Viktima civil dhe të plagosur në Brodec të Tetovës

Viktima civil dhe të plagosur në Brodec të Tetovës

Viktima civile dhe të plagosur në përleshjet e armatosura në Brodec të Tetovës

Në fshatin Brodec të Tetovës sot ka filluar përleshje e armatosur midis një grupi të armatosur dhe forcave shtetërore të sigurisë. Burime brenda fshatit për agjencinë INA jozyrtarisht bëjnë të ditur për tetë civilë të vrarë, emrat e të cilëve pritet të zbardhen. Në Spitalin Kirurgjik të Shkupit dhe Spitalin Ushtarak janë ndërmarrë masa të larta sigurie dhe sipas reporterit tonë ndalohet hyrja brenda hapsirave të këtyre dy institucioneve shëndetësore. Reporteri ynë bën të ditur për mbërritjen e helikopterëve, të cilët siç thuhet bartin pjestarët e plagosur të policisë.


Burime pranë këtij rajoni thanë se përleshja e armatosur ka nisur nga ora 6 e mëngjesit, ndërkaq grupi që po konfrontohet me policinë thuhet se është pjesë e AKSH-së, një komandant i cilës u vra javën e kaluar në fshatin Odër, disa kilometra afër Brodecit në Malësinë e Tetovës.


Burime policore në Shkup konfirmojnë ngjarjen, duke deklaruar se bëhet fjalë për një sulm ndaj siç theksohet grupeve kriminale kryesisht të përbërë nga të arratisurit nga burgu i Dubravës Lirim Jakupi-Nacisti dhe Ramadan Shiiti. Deri tani nuk ka marrë përgjegjësinë edhe AKSH, e cila më herët theksoi se ka formacione të saj edhe në Maqedoni, me vrasjen e Xhavit Morinës, për të cilin u tha më vonë se ka qenë pjestarë i këtij formacioni.


Burime policore bëjnë të ditur gjithashtu se grupi i armatosur në radhët e të cilit ka edhe të vrarë , është tërhequr nga fshati Brodec, ndërsa edhe më tej vazhdojnë luftimet në Malësinë e thellë të Sharrit.

Poashtu bëhet e ditur se në këtë rajon janë dislokuar forca të mëdha të sigurisë, mjete të blinduara dhe helikopterë, të cilët shtiejnë në drejtim ku janë të locuar grupet e armatosura rreth fshatit. Në fshat kanë ngelur të patërhequr banorët lokal, duke përfshirë gra dhe fëmijë. Të gjitha linjat telefonike janë fikur dhe është ndërprerë komunikimi me këtë fshat.

Parlamenti sot pritet të mbajë mbledhje të jashtëzakonshme për të shqyrtuar gjendjen e sigurisë në vend. Tensionimi i situatës në këtë rajon filloi pas vrasjes së Xhavit Morinës, që më pas u deklarua se ka qenë komandant i Armatës Kombëtare Shqiptare. Morina strehohej në Maqedoni pas arratisjes nga burgu i Dubravës. (INA)

http://www.ina-online.net/

 

[prespari]

Re: Viktima civil dhe të plagosur në Brodec të Tetovës

--------------------------------------------------------------------------------

http://www.makfax.com.mk/look/novina...8&NrSection=10

Operacion i madh policor në rajonin e Tetovës

Tetovë /07/11/ 09:42

Njësi speciale policore sot në mëngjes filluan aksion në fshatin Brodec të Malësisë së Tetovës dhe zhvillohet përleshje e armatosur me grup të armatosur.

Një përfaqësues zyrtar i policisë për Makfaks-in as nuk mund të konfirmonte, as të demantonte se në rajonin e Tetovës ka përleshje të armatosur.

Në Brodec shtihet me armë zjarri dhe banorët, mes të cilëve edhe gra dhe fëmijë, nuk mund ta braktisin fshatin i cili është i bllokuar nga policia, lajmëron Makfaksi, duke iu referuar deklaratave të banorëve të këtij fshatin të Malësisë së Tetovës.

Në rajonin e fshatit Brodec janë dërguar forca të mëdha speciale me automjete të blinduara dhe helikopterë.

Sipas burimeve jozyrtar, aksioni policor është orientuar drejt arrestimit të grupit të armatosur të kryesuar nga Lirim Jakupi, i cili para do kohë u arratis nga burgu i Dubravës në Kosovë. /Makfaks/

-------------------------------------------------------------
Përleshje ndërmjet grupeve të armatosura dhe forcave të sigurisë në Malësinë e Tetovës

Që nga ora 6 e mëngjesit të sotëm në Malësinë e Tetovës, pikërisht në fshatin Brodec, janë duke u zhvilluat përleshje të armatosura ndërmjet grupeve të armatosura dhe forcave të sigurisë maqedonase.
Dëshmitarët okularë thonë se në të dy radhët ka të vrarë dhe të plagosur, mirëpo numri i saktë nuk dihet ngase të shtënat janë duke vazhduar. Siç njofton korrespondenti ynë, i cili ndodhet në vendin e ngjarjes disa shtëpi janë përfshirë nga flakët, ndërsa të gjitha hyrje daljet në fshat janë bllokuar. Deri më tani ministria e Brendshme e Maqedonisë nuk ka dhënë kurrfarë informacionesh për incidentin (RTK)

 

[prespari]

Re: Viktima civil dhe të plagosur në Brodec të Tetovës

http://www.nacionalpress.com/modules/news/article.php?storyid=14

NACIONAL

Luftime te ashpera midis forcave policore te Maqedonise dhe grupeve te armatosura jane kane filluar ne ora 3.00 te mengjesit te sotem. Jozyrtarisht njoftohet per te vrare, te plagosur dhe deme te medha materiale.
Banoret e fshatit Brodec jane ngujuar ne shtepitee tyre, derisa luftimet zhvillohen ne afersi te ketij fshati qe gjendet ne thellesine e Malesise se Sharrit.
Njësi speciale policore jane drejtuar drejt Brodecit derisa rruga Tetove-Kodra e Diellit eshte e pakalueshme per qytetare.
Një përfaqësues zyrtar i policisë për Makfaks-in as nuk mund të konfirmonte, as të demantonte se në rajonin e Tetovës ka përleshje të armatosur.
Në Brodec shtihet me armë zjarri dhe banorët, mes të cilëve edhe gra dhe fëmijë, nuk mund ta braktisin fshatin i cili është i bllokuar nga policia.
Në rajonin e fshatit Brodec janë dërguar forca të mëdha speciale me automjete të blinduara dhe helikopterë.
Sipas burimeve jozyrtare, aksioni policor është orientuar drejt arrestimit të grupit të armatosur të kryesuar nga Lirim Jakupi, i cili para do kohë u arratis nga burgu i Dubravës në Kosovë.

 

[prespari]

Re: Viktima civil dhe të plagosur në Brodec të Tetovës

Vazhdojnë luftimet në Brodec të Tetovës; AKSH thotë se s’është e përfshirë


07.11.2007 11:46 ET Prishtinë (KosovaLive)


Luftimet që kanë filluar në orët e hershme të mëngjesit të së mërkurës në fshatin Brodec të komunës së Tetovës, ndërmjet forcave të sigurisë Maqedonase dhe grupeve të armatosura shqiptare, janë duke vazhduar ende, konfirmuan burime të KosovaLive nga Maqedonia.
Luftimet thuhet të kenë filluar në orën 05.00 të mëngjesit, në ndërkohë që të shtëna armesh, siç konfirmoi për KosovaLive zëdhënësi i Komunës së Tetovës, Valmir Aziri, dëgjohen edhe në mesditë.
Zëdhënësi Aziri tha se nga ajo që është marrë vesh, dy shtëpi janë të djegura, ndërsa intervenimi i policisë në këtë fshat është bërë pa paralajmërimin e banorëve.
Ai tha se zyrtarët komunal dhe ata qeveritar janë në kontakte të vazhdueshme me organet e rendit dhe akoma nuk është konfirmuar nëse ka të vrarë apo të plagosur.
Gjendje e tensionuar në këtë pjesë të Tetovës, siç tha Aziri, ka mbizotëruar edhe gjatë ditëve të fundit. Ndërkaq, fshati Brodec që gjendet në malësinë e Tetovës, është në rrethim të hekurt të forcave të sigurisë.
Aziri tha se deri më tani nuk dihet se për çfarë grupe të armatosura bëhet fjalë.
Ndërkohë, Ministria e Brendshe e Maqedonisë, ende nuk ka dhënë asnjë shpjegim zyrtar për arsyen e operacionit policor në këtë fshat.
Në anën tjetër, Gafurr Adili, zëdhënësi politik i Frontit për Bashkimin Kombëtarë Shqiptar (FBKSH), brenda së cilës funksionin edhe Armata Kombëtare Shqiptare, tha për KosovaLive se kryengritësit që po luftojnë në Malësinë e Tetovës nuk i përkasin formacionit të AKSH-së.
Kjo e fundit, siç tha Adili përmes telefonit nga Tirana, është e përqendruar të mbrojë popullsinë shqiptare të Kosovës, e cila nuk mbrohet nga SHPK dhe KFOR-i, e që është e rrezikuar në vazhdimësi nga grupet paramilitare serbe. Po ashtu, objektiv i AKSH-së, siç tha Adlii, është edhe Lugina e Preshevës, por në asnjë moment Maqedonia.
Ai tha se trazira në Maqedoni dëshiron të krijoj Beogradi, me qëllim që të zhvendos vëmendjen e bashkësisë ndërkombëtare prej Kosovës.
“Nga informacionet që ka FBKSH, ata që po luftojnë në Malësinë e Tetovës janë ish guerilet e pakënaqur të Ushtrisë Çlirimtare Kombëtare. Rebelimi ka ardhur si rezultat i mos-implementimit të Marrëveshjes së Ohrit”, tha ndërkaq Adili, duke akuzuar pushtetin e Shkupit se qëllimisht po krijon konflikt.
Ndryshe, vetëm pesë vjet më përpara, në Maqedoni u zhvillua një konflikt i armatosur ndërmjet Ushtrisë Çlirimtare Kombëtare dhe forcave të Maqedonisë. Ky konflikt u pasua me një marrëveshje politike që u nënshkrua në Ohër, por deri më tani, siç është thënë, akoma shumë pika të saj mbetën të pa zbatueshme.
Madje vetëm dy javë më parë, Gjykata Kushtetuese e Maqedonisë, në kundërshtim me këtë marrëveshje, ua mohoi shqiptarëve që përbëjnë rreth 30 për qind të popullsisë së Maqedonisë, përdorimin e flamurit kombëtar.

 

[prespari]

Re: Viktima civil dhe të plagosur në Brodec të Tetovës

Shtuar më: 07/11/2007 - 12:50
• Burime e fundit nga fshati Brodec bëjnë të ditur për 8 persona të vrarë prej të cilëve shumica thuhet se janë banorë lokal, pas përleshjes midis një grupi të armatosur dhe forcave të policisë. Këto burime njoftojnë agjencinë e lajmeve INA. Sipas tyre grupi i armatosur është tërhequr në zonën e thellë të Malësisë së Tetovës në kufirin me Kosovën.



Shtëpi janë përfshirë në flakë, një pjesë e xhamisë është rrënuar. Banorët thonë se cak i sulmeve janë fshatrat Brodec, Veshallë dhe Bozovcë. “Nuk dihet numri i viktima dhe nuk mund të themi asgjë se çka bëhet. Brodeci po sulmohet”, theksoi një banorë lokal.

Burime policore në Shkup konfirmojnë ngjarjen, duke deklaruar se bëhet fjalë për një sulm ndaj siç theksohet grupeve kriminale kryesisht të përbërë nga të arratisurit nga burgu i Dubravës Lirim Jakupi-Nacisti dhe Ramadan Shiiti. Përgjegjësinë ka mohuar AKSH, e cila më herët theksoi se ka formacione të saj edhe në Maqedoni, me vrasjen e Xhavit Morinës, për të cilin u tha më vonë se ka qenë pjestarë i këtij formacioni. Poashtu bëhet e ditur se në këtë rajon janë dislokuar forca të mëdha të sigurisë, mjete të blinduara dhe helikopterë, të cilët shtiejnë në drejtim ku janë të locuar grupet e armatosura rreth fshatit. Në fshat kanë ngelur të patërhequr banorët lokal, duke përfshirë gra dhe fëmijë. Në Spitalin Kirurgjik të Shkupit dhe Spitalin Ushtarak janë ndërmarrë masa të larta sigurie dhe sipas reporterit tonë ndalohet hyrja brenda hapsirave të këtyre dy institucioneve shëndetësore. Reporteri ynë bën të ditur për mbërritjen e helikopterëve, të cilët siç thuhet bartin pjestarët e plagosur të policisë. Burime pranë këtij rajoni thanë se përleshja e armatosur ka nisur nga ora 5 e mëngjesit. Parlamenti sot pritet të mbajë mbledhje të jashtëzakonshme për të shqyrtuar gjendjen e sigurisë në vend. Tensionimi i situatës në këtë rajon filloi pas vrasjes së Xhavit Morinës, që më pas u deklarua se ka qenë komandant i Armatës Kombëtare Shqiptare. Morina strehohej në Maqedoni pas arratisjes nga burgu i Dubravës. (INA)