Grindje rreth nobelistit Pinter

[shuquri]

Grindje rreth nobelistit Pinter

Ka disa ditë që në mediat suedeze ka shpërthyer një grindje rreth ndarjes së çmimit Nobel për letërsi për vitin 2005. Siç e dini ky çmim sivjet ju nda dramaturgut britanik Harold Pinter.
Akademia Suedeze nuk dëshiron të komentojë debatet e shpeshta që kanë shpërthyer në shtyp, me motivimin se çmimi ndahet për vlerat dhe kualitetet letrare të autorëve që ua ndan çmimin.
Ndërkaq gjithnjë e më të shpeshtë janë personalitetet kulturore e publicistike që i referohen angazhimit të Harold Pinterit në një Komitet për mbrojtjen dhe lirimin e kriminelit të luftës Millosheviq. Mendimi i tyre është se çmimi Nobel për letërsi dhënë Pinter-it është fyrerje ndaj viktimave dhe të afërmve të tyre në gjithë Ballkanin. Madje, një ekspert (shqiptar) i shkencave politike që zë vend edhe në Kryesinë Komitetit Suedezo-shqiptar ka kërkuar organizmin e një demonstrate më 10 dhjetor në ditën e Nobelit, kur edhe mbahen ceremonitë.
Së paku kështu është tash për tash në Stockholm.
Çfarë ishin opinionet në vendet e tjera?

 

[Kordelja]

Re: Grindje rreth nobelistit Pinter

Une kam degjuar qe nobelisti ne fjale ishte ca tip "snob" dhe i "drejtperdrejte" ne dhenien e opinioneve, s'e dija te kish angazhime te tjera.

Sidoqofte, nese ky eshte debati, mbase ata qe ankohen duhet me pare te shohin kriteret mbi te cilat bazohet dhenia e cmimit. Ndoshta ne keto kritere nuk hyn aspak qendrimi perkundrejt kesaj apo asaj vije politike/mediatike te kandidatit dhe keshtu mbetet te diskutohet ne aspektin etik. Ne kete prizem, diskutimi merr vlera te tjera.

 

[shuquri]

Re: Grindje rreth nobelistit Pinter

Nëse s´u vjen zor shikoni në këtë adresë se cfarë kërkonte nobelisti i sivjem për letërsi H.Pinter.

http://www.icdsm.org/files/members.htm


Ai mund të jetë i mrekullueshëm në letërsi por angazhimi i tij politik për të krijuar opinion sipas bindjeve të tij politike bën që unë ( dhe jo vetëm unë) të humb interesimin për te si dramaturg, poet e shkrimtar.

 

[zog]

Re: Grindje rreth nobelistit Pinter

çmimi nobel ka vite qe s'ka me asnje lloj vlere, sado simbolike qofte kjo. te gjithe te lauruarit e viteve te fundit mbeten shkrimtare te panjohur per publikun e gjere, siç eshte edhe ky anglezi shkrimtar, qe kosovaret patriote, duke polemizuar si gjithmone per gjera pa lidhje te drejteprdrejte me problemin ne fjale, me sa duket kane vendosur ta bejne popullor te pakten neper tribunat politike (gazetat) e botes.


çmimi nobel nuk duhet te ndahet detyrimisht perçdo vit. kandidatet duhen te persgjidhen me kujdes e te kene njohje BOTERORE, si dikur, e jo vetem nga sfera te caktuara "njohesish" qe merren me letersine.

keto dhenie pa kredi, po e vdesin vete çmimin suedez.

 

[shuquri]

Re: Grindje rreth nobelistit Pinter

Vrehet se pjesët më të mira dramatike të Harold Pinterit datojnë ndërmjet viteve 1957 -1965. Pra, gjatë asaj periudhe kur i përkushtohej artit dhe sportit. Ai ishte një simpatizues i flaktë i Arsenalit.

Por në rastin e Harold Pinterit ne vrejmë një dramaturg të shkëlqyer dhe një propagandist politik katasrofë. Një person që konsideron se Kuba ” është një demokraci që funksionon mirë”, një person që zë vendin e nënkryetarit në një shoqatë që mbron kriminelin e luftës Sllobodan Millosheviq, një njeri që kualifikon Tribunalin e Hagës si ”një bluf i madh” dhe që kryeministrin britanik Tony Blair e quan jo vetëm si ” a deluded idiot” por edhe si ”diktator” dhe ”kriminel lufte”, një vulgo i këtillë e degradon vetveten nga e drejta për të qenë i pranueshëm në debatin shoqëror. Ai nuk do të duhej të futej në politikë por do të ku kishte qaenë më herët pranë arenës së futbollit .

Sipas ”The Times” (13 tetor) Pinter beson se ”aktiviteti i tij shumëvjeçar mund të ketë pasur rol vendimtar në vendimin që ti jipet çmimi Nobel për letërsi për vitin 2005”. Ndonjë dramë të rea i nuk mendon të shkruaj, por me paratë e dinamitit të Nobelit që do ti fut në xhepa ai do të përpiqet të shpërndajë pikëpamjet e tij njëdimensionale për botën. Ai ka premtuar tashmë se në fjalën e tij 45 minutshe në ceremoninë e Nobelit do ti përkushtohet luftës në Irak.

Antiamerikanizmi i tij mund ti gëzojë vetëm majtistët fanatik e diku-diku edhe ambientalistët.

Por unë di edhe këtë (duhet ta dish edhe ti ZOG, e jo vetëm kosovarët) se për herë të parë në histroinë 50 vjeçare të paktit Nato, kjo organizatë në vitin 1999 sulmoi Serbinë. Ky ”intervenim humanitar” i dha fund spastrimit etnik të shqiptarëve në Kosovë. Me këtë u pengua reprezimi i Srebrenicës së vitit 1995 ku afër 8 000 burra e gra dhe fëmijë boshnjak u mbytën nga serbët – duke pasur ushtarët e OKB-së vetëm si shikues. Pas dhjetë vitesh e vërteta e Srebrenicës u publikua për herë të parë në faqet e gazetave në Beograd. Ngadalë dhe me vonesë por e rëndsishme se insikti i gjenocidit po kuptohet tani edhe nga beogradi e ndoshta një ditë ( nëse ka ymër) mbrrin edhe te Pinter.

 

[zog]

Re: Grindje rreth nobelistit Pinter

po me e di, po çlidhje ka kjo me letersine, ket dua t'ma shpjegosh.

sipas teje nobeli qe shpiku DINAMITIN (lende shkaterruese e vrasese) nuk e meriton te ndaje nje çmim per PAQEN ?


ps: qe ai anglezi perlqen millosheviçin e morra vesh, por ndoshta e pelqen se edhe ai eshte antiamerikan, puqen pra tek kjo pike, e jo se ka meri me shqiptaret, ose ngaqe millosheviçi vrau shqiptare.

millosheviçi do te kishte vra njesoj edhe franceze po ti kishte komshi siç ka shqiptaret. millosheviçi luftoi per SERBET o shqiptar he burr, ket mos e harro.

e un nuk jam krenar qe nje tip INJORANT e DEMAGOG prej lecke si ai te ishte ARMIKU YNE, jo se ai na vrau e preu.

per armik personal do te doja SULLTAN, mbret, perandor ose ZOT. sa me te madh ta kesh armikun aq me i madh edhe je, ose do te behesh po te luftosh burrerrisht.

 

[shuquri]

Re: Grindje rreth nobelistit Pinter

Nuk është dëshirë e imja që debati i nisur të merr rrugë të parrugë. Dëshira ime ishte që në këtë forum të sjellim debatin aktual rreth nobelistit të sivjem për letërsi e që në rastin e Suedisë ka shkaktuar grindje vërtetë. Si është në vendet e tjera këtë unë nuk e di.

Se për çfar luftoi Millosheviqi unë besoj se çdo shqiptar me dy kokrra mend në krye e di fare mirë këtë dhe këtu as që dua të ndalem për të thënë ndonjë gjë. Po edhe rreth asaj se a meriton Nobeli të ndaj ndonjë çmim për paqen a jo se paska shpikur dinamitin - nuk dua të them ndonjë gjë sepse kështu do të hapnim një temë të re.

 

[zog]

Re: Grindje rreth nobelistit Pinter

do te kisha interes te dija sesi nje shkrimtar qe perkrah nje diktator mund te jete i keq.

apo ti mendon se ai anglezi si shkrimtar e meriton çmimin nobel (qe siç duket aq shume e vlereson), ndersa si njeri jo, ngaqe perkrah nje diktator e kriminel.

edhe vagneri ishte antisemit, po pastaj, a e ben kjo muziken e tija te dobet ?

duke pritur analizen tende.

ps; apo ti je vetem agjitator politik dhe qellimi i postimit tend ketu ishte revoltimi yne kolektiv kundra shkrimtarit (anonim) anglez ?

 

[shuquri]

Re: Grindje rreth nobelistit Pinter

Hë, pra, këtu qëndron i gjithë problemi.

Por mundësitë e mia mentale nuk arrijnë të përthekojnë këtë çështje, por them si individ mendimin tim: Harold Pinterit nuk do të ja jepnja çmimin Nobel për letërsi sa do i zoti të jetë si letrar. Arsyet pse, i kam thënë më herët. ( Zoti na ruajt po te çmendet njerëzia e një ditë ky çmim ti jipet edhe Radovan Karaxhiqit, se edhe ai shkruan poezi e romane- por çbëri ai në Bosnjë?).

Jo Pinterit sepse ka plotë të tjerë që janë edhe më të mirë, më të lexueshëm etj.etj. Por edhe një gjë, Pinteri nuk është i vetmi që merr këtë çmim dhe që pikëpamjet e tij janë të diskutueshme. Si duket përafërsisht kështu ka qenë edhe me Markezin, Ivo Andriqin a ndonjë tjetër.

Dhe nuk di sa herë duhet ta them: ideja ime ishte për të parë nëse në ndonjë vend tjetër ( pos Suedisë) u vu në pyetje - Pinteri.

Sa më përketë mua, alternativat janë të shumta, zgjedhni e merrni. As them të ngritesh kundër Pinterit, as thems ta duash.

Pastaj kjo forma e debatit tënd ma çon mallin e nxënësit para mësuesit: hajde, di të na thuash gjë....? Sidoqoftë unë ndjehem nxënës gjithnjë dhe përpiqem të mësoj nga pak.

 

[zog]

Re: Grindje rreth nobelistit Pinter

dmth, ngaqe ti nuk do t'ja jipje çmimin atij anglezit, te vjen keq pse komisioni e vlereson aq shume, apo kerkon t'i imponosh deshiren tende komisionit.

po per komisionin çfare mendon ? e meriton te jape çmime te tilla apo jo ? sartri (nje shkrimtar francez) mendonte se asnje komision nuk mund te ngrihej ne nivel TE TIJ, dhe, e refuzoi çmimin qe suedia i dha.

si te duket ky reagim ?

ps; ketu ku ndodhem une (ne nje kryeqytet te njohur) per çmimin nobel lajmet flasin pak, u fol pak me shume kur e morri para nja dy vitesh nje kinez me banim ketu. francezet nuk para e vleresojne, siduket sartri u ka dhene shembullin personal. ata kane çmimet e tyre letrare per te cilat bejne zhurme me shume. ndersa shtepite botuese flasin nga pak, kur shkrimtare te tyret marrin pjese ne konkurim.

tani une nuk merrem me letersi dhe po te jap kendveshtrimin e nje qytetari ordiner, qe ashtu siç degjon lajmet per bagdatin po ashtu i serviren edhe ato te nobelit.

pra mesa kuptoj une, nobeli ngelet çmim i çmueshem vetem per vendet e vogla si yni. vendeve te medhaja u del e tepron vetvetja.

pastaj koha ecen aq shpejt .....

 

[shuquri]

Re: Grindje rreth nobelistit Pinter

Sartri në mënyrë diskrete ka kërkuar më vonë që ti marr paratë, por a i mori apo jo nuk di gjë.

Me sa di unë janë vetëm dy veta që kanë refuzuar çmimin Nobel për letërsi, Sartri dhe Pasternaku.

Ndërkaq duhet pranuar se çmimi Nobel për letërsi edhe sot e kësaj dite është një nga çmimet më të çmuara në botë, dhe jo vetëm shkrimtarët e vendeve të vogla dëshirojnë ta marrin këtë çmim. Fjala është për 10 milion kruna suedeze që dmth diçka më shumë se 1.000.000 Euro. Pak si zor i refuzon njeriu!

Deri më tani vetëm nga Franca janë nja 11 shkrimtarë që kanë marrë këtë çmim, nga Gjermanie e Britania e Madhe nja 9 sish etj.

Edhe ne shqiptarët shpresonim se një ditë Kadareja do të jetë njëri nga fituesit e këtij çmimi por Akademia Suedeze di të befasojë gjithnjë.Kur edhe këtu flitej dhe pritej me të madhe ( sidomos në vitet 1995,1996,1997) prap se prap gjendej ndonjë tjetër.

dhe vërtetë kohën ecën aq shpejt....

 

[shuquri]

Re: Grindje rreth nobelistit Pinter

Sonte në Stokholm(9 dhjetor 2005)u bë një protestë e qetë e një grupi të vogël shqiptarësh kundër vendimit të Akademisë Suedeze që ia ndau Harold Pinter-it çmimin Nobel për letërsi.

Protesta u bë para ndërtesës së Akademisë Suedeze. Protestuesit mbanin flamurin shqiptar dhe banderola me fotografi të njerëzve të masakruar në Kosovë nga forcat serbe të Milosheviqit. Qe kend e mbështet Pinteri (Milosheviqin) dhe kërkon lirimin e këtij krimineli të luftës.

Protesta u bë një ditë para se të mbahet ceremonia qendrore e ndarjes tradicionale të çmimve Nobel më 10 dhjetor.

Njëri nga organizatorët e kësaj proteste, shqiptar i Kosovës dhe njëherit sekretar politik i partisë liberale suedeze që ka një vend në Riksdagen (parlamenti Suedisë) është kërcënuar me vrasje nëpërmjet një i-maili për shkak të organizimit të protestës dhe një debati të botuar në një gazetë të përditshme suedeze. Atij i është garantuar ekskorti policor, shkruan gazeta ditore Expressen.

Tashmë dihet se Pinteri nuk do të jetë prezent në këtë ceremoni, por Akademia Suedeze dha ditën e merkur fjalën e tij virtuale. Pinter në fjalën e tij foli shumë pak për literaturën e më shumë foli për SHBA-në dhe Tony Blair-in dhe imperializmin. Kësaj radhe nuk zuri n´gojë Milosheviqin dhe Kubën! Pamja e tij, megjithëse edhe i sëmurë dhe i shtyrë në moshë, si dhe zëri si tingull i metalit të ndryshkur,tregonte një njeri në gjendje desperacioni...