Greqia denohet ne Strasbourg per keqtrajtimin e nje shqiptari
Gjykata e Strasburgut ka dënuar shtetin grek për shkelje ndaj emigrantit Agim Aliaj. Gjyqtari grek voton për emigratin
Strasburg, emigranti mund Greqinë
Vendimi: Greqia të dëmshpërblejë, brenda tre muajsh, me 10 mijë euro emigrantin shqiptar
Ervin Baku
STRASBURG –Një emigrant shqiptar mund Greqinë në gjykatën e Strasburgut. Seksioni i parë i Gjykatës, i përbërë nga 7 gjyqtarë ka pranuar unanimisht si të drejtë ankesën e emigrantit Agim Aliaj, përfshirë edhe vetë gjyqtarin grek Rozakis. Me anën e këtij vendimi, Gjykata e të Drejtave të Njeriut ka dënuar shtetin grek për dhunim të nenit 6 paragrafi 1, të Konventës Europiane të të drejtave të njeriut, që ka të bëjë me procesin e rregullt gjyqësor. Pas vendimit të djeshëm, Greqia duhet t’i paguajë brenda tre muajsh 10 mijë euro emigrantit shqiptar Agim Aliaj, si dëmshpërblim material dhe moral për burgim të padrejtë. Gjykata e Strasburgut ka ftuar edhe qeverinë shqiptare, si palë të interesuar për të dhënë opinionet e saj në lidhje me çështjen “Aliaj”.
Procesi në Greqi
Agim Aliaj kishte emigruar në Greqi që prej vitit 1990. Ai banonte në Monolophos-Selanik, ku edhe punonte. Sipas të dhënave nga Gjykata e Strasburgut, më 9 janar 1997 Aliaj u arrestua nga policia, pasi dyshohej nga autoritetet greke se kishte kryer dy vjedhje me armë në bashkëpunim. Policia vendase nuk kishte identifikuar bashkëpunëtorë të tjerë, ndërkohë që vjedhjet ishin kryer në korrik dhe gusht të vitit 1996. Pas arrestimit, Aliaj është identifikuar nga njëri prej viktimave. Emigranti shqiptar u arrestua me burgim të përkohshëm, ndërkohë që mandat-arresti mbante numrin 2/97. Qëndrimi në burg i Aliajt është shtyrë fillimisht deri më 16 qershor 1997 e më pas është bërë një tjetër shtyrje, deri më 22 dhjetor 1997. Akuza në Gjykatën e Apelit, ku u zhvillua procesi kundër Aliajt theksoi se kishte mundësi që emigranti të arratisej, pasi nuk ishte rezident i rregullt në Greqi. Ndërkaq, më 29 dhjetor të vitit 1997 prokuroria greke hodhi poshtë kërkesën e Aliajt për t’u liruar nga qelia. Ky i fundit është deklaruar i pafajshëm gjatë gjithë kohës së gjykimit në Greqi.
Emigranti shqiptar
Agim Aliaj ka mohuar të ketë kryer dy vjedhjet me armë në Greqi. Ai ka pretenduar se kur kanë ndodhur dy grabitjet me armë ishte në Shqipëri. Emigranti shqiptar ka pohuar në gjyq se policia greke e kishte dëbuar gjatë kësaj periudhe, pasi ai nuk ishte i pajisur me vizë. Pretendimet e emigrantit shqiptar u verifikuan në Gjykatën e shkallës së parë në Greqi, ku Agim Aliaj u shpall i pafajshëm. Më 11 shkurt të vitit 1998, Gjykata e Apelit të Selanikut miratoi pafajësinë që gjykata e shkallës së parë i kishte dhënë emigrantit shqiptar. Pasi fitoi pafajësinë, Agim Aliaj ka paraqitur para gjykatës greke kërkesën e tij për dëmshpërblim, për gjithë kohën që kishte qëndruar në qeli. Pretendimi për dëmshpërblim është dorëzuar në Gjykatën e Apelit të Selanikut më 7 shtator të vitit 2000. Edhe pse kishte fituar pafajësinë, kërkesa e Aliajt për dëmshpërblim nuk u mor asnjëherë seriozisht. Emigranti shqiptar kërkoi të dëmshpërblehej për 13 muajt që kaloi në qeli, ndërkohë që kjo kërkesë nuk iu miratua asnjëherë. Më 8 nëntor të vitit 2000, Gjykata e Apelit të Selanikut refuzoi kërkesën, duke u justifikuar me faktin se kishte të dhëna që Aliaj kishte shkelur ligjin në Greqi. Pas shumë orvatjesh në gjykatat greke, Agim Aliaj fiton çështjen në Strasburg, duke i marrë shtetit grek shumën prej 10 mijë eurosh dëmshpërblim për burgun e padrejtë.
08/04/2005
Gjykata e Strasburgut ka dënuar shtetin grek për shkelje ndaj emigrantit Agim Aliaj. Gjyqtari grek voton për emigratin
Strasburg, emigranti mund Greqinë
Vendimi: Greqia të dëmshpërblejë, brenda tre muajsh, me 10 mijë euro emigrantin shqiptar
Ervin Baku
STRASBURG –Një emigrant shqiptar mund Greqinë në gjykatën e Strasburgut. Seksioni i parë i Gjykatës, i përbërë nga 7 gjyqtarë ka pranuar unanimisht si të drejtë ankesën e emigrantit Agim Aliaj, përfshirë edhe vetë gjyqtarin grek Rozakis. Me anën e këtij vendimi, Gjykata e të Drejtave të Njeriut ka dënuar shtetin grek për dhunim të nenit 6 paragrafi 1, të Konventës Europiane të të drejtave të njeriut, që ka të bëjë me procesin e rregullt gjyqësor. Pas vendimit të djeshëm, Greqia duhet t’i paguajë brenda tre muajsh 10 mijë euro emigrantit shqiptar Agim Aliaj, si dëmshpërblim material dhe moral për burgim të padrejtë. Gjykata e Strasburgut ka ftuar edhe qeverinë shqiptare, si palë të interesuar për të dhënë opinionet e saj në lidhje me çështjen “Aliaj”.
Procesi në Greqi
Agim Aliaj kishte emigruar në Greqi që prej vitit 1990. Ai banonte në Monolophos-Selanik, ku edhe punonte. Sipas të dhënave nga Gjykata e Strasburgut, më 9 janar 1997 Aliaj u arrestua nga policia, pasi dyshohej nga autoritetet greke se kishte kryer dy vjedhje me armë në bashkëpunim. Policia vendase nuk kishte identifikuar bashkëpunëtorë të tjerë, ndërkohë që vjedhjet ishin kryer në korrik dhe gusht të vitit 1996. Pas arrestimit, Aliaj është identifikuar nga njëri prej viktimave. Emigranti shqiptar u arrestua me burgim të përkohshëm, ndërkohë që mandat-arresti mbante numrin 2/97. Qëndrimi në burg i Aliajt është shtyrë fillimisht deri më 16 qershor 1997 e më pas është bërë një tjetër shtyrje, deri më 22 dhjetor 1997. Akuza në Gjykatën e Apelit, ku u zhvillua procesi kundër Aliajt theksoi se kishte mundësi që emigranti të arratisej, pasi nuk ishte rezident i rregullt në Greqi. Ndërkaq, më 29 dhjetor të vitit 1997 prokuroria greke hodhi poshtë kërkesën e Aliajt për t’u liruar nga qelia. Ky i fundit është deklaruar i pafajshëm gjatë gjithë kohës së gjykimit në Greqi.
Emigranti shqiptar
Agim Aliaj ka mohuar të ketë kryer dy vjedhjet me armë në Greqi. Ai ka pretenduar se kur kanë ndodhur dy grabitjet me armë ishte në Shqipëri. Emigranti shqiptar ka pohuar në gjyq se policia greke e kishte dëbuar gjatë kësaj periudhe, pasi ai nuk ishte i pajisur me vizë. Pretendimet e emigrantit shqiptar u verifikuan në Gjykatën e shkallës së parë në Greqi, ku Agim Aliaj u shpall i pafajshëm. Më 11 shkurt të vitit 1998, Gjykata e Apelit të Selanikut miratoi pafajësinë që gjykata e shkallës së parë i kishte dhënë emigrantit shqiptar. Pasi fitoi pafajësinë, Agim Aliaj ka paraqitur para gjykatës greke kërkesën e tij për dëmshpërblim, për gjithë kohën që kishte qëndruar në qeli. Pretendimi për dëmshpërblim është dorëzuar në Gjykatën e Apelit të Selanikut më 7 shtator të vitit 2000. Edhe pse kishte fituar pafajësinë, kërkesa e Aliajt për dëmshpërblim nuk u mor asnjëherë seriozisht. Emigranti shqiptar kërkoi të dëmshpërblehej për 13 muajt që kaloi në qeli, ndërkohë që kjo kërkesë nuk iu miratua asnjëherë. Më 8 nëntor të vitit 2000, Gjykata e Apelit të Selanikut refuzoi kërkesën, duke u justifikuar me faktin se kishte të dhëna që Aliaj kishte shkelur ligjin në Greqi. Pas shumë orvatjesh në gjykatat greke, Agim Aliaj fiton çështjen në Strasburg, duke i marrë shtetit grek shumën prej 10 mijë eurosh dëmshpërblim për burgun e padrejtë.
08/04/2005