Bathore, nxënësja përdhunohet nga shokët e klasës
TIRANE- Pesë nxënës të klasës së tetë të shkollës së Bathores kanë detyruar një shoqen e tyre të klasës të bëjë seks me ta, në një shtëpi të braktisur. Ngjarja e rëndë ka ndodhur 5 ditë më parë në periferi të Tiranës, por vetëm dje ka ngritur në këmbë punonjësit e policisë së kryeqytetit. Burime zyrtare të drejtorisë së Policisë së Tiranës si dhe të komisariatit nr.5 në Kamëz pohojnë për “Shekullin” se kanë mundur të parandalojnë një abuzim të vazhdueshëm seksual ndaj adoleshentes nga Bathorja, e cila ka pohuar para agjentëve të policisë se është dhunuar seksualisht nga pesë shokë të klasës. Pesë djemtë, emrat e të cilëve nuk bëhen publikë për shkak të moshës së mitur janë kapur nga policia e komisariatit të Kamzës, ndërsa ishin drejtuar për tek një kasolle e braktisur pranë lagjes nr.5 në Bathore. Specialistët e zyrës për Mbrojtjen e fëmijëve pranë Policisë së Shtetit kanë nisur veprimet e tyre për të zbardhur përgjegjësinë e secilit prej nxënëseve të ndaluar në përdhunimin në grup të 14-vjeçares. Për shkak të natyrës tepër delikate të ngjarjes së mësipërme, policia nuk ka pranuar të bëjë të ditur emrat e nxënësve të dyshuar për abuzimin seksual me shoqen e tyre, të cilët kanë qenë në komisariat deri në orët e vona të mbrëmjes së djeshme.
Ngjarja
Pesë ditë më parë, disa djem të klasës së tetë të shkollës 9-vjeçare në Bathore kanë marrë me vete një shoqen e tyre të klasës dhe janë nisur drejt një kasolleje të braktisur. Pasi kanë qëndruar për pak kohë, ata mësohet se kanë kryer marrëdhënie seksuale me dhunë me vajzën. “Ende është e paqartë sesa fëmijë kanë kryer marrëdhënie seksuale me shoqen e tyre të klasës. Ne kemi shoqëruar pesë djemtë e dyshuar, por edhe nxënës të tjerë të klasës së tetë në Bathore”,-pohon për “Shekullin” një oficer që bën pjesë në grupin hetimor. Ndërkaq, mesditën e djeshme, të njëjtit djem mësohet se janë nisur në drejtim të kasolles, por vajza e dhunuar është munduar t’u shmanget bashkëmoshatarëve të saj. E gjendur mes rrezikut, ajo i ka kërkuar ndihmë rojes së shkollës. Ky i fundit ka njoftuar menjëherë inspektorin e policisë së Rendit të zonës, i cili pas verifikimeve të para ka mundur të zbulojë ngjarjen e rëndë të pesë ditëve më parë. Pas deklarimeve të vajzës dhe rojes së shkollës, policia ka shoqëruar në ambientet e saj së paku pesë fëmijë të dyshuar si të përfshirë në këtë histori. Duke u bazuar në dëshmitë e të dëmtuarës dhe rojes së shkollës 9-vjeçare në Bathore, hetuesit kanë bërë edhe seleksionimin e djemve të përfshirë në këtë skandal. Këta të fundit, sipas policisë, ishin shoqëruar thuajse të gjithë dhe janë marrë në pyetje prej specialistëve, në prani të një psikologeje, për të shmangur frikën dhe ngurimin e fëmijëve.
Hetimet
Deri dje në mbrëmje vonë, policia ka shoqëruar në ambientet e saj së paku 5 nxënës të dyshuar si të përfshirë në përdhunimin e adoleshentes. Ndërkaq, edhe pse nga dëshmia e vajzës janë identifikuar si të përfshirë në këtë ngjarje pesë vetë, dyshimet e hetuesve janë se në të mund të kenë marrë pjesë më tepër nxënës të shkollës së Bathores. Veprimet hetimore të çështjes së mësipërme i kanë kaluar në mënyrë urgjente sektorit të Mbrojtjes së Fëmijëve pranë Policisë së Shtetit. Ndërkaq, një inspektor i këtij sektori në prani të një psikologeje mësohet se ka marrë në pyetje edhe të dëmtuarën, e cila sipas burimeve ka kaluar një traumë psikologjike. Policia ka nisur tashmë verifikimet e saj, për të zbuluar implikimin e secilit prej shokëve të klasës në këtë histori. Një tjetër vështirësi për hetuesit e çështjes është edhe mosha e mitur e nxënësve të akuzuar për përdhunimin e shoqes së tyre të klasës. Zyrtarët e policisë së kryeqytetit pohojnë se po presin përgjigjen e ekspertizës mjeko-ligjore, për të vendosur më pas se ç’do të bëhet me 5 djemtë e implikuar në dhunën seksuale ndaj adoleshentes.
TIRANE- Pesë nxënës të klasës së tetë të shkollës së Bathores kanë detyruar një shoqen e tyre të klasës të bëjë seks me ta, në një shtëpi të braktisur. Ngjarja e rëndë ka ndodhur 5 ditë më parë në periferi të Tiranës, por vetëm dje ka ngritur në këmbë punonjësit e policisë së kryeqytetit. Burime zyrtare të drejtorisë së Policisë së Tiranës si dhe të komisariatit nr.5 në Kamëz pohojnë për “Shekullin” se kanë mundur të parandalojnë një abuzim të vazhdueshëm seksual ndaj adoleshentes nga Bathorja, e cila ka pohuar para agjentëve të policisë se është dhunuar seksualisht nga pesë shokë të klasës. Pesë djemtë, emrat e të cilëve nuk bëhen publikë për shkak të moshës së mitur janë kapur nga policia e komisariatit të Kamzës, ndërsa ishin drejtuar për tek një kasolle e braktisur pranë lagjes nr.5 në Bathore. Specialistët e zyrës për Mbrojtjen e fëmijëve pranë Policisë së Shtetit kanë nisur veprimet e tyre për të zbardhur përgjegjësinë e secilit prej nxënëseve të ndaluar në përdhunimin në grup të 14-vjeçares. Për shkak të natyrës tepër delikate të ngjarjes së mësipërme, policia nuk ka pranuar të bëjë të ditur emrat e nxënësve të dyshuar për abuzimin seksual me shoqen e tyre, të cilët kanë qenë në komisariat deri në orët e vona të mbrëmjes së djeshme.
Ngjarja
Pesë ditë më parë, disa djem të klasës së tetë të shkollës 9-vjeçare në Bathore kanë marrë me vete një shoqen e tyre të klasës dhe janë nisur drejt një kasolleje të braktisur. Pasi kanë qëndruar për pak kohë, ata mësohet se kanë kryer marrëdhënie seksuale me dhunë me vajzën. “Ende është e paqartë sesa fëmijë kanë kryer marrëdhënie seksuale me shoqen e tyre të klasës. Ne kemi shoqëruar pesë djemtë e dyshuar, por edhe nxënës të tjerë të klasës së tetë në Bathore”,-pohon për “Shekullin” një oficer që bën pjesë në grupin hetimor. Ndërkaq, mesditën e djeshme, të njëjtit djem mësohet se janë nisur në drejtim të kasolles, por vajza e dhunuar është munduar t’u shmanget bashkëmoshatarëve të saj. E gjendur mes rrezikut, ajo i ka kërkuar ndihmë rojes së shkollës. Ky i fundit ka njoftuar menjëherë inspektorin e policisë së Rendit të zonës, i cili pas verifikimeve të para ka mundur të zbulojë ngjarjen e rëndë të pesë ditëve më parë. Pas deklarimeve të vajzës dhe rojes së shkollës, policia ka shoqëruar në ambientet e saj së paku pesë fëmijë të dyshuar si të përfshirë në këtë histori. Duke u bazuar në dëshmitë e të dëmtuarës dhe rojes së shkollës 9-vjeçare në Bathore, hetuesit kanë bërë edhe seleksionimin e djemve të përfshirë në këtë skandal. Këta të fundit, sipas policisë, ishin shoqëruar thuajse të gjithë dhe janë marrë në pyetje prej specialistëve, në prani të një psikologeje, për të shmangur frikën dhe ngurimin e fëmijëve.
Hetimet
Deri dje në mbrëmje vonë, policia ka shoqëruar në ambientet e saj së paku 5 nxënës të dyshuar si të përfshirë në përdhunimin e adoleshentes. Ndërkaq, edhe pse nga dëshmia e vajzës janë identifikuar si të përfshirë në këtë ngjarje pesë vetë, dyshimet e hetuesve janë se në të mund të kenë marrë pjesë më tepër nxënës të shkollës së Bathores. Veprimet hetimore të çështjes së mësipërme i kanë kaluar në mënyrë urgjente sektorit të Mbrojtjes së Fëmijëve pranë Policisë së Shtetit. Ndërkaq, një inspektor i këtij sektori në prani të një psikologeje mësohet se ka marrë në pyetje edhe të dëmtuarën, e cila sipas burimeve ka kaluar një traumë psikologjike. Policia ka nisur tashmë verifikimet e saj, për të zbuluar implikimin e secilit prej shokëve të klasës në këtë histori. Një tjetër vështirësi për hetuesit e çështjes është edhe mosha e mitur e nxënësve të akuzuar për përdhunimin e shoqes së tyre të klasës. Zyrtarët e policisë së kryeqytetit pohojnë se po presin përgjigjen e ekspertizës mjeko-ligjore, për të vendosur më pas se ç’do të bëhet me 5 djemtë e implikuar në dhunën seksuale ndaj adoleshentes.