Rifilluan dallaveret e politikes me Albtelekom

[Oltion Rrumbullaku]

Rifilluan dallaveret e politikes me Albtelekom

EKSKLUZIVE/Keshilltari i Berishes, miliona euro nga Telekom. Nga Berzhita 30% e telefonatave
Ora: 07:30
Nga Armando Meta/Artemida Collaku


TIRANE (27 Prill) -Ne dosjen e akuzave te hartuar nga dy ish- zyrtare te larte te Albtelekom per Avokatit e Popullit, lakohet shume nje emer mbi te tjeret: Albania Online. Dhe jo per rrethana te rastesishme, por per lidhjen e drejtperdrejte qe kjo kompani furnizuese interneti dhe telefonie, thuhet se ka me qeverine aktuale dhe vete kryeministrin Berisha. “Njerezit e kryeministrit”, nese keshtu mund te quhen perfaqesuesit e AOL (nje perkim emri me gjigandin amerikan America Online), akuzohen nga dosja qe i ka shkuar Avokatit te Popullit, si kompani “dukshem e privilegjuar”, per manipulime me telefonine rurale persa i perket trafikut nderkombetar dhe per emetimin e nje karte telefonike me paragese te palicensuar. Kjo per pjesen teknike te akuzes, pasi ajo “politike” perfshin, sipas autoreve te materialit, deri edhe influencimin e emerimit te drejtorit te pergjithshem aktual te Albtelekomit Ilirian Kuka.

Albania Online eshte themeluar ne dhjetor te vitit 1997 dhe ka filluar te ofroje sherbime interneti ne shkurt te nje viti me vone. Nder te parat kompani te ketij profili, AOL eshte njera nder zoterueset kryesore te tregut sot, duke filluar te shtrihet edhe ne biznesin e telefonise. Por historia e kesaj firme ka edhe nje ane tjeter. Ate te afersise se deklaruar te perfaqesuesve te saj, me PD dhe lidershipin e saj. Numri dy i kompanise Ylli Panariti ka qene keshilltar ekonomik i zotit Berisha kur ai ishte President Republike dhe figuron ne listen e KOP-it. Duhet shtuar gjithashtu se vete zoti Panariti eshte shprehur publikisht kunder privatizimit te Albtelekom nje vit me pare.
Akuzat aktuale ndaj AOL nuk jane te reja per telefonine fikse dhe gjigandin Albtelekom. Telefonia rurale ka qene qysh heret ne qender te debatit politik, kur ish-opozita e djathte akuzonte firma si Hermes, per kontrata te privilegjuara qe preknin pikerisht telefonine rurale. Edhe atehere, ashtu si sot, eshte folur per influenca te qarta politike ne akordimin e ketyre te drejtave.

Konkretisht, AOL akuzohet ne dosje se ka abuzuar me tarifat e minutave te telefonise rurale. Sipas nje kalkulimi te perafert, nese sasia e deklaruar nga AOL e minutave rurale, 770 mije te tilla nw muaj, shumezohet me nje fitim mesatar prej rreth 45 lekesh, del se firma ka fituar disa miliona euro ne muaj.
Dosja e re e Albtelekomit pretendon te hedhe drite ne nje aktivitet i cili eshte i mbuluar here nga konjukturat politike, here nga detajet teknike e here nga marredhenie qe konsiderohen shume shpesh si “konfidenciale”. Autoret e saj, ish-zyrtare e tekniciene me emer ne Albtelekom, kane kerkuar te shfaqin pretendime dhe interpretime, per te cilat dje numri dy i AOL Ylli Panariti, i pyetur nga Gazeta Shqiptare, nuk pranoi te pergjigjet. Nderkohe, mesohet se lidhur me emetimin e kartes me parapagese VOX, perfaqeesues te AOL kane shpjeguar se ata nuk i pengon asnje kufizim ligjor qe ta kryejne kete sherbim.

Nderkaq, dosja ne fjale do te vazhdoje te beje te flitet per te. Tema e telefonise dhe e bizneseve qe lulezojne rreth saj, eshte nje kapitull qe mesa duket duhet shkruar dhe rishkruar sa here qe ne horizont shfaqen ndryshime politike. Ndoshta eshte e sakte te thuhet sot se telefonia dhe me gjeresisht teknologjia e informacionit, perbejne nje sektore qe perfshijne interesa mjaft te rendesishme financiare. Per pasoje, edhe premisat per abuzime te vazhdueshme, si keto qe mendojne se kane zbuluar dy ish-zyrtaret e Albtelekom.

Nga Berzhita kalon 30% e telefonatave te vendit

Gazeta Shqiptare” ka arritur te siguroje nje kopje te materialit qe dy ish-zyrtare te larte te Albtelekomit i kane derguar Kryetarit te Keshillit Mbikeqyres, Selami Xhepa, Avokatit te Popullit, Ermir Dobjani dhe Drejtorit te Pergjithshem te Albtelekom sh.a. Ilirian Kuka, lidhur me problemet serioze qe po verehen ne kete institucion. Kujtojme se bazuar ne kete dokument, pardje Dobjani dhe shefi i ZMQ-se, Spahiu, formuluan akuza te ashpra ndaj kompanise se telefonise fikse dhe qeverise. Ne kete material, hartuesit pretendojne se paraqesin disa probleme te menaxhimit te Albtelekomit, te cilat sipas tyre, kane mundesuar shfaqjen e disa episodeve serioze te korrupsionit per periudhen nentor 2005- prill 2006. Zyrtaret ne fjale denoncojne grupime ne konflikt interesi me Albtelekomin qe jane afer qeverise dhe qe bejne presione per qellime perfitimi te paligjshem.
“Gazeta Shqiptare” publikon sot problemet qe dy ish-zyrtaret e larte te Albtelekomit denoncojne lidhur nje operator rural, Albania Online, qe eshte edhe operator i sherbimit me karte te parapaguar. “Gazeta” publikon ne menyre integrale denoncimin e ketyre dy ish-zyrtareve, duke u deklaruar e hapur per te marre dhe publikuar pozicionin e operatorit te permendur ne kete material.
“Per disa probleme te menaxhimit te Albtelekomit dhe te lulezimit te korrupsionit per periudhen nentor 2005- prill 2006”
Teksti
Tashme eshte e njohur ne sistemin e telekomunikacioneve se emerimi ne krye te Albtelekomit i z. Ilirian Kuka (pa asnje eksperience ne kete fushe), eshte stimuluar dhe sugjeruar nga drejtuesit e kompanise Albania Online (AOL), te cilet kane keqperdorur besimin e qeverise, per qellime te sakta ne konflikt interesash me Albtelekomin. Kjo kompani, e cila aktualisht eshte ne marreveshje dhe kontrata te shumta me Albtelekomin, midis te cilave mund te permendim: marreveshjet si operator rural, karte e parapaguar, ISP, etj., ne vazhdimesi gjate kesaj periudhe, ka qene problematike ne marredhenie me Albtelekomin, si rrjedhoje e trajtimit dukshem te preferuar, ne raport me operatoret e tjere te telekomunikacionit.
Konkretisht:
AOL si operator rural
Ka licence nga ERT-ja dhe marreveshje interkoneksioni me Albtelekomin, per te operuar ne komunen Dajt dhe Berzhite te rrethit te Tiranes. Ka shperdoruar teresisht licencen dhe marreveshjen dhe pa lidhur asnje kontrate me pajtimtaret e zones, realizon dhe deklaron mesatarisht rreth 770 mije minuta trafik kombetar ne muaj drejt Albtelekomit dhe operatoreve te tjere rurale, ose baras me 30% te trafikut kombetar dhe rajonal qe ben ne muaj Albtelekomi me 240 mije pajtimtaret e tij. Ky trafik qe padyshim eshte nderkombetar, realizohet pa licence, realizohet jashte marreveshjes, realizohet ne evazion te plote fiskal, realizohet me pagesa teper te reduktuara ndaj Albtelekomit (per shkak te tjetersimit te trafikut) dhe pothuaj, pa pagese ndaj operatoreve te tjere rurale qe marrin trafik hyres.
Nje operator tjeter rural (Medis plus) per veprime te njejta po ne permasa shume me te vogla, u ndeshkua nga ERT-ja me heqje Licence.
Qendrimi i drejtorit: Imponon ne Departamentet perkatese rritje kapaciteti per rritje te metejshme te trafikut te mesiperm te AOL-se dhe shmang informimin e ERT-se. Vonon nenshkrimin e marreveshjeve te reja, pasi ato jane hartuar per te shmangur devijimet e nevojshme per AOL-ne dhe operatoret e tjere rurale ne bashkepunim.
AOL si ISP
(Internet Service
Provider)
Grumbullon trafik hyres nderkombetar nepermjet internetit ne bashkepunim me operatore nderkombetare, bashkepunon me disa (5-6) operatore rurale vendas; i pajis teknikisht, i organizon dhe i furnizon ata me trafik si ne rastin e OAL-se, operator rural. Tashme kemi disa operatore rurale te tipit OAL, qe kryejne te pa licencuar trafik nderkombetar duke e tjetersuar ate ne trafik kombetar, kryejne pagesa te reduktuara ndaj Albtelekomit dhe pothuaj asgje ndaj operatoreve te tjere rurale; shkembejne midis tyre pagesa jashte sistemit fiskal, corodisin tregun, gjithcka nen gestimin e AOL-se. Tashme trafiku i tjetersuar nga AOL-ja ne kombetar, ne bashkepunim me keta 5-6 operatoreve rurale, ndaj Albtelekomit dhe te gjithe operatoreve te tjere rurale, eshte barazuar ne trafikun kombetar dhe rajonal qe ben Albtelekomi me 240 mije pajtimtare, ne nivelin rreth 3 milion minuta ne muaj. Per rrjedhoje, trafiku nderkombetar hyres ne Albtelekom eshte pergjysmuar (nga rreth 6 ne 3 milion minuta ne muaj). Te ardhurat gjithashtu. Trafiku operator rural-Albtelekom eshte 10 fishuar. Ne dukje te pare, del sikur ka rritje te ardhurash nga marredheniet me ruralet, por ne fakt humbjet jane shume me te medha ne trafikun hyres nderkombetar ne Albtelekom.
Qendrimi i drejtorit: Imponon ne Departamente rritje kapaciteti per rritje trafiku dhe shmang informimin e ERT-se. Perkujdesje e instruktuar per kontraten qe AOL-ja la lidhur me operatorin nderkombetar. Rruget e trafikut te ketyre 5-6 operatoreve duhet te jene ne gatishmeri te plote per te perballuar kapacitete te larta trafiku.

AOL si Operator Sherbimi me Karte te Parapaguar (OSHKP)
AOL-ja ka nenshkruar nje marreveshje me Albtelekomin per sherbimin me karte te parapaguar me numeracion 0801XXXX dhe nuk vepron. Ka hedhur ne qarkullim karten VOX pa licence dhe jashte detyrimeve per marreveshjen me Albtelekomin. Ve ne perdorim per qellime fitimi nr.251637 per operimin me karte VOX, ne kundershtim me kushtet e kontrates me Albtelekomin. Perdorimi i Nr. 251637 krijon situate diskriminuese ne treg pasi ne marredhenie me Albtelekomin nuk behet asnje pagese per trafikun. AOL-ja per karten VOX, rezulton i privilegjuar ne treg ndaj OSHKP-ve te tjera. Perdorimi i Nr.251637 per karten VOX, perben sjellje te pandershme ndaj perdoruesve te Albtelekomit dhe rrjeteve te tjera kombetare. Ne kete rast, perdoruesit e kartes VOX, pervec pageses se kartes ju ngarkohet pa i vene ne dijeni edhe pagesa telefonike per thirrjet kombetare drejt Nr. 251637.
Qendrimi i drejtorit: Perpiqet ta paraqese si sherbim te licencuar qe nuk i sjell asnje dem Albtelekomit. Censuron mendimin e Departamentit te Interkoneksionit per ceshtjen. Deformon letren e pergatitur nga Departamenti i Interkoneksionit per ERT-ne; dergon ne ERT materialin e pergatitur ne konsulence me AOL-ne, pronarin e sherbimit VOX.
- Dy numra telefoni te AOL-se, 251644 dhe 251660, punojne 24 ore ne 24 ore dhe regjistrohet trafik lokal hyres me tarifa teper te uleta, nderkohe qe trafiku i tyre “de facto” eshte nderkombetar.

 

[komino]

Re: Rifilluan dallaveret e politikes me Albtelekom

Rifilluan?! Kur ishin pezulluar?!

Kjo ishte historia e kucedres me dy koke. Kur i presin njeren ajo vazhdon ushqehet me tjetren derisa te riformohet e para e keshtu "ne jete te jeteve"... amen

 

[Ergler]

Re: Rifilluan dallaveret e politikes me Albtelekom

Kjo eshte taktika;Fole fole se dicka do te mbetet.Po kane fakte ti denoncojne dhe kushdo qofte ne te semes te veje,por Rafti i Nanos, shoku i tij dhe do te pergjigjen para drejtesise per lehtesirat qe ju kane bere kompanive greke si AMC dhe Vodafone e plot te tjere.Per keto telefonite ne zonat rurale sikur bosi i tyre ka qene keshilltari i Nanos,ish kandidati i PS Ahmetaj, qe fitoi burracon.

 

[Kufoma]

Re: Rifilluan dallaveret e politikes me Albtelekom

Marrveshja e interconeksionit AMC-Albtelecom:
Kosto per min=11 lek, nga te cilat 10%jane te Albtelecom dhe 90% te AMC.

Fitimi neto i Albtelecom ka rene nga 60% para privatizimit te AMC (reth 199) ne 5% ne 2003 !!!!!!!!!

Hajt se folim pastaj per HERMES apo AOL etj etj si keto.

 

[MLK]

Re: Rifilluan dallaveret e politikes me Albtelekom

Interkoneksioni qe kerkojne AMC dhe Vodafone eshte 23 leke/min (dmth taksa qe duhet te paguaje Albtelekom te keto kompani kur dikush telefonon nga rrjeti i saj ne destinacion te ketyre kompanive=.
Kur kjo gje u denoncua nga dy funksionare te larte te Albtelekomit, te dy perjashtohen nga puna, hidhen dhe ne gjyq pe njerrje te sektretit profesional.
Ore keta jane kunguj, ça quajne sekret profesional, faktin si vidhet populli?! /pf/images/graemlins/laugh.gif
Se ka mar vesh ala Sala per keto zullumet se bash behet vet drejtor Albtelekomi /pf/images/graemlins/laugh.gif

 

[Oltion Rrumbullaku]

Re: Rifilluan dallaveret e politikes me Albtelekom

E cuditshme, tani ka dhe numra jeshile, me denoncu korrupsionin. Dy punonjesit e shkarkuar i derguan leter Sales, Presidentit, Avokatit te Popullit dhe ministrit te qeshur dhe me pas u shkarkuan nga puna. Edhe thoni qe Sala nuk ka dijeni. Efektet e interkonjeksionit mund te shkojne deri ne 70 milione dollare shitje me pak per AMC dhe Vodafon, normal qe kane paguar nje TVSH prej 20 mil $ ne vit te ministri i tejqeshur...
Me sa mora vesh Sala ka ba nji premtim.
Do luftoj gjithkund korrupsionin, pervecse te Albtelekomi.

 

[Oltion Rrumbullaku]

Re: Rifilluan dallaveret e politikes me Albtelekom

Rifilluan dallaveret ne Albtelekom...
Sic duket keshilltari i Nanos Arben Ahmetaj po zevendesohet nga keshilltari i Berishes Ylli Panariti...
E pastaj flitet per luftimin e korrupsionit
Jane shpifje

 

[MLK]

Re: Rifilluan dallaveret e politikes me Albtelekom

Aktualisht, AMC e Vodafone jane perdoruesit me te medhenj te reklamave neper gazeta, stacione televizive, pra thuajse ne te gjitha suportet e mediave.
Duke qene ne kete pozicion dominues, asnje prej mediave shqiptare nuk guxon te investigoje e denoncoje metodat monopolistike qe ushtrojne keto kompani ne Shqiperi.
Ne nje kohe qe ne Evrope diskutohet apo aplikohen aforfe 30€/muaj pa limit per telefonatat, ne Shqiperi me aq para mund te maresh maksimumi 1 ore ne telefon!

 

[ujku81]

Re: Rifilluan dallaveret e politikes me Albtelekom

Lëkundjet e Albtelekom


Oltion Rrumbullaku*

U bë shumë kohë, vërtet shumë kohë, që qindra-mijëra qytetarë shqiptarë presin ndryshime në tregun e telekomunikacioneve. Por përsëri kanë kaluar muaj të tërë që Albtelekom ka një administrim të ri, i cili u prezantua si çelësi i zgjidhjes së keqmenaxhimit të mëparshëm, si çelësi i zgjidhjes së marrëveshjeve problematike me kompanitë celulari dhe si çelësi i integrimit të shqiptarëve të suksesshëm në botë. Muajt kaluan me radhë, kriza dhe skandalet e Albtelekom po thellohen dhe pak nga pak po bëhet e qartë se drejtimi i ri i Albtelekomit nuk ishte një çelës çudibërës, por një kunj i atillë, që bllokon çdo bravë. Pra, kemi një kunj që nuk lejon përmirësimin e menaxhimit të mëparshëm, kemi një kunj që i lë marrëveshjet me celularët po aq problematike dhe kemi një kunj që të zhgënjen shpresën që shqiptarët e rikthyer nga emigrimi do të kontribuojnë në shoqërinë tonë.
Drejtori aktual i Albtelekomit, një i njohur i vjetër i një prej këshilltarëve të mëparshëm të Berishës, nuk ka asnjë eksperience të mëparshme të lidhur me telekomunikacionin apo menaxhimin. Me një pasaportë amerikane të xhep, ky drejtor i ka të gjitha mundësitë që në avionin e radhës të kthehet në SHBA. Zgjedhjet e 3 korrikut na sollën këtë drejtor që është një rast i përsëritur në xhunglën shqiptare, me disa elementë më shumë që e bëjnë të denjë për librin Guiness. Drejtori në fjalë nga operator rrjeti në SHBA, brenda një javë merr në dorë çelësat e një kompanie me mbi 120 milionë euro shpenzime, që janë më shumë se shpenzimet e Ministrisë së Arsimit dhe Shëndetësisë të marra së bashku. Në terma financiarë, z. Pollo dhe z. Cikuli janë më pak të rëndësishëm se drejtori ynë, i cili nuk ka krijuar asnjë mundësi për krijimin e operatorit të tretë celular, që edhe pas dy vjetësh ka mbetur akoma në sirtar në formën e një licence të pavlerë. Është përsëri e pashpjegueshme që pas zgjedhjeve bëhet një konkurrencë e tejskajshme për 14 poste ministrore, krijohen mërira që sjellin dhe përçarje midis deputeteve, por nga ana tjetër lihen në duar anonime dy “superministri” ekonomike, si KESH-i dhe Albtelekom, që krijojnë skandale të njëpasnjëshme. Është e qartë për të gjithë që profili i lartë politik i z. Pollo apo z. Cikuli nuk mund të krahasohet me profile të pakonsiderueshme si në rastin e drejtorit të Albtelekomit, por drejtori aktual duhet të shërbejë për diçka dhe ai pa u ndjerë, po e bën detyrën e tij.

Marrëveshjet e interkonjeksionit
Ditë më parë ndodhën përsëri ngjarje të pazakonta me Albtelekomin. Avokati i Popullit dhe Zyra për Mbrojtjen e Qytetarëve reaguan fort në mbrojtje të çdonjërit prej nesh ndaj rikthimit të Albtelekomit në situatat skandaloze në të cilat është përfshirë këto 5 vitet e fundit. Çështja më e rëndësishme është e lidhur me marrëveshjet e reja të interkonjeksionit që Albtelekomi do të nënshkruajë me kompanitë celulare. Marrëveshjet e vjetra e kanë përfunduar afatin e tyre që nga Nëntori i vitit të kaluar. Marrëveshjet e reja priten të nënshkruhen këto ditë, dhe sipas burimeve të ndryshme çmimet e interkonjeksionit në negociatë lëkunden nga 14 lekë/min që ishte çmimi maksimal që pranonte grupi i specialistëve, në 21 lekë/min që ishte kërkesa e pandalshme e kompanive celulare.
Grupi i punës i caktuar për këto marrëveshje kish vënë re që në Evropë tarifa maksimale e terminimit te celularët është 14 lekë/min, dhe kjo u përcaktua si tarifë e sigurt për kompanitë celulare për çdo telefonatë të nisur nga Albtelekom. Kjo do të mundësonte vendosjen e çmimi 20 lekë/min drejt celularëve, nëpërmjet të cilit kompania akoma publike mund të fitonte vetëm 6 lekë, por do të shtonte shitjet e saj duke zëvendësuar telefonata që më parë niseshin nga kompanitë celulare me një kosto nga 40 deri në 72 lekë/min. Nga ky trafik i shtuar, Albtelekomi do të përfitonte 6 lekë, ndërsa kompanitë celulare do të mbeten me 14 lekë/min ndaj 40-65 lekë/min që përfitonin më parë. Në të njëjtën kohë, për çdo qytetar do të ishte shumë më e frytshme të përdorte linjat fikse për të telefonuar linjat celulare, meqë kostot do të ishin shumë më të ulëta. Ulja e 1 lek/min të çmimit të marrëveshjeve të interkonjeksionit mund të sjellë mesatarisht ulje të supozuar deri në 10 milionë dollarë në vit për të ardhurat e dy kompanive celulare dhe njëkohësisht po aq para më pak të shpenzuara nga konsumatori shqiptar. Po sa është lëkundja e përfitimeve midis dëshirës së drejtorit të Albtelekom dhe kompanive celulare për çmim interkonjeksioni 21 lekë/min dhe ngulmimit të specialistëve të pushuar për një çmim 14 lekë/min? I gjithë ky sekret tregtar, për rreth 70 milionë dollarë në vit!!! E përkthyer në disa vjet përfitimi i kompanive celulare i kalon disa qindra milionë dollarë, dhe i gjithë kjo për një lëkundje të lehtë prej 7 lekësh. Po shkruaj disa vjet, sepse kështu pritet të ndodhë, megjithëse është e palogjikshme që një drejtor i tillë të na firmosë marrëveshjet për katër apo pesë vitet e ardhshme. Nëse ndodh kjo, atëherë nuk ka më asnjë shpresë për liberalizimin e çmimeve. Marrëveshja optimale do të ishte për një afat njëvjeçar, meqë tregu është shumë dinamik dhe personat që përfaqësojnë interesat publike nuk janë më të besueshëm. Gjithsesi, duke qenë se që nga nëntori jemi me marrëveshjen e vjetër, që vazhdon të jetë në fuqi, do të dukej lehtësim vetëm ekzistenca e një marrëveshjeje të re.
Ka shumë mundësi që edhe marrëveshjet e reja të synojnë vazhdimin e diskriminimit kolonial të konsumatorit shqiptar. Kryetari i Këshillit Mbikëqyrës të Albtelekomit reagoi në një konferencë shtypi lidhur me këto ngjarje dhe i konsideroi sekrete tregtare dhe shtetërore negociatat e këtyre marrëveshjeve. Kjo është e qartë si drita e diellit që nuk është e vërtetë. S’ka negociata me interesat publike, s’ka negociata në kurriz të konsumatorit shqiptar, e shteti duhet të ndërhyjë që ne të mos jemi përsëri të fundit në renditjen e çdo lloj kostoje të lidhur më shërbimin e telekomunikacionit. Në ditët e deklarimit me zë të lartë të shkeljeve që denoncohen në numra të gjelbër, e që mundësojnë kontrollin e nevojshëm të individëve që bëjnë shkelje, një denoncim i Avokatit të Popullit dhe ZMQ-ja jo nëpërmjet numrave të gjelbër, nuk pranohet, sepse nuk i mundëson këshilltarëve dhe drejtorëve të Albtelekomit marrjen e vendimeve me rëndësi publike, në qetësi të plotë e të patrazuar nga zërat që synojnë të mbrojnë interesat e qytetarëve. Dy punonjësit që denoncuan degjenerimin e negociatave i dërguan letër kryeministrit, presidentit, Avokatit të Popullit dhe më pas u shkarkuan.
Gjithsesi, akoma nuk është përcaktuar gjithçka. Aktorët kryesorë që po marrin pjesë në këtë negociatë janë akoma të lëkundur nëse duhet të favorizojnë kompanitë celulare, apo të mbrojnë qytetarët shqiptare. Drejtorë të tillë mund të kemi plot, por ne si qytetarë zgjedhjen duhet ta bëjmë fort. S’ka lëkundje nga interesat tona.

*Autori është pedagog në Fakultetin e Ekonomisë, UT




04/05/2006
KATEGORIA: Analiza

 

[Oltion Rrumbullaku]

Re: Rifilluan dallaveret e politikes me Albtelekom

350 milione e me shume besoj. Kam hall se keto drejtore e keto Berishiste do shiten shume lire. Imagjino te marrin 10 mil $ e te firmosin marreveshjet. Atehere duhet me i peshty ne surrat, cdo here qe flasim ne tel edhe humbim me shume se shtate leke...

Thone qe ky drejtori i Albtelekomit qenka kokrra injorantit, se ka idene akoma se cfare aktivitetesh ka Albtelekomi dhe gjithe diten sajon dallavere...

 

[Oltion Rrumbullaku]

Re: Rifilluan dallaveret e politikes me Albtelekom

100 milione dollarë në derën e ERT
Gazeta Shqip
15 Maj 2006

Oltion Rrumbullaku

Siç u bë e njohur edhe në media, në ditën e premte u shpall qartësisht fakti që Albtelekom dhe kompanitë celulare nuk arritën marrëveshjen e interkonjeksionit të diskutuar prej tyre këto dy muajt e fundit. Kjo mund të konsiderohet një shtyrje e marrjes së një vendimi shumë të rëndësishëm që në paskuinta, vë përballë dy kompanitë celulare me të gjithë konsumatorët shqiptarë.
Pak histori
Deri në Nëntor 2004, marrëveshjet e interkonjeksionit kanë qenë skandaloze në të gjitha aspektet si në dëm të konsumatorit shqiptar ashtu edhe për Albtelekom. Shifrat që përfitonin kompanitë celulare nga telefonatat që fillonin nga Albtelekom e përfundonin tek celularët ishin mbi 40 lek/minutë. Gjatë fundit të vitit 2004, pati një presion të konsiderushëm nga lëvizjet qytetare dhe marrëshja e re u nënshkrua me 28 lek/min, megjithëse si bazë krahasimi u përdor çmimi maksimal i terminimit në Europë në 2003 i cili ishte 21 lekë/minutë. Marrëveshja që ishte në fuqi gjatë 2005, nënkuptonte që në një telefonatë të nisur nga Albtetekom me kosto 40 lek/minutë, Albetelekom mbante 12 lek/minutë dhe kompanitë celulare tepricën prej 28 lek/minutë. Megjithëse marrëveshja u ndryshua në fund të 2004, ajo përsëri ishte shumë diskriminuese për konsumatorët shqiptarë dhe shumë fitimprurëse për kompanitë celulare edhe për faktin se i mbante çmimet e Albtelekom drejt celularëve në nivele të larta.
Në nëntor të 2005 kjo marrëveshje interkonjeksioni skadoi dhe palët duhet të kishin gati një marrëveshje të re. Për shkak të menaxhimit të keq të Albtelekom, drejtoria e kësaj shoqërie akoma publike, e shtyu diskutimin i marrëveshjes së re deri në Mars të 2005, megjithëse sipas kushteve normale tregtare marrveshja duhej të firmosej përpara skadimit të marrëveshjes së mëparshme, e të hynte në fuqi po në Nëntor 2005, pas skadimit të marrëveshjes së mëparshme. Muajt po kalojnë dhe marrëveshja e skaduar është akoma në fuqi, dhe siç duket, kompanitë celulare po bëjnë të gjitha përpjekjet ligjore dhe ekstraligjore për të mos patur një marrëveshje të re.
Gjatë negociatave për marrëveshjen e re, disa specialistë të Albtelekom bënë transparente përpjekjet e drejtuesve të Albtelekom për të pranuar çmimet e propozuara nga kompanitë celulare. Çmimet e terminimit të kërkuara fort nga kompanitë celulare ishin tashmë 21 lek/min, ndryshe nga çmimi maksimal i terminimin i cili ekzistonte në Europë në 2005 i fiksuar në shifrat e 14 lekë/minutë. Pra, edhe çmimi i kërkuar nga Albtelekom është çmimi maksimal i vitit të kaluar në Europë (14 lekë/minutë), gjë që do të thotë se edhe kjo marrëveshje e kërkuar nga Albtelekom nuk do të na e hiqte aspak fatkeqësinë e pasjes së çmimeve më të lartë telefonike në të gjithë kontinentin. Efektet financiare në total janë të pallogaritshme, dhe efektet tek secili prej nesh që konsumon kohë telefonike janë të pabesueshme. Vetëm në Shqipëri ndodh që të konsumohet më shumë para në celularë se në karburante; të konsumohet më shumë para në biseda telefonike, se sa në veshmbathje; të konsumohet më shumë për të folur në celular, se sa paguhet në shërbimin arsimor dhe shëndetësor, e kur të gjitha këto para përfundojnë në vetëm dy kompani jo shqiptare atëherë diskutimi bëhet vërtetë i frikshëm. Nëse flasim me shifra më konkrete, marrëveshjet aktuale prej 28 lek/minutë që sjellin një çmim në nisje të telefonatave nga Albtelekom minimalisht me 40 lek/minutë (pa TVSH) e nxjerrin kompaninë publike nga tregu i telefonatave me celularët sepse çmimet janë pothuajse të njëjta me kompanitë celulare dhe komoditeti shumë më i ulët. Në rastin e një tarife të propozuar nga specialistët e Albtelekom (përsëri më e larta në Europë) prej 14 lekësh, Albtelekom mund të hynte fuqishëm në treg me një tarifë 20 lek/minutë drejt celularëve duke ndikuar drejtpërdrejt në liberalizimin e tregut. Me 350 milionë Euro shitje në vit (po të përdorim krahasimin e Ing. Ngjeqarit, 3-4 milionë Euro një pallat 12 katësh, mund të themi se janë rreth 100 pallate në vit që shkojnë drejt Greqisë) këto kompani do të ishin seriozisht të rrezikuara, sidomos në segmentin e çmimit nga 21 lek/minutë në 14 lek/minutë. Në këtë segment të mosmarrëveshjes, konsumatori shqiptar do të përfitontë minimalisht 10 milionë dollarë për çdo lek më pak të marrëveshjes së interkonjeksionit dhe për 7 lekë më pak do të përfitonte nga 70 – 100 milionë dollarë nga çmime më të ulta të bisedave telefonike. Albtelekom do të kishte boom në shitjet e tij, dhe e gjitha kjo do të sillte një humbje të ndjeshme në shitjet e kompanive celulare dhe më shumë para në xhepat e shqiptarëve për t’i shpenzuar në shpenzime të tjera më të frytshme. Këtu nuk po përmend skenarin më të favorshëm, më çmime terminimi prej 7 lekësh, aq sa është mesatarja europiane, i cili nëse do të zbatohej do t’a liberalizonte në mënyrë të menjëhershme këtë treg.
Çështja në ERT
Gjithsesi palët nuk ranë dakord e kjo është shumë e trishtë. Kjo duket si fitore për interesat e konsumatorëve shqiptarë, megjithëse druajmë se do të jetë një fitore si ajo e Pirros. Them këtë sepse muajt po kalojnë dhe çmimet e shërbimeve telefonike janë përherë e më të betonuara dhe çdo muaj i kaluar heq me miliona dollarë nga të gjithë ne.
Shprehem në një mënyrë të tillë, sepse tashmë çështja është në dorën e ERT, dhe një tjetër ent publik duhet të tejkalojë interesat vetjake të drejtuesve të tij, për të respektuar më një fund, për një herë të vetme interesat e popullit shqiptar dhe çdo konsumatori të shërbimit celular në Shqipëri. ERT duhet të ndërmarrë një vendim brenda një muaji (sipas Nenit 43, të Ligjit mbi Telekomunikacionet), por është pothuajse e sigurt që një vendim i tillë do të hidhet në gjyq nga kompanitë celulare. Shqipëria është i vetmi vend në Europë që me vendim gjykatë i ka konsideruar kompanitë celulare si operatorë të thjeshtë në treg, njësoj si kompanitë e telefonisë rurale, pa ndërhyrë aspak në rregullimin e tarifave të tyre, siç bën çdo ent i tillë në Europë. Gjyqtarët që firmosin vendime të tilla janë akoma në detyrë, megjithëse i kanë faturuar çdo qytetari në Shqipëri fatura në vlera absurde për vite të tëra. Gjyqe të tilla mund të inskenohen përsëri, por mbetet detyrë qytetare e secilit prej nesh që të paktën gjyqin e marrëveshjeve të interkonjeksionit t’a monitorojmë ngushtësisht, t’a paraqesim në media, në qoftë se nuk dëshirojmë përsëri të çojmë drejt vendit fqinj një vlerë monetare sa 100 pallate të rinj në vit. Në qoftë se kjo çështje do të përfundojë në gjykatë atëherë në rastin më optimist gjykatat shqiptare mund t’a japin verdiktin final pwr kwtw akt administrativ tw ERT nga fundi i vitit 2006. Kjo do të thotë që me shumë mundësi do të mbushet një vit, që Albtelekom, ETR dhe Gjykatat Shqiptare nën këshillat e kompanive celulare do të vonojnë arritjen e një marrëveshjeje të re. Duke vlerësuar një efekt prej 70-100 milionë dollarë në vit, një pjesë e vogël e tyre mund të përdoret për të frenuar secilin nga operatorët publikë në marrjen e këtij vendimi. Albtelekom u vonua shtatë muaj, dhe tashmë topi mbetet në derën e ERT e më pas mund të pasohet tek gjykatat.
Le të shpresojmë që hyrja në fuqi e një marrëveshje të re, nuk ka hyrë në kalendat greke, po, po, ato greke, për të dalë me shumë vështirësi prej andej.

 

[qartesia]

Re: Rifilluan dallaveret e politikes me Albtelekom

Berisha dorëzon Telekomin te Çalik
“Do rinegociohen disa pika të kontratës së shitjes”

Takimi i Kryeministrit Berisha me Kryeministrin turk Erdogan, zgjidh përfundimisht nyjën “Albtelekom”. Kompania më e madhe e telefonisë fikse në vend “Albtelekom”, do të mbesë përfundimisht në duart e kompanisë turke “Çalik”, e cila e ka privatizuar Albtelekomin në shumën prej 120 milionë eurosh, gjatë qeverisjes së socialistëve. Kjo u bë e ditur nga Kryeministri Sali Berisha, gjatë vizitës që ai po zhvillon në Turqi. Kjo është vizita e parë e Berishës në Turqi, pas një viti që ai është në krye të qeverisë shqiptare. Gjatë kësaj vizite, Berisha është pritur në një takim të veçantë nga Kryeministri turk, Recep Tayyip Erdogan, nga ku duket se është dhënë edhe zgjidhja përfundimtare për Albtelekomin. Kjo çështje, thuajse e kishte çuar në një nivel mjaft të ulët bashkëpunimin në planin qeveritar midis Turqisë dhe Shqipërisë.
Qeveria
Megjithëse Kryeministri Sali Berisha kishte deklaruar se nuk e njeh aktin e privatizimit të Albtelekomit, të vlerësuar prej tij “si një akt i kryer në kushtet e mungesës së plotë të transparencës mbi këtë proces”, dje në takimin me Kryeministrin turk Erdogan, Berisha është detyruar të bëjë një kthesë 180 gradëshe, duke bërë të qartë se Albtelekomi do të mbetet në duart e kompanisë turke “Çalik”. Berisha dhe drejtues të lartë të qeverisë që ai drejton, hodhën për muaj me radhë “një mal me baltë” mbi kontratën për shitjen e Albtelekomit turqve të “Çalik”. Por ata tashmë janë detyruar përfundimisht të dorëzohen në fushën turke, duke provuar se qeveria “Berisha”, më shumë se mbrojtjen e interesit publik, ka më për zemër biznesin politik. “Kocka turke” ishte shumë e fortë për t’u bluar nga Kryeministri Berisha.
Auditimi
Kreu i qeverisë shqiptare, pasi ka përlarë nga paratë e taksapaguesve 170 mijë euro, për të bërë të ashtuquajturën “ekspertizë të kontratës së privatizimit” të Albtelekom nga kompania turke “Çalik”, dhe për të larë baltën e hedhur për muaj me radhë mbi këtë kontratë, të vlerësuar nga qeveritarët e PD-së si “një aferë korruptive e ish- kryeministrit Nano”, ka vendosur t’ua lërë rishtazi në dorë turqve, privatizimin e Albtelekomit, pasi të kenë bërë disa retushime në nene të ndryshme të kontratës. “Sipas gjykimit të ekspertëve mbi këtë ekspertizë, kontrata ekzistuese ka nevojë të rishqyrtohet në nene të caktuara. Jam informuar se zoti Ahmet Çalik ka treguar vullnet të plotë të angazhohet në rinegociimin e kontratës dhe unë jam optimist në rezultatin e këtyre negociatave”, - ka deklaruar Kryeministri Berisha në prani të Kryeministrit turk Erdogan. Për hir të realitetit, mbështetur edhe në raportin e kompanisë çeke “Deloitt”, e cila ka bërë ekspertizën e kontratës, kontrata e privatizimit të Albtelekom ka probleme mjaft të rënda në aspektin ligjor, të kritereve dhe kushteve që duhet të plotësonte kompania “Çalik” dhe mjaft mangësi të tjera, të cilat nuk mund të jenë objekt i disa rregullimeve ligjore, pasi ato e bëjnë të pavlefshëm që në themel privatizimin.
Negociatat
Si për të larë përfundimisht duart nga çështja e kontratës së privatizimit të Albtelekom, Kryeministri Berisha bën të qartë se rregullimet ligjore nuk do të jenë frut i negociatave mes qeverisë dhe kompanisë “Çalik”, por midis Albtelekom dhe ‘Çalik”!!
“Qeveritarët janë inkurajues, kontratat i nënshkruajnë biznesmenët. Ne përpiqemi t’u shërbejmë atyre, t’i lehtësojmë ata sa më shumë me atë që kemi në dorë. Negociatat janë çështje të kompanisë “Çalik” dhe Telekomit. Jam në dijeni se ekziston vullneti i përbashkët për t’i shqyrtuar problemet që mbeten për t’u zgjidhur”, - ka deklaruar Berisha. Siç vihet re, kontrata e Albtelekomit mund të quhet tashmë një dosje e mbyllur. Ndonëse Berisha, duke bërë biznes politik ka fituar në dukje shumë pak, të humburit e mëdhenj janë shqiptarët. Mbështetur në deklaratat e Berishës dhe krerëve të PD-së, Albtelekom është tashmë një aferë shumëmilionëshe, e cila vetëm sa ka ndërruar duart nga Nano tek Berisha.



Reklama
Parregullsi gjatë publikimit të reklamave në mediat ndërkombëtare për tenderin e privatizimit. Në “The Economist”, ka më pak tekst, sesa në dy mediat e tjera, “The Ëall Street Journal” dhe “The Finacial Times”. Nuk janë gjetur dokumentacion apo informacione të siguruara nga Ministria e Ekonomisë, në të cilën janë marrë parasysh shqetësimet e sigurisë private dhe kombëtare.
Kriteret
DELOITTE konstaton se “Çalik”, si një kompani më shumë anëtare e Telekomit turk, nuk i përmbushte kriteret si investitor strategjik, ashtu siç parashikohej në ligj. Marrëveshja e “Çalik” me “Turk Telekom” nuk ofronte asnjë siguri, pasi Turk Telekom ishte në privatizim. Mbi të gjitha, në kontratë nuk kishte asnjë lloj obligimi për detyrimet e Turk Telekom.
Certifikata
Të gjitha kompanitë pjesëmarrëse nË tender nuk dispononin certifikaten ISO 9000. Kjo certifikatë jepet për të siguruar standartin dhe cilësinë e një kompanie. Kjo certifikatë nuk disponohej as nga “Çalik”. Sipas DELOITTE, disa prej ndryshimeve në draftmarrëveshje e vendosnin Shqipërinë në një pozicion që shkelte detyrimet e Organizatës Botërore të Tregtisë.
Armando Meta
Marre nga gazeta shqiptare.

Ps.Gjithe ajo rremuje per hiç gje.

 

[Ergler]

Re: Rifilluan dallaveret e politikes me Albtelekom

Albtelekomi do te shitet me shtrenjte se sa e shiti qeveria socialiste dhe marrveshja do te kete shume korrigjime ne nenet e saj.

 

[MLK]

Re: Rifilluan dallaveret e politikes me Albtelekom

T'paska mor vet Sala n'telefon ty m'duket /pf/images/graemlins/laugh.gif

 

[qartesia]

Re: Rifilluan dallaveret e politikes me Albtelekom

</font><blockquote><font class="small">Citim:</font><hr />
Albtelekomi do te shitet me shtrenjte se sa e shiti qeveria socialiste dhe marrveshja do te kete shume korrigjime ne nenet e saj.

[/ QUOTE ]

A me gjith men aaaaaaa,qka thu or tej.Se mos e shet me lire or ti , kompania "Deloitte &amp; Touch" raportinse beri falas . Ja dhe nji shkrim tjeter per albtelekomin:marre nga gazeta "Shqip".


Pazari i ri për Albtelekomin
"Çalik" mund ta blejë me të njëjtin çmim, por pa shërbimin "roaming"

Leonard Mitro

Kthehet në një ngërç të vështirë rikthimi i Albtelekomit te turqit e "Calik Enerji". Interesat e të dyja palëve për rinegocimin e kontratës shkojnë në drejtime tërësisht të kundërta dhe e bëjnë akoma më të komplikuar situatën. Pavarësisht vullnetit politik të treguar nga Kryeministri Berisha gjatë vizitës së tij në Turqi, negociatat mbahen peng në një pikë të nxehtë, e cila ka të bëjë me marrëdhëniet që Albtelekomi do të ketë me dy operatorët celularë në vend. Ndryshimi i kësaj pike të kontratës ndikon në mënyrë direkte në rivlerësimin e çmimit të shitjes, çka nuk dëshirohet nga qeveria shqiptare për arsye të brendshme politike. Është pikërisht shërbimi "Roaming" që është përfshirë në kontratën "socialiste" të privatizimit të kompanisë, i cili detyron dy operatorët celularë, AMC dhe Vodafone, që të kalojnë përmes Albtelekomit thirrjet brenda rrjetit të tyre kombëtar, me destinacion territoret jashtë Shqipërisë. Presioni që dy kompanitë e telefonisë së lëvizshme po ushtrojnë ndaj qeverisë shqiptare, e ka detyruar këtë të fundit që në kontratën e re me turqit t‘u propozojë heqjen e shërbimit "Roaming". Heqja e këtij shërbimi mendohet të shoqërohet me uljen e çmimit të shitjes, i cili është një nga argumentet më të forta të ish-qeverisjes socialiste, për të denoncuar anulimin që iu bë kontratës së nënshkruar prej saj. Shitja me çmim më të lirë e Albtelekomit është një nga pikat që step qeverinë e mazhorancës, nga frika e kostos politike që mund të shkaktohet në opinionin publik. Premtimi i dhënë në Ankara nga Kryeministri Berisha, vë në pozita superiore kompaninë turke, e cila ka marrë garancinë maksimale politike nga qeveria e vendit të saj për privatizimin e Albtelekomit. E vetmja pikë e disfavorshme e "Calik"-ut është mungesa e bashkëpunimit me një partner strategjik, i deklaruar më parë si "Turk Telekom", por i pafirmosur asnjëherë mes palëve. Po kaq vendimtare për zgjidhjen përfundimtare të çështjes është vizita e ministrit Genc Ruli në Athinë dhe premtimi për sheshimin e kontradiktave me kompanitë greke, ndër të cilat, më kryesoret janë natyrisht operatorët e telefonisë së lëvizshme, AMC dhe Vodafone. Kjo situatë e vendos qeverinë shqiptare mes dy zjarresh, me të cilët nuk dëshiron të luajë, gjë që e bën edhe më kritike çështjen "Albtelekom".

Shtyrja e dytë

Pozicionin e vështirë të qeverisë shqiptare e ka konfirmuar vetë ministri i Energjetikës, Genc Ruli, gjatë një deklarate të bërë paraditen e djeshme, ku ndër të tjerash theksoi se nëse kompania turke do të tregojë vullnet pozitiv, atëherë privatizimi i Albtelekomit mund të përfundojë brenda gjashtë muajsh nga fillimi i negociatave. "Në qoftë se edhe nga pala tjetër do të ketë vullnet për të arritur në negociata të shpejta dhe në përfitim reciprok, 6 muaj do ta quaja shumë", është shprehur Ruli, gjatë një prononcimi për shtyp. Kjo është hera e dytë që Ruli del jashtë parashikimeve për çështjen Albtelekom, pas deklaratës të bërë pak kohë më parë, sipas së cilës, privatizimi do të përfundonte në fund të 2006-ës. Sipas tij, "kontrata e privatizimit të Albtelekomit nuk ka filluar ende të negociohet" me argumentin se është në përfundim të plotë raporti i kompanisë audituese "Deloitte &amp; Touch". Por, edhe pse ka afro një muaj që raporti i auditimit i është dorëzuar ministrisë, ende nuk ka lëvizur asgjë lidhur me procesin e privatizimit të Albtelekomit.

Raporti

Raporti konfidencial i siguruar ka provuar se kontrata e miratuar nga Këshilli i Ministrave të qeverisë "Nano" ka qenë më se e rregullt, ndërsa shkeljet janë bërë më vonë, gjatë negociatave të komisionit të privatizimit me turqit e "Calik Enerji". Shkeljet që konsiderohen më të rëndësishmet dhe që kanë vënë në diskutim vlefshmërinë e kontratës janë tri. E para, ka të bëjë me një pikë të kontratës, në të cilën parashikohej që "Telekomi" turk të përfshihej ligjërisht si garanci që "Calik Enerji" jepte për privatizimin e Albtelekomit dhe mbështetjen për zhvillimin e kompanisë në të ardhmen. Kjo garanci u përfshi në kontratë, por vetëm formalisht, pasi "Telekomi" turk, në atë kohë, ishte vetë në proces privatizimi. Pika e dytë, ka të bëjë me shërbimin "Roaming", i cili në bazë të kontratës u kaloi turqve, ndërkohë që kjo konsiderohet si një nga problemet më të mëdha që mund të shkaktohet në tregun e telekomunikacioneve dhe sidomos me dy kompanitë celulare, AMC dhe Vodafone, të cilat do të detyroheshin ta kalonin këtë shërbim nëpërmjet turqve. Pika e tretë, e diskutueshme, ka qenë kundërshtia e disa prej kushteve të kontratës me rregullat e përcaktuara nga Organizata Botërore e Tregtisë dhe që mund të shkaktonin probleme në tregun rajonal të telekomunikacioneve. Nga të gjitha përfundimet, raporti vërteton se pretendimet e ish-opozitës për parregullsi në privatizimin e Albtelekomit qëndrojnë, por nuk mjaftojnë për të prishur kontratën.

 

[Wii]

Re: Rifilluan dallaveret e politikes me Albtelekom

ej,se mos ja japin grekve edhe AlbTelekomin mer se na shkrine fare nga leket anej...
ej,eshte e vertete qe edhe pas asaj firmes turke,fshihej nje pazarllik grek,dhe se ajo firma ishte thjeshte nje mbulese?(keto i kam me te degjuar dmth)