Sëmundja Lyme, më e rëndë këtë verë - [Astrit Lulushi's Blog]

[admin]

Astrit Lulushi, Zëri i Amerikës
Ekspertët paralajmërojnë se për shkak të faktorëve të ndryshëm mjedisorë, këtë verë ka të ngjarë të shihen më shumë insektete që bartin sëmundjen Lyme.
Sëmundja Lyme shfaqet në formën e njollave të kuqe në formë vezake që shkaktohen në lëkurë nga pickimi i një lloj insekti të quajtur ‘Ixodes scapularis’. Pas njollave, shumë pacientë zhvillojnë grip të rëndë me smptoma si dhimbje të muskujve, ethe, dhe lodhje. Analiza e gjakut në këtë fazë mund të jetë negative, por mjekët duke parë shenjat e veçanta në lëkurë e trajtojnë pacientin me antibiotikë.
Për mbrojtje nga ky lloj insekti, ekspertët këshillojnë;
-veshje mbrojtëse
-lyerje të lëkurës me solicione të përshtatshme kundër insekteve
- kontroll të kujdesshëm si të njerëzve dhe të kafshëve shtëpiake, ku Ixodes scapularis bashkangjitet më lehtë.
Nëse gjendet, insekti duhet të hiqet nga ngadalë e me kujdes duke përdorur piskatore. Ekspertët nuk rekomandojnë përdorimin e ngrohjes apo lëngjeve për shkëputjen e insektit nga lëkura. Gjithashtu, është mirë që insekti të ruhet për t’ia treguar mjekut, në mënyrë që ai jetë në gjendje për të përcaktuar antibiotikun e përshtatshëm për trajtim.
Insekti që shkakton sëmundjen Lyme ka disa emra. Termi mjekësor në latinisht është Ixodes scapularis që shpesh u ngjitet kafshëve shtëpiake, si qenit.

 

[dahlia]

ah ketyre insekteve nuk e di se si i thone ne shqip po ketu ku jetoj eshte nje nga zonat ku ka me shume, por duhet thene se keto insekte jetojne ne natyre kur shkon per te bere ecje neper male psh dhe sidomos gjate stineve ndermjetese, ne pranvere dhe ne vjeshte kur eshte akoma ngrohte por ka edhe lageshti, insektet nuk jetojne ne qytet, kur shkon blen buken po te futen nen lekure, s ndodh keshtu qe u dashka bere pblm i madh, problemi eshte semundja qe shkaktojne, eshte e pasherueshme dhe e mundimshme sepse ka dhimbje, ke dhimbje kockash shkakton artroze, reumatizem, semundje te sistemit nervor etj etj. Nese e shikon dhe e heq, s ndodh asgje, nese rri ne trup disa kohe pa a pare e kuptuar, atehere mund te marresh semundjen e Lyme, por jo ne te gjitha rastet!