(Fytyra);Britma e Kadarese

Triumfi · 23 Mar 2004

Re: (Fytyra);Britma e Kadarese

Fotaq, s'e kam kapur dot mesazhin qe done t'i jepesh kesaj britme (sic e quan ti). Mundesisht, na shpjego se cfar veren anti shqiptare, apo fara te helmeta nga fjalet e shkrimtarit te famshem, Kad(h)are?

flmd

Le_Routard · 23 Mar 2004

Re: (Fytyra);Britma e Kadarese

Lufta con ne luft, gjaku derdhur kerkon gjak. Paqja dhe meqesia jan me te veshtira per tu realizuar por qe evitojn tragjedi

Ahmed · 23 Mar 2004

Re: (Fytyra);Britma e Kadarese

''BRITMA e Kadarese''
keshtu ishte titulluar ne gazeten Shekulli,intervista e tij.
Cfare anti shqiptare?...
Fjelite e tij qe i ikam shenuar ne te zeza,e tregojne fytyren e tij,ose lekuren e tij te gjarprit!

romeo · 24 Mar 2004

Re: (Fytyra);Britma e Kadarese

Spostohet tek "Duke shfletuar mediat, koment i lire"

Fletrrufeja · 24 Mar 2004

Re: (Fytyra);Britma e Kadarese

'Marre nga gazeta Shekulli(i njejti titull)shihni se cfare matrapazi,ky shkrimtar i dalldisur qe don te flas per histori e bej politike,qe ne shumicen e librave ky bastard i ka thurur lavde diktatorit Enver.Ky bastard qe therret per rikonkuision Spanjoll fetar ne SHqiperi,ky gjirokastrit qe pabesisht me gjuhen e tij po ngul thika frankofone mbi ppopullin shqiptar. ;fjalite ne te zeza tregojne qarte idete e tija antishqiptare,patjetert kur ky sharlatan eshte ne France flet me gjuhen e serbeve,e kur kthehet nga Franca flet per rikonkuizem fetar e antinacionlaist.A mund te quhet nacionalist nje njeri qe ndan nje popull ne dy kombe? Britma e Kadaresë'

-fotaq konkluzionet thuhen ne fund intervistes qe ti doje te te na vije ne dijeni. Nga urretja jote mua personalisht nuk me transmetohet ndonje mesazh i qarte. Thjesht konfuzion sigurisht dhe shume injorance, por perseri mbi te gjitha qendron urretja. dicka tjeter qe kuptova ishte se cfardolloj qofte zoti I Kadare te kishte thene ne kete interviste, t'i e kishe te mbushur mendjen qe me perpara persa i perket qendrimit tend kundrejt tij.

'Sidoqoftë, meqënëse me këtë rast jam akuzuar si një nacionalist shqiptar, duhet t&#8217;ju them se në libër gjendet një mesazh i qëllimshëm, dhe ky mesazh është miqësia e popujve të Ballkanit.(a flasin ose bejne thirrje ndonjehere serbet ose greket pewr miqesi me ne shqiptaret?)'

. 'E kemi pësuar së toku këtë mënxyrë e duhet t&#8217;i ikim së bashku asaj.(patjeter sipas kadarese duhet te pijme me nje gote) '

'&#8220;jemi të mallkuar nëse nuk bëhemi miq&#8221;.(ketu e thote bukur;keto thirrje vijne vetem nga frankofonet qe ndersehen nga Franca)'

-fotaq sipas teje dhe Nene Tereza qe fliste per paqe,(u prehte e qete), dhe miqesi qenka antishqiptare!!!! Gjithe politikanet shqipetar gjithashtu!!!! Kujdes se po ja fut kot, asnjeri nuk do qe kjo urretje(midis ne dhe serbeve) te jete e perhershme. e di qe eshte e pamundur per tu harruar dhimbjet e luftes nga ky brez por tek tjetri ato kane per tuzhdukur pothuajse fare. shiko gjermanine dhe polonine.

Besoj që në faqet e këtij libri nuk gjendet urrejtje e një pale ndaj tjetrës. Unë jam përpjekur t&#8217;i pranoj që të gjithë, serbë, bullgarë, shqiptarë, turq, bizantinë .(edhe njehere tjeter panballaknizmi i frymezuar nga greqia,serbia me ane te Frances,ku vetem serbet e greket duhet te Dominojne)

-fotaq pergjigjen e ke te rreshti tjeter qe eshte sic vijon: 'Nuk ka në të nënkuptime, dhelpërira, mesazhe dykuptimëshe.'

Nuk bëhem me palën shqiptare kundër serbëve, as me vllehët kundër bullgarëve; madje, edhe turqit janë trajtuar aty si protagonistë të një fati tragjik &#8221;.(a quhet ky qendrim nacionalist?)

-ate kerkon dhe zoti Ismail te vertetoje qe nuk eshte nacionalist. Mos i keqkupto gjerat, n.q.se nuk je nacionalist s'do te thote qe nuk je patriot.

&#8220;I dënoj ekstremistët kosovarë; i dënoj shqiptarët e Kosovës.(Patjeter qe te hash buken e francezve e te te shiten librat duhet te mbash anen e serbeve e te quash ekstremiste tere popullin e kosoves,sikur serbet i therrasin gjithmone)

-fotaq nuk besoj qe ke ndonje problem me denimin e 'ekstremisteve', sipas zotit I Kadare.
Persa i perket denimit e shqiptareve te Kososves, duhet te kesh parasyshqe ne Kosove nuk ishte se vetem nje grup njerizish shkaktuan ato njgjarje, qe te thuash te drejten nuk ishin aspak njerezore, por pak a shume kishte shtrirje ne te gjithe Kosoven qe eshte e banuar nga populli jone Shqipetar. Ne te gjithe duhet t'i denojme(ose per ata qe i kryhen te relektojne), dhe bashkarisht duhet te sigurojme njgjarje te tilla mos ndodhin me kurre. Ligji is shtetit te ri Kosovar duhet t'i denonoje shkaktaret e njgjarjes dhe jo turma e njerezve. N.q.se shteti ne kosove nuk eshte aq i fuqishem, athere mos harxho fuqite duke share zotin I Kadare por harxhoi per te ndertuar shtetin.

&#8220; Kur jam në Ballkan, i qortoj këta popuj; por kur jam jashtë, i marr në mbrojtje.(po cirret panballkanisti frankofon)

-fotaq nuk ka nevoje te gjykosh dhe te perqeshesh i frymezuar nga ndjenjat e castit. I ul pike vetes.

Të ndahet Kosova e t&#8217;i jepet jetë &#8220;Shqipërisë së Madhe&#8221;?
&#8220;Shiko! Ideja e &#8220;Shqipërisë së Madhe&#8221;, në fund të fundit, nuk është autoktone, por e një origjine fashiste.(fare mire mund te fliste per Shqiperi etnike)

-fotaq lexo pyetjen ** i beri gazetari/a pastaj shkruaj pergjigjen.

Midis dy popujve ka patur historikisht &#8211; ka edhe sot e kësaj dite &#8211; shumë pika konflikti&#8221;.(ndarje e popullit ne dy kombe,edhe ne Itali po te shkosh do te gjesh probleme midis italianeve,por kurre nuk flasin per konflikte)

-fotaq ne kete rast jam dakort me ty. nuk ndahet nje popull ne dy kombe( megjthese fuqite e medha e duan te 'ndare' ne dy kombe). Ai thjesht keshtu e mendon por nuk do te thote qe zoti I Kadare nuk e ka gabim. Kjo nuk mjafton per te treguar qe dikush eshte antishqiptar. Si perfundim dua te them qe personi nuk vleresohet me nje interviste, e per me shume per je interviste qe t'i i dashur fotaq nuk e ke kuptuar.

tushi · 24 Mar 2004

Re: (Fytyra);Britma e Kadarese

Mos ja veni...re se e ka patalogjike me Kadaren Nane Terezen dhe kam pershtypjen se me çdo krenari komtare qe i perket fese se krishtere. Bemat e foTaqit Po ta shihni me kujdes do te shihni nje ekstremist te rendomte.Terri i ka verbu syte dhe sheh vetem nepermjet urrejtjes.Sheh gjana qe te tjeret nuk i shohin degjon zera qe nuk i degjojne te tjeret.Si perfundim ishalla ka shpetim

.

Ahmed · 25 Mar 2004

Re: (Fytyra);Britma e Kadarese

O Tusho;
mos e anashkalo temen;I dalldisur dukesh ti mbas Nenterezes.
Ne rast se te ka marr malli per te shko ne Indi Tusho.Dhe ne rast se je dakort me Kadarene,shko ne uren e Mitrovices,ndihmo ushtaret franceze kundra ''ekstremisteve kosovare'' per te bashkuar qytetin.

Ahmed · 8 Apr 2004

Re: (Fytyra);Britma e Kadarese

“KADAREIADA”, “SHERRIADA KADARE” DHE KADAREJA I SHERRIT.

Në gazetën “Rimëkëmbja” të datës 2 Dhjetor 2003 është botuar shkrimi me titull “Kadareiada vazhdon…hipokrizia politike vlon”. Në këtë shkrim është trajtuar dhe një prirje që shfaqet pa pushim në mjedise të caktuara politike, intelektuale e gazetareske shqiptare brenda e jashtë Shqipërisë për të mbajtur shqiptarët nën ndikimin e pandërprerë të një panagjerizmi për Kadarenë, për të fetishizuar jo vetëm vlerat por dhe mangësitë e veprës letrare e sidomos të qëndrimeve të tij politike. Fryrjen e pandërprerë të kultit të Kadaresë shumë nga ithtarët e tij e përdorin për të afirmuar veten, për t’u bërë edhe ata njerëz të dëgjuar e për interesa të tjera edhe më meskine. Në tërë këtë fushatë panagjerizmi që karakterizon “Kadareiadën” vetë Kadareja ka parë gjithnjë vetëm të drejtën e tij për të marrë pa pushim lëvdata dhe asnjëherë nuk ka menduar e aq më pak vepruar për të vënë njëfarë rregulli, për të tentuar të rregullojë përmasën e glorifikimit dhe për të frenuar dalldinë e servilëve.

“Kadareiada vazhdon” është një konstatim që bëhet çdo ditë, madje edhe në ditën e rrenave që i takon të vijë një herë në vit më 1 Prill. Episodi më pikant i “Kadareiadës” në ditën e rremave të këtij viti, 1 Prill 2004, ishte shpërblimi prej “20 mexhitesh të thata” që i jepte Kadaresë gazeta “55” ku ishte botuar shkrimi prej 2 faqesh i teatrologut Mexhit Prençi nën titullin “Kadare për ngritjen morale të shqiptarëve”. Prençi ka futur një stil të veçantë të shkruari në gazetën “55” ( këtë stile ka përvetsuar komentuesi tjetër në këtë gazetë Mehmet Elezi) që shkrimet e përshkrimet hartimore i ndan me pjesëza të numerotuara. Asnjëherë më parë Prençi nuk kishte arritur deri në shifrën 20 të numerotimit të pjesëzave të tij hartimore nën të njëjtën temë hartimi. Prandaj tema “Kadare për ngritjen morale të shqiptarëve e kishte frymëzuar” duhet ta ketë frymëzuar në mënyrë të veçantë.

Mexhiti këtë hartim panagjerist për Kadarenë në ditën e rrenave të vitit 2004 e ka rrotulluar rreth librit eseistik të Kadaresë “Poshtërimi në Ballkan” botuar pak kohë më parë. Bash në ditën e rrenave Kadaresë i jepen “20 mexhite” ( kështu është më mirë t’i quajmë tani e tutje pjesëzat hartimore të Prençit) sepse “ Ky vision kadareian kundër rrymës antishqiptare ( me shqiptarë dhe të huaj që poshtërojnë Shqipërinë dhe shqiptarët, duke u mohuar vlerat e duke u atribuar mëkatet, buron nga atdhetarizmi i lartë dhe idealizmi i kulluar” ( mexhitja nr. 2). Mexhitja nr. 7 është shpërblimi që Kadareja ka shkruar për “poshtërimin në Ballkan” duke u nisur nga tri ngjarje shqiptare : fushata e antishqiptarizmit në Himarë; fushata e pamoralshme djallëzore për t’i mohuar Nënë Terezës origjinën shqiptare dhe mllefi i disa të vetquajturve përfaqësues të pakicave etnike që shpallin Shqipërinë vend shumë kombësh”. Mexhiten nr. 13 Kadareja e ka fituar për punën e tij në kundërshtimin e një filmi të italianit Xhani Amelio që ka poshtëruar refugjatë shqiptarë dhe të një farncezi që paska shkruar se shqiptarët e Shqipërisë veriore, kryesisht katolikët paskan zakon që të hanë çdo të dielë nga një anëtar të fisit,

Nuk kemi si ta dimë nëse është koinçidencë apo rreng i lejueshëm në ditën e rrenave por ama është fakt se po në datën 1 Prill 2004 në gazetën e Tiranës “Shekulli” është botuar një shkrim prej dy faqesh me shkronja të vogla nga Ismail Kadareja nën titullin “Riparimi i së keqes” ku Ismaili u vërsulet aq me inat, mllef e fyerje monstruoze shqiptarëve që bënë protesta në Kosovë sa ato fyerjet që u kanë bërë italiani Amelio gjithë shqiptarëve dhe ai francezi katolikëve “kanibalë” të Shqipërisë së Veriut të duken vetëm një shaka pa kripë për ditën e rrenave me të cilën nuk e vlen të meresh shumë. Fyerjet dhe sidomos interpretimet e Kadaresë për bashkëjetesën sërbo–shqiptare në shekuj janë jo më me “atdhetarizëm të lartë e idealizëm të kulluar” sikurse shkruan Prençi kur i lëshon Kadaresë “mexhiten e dytë”, por një frymë antishqiptare që zor ta gjesh dhe tek qortuesi i rreptë i Kadaresë, Vuk Drashkoviçi. Nuk e dimë a do ti hedhë mexhite të tjera Prençi Kadaresë edhe për këtë “ese” llahtarisëse, por dimë të themi se poshtërim më të madh shqiptarëve në Ballkan nuk u ka bërë më shumë se Kadareja këto ditë. Prençi ka qenë i pafat që vazhdimin e tij të “Kadareiadës” në ditën e rrenave ia nxorri rrenë vet Kadareja me sherrin e tij të ri që kishte nisur qysh më 20 Mars 2004 me deklaratën “Po tregohemi të pabesë me aleatët” ( intervistë në TV “Klan” riprodhuar me shkrim nga “Panorama”).

“Kadareiada” e vazhdueshme herë pas here shoqërohet dhe me “Sherriada Kadare” që zakonisht i kanë nxitur vet Kadareja ose ithtarët e tij më fanatikë kur kanë tentuar që edhe dobësitë flagrante në sjelljet e veprën e Kadresë ti shesin në publik për meritate vecanta. Kështu i ndodhi Kadaresë kur tentoi nëpërmjet një libri të porositur të hiqej si i persekutuar se i kishin zhdukur poemën mbi pashallarët kuq dhe cdo gjë përfundoi në bllof të turpshëm për Ismailin. Kështu i ka ndodhur kur ka tentuar të hiqet për disident i regjimit komunist dhe të nxjerrë veprën e vet jashtë kornizave të realizmit socialist. Kështu i ndodhi dhe në fund të vitit 2003 kur u njoftua se Arkivi Qendror i Shtetit po përgatiste një botim me”spiunime intelektualësh “ për Kadarenë dhe u hap avazi që të botohen çka bërë Kadareja ndaj të tjerëve. Mjaftoi botimi i disa shkrimeve për poetin e persekutuar Bilal Xhaferri, ku përfshihej dhe një vjershë e tij qortuese për Kadarenë që të hapej historia se si Xhaferri e pësoi nga që u ngrit me kritika kundër një vepre të të përkëdhelurit Kadare në letërsinë shqiptare të kohës së komunizmit. Kadare si në shumë raste të tjera bëri atë që nuk duhej në këtë sherriadë, u hodh në sulme të paparimta kundër poetit që nuk jeton më. Kështu “Kadareiada” she “Sherriada Kadare” kanë bërë e do të bjën rrugë sëbashku.

Por, Kadareja për fat të keq shpesh bëhet edhe sherrxhi në politikë, sidomos kur tenton të luajë rolin e patriarkut të urtisë politike për shqiptarët dhe fshikullon çdo veprim politik e mendim politik që nuk përputhet me stereotipet që ka krijuar në kokën e tij dhe me shabllonet politike që ka mësuar në sallonet pariziane. Për këto kemi q enë të detyruar, jo të përmalluar, të polemizojmë shpeshherë. Por Kadare pa pushim fton për polemika te reja sepse angazhimin normal që duhet të ketë një njeri i letrave në politikë e ka kthyer në një politikanizëm pasionant që nuk i ka hije as një spekuluesi të rëndomtë në fushën e politikës e të diplomacisë. Kështu që Kadareja i sherrit krijon shumë me tepër arsye e shkase për reagime nga shqiptarë që nuk merren me probleme e letërsisë sesa krijojnë “Kadareiada” apo “Sherriada Kadare”.

Me intervistat, deklaratat e shkrimet më të fundit për ngjarjet në Kosovë Ismail Kadare po nxit sherrin më të madh e më të papranueshëm se kurrë në fushën e mendimit politik shqiptar. Pas reagimeve nervoze të ditëve të para, siç e ka zakon të veprojë kur zhvillimet nuk përkojnë me shijet dhe me angazhimet e tij politike, besonim se Kadareja do të qetësohej, të kthjellohej dhe të riparonte diçka nga mllefet e tepruar që derdhi kundër protestuesve shqiptarë në Kosovë. Por shkrimi i botuar në “Shekulli” më 1 Prill 2004 nën titullin “Riparimi i së keqes” na provoi se e keqja që e kishte zënë Kadarenë ishte e pariparueshme dhe ashtu si në plagët e shkaktuara nga djegia e fortë vazhdonte të përparonte në thellësi e të shkaktonte më shumë dhimbje.

Është e natyrshme të lindë pyetja: përse ka ndodhur kështu me Kadarenë? Përse ai shtyn më tej sherrin e vet? Përgjigjen e gjejmë në shumë pjesë të shkrimit të Kadaresë, sidomos në ato pjesë ku shfaqet dhimbja e tij e padurueshme që krushqit e martesës shqiptaro-serbe, të cilët i kishte ngrirë në vitin 1981, jo vetëm nuk po shkrijnë pas ndërhyrjes së NATO-s, por po ngurosen në mënyrë të pakthyeshme dhe që për herë të parë në historinë e përplasjeve shqiptaro-serbe shqiptarët u vunë flakën edhe ndërtesave të kishave ortodokse serbe. Pezmatimi për këto gjëra dhe mundësia e hapjes së një perspektive më të mirë për bashkimin Kosovë-Shqipëri duket e kanë bërë Kadarenë të hidhet i tëri në krahët e sherrit ndaj shqiptarëve, të bëhet krejt tjetër nga ai njeriu “ me atdhetarizëm të lartë e idealizëm të pastër” ( shqiptar) sikurse e ka cilësuar Mexhit Prençi.

Në shrimin “Riparimi i së keqes” kemi materialin më të bollshëm të shohim anti-Kadarenë që na përshkruhet nëpër “Kadareiadë”. Marrëdhëniet e tanishme shqiptaro-serbe në Kosovë Kadareja ka parapëlqyer t’i trajtojë në një mënyrë që fajëson më shumë kryesisht shqiptarët. Duket sikur Kadareja më shumë është i shqetësuar si të vendosë zhvillimet në Kosovë në kontekstin e filozofimeve që ka bërë kur është marrë me mendimet e Eskilit për raportet midis të drejtës e të padrejtës ( shih “Eskili” Tiranë 1986 fq. 6-7). Kadareja në parathënien për këtë botim ka cituar mendimet e Eskilit : “Ç’është e drejtë dhe e padrejtë nuk është përherë e lehtë të gjendet”. Më tej shkruan : “E drejta ose të drejtat sipas Eskilit bëhen disa herë të mjegullta, sepse ato janë në koflikt të vazhdueshëm”. Ka njerëz që pranojnë se “e drejta” mund të jetë njëkohësisht te të dy palët kundërshtare-vazhdon Eskili-por këta janë indiferentët, të lodhurtit dhe shpirtdobëtit”. “E drejta s’mund të jetë njëkohësisht e të dy palëve-ngulmon ai- ajo i përket vetëm një ane”. Kurse Kadareja i bën lëshim të madh qëndrimit serb dhe largohet nga Eskili duke pranuar se e drejta mund të jetë dhe është e të dy palëve në Kosovë. Për të justifikuar këtë largim nga Eskili, Ismaili largohet dhe nga formula e tij e vitit 1981 “krushqit janë ngrirë” dhe shkon më tej se revizionimi që i bëri kësaj formule më pas në “Tri këngë zije për Kosovën”, sepse shqiptarët e serbët do ti afrojë në të drejtën e përgjysmuar jo vetëm nëpërmjet zisë së përbashkët, por dhe të një lumtërie fiktive të përbashkët që paskan provuar gjatë shekujve.

Për të përligjur këtë largim nga qëndrimet e tij të vitit 1981 Kadareja është armatosur me teorizimet që ka bërë në parathënien e “Eskilit” lidhur me atë si e ka kuptuar Ismaili autorin e lashtë helen : “ e drejta nuk është e palëvizëshme, përkundrazi ajo mund të shtegtojë, mund të zhvendoset nga njëra palë tek pala kundërshtare. Me një fjalë teprimi i mbrojtjes së të drejtës tënde mund të çojë në padrejtësi ose në ikjen e së drejtës tek armiku yt”. Kështu përpiqet ta p araqesë Ismaili gjendjen tani në Kosovë pas protestave të mesit të muajit Mars, sikur tashmë e drejta në Kosovë u përket të dy palëve, madje me atë që bënë shqiptarët e drejta ka ikur nga këta e ka shkuar tek armiku i tyre, serbët. Ismaili bën ( mbase dhe mendon e beson vërtetë e sinqerisht) se duke trajtuar problemin kështu si në një teatër gjigand të lashtë grek-eskilian po u bën shërbimin më të mirë shqiptarëve. Por edhe sikur të veprojë me qëllim që të mbështesë sherrin e tij, edhe sikur të veprojë me mirëbesim për të ndihmuar shqiptarët në frymë të filozofisë eskliane, ka vend për shumë debat, qoftë përsa i përket vlerësimit të ndodhive e zhvillimeve , qoftë përsa i përket detyrës së shqiptarit si duhet ta kuptojë e ta mbrojë çështjen shqiptare në këto rrethana, si duhet ta kuptojë e zbatojë atë filozofi eskiliane që ka parashtruar Kadareja para gati një çerek shekulli….

Abdi Baleta

Shënim: Ky shkrim do të vazhdojë në numrin tjetër të gazetës ku do të fillojë edhe botimi i shkrimit të zotëri Eshref Ymeri me titull: “LAJTHITJA E RADHËS E ISMAIL KADARESË”.

savage · 8 Apr 2004

Re: (Fytyra);Britma e Kadarese

fotaqi,
sa mire do te ishte te ishe 1/4 e kadarese ti. do te ishe me te vertete me fat...
sa keq qe sjell si baza shkrime te pseudointelektualeve prodhim i viteve te erreta post 1990. Abdi kush?

Ahmed · 9 Apr 2004

Re: (Fytyra);Britma e Kadarese

Po mire o plako,po Kadare prodhim i kujt modeli eshte?

Ahmed · 9 Apr 2004

Re: (Fytyra);Britma e Kadarese

Adili: Kadare s'duhet te gjykoje shqiptaret nga Parisi

Fronti per Bashkimin Kombetar Shqiptar (AKSH) ka reaguar dje ne lidhje me kercenimin qe i eshte bere Shkrimtarit te njohur, Ismail Kadare ne faqen e tyre te internetit, duke u shprehur se "as fronti dhe as AKSH-ja nuk kercenojne individe sepse individet jane shume te vegjel perpara ketyre strukturave". Nje nga drejtuesit e AKSH-se, Gafurr Adili theksoi dje per mediat shqiptare se ne faqen e internetit te AKSH-se, eshte e vertete qe eshte hedhur nje leter-pergjigje, si kunder-reagim ndaj deklarates se njeriut te letrave shqipe "per ofendimet dhe sharjet qe i beri popullit shqiptar te Kosoves, ashtu sic ka edhe shume shkrime te tjera". "Sekretari per Propagande dhe Informim i Frontit te Bashkimit Kombetar Shqiptar, me tha qe ky leter reagim u eshte derguar te gjithe mas mediave shqiptare, i eshte derguar edhe gazetes "Shekulli", por ajo nuk eshte botuar. Nuk ka te drejte Kadare te gjykoje popullin shqiptar nga Parisi", nenvizoi dje, Adili. Keto reagime kane ardhur si pasoje e publikimit dy dite me pare, te nje opinioni te shkrimtarit Ismail Kadare ne faqet e te perditshmes shqiptare. Ne kete opinion, Kadareja shprehej se zhvillimet e furishme ne Kosove, pas incidentit te mbytjes se tre femijeve shqiptare, ishin "nje duhme vetevrasese, kryekeput antishqiptare dhe e veshur me petk antiserb". Aty, Kadare i quan organizatoret e dhunes ne kosove si "pula te lagura qe trimerohen kur nuk duhet" dhe "shqiptare te shitur te sherbimet e huaja, kryesisht serbe". Por, duket se keto rreshta kane bere kreret e AKSH-se, te reagojne ashper ndaj shkrimtarit duke e kercenuar "Mbani gojen, Ismail Pasha i Parisit, se akoma nuk kane vdekur Avni Rustemet, qe te bejne pishman perse ke le!"

Ahmed · 9 Apr 2004

Re: (Fytyra);Britma e Kadarese

Adili: Kadare s'duhet te gjykoje shqiptaret nga Parisi

Fronti per Bashkimin Kombetar Shqiptar (AKSH) ka reaguar dje ne lidhje me kercenimin qe i eshte bere Shkrimtarit te njohur, Ismail Kadare ne faqen e tyre te internetit, duke u shprehur se "as fronti dhe as AKSH-ja nuk kercenojne individe sepse individet jane shume te vegjel perpara ketyre strukturave". Nje nga drejtuesit e AKSH-se, Gafurr Adili theksoi dje per mediat shqiptare se ne faqen e internetit te AKSH-se, eshte e vertete qe eshte hedhur nje leter-pergjigje, si kunder-reagim ndaj deklarates se njeriut te letrave shqipe "per ofendimet dhe sharjet qe i beri popullit shqiptar te Kosoves, ashtu sic ka edhe shume shkrime te tjera". "Sekretari per Propagande dhe Informim i Frontit te Bashkimit Kombetar Shqiptar, me tha qe ky leter reagim u eshte derguar te gjithe mas mediave shqiptare, i eshte derguar edhe gazetes "Shekulli", por ajo nuk eshte botuar. Nuk ka te drejte Kadare te gjykoje popullin shqiptar nga Parisi", nenvizoi dje, Adili. Keto reagime kane ardhur si pasoje e publikimit dy dite me pare, te nje opinioni te shkrimtarit Ismail Kadare ne faqet e te perditshmes shqiptare. Ne kete opinion, Kadareja shprehej se zhvillimet e furishme ne Kosove, pas incidentit te mbytjes se tre femijeve shqiptare, ishin "nje duhme vetevrasese, kryekeput antishqiptare dhe e veshur me petk antiserb". Aty, Kadare i quan organizatoret e dhunes ne kosove si "pula te lagura qe trimerohen kur nuk duhet" dhe "shqiptare te shitur te sherbimet e huaja, kryesisht serbe". Por, duket se keto rreshta kane bere kreret e AKSH-se, te reagojne ashper ndaj shkrimtarit duke e kercenuar "Mbani gojen, Ismail Pasha i Parisit, se akoma nuk kane vdekur Avni Rustemet, qe te bejne pishman perse ke le!"

glaukus · 9 Apr 2004

Re: (Fytyra);Britma e Kadarese

Fotaqis, si perkrahes i helenizmit/Greqise duhet te tregosh me teper klas kur sulmon nje kollos te letrave shqipe se na peshtiros pak me komentet e tua idhnake qe nuk duan shume fakte te hidhen poshte.
Biles ti si ortodoks pro-grek te "acaron" edhe fjalia e drejte e Kadarese: “I dënoj ekstremistët kosovarë; i dënoj shqiptarët e Kosovës ... " Pse ti si "perkrahes" i shqiptareve i mbeshtet aktet ekstremiste ... apo nuk na e ke nxjerre 2 here edhe tekstin anonim te AKSH qe kercenon Kadarene, nje mbrojtes te madh te SHQIPTARIZMIT.

Une i them bravo Kadarese SE AI QE TE QORTON TE DO. Kadareja nuk e ka hedhur poshte Kosoven, sidomos ne keto dite te veshtira ku deshira per pavaresi perzihet me inatet e vjetra e te reja qe burojne nga krime qe serbet vazhdojne te kryejne mbi shqiptaret kosovare.

AKSH ben mire t'i hyje me thelle fjalive te Kadarese se kosovaret duhet ta kuptojne se DUKE SHEMBUR E DJEGUR KISHA FYEJNE BASHKEKOMBASIT E TJERE TE KRISHTERE SHQIPTARE + qe edhe vete kosovaret shqiptare jane mbi 3% te krishtere (shumica katolike dhe nje pakice ortodokse). Kadare nuk po fut zjarrin e luftes a ekstremizmit sic po bejne disa por po i therret arsyes, TRADITAVE TE SHQIPTAREVE, tolerances , respektit per besimin e tjetrit qofte ky edhe serbi me i poshter.
Pse duhen prekur kishat e manastiret ne shenje hakmarrjeje ? Pse keshtu i thuhet Europes se krishtere se jemi gati per shtet europian ?
Pse keshtu fitohet besimi/perkrahja e te krishtereve shqiptare ?
Sigurisht qe kisha serbe ka fajet e veta se me kryq ortodoks te madh ne qafe shetiste ndonjehere edhe krimineli ARKAN, por kosovaret duhet te jene me largpames se sa nje pjese anti-shqiptare e serbeve. Kjo kishe ishte ajo qe ne nje fare menyre rriti brezin shkaterrues/nacionalist serb dhe mjaft prej tyre luftonin per tokat serbe ne emer te ortodoksise !
Po pra, vritnin ne emer te Zotit kryqtaret ortodokse moderne ! Kam pare edhe shkrime kur autoret kane shkuar teper larg duke pyetur: A na duhen keto kisha qe u sherbyen ketyre lloj njerezve, nje kishe qe kullon gjak boshnjakes, kroatesh e shqiptaresh ...

AKSH te mos behet trime e te kercenoje ate qe po perpiqet ti veje ne vije te drejte kosovaret.
Nuk fitohet keshtu pavaresia por as nuk ndihmohet ceshtja shqiptare DUKE I MBYLLUR ZERIN KRITIK/TE ARSYES atyre qe kane peshe dhe e kane treguar (sidomos pas renies se komunizmit) me vepra se bejne per shqiptarizmin.
Krahasimi me Avni Rustemin mund ti behej ndonje personi politik qe vertet po e ben lemsh politiken shqiptare me akte anti-kombetare, por perseri dhuna do sillte me teper dhune e pasiguri per te ardhmen.

Ahmed · 9 Apr 2004

Re: (Fytyra);Britma e Kadarese

Shiko re Galkaus;
Mos u hiq kaq shume parimor dhe i modernizum.
Si ortodoks qe qenke(une isha)ne tere diskutimin tend se vend vetem preokupimi yt per kishat e serbeve se sa preokupimi per popullaten kosovare.
Ne rast se ti je perkrahes i Kadarese shko ne verr te s.ames dhe keput qafen.
Fatkeqesia e shqiptarizmes eshte servilizmi i tepruar karshi kombeve te tjera.
Dhe nr 2 i kesaj fatkeqesie eshte ngritja dhe servilizmi i tepruar karshi kultit te individit;e gjithe kjo vjen nga injoranca e tepert qe gezon shumica e popullit tone.
Se fundi,mos nderhy ne kete teme me subjekte te tjera,vendin per besimet fetare e ke ne ''Teologjia'' atje mund te diskutosh per bukuri per kishat ortodokse.

tushi · 10 Apr 2004

Re: (Fytyra);Britma e Kadarese

foTaqi selam alejkum
kisha pas deshire ne rast se ke mundesi dihet me pa nje analize tanden mbi ket shkrim.Te faliminderit. <img src="/pf/images/graemlins/tongue.gif" alt="" />

Brenga

Në eseun e shkëlqyer të Zhan Pol Sartrit “Ç’është intelektuali”, autori bën dallimim mes shkencëtarit, dijetarit dhe intelektualit. “Nëse duhet një shembull për këtë koncept, që është i përbashkët për të gjithë intelektualët, unë do të thoja se nuk mund të quhen”intelektualë” shkencëtarët që punojnë në ndarjen e atomit për ta përsosur armën për luftën bërthamore:ata janë shkencëtarë të thjeshtë. Por, kur po ata shkencëtarë, të frikësuar nga forca destruktive e armës, prodhimin e së cilës ata e mundësojnë, bashkohen dhe nënshkruajnë manifestin në të cilin ia tërheqin vëmendjen opinionit për rrezikun e përdorimit të bombës atomike, atëherë ata bëhen” intelektualë”.

Duke lexuar shkrimin e Ismail Kadaresë “Riparimi i së keqes” sërish u binda për funksionimin e tij si intelektual në rastin e ngjarjeve të fundit që ndodhën në Kosovë. Ishte një reagim tipik intelektual, i përshkuar me brengë për fatin e ideve, të njerëzve dhe të proceseve. Në këtë artikull mishërohej një ide, po aq e thellë dhe gjeniale e poetit Gëte, e cila thotë “ Mbi popullin është humaniteti”. Shkrimtari ynë i njohur e mbrojti nga vetë shqiptarët humanitetin, duke dhënë porosi të qarta se pa këtë vlerë ideja shqiptare bëhet e pavlefshme. Brenga që e shfaq Kadareja është një tregues i fuqishëm se populli shqiptar ka kapacitete morale,intelektuale dhe politike ta njohë dhe të distancohet nga e keqja. Nuk duhet harruar poashtu se fenomeni i brengës, në fillim të shekullit 20-të u shndërrua në kategori filozofike, veçmas në veprat e filozofit të madh, Seren Kirkegard. Ngjashëm me Kadarenë shumë intelektualë , publicistë dhe politikanë shqiptarë nga të gjitha viset tona u distancuan pa hezitim nga kjo dhunë, jo vetëm nga brenga ,por dhe nga habia se si mund të ndodhë diçka e tillë që nuk i takon traditës kulturore dhe kombëtare shqiptare.

Si mund të digjen ato kisha që deri dje, shekuj me radhë janë mbrojtur nga vetë shqiptarët?! Natyrisht ka shumë mënyra për ta shpjeguar këtë zbrazje të mllefit, mirëpo nuk do t’i hyjmë kësaj analize meqë nuk duam të lëmë përshtypjen se orvatemi të arsyetojmë diçka të tillë. Me këtë rast e shohim të dobishme të bëjmë disa krahasime: si reagoi faktori shqiptar, faktori serb dhe ai ndërkombëtar?

Elita shqiptare reagoi shpejt, duke dënuar dhe duke u distancuar nga dhuna, nga aktet vandaliste, nga shkurtpamësia politike etj. Dallimi i vetëm mes tyre ishte përkufizimi i rrjedhës së ngjarjeve: dikush i cilësonte si spastrim etnik, dikush si tentativë për spastrim etnik e dikush tjetër manifestim i dhunës…Por gjithsesi, pa përjashtim të gjithë i dënuan këto ngjarje tragjike të 17 marsit. Në këtë kontekst vlen të veçohet reagimi i prindërve të fëmijëve të mbytur ,të cilët apeluan të ndërpriten protestat, të vendoset qetësia, rendi dhe stabiliteti në shoqëri. Prindërit e fëmijëve të mbyrtur, të dërrmuar nga dhimbja, gjetën forca morale ta ngrejnë zërin kundër hakmarrjes ndaj serbëve. Ata porositën: MJAFT!
Si reaguan serbët, populli që ka hartuar në 100 vitet e fundit elaborate shumë precize për shfarosjen sa më efikase të shqiptarëve, madje dhe për pushtim të hapësirave gjeografike të Shqipërisë së Veriut në emër të idesë naciste për hapësirë jetësore( lebensraum)? Reagimet e elitës serbe ishin ekzaltuese. Ata ,as që përpiqeshin ta fshihnin entuziazmin nga djegia e shtëpive, kishave, vdekja e njerëzve. Të gjitha reagimet e tyre ishin në dimension të një utilitarizmi morbid politik. Ata me ngazëllim shfrytëzuan këto ngjarje irracionale të Kosovës për të arritur të paktën dy qëllime utilitare:
- T’i dënojnë sërish sulmet e Natos në caqet ushtarake të armatës jugosllave që në mënyrë brengosëse dëshmon se ata ende nuk janë distancuar nga politika gjenocidale e Millosheviqit, se ata nuk arrijnë intelektualisht dhe moralisht ta zbulojnë fajin dhe turpin në vetvete, ashtu si bëri Ismail Kadare. Në vijë të këtij konstatimi vetvetiu krijohen dy paradigma, ajo e nobelistit serb Ivo Andriç, i cili harton rezoluta për shfarosje të shqiptarëve dhe ajo e shkrimtarit të madh shqiptar Ismail Kadare që dënon ashpër vandalizmin shqiptar dhe kërkon riparim urgjent të së keqes;
- Të kërkojnë që të pranohet projekti i ndarjes së Kosovës mbi baza të shpifura etnike.
Përderisa shqiptarët, të zhgënjyer nga vetja, të dëshpëruar deri në mazohizëm, kërkonin shpjegime, madje dhe duke prodhuar teori të ndryshme të konspiracionit, shprehnin qartazi distancën nga këto akte, reagimet serbe ishin përfituese, utilitare. Si reagoi faktori ndërkombëtar? Me zhgënjim të skajshëm, që në kontekstin e interpretimeve serbe-maqedonase na dukeshin edhe më të errëta. Në ajër pezullonin akuza të tipit “ e kafshuat dorën që ju ushqente”, “sulmuat ata që ju morën në mbrojtje”,”jeni bukëshkelë” dhe vlerësime të tjera të ngjashme. Edhe pse këto fjali nuk u përmendën nga asnjë diplomat i huaj, megjithatë u vendos një relacion që ishte i padrejtë ndaj shqiptarëve: Ose do të jeni 100 përqind të mirë, ose do t’ju dënojmë 100 përqind. Pra, imponohej teza e dënimit të skajshëm të shqiptarëve duke marrë qëndrimin negativ ndaj statusit të Kosovës.

Këto ide qarkullojnë në një kohë të gjatë dhe janë të padrejta si politikisht ashtu dhe moralisht ndaj shqiptarëve, ngaqë ata, thënë më saktë, elita e tyre , jo vetëm që nuk e prodhoi krizën , por dhe u distancua fuqishëm nga ajo. Edhe popujt e tjerë, shumë më të qytetëruar se shqiptarët kanë momente të derdhjes irracionale të mllefit ku vandalizohet gjithçka. Me këtë rast do të përmendim përleshjet e përgjakshme mes emigrantëve,”të huajëve” indusë, pakistanezë me anglezë të një qytezë të Britanisë së Madhe vite më parë, ose destruktivitetin e fansave të skuadrave të ndryshme anembanë qyteteve të Evropës. Me këtë nuk dëshirojmë të hyjmë në ilustrime të përimtësuara të iracionalitetit të skinhedsave, apo të satanistëve euro-amerikanë që ndjegin kisha dhe shtëpi anekënd Evropës. Është e padrejtë kërkesa që shqiptarët duhet të jenë të shenjtë, shembullorë, të mos kenë cene. Gjithsesi, ata nuk janë të tillë dhe as që kanë qenë dikur. Madje, shpeshherë manifestojnë sjellje të mbrapshta që ua nxinë shpirtin edhe shqiptarëve më të mëdhenj ,të cilët nga zemërplasja shpesh kanë deklaruar: “le të dijë bota mbarë se X.Y. nuk është më shqiptar”.

Është e çuditshme qasja e faktorit ndërkombëtar ndaj elementit boshnjak dhe atij shqiptar, ndaj popujve më të persekutuar të kësaj periudhe historike: kërkohet prej tyre sjellje e përsosur. Kohë më parë ndoqa një intervistë në BBC “ Hard talk” me ulemanë tepër të moderuar të bashkësisë islame boshnjake, dr. M. Ceriq. Gazetarja agresive, në kuadër të klimës tashmë të krijuar se Bosnja është trampolinë e mundëshme e terrorizmit islamik, kërkonte nga ai konfirmim ose mohim të akuzës se në Sarajevë ka ose nuk ka baza të Al-Kaedës. Gazetarja kërkonte me çdo kusht, si një police përgjigje të saktë, të cilën i gjori ulema nuk mund t’ia jepte ,ngaqë nuk posedonte informacione të atij lloji. Megjithatë, problemi nuk qëndron te cilësia e informacionit që duhet të ketë ulemaja, por te qasja e padrejtë e gazetares ndaj tij që nënkuptonte konfirmimin e kërkesës për pafajësinë qindpërqindëshe të boshnjakëve ndaj fenomenit të terrorizmit global ,duke harruar faktin se Al-Kaeda ka thurur folenë e vet nëpër të gjitha metropolet e Evropës dhe se me të bashkëpunojnë pjesëtarë të popujve dhe të përkatësive të ndryshme fetare. Do të ishte mirë që boshnjakët të bëjnë përjashtim, por në parim nuk kemi të drejtë morale të kërkojmë nga ata që të jenë imun ndaj këtij virusi planetar.

Pra, shqiptarët me këto ngjarje të 17 marsit treguan se nuk janë idealë, treguan se janë irracionalë, destruktivë ndaj vetes dhe ndaj të tjerëve. Por ama, ata njëkohësisht dëshmuan se kanë mundësi për introspekcion moral dhe sens për turp. Turpi manifeston njohjen e së keqes, distancën nga ajo , pra edhe përmirësimin e gabimit.

Ky gabim trashanik, irritues zgjati 2 -3 ditë dhe nuk u shndërrua në sistem. Nga ana tjetër, duhet kuptuar qartë se populli serb, qasjen e vet të gabueshme e ka shndërruar në sistem që funksionon më se 100 vite, saqë ata nuk kanë forcë të distancohen nga ajo. Duke kritikuar sulmet e Natos ata nuk arrijnë ta njohin, të turpërohen, ta dallojnë krimin e Millosheviqit ndaj shqiptarëve. Ata, sot e kësaj dite e fshehin Karagjiqin dhe Mlladiqin duke i trajtuar si heronj kombëtar.

Pra, unë nuk jam i befasuar nga modaliteti i shfaqjes së frustracioneve kombëtare shqiptare, nga destruktiviteti i tyre, por diçka tjetër më duket se duhet të na shqetësojë:çështja e vendimmarrjes politike. Populli shqiptar i viseve jashtë shtetit amë në një kohë të gjatë ka vepruar në ilegalitet për shkak se nomenklaturat politike kanë qenë në funksion të regjimeve të huaja. Kjo mënyrë e veprimit politik vazhdon sot e kësaj dite edhe pse tashmë kemi përfaqësues të popullit, të zgjedhur me procedurë demokratike dhe ata, sipas rregullit do të duhej të ishin vendimmarrësit legalë dhe legjitimë. Ajo që duhet të na brengosë dhe të na vërë në veprim është vazhdimi i praktikës së marrjes së vendimeve të mëdha kombëtare në ilegalitet. Nuk duhet të shtrohet pyetja se çfarë kulture manifestuan shqiptarët në protesta, por duhet të fokusohemi te një çështje tjetër: ku merren vendime për kryengritje, për djegie shtëpish , kishash, sulmesh mbi UMNKU-n dhe KFROR-in? Nëse një popull nuk merr vendime në institucionet legale dhe legjitime demokratike, atëherë kjo do të thotë ose nuk e kontrollon dot veten, ose nuk i fuknsionojnë institucionet demokratike. Pra, në këtë mënyrë vetvetiu hapet çështja e kapaciteteve, e energjive, apo aftësive shtetformuese. Kjo është shumë më me rëndësi se sa vetullat e vrenjtura të Solanës apo të Patenit. Këto vendimmarrje në zona të hirta, apo në ilegalitet drejpërsëdrejti vënë në pyetje çështjen e shtetësisë së Kosovës, pra të statusit të saj.

Një popull fiton të drejtën e posedimit të sistemit, të qeverisjes në të, vetëm atëherë nëse ofrohen garanca për vetëkontroll, për respektim të vazhdueshëm të standardeve, të parashikuara në dokumentet ndërkombëtare. Kjo do të thotë, se respektimi i të drejtave të serbëve, qarkullimi i lirë i tyre në Kosovë, respektimi i trashëgimisë së tyre kulturore nuk është vetëm interes serb, por para së gjithash është interes shtetëror i Kosovës dhe me këtë interes kombëtar shqiptar./Arbën XHAFERI/09 Apr 2004/

Ahmed · 10 Apr 2004

Re: (Fytyra);Britma e Kadarese

Ngjashëm me Kadarenë shumë intelektualë , publicistë dhe politikanë shqiptarë nga të gjitha viset tona u distancuan pa hezitim nga kjo dhunë, jo vetëm nga brenga ,por dhe nga habia se si mund të ndodhë diçka e tillë që nuk i takon traditës kulturore dhe kombëtare shqiptare.

Tusho-rrapotusho,bre katolik Mirdite,
Keta te ashtuquajturit mesiper,e kane pas dhe e kan zakon qe ne kohen e Ahmet Zogut e deri me sot te shesin b.then e tyre,te angazhohen e perulen per gjithshka,sic po bejne edhe me Camerine.
Keta bastarde fusin ne burge camet ne demostrata,por nuk guxojne te fusin ne burg greket kur demonstrojne.Keta angazhohen te ngrene kishat serbe por nuk angazhohen te ngrene shtepi per shqiptaret e pastrehe.Kur shqiptaret te behen nje trup i vetem dhe me nje mendje nacionaliste atehere do te fitojne.Keshtu sic jane sot kurre nuk kan per t'u ber nje komb me karakter nacionalist.
Kadare llomotit nga Parisi,pasi e ka te lehte te bej matrapazlleqe me armiqte e SHqiperise ne kurriz te popullit Kosovar,UCK-ne ai me Rugoven i quajti kriminele ''komunistash'' etj etj.Se shohim asnjehere Kadarene te nreje probleme per vendlindjen e tij Gjirokastren kundra grekerve.Te mos zgjatem;
A Xhaferri eshte nje sorrogato e Kadarese,nje nga tifozet e tij me te tjere.
Botes dhe Evropes ''intelektualet'' tane me qeverine dhe parlamentin kuinsling i treguan si me Kosoven dhe me Camerine qe,cdo revolte e tyre nuk ka per te patur asnjehere perkrahje nga Shqiperia.
Tush,o katoliko-centrist,ti je me i keq se shkau,ne tradite e keni pas te beni politiken e tyre.

tushi · 10 Apr 2004

Re: (Fytyra);Britma e Kadarese

Ku ta pash postimin tand thash ta la me aq se kur te shohi dikush shkrimin tand tash po i vjen me vjelle e njashtu ka me ra ne fund te koshit.Po masanej thash foTaqi shkret ka nevoj per ndihme,asht tuj kalu nji krize identiteti te paimagjinushme.Ish komunist me thelb shakllabanoanadollak injorant ne kulm,jo pa qellim ta dhash me analizu at shkrimin e masiperm.Kaq i rendesishem per te asht ky shakllabanoanadollakllek sa i bjen mohit edhe komunistave te ri si Nano me preteksin se kan dal nga vija e partis.Diçka qe e ranon ma teper krizen e tij asht edhe zhgenjimi qe ka perjetu kur ka pa nga afer vlerat perendimore qe s'pergjitshin hiç me ato te pershkrume nga NANA PARTI <img src="/pf/images/graemlins/mad.gif" alt="" /> .Tuj trondit seriozisht shtyllen komuniste brenda foTaqit e ne njejten kohe tuj forcu shtyllen shakllabanoanadollake me te cilen perfaqsohet krenar.foTaqi ta kam shkru ma siper ishalla Zoti

ban mrekulli me ty se une nuk jam shume optimist per te ardhmen tande <img src="/pf/images/graemlins/frown.gif" alt="" />

Ahmed · 11 Apr 2004

Re: (Fytyra);Britma e Kadarese

Ti o mjeran,ki nevoj me msue si me fol ma s'pari,se sun po dinke hiq guhen zyrtare.Shpellorat sikur ti duhet me i qu me studju n'Paris per me i thith k.rin Kadares,veq per njato pun jini t'mir fort,per kurgja tjeter s'jini.
Tush serbofili,shuj tash e mos shkru ma se ji tuj i qit bojen fares tane,halabakeve te Mirdites.
Po m'duket se ji prej Kosove(Rugovian),e po qe njashtu,dije se asht ma zi per me i ndigjue kto komente prej nji pederi sikur ti.

tushi · 12 Apr 2004

Re: (Fytyra);Britma e Kadarese

Fillimisht postuar nga Fotaq:
[qb] Ti o mjeran,ki nevoj me msue si me fol ma s'pari,se sun po dinke hiq guhen zyrtare.Shpellorat sikur ti duhet me i qu me studju n'Paris per me i thith k.rin Kadares,veq per njato pun jini t'mir fort,per kurgja tjeter s'jini.
Tush serbofili,shuj tash e mos shkru ma se ji tuj i qit bojen fares tane,halabakeve te Mirdites.
Po m'duket se ji prej Kosove(Rugovian),e po qe njashtu,dije se asht ma zi per me i ndigjue kto komente prej nji pederi sikur ti. [/qb]

Po pse nuk pyt mor foTaq te kisha kallxu une se gjynah me i fut tan at kasavec vedit.Nejse tash fillo e meno diçka per Shkodren.Puna asht se sot jane Pashket e nuk kisha pas deshira me tu pergjigj ne kte mnyre si u pergjigje ti po prej neser me ke gati.Bafte qe ringjallja e Krishtit te ringjalle shpresen ne shpirtin tend te pushtuar nga satanai.Amen

(Fytyra);Britma e Kadarese

Triumfi

Primus registratum

Le_Routard

Forumium maestatis

Ahmed

Primus registratum

romeo

Forumium maestatis

Fletrrufeja

Primus registratum

tushi

Valoris scriptorum

Ahmed

Primus registratum

Ahmed

Primus registratum

savage

Primus registratum

Ahmed

Primus registratum

Ahmed

Primus registratum

Ahmed

Primus registratum

glaukus

Primus registratum

Ahmed

Primus registratum

tushi

Valoris scriptorum

Ahmed

Primus registratum

tushi

Valoris scriptorum

Ahmed

Primus registratum

tushi

Valoris scriptorum