Megg
Carpe Diem
Për shumë njerëz, medikamentet mund të jenë të rrezikshme, sepse ato shkaktojnë alergji. Arsyeja është se në bazë të këtij çrregullimi qëndron bashkëveprimi i ilaçit me pjesë të ndryshme të sistemit imunitar, duke dhënë në fund reaksionin alergjik. Mjeku alergolog, Bardhyl Vaqarri, shpjegon si mund të shfaqen dhe trajtohen alergjitë nga ilaçet në mënyrë që të shmangen komplikacionet.
Doktor flitet shumë për alergjitë nga medikamentet, mund të na shpjegoni çfarë janë këto alergji?
Për të kuptuar më mirë se ç'është alergjia nga ilaçet duhet sqaruar më parë se jo çdo efekt i dëmshëm që shfaqet gjatë marrjes së ilaçeve është alergji. Vetëm rreth 15-18 % e tyre janë alergji nga ilaçet dhe quhen të tilla ato shfaqje të dëmshme, të papritura, nganjëherë dhe mjaft të rënda që në bazën e tyre kanë mekanizma alergjikë.
Në pjesën tjetër, mbi 80 % të rasteve këto efekte të dëmshme nuk lidhen me alergjinë, por me shkaqe të tjera jo alergjike si: vetitë helmuese të vetë ilaçit, me tejkalimin e sasisë së përshkruar nga mjeku, me ndërveprimin që mund të ketë ai me ilaçe të tjera, me sëmundje të ndryshme që mund të ketë personi, sidomos mëlçisë apo veshkave etj.
Këto efekte të dëmshme të ilaçeve njihen që në kohë mjaft të vjetra, mijëvjeçarë, por alergjia nga ilaçet njihet si e tillë dhe është parë vetëm 100 vitet e fundit me futjen në përdorim të disa ilaçeve të tilla si aspirina, serume të ndryshme apo sulfamidikeve e antibiotikëve të ndryshëm.
Medikamentet merren nga shumë persona, por jo tek të gjithë japin alergji. Pse ndodh ky fenomen?
Është e vërtetë që vetëm një pjesë e atyre që përdorin ilaçe kanë efekte të padëshirueshme dhe sidomos ata alergjikë. Kjo ndodh kryesisht për dy arsye kryesore. Arsyeja e parë lidhet me vetë personin që shfaqet alergjia dhe ka lidhje me predispozicionin e trashëguar të tij për sëmundje alergjike, me sasinë e ilaçeve që marrim, me moshën (te fëmijët shfaqet më pak, sepse marrin dhe doza më të vogla ilaçesh) apo sëmundjet që kanë.
Është parë se të pacientët me sëmundje të mushkërive, mëlçinë apo veshkave shfaqin më tepër alergji nga ilaçet. Arsyeja e dytë varet nga vetitë e vetë ilaçit, nga përmbajta e tij, nga sasia me të cilin e marrim, nga kohëzgjatja e mjekimit, nga shpeshtësia e marrjes së mjekimit dhe nga rruga që e marrim etj.
Si reagon organizmi kur shfaqet alergjia nga medikamentet?
Alergjia nga ilaçet ndodh nga çrregullimet e ndryshme alergjike në organizëm. Në bazë të këtij çrregullimi qëndron bashkëveprimi i ilaçit me pjesë të ndryshme të sistemit imunitar të organizmit të njeriut duke dhënë në fund reaksionin alergjik.
Shumica e këtyre reaksioneve alergjike kanë në bazë të tyre një komponent të rëndësishëm të quajtur IbE që e bën të dallohen këto alergji me ato me IgE dhe ato pa pjesëmarrjen e tij.
Si shfaqet alergjia nga ilaçet
Alergjia nga ilaçet kur shfaqet prek gati të gjithë organet e organizmit, me shumëllojshmëri shenjash dhe intensiteti duke u ngatërruar shpesh me sëmundje të tjera. Por organet më kryesore janë: lëkura që manifestohet me skuqje, ënjtje dhe fshika.
Prek mushkrit që shfaqet më kollë, shtrëngim në gjoks, vështirësi në frymëmarrje dhe deri në astmë. Prek sistemin e gjakut me uljen e të gjithë elementeve të tij, si dhe veshkat, mëlçinë etj. Ka dhe shfaqje të tjera të përgjithshme si: temperaturë, dobësim dhe dhimbje kyçesh e muskujsh.
Marre nga gazeta "Shekulli"...~
Doktor flitet shumë për alergjitë nga medikamentet, mund të na shpjegoni çfarë janë këto alergji?
Për të kuptuar më mirë se ç'është alergjia nga ilaçet duhet sqaruar më parë se jo çdo efekt i dëmshëm që shfaqet gjatë marrjes së ilaçeve është alergji. Vetëm rreth 15-18 % e tyre janë alergji nga ilaçet dhe quhen të tilla ato shfaqje të dëmshme, të papritura, nganjëherë dhe mjaft të rënda që në bazën e tyre kanë mekanizma alergjikë.
Në pjesën tjetër, mbi 80 % të rasteve këto efekte të dëmshme nuk lidhen me alergjinë, por me shkaqe të tjera jo alergjike si: vetitë helmuese të vetë ilaçit, me tejkalimin e sasisë së përshkruar nga mjeku, me ndërveprimin që mund të ketë ai me ilaçe të tjera, me sëmundje të ndryshme që mund të ketë personi, sidomos mëlçisë apo veshkave etj.
Këto efekte të dëmshme të ilaçeve njihen që në kohë mjaft të vjetra, mijëvjeçarë, por alergjia nga ilaçet njihet si e tillë dhe është parë vetëm 100 vitet e fundit me futjen në përdorim të disa ilaçeve të tilla si aspirina, serume të ndryshme apo sulfamidikeve e antibiotikëve të ndryshëm.
Medikamentet merren nga shumë persona, por jo tek të gjithë japin alergji. Pse ndodh ky fenomen?
Është e vërtetë që vetëm një pjesë e atyre që përdorin ilaçe kanë efekte të padëshirueshme dhe sidomos ata alergjikë. Kjo ndodh kryesisht për dy arsye kryesore. Arsyeja e parë lidhet me vetë personin që shfaqet alergjia dhe ka lidhje me predispozicionin e trashëguar të tij për sëmundje alergjike, me sasinë e ilaçeve që marrim, me moshën (te fëmijët shfaqet më pak, sepse marrin dhe doza më të vogla ilaçesh) apo sëmundjet që kanë.
Është parë se të pacientët me sëmundje të mushkërive, mëlçinë apo veshkave shfaqin më tepër alergji nga ilaçet. Arsyeja e dytë varet nga vetitë e vetë ilaçit, nga përmbajta e tij, nga sasia me të cilin e marrim, nga kohëzgjatja e mjekimit, nga shpeshtësia e marrjes së mjekimit dhe nga rruga që e marrim etj.
Si reagon organizmi kur shfaqet alergjia nga medikamentet?
Alergjia nga ilaçet ndodh nga çrregullimet e ndryshme alergjike në organizëm. Në bazë të këtij çrregullimi qëndron bashkëveprimi i ilaçit me pjesë të ndryshme të sistemit imunitar të organizmit të njeriut duke dhënë në fund reaksionin alergjik.
Shumica e këtyre reaksioneve alergjike kanë në bazë të tyre një komponent të rëndësishëm të quajtur IbE që e bën të dallohen këto alergji me ato me IgE dhe ato pa pjesëmarrjen e tij.
Si shfaqet alergjia nga ilaçet
Alergjia nga ilaçet kur shfaqet prek gati të gjithë organet e organizmit, me shumëllojshmëri shenjash dhe intensiteti duke u ngatërruar shpesh me sëmundje të tjera. Por organet më kryesore janë: lëkura që manifestohet me skuqje, ënjtje dhe fshika.
Prek mushkrit që shfaqet më kollë, shtrëngim në gjoks, vështirësi në frymëmarrje dhe deri në astmë. Prek sistemin e gjakut me uljen e të gjithë elementeve të tij, si dhe veshkat, mëlçinë etj. Ka dhe shfaqje të tjera të përgjithshme si: temperaturë, dobësim dhe dhimbje kyçesh e muskujsh.
Marre nga gazeta "Shekulli"...~