Re: Duhet legalizuar prostitucioni?
Fillimisht postuar nga denna:
[qb] po pikerisht per arsye te tilla une mendoj qe legalizimi do ndihmonte.te zhduket si fenomen , nuk mendoj se ka per te ndodhur ndonjehere. [/qb]
kriza e besimit për të ardhmen
"...Ç'ka më pret, çdo të më sjellë e ardhmja? Unë nuk e di, nuk parandjej asgjë... Para meje gjithmone ka hapësirë të zbrazët, ajo që më shtyn përpara është një konsekuencë, e cila shkrihet pas meje. Kjo jetë në themel dhe në mënyrë aq të tmerrshme është e kthyer kokëposhtë saqë kjo nuk mund të durohet". (S. Kierkegard)
Shqipëria bën pjesë në vendet me popullsi më të re në moshë. Brezi i ri ka përbërë rreth 15-20% të popullsisë së vendit këtë 10 vjeçar të fundit, tregues i lartë ky krahasuar me vendet e tjera. Fakti që popullsia rinore zë një vend të konsiderueshëm të popullsisë së vendit, përveç ndikimeve pozitive është shoqëruar edhe me kontradikta, të cilat kanë pasur dhe vazhdojnë të kenë pasoja negative. Liria në kuptimin më të thjeshtë të saj është dëshira për të mos pasur kufizime. Ata që e vlerësojnë lirinë duhet të thyejnë çdo kafaz skllavërie. Rinia e sotme gjendet ne një krizë besimi, për pasojë edhe në një varfëri shpirtërore, e cila e minimizon gjithnjë e më shumë motivin për të menduar dhe ndërtuar të ardhmen. Për pasojë patologjitë sociale si; droga, alkoolizmi,prostitucioni, etj, po krijojnë një situatë krize të përgjithshme, duke vënë në pikëpyetje mjaft vlera shoqërore e morale. Keshtu që sot është bërë tepër e vështirë të përcaktohet se çfarë është e drejtë dhe çfarë jo, çfarë është e lejuar dhe çfarë jo. Sot gjithçka ka kaluar në planin individual, pra, e mirë apo e keqe është ajo që unë e mendoj si të tillë, nuk ka vlera morale,sociale, JO, ato janë hedhur, flakur tutje.
E keqja më e madhe qëndron në faktin se edhe alternativat që i ofrohen rinisë së sotme janë në thelb negative. Në to kombinohen mënyra të çuditshme të veshuri, të modeleve, të flokëve, parapëlqimi për të qenë i ndryshëm apo i veçantë nga të tjerët, gjetja e rrugëve për t'u shmangur nga bota e organizuar. Eshtë e natyrshme që të gjitha këto nuk të çojnë asgjëkundi dhe një gjë e tillë as që mund të pretendohet. Në të vërtetë ajo nuk është gjë tjetër veçse rruga drejt një pike të vdekur, pa kuptim. Sado paradoksale që të duken arsyetimet e mësiperme, e vërteta është se të rinjtë ndjehen të çorientuar. Ata janë vënë në kërkim të qëllimeve, të cilat do t'i lidhin me diçka. Ndoshta emëruesi i përbashkët i disa prej zgjedhjeve të parapëlqyera të të rinjve është armiqësia ndaj një realiteti monoton dhe pa të ardhme. I riu i sotëm thjesht ka harruar se kush është. Ai ka projektuar përfytyrimin vetëm nga jashtë dhe në mënyrë sipërfaqësore mbi botën. Pastaj kur ka arritur ta "njohë" botën në një kuptim të tillë të jashtëm, ai ka kërkuar të rindërtojë një ideal të vetvetes të mbështetur mbi këtë dije te jashtme. Do të mund të thuhej se kriza e sotme (në mënyrë të vetëdijshme apo jo), është përpjekja për të "zhdukur zotat", për t'u shkëputur nga hyjnorja. Por njeriu nuk mund t'i shpëtojë efekteve të veprimeve të tij, të cilat janë frute të gjendjes aktuale të qenies së tij. E vetmja shpresë e tij është të mos jetë më krijesa rebeluese, por të lidhë paqe me botën . Kjo është thirrje drejtuar njeriut për të kuptuar kush është ai dhe për t'u bërë i vetëdijshëm për atë shkëndijë të amshimit, të cilën ai e ka brenda vetes.
