Enveri: Stalin, na ndihmoni për Kosovën!
Letra sekrete që Enver Hoxha ia ka drejtuar udhëheqësit të Komitetit Qendror të Bashkimit Sovjetik, Josif Stalin, më 2 shtator 1949, lidhur me historinë e Kosovës, represionin jugosllav ndaj shqiptarëve të kësaj krahine dhe mënyrat se si mund të zgjidhet ky problem
Në vijim të publikimit të dosjeve sekrete të KGB-së për Shqipërinë, ABC boton të plotë “planin” që i parashtron udhëheqësi komunist shqiptar, homologut të tij sovjetik për të zbutur rolin e serbëve në politikën e Ballkanit.
Në vitin 1949, Enver Hoxha, udhëheqësi komunist shqiptar, i ka kërkuar për herë të parë ndihmë konkrete Bashkimit Sovjetik për Kosovën. Në ndërtesën “Lublanka”, selia e KGB-së, shërbimit sekret sovjetik, në seksionin për Shqipërinë, gjendet një letër e Hoxhës, e cila daton 2 shtator 1949. Pak kohë pas ndërprerjes së marrëdhënieve Shqipëri-Jugosllavi, gjë që më parë e kishte bërë edhe Bashkimi Sovjetik, Enveri i paraqet Josif V. Stalinit situatën e vështirë në të cilën gjendeshin shqiptarët përtej kufirit verior të Shqipërisë. Dokumenti, i klasifikuar “sekret” dhe që është nxjerrë nga arkivat e KGB-së pas më shumë se 55 vitesh, po botohet i plotë në faqet e ABC. I bindur në pazotësinë e shqiptarëve për mbrojtjen e interesave të qytetarëve kosovarë gjatë Luftës së Dytë Botërore, Hoxha pranon, në letrën konfidenciale drejtuar Stalinit, edhe mungesën e aftësisë për të reaguar ndaj drejtuesve të Partisë Komuniste Jugosllave pas përfundimit të luftës. Në një letër të gjatë, por që natyrisht nuk mund të përfshinte të gjithë historikun e raporteve shqiptaro-jugosllave në vitet ’40, Hoxha i paraqet Stalinit problemet dhe, natyrisht, i kërkon zgjidhje aleatit të saj të madh. Në letër, drejtuesi i shtetit komunist shqiptar flet, ndoshta për herë të parë, edhe për masakrën që ushtria jugosllave kreu ndaj kosovarëve në rrethinat e Tivarit, pak javë pas çlirimit të të dy vendeve nga pushtimi gjerman. Në rreshtat e shkruar në fundverën e vitit 1949, drejtuesi politik shqiptar duket që ka qenë i detyruar të paraqesë sa më shumë detaje. Ndryshe nga sa ka shkruar Hoxha në kujtimet e tij lidhur me takimet me Stalinin, ky i fundit nuk ka qenë një njohës i mirë i problemeve të Ballkanit dhe të popujve përbërës të tij.
Letra sekrete që Enver Hoxha ia ka drejtuar udhëheqësit të Komitetit Qendror të Bashkimit Sovjetik, Josif Stalin, më 2 shtator 1949, lidhur me historinë e Kosovës, represionin jugosllav ndaj shqiptarëve të kësaj krahine dhe mënyrat se si mund të zgjidhet ky problem
Në vijim të publikimit të dosjeve sekrete të KGB-së për Shqipërinë, ABC boton të plotë “planin” që i parashtron udhëheqësi komunist shqiptar, homologut të tij sovjetik për të zbutur rolin e serbëve në politikën e Ballkanit.
Në vitin 1949, Enver Hoxha, udhëheqësi komunist shqiptar, i ka kërkuar për herë të parë ndihmë konkrete Bashkimit Sovjetik për Kosovën. Në ndërtesën “Lublanka”, selia e KGB-së, shërbimit sekret sovjetik, në seksionin për Shqipërinë, gjendet një letër e Hoxhës, e cila daton 2 shtator 1949. Pak kohë pas ndërprerjes së marrëdhënieve Shqipëri-Jugosllavi, gjë që më parë e kishte bërë edhe Bashkimi Sovjetik, Enveri i paraqet Josif V. Stalinit situatën e vështirë në të cilën gjendeshin shqiptarët përtej kufirit verior të Shqipërisë. Dokumenti, i klasifikuar “sekret” dhe që është nxjerrë nga arkivat e KGB-së pas më shumë se 55 vitesh, po botohet i plotë në faqet e ABC. I bindur në pazotësinë e shqiptarëve për mbrojtjen e interesave të qytetarëve kosovarë gjatë Luftës së Dytë Botërore, Hoxha pranon, në letrën konfidenciale drejtuar Stalinit, edhe mungesën e aftësisë për të reaguar ndaj drejtuesve të Partisë Komuniste Jugosllave pas përfundimit të luftës. Në një letër të gjatë, por që natyrisht nuk mund të përfshinte të gjithë historikun e raporteve shqiptaro-jugosllave në vitet ’40, Hoxha i paraqet Stalinit problemet dhe, natyrisht, i kërkon zgjidhje aleatit të saj të madh. Në letër, drejtuesi i shtetit komunist shqiptar flet, ndoshta për herë të parë, edhe për masakrën që ushtria jugosllave kreu ndaj kosovarëve në rrethinat e Tivarit, pak javë pas çlirimit të të dy vendeve nga pushtimi gjerman. Në rreshtat e shkruar në fundverën e vitit 1949, drejtuesi politik shqiptar duket që ka qenë i detyruar të paraqesë sa më shumë detaje. Ndryshe nga sa ka shkruar Hoxha në kujtimet e tij lidhur me takimet me Stalinin, ky i fundit nuk ka qenë një njohës i mirë i problemeve të Ballkanit dhe të popujve përbërës të tij.