Konti i Monte Kristos!

peson · 6 Feb 2005

Re: Konti i Monte Kristos!

Të afërmit e pronarit të dyqanit, Njazi Jumës, tregojnë se kontrata e qerasë është firmosur nga një femër

Një grua në tunelin e arratisë nga 302

Juma: Gruaja u prezantua si bashkëshorte e Agim Lekës. Policia: Përdorën emra të rremë

SHEKULLI

TIRANË- Organizatorët e arratisjes së të dënuarit me burgim të përjetshëm kanë bashkëpunuar me një grua, për të realizuar qëllimin e tyre. Kontrata e qerasë është firmosur prej Njazi Jumës, pronarit të dyqanit përballë burgut 302 dhe një gruaje, e prezantuar si bashkëshortja e Agim Lekës. Burime të policisë bëjnë të ditur për gazetën “Shekulli” se emrat që janë përdorur për marrjen me qera të dyqanit përballë burgut të sigurisë së lartë, janë të rremë. Sipas të njëjtave burime, thuhet se personat që kanë lidhur këtë kontratë, kanë përdorur emra të rremë, për të mbuluar kështu çdo gjurmë që ka të bëjë me zbulimin e autorëve të hapjes së tunelit nga dyqani i luleve drejt burgut 320. Kontrata e qerasë që Njazi Juma ka dorëzuar në mjediset e komisariatit numër 3 në Tiranë, është juridikisht e pavlefshme, pikërisht për këtë arsye: qeraxhinjtë kanë nënshkruar me emra të sajuar. Emri i gruas që ka nënshkruar kontratën ka rezultuar i rremë, pas verifikimeve të policisë, ashtu si edhe emri i “bashkëshortit” të saj, Agim Leka.
Gruaja misterioze
Të afërmit e familjes Juma as që kanë dyshuar se qeramarrësit kishin përgatitur një plan spektakolar tejet të studiuar. Burri rreth të 60-ave është bindur nga oferta e çiftit që donte të merrte me qera dyqanin, e kaq i ka mjaftuar për të firmosur një kontratë 3-vjeçare me ta. Kunata e Njaziut, Sanija, tregon për “Shekullin” se qeramarrësit janë shfaqur rastësisht. Pesë muaj më parë, Njaziu kishte vendosur në xhamat e dyqanit një njoftim për dhënien e ambientit me qera. Fill pas këtij njoftimi, tek ai është paraqitur një grua e cila nuk i ka lënë asgjë për të dyshuar. “Ishte një grua mëse normale, e cila nuk linte shkas për të dyshuar. Veç kësaj, tha se banonin në Tiranë dhe se këtë aktivitet, do ta ushtronte me burrin e saj”,-thotë për “Shekullin” kunata e Njaziut. Ajo shton se kontrata është nënshkruar me emrin e gruas dhe më pas është shfaqur “bashkëshorti” i saj, i prezantuar si Agim Leka. Ka qenë pikërisht ky që është kujdesur për dyqanin. “Fillimisht ata e shfrytëzuan dyqanin si ushqimore, e më pas e kthyen në dyqan lulesh. Ne nuk na interesonte kjo gjë, por pagesa që ai shleu rregullisht deri më tani”,-rrëfen Sanija. Sipas saj, qeraxhinjtë kanë paguar vetëm 3 muaj paradhënie, ndërkohë që në janar kanë dhënë edhe 60 mijë lekë të tjera. “Nuk kanë paguar vetëm qeranë e shkurtit”,-shton e afërmja e pronarit Njazi Juma. Sipas kunatës, mësohet se Njaziu e ka takuar vetëm dy herë personin e njohur si Agim Leka. Ndërsa gruan e ka parë vetëm një herë, atë ditë që u firmosën kontratat.
Plani
Të afërmit e Njazi Jumës thonë se e kanë mësuar gjithë historinë e qeraxhinjve të tij nga lajmet. Kanë mbetur të habitur nga ajo çfarë kishte ndodhur në pronën e tyre, prej nga ishte planifikuar të arratiseshin të burgosurit. Deri para kësaj ngjarjeje, Njazi Juma e ka konsideruar veten me fat që e kishte dyqanin përballë komisariatit të policisë dhe burgut 302. Kjo, për faktin se nuk i është dashur të bënte as investimin më të vogël për të siguruar pasurinë e tij. “Në dyqanet tona nuk ka patur as qepena dhe as roje, sepse fakti që ishim përballë policisë bënte që askush mos të guxonte të vidhte. Por me këtë që ndodhi nuk di ç’të them. E konsideroja pronën tonë si vendin më të sigurt në Tiranë”,-thotë kunata e Njazi Jumës, Sanija. Përgjatë këtyre pesë muajve, Njaziu ka shkuar rrallë në dyqan, për faktin se ishte parapaguar prej qeraxhinjve. Nga ana tjetër, shfaqja serioze e çiftit nga Vlora dhe nënshkrimi i kontratës për 3 vjet e kanë siguruar atë se prapa tyre nuk kishte qëllime të këqija.

06/02/2005

peson · 6 Feb 2005

Re: Konti i Monte Kristos!

Leka i Vlorës, nënoficer në Pashaliman

TIRANË- Verifikime në Vlorë, për planin e arratisjes prej burgut 302. Gjatë dy ditëve të fundit, punonjësit e policisë së Vlorës kanë zbuluar se në këtë qytet ka vetëm një person me emrin Agim Leka, i cili punon si nënoficer në bazën e Pashalimanit. Sipas drejtorit të policisë së Vlorës, Josif Shtëmbari, nuk është shoqëruar asnjë në polici për këtë ngjarje, por është verifikuar një tjetër person që ka emrin Agim Leka. “Ky person punon në Marinë, në bazën e Pashalimanit, por nuk ka asnjë lidhje me qeraxhinë e dyqanit të luleve”,-është shprehur për “Shekullin” drejtori i policisë së qytetit bregdetar. Mësohet se Agim Leka është nënoficer në Marinë dhe punon prej vitesh në këtë bazë. Sipas burimeve nga distrikti detar i Vlorës, ai nuk është shkëputur asnjë ditë nga puna, e është vërtetuar se nuk ka asnjë lidhje me planin e arratisjes së Gaxhait nga burgu 302 në Tiranë. Ky verifikim ka bindur hetuesit e çështjes se bashkëpunëtori në planin e organizuar më së miri, ka përdorur emër dhe gjeneralitete të rreme për të marrë me qera dyqanin përballë burgut 302. Kjo gjë ka shtuar dyshimet në zbardhjen e çështjes, për vetë faktin se lidhja e tij me Gaxhain është bërë për shkak të vendlindjes së Lekës. Nga ana tjetër, policia e Vlorës nuk ka zbuluar asnjë person tjetër me emrin Agim Leka, gjë që ka vështirësuar hetimet e mëtejshme për planin e arratisjes më të organizuar e më me shpenzime në vendin tonë.

5

Plani i arratisjes nga burgu 302 dyshohet të ketë filluar 5 muaj më parë. Në këtë kohë, i prezantuari si Agim Leka ka marrë me qera dyqanin përballë burgut të sigurisë së lartë, prej ku fillonte tuneli

60

Mijë lekë të reja në muaj qera ka paguar çifti i rremë për tre muaj. Ata kishin nënshkruar një kontratë për 3 vjet, me pronarin e dyqanit përballë burgut të sigurisë së lartë, Njazi Jumën

11
Metra i gjatë është tuneli i hapur nga bashkëpunëtorët e planit të arratisjes. Tuneli fillonte pas banakut të dyqanit të luleve dhe mbaronte në afërsi të mureve rrethuese të burgut 302 në Tiranë

27
Fundi i tunelit nëntokësor të hapur ishte 27 metra larg qelive të të dënuarve. Sipas zyrtarëve, tuneli kishte mbërritur në oborrin e repartit, por duhej sërish punë për ta çuar atë në një qeli

06/02/2005

peson · 6 Feb 2005

Re: Konti i Monte Kristos!

Kontrata e qerasë, në duart e hetuesve

TIRANË- Njazi Juma është ndër të parët persona që është marrë në pyetje nga agjentët e policisë kriminale të komisariatit numër 3, që kryen hetimet e para në vendngjarje. Burri rreth të 60-ave ka rrëfyer në polici takimin e parë dhe të vetëm me gruan misterioze, që ka firmosur kontratën e qerasë. Madje, një kopje e kësaj kontrate ndodhet tashmë në duart e hetuesve të çështjes. Gjithçka që dinte, Njazi Juma i ka dëshmuar në polici. Kontaktin me organizatorët e arratisjes, afatin e dhënies me qera të dyqanit si dhe shumën e parave që merrte prej tyre çdo muaj, Juma i ka përshkruar me detaje para agjentëve të policisë. Ai ka pohuar në mjediset e komisariatit numër 3 se kishte kontakte të pakta me këta persona, madje nuk dyshonte aspak për qëllimin që fshihej pas biznesit të tyre. Juma ka qëndruar pak orë në polici, duke u siguruar hetuesve të çështjes emrin e të dyshuarit si organizator të planit të arratisjes, Agim Lekës, emër i rremë ky pas verifikimeve të policisë.

06/02/2005

peson · 6 Feb 2005

Re: Konti i Monte Kristos!

Gaxhai mohon planin e arratisë 

TIRANË- Gazmend Brraka nuk ka pranuar të jetë organizatori i planit të arratisjes prej burgut 302. Burime pranë burgjeve pohojnë se kanë pyetur gjatë ditës së djeshme të dënuarin me burgim të përjetshëm, që dyshohet si organizatori kryesor i planit të arratisjes. Por Gaxhai nuk ka pranuar kurrsesi të ketë organizuar arratisjen prej burgut 302. Dyshimet e hetuesve të kësaj çështjeje kishin të bënin pikërisht me këtë të dënuar, jo vetëm duke u nisur nga dy tentativat e mëparshme të tij për t’u arratisur, por edhe nga fakti se qeraxhiu i dyqanit të luleve ishte prezantuar si banor i Vlorës. Por mosarrestimi deri në mbrëmje i qeraxhiut të dyqanit përballë burgut, nuk i ka përjashtuar krejtësisht dyshimet prej të burgosurve të tjerë. Hetimet e kësaj çështjeje ndodhen në duart e prokurorisë, e cila po merret me verifikimet e mëtejshme.

06/02/2005

peson · 6 Feb 2005

Re: Konti i Monte Kristos!

Plan i ri masash për sigurinë në burgje

TIRANË – “Të dënuarit të marrin aq sa u takon, aspak më shumë”. Në këtë konkluzion kanë arritur drejtuesit e burgjeve në vend, gjatë takimit të djeshëm me zv.ministrin e Drejtësisë, Anastas Duro. Mbledhja e parashikuar që më parë, për emërimin e dy drejtorëve të rinj të Burgut 325 dhe të atij të Rrogozhinës, e ndërroi dje rendin e ditës, pas ngjarjes së pazakontë të zbuluar mëngjesin e së premtes. Motoja e mësipërme, përcaktoi në mbledhje edhe qëndrimin strikt të punonjësve të burgjeve, që duhet të mbajnë tani e tutje me të burgosurit. Në këtë mbledhje urgjence, ku i pranishëm ishte edhe drejtori i Përgjithshëm i Burgjeve, Ëngjëll Hysi, u përcaktuan edhe masat e reja të sigurisë në burgje, të urdhëruara një ditë më parë nga ministri i Drejtësisë, Fatmir Xhafaj. Në lidhje me këtë temë, ministri Xhafaj, ishte shprehur se do të kërkonte edhe miratimin e qeverisë për vënien në zbatim të një sërë masash në rritjen e sigurisë në burgje. Njëkohësisht, për realizimin e sigurisë së nevojshme në institutet e vuajtjes së dënimit, të pranishmit në mbledhje kanë kërkuar dje edhe mbështetjen dhe koordinimin e punës edhe me struktura të tjera të shtetit, përveç policisë, gjykatave dhe prokurisë. Ngjarja që i vuri para përgjegjësisë krerët e drejtësisë dhe të burgjeve, vetëm falë rastësisë, shkoi në të mirë të punës së tyre. Një sinjalizim i siguruar solli kontrolle të rrepta në mjediset e jashtme të 302-shit, ku edhe u zbulua plani, ndoshta më spektakolar i bërë ndonjëherë në vendin tonë. Brenda pak kohe, u zbulua se nga dyshemeja e një dyqani lulesh, i cili gjendet 27 metra larg qelive të të dënuarve, fillonte një kanal rreth 11 metra i gjatë, i drejtuar për nga burgu.

06/02/2005

peson · 6 Feb 2005

Re: Konti i Monte Kristos!

Të dënuarit, nën masa të rrepta

Shekulli

TIRANË- Përveç njerëzve të shumtë dhe masave të rrepta në mjediset e jashtme të burgut 302, autoritetet e burgjeve në vendin tonë kanë “shtrënguar” të dënuarit që ndodhen në qelitë e burgut të sigurisë së lartë. Sipas burimeve pranë drejtorisë së Përgjithme të Burgjeve, fillimisht është organizuar një kontroll i rreptë, që kishte si qëllim numërimin e të gjithë të dënuarve që vuajnë tek 302-shi. Pasi kanë vënë re se nuk mungonte asnjë i dënuar, punonjësit e këtij burgu kanë shtuar masat e sigurisë, përtej asaj që dukej, nga rruga “Mine Peza” në Tiranë. Gjatë ditës së djeshme, të gjithë të burgosurit janë mbajtur nën mbikqyrje nga forca speciale të policisë, të cilët shkuan në vendngjarje pas situatës së krijuar. Pasditen e djeshme, zyrtarët e drejtorisë së përgjithshme të Burgjeve pohuan se gjendja në mjediset e burgut 302 ka qënë krejtësisht normale. Të dënuarit nuk kanë demostruar asnjë shenjë revolte, ndaj asaj që po ndodhte jashtë qelive të tyre. Ndërkaq, edhe në mjediset e burgut kanë filluar hetimet, për të saktësuar organizatorët e brendshëm të planit të arratisjes, të zbuluar në kohë nga punonjësit e repartit 302.

06/02/2005

peson · 6 Feb 2005

Re: Konti i Monte Kristos!

Gaxhai

S6T6N6 · 6 Feb 2005

Re: Konti i Monte Kristos!

pak kohe me pare...

E Enjte, 15 Gusht, 2002

Hetuesit zbulojnë të gjitha detajet e tentativës së shtatë të burgosurve të rrezikshëm për të dalë nga burgu 302

Gaxhai, ja skema e plotë e "arratisjes"

Plani që nisi me miqësinë mes dy qelive fqinje dhe që dështoi nga një trokitje fatale

TIRANË- Zbulohet skema e detajuar dhe lëvizjet e shtatë të burgosurve që rreth një javë më parë tentuan arratinë nga Burgu 302. Burime nga Prokuroria e rrethit Tiranë dhe Drejtoria e Përgjithshme e Burgjeve kanë pranuar që të tregojnë me imtësi se çfarë ka ndodhur në dy qelitë e burgut dhe si dështoi tentativa e shtatë të burgosurve të kryesuar nga Gaxhai dhe Viktor Ymeri. Njerëzit që kanë parë vendin e ngjarjes pak minuta pas zbulimit të tentativës për t'u arratisur dhe kanë marrë në pyetje vetë të burgosurit, kanë pranuar që të rrëfejnë dje për "Shekullin" të gjithë ngjarjen. Sipas tyre, gjithçka kishte filluar me futjen e sharrës në qelinë numër 11 në katin e tretë të Burgut 302 në kryeqytet. Kjo ka qënë edhe pikënisja e të gjithë planit të arratisjes.
Sharra
Qelia e Gaxhait dhe e Ymerit ishte e parafundit në korridorin e katit të tretë të burgut. Për të dalë jashtë tij ata duhet të kalonin në qelinë ngjitur, qelinë e fundit, e cila ndahej nga një mur me Degën e Ruajtjes së Objekteve. Pasi planifikuan gjithçka, Gaxhai dhe Ymeri filluan që të zinin miqësi me bashkëvuajtësit e tyre në qelinë ngjitur. Për këtë gjë ata u ndihmuan edhe nga fakti që në atë qeli ishte edhe shoku i tyre Taulant Balliu. Te trë këta ishin të dënuar me burgim të përjetshëm dhe nuk kishin asgjë për të humbur nëse tentonin arratinë. Propozimi u pëlqeu edhe katër të burgosurve të tjerë, Islam Veshti, Genci Hamzai, Ylli Hasanaj dhe Artan Xhixha. Me anë të fletës së sharrës që kishin siguruar të burgosurit filluan që të sharronin kokën e krevatit ku flinin gjumë. Duke bërë një punë "shumë të mirë artizanale" ata arritën që me kokën e krevatit të krijonin dy vegla tepër të nevojshme për të gërmuar murin e qelisë, një kazmë dhe një levë. Kazma ishte një pjesë e hekurit të krevatit në formën e gërmës T. Për ta bërë sa më efikase këtë vegël pune, ata e kishin prerë hekurin në mënyrë tërthore, kur kërë që në fund të tij të krijohej një majë. Ndërkohë, pjesën tjetër të hekurit që kishte tepruar ata e kishin bërë si një levë. Me këto dy mjete artizanale, të ndihmuar edhe nga fleta e sharrës të burgosurit do të tentonin arratinë.
Muri
Si pikën më të dobët të qelisë së tyre Gaxhai dhe Ymeri kishin gjetur murin e banjës. Kur është rikonstruktuar ky burg, në secilën qeli është ndërtuar dhe një banjë, në mënyrë që të burgosurit të mos lëvizin shpesh nga qelia e tyre. Banjot e dy qelive që janë pranë njëra-tjetrës, në rastin konkret qelive 10 dhe 11, ndahen vetëm nga një mur me tullë teke. Kjo tullë nuk është e vogël por është tullë me vrima, nga ato që përdoret zakonisht për të ndërtuar shtëpitë normale. Gjithashtu pozicioni ku po bëhej vrima ka qënë tepër i favorshëm për të burgosurit. Ata mjafton që të mbanin derën e banjës mbyllur dhe asnjë nga rojet nuk mund ta shikonte këtë vrimë. Kjo pasi rojet zakonisht kontrollonin vetëm duke parë nga dritarja e vogël e qelisë. Edhe në rast se bëhej ndonjë kontroll i brendshëm, rojet nuk para hynin për të parë në brendësi të banjës. Pasi krijuan "veglat e punës" të burgosurit nuk e patën të vështirë të të çanin murin ndarës të dy qelive dhe të komunikonin lirisht ndërmjet tyre. Vrima e hapur prej tyre kishte një madhësi 40 cm me 40 cm ku trupi i një njeriu hynte lirisht.
Dështimi
Gaxhai dhe miqtë e tij kishin planifikuar që pasi të hynin tek qelia e fundit, të çanin murin tjetër dhe të dilnin në fjetinën e Degës së Ruajtjes së Objekteve, ku sipas informacioneve të tyre nuk kishte njëri. Edhe në qelinë e fundit të burgosurit kishin arritur që të gjenin pikën e dobët. Ata kishin filluar që të çanin murin në një pikë ku roja nuk kishte mundësi që t'i shihte. Vrima ishte bërë në një vënd ndërmjet krevatit dhe komodinës. Aty mjaftonte që të varje një rrobë dhe rojet nuk mund të shihnin asgjë, pasi pjesa tjetër mbulohej nga vetë krevati dhe komodina. Pas kësaj të burgosurit kishin filluar punë të qetë. Fatkeqësisht muri që ndante fjetinën me qelinë e tyre kishte qëlluar i cilësisë së lartë. Ai ishte ndërtuar me dopio-tullë dhe kishte në mes një rrejetë të trashë hekuri. Të burgosurit, duke përdorur veglat artizanale, kishin arritur që të çanin tullën e parë. Aty ata kishin arritur tek rrjeta e hekurt. Me anë të sharrës kishin mundur që të prisnin katër nga fijet e rrjetës, të cilat më pas i kishin përthyer. Kur kishin menduar se gjithçka kishte mbarar Gaxhai dhe miqtë e tij ishin zbuluar. Një nga policët e Degës së Ruajtjes së Objekteve kishte kaluar rastësisht në atë moment në fjetinë. Ai kishte dëgjuar goditjet e të burgosurve dhe kishte sinjalizuar kolegët e tij të Burgut 302, të cilët menjëherë mundën që të ndalonin tentativën për arratisje.

Ened Janina
------------------------------------------------------------------------------------

E Shtunë, 31 Maj, 2003

Gaxhai dhe gjashtë të dënuar pranojnë akuzën e arratisjes

TIRANË – Gazmend Braka, Viktor Ymeri, Taulant Balliu të dënuar me burgim të përjetshëm, Ylli Hasanaj, Genci Hamzaj, Artan Xhixha dhe Islam Veshi, dënuar nga 20 deri 25 vjet burg u paraqiten dje në gjykatë nën masa të rrepta sigurie. Askush prej të dënuarve tashmë të akuzuar për veprën penale të largimit nga vendi i vuajtjes së dënimit të mbetur në tentativë, nuk prishi rregullin në seancën gjyqësore. Unanimisht të pandehurit të përfaqësur nga tre avokatët e caktuar nga gjykata pranuan gjykimin e shkurtuar duke filluar shqyrtimin gjyqësor me aktet që janë në dosje. Të pandehurit nuk ishin dakord që procesi gjyqësor të bëhej i zgjatur pasi gjithçka për ta ishte e qartë dhe e pranueshme. Ata u kapën në flagrancë dhe çdo dëshmitar që do të thirrej para gjykatës do të tregonte vetëm mekanizmin e zbulimit të të dënuarve gjatë tentativës për t’u arratisur nga burgu 302 gjatë kohës së vuajtjes së dënimit. Katër të pandehurit e fundit të dënuar me 20 dhe 25 vjet burg kanë edhe akuzën e moskallëzimit të krimit. Prokurori Besnik Muçi gjatë seancës së djeshme lexoi kërkesën për gjykim. Vepra penale është kryer nga të pandehurit në 7 gusht të vitit të kaluar. Për një kohë gjashtë ditore të pandehurit kanë punuar në ambientet e brendshme të dhomave të tyre duke hapur vrima në muret ndarës. Në datë 9 qershor do të jepen konkluzionet e akuzës dhe më pas vendimi.

A.Çuka

Une nuk kuptoj dot se si perseritet e njejta skeme dhe shteti nuk merr masa per te ndare keta te denuar nga njeri-tjetri duke i stabilizuar neper burgje te ndryshme me te sigurta. Ju kujtoj se Burgu 302 eshte vetem 350 m larg sheshit Skenderbej dhe nuk eshte i sigurise te vecante. Ministria e Drejtesise gabon duke i mbajtur ne ate burg elementet e rrezikshem si Gaxhai, Salihi, Ymeri apo Kociu...

Renea88 · 7 Feb 2005

Re: Konti i Monte Kristos!

zgjidhja me e mire eshte ndertimi i nje dhome me gaz dhe berja e tyre sapun me vone si e gaxhait ashtu dhe te tjereve

RecurrentDream · 7 Feb 2005

Re: Konti i Monte Kristos!

Fillimisht postuar nga Renea88:
[qb] zgjidhja me e mire eshte ndertimi i nje dhome me gaz dhe berja e tyre sapun me vone si e gaxhait ashtu dhe te tjereve [/qb]

Avash me ate gazin ti...

Renea88 · 7 Feb 2005

Re: Konti i Monte Kristos!

pse Pasqyre po te dhimbsen ata pisa apo si

peson · 7 Feb 2005

Re: Konti i Monte Kristos!

Hene, 07 Shkurt 2005

ARRATISJA, NEN HETIM TE BURGOSURIT VIP TE 302-SHIT

TIRANE- Policia merr nen hetim edhe te burgosurit VIP te Burgut 302 ne Tirane. Nderkohe qe jane ndare nga njeri-tjetri ne qeli te vecanta menjehere pas gjetjes se tunelit 11 metra te gjate qe kalonte nen rrugen kryesore "Mine Peza" nga nje dyqan lulesh. Ende ne kerkim dy autoret e germimeve nga Vlora. Burime te besueshme thane per gazeten "KJ" se eshte zgjeruar lista e te implikuarve ne lidhje me arratisjen e famshme te mbetur ne tentative, e cila ishte menduar te realizohej fale tunelit te famshem te zbuluar ne rrugen "Mine Peza". Policia ben te ditur se hetimet kane zbardhur planin e veprimit per arratine dhe perfshirjen e plote te te denuarve, ku pervec Gaxhait (Gazmend Braka), fshihen edhe te tjere. Emrat e personave te implikuar ende uk behen te ditur per faktin se hetimet jane ne fazen fillestare. Gjithashtu ekziston frika se shume persona nese mesojne se jane ne listat e policise, mund te ndermarrin veprime per te shpetuar nga drejtesia. Pjesa me e madhe e te implikuarve jane nga Vlora, dhe nje fakt i tille perforcon me shume idene e nisjes se tunelit per nje nga ish-te fortet e qytetit, Gazmend Braka. Tashme policia, ne bashkepunim me Prokurorine e Krimeve te Renda, e ka marre ceshtjen ne dore, eshte duke kryer hetime, te cilat shume shpejt do te zbardhin te gjithe skenarin e ngjarjes. Drejtoria e Burgjeve ne bashkepunim me policine ka izoluar ne qeli te vecanta per te mos patur asnje mundesi komunikimi mes tyre te burgosurit VIP. Mesohet se te burgosurit jane marre ne pyetje te ndare nga njeri-tjetri. Burime te besueshme thane se deri tani ata kane dhene versionet e tyre per ngjarjen, por nuk jepen detaje te rrefimit dhe deklaratat e tyre. Gjithsesi investigimi i agjenteve kriminale rreth tentatives per arrati nga nje prej burgjeve te sigurise se larte nuk ka perfunduar dhe eshte shtrire ne disa qytete, deri tek pergjimi i telefonave. Gjithashtu po hetohet per te zbuluar menyren e komunikimit mes te burgosurve dhe personave te jashtem, qe kane bere te mundur realizimin e skenarit. Sipas specialisteve, nese ai do te realizohej, atehere nuk mund te llogaritej se sa te burgosur mund te shpetonin. Policia nuk ka arritur te kape shitesin e luleve, Agim Leka, dhe te afermin e tij nga Vlora, qe akuzohen per ndihme ne arratisje duke bere shpimet ne tunelin e nendheshem. Sipas hetimeve te para rezulton se per lirine e Gaxhait jane paguar 200 mije euro, perpos shpenzimeve te tjera.

Krimet per te cilat akuzohen te burgosurit e 302-shit

Gazmend Braka (Gaxhai) - vrasje dhe krijim i bandave te armatosura

Jaho Salihi (Mulosmani) - vrasja e deputetit Azem Hajdari

Sokol Kociu - i denuari kryesor per procesin "Kokaina"

Elidon Kotorri - vrasje dhe armembajtje pa leje

peson · 8 Feb 2005

Re: Konti i Monte Kristos!

I dënuari me burgim të përjetshëm për 5 vrasje, Gazmend Brraka, mohon të ketë “kurdisur” arratisjen nga tuneli

Gaxhai: Nuk ishte ky plani i arratisë që kisha premtuar

TIRANË – Gazmend Brraka mohon të ketë gisht në planin e arratisjes nga burgu 302. “Nuk ka asgjë të vërtetë në atë çfarë është thënë deri tani”. Këto janë fjalët e të vetëquajturit Gaxhai, të transmetuara nëpërmjet avokatit të tij Mark Pëllumbi. “Kam komunikuar me klientin tim nga telefoni i burgut dhe më tha se ishte shumë i revoltuar në lidhje me dyshimet e ngritura kundër tij, për hapjen e kanalit që u gjend në oborrin e 302-shit”, -tha Pëllumbi dje për “Shekullin”. Gazmend Brraka, i dënuar tashmë me burgim të përjetshëm me vendim të formës së prerë, ka në procedim një tjetër gjyq në Gjykatën e Krimeve të Rënda. Në seancën e ardhshme të këtij gjyqi, Gaxhai i ka premtuar avokatit të tij se do të mbajë një konferencë për shtyp për gazetarët, ku do të rrëfejë “pafajësinë” e tij në lidhje me tunelin.
Gaxhai
“Është e vërtetë që klienti im ka thënë se do ta provojë sërish arratisjen, por këtë radhë nuk ka qenë ai që e ka përgatitur terrenin pranë burgut 302”,- thotë avokati Pëllumbi. Ai mohon edhe se klienti i tij kishte qenë në takim special me gruan, ditën e zbulimit të tunelit, më 4 shkurt të këtij viti. “Ky nuk ishte plani i arratisë, që unë kisha premtuar se do ta realizoja”,-mësohet t’i ketë thënë Gazmend Brraka avokatit Pëllumbi, pas dyshimeve të publikuara në media se plani i arratisjes ishte i organizuar nga Gaxhai. Sipas hetimeve të deritanishme, të burgosurit që kishin menduar të arratiseshin nëpërmjet një tuneli të nëndheshëm, që fillonte nga dyqani i luleve dhe përfundonte në mjediset e jashtme të burgut 302. Tuneli i hapur katër metra në brendësi të oborrit të burgut, u gjend rastësisht pas rrëshqitjes së dheut, gjë që u diktua nga njëri prej gardianëve.
Tuneli i arratisë
Gardianët që diktuan tunelin 11 metra të gjatë, kanë lajmëruar menjëherë drejtorin e burgu 302, Petrit Ismailajn dhe me ndihmën e policisë, kanë zbuluar planin e arratisjes. Qeni i policisë, i futur fillimisht në tunel ka provuar se dalja ishte poshtë banakut të dyqanit të luleve. Largësia e dyqanit me qelinë e takimeve speciale ka qenë rreth 30 metra, ndërkohë që kanali ishte hapur 11 metra, 4 prej të cilave kishin hyrë në oborrin e burgut. Pranë burgut 302, vuajnë dënimin numri më i madh i personazheve të ngjarjeve më të rënda në vendin tonë, duke filluar që nga Gaxhai, Jaho Salihi, Agim Pepa, Elidon Kotorri, Sokol Koçiu apo i vetëquajturi “Kartela”. Më i famshmi për tentativat e tij të arratisjes ka qenë Gaxhai, ndaj edhe dyshimet kanë rënë tek ai. Gaxhai ka tentuar të arratisej në mars të vitit 2002, nga burgu i Bënçës në Tepelenë, ndërkohë që largimin e tij e kishte menduar me anë të kërcënimit me armë të gardianëve. Në burgun e Bënçës, Gaxhait dhe Kartelës u janë gjetur një arsenal i tërë armësh dhe municionesh. Ndërsa në gusht të po të njëjtit vit, Gazmend Brraka tentoi të ikte nga burgu 302, së bashku me gjashtë të dënuar të tjera, ndër të cilët edhe Kartela. Për këtë rast arratisjeje, u gjykuan edhe 11 punonjës të burgut, të akuzuar për implikim në planin e arratisjes. “Ngaqë klienti im është njëri prej më të rrezikshmëve në arratisje, kanë menduar se mund të ishte ai që po e kurdiste edhe këtë plan”, -tha dje Pëllmbi, i cili e vlerëson të pamunduar ndërmarrjen e një aksioni të tillë nga Gaxhai. Sipas avokatit, së bashku me disa “të fortë” të tjerë, Gaxhai është i mbyllur në një prej qelive të katit të dytë të burgut 302, “Për të dalë deri në oborr ku u zbulua kanali, atij do t’i duhej të dilte nga qelia, nga kati e nga godina e në njërin prej këtyre segmenteve, do të diktohej”, -thotë avokati Pëllumbi, në emër të klientit të tij, të dënuar me burgim të përjetshëm.

Gazmend Brraka

I njohuri me emrin “Gaxhai” është dënuar me burgim të përjetshëm nga Gjykata e Apelit. Ai u dënua për vrasjen e dy personave, ndërkohë që vazhdon gjykimi për ngjarjet e vitit 1997

TAULANT BALLIU

Njihet si anëtar i bandës së Tan Kateshit. Është dënuar me burgim të përjetshëm, për vrasjen e 5 personave në qytetin e Elbasanit. E ka çuar çështjen në Gjykatën e Strasburgut, për dënim pa avokat

SOKOL KOÇIU

Ish-kreu i policisë gjyqësore është dënuar me 15 vjet burg për trafik kokaine dhe falsifikim të dokumenteve zyrtare. Emri i tij është lakuar pas publikimit të përgjimit Nano-Abdiu

JAHO SALIHI

Është dënuar me burgim të përjetshëm, për vrasjen e deputetit të Partisë Demokratike, Azem Hajdari. Jaho Salihi vuan dënimin në burgun 302, ndërkohë që është në proces për vrasje të tjera

AGIM PEPA

Është dënuar me burgim të përjetshëm vitin e kaluar, për vrasjen e komisarit Gani Malushi dhe shoferit të tij, Gjovalin Ndreu. Pepa ka mundur të shpëtojë për shumë muaj, derisa u vetëdorëzua

08/02/2005

peson · 8 Feb 2005

Re: Konti i Monte Kristos!

Gjurmë gishtash në tunelin e arratisë

Shekulli

TIRANË- Tuneli prej nga ishte planifikuar arratisja më spektakolare e ndodhur në burgjet e vendin tonë i përngjante një miniere të vërtetë. Agjentët e policisë kanë gjetur në tunel llampa për ndriçim, një stetoskop si dhe dy gazeta, të hapura në faqen e fjalëkryqit. Ndërkaq, burime të prokurorisë pohojnë se në tunel janë gjetur gjurmë gishtash, të cilat i kanë kaluar Laboratorit Qendror të Kriminalistikës për krahasim. Sipas burimeve të mësipërme, mësohet se në pjesën e sipërme të tunelit, bashkëpunëtorët në planin e arratisjes kanë vendosur dërrasa për të mbajtur dheun. Në skajin e fundit të tunelit që përkon me oborrin e burgut ka shkarë njëra prej dërrasave, gjë që ka zbuluar planin e organizuar prej muajsh. Kjo gjë kishte shkaktuar rënien e dheut, gjë që u diktua nga gardianët e burgut të sigurisë së lartë në vendin tonë. Tashmë, autoritetet e burgut 302 janë duke punuar për mbylljen e tunelit 11 metra të gjatë, që për pak do të kishte shkaktuar një skandal të vërtetë në sistemin e burgjeve në vendin tonë.

08/02/2005

peson · 8 Feb 2005

Re: Konti i Monte Kristos!

Tuneli, kërkohen tre persona

Shekulli

TIRANË- Tre bashkëpunëtorë të shpallur në kërkim. Zyrtarët e policisë pohojnë se kanë identifikuar tre persona që kanë punuar në dyqanin e luleve përballë dhe i kanë shtuar ata në listën e personave të kërkuar. Identifikimi i tyre është bërë i mundur pas marrjes së dëshmive të tregtarëve në rrugën “Mine Peza”, të cilët pohuan se në dyqan vinin shpesh tre persona. Ndërkaq, qeraxhiu i prezantuar si Agim Leka ka përdorur emër të rremë, ashtu si edhe “gruaja” e tij që ka nënshkruar kontratën e qerasë. Nga ana tjetër, zyrtarët e policisë së Tiranës janë duke kryer hetime lidhur me personin brenda burgut 302, që ka organizuar gjithçka. Dyshimet kryesore kanë rënë mbi Gaxhain, për faktin se ai kishte tentuar edhe dy herë të tjera për t’u arratisur dhe kishte lidhje me Vlorën. Por verifikimi i identitetit të rremë të Agim Lekës ka bërë që hetuesit e çështjes t’i shtrijnë hetimet edhe tek të dënuar të tjerë të burgut të sigurisë së lartë, të cilët janë dënuar me burgim të përjetshëm dhe kanë lidhje me persona me shumë para.

08/02/2005

peson · 8 Feb 2005

Re: Konti i Monte Kristos!

E Marte, 08 Shkurt 2005
KOHA JONE

POLICIA: TUNELI NUK ISHTE VETEM PER GAXHAIN

Rigels Malile

TIRANE- Tuneli i zbuluar para disa ditesh nuk ishte "ekskluzivitet" i Gaxhait. Nje fakt te tille e pohojne burime nga Prokuroria e Krimeve te Renda, te cilat jane duke u marre me ceshtjen me te perfolur te diteve te fundit. Hetimet tashme kane hyre ne nje faze mjaft interesante, ne te cilen jane nxjerre ne pah emra te burgosurish qe jane te implikuarit ne hapjen e tunelit. Sipas burimeve nga prokuroria, nje prej personave me te rendesishem mund te jete Sokol Kociu. Por i denuari i procesit "Kokaina", mund te jete edhe emri kyc i ngjarjes se bujshme. Keto te dhena kane dale gjate marrjeve ne pyetje te personave te ndryshem brenda e jashte burgut, pas vecimit te te denuarve dhe pergjimeve te ndryshme te kryera brenda nje kohe rekord. Ne kerkim vazhdojne te jene dy personat qiramarres te dyqanit te luleve ne rrugen "Mine Peza", perballe Burgut 302 te Tiranes, Agim Leka dhe nje i aferm i tij. Nderkohe qe policia eshte duke hetuar per te nxjerre se kush fshihet pas tij, e se si ka komunikuar me personat jashte qelise. Hetuesit dyshojne se ai dhe Gaxhai mund te kene patur lidhje te forta ne Vlore, ose miqesi te perbashketa ne kohen qe Kociu ka qene ne krye te bluve te ketij qyteti. Policia po merret serish me verifikimin e emrave qe jane dhene nga marrja ne pyetje e personave te cilesuar si te implikuar ne kete ceshtje. Vemendja eshte perqendruar ne pisten e Sokol Kociut, i cili mund te jete nje nga organizatoret e hapjes se tuneli, duke synuar daljen e nje shtrese te caktuar te burgosurish. Nga hetimet e para rezulton se kalimi i nendheshem per te cilin jane paguar 200 mije euro, nuk ka qene i rezervuar vetem per Gaxhain, po per shume nga te denuarit e burgut te sigurise se larte 302, ne kryeqytet. Nderkohe qe sot do te nisin punimet per mbylljen e tunelit qe do sherbente per arratisjen. Policia dhe prokuroria tashme kane perfunduar hetimet ne tunelin 11 metra te gjate, ndersa jane duke mbyllur nje nga nenkalimet me spektakolare te arratisjes se menduar per t'u kryer nga Burgu 302 ne Tirane

peson · 10 Feb 2005

Re: Konti i Monte Kristos!

E Enjte, 10 Shkurt 2005

TUNELI, SHOQEROHEN GJASHTE PERSONA

Rigels Malile

TIRANE- Policia ka shoqeruar paraditen e djeshme gjashte persona, te cilet do te merren ne pyetje per te bere verifikimet e duhura ne lidhje me arratisjen e mbetur ne tentative te te burgosurve te burgut te sigurise se larte 302. Lajmi konfirmohet edhe nga burime zyrtare te drejtorise. Behet e ditur se personat e shoqeruar jane mbajtur prej nje kohe te gjate nen vezhgim dhe tashme do te pyeten ne lidhje me nje perfshirje te mundshme te tyre ne arratisjen nepermjet tunelit te nendheshem. Ky nenkalim ishte hapur nga nje dyqan lulesh ne rrugen "Mine Peza" dhe perfundonte ne brendesi te oborrit te Burgut 302, ne te cilin kryejne denimin e dhene nga gjykata disa prej emrave me te njohur dhe te denuar per vepra te ndryshme penale. Ende nga policia nuk jane dhene detaje ne lidhje me personat e shoqeruar, pasi ceshtja konsiderohet teper sekrete. Policia tashme thote se ka perpiluar nje liste te plote me emrat e personave qe do te shoqerohen ne ditet e ardhshme, por nuk jep detaje ne lidhje me identitetin e tyre. Gjithashtu prokuroria eshte duke kryer verifikime te shumta, me qellim zbardhjen e rrjetit qe do mundesonte arratisjen nga Burgu 302 i Tiranes. Ministri i Drejtesise, Fatmir Xhafaj, gjate prezantimit te tre drejtoreve te rinj, kercenoi me ndeshkime disa prej pergjegjesve te dyshuar qe kane bashkepunuar me autoret brenda burgut. Mesohet se dyshimet kryesore jane mbi persona me banim ne Tirane dhe Vlore, vende ku jane perqendruar edhe hetimet dhe i perkasin gjashte shoqerimet e fundit. Ende nuk ka persona te tjere te shpallur ne kerkim, apo te arrestuar, me perjashtim te shitesit te luleve, Agim Leka, dhe te afermit te tij. Ai shihet edhe si pika kyce e zbardhjes se kesaj ceshtjeje. Por policia duket se do ta kete shume te veshtire te arrije tek qiraxhiu i dyqanit, pasi edhe dokumentet me te cilat ai vepronte ne ambientin e blere dhe nga kane nisur punimet, ishin te falsifikuara dhe me identitet te rreme. Por sipas prokurorise hetimet do te zbardhin te gjithe organizimin dhe kane avancuar ne ate pike sa tashme po verifikohen edhe lidhjet e te burgosurve me personat qe gjenden jashte dhe po zbardhin edhe menyren se si jane paguar parate.

Masat

Mbyllet tuneli

Nje grup specialistesh dhe punetoresh te ndermarrjes se rrugeve kane nisur prej dy ditesh punimet ne Burgun 302 te Tiranes. Objekti eshte mbyllja e tunelit te hapur nga disa persona tashme te identifikuar, me qellim realizimin e arratisjes se disa te burgosurve VIP, por qe deshtoi ne momentet e fundit. Tuneli ishte 11 metra i gjate dhe per te arritur nga oborri i brendshem tek qelite donte edhe 30 metra te tjera. Ministri i Drejtesise autorizoi shperblimin per administraten qe zbuloi tunelin dhe izoluan rastin.

Paralajmerimi

Do ndeshkohen pergjegjesit

Ministri i Drejtesise, Fatmir Xhafaj, nuk harroi qe gjate prezantimit te tre drejtoreve te rinj, te fliste edhe per nje paralajmerim, jo vetem ndaj te implikuarve ne ceshtje te jashteligjshme, per burgjet, por edhe per rastin me te fundit ne Burgun 302 te Tiranes. "Do te ndeshkohen pergjegjesit e bashkepunetoret", ka ctuar ai per mediat. Nderkohe qe sipas drejtorit te pergjithshem te Burgjeve, Engjell Hysi, kjo situate do te merret nen analize.

peson · 26 Feb 2005

Re: Konti i Monte Kristos!

Zbulohet skema e tentativës së arratisjes. Ilirian Braka, kunati i tij, G.Shehu dhe e motra, Silvana, hapën tunelin

Tuneli i arratisë, arrestohet kushëriri i Gaxhait

Ened Janina

TIRANË- Ideatori i planit të arratisjes së Gaxhait nga burgu 302 përfundon në pranga. Agjentët e policisë kriminale të komisariatit numër 3, pas shumë ditë hetimesh, kanë mundur të arrestojnë djalin e xhaxhait të Gazmend Brakës, Ilirian Brakën. Ai është kapur në Allias të Tiranës, ku rrinte në një shtëpi me qera, me akuzën e dhënies së ndihmës për largimin nga vendi i vuajtjes së dënimit. Pas arrestimit të Ilirian Brakës, policia e Tiranës ka zbuluar gjithë skemën e planit të arratisë, për të nxjerrë prej qelisë të dënuarin me burgim të përjetshëm. Sipas burimeve nga policia e Tiranës, mësohet se për këtë ngjarje kanë shpallur në kërkim G.Shehun, personin që mori me qera dyqanin e luleve përballë burgut 302 dhe Silvana Shehun, gruan misterioze që kishte firmosur kontratën me të zotin e dyqanit. Pas arrestimit të Ilirian Brakës, agjentët e policisë kriminale të komisariatit numër 3 zhvilluan një operacion për kapjen e motrës së tij, Silvanës, gjë e cila nuk u realizua.
Zbulimi
Pasditen e djeshme, zyrtarët e policisë së Tiranës kanë konfirmuar se i dënuari që tentoi të arratisej ishte Gaxhai. Menjëherë pas zbulimit të tunelit të nëndheshëm që synonte arratisjen e Gaxhait nga burgu 302, policia dhe prokuroria janë fokusuar në vendin e ngjarjes. Grupi hetimor i çështjes ka verifikuar emrin e personit që kishte marrë dyqanin me qera. Ai ishte prezantuar si Agim Leka, por ka rezultuar se bëhej fjalë për një emër të rremë. Ndërkohë, në sendet e përdorura për hapjen e tunelit janë gjetur gjurmë të ndryshme gishtash. Ekspertiza e kryer disa ditë më vonë tek këto gjurmë gishtash ka treguar se njëra prej tyre i përkiste djalit të xhaxhait të Gazmendit, Ilirian Brakës. Iliriani kishte qenë i dënuar më parë për veprën penale të plagosjes së rëndë dhe për këtë arsye, shenjat e gishtave të tij ndodheshin në skedarin e policisë. Menjëherë pas këtij verifikimi, Ilirian Braka u shpall në kërkim. Ndërkohë, grupi hetimor vazhdoi punën për identifikimin e personave të tjerë që kishin marrë pjesë në organizimin e tentativës së dështuar për arratisje. Nga hetimet e mëtejshme rezultoi se dy personat e prezantuar si Agim Leka dhe bashkëshortja e tij realisht ishin njerëz të afërm të Gaxhait. Kështu ishte Silvana, vajza e xhaxhait të Gazmend Brakës dhe personi i prezantuar si Agim Leka është bashkëshorti i saj, G.Shehu. Të dy këta persona janë shpallur në kërkim, por policia dyshon se shtetasi G.Shehu është larguar jashtë Shqipërisë. Gaxhai akuzohet se kishte organizuar tentativën e tij të tretë për t’u arratisur nga burgu duke përdorur djalin dhe vajzën e xhaxhait si dhe bashkëshortin e kësaj të fundit.
Arrestimi
Menjëherë pas identifikimit të personave që kishin organizuar tentativën e dështuar të arratisjes nga burgu 302 në kryeqytet kanë filluar operacionet e policisë për arrestimin e tyre. Në rrugë operative policia e kryeqytetit arriti që të zbulojë vendndodhjen e Ilirian Brakës, djalit të xhaxhait të Gaxhait. Burimet e policisë pohonin se ai fshihej në Tiranë, ku kishte marrë një shtëpi me qera në Allias. Pas patrullimeve të shumta të zonës, policia arriti që të zbulonte banesën e saktë të Ilirian Brakës. Pasditen e djeshme, u organizua operacioni policor, i cili përfundoi me arrestimin e shtetasit Ilirian Braka në orën 17.00. “Ky shtetas, në bashkëpunim me dy shtetas të tjerë, kanë planifikuar hapjen e tunelit në afërsi të burgut të sigurisë së lartë Nr.302 për t’i dhënë ndihmë shtetasit Gazmend Braka për largim nga vendi i vuajtjes së dënimit”, -thanë dje burimet zyrtare të Drejtorisë së Policisë së Qarkut Tiranë. Sipas tyre, ndaj të tre personave ka filluar procedimi penal për dhënie të ndihmës për arratisje nga largimi i vendit të vuajtjes së dënimit, parashikuar nga neni 324/2 i Kodit Penal.

26/02/2005

peson · 26 Feb 2005

Re: Konti i Monte Kristos!

Tuneli u hap 11 metra në drejtim të burgut 302

E.Janina

TIRANË- Tentativa e tretë e Gaxhait për t’u arratisur nga burgu 302 në kryeqytet është zbuluar mëngjesin e datës 4 shkurt. Plani i Gaxhait dhe njerëzve të tij ishte shumë i thjeshtë dhe efikas, duhej të hapej një tunel nën rrugën “Mine Peza” që të arrinte deri tek dhoma e takimeve speciale. Prej andej Gazmend Braka do të kishte mundësinë që të dilte nga burgu, pasi gjatë kohës që zhvilloheshin takimet speciale policia nuk e ruante të dënuarin. Shtetasi G.Shehu së bashku me bashkëshorten e tij, Silvanën, e cila është edhe vajza e xhaxhait të Gaxhait, kanë ardhur në Tiranë rreth pesë muaj më parë. Ata kanë piketuar një dyqan në rrugën “Mine Peza” dhe pasi kanë kontaktuar me pronarin e tij, Njazi Njuma, i kanë dhënë paratë e qirasë paradhënie për tre muaj. Në kontratën e lidhur G.Shehu është prezantuar si Agim Leka, ndërkohë që ka firmosur bashkëshortja e tij. Për të mbuluar dheun e gërmimeve që duhet të nxirrnin nga dyqani ata hapën si aktivitet një dyqan lulesh. Çdo ditë djali i xhaxhait të Gaxhait, Ilirian Braka, motra e tij, Silvana dhe burri i saj, G. Shehu punonin për të hapur tunelin e nëndheshëm që do t’i shpinte në burg. Deri më datën 4 shkurt ata kishin arritur që të hapnin 11 metra tunel, nga dyqani i luleve kishin kaluar nën rrugën “Mine Peza” dhe kishin hyrë katër metra brenda territorit të burgut. Largësia e dyqanit me qelinë e takimeve speciale ka qenë rreth 30 metra, pra atyre u duheshin edhe disa kohë punë për të realizuar planin e tyre. Ky plan është zbuluar rastësisht nga një gardian që ka parë rrëshqitjen e dheut në oborrin e burgut e më pas ka zbuluar tunelin. Teksa policia shikonte e habitur tunelin e nëndheshëm tre bashkëpunëtorët e Gaxhait janë larguar me shpejtësi nga dyqani.

26/02/2005

peson · 26 Feb 2005

Re: Konti i Monte Kristos!

Gaxhai, tentoi dy herë të arratiset nga 302-shi

E.Janina

TIRANË - Mbrëmjen e datës 6 gusht 2002, një tjetër tentativë arratisjeje është diktuar nga punonjësit e burgut 302 në Tiranë. Gazmend Braka, ose i quajtur ndryshe Gaxhai, i dënuar me burgim të përjetshëm nga Gjykata e Durrësit, nuk ishte i vetëm në momentin e tentativës për arratisje. Pas vetes ai kishte edhe gjashtë të burgosur të tjerë, dy prej të cilëve me burgim të përjetshëm. Plani i arratisjes së vitit 2002 është organizuar nga Gaxhai dhe Viktor Ymeri, i njohur me pseudonimin “Kartela”. Gazmend Braka, Viktor Ymeri, Taulant Balliu, janë tre të dënuar me burgim të përjetshëm, ndërsa Artan Xhixha, Islam Veshi, Genci Hamzai dhe Ylli Hasanaj janë dënuar me 20 dhe 25 vjet burg. Qelia e Gaxhait dhe e Ymerit ishte e parafundit në korridorin e katit të tretë të burgut. Për të dalë jashtë, ata duhet të kalonin në qelinë ngjitur, qelinë e fundit, e cila ndahej nga një mur me Degën e Ruajtjes së Objekteve. Pasi planifikuan gjithçka, Gaxhai dhe Ymeri filluan që të zinin miqësi me bashkëvuajtësit e tyre në qelinë ngjitur. Për këtë gjë ata u ndihmuan edhe nga fakti që në atë qeli ishte edhe shoku i tyre, Taulant Balliu. Te tre këta ishin të dënuar me burgim të përjetshëm dhe nuk kishin asgjë për të humbur nëse tentonin arratinë. Propozimi i pëlqeu edhe katër të burgosurve të tjerë, Islam Veshti, Genci Hamzai, Ylli Hasanaj dhe Artan Xhixha. Me ndihmën e hekurave të kokës së krevatit, ata hapën një vrimë në banjë, e cila u diktua nga një punonjës i Degës së Ruajtjes së Objekteve. Ndërkohë, disa muaj më parë, Gaxhai kishte dështuar në një tentativë për arratisje nga burgu i Bënçës. Në qelinë e tij policia zbuloi një arsenal të tërë armësh dhe lëndësh eksplozive.

Gazmend Braka
I njohuri me emrin “Gaxhai” është dënuar me burgim të përjetshëm nga Gjykata e Apelit. Ai u dënua për vrasjen e dy personave në Durrës, ndërkohë që vazhdon gjykimi për ngjarjet e vitit 1997

ILIRIAN BRAKA
Djali i adoptuar prej xhaxhait të Gaxhait akuzohet se ka ideuar dhe vënë në zbatim planin e arratisjes për kushëririn e tij. Ai është ndihmuar nga i kunati, G.Shehu dhe e motra, Silvana. Pas arrestimit të Brakës, pritet prangosja e bashkëpunëtorëve

26/02/2005

Konti i Monte Kristos!

Primus registratum

Primus registratum

Primus registratum

Primus registratum

Primus registratum

Primus registratum

Primus registratum

Forumium maestatis

Primus registratum

Forumium praecox

Primus registratum

Primus registratum

Primus registratum

Primus registratum

Primus registratum

Primus registratum

Primus registratum

Primus registratum

Primus registratum

Primus registratum