Femija i sapolindur ne burg me te jemen.
Artikulli i meposhtem eshte marre nga gazeta Shqiptare, date 7 gusht 2003.
Mendoni se ka pasoja per femijen nese i kalon tre vitet e para te jetes ne burg me te jemen?
Ju lutem te justifikoni pergjgjet tuaja, cilado qofshin ato, per te patur nje debat me frytdhenes...
NJE DHOME PER NENEN E BURGOSUR
Shota në qeli me djalin
Lë maternitetin, transferohet në burgun 325
--------------------------------------------------------------------------------
Kur gardiania hap derën e hekurt, një foshnjë që loz mbi krevatin e burgut hedh sytë kureshtarë drejt mysafirëve të rinj. Vogëlushi sapo ka lindur dhe dje në mëngjes është gjendur në strehëzën e re, ku i duhet të kalojë tre vitet e para të jetës së tij. Mimoza Shota është transferuar së bashku me të birin në burgun 325 në kryeqytet. Sipas gardianëve që e shoqëruan, voglushi ndihej mirë, megjithëse kërkonte të pinte gji herë pas here. Ndërsa Mimoza nuk tregohet aq e dashur me krijesën e saj. Teksa i jepte gji, mendjen e kishte diku gjetkë. Nuk e përkëdhel vogëlushin, nuk i këndon një ninullë për ta vënë në gjumë. Çdo veprim i saj është mekanik dhe nuk duket asnjë ndjenjë dhembshurie për krijesën e saj. Megjithatë voglushi është ndier i lumtur. Në atë dhomë me hapësirë prej 2 metra katrorësh, me të ndodhet nëna. Të tjerat i përkasin një realiteti të çmendur. Mimoza Shota së bashku me voglushin e saj pret vendimin e gjykatës në një dhomë në hyrje të burgut 325 të Tiranës. Tashmë askush nuk mund ta takojë gruan që shtiu në emër të nderit. Dera hapet dhe mbyllet vetëm nga gardiania e turnit. Gratë e tjera të burgut 325 nuk kanë asnjë kontakt me të. Mimoza mbahet nën masat e sigurisë së lartë, bashkë me të edhe vogëlushi.
Mimoza, e privilegjuara e burgut
Megjithëse ka masën e dënimit "burg pa afat", Mimoza është ndër më të privilegjuarat e grave që vuajnë dënimin në burgun 325. Drejtoria e këtij institucioni ka marrë të gjitha masat që Mimozës dhe fëmijës së saj t'i krijohen të gjitha kushtet e domosdoshme të jetesës. Zëdhënësja e drejtorisë së burgjeve, Migena Leskoviku, thotë për Gazetën Shqiptare, se "Mimoza është vendosur në një dhomë të veçantë me të gjitha kushtet. Për shëndetin e saj kujdeset një personeli mjekësor i cili do të mbajë nën kontroll edhe fëmijën". Dhoma, në hyrje të burgut 325 ku për tre vjet do të jetojë gruaja tani lehonë, është e pajisur me krevatin e voglushit, si dhe disa lodra. Të gjitha këto janë komoditetet që, sipas zëdhënëses, do të mundësojnë sadopak që voglushit t'i krijohen hapësirat normale të jetesës.
Shota nuk është e vetme
Kur dje në orët e para të ditës Mimoza është zhvendosur në burgun 325, mbërritja e saj nuk i ka çuditur jo vetëm gardianët, por edhe gratë e dënuara. Tashmë janë mësuar që edhe vogëlushë të pafajshëm të vuajnë dënimin për krimet që kanë bërë nënat e tyre. Rasti i voglushit të Mimoza Shotës që duhet të vuajnë dënimin e së ëmës është i dyti. Tre vitet e para të jetesës në këtë burg i ka kaluar edhe Laura, vajza e Lia Shutanit. Laura është rritur aty vetëm sepse e ëma vrau në emër të kanunit. Vogëlushja jetoi në burg se e ëma qëlloi mbi 16-vjeçarin Zef Hila të mërkurën e 28 marsit 2002. Këtë fat do të ketë edhe djali i Mimozës. Edhe ai do të jetë i burgosur për tre vjet, duke vuajtur dënimin e nënës që i vrau babain. Zëdhënësja e drejtorisë së burgjeve thotë që, në bazë të ligjit, nëna ka të drejtën ta mbajë pranë saj, edhe në burg, fëmijën. Voglushi mund t'i shpëtojë këtij dënimi vetëm nëse nëna e tij vendos ta dërgojë në një nga institucionet shtetërore të rritjes së fëmijëve. Në të kundërt, edhe vogëlushi disa ditësh do të ketë fatin e Laurës që jetoi 3 vjet në burg.
Artikulli i meposhtem eshte marre nga gazeta Shqiptare, date 7 gusht 2003.
Mendoni se ka pasoja per femijen nese i kalon tre vitet e para te jetes ne burg me te jemen?
Ju lutem te justifikoni pergjgjet tuaja, cilado qofshin ato, per te patur nje debat me frytdhenes...
NJE DHOME PER NENEN E BURGOSUR
Shota në qeli me djalin
Lë maternitetin, transferohet në burgun 325
--------------------------------------------------------------------------------
Kur gardiania hap derën e hekurt, një foshnjë që loz mbi krevatin e burgut hedh sytë kureshtarë drejt mysafirëve të rinj. Vogëlushi sapo ka lindur dhe dje në mëngjes është gjendur në strehëzën e re, ku i duhet të kalojë tre vitet e para të jetës së tij. Mimoza Shota është transferuar së bashku me të birin në burgun 325 në kryeqytet. Sipas gardianëve që e shoqëruan, voglushi ndihej mirë, megjithëse kërkonte të pinte gji herë pas here. Ndërsa Mimoza nuk tregohet aq e dashur me krijesën e saj. Teksa i jepte gji, mendjen e kishte diku gjetkë. Nuk e përkëdhel vogëlushin, nuk i këndon një ninullë për ta vënë në gjumë. Çdo veprim i saj është mekanik dhe nuk duket asnjë ndjenjë dhembshurie për krijesën e saj. Megjithatë voglushi është ndier i lumtur. Në atë dhomë me hapësirë prej 2 metra katrorësh, me të ndodhet nëna. Të tjerat i përkasin një realiteti të çmendur. Mimoza Shota së bashku me voglushin e saj pret vendimin e gjykatës në një dhomë në hyrje të burgut 325 të Tiranës. Tashmë askush nuk mund ta takojë gruan që shtiu në emër të nderit. Dera hapet dhe mbyllet vetëm nga gardiania e turnit. Gratë e tjera të burgut 325 nuk kanë asnjë kontakt me të. Mimoza mbahet nën masat e sigurisë së lartë, bashkë me të edhe vogëlushi.
Mimoza, e privilegjuara e burgut
Megjithëse ka masën e dënimit "burg pa afat", Mimoza është ndër më të privilegjuarat e grave që vuajnë dënimin në burgun 325. Drejtoria e këtij institucioni ka marrë të gjitha masat që Mimozës dhe fëmijës së saj t'i krijohen të gjitha kushtet e domosdoshme të jetesës. Zëdhënësja e drejtorisë së burgjeve, Migena Leskoviku, thotë për Gazetën Shqiptare, se "Mimoza është vendosur në një dhomë të veçantë me të gjitha kushtet. Për shëndetin e saj kujdeset një personeli mjekësor i cili do të mbajë nën kontroll edhe fëmijën". Dhoma, në hyrje të burgut 325 ku për tre vjet do të jetojë gruaja tani lehonë, është e pajisur me krevatin e voglushit, si dhe disa lodra. Të gjitha këto janë komoditetet që, sipas zëdhënëses, do të mundësojnë sadopak që voglushit t'i krijohen hapësirat normale të jetesës.
Shota nuk është e vetme
Kur dje në orët e para të ditës Mimoza është zhvendosur në burgun 325, mbërritja e saj nuk i ka çuditur jo vetëm gardianët, por edhe gratë e dënuara. Tashmë janë mësuar që edhe vogëlushë të pafajshëm të vuajnë dënimin për krimet që kanë bërë nënat e tyre. Rasti i voglushit të Mimoza Shotës që duhet të vuajnë dënimin e së ëmës është i dyti. Tre vitet e para të jetesës në këtë burg i ka kaluar edhe Laura, vajza e Lia Shutanit. Laura është rritur aty vetëm sepse e ëma vrau në emër të kanunit. Vogëlushja jetoi në burg se e ëma qëlloi mbi 16-vjeçarin Zef Hila të mërkurën e 28 marsit 2002. Këtë fat do të ketë edhe djali i Mimozës. Edhe ai do të jetë i burgosur për tre vjet, duke vuajtur dënimin e nënës që i vrau babain. Zëdhënësja e drejtorisë së burgjeve thotë që, në bazë të ligjit, nëna ka të drejtën ta mbajë pranë saj, edhe në burg, fëmijën. Voglushi mund t'i shpëtojë këtij dënimi vetëm nëse nëna e tij vendos ta dërgojë në një nga institucionet shtetërore të rritjes së fëmijëve. Në të kundërt, edhe vogëlushi disa ditësh do të ketë fatin e Laurës që jetoi 3 vjet në burg.
.