Re: Z. Berisha, na ktheni pronat e grabitura
7501, kartë e djegur në dorë të PS dhe PD
Nga Maksim BEGEJA
(Kryetar i Grupit Parlamentar të LZHK)
Diktatura 50-vjeçare komuniste, mohoi pronën private në dy drejtime kryesore:
Së pari: nëpërmjet shtetëzimit të pronës private dhe kalimit të detyrueshëm të saj, pa shpwrblim, nw duart e shtetit.
Së dyti: nëpërmjet kryerjes së reformës agrare dhe kolektivizimit të bujqësisë, procese këto që mohuan të drejtën e pronësisë dhe zhdukën përfundimisht pronën private në fshat, në të gjitha format e saj si tokën bujqësore, pemtoret e ullishtet, kullotat, kafshët e punës e deri bagëtitë.
Këto u bënë gjoja në emër të “zhdukjes së klasave shfrytëzuese” dhe “zbatimit të normave të moralit socialist”.
Në fakt, kjo strategji e zbatuar gjatw 50-vjetwve, kishte një qëllim të vetëm: mohimin e të Drejtës Themelore të Njeriut, atë të pronës, për të garantuar përqëndrimin e pushtetit në duart e kastës në fuqi.
Edhe pas shembjes së diktaturës komuniste në vitet ’91 e deri më sot, megjithëse pretendohet të ndërtohet një shoqëri kapitaliste e bazuar në ekonominë e tregut, nuk është bërë dallimi midis pronës së mirfilltë të shtetit, me atë që i është grabitur pronarëve të ligjshëm dhe që duhet t’u kthehet atyre.
Në të gjitha kohwrat, nga tw gjitha shtetet kapitaliste, është zbatuar dhe zbatohet parimi universal se “pasuria e grabitur i kthehet pronarit të ligjshëm, pavarësisht se grabitësi (kupto shteti apo personat e lidhur me të), e ka në pronësi, apo ua ka tjetërsuar personave të tretë”.
Ligjet për pronën, të miratuara deri më sot, qëllimisht nuk kanë marrë në konsideratë të Drejtat e Njeriut, të përcaktuara në “Konventën e të Drejtave dhe Lirive Themelore të Njeriut” dhe protokollin Nr.1 të saj, për t’i kthyer pronën pronarit legjitim. Këto ligje janë hartuar vetëm për interesa politike dhe elektorale, në kundërshtim me Nenin 41 të Kushtetutës.
Ky proces po vazhdohet në të njejtën linjë edhe sot, nga qeveria dhe parlamenti të drejtuar nga PS dhe, për fat të keq, po mbështetet edhe nga PD.
Në fillimet e tranzicionit, si rezultat i interesave të ngushta të të dy partive të mëdha për të mbajtur ose marrë pushtetin nwpwrmjet votës së elektoratit, u miratua Ligji famwkeq 7501, i cili pas vitit ‘92, tokën e pronarëve legjitimw e shpërndau duke ia dhënë në pronësi të tjerëve. U shpërndanë tokat e fermave shtetwrore dhe u miratua ligji për shit-blerjen e tokës. Rezultat i kësaj ishte se, jo vetëm që nuk pati zhvillim ekonomik të fshatit dhe fermerwve, por përkundrazi, ata vazhdojnw të varfërohen nga dita në ditë. Sot, mbi 50 % e tokës ka mbetur djerrë. Prodhimet që merren prej saj nuk sigurojnë jetesën e vetë fshatarëve, e jo më të furnizojnë tregun! Sot, qytetarët shqiptarë furnizohen me perime, fruta, prodhime qumështi etj., nga shtetet fqinje. Nga ana tjetër, fshatarët, duke mos e ndjerë veten zotër të tokës që kanë marrë padrejtësisht dhe në pamundësi për të jetuar, kanë marrë rrugën e emigracionit, për të punuar tokat e Greqisë, Italisë, që të nxjerrin bukwn e gojws.
Moskthimi i tokës tek pronarët legjitimw dhe shpërndarja e saj sipas Ligjit 7501, bëri që ajo të ndahej në parcela të vogla, mesatarisht 1 Ha pwr familje. Kjo ka sjellë që të mos bëhen investime në sistemin e ujitjes e kullimit, në mekanizim, në farëra etj.. Ka bërë gjithashtu që të ulet rendimenti i prodhimeve bujqësore dhe të rritet kosto e tyre.
Sistemi bankar nuk jep kredi, duke mos patur siguri nw kthimin e tyre.
Investitorët e huaj, duke mos patur siguri në pronësinë e tokës, nuk vijnë tw investojnw në Shqipwri.
Zhvillimi i turizmit, (një nga pasuritë më të mëdha kombëtare, që rrit të ardhurat), është bllokuar tërësisht.
Investitorë mafiozë, që kanë zaptuar tokat e pronarëve, duke shfrytëzuar para të pista, po pasurohen vetë dhe po pasurojnë pushtetarë e klane pranë tyre.
Janë ngritur mbi 2000 vila në zonën turistike, ndër të cilat pjesa më e madhe i takon trafikantëve e mafiozëve që kanë grabitur pronën pronarëve të ligjshëm, apo kanë marrë tokë me qera për 99 vjet nga shteti.
Abuzimi shtrihet akoma më tej: Ligji i miratuar për Kthimin dhe Kompensimin e pronës, i jep të drejtën këtyre të fundit, që të blejnë tokën e pronarit pa autorizimin e tij, ndërsa vetë pronari legjitim nuk do të arrijë kurrë që të marrë, jo vetëm pronën por as kompensimin për të.
Ndërtimet e paligjshme kanë zaptuar tokat e trojet më të mira kudo, e sidomos në qytete dhe zonën bregdetare.
Nwse dje prona u masakrua nga komunizmi, sot po masakrohet nga korrupsioni. Ky është fati i pronës private të shpallur si e shenjtë nga Kushtetuta: njw shenjtore e kryqëzuar më keq se Krishti.
Kthimi i tokës tek pronarët e ligjshëm, nuk është çeshtje që i takon vetëm atyre. Ky është problem në radhë të parë i njohjes të së Drejtës mbi të cilën mund të themelohet një shtet kapitalist, wshtë rruga e vetme për të hyrë në familjen europiane.
Nëse e Drejta e Pronës nuk vihet në vend, zinxhiri i padrejtesive do të trashet akoma më shumë dhe vendi nuk do të gjejë kurrë qetësi. Këtë e vërtetojnë vrasjet, plagosjet, grindjet brënda dhe jashtë fisit e familjes, që po ndodhin çdo ditë.
Në komunizëm pronarët u masakruan nga lufta e klasave, gjoja në emër të “popullit”. Sot, ata po sakrifikohen për të korruptuarit.
Prona private, në këtë periudhë që po përpiqemi tw ndërtojmë gjoja shoqërinë demokratike - është më e rrezikuar se kurrë.
Në zonën turistike, Shteti, duke e konsideruar veten pronar tw tokave shtetwrore dhe pwrfaqwsues i pronarit në tokat private, u ka shitur apo dhënë qindra-mijwra hektarë tokë personave të stimuluar, (nënkupto persona të korruptuar, të lidhur ngushtë me interesat e pushtetarëve). Kështu, në Ksamil mbi 200 hektarw-prona të pronarëve, i kanë marrë tre firma private, të cilat po përgatiten për të marrë edhe ishujt piktoreskë të Ksamilit. Nw Durrws, mbi 200 Ha u janë dhënë me qera për 99 vjet firmave dhe personave privatë, të lidhur me pushtetarë. Nw Sarandw, nw zonwn e Stillos deri nw Qafw Botw, po kërkohet të jepen leje ndërtimi në 4200 Ha pyje e kullota, pronë e pronarëve.
Vetëm Ministria e Bujqësisë ka dhënë me qera mbi 1.500 Ha tokë bujqësore.
Akoma më keq është abuzuar me vetë Ligjin 7501. Në kundërshtim me të, janë shpërndarë nga komisionet e tokave si “tokë bujqësore”, qindra Ha pyje, livadhe, toka të pafrutshme, ranishte etj., në zonën bregdetare të Kavajës dhe Durrësit, që nuk janw objekt i kwtij ligji. Kjo tokë po përdoret për ndwrtime vilash e restorantesh.
Nw veçanti, në qarkun e Gjirokastrës, sipas ligjit 7501, kanë marrë tokë në pronësi fshatarë me kombësi greke, të cilët nuk kanë qenë asnjëherë pronarë, por që kanë punuar si bujqër në tokat e pronarëve autoktonë. Ndërkohë, çamërve që kanë pronat e tyre në Greqi, nuk u është njohur dhe kthyer kjo pronë konform ligjeve të vetë shtetit grek.
Masakrime të pronës janë bwrw edhe nga zyrat e Regjistrimit tw Pasurive tw Paluajtshme. Rrjeti i mafias shtetwrore dhe i personave tw lidhur me tw, duke ndërhyrë në këto zyra ka bërë që të grabiten dokumenta të Hipotekës, të manipulohen dosjet e pronësisë, të ndryshohen hartat duke ligjëruar kështu tjetërsimin e pronave të pronarëve legjitimw.
Faktet e mësipërme janë vetëm një pjesë e korrupsionit galopant që po zhvillohet me shpejtësi në kurriz të pronarëve legjitimë.
LZHK nw programin e saj, ka përcaktuar qartë dhe prerë qëndrimin e saj ndaj
pronës: Prona private është e shenjtë dhe e paprekshme! Ajo i përket vetëm pronarit të saj të ligjshëm.
Bazuar në kwto parime, Ne do të vazhdojmë pwrpjekjet për të vënë në vend padrejtësinë e madhe që është bërë ndaj pronarëve.
Dy partitë e mëdha, në koherencë me njwra-tjetrën, ligjwruan pwrfundimisht Ligjin 7501 dhe abuzimet e bëra në emër të tij. Kjo u arrit nëpërmjet ligjit të miratuar së fundi në Parlament dhe jehonës që ato po i bëjnë mbajtjes në fuqi të këtij ligji. Në këtë ligj, nga toka bujqesore i njihet dhe vetëm i kompensohet pronarit deri në 60 Ha, pavarësisht se sa tokë ka në pronësi. Nga trojet kthehen vetëm ato që janë të lira, duke përjashtuar kështu edhe ato troje që janë zënë me ndërtime të paligjshme.
Zgjidhja që jep LZHK është që prona t’i kthehet pa kufizim pronarit. Kompensimi i saj të bëhet vetëm në rastet kur ajo është përdorur për nevoja publike. Kjo do t’i hapë rrugë Shqipërisë për t’u integruar në Familjen europiane. Kjo është e vetmja rrugë që do të ulë tensionet sociale, është e vetmja rrugë që do t’i japë zhvillim ekonomisë sonë të shkatwrruar, është e vetmja rrugë që do tw ndalojw pwrfundimisht korrupsionin.
Për këtë qëllim Ne do të ndryshojmë ligjet e miratuara për Kthimin dhe Kompensimin e Pronës.
Ligjet që Ne do të hartojmë apo përmirësiojmë, menjëherë pas konstituimit të Parlamentit të ardhëshëm, do të përmbajnë në thelb këto momente kryesore:
1. Ligji 7501 do të rishikohet rrënjësisht, në përputhje me Kushtetutën.
Do të hiqet kufizimi i kthimit dhe kompensimit të tokave bujqësore.
Do të anullohen kontratat abuzive të dhënies me qera në zonën bregdetare, të tokave, pyjeve, livadheve e kullotave nw favor tw personave të tretë, me qëllim që ato t’u kthehen pronarwve, ose tw pwrdoren pwr kompensim fizik tw tyre.
4. Do të anullohen vendimet që i kanë dhënë të drejtën e pronësisë pushtetarëve, dhe ish pushtetarëve, në pronat e pronarëve të ligjshëm dhe të shtetit.
5. Do të verifikohen dhe anullohen të gjitha abuzimet e bwra gjatë zbatimit tw Ligjit 7501 dhe Ligjit pwr shpwrndarjen e tokave të ish Ndërmarrjeve Bujqësore.
Qëndrimi ynë është i prerë dhe i qartë: prona, në çfarwdo forme qoftë ajo, duhet
t’i kthehet apo kompensohet tërësisht pronarit legjitim, konform Nenit 41 të Kushtetutës.
HE TOKEN E BABALLAREVE TANE :une nuk e kuptoj pse do ta gezosh ti token time?vazhdoni keshtu o qen bij qenave, <img src="/pf/images/graemlins/mad.gif" alt="" /> mos kini merak se do ju vij ora edhe juve,jeni ne shqiperi 240.000 komunista te perbetuar te gjithe do ta gjeni fecken......
