“General Electric” hedh në gjyq qeverinë shqiptare
“General Electric” hedh në gjyq qeverinë shqiptare
Kompania kërkon 20 mln USD dëmshpërblim
--------------------------------------------------------------------------------
Armando Meta
a.meta@gazetashqiptare.com
Kompania e njohur amerikane “General Electric” (GE), kërkon 20 milionë dollarë amerikan dëmshpërblim nga shteti shqiptarë, për kontratën e prishur nga ana e qeverisë shqiptare, për modernizimin e segmentit hekurudhor Tiranë- Durrës, ose siç njihet ndryshe në zhargonin e përditshëm dhe atë politik “treni elektrik”. Ky projekt kapte vlerën prej rreth 95 milionë dollarë.
Njoftimi për hapjen e gjyqit është bërë nga Gjykata Ndërkombëtare e Arbitrazhit me qendër në Paris (Francë), pranë së cilës kompania “GE” ka depozituar edhe ankesën e saj. Projekti për modernizimin e segmentit hekurudhor Tiranë- Durrës, është miratuar nga ish- qeveria socialiste. Burime të rezervuara në Avokatinë e Shtetit, bën të ditur se në zyrat e tyre qeveria ka sjellë për shqyrtim padinë e ngritur nga kompania e njohur amerikane “GE”, për anulimin e kontratës në fjalë. Po cilat janë arsyet që kompania amerikane “GE” kërkon 20 milion dollarë dëmshpërblim? Sipas pretendimit të kësaj kompanie, qeveria shqiptare ka penguar angazhimin e mëtejshëm të kompanisë amerikane për të marrë pjesë në projekte të tjera në vendet e rajonit, pasi ajo priste të fillonte projektin në Shqipëri. Si pasojë e këtij mosangazhimi, kompanisë i është shkaktuar një dëm prej afro 20 milionë dollarësh. Përkthyer në terma tregtar pretendimi për një dëmshpërblim prej 20 milion USD, sipas kompanisë, përllogaritet si fitim i munguar.
Beteja ligjore
Beteja ligjore mes shtetit shqiptarë dhe kompanisë amerikane “GE” në këto momente mësohet se është ende në fazën e parë. Kjo fazë ka të bëjë me përzgjedhjen e tre gjyqtarëve të cilët do të gjykojnë ankesën e kompanisë “GE”. Deri tani mësohet se janë zgjedhur 2 gjyqtarë, ndërkohë që pritet të përzgjidhet dhe i treti. Të tre gjyqtarët do të jenë të huaj. Gjykata Ndërkombëtare e Arbitrazhit mësohet se ka sjellë për momentin vetëm shkresën informuese për nisjen e procedimit, ndërsa materialet e tjera ankimuese të kompanisë “GE” do të dërgohen më pas. Shkaku se përse kompania amerikane “GE” e ka çuar çështjen në Gjykatën e Arbitrazhit Ndërkombëtarë, ka të bëj me faktin se qeveria “Berisha” nuk ka zbatuar kontratën mbi projektin e modernizmit të hekurudhës Tiranë- Durrës me degëzim edhe në Rinas. Avokatia e Shtetit, është institucioni i cili përfaqëson qeverinë shqiptare në çdo gjyq ndërkombëtarë. Burime të rezervuara nga Avokatia e Shtetit, bëjnë të ditur se çështja në fjalë i është besuar avokatit Avenir Peka.
Kuvendi
Ndërkaq zyrtarë të lartë të Avokatisë së Shtetit bëjnë të ditur se nga pala shqiptare nuk ka bërë asnjë shkelje sepse Kuvendi nuk e ka miratuar marrëveshjen për modernizimin e këtij segmenti hekurudhor. Ndonëse vendimi është marrë në qeveri, kontrata nuk është ratifikuar në Kuvend dhe për rrjedhim ajo nuk është e vlefshme. Zyrtarë të Kuvendit bën të ditur për “Gazetën” se, p/ligji mbi të ashtuquajturin “tren elektrik”, rreth një vit më parë erdhi deri në Kryesinë e Kuvendit për t’iu nënshtruar gjykimit të parlamentarëve në komisionin e ekonomisë dhe më pas për të kaluar në seancë plenare për miratim. Por ndonëse p/ligji u soll në Kryesinë e Kuvendit, ai rezultoi të mos ndjekë procedurën që ndiqet për p/ligjet në Kuvend. Ish- nënkryetari i komisionit parlamentar të ekonomisë, Ridvan Bode, aktualisht ministër i Financave informoi rreth një vit më parë se p/ligji për modernizimin e linjës hekurudhore Tiranë-Durrës, erdhi në këtë komision, por ende pa filluar diskutimi për të, ai u tërhoq nga ana e ish- qeverisë “Nano”.
Rinegociimi
Ndonëse palët i janë drejtuar gjykatës, nuk përjashtohet mundësia edhe e ndonjë zgjidhje të ndërmjetme. Duke iu referuar asaj çfarë ndodhi me kontratën e shitjes së “Albtelekom”, ku me gjithë “hosanat” që kryeministri Berisha dhe ministrat e tij lëshuan ndaj privatizimit të Albtelekom, nuk përjashtohet mundësia që ashtu si me turqit e “Çalik” qeveria “Berisha” të rinegociojë edhe me përfaqësuesit e kompanisë “GE”. Por polemikat kanë dhe kostot e tyre, të paktën në planin politik, aq më shumë kur bëhet fjalë për një nga kompanitë më të fuqishme të SHBA dhe me reputacion të madh në botë, siç është “GE”.
“General Electric” hedh në gjyq qeverinë shqiptare
Kompania kërkon 20 mln USD dëmshpërblim
--------------------------------------------------------------------------------
Armando Meta
a.meta@gazetashqiptare.com
Kompania e njohur amerikane “General Electric” (GE), kërkon 20 milionë dollarë amerikan dëmshpërblim nga shteti shqiptarë, për kontratën e prishur nga ana e qeverisë shqiptare, për modernizimin e segmentit hekurudhor Tiranë- Durrës, ose siç njihet ndryshe në zhargonin e përditshëm dhe atë politik “treni elektrik”. Ky projekt kapte vlerën prej rreth 95 milionë dollarë.
Njoftimi për hapjen e gjyqit është bërë nga Gjykata Ndërkombëtare e Arbitrazhit me qendër në Paris (Francë), pranë së cilës kompania “GE” ka depozituar edhe ankesën e saj. Projekti për modernizimin e segmentit hekurudhor Tiranë- Durrës, është miratuar nga ish- qeveria socialiste. Burime të rezervuara në Avokatinë e Shtetit, bën të ditur se në zyrat e tyre qeveria ka sjellë për shqyrtim padinë e ngritur nga kompania e njohur amerikane “GE”, për anulimin e kontratës në fjalë. Po cilat janë arsyet që kompania amerikane “GE” kërkon 20 milion dollarë dëmshpërblim? Sipas pretendimit të kësaj kompanie, qeveria shqiptare ka penguar angazhimin e mëtejshëm të kompanisë amerikane për të marrë pjesë në projekte të tjera në vendet e rajonit, pasi ajo priste të fillonte projektin në Shqipëri. Si pasojë e këtij mosangazhimi, kompanisë i është shkaktuar një dëm prej afro 20 milionë dollarësh. Përkthyer në terma tregtar pretendimi për një dëmshpërblim prej 20 milion USD, sipas kompanisë, përllogaritet si fitim i munguar.
Beteja ligjore
Beteja ligjore mes shtetit shqiptarë dhe kompanisë amerikane “GE” në këto momente mësohet se është ende në fazën e parë. Kjo fazë ka të bëjë me përzgjedhjen e tre gjyqtarëve të cilët do të gjykojnë ankesën e kompanisë “GE”. Deri tani mësohet se janë zgjedhur 2 gjyqtarë, ndërkohë që pritet të përzgjidhet dhe i treti. Të tre gjyqtarët do të jenë të huaj. Gjykata Ndërkombëtare e Arbitrazhit mësohet se ka sjellë për momentin vetëm shkresën informuese për nisjen e procedimit, ndërsa materialet e tjera ankimuese të kompanisë “GE” do të dërgohen më pas. Shkaku se përse kompania amerikane “GE” e ka çuar çështjen në Gjykatën e Arbitrazhit Ndërkombëtarë, ka të bëj me faktin se qeveria “Berisha” nuk ka zbatuar kontratën mbi projektin e modernizmit të hekurudhës Tiranë- Durrës me degëzim edhe në Rinas. Avokatia e Shtetit, është institucioni i cili përfaqëson qeverinë shqiptare në çdo gjyq ndërkombëtarë. Burime të rezervuara nga Avokatia e Shtetit, bëjnë të ditur se çështja në fjalë i është besuar avokatit Avenir Peka.
Kuvendi
Ndërkaq zyrtarë të lartë të Avokatisë së Shtetit bëjnë të ditur se nga pala shqiptare nuk ka bërë asnjë shkelje sepse Kuvendi nuk e ka miratuar marrëveshjen për modernizimin e këtij segmenti hekurudhor. Ndonëse vendimi është marrë në qeveri, kontrata nuk është ratifikuar në Kuvend dhe për rrjedhim ajo nuk është e vlefshme. Zyrtarë të Kuvendit bën të ditur për “Gazetën” se, p/ligji mbi të ashtuquajturin “tren elektrik”, rreth një vit më parë erdhi deri në Kryesinë e Kuvendit për t’iu nënshtruar gjykimit të parlamentarëve në komisionin e ekonomisë dhe më pas për të kaluar në seancë plenare për miratim. Por ndonëse p/ligji u soll në Kryesinë e Kuvendit, ai rezultoi të mos ndjekë procedurën që ndiqet për p/ligjet në Kuvend. Ish- nënkryetari i komisionit parlamentar të ekonomisë, Ridvan Bode, aktualisht ministër i Financave informoi rreth një vit më parë se p/ligji për modernizimin e linjës hekurudhore Tiranë-Durrës, erdhi në këtë komision, por ende pa filluar diskutimi për të, ai u tërhoq nga ana e ish- qeverisë “Nano”.
Rinegociimi
Ndonëse palët i janë drejtuar gjykatës, nuk përjashtohet mundësia edhe e ndonjë zgjidhje të ndërmjetme. Duke iu referuar asaj çfarë ndodhi me kontratën e shitjes së “Albtelekom”, ku me gjithë “hosanat” që kryeministri Berisha dhe ministrat e tij lëshuan ndaj privatizimit të Albtelekom, nuk përjashtohet mundësia që ashtu si me turqit e “Çalik” qeveria “Berisha” të rinegociojë edhe me përfaqësuesit e kompanisë “GE”. Por polemikat kanë dhe kostot e tyre, të paktën në planin politik, aq më shumë kur bëhet fjalë për një nga kompanitë më të fuqishme të SHBA dhe me reputacion të madh në botë, siç është “GE”.
