Re: Flash!

Re: Flash!

<span style="font-weight: bold">Inaugurohet Spangofon-i</span>

Eshte shtrenjte me telefon. Me mire te bisedojme me spangofon. Kjo ka qene shpikja me e fundit e te rinjve te levizjes Mjaft te cilet kane krijuar nje kordon te vertete nga drejtoria e Albtelekomit deri perpara kryeministrise, ku kane kryer ritin formal te inaugurimit te nje linje telefonike origjinale me baze spangosh e kutish kartoni. Nje gjest ironik ndaj inaugurimeve bombastike por boshe qe Albtelekom ka kryer ne keto vite, pa mundur te permiresoje cilesine e sherbimit dhe duke cuar deri ne rritjen e fundit te kontestuar te cmimit te bisedave.

<span style="font-weight: bold">Frankfurt: Danke Skela!</span>

Gazeta sportive e qytetit e ka quajtur nje artist te vertete shtatshkurtrin shqiptar i cili dalengadale po rikthehet ne formen e tij me te mire. Fantazisti i Eintrahtit te Frankfurtit, Ervin Skela ka qene shenuesi i golit te dyte ne fitoren 3:2 te skuadres se tij javen qe shkoi ndaj Volfsburgut, ne nje perpjekje heroike per te fituar vende ne renditjen e pergjithshme te kampionatit gjerman. Skela i cili ishte shqiptari i vetem ne fushe pasi Cipi ishte skualifikuar dhe Dragusha ndenji rezerve, ka fituar nje penallti te cilen e ka shnderruar vete me pas ne gol.

<span style="font-weight: bold">Kercenim islamik per Tupen</span>

Perkthyesi i njohur dhe publicisti Edmond Tupja ka qene ne qender te vemendjes javen qe shkoi per shkak te nje denoncimi qe ai ka bere ne policine e Tiranes ndaj disa kercenimeve terroriste ne adrese te tij. Tupja, profesor ne Universitetin e Tiranes ka denoncuar disa telefonata qe i jane bere fill pas mbarimit te nje emisioni televiziv ku ai ishte shfaqur si nje mbrojtes i laicitetit te shkolles shqiptare ne kuadrin e debatit per lejimin ose jo te veshjeve fetare ne institucionet arsimore publike.

<span style="font-weight: bold">Cervenkonvski: Pavaresi per Kosoven</span>

Ka gjetur mundesine ne takimin qe ka zhvilluar ne Uashington me drejtuesit e Keshillit Kombetar Shqiptaro- Amerikan dhe perfaqesues te diaspores shqiptare ne SHBA, qe kryeministri maqedonas Cervenkovski ta pranoje: Po Maqedonia do te mbeshtese nje shtet te Kosoves ku do te mbizoteroje ligji dhe marrdheniet e mira me fqinjet. Se fundi, po shihen nje numer reagimesh te zyrtareve te larte maqedonas pro pavaresise kosovare ndersa po afron viti 2005 kohe kur do te percaktohet perfundimisht statusi. Qendrime te moderuara kane mbajtur edhe presidenti Trajkovsi e ministri i mbrojtjes Buckovski.

<span style="font-weight: bold">Kreret e AKSH: Duam azil</span>

Jane shpallur persona non grata ne Shqiperi, por dy kreret e AKSH-se qe po gjykohen ne Tirane, jane te gatshem te kerkojne azil politik ne vendin ame. Procesi ndaj Adilit dhe Islamit, krere te Armates Kombetare Shqiptare qe u arrestuan nga autoritetet dhe u akuzuan per propagande luftenxitese dhe falsifikim dokumentash, eshte ne perfundim, pas nje vendimi per lirimin ne sallen e gjyqit te dy personave qe konsiderohen si heronj nga AKSH, nje organizate qe pretendon bashkimin e Maqedonise perendimore me Shqiperine dhe qe konsiderohet si ekstremiste nga Shtepia e Bardhe.

<span style="font-weight: bold">Kongoli le doganat</span>

Rezultatet e dobeta apo emerimet e pamatura kjo nuk eshte fort e qarte, por Tatjana Kongoli e cila me aq buje u vendos ne krye te doganave shqiptare pas largimit prej andej te Ferdinand Papadhimes, eshte larguar pas nje vendimi te shpejte te qeverise te enjten. Doganat paten nje renie ne realizimin e te ardhurave te cilat kapen vetem shifrat e 92% te parashikimeve dhe kjo duhet te kete qene arsyeja baze. Por jo me bindesja. Vendin e Kongolit e zuri Shpetim Idrizi i cili ne krye te tatimeve kishte pasur edhe ai mosrealizime.

<span style="font-weight: bold">Ceco ngre flamurin</span>

Kane dashur me siguri te bejne shaka kur e kane krahasuar me Ismail Qemalin ketu e 91 vjet me pare, por sidoqofte nenkryetarja labe e Kuvendit, Makbule Ceco ka qene gruaja e pare ne historine e Shqiperise qe ka ngritur flamurin gjate ritualit te pervitshem te 28 Nentorit ne Vlore. Ceco ishte ne krye te nje delegacioni zyrtar nga Tirana i cili sivjet ishte i nje niveli teper te ulet per nje feste kombetare. Kjo solli qe festimet e sivjetshme ne kryeqytetin e pare shqiptar te ishin te vaketa dhe te padenja.

<span style="font-weight: bold">Sport Five blen Shqiperine</span>

Cmimi eshte me shume se 2 milione euro, por behet fjale per disa ndeshje futbolli. Nese ne eleminatoret e shkuara e drejta televizive e ndeshjeve te Shqiperise vleresohej dhe shitej 700 mije dollare dhe te gjithe ishin te kenaqur, kesaj radhe vlera kapi 2,7 milione eurot dhe te gjithe fluturojne nga gezimi. Kompania Sport Five, i bleu pa pritur te hidhej shorti i Frankfurtit te gjitha te drejtat televizive te ndeshjeve te kombetares tashme te fuqizuar shqiptare, ndonese ishim perseri ne vazon e fundit.

<span style="font-weight: bold">OMGJ-te kane hyre me kohe</span>

Paskan qene te kota sirenat e alarmit qe damkosen anijen Liverpool si pruresen nga deti te bajlozit te OMGJ-ve ne forme mielli amerikan soje e fare misri yankee. Produkte te modifikuara gjenetikisht ne Shqiperi kane hyre ne heshtje te plote para pese vjetesh, nepermjet nje ngarkese me vaj ulliri mall kinez te cilin e kemi pire e na eshte bere gjak e dhjame. Organizatat ambientaliste te cilat u bene nismetare nje muaj me pare te debatit publik kunder hyrjes se OMGJ-ve, kane bere te ditur ne menyre te pafuqishme lajmin e mesiperm javen e shkuar.

<span style="font-weight: bold">Moisiu, ditelindje ne heshtje</span>

Pa u marre vesh fare, por presidenti yne i Republikes ka festuar ditelindjen kete jave. Me nje dhjetor, ne qetesi te plote, Alfred Moisiu ka rrumbullakosur 74 vjet jete, nder te cilet ky i fundit, me i lavdishmi, pasi fati i ka percaktuar poltronen e kryetarit te shtetit. Ne kete dite, e cila me e famshme eshte per publikun per shkak te aktiviteteve qe organizohen ne kuadrin e luftes kunder AIDS, i vetmi qe e ka uruar me nje telegram, ka qene kryeministri Nano, i cili nuk ka harruar ti kujtoje me nentekst tek pjesa ku perfshinte ne urim edhe qeverine qe ai drejtonte, se pikerisht ketu qendron problemi: tek qeveria.

Marre nga Revista Klan, http://www.revistaklan.com/lexotext.asp?id=102

 

[Admir]

Re: Re: Flash!

<span style="font-weight: bold">Delegacioni libian takon el-Baradein</span>

Një delegacion i nivelit të lartë nga Libia ka zhvilluar bisedime në Vienë me kreun e Agjencisë së OKB-së për energjinë bërthamore, Mohammed el-Baradei

<span style="font-weight: bold">Kryepeshkopi përkrah dialogun</span>

Kryepeshkopi i Kanteberit, Rowan Williams e ka bërë përmirësimin e dialogut midis kristianizmit dhe islamizmit, një prioritet gjatë vitit të parë si udhëheqës i kishës anglikane.

<span style="font-weight: bold">Radikalët serbë bëjnë fushatë në Kosovë</span>

Zyrtarë të Partisë Radikale të Serbisë zhvilluan një miting elektoral në Mitrovicë duke premtuar se Beogradi do të kthejë pushtetin e tij në Kosovë.

<span style="font-weight: bold">Konfiskohen materiale të Brigadave të Kuqe</span>

Policia italiane ka bastisur një vendstrehim të dyshuar të Brigadave të Kuqe, organizatës terroriste më të njohur të vendit.

<span style="font-weight: bold">Hiqet pengesa për udhëtimin e emigrantëve</span>

Mijëra emigrantë shqiptarë në Greqi që nuk janë pajisur me leje qëndrimi, do të mund të udhëtojnë për në atdhe e të kthehen pa probleme, deri më 10 janar të vitit të ardhshëm.

<span style="font-weight: bold">Amerikanët ndalojnë anijet me drogë</span>

Shtetet e Bashkuara kanë ndaluar dy anije arabe në Detin Arab, që po bartnin drogë ilegalisht dhe që dyshohet se do të shitej për të mbledhur para për al-Kaidën.

<span style="font-weight: bold">Rio Ferdinand pezullohet nga futbolli</span>

Futbollisti i kombëtares angleze dhe Manchester United, Rio Ferdinand, është pezulluar për tetë muaj sepse nuk bëri një analizë të kërkuar për drogë.

<span style="font-weight: bold">Tentativë për të vrarë Bremerin</span>

Administratori amerikan në Irak, Paul Bremer, ka pranuar se ndaj tij ka patur një përpjekje për vrasje dhe tha se kjo ka ndodhur para dy javësh.

<span style="font-weight: bold">Beagle 2 vazhdon rrugën drejt Marsit</span>

Sonda e destinuar për Mars e Agjensisë Evropiane Hapësinore Beagle 2, është shkëputur me sukses nga sonda mëmë dhe është drejtuar për t'u ulur në mars pas gjashtë ditësh--ditën e Krishtlindjes.

Perzgjedhur nga BBC ne Shqip, http://www.bbc.co.uk/albanian/ , e diel, 21 dhjetor 2003.

 

[disku]

Re: Re: Flash!

Me sa lexova lidia edhe Gedafi kishin nenshkruar marreveshje me anglo-amerikanet per terheqjen e libise nga plani i ndertimit te nukleares.

Mah sa po i rritet vlera bushit edhe blairit per fushate zgjedhjesh.. &lt;img src=&quot;/pf/images/graemlins/laugh.gif&quot; alt=&quot;&quot; /&gt;

 

[Admir]

Re: Re: Flash!

<span style="font-weight: bold">Fillon gjyqi për vrasjen e Xhinxhiçit</span>

Pothuajse më shumë se gjysma e të akuzuarve, duke përfshirë edhe të akuzuarin kryesor, nuk janë kapur ende dhe do të gjykohen në mungesë.

<span style="font-weight: bold">Kërcënime terroriste në SHBA</span>

SHBA ka rritur nivelin e sigurisë për shkak, siç thuhet &quot;të sulmeve të mundëshme&quot; gjatë periudhës së Krishtlindjeve dhe Vitit të Ri.

<span style="font-weight: bold">Përpjekje për rikompozimin e qeverisë</span>

Kryeministri socialist Fatos Nano vazhdon këtë javë përpjekjet për rikompozimin e qeverisë pas bisedimeve në fundjavë për një koalicion të mundshëm.


Huazuar nga BBC ne Shqip, http://www.bbc.co.uk/albanian , E hënë , 22 dhjetor 2003.

 

[Admir]

Re: Re: Flash!

Fillimisht postuar nga Unicorn:
[qb] Me sa lexova lidia edhe Gedafi kishin nenshkruar marreveshje me anglo-amerikanet per terheqjen e libise nga plani i ndertimit te nukleares.

Mah sa po i rritet vlera bushit edhe blairit per fushate zgjedhjesh.. &lt;img src=&quot;/pf/images/graemlins/laugh.gif&quot; alt=&quot;&quot; /&gt; [/qb]

Mua me duket shenje e mire ne procesin e paqes dhe luftes kunder terrorizmit.

P.S Shperblimet sipas arritjeve. &lt;img src=&quot;/pf/images/graemlins/smile.gif&quot; alt=&quot;&quot; /&gt;

 

[Admir]

Re: Re: Flash!

<span style="font-weight: bold">Inkursion izraelit në Gaza</span>

Pesë palestinezë janë vrarë dhe disa të tjerë janë plagosur gjatë një inkursioni izraelit në një kamp refugjatësh në Gaza.

<span style="font-weight: bold">Ministri egjyptian u sulmua ndërsa ishte në xhami</span>

Ministri i jashtëm egjyptian, Ahmed Maher ka dalë nga spitali në Jeruzalem ku u kurua pasi u sulmua nga disa protestues palestinezë.

<span style="font-weight: bold">Skadon afati për kompensim</span>

Ka skaduar afati që familjet e të vrarëve dhe të plagosurve të sulmeve11 shtatorit në Amerikë, të kërkojnë kompensim nga një fond special i qeverisë amerikane.

<span style="font-weight: bold">&quot;Parmalat&quot; si &quot;Enroni&quot;</span>

Qeveria italiane do të takohet të martën për të diskutuar krizën financiare në firmën Parmalat, kurse drejtuesit e kompanisë për të shqyrtuar mundësinë e shpalljes së falimentimit.

Huazuar nga BBC ne Shqip, http://www.bbc.co.uk/albanian , e martë, 23 dhjetor 2003.

 

[Admir]

Re: Re: Flash!

<span style="font-weight: bold">Mijëra të vdekur nga tërmeti</span>

Televizioni iranian thotë se më shumë se katërmijë veta kanë vdekur dhe tridhjetë mijë të tjerë janë lënduar nga tërmeti i fuqishëm që goditi rajonin juglindor të Iranit.

<span style="font-weight: bold">Izraeli mbyll hyrje-daljet në Rripin e Gazës</span>

Izraeli ka mbyllur hyrje-daljet për në Bregun Perëndimor dhe Rripin e Gazës pas një sulmi vetëvrasës kur u vranë katër izraelitë.

<span style="font-weight: bold">Air France rifillon fluturimet</span>

Kompania franceze e fluturimeve Air France rifillon të premten fluturimet nga Parisi për në Los Anxhelos.

<span style="font-weight: bold">Dhjetra të vdekur në aksidentin ajror</span>

Një avjon është rrëzuar në bregun perëdnimor të Afrikës në shtetin Benin, duke vrarë të paktën 90 vetë.

<span style="font-weight: bold">Shpresë për të mbijetuar në Kinë</span>

Autoritetet në Kinë vazhdojnë përpjekjet për të gjetur të mbijetuar, pas incidentit me tymra helmuese shkaktoi vdekjen e më shumë se 190 vetëve.

<span style="font-weight: bold">Sulm me mortaja në Bagdad</span>

Kundërshtarët e pushtimit në Irak kanë qëlluar me mortaja në qendër të Bagdadit duke goditur një zonë që është shumë pranë shtabit të forcave të koalicionit.

<span style="font-weight: bold">Identifikohet atentatori i Musharafit</span>

Të paktën një prej sulmuesve vetëvrasës, i përfshirë në atentatin e dështuar ndaj presidentit Musharaf është identifikuar, kanë thënë zyrtarët në Pakistan.

<span style="font-weight: bold">Papa rithekson thirrjen për paqe</span>

Në mesazhin në meshën e Krishtlindjeve Papa Gjon Pali bëri thirrje për paqe dhe tha se shumë gjak po vazhdohej të derdhej në botë sidomos në 'tokën e shenjtë'.

Huazuar nga BBC ne Shqip, http://www.bbc.co.uk/albanian , e premte, 26 dhjetor 2003.

 

[Admir]

Re: Re: Flash!

<span style="font-weight: bold">Pakësohen shpresat për gjetjen e të mbijetuarve</span>

Autoritetet iraniane kanë thënë se më shumë se pesë mijë trupa të tjerë janë varrosur në varreza masive në qytetin historik të Bamit pas tërmetit shkatërrues.

<span style="font-weight: bold">Arrestohet ish shefi ekzekutiv i Parmalatit</span>

Prokurorët italianë janë të bindur se një mashtrim në shkallë të gjerë ka ndodhur në Parmalat dhe kanë urdhëruar arrestimin e ish bosit.

<span style="font-weight: bold">Të dielën votohet përsëri në Tiranë</span>

Në Tiranë votohet në zgjedhjet lokale për kryetarin e Bashkisë dhe Këshillin bashkiak në 118 qendra votimi ku janë të regjistruar rreth 130 mijë zgjedhës.

<span style="font-weight: bold">Zhvillohen zgjedhje parlamentare në Serbi</span>

Qytetarët serbë të Kosovës ashtu si dhe gjithë serbët votojnë të dielën në zgjedhje parlamentare te të cilat pritet që radikalët të marrin shumicë votash.

<span style="font-weight: bold">Romano Prodi shpëton pa u lënduar</span>

Presidenti i Komisionit Evropian, Romano Prodi ka shpëtuar pa u lënduar pas një sulmi me një dhuratë bombë në shtëpinë e tij në Bolonja.

<span style="font-weight: bold">Disa ushtarë të vrarë në Qerbela</span>

Mbi 20 ushtarë të koalicionit thuhet të jenë vrarë si rezultat i një serie shpërthimesh në qytetin irakian, Qerbela.

<span style="font-weight: bold">Kinezët mbyllin pusin vdekjeprurës</span>

Inxhinierë në Kinën jug-perëndimore me sukses mbyllën një pus nafte që shpërtheu të enjten duke përhapur gazra dhe duke vrarë afro 200 vetë.

<span style="font-weight: bold">Rrëshqitje toke në Los Anxhelos</span>

Ekipe të shpëtimit në Kaliforni po vazhdojnë kërkimet për njerëz pas rrëshqitjeve të tokës në dy kampe pushimi në male në lindje të Los Anxhelosit.

<span style="font-weight: bold">Goditet grupi militant në Turqi</span>

Autoritetet në Turqi thonë se kanë shkatërruar një grup militant, përgjegjës për një varg sulmesh me bomba në vend, muajin e kaluar.

Huazuar nga BBC ne Shqip, http://www.bbc.co.uk/albanian , e diel, 28 dhjetor 2003.

 

[vlera]

Re: Re: Flash!

Logos

Te uroj per punen, bene nje pune shume te madhe me keto informacione, suksese te metejme

 

[Admir]

Re: Re: Flash!

Une vetem sa i kam grumbulluar nga faqe te ndryshme, edhe jua kam servirur. Megjithate, shume falemnderit!

 

[disku]

Re: Re: Flash!

Atentat Romano Prodit.
Ne shtepine e ish kryeministrit italian tashme perfaqsues i keshillit europian eshte gjendur eksploziv. I dyti brenda nje jave.

 

[Admir]

Re: Re: Flash!

<span style="font-weight: bold">Gjendje alarmi në Bam</span>

Ekipet e shpëtimit në qytetin iranian të shkatërruar nga tërmeti thonë se është dita e fundit për kërkmin e të mbijetuarëve, ndërsa njoftohet për 22 mijë të vdekur.

<span style="font-weight: bold">Kosova reagon për rezultatin</span>

Kryetari i Kuvendit të Kosovës, Nexhat Daci vlerëson se fitorja e radikalëve në zgjedhjet e Serbisë është një sinjal i keq për rajonin në përgjithësi.

<span style="font-weight: bold">Parlamenti miraton kabinetin e ri</span>

Parlamenti i Shqipërisë miratoi me shumicë votash ndryshimet në kabinetin qeveritar të propozuara nga kryeministri Fatos Nano.

Marre nga http://www.bbc.co.uk/albanian , E hënë , 29 dhjetor 2003.

 

[Admir]

Re: Re: Flash!

<span style="font-weight: bold">Ngjarjet kryesore politike të vitit</span>

<span style="font-weight: bold">13 Janar</span> - Një zyrtar i lartë i komunitetit mysliman u vra në zyrën e tij në kryeqytet. Sali Tivari, 58 vjeç, u vra para orës 9 paradite nga një plumb në gjoks në zyrën e tij pranë ndërtesës së Parlamentit.

<span style="font-weight: bold">15 Janar</span> - Shqipëria mori presidencën e Forumit për Bashkëpunim dhe Siguri të OSBE-së deri në prill të këtij viti. Kjo është hera e parë që Shqipëria kryeson një nga forumet kryesorë të OSBE-së që në aderimin e saj në këtë organizatë në vitin 1991.

<span style="font-weight: bold">31 Janar</span> - Shqipëria dhe Bashkimi Europian hapën zyrtarisht bisedimet për Marrëveshjen e Stablizim Asociimit. Kryeministri shqiptar, Fatos Nano, dhe Presidenti i Komisionit Europian, Romano Prodi, e quajtën hapjen e bisedimeve një moment historik.

<span style="font-weight: bold">10 Mars</span> - Pas një muaj debatesh të forta në Parlament, Partia Socialiste dhe Partia Demokratike arritën konsensus për ngritjen e një komisionit parlamentar që hetoi mbi aktivitetin e Bashkisë së Tiranës. Komisioni &quot;Rama&quot; përbëhej nga 11 anëtarë të zgjedhur nga shumica dhe opozita.

<span style="font-weight: bold">15 Mars</span> - &quot;MJAFT&quot; ishte fushata katërmujore e nisur nga organizatat rinore e cila synoi daljen e shoqërisë shqiptare nga apatia dhe reagimin e saj ndaj fenomeneve negative të shoqërisë, varfërisë dhe korrupsionit. Fushata, e para e këtij lloji në Shqipëri, filloi në Tiranë dhe u përhap në të gjithë vendin. Ajo u mbështet nga organizata ndërkombëtare si OSBE, PNUD, UNICEF, SOROS dhe trupi diplomatic i akredituar në Tiranë.

<span style="font-weight: bold">17 Mars</span> - Parlamenti ra dakord për krijimin e një komisioni të përkohshëm që hetoi mbi aktivitetin e komisionit të transparencës së firmave piramidale. Mijëra shqiptarë humbën kursimet e tyre pas kolapsit që pësuan këto firma në vitin 1997 duke e çuar vendin në trazira të përgjakshme. Komisioni ishte i përbërë nga 11 anëtarë me një mandat tremujor.

<span style="font-weight: bold">3 Prill</span> - Parlamenti Shqiptar aprovoi me 64 vota pro dhe 34 kundër marrëveshjen ushtarake me Greqinë për rikonstruktimin e bazës detare të Bisht-Pallës në Durrës. Opozita votoi kundër për shkak të formulimit të paqartë të projetligjit dhe ekzistencës së ligjit të luftës me vendin fqinj që prej 60 vjetësh.

<span style="font-weight: bold">7 Prill</span> - Parlamenti Shqiptar vendosi me 80 vota pro rivendosjen e zborit, i detyrueshëm për meshkuj nën moshën 50 vjeç dhe femrat nën moshën 35 vjeç.

<span style="font-weight: bold">10 Prill</span> - Tre të pandehurit e tenderit të pasaportave u ulën në bankën e të akuzuarve për t'u përballur me gjyqin e hapër kundër tyre. Ish-zv/Ministri i Rendit, Bujar Himçi, drejtori i Policisë së Shtetit, Veli Myftari, dhe ish-shefi i departamentit të prokurimeve në Kryeministri, Arben Prifti, u akuzuan për shpërdorim detyre dhe shkelje në tendera, duke i shkaktuar shtetit një dëm prej 1,385,000 dollarësh.

<span style="font-weight: bold">11 Prill</span> - Njerëz të armatosur me uniformë policie vranë një nga tregtarët më të njohur të hekurit Florjan Vila në Tiranë. Vila u vra në makinën e tij përpara shtëpisë, ndërsa vrasësit u larguan në drejtim të panjohur. Dy javë më parë u vra pronari i Kartodromit, Fatmir Rama, i njohur si &quot;Miri i Xhikes&quot;.

<span style="font-weight: bold">14 Prill</span> - Shqipëria përcolli një njësi prej 71 komando, të cilët do të merrnin pjesë në misionin paqeruajtës në Irak.

<span style="font-weight: bold">17 Prill</span> - Shtetet e Bashkuara ftuan kompanitë shqiptare për të marrë pjesë në rindërtimin e Irakut. Ndërtimi, administrimi i porteve, higjenizimi, qeverisja lokale dhe mbështetja me personel ishin fushat me interes.

<span style="font-weight: bold">24 Prill</span> - Të paktën 10 policë morën plagë të lehta gjatë përplasjeve me qindra banorë të rrethinave të kryeqytetit në Bathore. Protestat filluan më 23 prill kur qindra banorë bllokuan rrugën kombëtare Kamëz-Tiranë duke kërkuar legalizimin e shtëpive të ndërtuara në 1990, investime në infrastrukturë, ndërtimin e shkollave dhe transformimin e Bathores në një lagje normale të kryeqytetit.

<span style="font-weight: bold">2 Maj</span> - Mes masave të forta të sigurisë, Sekretari Amerikan i Shtetit, Colin Powell vizitoi Shqipërinë. Në Tiranë ai nënshkroi Kartën e Adriatikut me ministrat e Jashtëm të Shqipërisë, Kroacisë dhe Maqedonisë, të cilat angazhohen për të vazhduar reformat drejt integrimit në NATO dhe organizatat europiane. Powell gjithashtu nënshkroi marrëveshjen dypalëshe për Gjykatën Ndërkombëtare Penale sipas së cilës Shqipëria nuk do të dorëzojë shtetas amerikanë që ndiqen nga kjo gjykatë. Bashkimi Europian kritikoi Shqipërinë për nënshkrimin e kësaj marrëveshjeje.

<span style="font-weight: bold">17 Korrik</span> - Presidenti Alfred Moisiu dekretoi 12 tetorin si datën e zgjedhjeve lokale. Gara për kryetar bashkie të Tiranës përballi kandidatin e Partisë Demokratike, Spartak Ngjela, dhe kryetarin aktual të Bashkisë Edi Rama, i cili kandidoi për herë të dytë.

<span style="font-weight: bold">18 Korrik</span> - Ministri i Jashtëm, Ilir Meta, jep dorëheqjen nga detyra për shkak të konflikteve me Kryeministrin Fatos Nano, ndërkohë që dha dorëheqjen e parevokueshme edhe nga kryesia e Partisë Socialiste. Një ditë më pas, edhe Ministri i Integrimit, Sokol Nako, mbështetës i Metës jep dorëheqjen.

<span style="font-weight: bold">28 Korrik</span> - Parlamenti Shqiptar aprovoi dekretin presidencial për emërimin e Ermelinda Meksit në postin e zv/Kryeministrit dhe Ministres së Integrimit, ndërsa rrëzoi Marko Bellon, për postin e Ministrit të Jashtëm.

<span style="font-weight: bold">1 Shtator</span> - Në një atmosferë entuziaste me flamuj që valëviteshin, postera dhe muzikë të lartë në sfond, partitë politike kryesore, Partia Demokratike dhe Partia Socialiste, hapën fushatën zgjedhore në Pallatin e Kongreseve.

<span style="font-weight: bold">12 Tetor</span> - Shqiptarët zgjodhën kryetarët e bashkive dhe të komunave në zgjedhjet lokale, të cilat u konsideruan si një test për qeverinë dhe forcën e opozitës si dhe të përparimit të vendit drejt standardeve demokratike. Procesi u hap në orën 7 të mëngjesit dhe u mbyll 12 orë më pas. Rreth 2.7 milionë zgjedhës votuan për kryetarët dhe këshillat e 380 njësive bashkiake dhe komunave. Mes 49 partive që morën pjesë në zgjedhje rivalet kryesore ishin Partia Demokratike dhe Partia Socialiste.

<span style="font-weight: bold">19 Tetor</span> - Më shumë se 150.000 njerëz, të pasur dhe të varfër, pushtuan sheshin e Shën Pjetrit në Vatikan ku u zhvillua ceremonia e lumturimit të Nënë Terezës, duke nderuar murgeshën e cila ndërtoi për të varfërit streha, jetimore dhe klinika në të gjithë botën.

<span style="font-weight: bold">23 Tetor</span> - Parlamenti rrëzoi kandidatët e paraqitur nga Kryeministri Fatos Nano, të dekretuar nga Presidenti Alfred Moisiu, për postet vakante të Ministrit të Jashtëm dhe Ministrit të Rendit. Deputetët votuan kundër kandidatit për Ministër të Jashtëm, Namik Dokle, dhe atij për Ministër të Rendit, Fatmir Xhafa.

<span style="font-weight: bold">28 Tetor</span> - Deputetët e djathtë kundërshtuan projektligjin për kthimin dhe kompensimin e pronave të paraqitur nga OSBE, ndërsa deputetët socialistë dhe demokratë nuk pranuan të bëjnë komente duke thënë se nuk ishin njohur ende me draftin.

<span style="font-weight: bold">6 Nëntor</span> - Nënsekretari Amerikan i Shtetit për Çështjet Politike, Mark Grosman, bëri një vizitë njëditore në Tiranë, në kuadër të turit të tij në vendet e Europës Juglindore.

<span style="font-weight: bold">14 Nëntor</span> - Komisioni Qendror i Zgjedhjeve deklaroi zyrtarisht fitoren e Edi Ramës në zgjedhjet e 12 tetorit. Rivali i tij, Spartak Ngjela, iu drejtua Kolegjit Zgjedhor të Gjykatës së Apelit, i cili vendoi përsëritjen e zgjedhjeve në 118 qendra votimi në 28 dhjetor.

<span style="font-weight: bold">12 Dhjetor</span> - Me tone të buta dhe mesazhe për bashkim dhe bashkëpunim të cilat do të çojnë drejt fitores në zgjedhjet parlamentare të 2005-ës, socialistët filluan Kongresin e gjashtë të tyre, i cili ishte propaganduar si burimin e zgjidhjes së krizës. Kryeministri Fatos Nano u përball me ish-Presidentin Rexhep Meidani dhe kryebashkiakun e Tiranës, Edi Rama, në garën për kryetar partie duke arritur një fitore të thellë.

<span style="font-weight: bold">19 Dhjetor</span> - Banka e Kursimeve iu shit për 126 milionë dollarë bankës austriake, Raiffeisen Zentralbank, duke shënuar privatizimin më të rëndësishëm në vend.

<span style="font-weight: bold">28 Dhjetor</span> - Zgjedhjet u përsëritën në 118 qendra votimi në kryeqytet pas një vendimi të Kolegjit Zgjedhor. Edi Rama u rikonfirmua nga Komisioni Qendror i Zgjedhjeve në krye të Bashksë së Tiranës.

<span style="font-weight: bold">29 Dhjetor</span> - Parlamenti aprovoi emrat e rinj të qeverisë së rikompozuar të paraqitur nga Kryeministrit Fatos Nano dhe të dekretuar nga Presidenti Alfred Moisiu, ndërsa udhëheqësi i opozitës, Sali Berisha, i quajti anëtarët e rinj të kabinetit &quot;kriminelë me kollare&quot;.


Marre nga http://www.albaniannews.com , 31/12/2003.