Skemat se si mund te manipulohen votat

[tr1191]

Skemat se si mund te manipulohen votat

Te gjithe jemi te sigurte se zgjedhjet ne Shqiperi asnjehere nuk do jene te pastra.Le te bejme disa hamendesime mbi menyrat e marrjes se votave te shqiptareve nepermjet manipulimeve ose marreveshjeve te ndryshme.

Ja nje artikull nga Gazeta Shqiptare.

"Afër KQV-ve nga stafi i kandidatëve mund të ofrohen fletët e plotësuara që duhet të hidhen në kutinë e votimit

Një fletëvotimi bosh për të blerë fitoren
Ja skema që kontrollon votën e zgjedhësve të shitur


--------------------------------------------------------------------------------

Altin Kreka


Një skemë, e përdorur edhe më parë, thuhet se do të zbatohet nga kandidatët e partive që luftojnë në mazhoritar, PS dhe PD. Janë vetë kandidatët që japin alarmin se diçka e tillë është duke u përdorur nga rivalët e tyre. Ata ankohen duke thënë se rivalët nuk bëjnë fushatë sepse gjithë paratë i kanë planifikuar për të blerë votat.
Skema është shumë e thjeshtë. Pranë çdo qendre votimi qëndron një person apo disa të tillë që marrin përsipër të bëjnë pagesat për çdo votë që hidhet në favor të kandidatit që duan ata. Çdo votë kushton dhe çmimi është i ndryshueshëm sipas mundësive që ka çdo kandidat. Një person qëndron pranë vendit ku do të votohet dhe zgjedhësit që pranojnë të shesin votën e tyre drejtohen për te ai. Pasi u dorëzohet një fletë votimi e rregullt por e plotësuar më parë te emri i kandidatit që po paguan, ata hyjnë në qendrën e votimit. Fletë votimi që kanë marrë jashtë qendrës e fshehin në trup që mos duket dhe shkojnë para anëtarëve të komisionit. Firmosin sipas rregullit, shënohen me bojë dhe pasi marrin fletën e votimit bosh ata shkojnë në dhomën e fshehtë të votimit. Aty nxjerin fletën e votimit të plotësuar më parë jashtë qendrës dhe fletën që iu ka dhënë komisioni e palosin dhe ashtu të palotësuar e fshehin në trup, në mes të një gazetete apo në një çantë. Skema parashikon që ata të hedhin në kutinë e votimit, fletën e plotësuar që kanë marrë jashtë. Pasi dalin nga qendra e votimit drejtohen për nga personi që takuan në fillim dhe nga i cili morrën fletën e plotësuar. Atje dorëzojnë fletëvotimin që morrën brenda të paplotësuar dhe në shkëmbim të saj marrin paratë. Shifra në zgjedhjet e kaluara shkonte deri në 3 mijë ose 5 mijë lekë. Në disa raste janë përdorur edhe dhurata por synimi është thjeshtë blerja e votës. Kjo skemë shumë efikase funksionon nëse bëhet e mundur që anëtarët e komisionit të asaj partie që do të blejë votat arrin të vjedhë disa fletë votimi sa për të nisur proçesin. Ato fletë të rregullta dhe të firmosura dalin jashtë qendrës dhe plotësohen duke ja dhënë votuesve. Skema më pas funksionon vetë sepse për çdo fletë votimi të plotësuar blerësit e votës marrin një tjetër të paplotësuar pasi i japin votuesit paratë në dorë.

Zonat
Kjo skemë nuk mund të përdoret në qytetet e mëdha sepse është shumë e rrezikshme. Vendi më i mirë për të përdorur këtë janë fshatrat dhe qytetet e vogla. Kushti tjetër është që në atë zonë duhet të banojnë njerëz të varfër që janë gati ta shesin votën në këmbim të pak parave apo dhuratave të tjera. Zona të tilla ka në të gjithë vendin por më shumë në veri ku dhe varfëria është shumë e madhe, por përdoret edhe në jug në zonat e thella malore ku frika ndaj ligjit është e vogël apo frika është e madhe nëse ndokush prej tyre guxon që të denancojë këtë skemë. Ata do të detyrohen nga presioni i të "fortëve" pranë qendrave të votimit që të dorëzojnë në shkëmbim të mosbezdisjes dhe të parave, votat e tyre. Ndërkohë brenda në komsionin e zgjedhjeve puna shkon normalisht. Asnjë manipulim dhe vëzhguesit ndërkombëtarë por edhe ata vendas nuk dallojnë dot se çfarë ndodh në dhomën e fshehtë. Disa kandidatë të PS, në zonat në veri kanë planifikuar një skemë tjetër. Ata po punojnë për të gjetur se cilët do jenë njerëzit që do blejnë votat si dhe vendet ku do qëndrojnë. Nje prej tyre arrestohet dhe lajmi tremb të tjerët të cilët largohen duke e prishur kështu skemën e blerjes së votave."

 

[Oltion Rrumbullaku]

Re: Skemat se si mund te manipulohen votat

Fshatari i pare, merr nje flete bosh A4 te verdhe, ose jeshile, dhe e hedh ne kutine e votimit, por fleten qe i ka dhene komisioni, e palos dhe e fut ne xhep... Me pas kete flete votimi e merr komisioni i dyte i pagesave qe ndodhet diku afer qendres se votimit, e ploteson dhe ia jep katnarit te dyte, i cili e hedh ne kuti dhe merr fleten e paplotesuar... Ne qytete nje vote, besoj do i kaloje 100 Euro, ndersa une vete shpresoj te kap nja 300 Euro se kam Arben Ahmetaj ne zone, dhe ai ka qamet leke... Fat i keq qe sjam ne zonen e Angjelit, por edhe Ahmetaj sdo na lere pa gje, keshtu kam degjuar...

 

[Ani83]

Re: Skemat se si mund te manipulohen votat

Thuhet qe rregullat e votimit jane qe fleta duhet palosur ne mnyre te tille qe te duket vula kur hidhet ne kuti. Kjo ndoshta mund te sherbeje per ta bere nje cike te veshtire hedhjen e fletes se pare, te cilen ai qe do ta filloje, nuk do ta kete te vulosur, ndoshta, se ku i dihet....
Keta cfare nuk arrijne te bejne.

Varja, ske nga i mbrohesh kesaj gjeje jo.... Shume tmerr. Ndoshta u duhet bere thirrje vezhguesve apo monitoruesve, ca quhen, qe ta vene mire syrin te kutia e votimit dhe te fletat qe hidhen. Prap, eshte gati e pamundur, se fleta e parregullt nje eshte, dhe ai qe e ben me qiri do ta gjeje menyren

Ej pike e zeze, c'na gjeti!
Kjo ka qene metode e vjeter gjithsesi, nuk po aplikohet per here te pare

 

[Oltion Rrumbullaku]

Re: Skemat se si mund te manipulohen votat

A dini gje, sa e blen nje vote Shpetim Idrizi, amon se ket paskam ne zone... e MORA VESH sa jepte Arben Ahmetaj, po paskam ngaterru zone... Amon boni sevap, tjua bofte zoti mare, boni sevap t'ju rroje fmija...
Hajft shnet, shkruhemi

 

[personazh]

Re: Skemat se si mund te manipulohen votat

mu m'ka bo pershtypje nji stil tjeter: e kam pa ne televizjonet shqiptare. intervista ishte me nje nenoke ne nji nga shume fshatrat, ose shpite fshatare shqiptare, pa rendesi shume. ideja ishte e thjeshte, i behej pyetja nenokes: per ke do votosh ti nene? pergjigj'ja: ku di gjo nona a t'keqen, ça t'dun kalamojt. s'merr vesh nona nga kto gjona, me merr çuni e ça te doje çuni votoj une. kta t'rit e din ma mire ket pune e un ja nigjoj llafin.

komentet ti beje seicili vete.

 

[Albert Zylyftari]

Re: Skemat se si mund te manipulohen votat

Kjo tregon -hajduti i hurmave -se ne shqiperi nuk i ka ardhe koha akoma demokracise.Se njerzit s'jane te pergjegjshem per ate qe bejne dhe nje pjese e mire e popullsise se meritojne te votojne.Edhe sikur nje gomar te vesh deputet per partine socialiste , ai fiton .

 

[Oltion Rrumbullaku]

Re: Skemat se si mund te manipulohen votat

Ku ta gjesh i gamor, o i nershem, si pershemell, Mus Ulqinaku, po ca ti bosh qe shumica jane hiena e cakej...

 

[personazh]

Re: Skemat se si mund te manipulohen votat

jo aq tragjike sa mos me e meritu demokracine e jo. eshte me qa me te modhe, kur ajo intervista eshte transmetuar ne rrjet kombetar e ka kalu kshu si prashitje domatesh.

me ra ne fatalizma mua s'e pelqen gjithsesi.

 

[tr1191]

Re: Skemat se si mund te manipulohen votat

Hej po te gjithe doni ti shisni votat atij qe i blen me shume!?
Kjo eshte vertet e tmerrshme.Do te thote qe vete ne mendojme se ktu asgje nuk mund te ndryshojme, prandaj te pakten te nxjerrim nanji lek.
Ksaj i thone me i ba gropen vetes me duart e tuja.

 

[receli]

Re: Skemat se si mund te manipulohen votat

Ministri i Nanos, mesjetari që mbjell përçarje fetare mes pukjanëve


Viktor Doda, fytyra e dështimit të PS


Ministri i korruptuar, Viktor Doda, po përdor të gjitha mjetet antikushtetuese dhe antimorale në përballjen e tij para politikanit dhe studiuesit të njohur, Rexhep Uka, në rrethin e Pukës. Doda, një njeri pa identitet dhe i pa fe ka gjetur format primitive të një komunisti të pandreqshëm për të manipuluar rezultatin e këtyre zgjedhjeve. I shoqëruar me kriminelë dhe hajdutë ordinerë, Doda, ky ateist i llojit të Enver Hoxhës, që as nuk është pagëzuar dhe as është bërë synet, bredh me bibël fshat më fshat e shtëpi më shtëpi duke shtrënguar njerëzit të betohen se do t'ia japin votën e atij dhe jo muslimanit.

Veprime të tilla i fryjnë urave të përçarjes fetare, e cila kurrë nuk ka ekzistuar në Pukë, si edhe në mbarë Shqipërinë. Raste të shumta që provokojnë tensione politike në Iballë, Gjegjan, Qafë-Mali, Fushë-Arrës dhe Pukë, ngrenë shqetësime serioze për mbarëvajtjen e këtij procesi.

Doda, si dritëshkurtër që është, nuk e di se me këto lojëra të rrezikshme politike, veçse thellon disavantazhet, që i krijojnë dështimet e tija personale, si edhe qeverisja kriminale ku ai bën pjesë. Të shpërndash një thes miell dhe një thes çimento janë shumë herë më të tolerueshme, pavarësisht se thyejnë Kodin e Etikës, se sa të bredhësh si një kryqtar i mesjetës nëpër rrugët e Pukës, ndërsa poshtë xhaketës mban fotografinë e kryekriminelit Enver Hoxha dhe rreth vetes ata që vranë priftërinjtë dhe rrënuan kishat. Ai nuk mund të lozë as me tezën fetare dhe as krahinore, pasi mijëra e mijëra pukjanë të krishterë dhe muslimanë mund të pyesnin natyrshëm, se për çfarë duhej mirditori më i padenjë për të përfaqësuar rrethin e Pukës në parlamentin aktual.

Paudhësitë e tij dhe të shtabit të banditëve që e shoqërojnë atë kanë sjellë masakrimin e listave elektorale, ku mbështetësit e njohur të opozitës nëpër komunat e qeverisura nga socialistët figurojnë të paregjistruar, ndërsa klani i Dodës është regjistruar nga dy dhe tre herë nëpër qendra të ndryshme elektorale. Këto zhvillime negative kanë sjellë një tensionim të situatës elektorale. Gjithsesi manipulimet dhe poshtërsitë janë të njohura për stanin e socialistëve.

Lufta e pabarabartë politike dhe përdorimi i administratës shtetërore është nga rastet më skandaloze në Pukë. Të gjithë nëpunësit të varur nga socialistët janë pjesë e shtabit elektoral të hajdutit Doda. Padyshim shumica e tyre e urrejnë këtë gjë, por janë të detyruar të shërbejnë, pasi nuk kanë mjete të tjera jetese veç të ardhurave që realizojnë nga rrogat.

Nëse shikon targat e makinave fuoristrada, shumica e tyre janë me targa të qytetit të Fierit, dhe pronësi e ARMO-s dhe të krijohet ideja se në Pukë është zbuluar naftë dhe gaz natyror, pasi nuk mund të kuptohet ndryshe prania e një numri të madh automjetesh të kompanisë së vetme shtetërore të naftës, që varet nga ministria e Dodës. Po kështu, shndërrimi i Ndërmarrjes së Rruga-Urës në një depo mielli, është një tjetër rast i abuzimit me pushtetin dhe vënien në përdorim të një shteti të tërë për të vjedhur votat.

Doda, ky sharlatan që e ka kthyer ministrinë në shërbim të tij, nuk do të mund të realizojë vjedhjen e votave, sikurse bëri në zgjedhjet e shkuara. Nga ana tjetër, kjo nuk do të mund të ngrejë aspak edhe vlerat e Dodës para Harasanit, i cili sa ishte nën varësinë e tij nuk pranoi as t'i hedhë qyrrat ministrit, që jo vetëm nuk të ngjall ndjenjë respekti, por as mëshire. Pukjanët kanë patur mundësi që gjatë këtyre viteve ta njohin shumë mirë hajdutin ministër, që me bashkëpunëtorët e tij lokalë nuk kanë lënë tender rruge dhe shkolle pa vjedhur, duke lënë në mes të mjerimit dhe të problemeve të pazgjidhura mijëra e mijëra pukjanë. Pukjanët kanë nevojë për strategji të zhvillimit të shpejtë të komunitetit të tyre dhe jo për një shkollë me shumë klasa dhe një furrë që pjek bukë.

Arsen Kruja

RD

 

[Komita]

Re: Skemat se si mund te manipulohen votat

Guri ne asnje nga komentet dhe mendimet e tij nuk ka baza per ate qe shkruan. Komentet e tij jan aq animale dhe te paftyra saqe me qudit se si lejohen textet e tij te shkruhen ne kete forum. mendimi im per profilin e ketij hasmi te progresit shqiptar eshte se ky person ka probleme te thella ne te kaluaren e tij, ose te familjes se tij. Nje gje qe lexova dhe u binda se ky sharllatan vertet lidhje me asgja nuk ka eshte shkrimi lidhur me Hashim Thaqin se citoj "ne shtepin e tij u vra gazetari Ali Hyka" perfundim citati, nen 1 Ai gazetrai qe shkruan ti nuk quhej fare Hykaj...dhe nen 2 thaqi vertet nuk e ka vra ate dhe nje dite do te dihet se kush e vra, por mos po mbetet ndonjeri nga familja jote ne ate afere i varuar.
kur te mesosh mbiemrin e vertet te gazetarit ateher te lejoj te polemizosh me mua.