<span style="font-weight: bold">Puthja në mënyrën e duhur fillon para lindjes</span>
13 Shkurt 2003, 11:29
Andy Coghlan
Dy të tretat e njerëzve instinktivisht e ulin kokën në të djathtë kur puthin, zbulon një studim i ri, nxjerrë në dritë me qëllim ditën e Shën Valentinit.
Raporti 2:1 përputhet me preferencat tona për të përdorur dorën, syrin, dhe veshin e djathtë. Ky anim ka shumë të ngjarë ta ketë origjinën në tendencën tonë për ta kthyer kokën djathtas që në barkun e nënës e deri në 6 muaj pas lindjes, thotë autori i studimit, Onur Güntürkün.
Güntürkün, i Universitetit të Rurit në Bochum, Gjermani, obzervoi 124 çifte që këmbenin puthje në aeroporte, stacione trenash, plazhe, dhe parqe në Gjermani, Turqi, dhe Amerikë.
"Dy herë më tepër njerëz e kthejnë kokën djathtas sesa e kthejnë majtas ku puthin, gjë që tregon që preferenca anësore për lëvizjen e kokës nuk zhduket në fëmijëri." thotë ai. Ai pretendon që nuk i intereson aspak puthja në vetvete, por se si zhvillohet asimetria (mungesa e simetrisë) tek njerëzit.
<span style="font-weight: bold">Momente të parehatshme</span>
Güntürkün përfshiu në studimin e vet vetëm puthjen e parë me kontakt të plotë të buzëve dhe që fillonin nga pozicioni ballë-për-ballë. Iu deshën dy vjet e gjysëm për të mbledhur të dhënat.
"Çiftet puthen shumë më rrallë nga ç'mendoja," thotë ai. "Në aeroportin O'Heër të Çikagos, një ditë prita 5 orë vetëm për 2 të pika të dhënash."
Güntürkün thotë që nuk pati ndonjë moment tejet të parehatshëm gjatë studimit. "U përpoqa të isha shumë i kujdesshëm dhe zhdukesha pas puthjes së parë," shpjegon. "Po të më vinin re ndonjëherë më shikonin disi të shqetësuar."
Pranon gjithashtu që obzervimet e tij i janë bërë kaq zakon sa tani i duhet të përpiqet që mos të këqyrë me vëmendje çifte që puthen. "Sapo shoh ndonjë, filloj të zgjas dorën për çantën që të mbaj shënim të dhënat, po do shërohem edhe nga kjo," thotë duke qeshur.
