Kush e ka fajin per aksidentet rrugore ne shqiperi

[atman]

Re: Kush e ka fajin per aksidentet rrugore ne shqiperi

Mirmengjes Dahlia, natyrisht edhe ti policia.
Kisha vendosur te mos habitesha me me policine, por ajo nuk te le rehat. Pershembull, eshte jo pak e çuditeshme kur thote se nuk eshte qeveria qe vendos, apo shenon sinjalet e qarkullimit ne rruge. Po si moj e dashur e nxjerr kete llaf nga goja. Rruga e kujt eshte? E shtetit dhe shteti ka nje qeveri dhe qeveria ben nje tender per ndertimin e rruges dhe firma qe e fiton, nderton rrugen. I biem pak me rrotull. Ti je duke ndertuar nje vile (me rrogen qe merr sigurisht qe shume shpejt do t'ja mbrrish edhe kesaj dite)nje dite firma e ndertimit te thote: e ke shtepine gati policia. Cakerrqejf ti shkon duke tundur çelesat ne dore, kur ç'te shikosh shtepia eshte pa çati! E habiteshme apo jo. Sipas logjikes tende kush e ka fajin? A do ta pranosh ti shtepine pa çati vetem e vetem sepse disa dallaveraxhinj e zorrpafryre duan te vjedhin leket e tua? Jo. Keshtu edhe shteti, nuk ka perse te marre ne dorezim nje rruge te pa mbaruar. Madje ne kontrate duhet shenuar edhe gjobe per mosrespektim afatesh. Nuk ndodh. E kuptoj pse. Si mund te bejne pushime ne Sharm El Sheik nepunesit e shumevuajtur, te shume lodhur, qe i shkrine dhjamrat, me fal energjite, ulur ne kolltuk? Qyqaret funksionare te shtetit shqiptar, perfshi edhe mekanizmat e tyre pa ndergjegje, automate dua te them si policia, ndjekin parimin: kur shikon dike qe pushon, ndihmoje te pushoje.

Ndaj, mos merr ne mbrojtje shtetin kur ai i eshte neshtruar korrupsionit sebashku me policine. Nje polic italian merr tre here ose kater here me shume se ai shqiptar, kostoja e jeteses eshte thuajse ne te njejtin nivel, por asnje nuk shkon dot ne Sharm el sheik, pa le pastaj te tallesh me vjenezet duke thene se si jane keta, kursejne edhe 30 euro. Natyrisht, eshte tallja e atij qe i merr leket qyl, qe nuk di se parate nxirren duke te rene pika e djerses nga bytha, ndoshta kane degjuar si neper endra qe mund edhe me pune. Pune? E ç'eshte puna? Beh! Shikojne te habitur vjenezet qe kursejne 30 euro, sepse pershembull, policia me shoket e grupit i kane ne vend te kartabythjes. E ka thene drjt Dahlia, ata respektojne ligjin, rregullin sepse e kane dashur ate rregull dhe kane aq ndergjegje sa te mos ngrihen kunder vetes. Por kjo qe tregove ti flet per arrogancen qe eshte bere e rendomte te ju aty, sepse kini krijuar idene se kush ka para mund te shkele edhe ligjin. Diku e kisha shprehur kete dhe ti zonje e nderuar e kundershtove. Tashme po shikoj tjetergje. Ke te besoj?

Persa i perket kalimtarit. Ne vendet e qyteteruara, ku shpresoj qe nje dite te beje pjese edhe vendi im, kembesori ka perparesi mbi çdo mjet ne rruge. Ne Itali ato raste kur makina ka shtypur nje kembesor qofte edhe jashte vijave te bardha apo me semafor te kuq, eshte denuar shoferi. Ku qendron logjika e denimit? Kembesori konsiderohet i pambrojtur perballe makines. Eshte njesoj si ti te me godasesh me nje flete libri, une me pushke.

Ah, persa i perket semaforeve. Jane dy te famshem ne qender te Tiranes. Ai te sheshi Skenderbe, ne krahun e djathte te Skenderbeut te pjesa ku bashkohet rruga qe vjen nga korpusi universitar me ate qe vjen nga... si e ka ai monumenti i vene vitet e fundit, ia harroj gjithmone emrin, dua te them dy rruget qe bashkohen ne shesh ajo ne krah te pallatit te kulturesme ate ne te djathte te heroit, aty ndizet njeheresh e gjelbra per te dy drejtimet.
Keto jane detyra te policise e dashur sepse ajo merret me qarkullimin.

Mendoj se policia duhet ta kryeje detyren me mire kur jane kushte te jashtezakoneshme sepse ne raste normaliteti ajo del jashte loje fare. Eshte njesoj si te thuash se ka shume krime per kete e ate arsye ndaj s'mund t'i parandalojme. Une them pikerisht ndaj duhet lodhur menderja, kur s'ka krime çfare beni dridhni zinxhirken?

 

[policia]

Re: Kush e ka fajin per aksidentet rrugore ne shqiperi

pershendetje atman edhe ti dahlia sigurisht...
e para, ma shpjego edhe njehere me qarte ate punen e sharm el sheikut se nuk e kuptova...
ti po me thua qe une bej pushime ne sharm jam nje police e pasur edhe e korruptuar se perndryshe nuk do me dilnin leket?
ma sqaro qe te te sqaroj edhe une se si me dalin edhe me teprojne leket...
nuk marr ne mbrojtje shtetin, nuk marr ne mbrojtje individin thjesht mendoj se gjerat jane te lidhura dhe jane zinxhir...
duke fillu qe nga privati qe punon te rruga e deri tek ai tjetri atje lart...
kete, po thoja, qe faji nuk eshte vetem i shofereve, por edhe i kalimtareve. sigurisht qe kalimtari ka shume faj kur per shkak se ai tenton te kaloje rrugen, nje makine per ta shmangur ate ia fut makines tjeter dhe perfundon ne lane, vdesin 3 veta dhe kalimtari as nuk merret ne pyetje te pakten, po iken rehat ne shtepi pa i hyre nje gjemb ne kembe...
sa per vjenezet ishte thjesht nje shaka, nuk kishte asnje qellim talljeje(se skam arsye, pervecse me behet qejfi qe jane aq te disiplinuar dhe aq te edukuar), dhe nuk e kuptoj kete mllefin tend qe ke per ta kthyer cdo gje qofte edhe nje shaka me apo pa kripe ne nje vorbull te ulet ofendimesh... e ke ne pergjithesi kete gje...por duhet te dish dicka sigurisht qe ata TANI e kane edukate, sepse kalon nga prindi tek femija, pra kane shume vite qe i kane te sistemuara me sanksione dhe me ligje keto pune, ndersa ne po te mos sanksionohemi me gjoba 30 euro e siper keshtu do te vazhdojme, edhe femijet tane keshtu do te vazhdojne po nuk i hyri nje gjemb ne kembe dhe po nuk i iku rroga per te paguar nje gjobe...
sa mire do ishte qe edhe ne shqiperi te ishte 30 euro gjoba per kalimtaret qe hyjne tek semafori kur nuk i takon, por ja qe nuk eshte dhe ky per mua eshte problem...
ja po te jap edhe nje shembull nga italia, ne nje fshat ne veri te italise, nje x person ndertonte nje shtepi dhe betonierja kur kalon prishi cepin e nje rruge, kur them cepin as 30cm nuk ishte prishja, dhe pronari i shtepise u gjobit me 30 000euro gjobe, gjithashtu dhe te rregullonte rrugen sic ishte...pra ja ku dalim te sanksioni. ndoshta me ndergjegje ai italiani edhe mund ta kishte rregulluar rrugen, edhe s'mund ta kishte rregulluar rrugen, por kjo nuk ka rendesi, me ndergjegje pa ndergjegje, funksionon me sanksion...
se mu kujtua prape sharmi, shkoni njehere ne egjipt edhe kalojeni rrugen jashte vizave te bardha dhe do ta shikoni ku do ta gjeni veten, sepse ata si rregull jo vetem qe nuk denohen po ju shtypen jashte vizave te bardha, por edhe per ti cuar ne spital nuk e bejne, pyet informohu edhe me thuaj...

 

[dahlia]

Re: Kush e ka fajin per aksidentet rrugore ne shqiperi

aman s'kam asnje qejf te shkoj per pushime ne nje vend qe ti se viziton dot...ne nje vend ku ti nuk duhet te dalesh nga turma e turistave se perndryshe perfundon shuuuuume larg rrugeve me viza te bardha...nejse secili shkon atje ku i pelqen

policia, se kuptoj dot pse e ke kaq te veshtire te respektosh kalimtarin, deri dje, madje edhe sot ti je kalimtare vete...te gjithe jemi kalimtare ne rruge...nuk e bejme çdo gje me makine...jemi dakort per sanksionet...po me fal si mund ti japesh gjobe nje pensionisti qe kalon rrugen dalngadale kuptohet se eshte i vjeter...dhe per dreq ato mut vizash te bardha jane shume larg?!!! ti je dakort ti vesh 30 euro gjobe gjyshit tend? ti se kalon asnjehere rrugen nese s'ka vija te bardha? se besoj dot...

me fal po makina ka frena!!! pse ti kur shikon nje kalimtar nuk ndalon dot?!!! nuk e ul dot shpjetesine? s'ke asnje arsye te ecesh ne qytet me 90 km ne ore aq me teper s'ke asnje arsye te jesh e nxituar...jo per gje...po ndodh qe s'arrin asnjehere ne destinacion (ok tu drejtova ty por e kam ne pergjithesi), ndoshta ti perdor biçiklete si puna ime

sa per rruget dhe ngushticen e tyre...s'jam dakort as me kete...ça do bejme do shtyjme pallatet te zgjerojme rrugen?!! Sa qytete ka evropa ku rruget jane shume te ngushta?...thjesht ka qarkullim te kontrolluar...thjesht ka semafore, ka prioritet dhe mbi te gjitha MAKINAT NUK ECIN NGA KATER PARALEL si me qene ne autostrade...

ti e di qe ha gjobe dhe nese ti ecen i dehur ne rruge? sa te dehur ka ne tirane qe ecin ne kembe? po sa te dehur ka ne Tirane qe ecin me makine? ai qe ecen ne kembe...thjesht do thyej turinjte e veta se do rrezohet...po ai qe eshte me makine? Sa vete mund te marre perpara? prandaj egziston polica, per te bere kontrolle...per te bere punen qe i takon, jo per te thene..."fajin e ka kalimtari" se nuk ishte aq i shpejte sa te shihte rraketen qe po i afrohej!!!

nje gje eshte e sigurte, jeta e njeriut ne Shqiperi s'ka asnje vlere...absolutisht...
me thuaj mua...
si shteti le komplet rrugen e jugut nga Vlora...ne Sarande...nga Saranda ne Butrint...pa asnje lloj sigurie?!!! sa makina bien ne det?!!! eshte bere normale...
s'kam pare une asnje kontroll policie atje asnjehere...s'kam pare asnjeri te ndertoje barriera...po kam pare vetem kryqe e foto e lule...te njerezve qe kane bere aksident e kane perfundu ne det!!!

kush e ka fajin ketu? mali qe eshte shume afer detit?!

 

[atman]

Re: Kush e ka fajin per aksidentet rrugore ne shqiperi

E dashur policia, kam pershtypjen se ti anashkalon çeshtjet dhe pergjigjesh vetem aty ku te preket interesi.
Persa i perket mllefit, me duket teper e pavend fjala. Ne pergjigjen time s'ka asnje grime mllef (e natyrisht vorbulla e ofendimeve ekziston ne imagjinaten tende)perveç nje analize te cilen u mundova ta bej sa me te qarte qe ti dhe kushdo tjeter ta kuptoje. Me sa duket ti ende sorollatesh.
Mllef; nuk kam arsye te kem sepse nuk di nese ti me ke bere ndonje gje, ose nese ke bere dhe une nuk e di, (loje fjalesh apo jo).
Pastaj mllefi lidhet ose del siper ne ato raste kur posht tij ka funderuar zilia, smira. Kjo me ka munguar tere jeten time dhe ndoshta ne raste mund te jete e vlefeshme sepse i jep shtytje njeriut, sherben edhe si stimul (nxites), por une mire a keq keshtu jam gatuar. Gjithmone e me shume jam zhytur brenda botes time me te mirat e te keqiat e saj dhe gjithmone e me shume i jam larguar smires sepse per mua smira apo zilia nuk jane gje tjeter veç ajo menyre qe misheron ne endrat dhe deshirat e tua, copeza nga jeta e tjetrit. E kam te veshtire te jetoj ne kete menyre. Pelqej te kruhen me thonjte e mij. Kjo do te thote te provosh edhe vuajtje, deshperim, çdo te thote te mos kesh leke te botosh çfare shkruan, etj etj, por nga ana tjeter edhe kenaqesine e te qenit "Une" e mbi te gjitha ate qe ben njeriun te perkore, qe mund ta them si te kenaqesh edhe me diçka qe ekziston jashte mundesive te tua. Te çliron nga stresi, dyshimet, lekundjet, medyshjet etj, e mbi te gjitha nga urrejtja.

Sado te sperdridheh, shakaja tuaj ka nje baze ose themel e cila u lartesua(u be e dukeshme) ne çastin e duhur dhe qe tradhetoi vete ate qe e krijoi. Kjo "shaka" nuk ishte bere nga ti dhe grupi persa kohe ju nuk kishit qene ndonjehere ne Vjene. Provo te qeshesh me nje diçka te tille, duke qene ne tavolinen e nje bari ne Tirane, kur tjetri te te tregoje qe ne Danimarke ka nje shesh ku njerzit qeshin. Nuk qesh. Duhet te shkosh atje qe te qeshesh me te qeshuren e tyre, por me nje ndryshim qe e qeshura tende humb vetine e te qenet e tille dhe shnderohet ne perqeshje. Dhe ju parallinjte e Shqiperise u tallet me vjenezet qe nuk kalonin me semafor te kuq ose aty ku s'ka zeber. Kjo u tradhetoi. Eshte keshtu. Ti tashme mund ta justifikosh, por scripta manent, verba volant, thote latini.

Ndersa ai shembulli me fshatarin qe prishi nje cep rruge, me duket i pavend sepse kudo ka nje rregull qe kur ben punime private po demtove pronen e tjetrit e ne kete rast rruga eshte prone o e shtetit, o e rrethit, ose e komunes, detyrimisht qe demshperblehet.
Perse nuk ndodh ne Shqiperi? Ky nuk eshte argument i temes.
Me vjen çudi qe ende mbron drejtuesin e makines dhe jo kalimtarin. Ja pra keto mendime anapulla nuk lejojne mbarevajtje. Gjate dites ne Milano, kur jam me makine, kaq e kaq here nje kembesor kalon nga njera ane ne tjetren te rruges aty ku s'ka vija te bardha sepse i bie shkurt. Une nuk kam kohe te kerkoj llogari, te gjykoj, nese po ben mire apo jo. E para gje qe duhet te besh eshte ta lejosh, pastaj mund edhe t'i futesh ndonje "coglione" (koqe) nga mbrapa me ze te ulet sepse me ligj edhe gjestet jane te ndaluara, denosh me burg, pra duhet o te ndalosh, ose te ulesh shpejtesine ne ate pike qe te mos e vrasesh tjetrin. Edhe njehere, bejua te ditur kolegeve te tu se kalimtari eshte i pambrojtur perballe makines. Me sa me kujtohet mua, kur isha student ligji thoshte se kur ne nje konflikt tjetri perdor, psh pistoleten kunder gurit edhe pse mund te kete te drejte si piknisje, tejkalon masen e te drejtes dhe denohet per vrasje. Ky ligj qe ekzistonte ne ate kohe, besoj se nuk e ka humbur vleren, aq me shume se me te njejtin thelb funksionon kudo.

Por, t'i kthehemi trafikut. Nuk ka nevoje per devijim sikunder thua ti sepse ne Milano ku hyjne ne dite 1,5 milion makina e qe e dyfishojne numrin e tyre, duke e bere qytetin me te trafikuar te Europes e me rruge te tilla historike, te ndertuara ca ne lashtesi e disa ne shekuj me afer, do te behej kerdia.

 

[policia]

Re: Kush e ka fajin per aksidentet rrugore ne shqiperi

o zot nuk e di edhe sa here te tjera duhet ta perseris qe une them se faji nuk eshte vetem i shoferave por edhe i kalimtareve, pra kane faj te dyja palet, jo vetem njera pale pra shoferat...
nuk ma ndjen fare se ku shkon ti Dahlia me pushime, thjesht te mora nje shembull nga bota, sepse ju me thate qe ne asnje vend te botes nuk ndodh kjo...
jam shume dakort qe ti hap rrugen te gjitheve duke filluar qe nga gjysherit, xhajet, katundaret, qytetaret, edhe qeneve kur me dalin perpara, nuk kam asnje lloj kompleksi, (une te pakten personalisht), qe meqe kam perparesine te mos hap rrugen, se ne fund te fundit jam une ajo qe do pergjigjem neser perpara ligjit, te pakten me kete lloj ligji qe kemi deri tani...
shyqyr qe me gjetet mua te nxirrnit mllefin...
jo dahlia nuk mund te zgjerosh rrugen,por mund te behet nje nenkalim qe nga fillimi i tiranes me 2 ose 3 degezime nentoke, ose psh te ndalohet hyrja e makinave te medha mes per mes tirane, per to sic e ka gjithe bota ka rruge te tjera, dhe nuk eshte nevoja te kalojne ne mes te bulevardit (se jena bere eksperte nga halli), duhet fillu me mendu per parkimet publike dhe jo anes rrugeve (duke qene se bllokojne trafikun)...
nuk mund te mbulohet cdo pellembe toke me police moj Dahlia, qe te te bejne ty te kujtohesh per rregullat e qarkullimit rrugor...

 

[policia]

Re: Kush e ka fajin per aksidentet rrugore ne shqiperi

atman te kam bere nje pyetje me lart dhe ti nuk je pergjigjur...
e shoh qe e ke problemin me parellinjte e shqiperise dhe me vjen keq qe nuk te ndihmoj dot, megjithese nuk ma kerkove...
une nuk kam asgje se cfare te anashkaloj se mua nuk me djeg miza fare per trafikun ne shqiperi, thjesht me vjen keq si qytetare e ketij vendi dhe stresohem si shofere dhe kalimtare e po ketij vendi...
e para njehere, ate punen e shakase e bere terkuze, u bere bajat, tani e di ti qe ishte shaka apo e di une qe ishte shaka, (apo kjo eshte pjese e imagjinates tende) kjo nuk po merret me vesh, megjithate ti duhet ta dish me mire...
se me ke kam qene une ne vjene ti nuk e di, ndoshta nuk kam qene me ate grupin mafioz shume te rrezikshem dhe pareli te policise, po mund te kem qene me nje grup qe nuk ka lidhje me policine...
mendimet e mia jane thjesh personale qe nuk kane lidhje as me punen time as me pasurine time, prandaj ben mire te mos i fusesh fare ne keto diskutime komplet pa buke dhe pa mend qe po ben...
shyqyr qe une bera kete shaka qe ti menjehere e kuptove fytyren time te vertete.
une nuk e kam zakon te sperdridhem prandaj ki pak me kujdes me personat qe hyn ne diskutim se edhe mund ti fyesh (nese ky nuk eshte qellimi yt kuptohet)...
me vjen shume mire qe nuk je smiranjoz, por kjo eshte per veten tende dhe mua nuk me intereson fare kjo gje...
nese ty nuk te pelqen mendimi im (qe une i bej me faj te dyja palet), pune e madhe, une them mendimin tim ti thuaj tendin, cfare problemi ke nuk e kuptoj, apo ti ke problemin me paret e mia dhe me punen time...
gjithe te mirat i dashur atman

 

[Kondrapedali]

Re: Kush e ka fajin per aksidentet rrugore ne shqiperi

Ajo puna e këmbësorit është pak si e koklavitur dhe mendësia në Shqipëri tejet e gabuar.

Kur një këmbësor të del përpara në mes të rrugës shoferi NUK ËSHTË fajtor pasi këmbësori konsiderohet se ka një arsye dhe se arsye thotë që mos dil para makinës se nuk fiton dot.

Kur një shofer mundohet të shmangë një këmbësor dhe humbet drejtimin e mjetit dhe ky i fundit merr përpara një familje, burrë, grua dhe nja 2-3 kalamoj, e cila sakatohet ose zhduket atëherë ky shoferi a e ka kryer drejt detyrën si shofer? Sipas llogjikës të një pjese këtu, PO. Por është gabim pasi panvarësisht nga qëllimet fisnike për të shpëtuar një jetë njeriu, shoferi në fjalë, shkatërroi jetën e një familje të tërë.

Pra, kur këmbësori nuk ka men e nuk gjykon, shoferit ti bohet parakolpi top e frenat zamk...

 

[atman]

Re: Kush e ka fajin per aksidentet rrugore ne shqiperi

Para dy ditesh ne Tirane ndodhi nje aksident i rende automobilistik. Perplasen nje autoveture dhe nje fuoristrade. Vdesin 3 vete e plagosen 4 te tjere.
Aksidenti ndodhi ne oren 4 te mengjesit. Ne kryqezim rugesh thuajse ne qender te kryeqytetit.
Midis te plagosurve edhe dy kembesore!!! Sfigato, (pafat - nje pershtatje me shume se perkthim)do te thoshin ne Itali. Dy kalimtare ne kembesore dhe per me teper ne oren 4 te mengjesit. Duket se Tirana pikerisht ne oren kater te mengjesit e paska numrin me te madh te kembesoreve.
Gje qe i ngarkon me faj edhe pse shoferi i Land Roverit ishte i dehur dhe i jepte makines me shpejtesi te madhe(sipas njofitimeve te policise)dhe nuk respektonte asnje norme te kodit rrugor.

Sa automobiliste shqiptare ne oren 12 te drekes jane ende esell, po ne oren 18, po pas ores 22? Kete duhet te verifikoje policia.
Kembesoret nuk kane asnjehere faj. Me fenomenin e atyre qe kalojne rrugen aty ku nuk ka vija te bardha apo edhe ne semafor kur i kap ngjyra e kuqe, ndeshemi çdo dite, por askush nuk i jep gaz makines, perkundrazi, e ngadaleson ose e pret madje e fton edhe me dore, me miresjellje qe te kaloje kur eshte duke pritur. Per shqiptaret me sa duket jane te panjohura ende keto rregulla miresjelljeje. Ndoshta ndonje ketu flet edhe per qellime fisnike por eshte kaq i paditur ne kete fushe sa mohon edhe faktin qe: Kembesori ka perparesi mbi te gjitha mjetet e trasportit, duke filluar qe nga biçikleta e perpjete. Ky rregull ben èpjese ne kodin rrugor, te pakten ne shumicen absolute te vendeve europiane. Madje, ndoshta tingellon edhe si paradoks, por, ne rast se ndodh nje aksident dhe ti nuk ndalon per te dhene ndihme dhe iken ne punen tende, (edhe pse nuk je shkaktar, por thjesht deshmitar) denohesh penalisht ne rast se pikaset prania tende ne ate çast. Ky eshte nje nga ligjet e tjera qe ka kodi rrugor italian.

Ndaj, per te shmangur aksidentet ne rradhe te pare duhen ndergjegjesuar automobilistet.

* * *

Ne kete teme e kisha mbyllur diskutimin sepse e quaja te ezauruar mendimin tim. Por kjo fatkeqesi me nxiti te futem ne teme dhe aty ndesha ne çfare shkruan e fameshmja polici ne adrese time. Cfare ndjej, eshte vetem perbuzje, zakonisht e provoj per njerez qe kur nuk kane asnje argument ne dobi te temes e kerkojne ate te pakten ne dobi te vetes dhe kur u mungon, e sajojne. Mjafton qe te "ngaterrojme ujrat". Shpesh kjo gje nuk ka asnje pasoje, perveç rasteve kur fjaleshkruesi me teper shpif dhe trillon duke vene ne perdorim ate qe kane me te mire dhe me me vlere, dmth nje fantazi te semure. Sikurse ne rastin e policise.
Fillimisht mendova se mos kisha ngaterruar teme dhe flitej per parallinjte e Shqiperise. Ndaj kerkova ne ato qe kisha shkruajtur ndonje dalje nga tema. Jo. Asgjekundi, dhe po asgjekundi nuk hasa ndonje diskutim ne lidhje me keta parallinj. Po atehere, perse policia kercen pupthi ne kete hu duke harruar se mund edhe te mos e kete llogaritur mire largesine e t'i ngulet? Perse ajo mbrrin ne perfundimin se Atmani i urren parallinjte e Shqiperise? Cfare ka te vertete ne gjithe kete ngrehine prej rere pas te ciles ajo nuk ndalet por e thellon fyerjen?

Analizojme.
E para, tema nuk eshte per parallinjte.
E dyta, po, po kthehem shume mbrapa ne kohe per te kujtuar nje episod qe hedh drite mbi qellimin e policise.
Shume vite me pare kam qene ne plazh te Currilat. Siper meje, ne katin e dyte te atyre qe ne dikur i quanim vila ishte nje familje tiranase dhe kishte nje çupe aty te 17-18 vjeç. Nje dite, ne kohe dreke, ndersa po rrija ne ballkon dhe prisja te me ftonin per te ngrene, u degjua sinjali thuajse aq i njohur dikur qe lajmeronte oren. Vajza qe ishte ne rruge, posht ballkonit, thirri te jemen dhe kur ajo doli, i tha: Mami ishte kaseta apo radioja? Kam qeshur. Naive ose pordhe, cilen damke t'i vija? Ndoshta te dyja bashke, ose me shume pordhe. Desh te tregonte qe kishin magnetofon. Kaq.
Tashme policia, kur me thote se une urrej parallinjte e Shqiperise!(Kushedi nga e peshkoi kete ide kaq brilante) desh t'i tregonte forumit se ajo ben pjese pikerisht ne ta - te parallinjte e Shqiperise. (nena ime, ende sot e kesaj dite thote per raste analoge: ruaju nga zengjini i ri, ta pranojme per nje çast qe policia eshte paraleshe.)
Po, a eshte me te vertete ajo nje paraleshe? Sinqerisht dyshoj. Pse? Diku thote se ajo ka dy diploma universiteti. Dy diploma universiteti dhe punon ne polici? Teper e pazakonte.
Paralleshe dhe punon ne polici!!! Shume shume shume e pazakonte. Ose nese...
Me tej. Kerkojme rastet te tjera identike.
Te njejten gje, ajo e ka bere edhe ne tema te tjera. Gjithmone eshte munduar te tregoje se ku ka shkuar, çfare ka pare, madje edhe duke flijuar veten, duke shprehur edhe budallalleqe ose nje padituri kaq te madhe sa dy diplomat nuk barazohen me njohurite e nje nxenesi te klases se peste, qe meson gjeografine fizike. E kam fjalen per ate temen e peshqve ku zonja ne fjale thote nje budallallek dhe qe Dahlia ia ka kthyer pergjigjen e duhur. Ne fakt, jo, nuk ishte qellimi te fliste per peshqit, por thjesht te thoshte se kishte qene ne Sharm el sheik. Kete e beri duke thene nje budallallek. Sepse dihet qe flora e fauna jane ne vartesi te pozites gjeografike e te kushteve klimatike.
Nje rast tjeter eshte kur thote se Budapesti eshte me i bukur se Vjena. Mund te mos e veme ne diskutim sepse eshte edhe pune shijesh, por, tingellon paksa si lajthitje edhe kjo gje e cila ne vetvete zbulon deshiren per te na thene se ka qene si aty si ketu.

Jam i bindur se ketu ne forum ka kaq shume pjestare qe kane pare andej ketej boten, por nuk kam lexuar ndonje qe te gjeje edhe menyrat me paradoksale qe te na vere ne dijeni, duke flijuar edhe dy diplomat ne deklarime te budallalleqeve kaq klasike e per me teper duke u munduar te fyeje tjetrin ne interpretime qe s'kane te bejne me te verteten. Eshte nje e mete tjeter, ose nje pamundesi mendore per te konceptuar drejt.

 

[Kondrapedali]

Re: Kush e ka fajin per aksidentet rrugore ne shqiperi

atman. Jam shumë dakort me ato që thua për rastet të cilat i ke sjellë si shembull apo për analogjitë e tjera ku faji dihet që është i shoferit. POR, shoferi është fajtor vetëm atëherë kur nuk ka rrespektuar rregulloren (pra ligjin). Nëse këmbësori tregohet i pakujdesshëm e del para makinës pa i dhënë mundësi shoferit ta evitojë ME SIGURI, pa vënë në rrezik jetën e të tjerëve (se pastaj ç'u pa), atëherë më qafë pastë veten. Kjo është e vërtetë në Itali, Francë, Kinë, etj.

Nuk më duket se diskutimi po sillet rreth faktit që shoferi duhet apo jo ta marrë në shënjestër këmbësorin kur ky i fundit hedh këmbën në rrugë. Fakti që këmbësorët në Tiranë e kalojnë rrugën ku t'u teket sigurisht që rrit shanset për tu aksidentuar.

Megjithatë, në Shqipëri, mendoj se këmbësorët janë fajtorë për ndoshta 10% të aksidenteve, 30% është faji i sinjalistikës e i infrastukturës e kusuri është faji i trimave që u hudhën nga gamori n'foristrad.

 

[gangsterja]

ka raste qe djemte bejne aksidente me makina pasi shpeshhere ua marrin mendt gocat e bukura,por ne shume raste edhe pija dhe drogat ndikojne.