BE "certifikon" paaftesine ligjberese te qeverise.
Bashkimi Evropian dhe Këshilli i Evropës harton guidën për procesin legjislativ në Shqipëri
BE: Si duhet t'i bëni ligjet në Shqipëri
“Manuali duhet të respektohet nga të gjitha institucionet qeveritare shqiptare”
Klodian Rado
TIRANË- Bashkimi Evropian dhe Këshilli i Evropës vendos që t’i tregojë autoriteteve shqiptare mënyrën se si të hartojë ligjet. Kjo është detyra më e fundit që autoritete më të larta të Evropës i kanë lënë organeve kryesore të shtetit shqiptar. Këtë detyrë ata e kanë prezantuar me anë të një materiali të titulluar si “Manual për hartimin e ligjeve në Shqipëri”. Ky manual, i hartuar nga ekspertët e Bashkimit Evropian dhe Këshillit të Evropës, në bashkëpunim me ekspertët vendës, ka si qëllim kryesor të ndërtojë një guidë të vërtetë për procesin legjislativ në Shqipëri. Manuali për hartimin e ligjeve iu prezantua edhe autoriteteve më të larta shqiptare, por përfundimisht ky manual iu la në dispozicion të gjithë ministrive dhe sidomos Drejtorisë së Kodifikimeve pranë Ministrisë së Drejtësisë. Varianti përfundimtar i këtij manuali u harta me ndihmën e EURALIUS-it, i cili është Misioni Evropian i Asistencës për Sistemin Shqiptar të Drejtësisë, nën drejtimin e Gerald Colledanit.
Objekti kryesor i këtij manuali është të vendosë standarde evropiane në procesin e hartimit të ligjeve në Shqipëri, sidomos tani në prag të nënshkrimit dhe ratifikimit të Marrëveshjes së Stabilizim-Asociimit me BE-në, ku përafrimi i ligjeve shqiptare me acquis communautaire (të drejtën e BE-së) është një domosdoshmëri. Sipas vetë përmbajtjes së manualit “qëllimi i tij është që të mundësojë vijueshmërinë dhe njëtrajtshmërinë e legjislacionit shqiptar, si dhe të udhëzojë dhe ndihmojë zyrtarët shqiptarë gjatë procesit të hartimit, diskutimit dhe miratimit të legjislacionit”. Ndërkohë, gjithashtu ekspertët evropianë rekomandojnë prerazi që në hyrje të kësaj guide se “Manuali duhet të përdoret dhe të shërbejë si burim dhe udhëzues për përmirësimin dhe ruajtjen e cilësisë së lartë të legjislacionit shqiptar”, duke urdhëruar gjithashtu se “manualin duhet ta mbajnë të gjitha autoritetet e shtetit shqiptar dhe ai duhet të botohet gjithashtu në formë elektronike në internet për të gjitha palët e interesuara”. Domosdoshmëria e vënies në zbatim të këtij manuali rrjedh sidomos edhe nga niveli i ulët që shfaqet jo pak herë gjatë ligjbëries në Shqipëri, fakt i cili është vënë re edhe në amendamentet e fundit që vendosin kufizime të rëndësishme të lirive dhe të drejtave themelore të njeriut.
Qëllimi kryesor i këtij manuali, sipas vetë përmbajtjes së tij, është “trajtimi i çështjeve kryesore që lidhen me përgatitjen e duhur të legjislacionit”. Ai përmban udhëzime për teknikat dhe mënyrën e hartimit të ligjeve, duke përfshirë që nga procesi legjislativ ashtu edhe organizmin e punës nëpër institucione. Ai përfshin dhe trajton punën përgatitore për projektligjet që përgatiten dhe i paraqiten parlamentit nga qeveria.
Statusi i manualit
Manuali për hartimin e legjislacionit në Shqipëri konsolidon dhe sqaron ligjin dhe rregullat shqiptare të zbatueshme gjatë hartimit të tyre. Sipas ekspertëve evropianë, “ai nuk ka për qëllim që të përcaktojë norma të reja ligjore të detyrueshme dhe as nuk ka për qëllim të shtrihet në çështje të politikës, por manuali jep udhëzime dhe praktikën më të mirë për zbatimin e njëtrajtshëm të rregullave ekzistuese në fushën e hartimit të ligjeve”. Ekspertët e Bashkimit Evropian dhe të Këshillit të Evropës në azhornimin e fundit të kryes nga EURALIUS, kanë urdhëruar prerazi së “Manuali duhet të respektohet nga të gjitha institucionet qeveritare”, dhe për këtë kanë ngarkuar veçanërisht Ministrinë e Drejtësisë me anë të Drejtorisë së Kodifikimeve. Madje, për të siguruar më mirë zbatimin e këtij manuali, autoritetet evropianë i kanë ngarkuar Ministrisë së Drejtësisë plotësimin me udhëzime dhe rekomandime të mëtejshme.
Varianti fillestar i këtij manuali u përgatit që gjatë viteve 2002-2003, në kuadrin e programit të përbashkët mes Këshillit të Evropës dhe Komisionit të Bashkimit Evropian për Shqipërinë, nga një grup i përbashkët pune në përbërje të të cilit ishin përfaqësues të Kuvendit të Shqipërisë, Këshillit të Ministrave, Ministrisë së Drejtësisë, Fakultetit të Drejtësisë në Tiranë, si dhe Sekretariatit të Këshillit të Evropës, me ndihmën e ekspertit të pavarur, profesorit britanik John Bates. Por varianti përfundimtar i “Manualit për hartimin e ligjeve”, është ai që u azhornua me ndihmën e EURALIUS-it (Misioni Evropian i Asistencës për Sistemin Shqiptar të Drejtësisë), ndërkohë që, sipas ekspertëve të këtij të fundit, procesi i azhornimit të këtij manuali do të jetë i vazhdueshëm.
Struktura e manualit
Manuali i hartimit të ligjeve në Shqipëri është ndarë në katër kapituj.
Kapitulli I trajton parimet e përgjithshme të hartimi të ligjeve, duke përfshirë kuadrin kushtetues dhe ligjor të hartimit të tyre; delegimin e kompetencave për të bërë ligje; nevojën dhe justifikimin e ndërhyrjes legjislative dhe alternative të mundshme; vlerësimin e efekteve dhe ndikimit të legjislacionit; dhe kodifikimin.
Kapitulli II parashtron procedurën legjislative, duke përfshirë planifikimin dhe organizmin e hartimit paraprak të ligjeve; konsultimin e brendshëm dhe të jashtëm dhe përgjigjet legjislative si rezultat i këtij konsultimi; shqyrtimin e projektligjeve nga Këshilli i Ministrave dhe paraqitjen e Kuvend, si dhe shpalljen, botimin dhe rishikimin në vijim të legjislacionit të nxjerrë.
Kapitulli III trajton teknikat formale të hartimit të ligjeve, duke përfshirë strukturën e teksteve ligjore; sistemin dhe renditjen e dispozitave ligjore; dhe stilin hartues legjislativ. Ai gjithashtu praqet në vija të përgjithshme rregullat për përgatitjen e relacioneve të projektligjeve.
Kapitulli IV analizon përgatitjen e legjislacionit vendas në lidhje me detyrimet ligjore ndërkombëtare, duke përfshirë hartimin e legjislacionit që lidhet me pranimin e marrëveshjeve ndërkombëtare;zbatimin në legjislacionin vendas të marrëveshjeve ndërkombëtare të detyrueshme për Shqipërinë dhe implikimet e lidhura me përfarimin e legjislacionit shqiptar me atë të Bashkimit Evropian.
Ky është përfundimi dhe qëllimi thelbësor i autoriteteve evropiane.
BE: Ligjet duhet të jenë në përputhje me Kushtetutën
Sipas ekspertëve evropianë, hartues të manualit, “së pari, ligjet duhet të jenë në përputhje me Kushtetutën”. Krahas kësaj kërkese kryesore nga manuali rrjedh se, “së dyti, në përputhje me nocionet bazë të arsyes dhe logjikës; së treti, ligjet duhet të jenë sa më praktike dhe me sa më pak efekte të padëshirueshme anësore; dhe së fundi, zgjidhja e ofruar nga ligji të jetë ajo më eficentja nga pikëpamja e kostos, që rrjedh nga objektivi që kërkohet të arrihet dhe mjeteve të përdorura”. Madje, “për sa kohë që ligjet nuk arrijnë këto objektiva, ato dëmtojnë rendin ligjor dhe autoritetin e shtetit”, theksojnë ekspertet evropianë. Po ashtu, sipas manualit të BE-së dhe KE-së, të publikuar nga EURALIUS-i, ligjet duhet të ofrojnë një zgjidhje të qëndrueshme. Po sipas tyre, objektivi i çdo ligji duhet të jetë që t’u sigurojë atyre që u drejtohet një rregullim sa më të saktë dhe të kuptueshëm të problemit që shqyrtohet. Gjithashtu, ligjet duhet të përmbajnë shprehje të qarta dhe të sakta të të drejtave dhe detyrimeve, theksojnë ekspertet e BE-së.
15/05/2006
KATEGORIA: Politike
www.shekulli.com.al
Bashkimi Evropian dhe Këshilli i Evropës harton guidën për procesin legjislativ në Shqipëri
BE: Si duhet t'i bëni ligjet në Shqipëri
“Manuali duhet të respektohet nga të gjitha institucionet qeveritare shqiptare”
Klodian Rado
TIRANË- Bashkimi Evropian dhe Këshilli i Evropës vendos që t’i tregojë autoriteteve shqiptare mënyrën se si të hartojë ligjet. Kjo është detyra më e fundit që autoritete më të larta të Evropës i kanë lënë organeve kryesore të shtetit shqiptar. Këtë detyrë ata e kanë prezantuar me anë të një materiali të titulluar si “Manual për hartimin e ligjeve në Shqipëri”. Ky manual, i hartuar nga ekspertët e Bashkimit Evropian dhe Këshillit të Evropës, në bashkëpunim me ekspertët vendës, ka si qëllim kryesor të ndërtojë një guidë të vërtetë për procesin legjislativ në Shqipëri. Manuali për hartimin e ligjeve iu prezantua edhe autoriteteve më të larta shqiptare, por përfundimisht ky manual iu la në dispozicion të gjithë ministrive dhe sidomos Drejtorisë së Kodifikimeve pranë Ministrisë së Drejtësisë. Varianti përfundimtar i këtij manuali u harta me ndihmën e EURALIUS-it, i cili është Misioni Evropian i Asistencës për Sistemin Shqiptar të Drejtësisë, nën drejtimin e Gerald Colledanit.
Objekti kryesor i këtij manuali është të vendosë standarde evropiane në procesin e hartimit të ligjeve në Shqipëri, sidomos tani në prag të nënshkrimit dhe ratifikimit të Marrëveshjes së Stabilizim-Asociimit me BE-në, ku përafrimi i ligjeve shqiptare me acquis communautaire (të drejtën e BE-së) është një domosdoshmëri. Sipas vetë përmbajtjes së manualit “qëllimi i tij është që të mundësojë vijueshmërinë dhe njëtrajtshmërinë e legjislacionit shqiptar, si dhe të udhëzojë dhe ndihmojë zyrtarët shqiptarë gjatë procesit të hartimit, diskutimit dhe miratimit të legjislacionit”. Ndërkohë, gjithashtu ekspertët evropianë rekomandojnë prerazi që në hyrje të kësaj guide se “Manuali duhet të përdoret dhe të shërbejë si burim dhe udhëzues për përmirësimin dhe ruajtjen e cilësisë së lartë të legjislacionit shqiptar”, duke urdhëruar gjithashtu se “manualin duhet ta mbajnë të gjitha autoritetet e shtetit shqiptar dhe ai duhet të botohet gjithashtu në formë elektronike në internet për të gjitha palët e interesuara”. Domosdoshmëria e vënies në zbatim të këtij manuali rrjedh sidomos edhe nga niveli i ulët që shfaqet jo pak herë gjatë ligjbëries në Shqipëri, fakt i cili është vënë re edhe në amendamentet e fundit që vendosin kufizime të rëndësishme të lirive dhe të drejtave themelore të njeriut.
Qëllimi kryesor i këtij manuali, sipas vetë përmbajtjes së tij, është “trajtimi i çështjeve kryesore që lidhen me përgatitjen e duhur të legjislacionit”. Ai përmban udhëzime për teknikat dhe mënyrën e hartimit të ligjeve, duke përfshirë që nga procesi legjislativ ashtu edhe organizmin e punës nëpër institucione. Ai përfshin dhe trajton punën përgatitore për projektligjet që përgatiten dhe i paraqiten parlamentit nga qeveria.
Statusi i manualit
Manuali për hartimin e legjislacionit në Shqipëri konsolidon dhe sqaron ligjin dhe rregullat shqiptare të zbatueshme gjatë hartimit të tyre. Sipas ekspertëve evropianë, “ai nuk ka për qëllim që të përcaktojë norma të reja ligjore të detyrueshme dhe as nuk ka për qëllim të shtrihet në çështje të politikës, por manuali jep udhëzime dhe praktikën më të mirë për zbatimin e njëtrajtshëm të rregullave ekzistuese në fushën e hartimit të ligjeve”. Ekspertët e Bashkimit Evropian dhe të Këshillit të Evropës në azhornimin e fundit të kryes nga EURALIUS, kanë urdhëruar prerazi së “Manuali duhet të respektohet nga të gjitha institucionet qeveritare”, dhe për këtë kanë ngarkuar veçanërisht Ministrinë e Drejtësisë me anë të Drejtorisë së Kodifikimeve. Madje, për të siguruar më mirë zbatimin e këtij manuali, autoritetet evropianë i kanë ngarkuar Ministrisë së Drejtësisë plotësimin me udhëzime dhe rekomandime të mëtejshme.
Varianti fillestar i këtij manuali u përgatit që gjatë viteve 2002-2003, në kuadrin e programit të përbashkët mes Këshillit të Evropës dhe Komisionit të Bashkimit Evropian për Shqipërinë, nga një grup i përbashkët pune në përbërje të të cilit ishin përfaqësues të Kuvendit të Shqipërisë, Këshillit të Ministrave, Ministrisë së Drejtësisë, Fakultetit të Drejtësisë në Tiranë, si dhe Sekretariatit të Këshillit të Evropës, me ndihmën e ekspertit të pavarur, profesorit britanik John Bates. Por varianti përfundimtar i “Manualit për hartimin e ligjeve”, është ai që u azhornua me ndihmën e EURALIUS-it (Misioni Evropian i Asistencës për Sistemin Shqiptar të Drejtësisë), ndërkohë që, sipas ekspertëve të këtij të fundit, procesi i azhornimit të këtij manuali do të jetë i vazhdueshëm.
Struktura e manualit
Manuali i hartimit të ligjeve në Shqipëri është ndarë në katër kapituj.
Kapitulli I trajton parimet e përgjithshme të hartimi të ligjeve, duke përfshirë kuadrin kushtetues dhe ligjor të hartimit të tyre; delegimin e kompetencave për të bërë ligje; nevojën dhe justifikimin e ndërhyrjes legjislative dhe alternative të mundshme; vlerësimin e efekteve dhe ndikimit të legjislacionit; dhe kodifikimin.
Kapitulli II parashtron procedurën legjislative, duke përfshirë planifikimin dhe organizmin e hartimit paraprak të ligjeve; konsultimin e brendshëm dhe të jashtëm dhe përgjigjet legjislative si rezultat i këtij konsultimi; shqyrtimin e projektligjeve nga Këshilli i Ministrave dhe paraqitjen e Kuvend, si dhe shpalljen, botimin dhe rishikimin në vijim të legjislacionit të nxjerrë.
Kapitulli III trajton teknikat formale të hartimit të ligjeve, duke përfshirë strukturën e teksteve ligjore; sistemin dhe renditjen e dispozitave ligjore; dhe stilin hartues legjislativ. Ai gjithashtu praqet në vija të përgjithshme rregullat për përgatitjen e relacioneve të projektligjeve.
Kapitulli IV analizon përgatitjen e legjislacionit vendas në lidhje me detyrimet ligjore ndërkombëtare, duke përfshirë hartimin e legjislacionit që lidhet me pranimin e marrëveshjeve ndërkombëtare;zbatimin në legjislacionin vendas të marrëveshjeve ndërkombëtare të detyrueshme për Shqipërinë dhe implikimet e lidhura me përfarimin e legjislacionit shqiptar me atë të Bashkimit Evropian.
Ky është përfundimi dhe qëllimi thelbësor i autoriteteve evropiane.
BE: Ligjet duhet të jenë në përputhje me Kushtetutën
Sipas ekspertëve evropianë, hartues të manualit, “së pari, ligjet duhet të jenë në përputhje me Kushtetutën”. Krahas kësaj kërkese kryesore nga manuali rrjedh se, “së dyti, në përputhje me nocionet bazë të arsyes dhe logjikës; së treti, ligjet duhet të jenë sa më praktike dhe me sa më pak efekte të padëshirueshme anësore; dhe së fundi, zgjidhja e ofruar nga ligji të jetë ajo më eficentja nga pikëpamja e kostos, që rrjedh nga objektivi që kërkohet të arrihet dhe mjeteve të përdorura”. Madje, “për sa kohë që ligjet nuk arrijnë këto objektiva, ato dëmtojnë rendin ligjor dhe autoritetin e shtetit”, theksojnë ekspertet evropianë. Po ashtu, sipas manualit të BE-së dhe KE-së, të publikuar nga EURALIUS-i, ligjet duhet të ofrojnë një zgjidhje të qëndrueshme. Po sipas tyre, objektivi i çdo ligji duhet të jetë që t’u sigurojë atyre që u drejtohet një rregullim sa më të saktë dhe të kuptueshëm të problemit që shqyrtohet. Gjithashtu, ligjet duhet të përmbajnë shprehje të qarta dhe të sakta të të drejtave dhe detyrimeve, theksojnë ekspertet e BE-së.
15/05/2006
KATEGORIA: Politike
www.shekulli.com.al
