BeRaTsi_MiZeRje
Aktivist i AlbForumi
Dëshironi të ruani dukjen dhe formën rinore? Mjeku.Net ju sjell katër ushqimet të cilat duhet t’i përfshini në dietën tuaj që nga dita e sotme. Ata përmirësojnë shikimin, jetën seksuale dhe mbajnë nën kontroll tensionin e gjakut.
Peshku
Peshku është i pasur me acide yndyrore omega 3 të cilat janë të mira për zemër, ulin kolesterolin dhe lehtësojnë problemet reumatike. Por peshku është i mirë edhe për shëndetin e syve. Mishi i peshkut është i pasur me niacinë për të cilin studimet kanë treguar se ul dukshëm rrezikun e shfaqjes së degjenerimit makular, që shfaqet me kalimin e viteve.
Shalqiri
Studiuesit amerikanë kanë zbuluar disa lëndë ushqyese të cilat janë në përbërjen e shalqirit, përfshirë citrulinën, të cilat në organizëm shndërrohen në argininë, e cila është një mjet i shkëlqyeshëm për libido. Arginina rrit monoksidin e azotit që çliron enët e gjakut. Të njëjtin efekt e jep edhe Viagra. Andaj, sipas mjekëve, shalqiri është një stimulues seksual natyral dhe një ilaç i shkëlqyeshëm kundër çrregullimeve erektile.
Banania
Rreziku për të zhvilluar tension të lartë të gjakut rritet me kalimin e viteve. Ekspertët këshillojnë konsumimin e ushqimit të pasur me kalium për të luftuar këtë shqetësim shëndetësor. Në mesin e ushqimeve më të pasura me këtë mineral janë edhe bananet.
Frutat e thata
Studime britanike kanë treguar se konsumimi i frutave mund t’u ndihmojë të bini në peshë dhe të ruani ndjenjën e ngopjes. Personat e studiuar të cilët në dietën e tyre kanë përfshirë edhe fruta të thata, kanë humbur më shumë kilogramë dhe centimetra rreth belit krahasuar me ata të cilët nuk kanë konsumuar këto fruta. Përveç kësaj, frutat e thata janë edhe një burim i mirë i fibrave të cilat rregullojnë tretjen.
