Shqiptaret fyejne identitetin e palestinezeve: Arrestohet burri i Dhurata Rrapushit.
Arrestimi
Sipas të dhënave, pista kryesore e hetimit është ajo e futjes në Shqipëri të një sasie të madhe dollarësh falso. Për këtë janë shfrytëzuar pragfestat e vitit të ri, ku xhirot në tregti arrijnë pikun
Kush është i arrestuari. I diplomuar në Beograd, i martuar me një shqiptare dhe kuzhinier te “Jeruzalem”
Me dollarë falso, pranga palestinezit
Arrestohet Klaled Kallooup, përkthyes në ambasadën libaneze
Artur Qorraj & Vladimir Karaj
Një 100 dollarësh i falsifikuar, mund të fshehë pas vetes një grup falsifikatorësh dhe mashtruesish, të huaj në Shqipëri.
Klaled Abeluahab Kallooup, 39 vjeç, i njohur ndryshe me emrin Halit, u arrestua dje nga policia e Tiranës, pasi u ndalua me një 100 dollarësh të falsifikuar. Por ajo që i jep nota misteri këtij arrestimi është personaliteti i këtij personazhi. Palestinez, i ardhur nga Kosova në Shqipëri në vitin 1992, i diplomuar në Beograd për mjekësi, punonjës në sektorin e përkthimit në ambasadën libaneze në Tiranë, kuzhinier në restorantin e njohur “Jeruzalem”, i martuar me një vajzë shqiptare, që punonte në atë lokal pas një njohjeje njëjavore, kontribues në shoqatat bamirësie, përbëjnë curriculumin e pasur, për të cilin agjentët e të gjitha degëve të krimeve në policinë e Tiranës e kanë kthyer në lëndë të parë. Sipas të dhënave, pista kryesore e hetimit është ajo e futjes në Shqipëri të një sasie të madhe dollarësh falso. Për këtë janë shfrytëzuar pragfestat e vitit të ri, ku xhirot në tregti arrijnë pikun. Të njëjta burime shtojnë se mostra e dollarit i ka kaluar laboratorit të kriminalistikës, ku do të realizohen të gjitha verifikimet. Në funksion të kësaj janë vënë në veprim edhe agjentët e krimit ekonomik të Ministrisë së Rendit për të bërë ndonjë lidhje të mundshme edhe me ndonjë rast analog në qytetet të tjera te vendit. Megjithatë, më kryesore se kjo për policinë është personaliteti tepër i dyshimtë i ish-diplomatit të ambasadës libiane. Këtë e përforcon edhe fakti se për gjashtë vjetët e fundit të qëndrimit në Shqipëri, ai ishte me dokumente të parregullta.
Kush është palestinezi
Burime nga policia thanë se ai prej pothuaj dhjetë vjetësh, shtetasi palestinez jetonte në Shqipëri. Ndërkohë, sipas policisë, ai prej pothuaj 6 vjetësh, qëndronte në vendin tonë pa leje të rregullt qëndrimi. Curriculumi i tij kriminal pasurohet edhe nga disa denoncime të bërë nga disa persona për mashtrime të ndryshme. Sipas policisë, ai premtonte viza dhe pasaporta jashtë shtetit, dhe për këtë merrte para. Ndërkohë ka dyshime që Haliti, është përfshirë edhe në organizata të huaja “bamirëse”. Në hetim për personin në fjalë është përfshirë edhe seksioni i antiterrorit, i cili po heton nëse palestinezi është përfshirë në organizatë terroriste apo ka lidhje të tilla.
Arrestimi
Ai u ndalua dje, nga sektori i krimit ekonomik në Policinë e Tiranës, pas denoncimit nga Sadik Bermeta e Dritan Dalipi, të cilët pretendojnë se ai i ka mashtruar dhe se u ka dhënë 100 dollarë fals. Ndërkohë që pas hetimeve paraprake të policisë, për të ndaluarin kanë mbërritur edhe disa kallëzime të tjera, nga persona të ndryshëm. Të gjithë këta pretendojnë se ai i ka mashtruar, duke u premtuar viza dhe dokumente, për të dalë jashtë Shqipërisë dhe u ka marrë sasira të konsiderueshme parash. Të gjitha këto mashtrime janë marrë në konsideratë nga policia, e cila dje kërkoi që për të të pritej fletarresti.
“Dollarët ia dha një arab”
Naxhija, vjehrra e palestivezit, nuk e beson atë që ka ndodhur, pas gjashtë vjetësh. Asnjë problem gjatë kësaj kohe dhe e kënaqur me mbarëvajtjen në familje me Halitin, vajzën, burrin. Ajo i hedh poshtë akuzat.
Dhëndërin tuaj e arrestuan në shtëpi?
Jo, e kishin kapur rrugës dhe e sollën këtu. U habita kur e pashë Halitin në krahët e policëve.
Përse erdhën?
E pyesnin për çfarë kishte në shtëpi, kontroll. Isha me vajzën, nusen e Halitit, Dhuratën, goca e vogël. E pyesnin Halitin për paratë dhe ai u tha se ia kishte dhënë një tjetër.
Ku punon dhëndëri juaj tani?
Thoshte se punonte në ambasadën libiane. Por nuk e di mirë. As me gjëra të pista nuk merrej, se po t´i bënte ato do të ishte pasuruar përgjatë kësaj kohe e nuk do të rrinte me qira.
Çfarë u tha policëve?
Se kishte patur nevojë për ato para dhe ia kishte marrë dollarët një shoku arab.
Flet vjehrri: Dhëndërin tim e arrestuan si arab
Kujtim Rrapushi është vjehrri i palestinezit Klaled Kallooup, që ata e thërrasin me emrin Halit. Bënë be e rrufe se 39-vjeçari nuk mund të merret me gjëra të tilla, se është njeri i mirë, i urtë dhe prej këtyre cilësive i dha edhe vajzën për grua. Por, Halitin e kishin ndaluar mbrëmjen e së martës agjentët e krimit ekonomiko-financiar, ndërsa ecte i lirë në rrugë. Mjafton të shohesh shtëpinë ku banon, pranë ish-Kombinatit të Drurit “Misto Mame”, për të kuptuar se cili është. E kanë quajtur mashtrues të pesë shqiptarëve për vizë, falsifikator me dollarë të rremë dhe qëndrim i parregullt në Shqipëri. Por Kujtimi është i bindur se duke e paragjykuar si mysliman dhe të ardhur nga Palestina ia kanë bërë këtë rreng. Por, ai thotë se nuk e vë dorën në zjarr, sepse nuk i zë besë edhe fëmijëve të tij.
Si e mësuat arrestimin dhëndërit tuaj?
Unë isha në shtëpi kur Haliti është kapur, kështu i thërrasim ne se ai e ka emrin ndryshe. Kur erdha gruaja më tha se policia kishte arrestuar dhëndërin. U habita dhe e pyeta përse. Ajo më tregoi se bëhej fjalë për lekë e mashtrim. Po të them të drejtën kemi gjashtë vjet që jetojmë me të dhe është familjar. Kushtet mund t´i shihni vetë dhe nuk ka nevojë. Probleme nuk ka sjellë.
Ku punonte Haliti?
Ai punonte në ambasadën libiane. Të paktën kështu na kishte thënë. Më parë ka punuar në restorantin “Jerusalem”.
Çfarë pune bënte?
Punonte si përkthyes në ambasadë.
Policia thotë që ai ishte i papunë dhe ka punuar në këtë ambasadë më parë?
Nuk e di. Ai na thoshte se punonte në ambasadë përkthyes dhe paguhej mirë.
Kur ka ardhur në Shqipëri?
Di që ka ardhur nga viti 1993 prej Kosove. Më parë ka qenë në Beograd për studime dhe është mjek ortoped.
Si shpjegohet që ka punuar përkthyes, kuzhinier dhe me studime të larta?
Ai këtu nuk ka njeri dhe ndihet i pambrojtur. Ka kërkuar mbështetje këtu. Punonte ku të mundej. Na thoshin se ishte njeri i mirë dhe ne kështu e njohim.
Si është njohur me vajzën tuaj?
Janë njohur në vitin 1996, kur punonin te restoranti të dy. Vajza, Dhurata, punoi vetëm një javë atje, por gjatë kësaj kohe ata u njohën. Na tha se ishte takuar me një djalë të mirë të huaj. U interesuam edhe ne dhe nga ajo që mësuam edhe në ambasadë, na thanë se Haliti ishte njeri i mirë dhe pa probleme. Në vitin 1997 u bë martesa dhe celebrimi, pasi erdhën dokumentet nga Palestina të rregullta. Ai ka qëndruar me leje në Shqipëri. Pas pesë vjetësh martesë lindi dhe gocën e vogël, Sarën. Megjithatë është drejtësia që e vlerëson.
Sipas policisë, Haliti ka mashtruar me 100 dollarë fals dy persona?
Haliti nuk ishte mashtrues, megjithëse nuk e vë dorën në zjarr. E vërteta është ndryshe. Haliti vërtet kishte probleme ekonomike, sepse mbi 200 mijë lekë është qiraja dhe për më tepër që ka kryer edhe punë të rëndomta. Por ai ia ka kthyer borxhin mikut të tij që ia kishte marrë një vit më parë. Këtë 100 dollarësh ia ka marrë një tjetër miku të tij arab, për të cilin i ka treguar policisë. Haliti me personat që e kanë denoncuar kanë qenë miq shtëpie dhe nuk kishte përse të mashtronte një mik dhe me 100 dollarë.
Po për dyshimin se premtonte viza?
Jo, nuk bënte viza Haliti. Shikojeni vetë se si jeton, në këtë lagështi e këto kushte mizerabël. Nëse do kishte lekë, nuk do jetonte këtu. Por dikush do që ta përlyejë.
A kishte dokumenta të rregullta qëndrimi dhëndëri juaj?
Po, kishte dokumente të rregullta që prej ardhjes në Shqipëri. Ndryshe si u martua me vajzën time. I erdhën dokumente edhe nga Palestina me rastin e celebrimit. Kush e linte të qëndronte pa dokumente, kur dhe këta që vijnë nga lindja, arabët, i shohin me një sy tjetër. Mbase ky është edhe shkaku i arrestimit. Haliti i kishte mbyllur dokumentet për leje qëndrimi dhe priste përgjigjen e sigurimin e parave.
Si ia bëni për anën financiare?
Me të keq. Ca nga puna e Halitit në ambasadë, ca vetë unë si marangoz në kombinatin “Misto Mame” të drurit.
Arrestimi
Sipas të dhënave, pista kryesore e hetimit është ajo e futjes në Shqipëri të një sasie të madhe dollarësh falso. Për këtë janë shfrytëzuar pragfestat e vitit të ri, ku xhirot në tregti arrijnë pikun
Kush është i arrestuari. I diplomuar në Beograd, i martuar me një shqiptare dhe kuzhinier te “Jeruzalem”
Me dollarë falso, pranga palestinezit
Arrestohet Klaled Kallooup, përkthyes në ambasadën libaneze
Artur Qorraj & Vladimir Karaj
Një 100 dollarësh i falsifikuar, mund të fshehë pas vetes një grup falsifikatorësh dhe mashtruesish, të huaj në Shqipëri.
Klaled Abeluahab Kallooup, 39 vjeç, i njohur ndryshe me emrin Halit, u arrestua dje nga policia e Tiranës, pasi u ndalua me një 100 dollarësh të falsifikuar. Por ajo që i jep nota misteri këtij arrestimi është personaliteti i këtij personazhi. Palestinez, i ardhur nga Kosova në Shqipëri në vitin 1992, i diplomuar në Beograd për mjekësi, punonjës në sektorin e përkthimit në ambasadën libaneze në Tiranë, kuzhinier në restorantin e njohur “Jeruzalem”, i martuar me një vajzë shqiptare, që punonte në atë lokal pas një njohjeje njëjavore, kontribues në shoqatat bamirësie, përbëjnë curriculumin e pasur, për të cilin agjentët e të gjitha degëve të krimeve në policinë e Tiranës e kanë kthyer në lëndë të parë. Sipas të dhënave, pista kryesore e hetimit është ajo e futjes në Shqipëri të një sasie të madhe dollarësh falso. Për këtë janë shfrytëzuar pragfestat e vitit të ri, ku xhirot në tregti arrijnë pikun. Të njëjta burime shtojnë se mostra e dollarit i ka kaluar laboratorit të kriminalistikës, ku do të realizohen të gjitha verifikimet. Në funksion të kësaj janë vënë në veprim edhe agjentët e krimit ekonomik të Ministrisë së Rendit për të bërë ndonjë lidhje të mundshme edhe me ndonjë rast analog në qytetet të tjera te vendit. Megjithatë, më kryesore se kjo për policinë është personaliteti tepër i dyshimtë i ish-diplomatit të ambasadës libiane. Këtë e përforcon edhe fakti se për gjashtë vjetët e fundit të qëndrimit në Shqipëri, ai ishte me dokumente të parregullta.
Kush është palestinezi
Burime nga policia thanë se ai prej pothuaj dhjetë vjetësh, shtetasi palestinez jetonte në Shqipëri. Ndërkohë, sipas policisë, ai prej pothuaj 6 vjetësh, qëndronte në vendin tonë pa leje të rregullt qëndrimi. Curriculumi i tij kriminal pasurohet edhe nga disa denoncime të bërë nga disa persona për mashtrime të ndryshme. Sipas policisë, ai premtonte viza dhe pasaporta jashtë shtetit, dhe për këtë merrte para. Ndërkohë ka dyshime që Haliti, është përfshirë edhe në organizata të huaja “bamirëse”. Në hetim për personin në fjalë është përfshirë edhe seksioni i antiterrorit, i cili po heton nëse palestinezi është përfshirë në organizatë terroriste apo ka lidhje të tilla.
Arrestimi
Ai u ndalua dje, nga sektori i krimit ekonomik në Policinë e Tiranës, pas denoncimit nga Sadik Bermeta e Dritan Dalipi, të cilët pretendojnë se ai i ka mashtruar dhe se u ka dhënë 100 dollarë fals. Ndërkohë që pas hetimeve paraprake të policisë, për të ndaluarin kanë mbërritur edhe disa kallëzime të tjera, nga persona të ndryshëm. Të gjithë këta pretendojnë se ai i ka mashtruar, duke u premtuar viza dhe dokumente, për të dalë jashtë Shqipërisë dhe u ka marrë sasira të konsiderueshme parash. Të gjitha këto mashtrime janë marrë në konsideratë nga policia, e cila dje kërkoi që për të të pritej fletarresti.
“Dollarët ia dha një arab”
Naxhija, vjehrra e palestivezit, nuk e beson atë që ka ndodhur, pas gjashtë vjetësh. Asnjë problem gjatë kësaj kohe dhe e kënaqur me mbarëvajtjen në familje me Halitin, vajzën, burrin. Ajo i hedh poshtë akuzat.
Dhëndërin tuaj e arrestuan në shtëpi?
Jo, e kishin kapur rrugës dhe e sollën këtu. U habita kur e pashë Halitin në krahët e policëve.
Përse erdhën?
E pyesnin për çfarë kishte në shtëpi, kontroll. Isha me vajzën, nusen e Halitit, Dhuratën, goca e vogël. E pyesnin Halitin për paratë dhe ai u tha se ia kishte dhënë një tjetër.
Ku punon dhëndëri juaj tani?
Thoshte se punonte në ambasadën libiane. Por nuk e di mirë. As me gjëra të pista nuk merrej, se po t´i bënte ato do të ishte pasuruar përgjatë kësaj kohe e nuk do të rrinte me qira.
Çfarë u tha policëve?
Se kishte patur nevojë për ato para dhe ia kishte marrë dollarët një shoku arab.
Flet vjehrri: Dhëndërin tim e arrestuan si arab
Kujtim Rrapushi është vjehrri i palestinezit Klaled Kallooup, që ata e thërrasin me emrin Halit. Bënë be e rrufe se 39-vjeçari nuk mund të merret me gjëra të tilla, se është njeri i mirë, i urtë dhe prej këtyre cilësive i dha edhe vajzën për grua. Por, Halitin e kishin ndaluar mbrëmjen e së martës agjentët e krimit ekonomiko-financiar, ndërsa ecte i lirë në rrugë. Mjafton të shohesh shtëpinë ku banon, pranë ish-Kombinatit të Drurit “Misto Mame”, për të kuptuar se cili është. E kanë quajtur mashtrues të pesë shqiptarëve për vizë, falsifikator me dollarë të rremë dhe qëndrim i parregullt në Shqipëri. Por Kujtimi është i bindur se duke e paragjykuar si mysliman dhe të ardhur nga Palestina ia kanë bërë këtë rreng. Por, ai thotë se nuk e vë dorën në zjarr, sepse nuk i zë besë edhe fëmijëve të tij.
Si e mësuat arrestimin dhëndërit tuaj?
Unë isha në shtëpi kur Haliti është kapur, kështu i thërrasim ne se ai e ka emrin ndryshe. Kur erdha gruaja më tha se policia kishte arrestuar dhëndërin. U habita dhe e pyeta përse. Ajo më tregoi se bëhej fjalë për lekë e mashtrim. Po të them të drejtën kemi gjashtë vjet që jetojmë me të dhe është familjar. Kushtet mund t´i shihni vetë dhe nuk ka nevojë. Probleme nuk ka sjellë.
Ku punonte Haliti?
Ai punonte në ambasadën libiane. Të paktën kështu na kishte thënë. Më parë ka punuar në restorantin “Jerusalem”.
Çfarë pune bënte?
Punonte si përkthyes në ambasadë.
Policia thotë që ai ishte i papunë dhe ka punuar në këtë ambasadë më parë?
Nuk e di. Ai na thoshte se punonte në ambasadë përkthyes dhe paguhej mirë.
Kur ka ardhur në Shqipëri?
Di që ka ardhur nga viti 1993 prej Kosove. Më parë ka qenë në Beograd për studime dhe është mjek ortoped.
Si shpjegohet që ka punuar përkthyes, kuzhinier dhe me studime të larta?
Ai këtu nuk ka njeri dhe ndihet i pambrojtur. Ka kërkuar mbështetje këtu. Punonte ku të mundej. Na thoshin se ishte njeri i mirë dhe ne kështu e njohim.
Si është njohur me vajzën tuaj?
Janë njohur në vitin 1996, kur punonin te restoranti të dy. Vajza, Dhurata, punoi vetëm një javë atje, por gjatë kësaj kohe ata u njohën. Na tha se ishte takuar me një djalë të mirë të huaj. U interesuam edhe ne dhe nga ajo që mësuam edhe në ambasadë, na thanë se Haliti ishte njeri i mirë dhe pa probleme. Në vitin 1997 u bë martesa dhe celebrimi, pasi erdhën dokumentet nga Palestina të rregullta. Ai ka qëndruar me leje në Shqipëri. Pas pesë vjetësh martesë lindi dhe gocën e vogël, Sarën. Megjithatë është drejtësia që e vlerëson.
Sipas policisë, Haliti ka mashtruar me 100 dollarë fals dy persona?
Haliti nuk ishte mashtrues, megjithëse nuk e vë dorën në zjarr. E vërteta është ndryshe. Haliti vërtet kishte probleme ekonomike, sepse mbi 200 mijë lekë është qiraja dhe për më tepër që ka kryer edhe punë të rëndomta. Por ai ia ka kthyer borxhin mikut të tij që ia kishte marrë një vit më parë. Këtë 100 dollarësh ia ka marrë një tjetër miku të tij arab, për të cilin i ka treguar policisë. Haliti me personat që e kanë denoncuar kanë qenë miq shtëpie dhe nuk kishte përse të mashtronte një mik dhe me 100 dollarë.
Po për dyshimin se premtonte viza?
Jo, nuk bënte viza Haliti. Shikojeni vetë se si jeton, në këtë lagështi e këto kushte mizerabël. Nëse do kishte lekë, nuk do jetonte këtu. Por dikush do që ta përlyejë.
A kishte dokumenta të rregullta qëndrimi dhëndëri juaj?
Po, kishte dokumente të rregullta që prej ardhjes në Shqipëri. Ndryshe si u martua me vajzën time. I erdhën dokumente edhe nga Palestina me rastin e celebrimit. Kush e linte të qëndronte pa dokumente, kur dhe këta që vijnë nga lindja, arabët, i shohin me një sy tjetër. Mbase ky është edhe shkaku i arrestimit. Haliti i kishte mbyllur dokumentet për leje qëndrimi dhe priste përgjigjen e sigurimin e parave.
Si ia bëni për anën financiare?
Me të keq. Ca nga puna e Halitit në ambasadë, ca vetë unë si marangoz në kombinatin “Misto Mame” të drurit.
