Hyjnia femerore dhe dita e sotme!

[Al-Punk]

Hyjnia femerore dhe dita e sotme!

Duket sikur jane shtuar idhtaret e shumte te besimit te nje perendie femer! Kodi i da Vincit- Dan Brown, By the river Pedra I sat down and wept - P. Cuelho dhe besoj dhe te tjere po sjellin gjithmone e me shpesh shembuj te nje besimi jo ne nje Zot 'mashkullor' po ne nje qenesi femer. Nuk dua te them se ata po perpiqen te ndjellin nje besim te ri fetar, po sidoqetejete eshte nje revolucioni per nje besim tek femerorja.

Gjithashtu dhe disa germime ne Sinai kane treguar per ekzistencen e perendise Ashe'rah perkrah J'hva.

 

[jimmy84]

Re: Hyjnia femerore dhe dita e sotme!

Hyjnia Femerore nuk po "shpiket" apo "krijohet" sot. Feja eshte zhvilluar ne baze te zhvillimit njerezor. Dihet fare mire qe ne lashtesi mijera vjet me pare, nuk ishin meshkujt "seksi i forte" por ishin femrat. Si rrjedhim edhe pushteti (ne ato permasa qe mund te ekzistonte) ishte ne duart e tyre. Por dihet qe "Jeta Qiellore" ose me sakte "Fuqia Supreme" ishte thjeshte nje pasqyrim i "Pushtetit ne Toke" dmth i klases sunduese se familjes, fisit, shpelles, terriorit apo me vone edhe shtetit. Dhe kjo shpjegon fare qarte Mitet e Lashta (normalisht qe jane edhe me te lashta se te tjerat) e Magna Matre (Nena E Madhe). Keto ne fe te ndryshme u pasqyruan me emra te ndryshem. Psh ne fene pellazge te hershme kjo quhej Gjë-ja ose Demetra. Me pas ne Rome kjo perendeshe u quajt Junona. Ne Egjipt nuk e mbaj mend per momentin kurse ne Indi ne mos gaboj u quajt Mitra. Kurse tek hebrenjte kjo quhej Asherah (ka patur edhe nje emer ne version tjeter po nuk e kujtoj dot tani).
Por roli i Perendeshes Nene ra me renien e Matriarkatit dhe ngritjen e Patriarkatit. Me ngritjen e mashkullit linden os eme sakte u ngriten ne piedestal edhe Perendite Mashkullore. Tek Pellazget kemi Zeusin kurse tek romaket Jupiterin. Tek Hebrenjte ne fron hipi Jagve (alias Jehova). Ndersa tek fete e tjera roli i perendeshes se madhe bie shume ngadale por ngelet gjithmone i fuqishem roli i saj deri ne rrenimin e tyre (jo dhe aq paqesor me qe ra fjala) nga Krishterimi dhe me pas Islamizmi, tek feja hebreje ndodhi nje fenomen shume i vecante. Ne fillim u shua gradualisht cdo shenje e Asherahut (paqesisht ose me dhune) dhe Jagve per te zevendesuar kete boshllek merr pamjen e nje perendie "Uniseks", me pas "Aseksual" (e asnje seksi) dhe me pas (ne Bibel dhe ne librat e shenjte relativisht te mevonshem) del qarte si nje perendi e VETME, MASHKULLORE. Zhdukja e ketyre gjurmeve te Perendeshes Nene dhe te cdolloj gjurme tjeter femerore u be sipas shume studiuesve sidomos pas Krishtit dhe pikerisht ne kohen e Kostandinit te Madh. Dhe ne kete pike (si dhe ne disa pika te tjera) Dan Braun nxjerr te njejtin perfundim ashtu si edhe studiuesi i madh Arvanitas, Aristidh Kola.

Kurse persa i perket "Kodit te Da Vincit" per mendimin tim eshte nje liber ku aventurat alla-Xhejms Bond gershetohen me fakte, argumenta reale, hipoteza, mendime objektive dhe subjektive, por edhe deshirat dhe fantazite e Dan-it.

 

[alban bala]

Re: Hyjnia femerore dhe dita e sotme!

nuk e di si disa njerez marin guximin dhe thone jo Zoti eshte mashkull jo tjetri eshte mashkull.çfare do te zgjidhesh me keto pyetje.ku e di nese Zoti eshte Femer apo mashkull.tjetri çohet e permend histroine pellazge e ku ta di une se çshkruante tjeter sa spata durimin ta çoja deri ne fund shkrimin e tij.
vellezer gaboni thelle me keto hipoteza.nese ekziston sadoapk besimi te Zoti duhet te hiqni dore nga te tilla mendime.ju me keto percaktime te guximshme qe duhet pergezuar per guximin qe keni gjetur.me pak fjele ju i perkufizoni fuqine e Zotit qe nga te gjithe dihet fuqia e tij.
ju merrni guximin e thoni se ka kete gjini apo ate gjini nderkohe qe dihet qe ska gjini.do te ishte e mira qe tema te tilla as ne mendje te mos çohen pa le te hapen pastaj.shpresoj ne mirekuptimin tuaj po kjo teme me duket fare e pa vend.

 

[Najeli]

Re: Hyjnia femerore dhe dita e sotme!

Ketu ne Amerike vallahi ka dale si mode. Fryme revolucioni me verte....kunder zgjedhes Krishtere e dominimit mashkullor.
Me c'kam njohur e degjuar....e quajne "epoka e rizgjimit" ose kthim ne fene origjinale.Njoh njeren qe beson e praktikon rite pagane qe po t'i tregoja ketu nuk do me besonit.
Zakonisht jane njerez me stil jetese "free spirit", hipite e viteve 60 etj.
Vallahi une nuk e marr seriozisht per aq sa kohe qe "revolucioni" nuk arrin ne Shqiperi.

 

[gurax]

Re: Hyjnia femerore dhe dita e sotme!

Une jam dakord me shkrimin e jimmy84. Edhe per arabet e Mekes se sotme, para se te vendosej feja islame, feja autoktone origjinale e tyre kishte si figure qendrore nje trinitet perendeshash: Manat, Uzza dhe Lat.

 

[hkatab]

Re: Hyjnia femerore dhe dita e sotme!

E ke gabim se ne Meke para vendosjes se Islamit nuk kane qene vetem keto perendesha. Sa per dijeni arabet besonin ne Allah si krijuesin e botes, qiejve e cdo gjeje madje nuk vendosnin asgje te krahasohej me te. Keto "pseduo PERNDESHA" kane qene ndermejtesues tek Allahu dhe nuk kane qene femra te gjith.

 

[gurax]

Re: Hyjnia femerore dhe dita e sotme!

Ke te drejte kur thua qe ne Meke perpara Islamit nuk kane qene vetem keto perendesha si trinitet suprem, por nje panteon i tere perendish, shume i ngjashem me panteonet pagane. Dhe nga tere ky panteon, jo te tere perendite kane qene femra.
Per pjesen tjeter, sidomos per pjesen qe ti e quan 'pseudo', eshte shume e qarte qe ne te dy kemi mendime te ndryshme.

 

[atman]

Re: Hyjnia femerore dhe dita e sotme!

Nuk është e vërtetë që arabët kishin një zot të plotfuqishëm si krijues i gjithësisë, para islamit.
Arabët paraislamit nuk ndiheshin fare. S’kishin ndonjë rol historik të veçantë, e kuptuar si popull i lidhur me një territor të caktuar. Për të mos e keqkuptuar, flas për një histori sikundër popuj të tjerë. Të ndërtuar nga ata për veten e tyre, qoftë edhe në mënyrë pasive. Madje krijuesit e arabisë; kjo që jemi mësuar të njohim ne pas lindjes se islamizmit, nuk njiheshin fare. Arsyeja?
Ishin popuj nomadë (endacakë). Vetë etimologjia e fjalës “Arab - arabà” e shpreh këtë mënyrë të jetuari. Sipas etimologjisë zyrtare, “BR” janë fjala semitike “lëvizje” ose “endje”. Me të njëjtat bashktingëllore gjendet edhe në gjuhën izraelite. Duhet të dini se në gjuhën semite nuk shkruheshin zanoret. Edhe sot në gjuhën arabe ka vetëm tre zanore. Dominojnë bashktingëlloret.

Sipas mendimit tim, fjala “arab – araba” tregon lëvizje, por etimologjia e saj duhet kërkuar në ilirishten e vjetër. Pse? Për arsyen më të thjeshtë sepse arabanë – karrocën, e parë të luftës e ndërtuan, ose shpikën, hititët. Gjuha hitite në thelb është protoilire. Fjala mori përhapje gjatë kohës kur hititët ngritën perandorinë e tyre. Arabaja ishte mjet që fillimisht u përdor për luftë e më pas për të lëvizur e mbartur mallra. Cili mjet tjetër mund të shprehë mbartje dhe në veçanti lëvizje më mirë se sa arabaja? Duhet theksuar se, për arabët nuk kemi të dhëna të hollësishme, madje janë të pamjaftueshme ato që lidhen me lashtësinë e thellë, (në krahasim me popuj të tjerë të njohur historikisht të rajonit) duke konsideruar faktin që lajmet e para për arabët veriorë dëgjohen por nuk mund të datohen, me luftrat asiro-babiloneze si ushtarë, gjë (datimi)që do të ndodhë me luftrat midis babilonezëve dhe persianëve në vitin 539 pes.

Pra.
Popuj arabë ishin të organizuara në tribu, klane ku individi nuk njihej si i tillë dhe ku besimi ishte ai i lindur nën hijen e çadrës. Shatorrit. Pra politeist dhe jo vetëm kaq, por i ndryshëm nga një klan endacak në tjetrin. Çdo fis kishte perënditë e veta. Një organizimi të tillë nuk i shpëtojnë as edhe qytetet-tregje, si Meka, Jatribi etj, ose ato të gadishullit të Jemenit që lidheshin me rrugët tregëtare të oqeanit Indian deri në mesdhe - Damask. Shumë perëndi dhe secila zot në “zanatin” e vet. E lidhur me përfytyrimin zot-zanat, fenomen natyror dhe perëndi si dhe fenomen shpirtëror - perëndi. Shumica absolute femra. Dalja e perëndive meshkuj shënon kalimin e shoqërisë nga matriarkati në patriarkat. Ndaj pohimi se ishin femra është plotësisht i saktë, përderisa dominuan shoqërinë për një periudhë mijëravjeçare në të gjitha aspektet e imagjinuara të saj. Mjaft e dokumentuar nga zbulimet arkeologjike. Ishte e qartë që, vetëm kur roli i burrit në ekonomi filloi të bëhej vendimtar, u shënua mbarsja e shoqërisë me një tjetër mendësi, forcë zotëruese e natyrisht që kërkonte të përligjte ndryshimin e botës shpirtërore dhe zëvendësimin e perëndive në rradhë të parë, duke përligjur në thelb sundimin e dikujt tjetër. Në këtë pikë, filloi të zbehej roli i perëndive femra dhe shoqëria priste me ankth lindjen e perëndive meshkuj. Ankth që më vonë do të zbriste e përfshinte edhe jetën e përditëshme. Që këtu ndoshta edhe trashëgimia e sotme kur ende në kulturën e të gjitha vendeve e popujve, lindja e djalit është më e dëshiruar se ajo e femrës. Kjo mendësi botërore hedh dritë edhe për një periudhë të përbashkët që i janë nënështruar popujt pavarësisht se, shpesh, në kohë të ndryshme. Si atletët e një gare. Ka një të parë dhe një të fundit e midis mjaft të tjerë që kalojnë finishin.
Periudhës së matriarkatit nuk i shpëtoi asnjë popull i botës. Gjë që nuk përjashton as arabët ku zotërit femra ishin shumë të fuqishme. Vendimtare. Sundim që do të marrë fund vetëm me monoteizmin. Islamizmin dhe pasojat e tij.

Si përfundim:
Arabët ishin endacakë.
Politeistë është fjala më e përshtatëshme se sa paganistë. Pagan rrjedh prej latinishtes që do të thotë fshat. Festat me karakter fetar të fshatit quheshin të tilla, paganiste. Por, meqënëse kur flitet për arabët s’kemi ngulime por endacakëri, kjo fjalë gjen pak hapësirë për tu përdorur.
Besimet e para ose përfytyrimet e para fetare ishin të lidhura me sistemin sundues; matriakat fillimisht e më pas patriarkat - gjithmonë politeist. Në periudhën midis(mbarsë) dilema shprehet në zgjedhje midis “të gjithës ekzistuese” përballë një të “gjithe tjetër” si alternative që i shtrohet shoqërisë. Dilema do të shprehet ndryshe kur politeizmi do të vihet përballë monoteizmit si braktisje e të “gjithës” për të “vetmin”. Po të hyjmë në thellësi të kësaj dileme gjejmë psenë e dhunës së besimeve monoteiste.

 

[Kondrapedali]

Re: Hyjnia femerore dhe dita e sotme!

Atman, mos ua fut frikën aman se kështu dhe këta po i vrasin femrat ...

"Injoranca është melhemi më i mirë i besimtarit ..."

"Besimi është armiku i mendimit ..."

"Ku ka besim nuk ka arsye ..."

Nuk e di se nga i kam dëgjuar këto shprehje popullore (ose komunisto/enveriste) por më duket se shprehin mjaft mbi besimin se "pseudo-perëndeshat" e botës Arabe paraislamike ishin vetëm mesazhere të Allah-ut.

 

[atman]

Re: Hyjnia femerore dhe dita e sotme!

Mos u tremb, nuk ndodh kurrë.
Janë monoteistë dhe polipidhistë.
Duan një Zot e katër gra.

 

[hkatab]

Re: Hyjnia femerore dhe dita e sotme!

Atman, sa per arabet ke te drejte se ashtu kane qene, madje edhe me keq. Po lidhja e tyre me fene duhet pare ne nje kendveshtrim tjeter qe do ta perkufizoja ne shejnat e bibles per ardhjen e nje profeti te fundit, qe po ti shikojme me kujdes do dalim ne perfundimin qe eshte ne Meka dhe Medina. Nejse nuk dua te dal nga tema ketu pasi keto mund te gjenden ne temat e meparshme te forumit, dhe sa per kater gra te pakten keta i kane te rregullta dhe nuk shkojne me kurvat apo te kene dashnore si kane 80 % e meshkujve ne shqiperi.

Kontrapetal, femra tek ne myslimanet ka nje respekt mjaft te vecant. Shprehjet e tua per besimin, injorancen mund te jene te vlefshme per cdo fe po jo per islamin. eshte gabim te gjykosh nje fe duke pare veprimet e disa injoranteve. te pa ditur dhe njeres pa kulture gjen edhe ne rrethin e myslimanve te cilet jane shume po ti si i zgjuar qe je lexo pak rreth islamit ta kesh per kulture se je shume mbrapa ne kete gje dhe pastaj hajde e bisedojme ne forum.

 

[Kondrapedali]

Re: Hyjnia femerore dhe dita e sotme!

Si urnon Qitap. Ke të drejt që femra gzon rrespekt të veçant në Islam. Nuk është i njëjti me meshkujt, ësht i veçant, më vete, për qënie ndryshe nga meshkujt.

Nderimet e mia Qitap.

 

[gurax]

Re: Hyjnia femerore dhe dita e sotme!

Kur rekomandohet 'lexo pak rreth Islamit' besoj se nuk vihet ndonje kufizim qe literatura 'e duhur' eshte Kurani, Hadithet apo burime te brendshme te vete Islamit. Referencat e nderthurura nga burime te jashtme ne keto raste jane te nje vlere shume te cmuar.

Gjithashtu do t'ju lutesha qe kjo teme te perdoret per diskutimet rreth Hyjnise Femerore dhe diteve te sotme. Per rolin e femres ne Islam (si dhe ne fe te tjera) eshte me mire te diskutohet ne temat perkatese. Ne kete menyre eshte shume me i thjeshte navigimi bazuar ne temen e diskutimit.

 

[Kondrapedali]

Re: Hyjnia femerore dhe dita e sotme!

Me e thon troç, Hyjnia femërore dikur ka qenë më e rëndësishmja ndërsa sot nuk ka hyjni femërore. Femra vazhdon të abuzohet (në të gjithë botën) e nuk mund të hyjnizohet. Për më tepër që sot hyjnitë e kanë humbur pothuajse totalisht shkël

 

[Kondrapedali]

Re: Hyjnia femerore dhe dita e sotme!

.. qimin e tyre.

P.s. Na e lejoni editimin e mesazheve se me gishta të mdhej bojm gabime pa dashje.

 

[hawk]

Re: Hyjnia femerore dhe dita e sotme!

Arab duhet te formohet nga rrenja ‘r-b’, qe nenkupton “levizjen”. Eshte e veshtire, por jo e pamundur, qe ‘b-r’ pas nje metateze gjuhesore, te trasormohet ne ‘r-b’: pra nga arab – arb – rb ne arab-arb-br, edhe pse eshte forma ‘rb’ semantikisht levizese. Meqenese eshte bere e modes neonacionaliste, rrugetimi i kundert me cdo rregull gjuhesore dhe historik, mund te spekullojme ne lidhje me fjalen ‘arber’: meqenese i perket nje substrati ilir dhe meqenese edhe ‘araba-karroca’ qenka hittito-ilire, edhe ‘arber’, me rrenje ‘rb’ na shpie tek fenomeni i paqendrueshmerise te vendbanimeve, pra tek nje popull endacak. Kjo tregon sa e lire eshte fantazia dhe sa mire misheron efektin bumerang, ku nje fjale ne favor te renjeve ilire mund te shpike nje nomadizem arberesh, e keshtu i japim te drejte shovinizmit fqinj. Ja perse duhen rregullat dhe ligjet gjuhesore.
Duke u rikthyer tek arabet, doja te saktesoja qe hera e pare e dukshmerise se tyre ne histori i perket vitit 853 para K, ne Kronikat Asire, qe perkon me periudhen e mbretit Salmanasar III. Behet fjale per nje beteje te famshme ku mori pjese dhe nje prijes me emrin Gindib ul Arbaja, pra Xhindib Arabi. Nje shekullme vone, dokumentat citojne “sharrat aribi” ose “Mbreteresha e arabeve” me emrin Zabìbè. Arab gjenden ne Mbreterine e Petres ku pervec popullsise arabofone, dokumentet flasin edhe per prijes arab te kesaj mbreterie nabateje; po keshtu per arab flitet ne mbreterine e Palmires, ne Mbreterine e Hatres, ne afersi te Edesses etj, te gjitha keto ne fillimet e shekullit te I dhe II pas K. Michael Mcdonald ka renditur disa alfebete: safaitik, tajmanian, dumaitian, hismajan, tamudian.
Herodoti flet per arabet ne Istorie, Libri III, ku citon edhe nje hyjni antike te ketij populli, me emrin Al-ilat. Verehet qarte parashtesa tipike arabe “al”, e ndodhur edhe ne dokumenta assire te kater shekujve perpara Herodotit, si p.sh fjala “a-na-qa-ti”, qe identifikon devene femer, pra “al nāqāt” ne gjuhen arabe.
Si vendbanime jane te njohura nga Bibla: Taymā, Dedān, Khaybar; gjithashtu te njohura jane: Dūmat el Gāndal, Tabūk, Yathrib. Oborri mbreterore i Nabunaid-it te Babilonise, ne gjysmen e shekullit te VI para K, u trasferua ne Taymā; vete Nabunaid pohon qe ka vene nen kontroll Dedān, Khaybar dhe Yathrib, duke themeluar edhe nje koloni. Pra nuk ndodhemi perballe nje popullsie te paorganizuar. Studiues si Graf, Mcdonald, Grouchevoy, Fahd dhe Restö, kane kundershtuar stereotipin e beduinit endacak dhe grabiqare. Jo te gjithe arabet e burimeve historike jane nomade, pra josedentare. Sipas Free, Dostal, Caskel dhe Restö, nomadizmi eshte nje fenome i njohur me vone, evidenton Daniele Mascitelli. Graf dhe Mcdonald qe kane studjuar mbishkrimet safaitike, paraqesin nje realitet gjuhesore shume kompleks me shekujve V para K. dhe daljes vendimtare te arabeve ne histori, ne shekullin e VI pas K. Nuk eshte nomadizmi i paster qe karakterizon kete popullsi, por nje forme nomadizmi sezonal qe lidhet me blegtorine.
Ka nje periudhe te erret mes shekujve II dhe IV pas K. deri ne Mbreterine Himjarite qe unifikon Arabine jugore deri ne periudhen Islame.
****
Karroca hittite dokumentohet per here te pare nga mbreti Anitta, ne shekullin e XVII para K. Nderkohe egjiptianet kishin njohur karrocen e luftes qe ne “dyndjen” e popullsive qe i dhane jete periudhe se ashtuquajtur Hyksos: “Hyk” = mbret, dhe “sos” = bari, pra “mbreterit barinj”. Termi ne fakt eshte helen sepse egjiptianet i quajten “h(i)k kh(a)s(e)”, sic thote Alan Gardiner, qe perkthehet si “udheheqes fisi i nje vendi te huaj”, qe nga Mbreteria e Mesme “u perdor per te evidentuar udheheqesit beduin” – shkruan Gardiner ne ‘La Civiltà Egizia’ fq. 144. Te dhenat arkeologike flasin per emra si “Anat-her” apo “Ya’ko-her”, ku i pari deshmon qarte hyjnine semite Anat. Per me teper, egjiptianet, i percaktonin invazoret me termin “’Aamu”, qe ne nje periudhe me te hershme nenkuptonte rober lufte dhe skllave nga Palestina. Pra ndodhemi perballe nje popullsie semite te pjeses lindore te detit te Kuq, nga te cilet egjiptianet pervetesuan perdorimin e karroces. Periudha e Hyksosve perkon me fundi e dinastise se XII, me mbarimin e sundimit te faraonit Sobekneferu (rreth 1790-1786), fillimi i shekullit te XVIII. Kjo dyndje nga ku egjiptianet u perballen me kete mjet ushtarak, eshte nje shekull me e hershme se kronika e Annites. Ky i fundit ishte djali i Pitnes, qe mendohet se mbreteroi rreth viteve 1750 para K. Nese Hykos jane me te hershem dhe ato sollen karrocen ne Egjiptin faraonik, si mund te jete karroca shpikje hittite? Duhet theksuar gjithashtu se, hittitet u afruan gjeografikisht me egjiptianet ne betejen e Kadeshit, ne Sirine e sotme; ndersa sundimtaret Hyksos i takojne nje zone me te afert me Egjiptin. Karroca e perdorur nga keta popullsi, ne kontakt me te hershem me egjiptianet, ka gjasa te jete evolim i karroces se pare sumere. Kjo e largon edhe me tej autoresine hittite nga karroca.
Per te bere lidhjen e fjales “arab” me karrocen nuk mjafton vetem fakti se kjo e fundit leviz ashtu si domethenja e rrenjes “rb”. Si fillim duhet nje sqarim i faktuar i vijushmerise hittito-ilire te pakten gjuhesisht; se dyti, qe hittitet me “araba” percaktonin karrocen; se treti, qe karroca ishte shpikja e tyre. Pa dashur te aventurohem tek te parat, karroca eshte shpikje sumere. Mos te harrojme qe Hena dhe Dielli, per egjiptianet, banoret e Mesopotamise, etj, krahasohen me karrocen si fuqi levizes, ose terheq Hyjnine. Duke bere krahasime te tilla karrocash me popuj, rrezikojme te krahasojme edhe popuj me Hyjni. Fillimisht karroca per sumeret ishte mjet trasporti. Meqenese e shkpiken ato, besoj se edhe e emertuan ne gjuhen e tyre, qe shpresoj te mos jete fjala ilire (!!) “araba” sepse u shnderruam ne semite edhe ne!
****
Logjika e lidhjes se sistemit patriarakal me devijimin maskilist te Hyjnine qendron ndoshta ne prehistori, por arabet dokumentohen, pra jemi ne periudhen historike te mijevjecarit te pare para K., ku matriarkati ka perenduar me kohe ne shoqerite e Lindjes se Mesme dhe ato satelite. Gjithashtu, arabet duke qene gjysem nomad apo nomad, sic edhe u paraqiten me lart, jetonin me blegtori dhe lufte. Kjo imponon nje rol mashkullore qendrore ne shoqeri, e per rrjedhoje edhe dominim te Hyjnive maskiliste, gjithmone nese eshte e vertete qe rendi socio-seksual vendos mbi llojin e Hyjnise. POR, perballe nje realiteti ku dominon figura mashkullore dhe nje jete economike dhe politike te bazuar ne supremacine mashkullore, perendi si al-Uzzā dhe al-Lāt, apo edhe Mānat, teresisht femerore dhe me te adhuruarat e arabeve proto islam, hedhin poshte logjiken, qe pretendon se me fuqizimin e mashkullit humbet vlere Hyjnia femer. Dalja ne skene e Islamit nuk perkon me nje fuqizim te mashkullit, kalim ky, i rrealizuar shume shekuj me perpara, qe me perdorimin e armeve dhe themelimin e raporteve te bazuara tek forca, pra menjanimi i femres ne shoqeri.

 

[hawk]

Re: Hyjnia femerore dhe dita e sotme!

<div class="ubbcode-block"><div class="ubbcode-header">Originally Posted By: Kondrapedali</div><div class="ubbcode-body">Me e thon troç, Hyjnia femërore dikur ka qenë më e rëndësishmja ndërsa sot nuk ka hyjni femërore. Femra vazhdon të abuzohet (në të gjithë botën) e nuk mund të hyjnizohet. </div></div>

Mossss!
Per nje çast mendova qe ke evoluar nga kontrapetal ne ABS.

Perse nuk e shpall ti nje Hyjni femerore?! Mbase ke sukses.

 

[Kondrapedali]

Re: Hyjnia femerore dhe dita e sotme!

... Meqenese e shkpiken ato, besoj se edhe e emertuan ne gjuhen e tyre, qe shpresoj te mos jete fjala ilire (!!) “araba” sepse u shnderruam ne semite edhe ne!...

Sa fort po t'rref zemra se mos vërtetohet nai lidhje e shqiptarve me arabt. Jo për gjo po do flejshe mo rehat. Nuk do kishe nevoj me mohu Shqiptarin .

P.S. Un femëroren e kam hyjni Hawk. Vetem se jo në kuptimin që i japin besimtarët e "devotë" një hyjnie.

 

[hawk]

Re: Hyjnia femerore dhe dita e sotme!

Mjaftojne urat ideologjike, te tjerat jane prodhime te '800-es. Edhe pse tentohet rikthimi tek e kaluara hyjnore e femres per te gjetur origjinat, &quot;shqiptaria eshte me kerthize&quot; do te thoshte Gellner, pra cdo tentative eshte fantazi per te justifikuar sajesen e re sociale te nacionalizmit.

Kritika e "ideologjive fantazioze te besimit", nuk tejkalohet dot me pervetesimin e fantazive dhe shpalljen e tyre si model per te luftuar fantazi et tjera.

Ja perse ngele kontrapetal pa njohur evolucionin ne modele me te sofistikuara te kundershtimit.

 

[gurax]

Kuraishet, se bashku me Arabet, e nderonin Al-Lat. Ata u vendosnin emrat e femijeve te tyre prej saj, duke i quajtur Zayd al-Lat dhe Taym al-Lat. ... Al-Lat vazhdoi te nderohej deri ne kohen kur Takifet u kthyen nga Islami, kur apostulli i Zotit dergoi al-Mughira ibn-Shubah, i cili e shkaterroi dhe ia dogji tempujt kryekeput. - ibn Al-Kalbi, N.A Faris, 1952, fq.14-15.