Vala e shpërthimit të meteorit rus, përshkoi dy herë Tokën

[Aquarius]

Vala e shkaktuar nga shpërthimi i meteorit që u dogj mbi Rusi shkurtin që kaloi, ishte aq e fuqishme saqë përshkoi dy herë rruzullin tonë.

Në këtë përfundim arritën shkencëtarët ndërkombëtarë pas studimit të kryer me ndihmën e sensorëve që regjistrojnë shpërthimet bërthamore.

Më shumë se 1000 persona mbetën të plagosur kur masa e shkëmbit jashtëtokësor me diametër 17 metër dhe peshë 10 mijë ton preku atmosferën, ndërsa copëza të tij u përplasën fuqishëm në rajonet e banuara të Chelyabinsk-it në Rusi.

Studimi u publikua në reviztën shkencore “Geophysical Research Letters”. Të dhënat nga Sistemi Monitorues Ndërkombëtar, që operon në varësi të Marrëveshjes së Ndalimit të Testeve Bërthamore flasin për një fuqi të jashtëzakonshme të valës së shpërthimit të meteorit.

Alexis Le Pichon nga Komisioni i Energjisë Bërthamore në Francë dhe kolegë të tjerë të tij thanë për BBC se shpërthimi kishte një forcë të barabartë me 460 kiloton tritol. Kjo e bën atë eventin energjitik më të fuqishëm ndonjëherë, që prej vitit 1908 kur një tjetër meteor ra në Tunguska, Siberi.

Fuqia e meteorit që goditi rajonin e Tunguskas përllogaritet në disa qindra megatonë tritol, duke e bërë atë qindra herë më të fuqishëm se sa shpërthimi i Hiroshimës.

Shpërthimi shkatërroi pemët në një sipërfaqe prej 2 mijë kilometrash.


/ Top Channel

 

[Sahit Rexhepi Keca]

rreziku me imadh per njerezimin vjen jasht tokes nga gjithesia e jo nga njerezit.njeriu duhet te ulet e te mendoj pak qe funi-funit kerkushi nuk jem dhe asgje nuk kemi ne dore.e jo qysh thot ni fjal-mu qu pesh-une jam dikushi.une jam kryetar.une jam gjygjtar.jo gabim ekan.kryetar e gjygjtar eshte vetem ZOTI.

 

[Hektor12]

Une mendoj qe vete njeriu ka ne dore egzistencen e tij duke qene toka po shteron resurset si rezultat I njeriut shfaq kapriciot dhe ndryshimet qe na duken te cuditeshme po thjwsht ajo reagon ndaj nderhyrjes se njeriut.