Konispol, si dhe të bashkive të tjera, që do të shpallen të tilla me akte ligjore, jo më pak se 100 lekë/m2 në muaj. Ndërsa jashtë vijave kufizuese të bashkive të sipërpërmendura jo më pak se 50 lekë/m2 në muaj.

Në dogana
Për ndërtesat, që do të përdoren si zyra, zyra doganore, dyqane “Duty Free” dhe agjenci shërbimi, në aeroporte e dogana, jo më pak se 2 500 lekë/m2 në muaj; c) Për ndërtesa, që do të përdoren si zyra, agjenci shërbimi në porte, jo më pak se 1000 lekë/m2 në muaj.

E Marte, 24 Prill 2007

 

[forwardi]

Re: Lajme ekonomike!

Licencat turistike në sitën e Rulit

A.Xhikneli
Hotelet dhe resortet turistike do të inspektohen para fillimit të sezonit
Qeveria ka ngritur një grup pune për rishikimin e të gjitha licencave në fushën e turizmit. Kështu, grupi i punës për lejet dhe licencat në ministrinë e Ekonomisë, Tregtisë dhe Energjetikës do të vijojë punën për rishikimin e tyre në ministri të ndryshme, bënë të ditur burime të kësaj ministrie. Pritet që gjatë periudhës Maj-Korrik, grupi i punës për rishikimin e licencave në ministrinë e Ekonomisë, Tregtisë dhe Energjetikës, do të rishikojë të gjitha lejet ekzistuese si dhe licencat në ministrinë e Turizmit, Rinisë dhe Sporteve si dhe në ministrinë e Punës, Çështjeve dhe Shanseve të Barabarta. Këto rishikime lidhen me fenomenin e pengesave të ndryshme administrative që vihen re në sektorët e lejeve dhe licencave në tërësi në sektorët e ndryshëm ekonomikë. Duket se problematika më e madhe dhe qëllimi i rivlerësimit të këtyre licencave ka të bëjë me ato në fushën e turizmit. Qeveria ka ndërmarrë disa masa kohët e fundit në lidhje me këtë sektor dhe kësisoj, kërkon t’i bëjë një rivlerësim atyre bizneseve të cilat janë të licencuara në këtë fushë. Aktiviteti i licencimit i aktivitetit në sektorin turistik është monopol i shtetit dhe është i rregulluar me rregullore të vecantë e cila është miratuar në vitin 2003. Ligji shprehet qartë ku thotë se “shtrimi i veprimtarisë turistike akomoduese, si veprimtari profesionale e specializuar, i nënshtrohet licencimit të detyrueshëm. Asnjë subjekt nuk lejohet të ushtrojë veprimtari turistike akomoduese në rast se nuk disponon licencë. Çdo person juridik që dëshiron të ushtrojë veprimtari turistike akomoduese duhet të pajiset me licencë të lëshuar nga Ministria e Rregullimit të Territorit dhe Turizmit”. Kështu qeveria nëpërmjet ministrisë së Rregullimit të Territorit dhe Turizmit, kontrollon këtë aktivitet. Ushtrimi i veprimtarisë turistike hoteliere (akomoduese) është e drejtë e personit juridik, të regjistruar si shoqëri tregtare në regjistrin tregtar të Gjykatës së Rrethit Tiranë, me objekt veprimtarie “ushtrimin e veprimtarisë turistike hoteliere (akomoduese)” dhe që disponon, në pronësi ose përdorim, njësi akomoduese paraprakisht të regjistruara dhe të cilësuara “turistike”. E gjithë kjo procedurë do të kontrollohet nga grupi i punës.

E Merkure, 25 Prill 2007

 

[forwardi]

Re: Lajme ekonomike!

Kuvendi “OK” hetimit për celularët dhe sigurimet

Pas vendimit të Gjykatës për mbylljen e hetimeve, Kuvendi mbështet Antimonopolin

Alban Gjoni
Një javë pas vendimit të një gjyqtari të vetëm të Gjykatës së Tiranës që pezulloi hetimin e tregun të sigurimeve, Kuvendi ka miratuar një rezolutë ku mbështet hetimin e nisur nga Autoriteti I Konkurrencës. Sipas një njoftimi zyrtar të Autoritetit të Konkurrencës në rezolutë shkruhet se “Kuvendi vlerëson veprimtarinë e Autoritetit te konkurrencës për hetimin e thelluar ndaj rasteve te abuzimit potencial te subjekteve me pozitën dominuese ne tregun e telefonisë se lëvizshme,fillimin e procedurave te hetimit paraprak ne tregun e sigurimeve dhe monitorimin e përqendrimeve ne tregun bankar”. Vendimi i Gjykatës së Tiranës kishte pezulluar të gjithë hetimin e nisur të Autoritetit të Konkurrencës për praktika karteli në fiksimin e çmimeve dhe ndarjen e tregut të policës kufitare të sigurimit. Komisioni i Konkurrencës kishte vendosur edhe një gjobë me 2 % të xhiros vjetore të shoqërive të sigurimit që në total kapte shifrën e rreth 780 mijë euro. Në këtë mënyrë organi më i lartë kushtetues i vendit i ka dhënë një goditje praktikave monopoliste në tregun shqiptar dhe ka mbështetur hetimin e thelluar që është ndërmarrë nga Antimonopoli. Sipas rezolutës, Kuvendi ka mbështetur rritjen e pavarësisë së institucionit dhe të rolit të tij për sigurimin e një konkurrence të lirë dhe efektive në treg. Po ashtu rezoluta ndalet në hartimin dhe miratimin e politikës kombëtare të konkurrencës, të akteve nënligjore e rregulloreve, mbështetur ne përvojën e vendeve të rajonit,parimet e BE-së,detyrimet që rrjedhin nga zbatimi i Marrëveshjes së Stabilizim-Asociimit,si dhe veçoritë e zhvillimit të konkurrencës e infrastrukturës ligjore në vendin tonë dhe ndjekjen e deformimeve të konkurrencës në treg,marrjen e vendimeve dhe dhënien e rekomandimeve për subjekte që e kanë cënuar atë,si dhe rivendosjen e konkurrencës në tregjet e cënuara. Po ashtu Kuvendi kërkon që Autoriteti i Konkurrencës për vitin 2007 të përmirësojë punën në ndjekjen e zbatimit të rekomandimeve të dhëna për Ministrinë e Financave dhe Autoritetin e Mbikqyrjes Financiare për kufizimin e konkurrencës së pandershme në sektorë të veçantë të tregut dhe përmirësimin e punës për informimin e biznesit dhe të të gjithë opinionit publik për njohjen e akteve ligjore e nënligjore në fushën e konkurrencës, duke rritur bashkëpunimin me subjektet që ushtrojnë veprimtari në treg dhe duke e konsideruar median si një faktor të rëndësishëm për përçimin në publik të politikave të konkurrencës.

E Merkure, 25 Prill 2007

 

[forwardi]

Re: Lajme ekonomike!

BB shpall fituesit e granteve të vogla

Zyra e Bankës Botërore në Tiranë shpalli dje tetë fituesit e Programit të Granteve të Vogla për vitin 2007,.nga 43 projekt propozimet, që aplikuan për të përfitur financime nga 4.000 në 6.000 usd. Shuma totale e programit për këtë vit ishte 35.000 usd. Sipas njoftimit për shtyp nga BB, objektivi i Granteve të Vogla për vitin 2007, është rritja e angazhimit qytetar të të rinjve, për të përfituar projekte, nëpërmjet aktiviteteve të tyre që synojnë të, nxisin një pjesëmarrje më të madhe të të rinjve në diskutime dhe aktivitete në nivel kombëtar dhe lokal mbi çështje që lidhen me politikat rinore, arsimin, mirëqeverisjen, transparencën publike, migrimin e trurit, mbrojtjen e mjedisit, vlerave kulturore, etj si dhe nxisin bashkëpunimin rajonal të të rinjve për shkëmbimin e eksperiencave e njohurive. Shpërndarja gjeografike e projekteve përfshin Shkodrën, Vaun e Dejës, Tiranen, Farken, Kuçovën dhe Sarandën, ndërkohë që projektet dhe organizatat fituese të programit për vitin 2007 janë, SIFE Albania, Shoqata e Bashkive, Qëndra Këshillimore për Njerëzit me Aftësi të Kufizuara, Shoqata Misionarët e të drejtave sociale, Shoqata e Pavarur e Medias Lokale dhe Shoqata e Gazetarëve Profesionistë Joniane, Qendra "ARG" e Shoqata PASS. Programi i Granteve të Vogla jep grante për shoqërinë civile me qëllim nxitjen e dialogut dhe shpërndarjen e informacionit mbi zhvillimin. Programi është krijuar në 1983 dhe financohet nga Development Grant Facility i Bankës Botërore. Programi i Granteve të Vogla në Shqipëri menaxhohet nga Zyra lokale e Bankës Botërore.

E Merkure, 25 Prill 2007

 

[forwardi]

Re: Lajme ekonomike!

Berisha “urdhër” hoteleve, Ulni çmimet se ikin turistët

“Është rritur konkurrenca. operatorët turistikë të ulin çmimet se ikin turistët”

Altin Xhikneli
Kryeministri Berisha, i ka kërkuar operatorëve turistikë të ulin çmimet e hoteleve. Kryeministri pasi ka filluar një operacion për prishjen e disa hoteleve në jug të vendit, i ka kërkuar pronarëve të hoteleve se çmimet më të ulta janë më të mira për ta sesa çmimet e larta. Dje në konferencën kombëtare të turizmit kryeministri Berisha u shpreh se “natyrisht çmimi është çështje e tregut, por duhet të konsolidojmë mendimin dhe besimin se me çmime të arsyeshme fitohet shumë më tepër”. Kështu, kryeministri i ka dhënë dhe një herë leksion ekonomie operatorëve privatë në treg, se nëse do të kenë çmime më të lira do të jenë më të pasur, më të konkurrueshëm. Ai shtoi se “në mënyrë të veçantë, sikundër edhe vjet, dua t’u dërgoj një apel të gjithë menaxherëve, pronarëve, specifikisht të Sarandës, e cila ka një potencial të jashtëzakonshëm turistik, se, në rast se do të jenë më të vëmendshëm në çmimet me të cilat ofrojnë shërbimet, do të mund të arrijë të dyfishojë kohën e turizmit në Sarandë, do të mund ta shtrijnë turizmin në të gjitha sezonet dhe do të mund të rrisin numrin e turistëve nga mbarë bota”.
Të bësh llogaritë e tjetrit
Kryeministri mori dje përsipër llogaritë e vetë operatorëve privatë duke u kujtuar se ata jetojnë në një treg global tashmë. “Nuk duhet të harrojmë se jemi në një treg botëror. Në globalizëm asgjë dhe asnjë fushë nuk është me e prekshme se turizmi. Ndaj duhet të përpiqemi të jemi sa më konkurrentë”-tha ai. Kështu, zhvillim i turizmit tashmë do të bëhet me tre komponentë bazë: së pari do të shkatërrohen hotelet në breg sidomos para fillimit të sezonit, e dyta çmimet e hoteleve duhet të jenë të ulta, dhe e treta një kontroll të rreptë mbi stimujt dhe klasifikimin e shërbimeve. Kjo është strategjia afat-shkurtër për rritjen e potencialeve turistike. Kështu, Berisha i ka kërkuar Ministrisë së Turizmit të ushtrojë kontroll të rreptë, me të gjithë stimujt dhe sanksionet, në klasifikimin shërbimeve hoteliere për turistët.


Basha premton porte turistike
Ministri i Transportit dhe Punëve Publike Lulëzim Basha ka prezantuar planin e tij të masave për zhvillimin e turizmit. Kryesore për Bashën është kompletimi i kuadrit Ligjor, për të cilën u hartua dhe u miratua në Parlament, “Ligji mbi Portet Turistike” sipas standardeve ndërkombëtare. Megjithëse vendi vazhdon të ketë një moratorium mbi mjetet motorike lundruese për aktivitet turistik, ky ligj sipas tij, “do ti japi një impuls të veçantë ndërtimit të këtyre porteve,me infrastrukturën dhe superstrukturën e nevojshme për përpunimin që nga anijet e mëdha cruizer dhe deri tek ato më të vogla të përdorimit personal” ndërkohë që ai ka shpjeguar dhe planet për ndërtimin e terminalit për anijet Cruiz, zgjerimi dhe kompletimin e Portit të qytetit në Sarandë si një Port Turistik me një financim prej 5.98 milionë USD nga Banka Botërore. Kjo përbën dhe fazën e parë të investimeve në Portin e Sarandës për transformimin e tij nga një port mallrash në një port tragetesh dhe terminal pasagjerësh për të lehtësuar hyrjen e turistëve në Jugun e Shqipërisë.

E Merkure, 25 Prill 2007

 

[forwardi]

Re: Lajme ekonomike!

Specialistja “e Nanos” në krye të tatimeve

Qeveria emëroi dje Gerta Picarin në krye të tatimeve. Kush është zonja e fiskut?

Gerta Picari do të duhet të lërë pas dore studimet për master pranë Fakultetit të Ekonomisë pasi sipas shumë gjasave do të ketë më pak kohë. Puna e re që pritet të fillojë sot në krye të Tatimeve do të kërkojë impenjime shumë herë më të mëdha se përpunimi i të dhënave në Institutin e Statistikave, që gjithsesi kritikohen jo rrallë si nga FMN-ja ashtu dhe nga Banka Qendrore. Por natyra e punës në krye të tatimeve, në pikun e një reforme të re fiskale të qeverisë “Berisha 3”, një beteje të ashpër kundër informalitetit siç e quan shefi I saj I madh-kryeministri, porn ë mënyrë të veçantë sherri me një grup të fuqishëm mediatik si Top media, duket se do të jenë një malore e fortë për drejtoreshën e re të tatimeve.
Në njoftimin e qeverisë për emërimin Gerta Picari në detyrën e Drejtorit të Përgjithshëm të Tatimeve, nuk mund të mos vihet re një kurikul e pasuruar e shefes së re të fiskut. Znj.Picari vjen në deyrën e drejtorit të përgjithshëm të Tatimeve pas tërheqjes së Alfred Priftit për tu bërë zonja e dytë në 5 vitet e fundit që drejton një institucion kaq të rëndësishëm të financave të shtetit. Pas Tatjana Kongolit që shërbeu për më shumë se 6 muaj në krye të Doganave, Picari do të drejtoj një nga sektorët më problematikë të financave, atë të drejtorit të Përgjithshëm të Tatimeve.
Zonja 35 vjeçare e Tatimeve ka lindur në Tiranë dhe është diplomuar për ekonomiks në vitin 1995 për të ndjekur më pas një sërë kursesh trajnimi kryesisht në Kanada ku duket se ka jetuar për disa vite. Në cv e publikuar Picari thotë se ka filluar punë në vitin 1996 si ekonomiste-analiste në sektorin e makroekonomisë pranë Departamentit të Zhvillimit dhe Koordinimit te Ndihmes se Huaj në Këshillin e Ministrave deri në vitin 1998, kur qeveria drejtohej nga Fatos Nano. Më pas ka punuar pak kohë praën Bankës Botërore për tju rikthyer Departamentit të Makroekonomisë në Ministrinë e Financave. Gerta Picari ka kryer detyrën e Drejtores së Përgjithshme të Institutit të Statistikave (INSTAT), që prej janarit te vitit 2006 e deri dje kur u zgjodh si drejtoresha e përgjithshme e Tatimeve.

E Enjte, 26 Prill 2007

 

[forwardi]

Re: Lajme ekonomike!

Thellohet deficiti, banka me sytë nga emigrantët

Deficiti korent arrin në 7.6 për qind të të ardhurave kombëtare. Shpëtimi nga emigrantët

Emigrantët shikohen si “valvula” e fundit e shpëtimit të ekonomisë tonë nga kriza e thellimit të vazhdueshëm të deficit tregtar. Guvernatori i Bankës së Shqipërisë tha dje në Komisonin e Ekonomisë se një problem i afërt i ekonomisë është thellimi i vazhdueshëm i deficitit tregtar. “Edhe pse momentalisht pozicioni i jashtëm i vendit, i materializuar në tregues të tillë si borxhi i jashtëm, niveli i rezervave valutore apo pozicioni i përgjithshëm i bilancit të pagesave nuk paraqitet problematik, vlerësoj se rritja e eksporteve nuk është e mjaftueshme, veçanërisht në kontekst të varësisë së lartë që ka ekonomia shqiptare ndaj dërgesave të emigrantëve”, tha Fullani. Deficiti korent relativisht i lartë, rreth nivelit 7.6 për qind të PBB-së, është një argument më shumë në këtë drejtim. Ky i fundit, në prani edhe të një deficiti fiskal, rrit ekspozimin e ekonomisë tonë dhe bën të domosdoshëm sigurimin e prurjeve valutore të një natyre më të qëndrueshme. Sipas Guvernatorit “kjo, do të përkthehej në një nevojë për më shumë investime të huaja direkte cilësore, të cilat nga ana e tyre do të kontribuonin në një rritje të qëndrueshme të eksporteve”.
Kritika për investimet
Investimet e huaja mbeten në nivele të ulta në Shqipëri. Pavarësisht se në raportin e Bankës së Shqipërisë për vitn 2006 përgjithësohet se i gjithë rajoni e ka këtë problem, faktet janë ndryshe. Të dhënat e një studimi të Monitor tregojnë se vendet fqinje si Serbia, Maqedonia, Kroacia madje dhe Mali i Zi dhe Bosnje-Hercegovina kanë thithur investime të mëdha direkte. Por sipas Fullani “është vërejtur gjerësisht se shkalla e depërtimit të investimeve të huaja në rajonin tonë është relativisht e vogël dhe kryesisht, pasqyron procesin e privatizimit të pasurive të rëndësishme publike”. Duke iu referuar ekonomisë shqiptare ai raportoi se gjatë periudhës 2000 – 2006, investimet e huaja direkte të marra së bashku, sipas statistikave të bilancit të pagesave, llogariten rreth 1.45 miliardë usd, rreth 3.5 për qind e PPB-së së realizuar në të njëjtën periudhë.

E Enjte, 26 Prill 2007

 

[forwardi]

Re: Lajme ekonomike!

Qeveria nuk realion investimet

Viti 2007 fillon prapë me suficit. Kritikat e Fullanit për zhvendosjen e investimeve

Altin Xhikneli
Qeveria gjatë tre muajve të parë të këtij viti nuk ka realizuar investimet të planifikuara. Këtë e bëri të ditur vetë ministri i Financave Ridvan Bode gjatë paraqitjes së rezultatit të tremujorit të parë. Faji i mos realizimit të investimeve, sipas ministrit është shpërndarë nga pushteti vendor e deri tek ngadalësimi i punimeve të financuara nga donatorët e huaj. Bode është shprehur se “deficiti i përgjithshëm në fund të muajit mars 2007 ka rezultuar me një mosrealizim prej rreth 5,661 miliardë lekë kundrejt parashikimit”. Kështu dhe kësaj here, si në fund të vitit 2006, realizimi i të ardhurave dhe mos realizimi i investimeve kanë sjellë këtë deficit. Sipas të dhënave, realizimi i të ardhurave në nivelin 97.78% dhe i shpenzimeve në nivelin 88.20% janë faktorët kryesor të këtij treguesi ku 2,585 miliardë lekë janë mos realizim i brendshëm dhe mbi 3 miliardë lekë mos realizim nga financimet e huaja. Kjo situatë e cila u përsërit deri në muajin nëntor të vitit 2006, solli një anomali ku qeveria kishte dy rrugë; ose të shpenzonte mbi 12 milionë dollarë në ditë për investime ose të rregullonte shifrat me marifet. Në fakt, marifeti u gjet, pasi të investosh 12 milionë dollarë në ditë nuk është e mundur. Atëherë shumica e parave u disbursuan si parapagesë për projekte rrugësh etj. Pra jo punë e kryer, por punë e paguar. Nëse do të vijohet me këto ritme, ka gjasa që dhe ky vit që vjen të shoqërohet me një fenomen e vitit që shkoi, ku deri në fund të nëntorit qeveria ishte me suficit miliarda lekë, dhe pastaj si me magji deri në fund të dhjetorit doli me deficit, siç është normale.

Kritikat e guvernatorit
Këtë sjellje të qeverisë e ka kritikuar dhe guvernatori i Bankës së Shqipërisë Fullani dje në Komisionin e Ekonomisë. Në raportin e përgatitur për në komision për kërkesën e qeverisë për para për vitin 2006 ai tha se “Llogaria e qeverisë ka paraqitur një ecuri jo të zakontë, gjatë vitit 2006. Për pjesën më të madhe të vitit, kërkesa për para e qeverisë ka qenë negative, duke e përqendruar huamarrjen e brendshme të planifikuar, në dy muajt e fundit të vitit”. Sigurisht që tre muajt e parë të këtij viti nuk janë tregues se kjo do të ndodhë dhe kësaj here, por qeveria ka propaganduar se me ligjin e ri organik duke qenë se procedurat e tenderave do të fillojnë më shpejt, shpërndarja e investimeve do të jetë gjatë gjithë vitit.

E Enjte, 26 Prill 2007

 

[forwardi]

Re: Lajme ekonomike!

Biznesi, rrogat me detyrim nga bankat

Ministria e Financave dhe Banka e Shqipërisë detyrojnë privatët të paguajnë nëpërmjet bankave

Altin Xhikneli
Guvernatori i Bankës së Shqipërisë, Ardian Fullani u shpreh dje në komisionin e Ekonomisë, se institucioni që ai drejton po bën një marrëveshje me Ministrinë e Financave për të kaluar pagat e sektorit privat nëpërmjet bankave. Këtë deklaratë guvernatori Fullani e tha, pasi deputetët prezentë në komisionin e ekonomisë e pyetën mbi luftën e informalitetit nga ana e Bankës së Shqipërisë. Fullani u shpreh se “marrëveshja e mëparshme me ministrinë e Financave për kalimin e pagave të buxhetorëve me detyrim nëpërmjet bankave, edhe pse ishim skeptikë në fillim dyshues, ka rezultuar e suksesshme. Prandaj ne po marrim në konsideratë bashkë me këtë ministri, që pagat e sektorit privat të kalohen me detyrim nëpërmjet bankave ashtu siç u bë me buxhetorët”. Para 2 vjetësh Ministria e Financave dhe Banka e Shqipërisë nënshkruan një marrëveshje me bankat e nivelit të dytë për të shpërndarë rrogat e të gjithë sektorit buxhetor në sportelet e tyre.
Marrëveshja për kalimin e pagave të sektorit publik solli që rreth 80 mijë punonjës të sektorit buxhetor të kalojnë me detyrim klientë të bankave. Por tashmë duket se qeveri po përpunohet skema për të formalizuar sektorin privat i cili është disa herë më i madh sesa ai shtetëror. Guvernatori i Bankës së Shqipërisë, u shpreh se kalimi me detyrim i nëpunësve shtetërorë ka qenë një operacion i suksesshëm. Por ndërsa ky operacion ka qenë i suksesshëm për bankat të cilat kanë fituar plot 80 mijë klientë me detyrim qeveritar, ka qenë i dëmshëm për rrogëtarët. Marrëveshje në fillim nuk u bë transparente për punonjësit buxhetor dhe në krye të herës, ata merrnin pagën pa asnjë komision bankar. Pas 6 muajsh, skema ndryshoi, disa banka filluan të aplikojnë komisione prej 2 $ në muaj për çdo punonjës që merrte rrogën në bankë. Kësisoj bankat, si askund tjetër morën gratis 80 mijë klientë nga qeveria dhe nuk i bënë asnjë favor buxhetorëve. Kjo sigurisht, që nuk ishte detyrë e bankave por e qeverisë dhe Bankës së Shqipërisë që duhet të mbrojnë interesat e publikut. Madje, kjo marrëveshje shkeli dhe parimet bazë të konkurrencës ku çdo individ të paktën duhet të zgjidhte bankën që i ofron një shërbim të tillë. Tashmë pritet që nën moton e luftës së informalitetit, të hyjnë në këtë skemë dhe mijëra punonjës të tjerë të sektorit privat.

E Enjte, 26 Prill 2007

 

[forwardi]

Re: Lajme ekonomike!

Klark takon edhe Nanon, shmang Ramën

Ish-gjenerali i forcave supreme të NATO-s, Klark i mbërritur për një vizitë zyrtare në Tiranë është takuar dje me përfaqësuesit më të lartë të shtetit shqiptar. Por ajo nuk mbeti pa rënë në sy në takimet e djeshme ishte fakti që ish-kandidati për president nuk u takua me kryetarin e opozitës, Edi Rama. Pas takimeve të paradites me Presidentin Moisiu dhe ceremonisë së Bankers Petrolium ku është takuar me kryeministrin Berisha, Clark ka preferuar të shpenzojë më shumë se sa një orë me ish-kryministrin Fatos Nano. Në takimin që kishte me këtë të fundit të dy bashkëbiseduesit pasi rikujtuan veprimtarinë e përbashkët
kundër reprezaljeve, kundër politikës së pastrimit etnik të Millosheviçit mbi popullsinë kosovare shprehen bindjen se vetëpërmbajtja, krijimi i një realiteti demokratik dhe institucione të qëndrueshme në Kosovë, bazuar edhe në paketën e Ahtisarit janë një garanci për një të ardhme europiane të Kosovës dhe të mbarë rajonit. Zoti Klark nga ana e tij në këtë takim vuri në dukje ndryshimet e realizuara në Shqipëri gjatë këtyre viteve dhe ishte në të njëjtën gjatësi vale me ish-kryetarin Nano se vetëm një politikë e konkurrimit larg konfliktualitetit bosh siguron dhe jep garanci jo vetëm për ruajtjen e këtyre ritmeve te shvillimit por edhe për përshpejtimin e tyre, si domosdoshmëri për përmirësimin e jetës së njerëzve, për arritjen e
standardeve të nevojshme për integrim. Mendime këto që janë ndarë vetëm me Nanon dhe jo me kryetarin aktual të PS-së, Rama. Po kështu në takimet e paradites që ish-komandanti kishte me kreun e shtetit, Alfred Moisiu, u shpreh se “Shqipëria është një ndër aleatët më të mira të SHBA-së dhe ne do të vazhdojmë dhe në të ardhmen të intensifikojmë bashkëpunimin për të mirën e përbashkët”. Nga ana tjetër ashtu si në takimin e pasdites me ish kryeministrin Nano ai shprehu përshtypjet e tij më të mira për ndryshimet pozitive të vëna re në këtë vizitë të parë të tij në Shqipëri që nga viti 2000 dhe dha një vlerësim të veçantë për rolin dhe kontributin e Presidentit Moisiu për zhvillimin përpara të vendit tonë.

E Premte, 27 Prill 2007

 

[forwardi]

Re: Lajme ekonomike!

Berisha “inspekton” fabrikën e subvencionuar

Pasi ka miratuar vendimin për uljen e tarifës, kryeministri te fabrika italiane e tullave

Shoqata e Hidrokarbureve protestoi kur qeveria uli taksën doganore të mazutit që përdoret si lëndë e parë në industrinë e prodhimit të tullave. Por Berisha ka bërë lëvizjen në kahun e kundërt për të konfirmuar mbështetjen për këtë biznes. Kryeministri Sali Berisha vizitoi dje fabrikën e tullave Edilcentro, një ndër investimet e mëdha italiane në Shqipëri me vlerë 40 milion euro. Kryeministri shprehu kënaqësinë që falë punës së bërë dhe teknologjisë së përdorur fabrika jo vetëm plotëson nevojat e vendit për këto produkte, por është shndërruar edhe në një eksportuese në rajon. Në këtë kontekst, Kryeministri siguroi se qeveria po bën e do të bëjë çdo përpjekje për të zgjeruar dhe lehtësuar investimet në vend. Kryeministri tërhoqi edhe një herë vëmendjen në luftën e përditshme kundër korrupsionit, luftë e cila kërkon kontributin e të gjithëve. Për shkak të teknologjisë dhe robotizimit, fabrika ka arritur me 130 punëtorë, të plotësojë jo vetëm nevojat e vendit për tulla, por të shndërrohet edhe në eksportuese në rajon, madje deri në Kaliforni. Fabrika mbulon me tjegulla 70 përqind të nevojave të vendit dhe për shkak të avantazhit që ka për tjegulla me ngjyra të ndryshme eksporton në shumë vende të Evropës. Në këtë fabrikë janë të punësuar 130 punëtorë, por në fakt puna e tyre, për shkak të kësaj teknologjie, është shumë më e madhe sesa çdo të mund të bënin 1000 punëtore me teknologji të tjera.

Korrupsioni i doganave
"Duke ardhur këtu,-tha Berisha- zoti Nidolo më njoftoi se sërish e lëndon korrupsioni në sistemin e doganave, se eksporton me taksë më të lartë se sa importuesit. Natyrisht të dy jemi njerëz që persistojmë dhe unë i premtova që kjo situatë do të ndryshojë. Nuk mund të mos e theksoja këtë absurditet, që absolutisht nuk ka asgjë tjetër në bazë përveç korrupsionit. Ne duhet ta bëjmë bashkërisht këtë betejë të përditshme, në mënyrë që të rrisim sa më shpejt investimet në Shqipëri. Me kënaqësi e prita lajmin e kryetarit të bashkisë së Laçit se dy sipërmarrës të tjerë italianë kanë nisur veprimtarinë e tyre, por më lëndoi fakti se kishin vështirësi për të gjetur punëtorë, ndërkohë që kapacitetet ishin edhe për 200 vende të tjera pune. Ndaj është koha që të gjithë të mendojmë për punën.

E Premte, 27 Prill 2007

 

[forwardi]

Re: Lajme ekonomike!

Biznesi: taksa e sheshtë nuk zgjidh informalitetin

Komuniteti i biznesit kundërshton ligjin për gjobat dhe pagën minimale

Ministrat e Ekonomisë dhe Financës Genc Ruli dhe Ridvan Bode janë përballur dje me kërkesat e reja të biznesit për tu konsideruar në reformën e taksave. Dhoma e Tregtisë dhe Industrisë e Tiranës organizoi dje pasdite, forumin me temë "Frymë e re në marrëdhëniet biznes-shtet". Biznesmeni Edmond Leka u shpreh se “Uroj që drejtuesit e rinj të dhomës ta mbajnë premtimin për të luajtur rolin e partnerit me qeverinë në luftën kundër informalitetit ose në bërjen e legjislacionit. Problemet që kanë dalë nga ligji i gjobave dhe ai i pagës minimale janë probleme reale që duhen marrë parasysh. Unë do të thoja që këto dy elementë nxjerrin në dukje një mangësi në procesin e përgatitjes së legjislacionit që është konsultimi paraprak me biznesin dhe unë do të thoja detyrë e një qeverie që kërkon të vendosë rregulla në treg që problemet e informalitetit të konsultohen me grupet e interesit qoftë në përgatitjen e akteve rregullatorë qoftë edhe në reformat fiskale. Mendoj se nuk është vetëm çështje numrash formalizmi i ekonomisë, nuk është vetëm taksa e sheshtë që do ta zgjidhë por do një proces të plotë ku komuniteti i biznesit duhet të jetë pjesë”.
Në fjalën e vet, ministri i METE-s Genc Ruli, u ndal në nevojën e thellimit të bashkëpunimit mes shtetit dhe biznesit. Mes të tjerave, ai theksoi rëndësinë që ka për zhvillimin ekonomik të vendit forcimi i marrëdhënieve biznes-shtet, me qëllim, modernizimin e mentalitetit si nga shteti, ashtu dhe nga biznesi, për të rritur dhe forcuar konkurrencën me vendet rreth nesh dhe më gjerë. "Biznesi duhet të jetë aktor tepër aktiv në reformat modernizuese ku po hyjmë, që janë sfida e vërtetë dhe e përbashkët e jona dhe ku nuk duhet humbur asnjë kohë", tha Ruli.
Ministri i Financave, Ridvan Bode theksoi në fjalën e vet rëndësinë që ka organizimi i forumeve të përbashkëta mes shtetit dhe biznesit. Ai u ndal në parimin qeverisës, që është në thelbin e saj, në anën e biznesit. "Pa mbështetjen e rritjes ekonomike, pa mbështetur rritjen e biznesit, nuk mund të zgjidhen problemet e ndryshme që ka vendi", tha Bode. Duke u ndalur në luftën kundër informalitetit, si dhe në politikat e marra së fundi në fushën fiskale, ministri i Financave, Bode theksoi mes të tjerave, se ekonomia e tregut është ende jo funksionale, me deformime të konkurrencës dhe ky është problem shumë i madh. "Ulja e taksave synon të ulë barrën për të hyrë në treg dhe për të dalë nga informaliteti", tha Bode. Përfaqësues të biznesit, por dhe kryetari i Dhomës së Tregtisë dhe Industrisë së Tiranës, Gjokë Uldedaj, diskutuan rreth nevojës për thellimin e bashkëpunimit me shtetin në çdo hap që ndërmerret në përmirësimet e ligjeve të ndryshme, të cilat lidhen me sektorin e biznesit.

E Premte, 27 Prill 2007

 

[forwardi]

Re: Lajme ekonomike!

Vjen FMN, debate për taksën e sheshtë

Fondi Monetar Ndërkombëtar kërkon një strategji urgjente për energjinë

Gert Osmani
Rafshimi i taksave në 10 për qind ka qenë dhe tema kryesore e bisedës së djeshme të misionit të FMN-së, që po viziton Tiranën kryesuar nga Istvan Szekely në takimin me ministrin e Financave Ridvan Bode. Bode tha se është tejkaluar plani nga doganat dhe tatimet në masën 103.2 %. Ministri ka informuar misionin se kanë filluar përgatitjet për buxhetin shtesë dhe se qeveria ka planifikuar të shkohet drejt taksës së sheshtë duke bërë përgjysmim të taksës mbi të ardhurat dhe taksës korporative. “Në të njëjtën kohë - tha ministri Bode- qeveria ka qëllim që të përmirësojë kuadrin ligjor të taksave për të arritur dominimin mbi informalitetin dhe për të krijuar një treg të lirë dhe konkurrues”. Shefi i misionit të FMN-së për Shqipërinë, z. Szekely, ka përshëndetur realizimin e investimeve me financime të brendshëm, duke e cilësuar një lajm të mirë, ndërsa ka kërkuar edhe një herë që qeveria dhe KESH-i të hartojnë një strategji konkrete që të përmirësojë situatën e Korporatës dhe që të mos vërë në rrezik objektivat finale të buxhetit për këtë vit. Misioni do të qëndrojë në Tiranë deri në 8 maj, kur do të ketë edhe një konferencë të përbashkët me Ministrinë e Financave dhe Bankën e Shqipërisë. Gjatë kësaj kohe, misioni do të takohet me zyrtarët kryesorë të qeverisë dhe me përfaqësues të opozitës, biznesit, komunitetit të donatorëve ndërkombëtarë, OJQ-ve, botës akademike dhe medias. Misioni do të shikojë zhvillimet ekonomike dhe ecurinë e programit gjatë 6 muajve të kaluar dhe do të kërkojë një marrëveshje paraprake me autoritetet për masat e mëtejshme që do të merren në 6 mujorin e ardhshëm. Rishikimi pritet t’i paraqitet Bordit Ekzekutiv të FMN-së në korrik të 2007. Programi aktual 3 vjeçar, i cili pritet të jetë i fundit afatgjatë i FMN-së me Shqipërinë, përfundon në fillim të 2009.

E Premte, 27 Prill 2007

 

[forwardi]

Re: Lajme ekonomike!

Clark “kumbari” për ARMO-n

Gjenerali i luftës së Kosovës vjen në Tiranë për të mbështetur Bankers Petroleum për privatizimin e rafinerisë së Ballshit. "Vij si mik i Shqipërisë për projekte zhvillimi", -thotë Wesley Clark

Altin Xhikneli
Wesley Clark nuk e kishte menduar se rreth 8 vjet pas përfundimit të bombardimeve të Aleancës EuroAtlantike mbi Beograd dhe Kosovë, do të vinte në Shqipëri si “kumbari” i një privatizmi të mundshëm strategjik. Gjenerali amerikan, i cili ka drejtuar luftën e NATO-s kundër Serbisë ishte dje në Tiranë si i ftuar special nga Bankers Petroleum, kompania që ka marrë në koncesion puset e naftës së kompanisë Albpetrol. Në një takim me përfaqësuesit më të lartë të shtetit, Bankers Petroleum ka linçuar të ftuarin special Wesley Clark. Clark është shprehur me diplomaci se “kam ardhur këtu si mik i Shqipërisë dhe është detyrë e kompanive të mëdha si Bankers Petroleum që të nxisin projekte zhvillimi si dhe detyrë e qeverisë që t’i shikojë ato me përparësi”. Por qëllimi i vizitës së tij, private është që të shfrytëzojë marrëdhëniet e tij për privatizimin e kompanisë shtetërore ARMO nga Bankers Petroleum. Qeveria e ka përgatitur terrenin sakaq duke miratuar një sërë projektligjesh të cilat e bëjnë gati ARMO-n për shitje. Tashmë duket se negociatat midis qeverisë Shqiptare, të udhëhequra nga ministri i Ekonomisë Genc Ruli, dhe Bankers Petroleum do të kenë ndikimin e politikanit amerikan Wesley Clark.
Privatizimi i ARMO-s
ARMO pritet që të kalojë në privatizim me një vlerë rreth 110 milionë euro. Një kompani kanadeze “Bankers Petroleum” ka marrë me koncesion rreth 30 për qind te puseve të naftës dhe parashikohet që të jetë edhe një ndër pretendentët për blerjen e “ARMO”-s. Sipas të dhënave, kjo kompani përpunon çdo vit rreth 270-300 mijë ton naftë, ndërsa kapaciteti real i përpunimit është 870 mijë tonë në vit. Shqipëria është e varur gjerësisht nga importet në tregun e karburanteve dhe vendin kryesor nga vijnë importet por jo origjinën e mallit e zë Greqia. Në importin e karburanteve grekët kanë fuqinë kryesore në treg pasi nga ky vend importohet 1 në çdo 3 ton naftë që vjen në Shqipëri. Vetëm vitet e fundit kanë filluar importe edhe nga vende të tjera si Rumania dhe Bullgaria por që hasen në kundërvënien e fortë të kompanive që kishin pozita të forta në treg.

Profili
Shoqëria Armo sh.a. ushtron veprimtarinë e përpunimit të naftës bruto të prodhuar në vend dhe tregtimin e nënprodukteve të nxjerra nga ky përpunim. Për përpunimin bashkëvepron me uzinën e përpunimit të thellë të naftës në Ballsh, me kapacitet përpunimin e 1 milion ton naftë në vit dhe me rafinerinë e naftës në Fier, me kapacitet 0.5 milion ton naftë në vit. Niveli i prodhimit të naftës në vend katër vitet e fundit ka qenë mesatarisht 350 mijë ton naftë në vit. Ajo ka rreth 25% të tregut shqiptar të shitjes së gazoilit dhe vendin e parë në tregun e bitumit të lëngshëm, solarit, mazutit, squfurit etj. Fitimi neto për kompaninë “ARMO” llogaritet ne 40 milionë euro ne vit. Qeveria ka plotësuar një kërkesë të hershme të grosistëve të karburanteve duke nxjerrë përfundimisht nga tregu kompaninë vendase të naftës, ARMO por pas privatizimit nafta vendase do të mund të rifutet përsëri në treg pasi teknologjia e re mund ta përshtasë atë sipas kritereve të kërkuara.

E Premte, 27 Prill 2007

 

[forwardi]

Re: Lajme ekonomike!

Një pronar thyen qeverinë në Strasburg

Qeveria vendosi dje të dëmshpërblejë pronarin që fitoi gjyqin për pronën në Strasburg

Qeveria shqiptare ka marrë vendim për të shpërblyer njeriun i cili hodhi në gjyjq shtetin shqiptar për të marrë pronën e tij. Pas peripecishë në gjykatat e Tiranës, famija Beshiri e çoi cështjen në gjykatën e Strasburgut ku dhe fitoi. Kështu, dje qeveria ka nxjerrë vendimin për ekzekutimin e vendimit nr.7352/03, datë 22.8.2006, të gjykatës europiane për të drejtat e njeriut, për çështjen “Beshiri dhe të tjerë kundër shqipërisë”. Kështu,
në mbështetje Kushtetutës, të konventës europiane për të drejtat e njeriut, dhe të nenit 8, të ligjit nr.9645, datë 27.11.2006, “Për buxhetin e shtetit, të vitit 2007”, me propozimin e ministrit të Punëve të Jashtme, Këshilli i Ministrave vendosi ekzekutimin e vendimit nr.7352/03, të datës 22.8.2006, të Gjykatës Europiane për të Drejtat e Njeriut, për çështjen “Beshiri dhe të tjerë kundër Shqipërisë”, në vlerën 126 000 euro. Autoriteti përgjegjës për ekzekutimin e këtij vendimi është Ministria e Financave dhe afati, brenda të cilit duhet kryer ky ekzekutim, është data 12 maj 2007. Shuma prej 126 000 eurosh të depozitohet në njërën nga bankat e nivelit të dytë, në emër të ankuesve “Beshiri dhe të tjerë”, dhe të konvertohet në lekë, me kursin e këmbimit të bankës, ku është depozituar shuma, në datën e çeljes së llogarisë. Shuma e depozituar, të këtij vendimi, e cila do t’i paguhet ankuesve “Beshiri dhe të tjerë”, do të përballohet nga Ministria e Financave, nga fondi i shpronësimeve në llogarinë speciale, përkundrejt paraqitjes të së gjithë dokumentacionit ligjor, të nevojshëm, për kryerjen e pagesave nga buxheti i shtetit.
Historia
Vendimi në fjalë ishte efektivisht për kompensim prone, sepse kështu ishte shprehur edhe gjyqësori shqiptar. Por "Gjykata e Strasburgut ka vlerësuar të pamjaftueshme dhe të paefektshme qëndrimin e autoriteteve shqiptare për realizimin e procesit të kompensimit të pronave, duke pasur parasysh përgjegjësinë e qeverive që nga viti 1993, kur u miratuan aktet ligjore dhe filloi zbatimi i këtij procesi",- thuhet në këtë vendim të Strasburgut. Ky vlerësim i Gjykatës së Strasburgut, në një farë mase ka zhvlerësuar qëndrimin që ka mbajtur politika shqiptare me termin kompensim i pronave, që nga viti 1993 e deri më sot.
Nisur nga këto, vendimi i Gjykatës së Strasburgut për familjen Beshiri, mund të shërbejë si precedent edhe për çështje të tjera analoge, pasi është nënvizuar se "kompensimi i një prone konsiderohet si pasuri e pritshme e ligjshme".

E Shtune, 28 Prill 2007