Fillimisht postuar nga 'Neo':
[qb] Pitsburg, 12 prill / - Disa shkencëtarë amerikanë thanë se klonimi i qenieve njerëzore është i pamundur. Arsyeja për këtë është lloji i primateve të strukturës së veçantë të vezëve njnerëzore, të cilat dallohen nga vezët e gjitarëve të tjerë. Një strukturë e tillë veze vihet re edhe tek majmuni. Përpjekjet e shumta për të klonuar majmunët kanë dështuar që të gjitha.
Sipas përfundimeve të botuara në revistën amerikane “Science”, kafshët si delja, miu, lopa etj. mund të klonohen, por për gjitarët e tjerë provat tregojnë se klonimi është plotësisht i pamundur.
Eksperti i universitetit të Pitsburgut Xherald Shaten ka kryer për 6 vjet me radhë punime për kopjimin gjenetik të 700 vezëve të majmunëve, por të gjitha përpjekjet e tij kanë qenë të pasuksesshme. Sipas teknikave të sotme të klonimit, për transferimin e lëndës gjenetike që merret nga një qelizë, qelizës së vezës së majmunit i hiqen proteinat. Mirëpo tek majmuni, njëlloj se tek njeriu, ekzistojnë disa të ashtuquajtuara “proteina kyçe”, heqja e të cilave i hap rrugë problemeve të pazgjidhshme.
Shkencëtarët thanë se “nga qindra eksperimentet e kryera, asnjëri nuk përfundoi me shtatzani”. Sipas tyre, sasia e DNA-së në qeliza nuk u arrit asnjëherë të ekuilibrohet dhe kjo pengoi mbetjen në jetë të qelizave.
Deklarimi i fundit i shkencëtarëve ka hedhur dyshime të shumta mbi pretendimet e firmës “Clonaid”, e cila ka deklaruar se ka arritur sukses në eksperimentimet e saj për klonimin njerëzor.
Marre nga:
www.albtoday.com [/qb]
