Re: PS vs PD, Leqejza vs Haxhi, Katolike vs Mysliman
INTERVISTË ME KANDIDATIN E P.DEMOKRATIKE PËR BASHKINË E SHKODRES PROF. Dr. ARTAN HAXHI
Shkodra, në Vizionin tim
Prof. Dr .Artan Haxhi
Kandidati i Partisë Demokratike për Bashkinë e Shkodrës
Artan Esat Haxhi
· ka lindur më 2 gusht 1962 në Shkodër në një familje me tradita e vlera qytetare shkodrane.
·1982 – 1986 Ka mbaruar studimet e larta në Universitetin e Tiranës, dega Gjuhë Shqipe e Letërsi
·1986 – 1988 ka punuar për dy vjet si mësues i gjuhës dhe i letërsisë në shkollën e mesme Breglumi – Dukagjin
·1988 emërohet pedagog në Departamentin e Gjuhësisë në Universitetin e Shkodrës “Luigj Gurakuqi”, ku është shquar për një punë intensive shkencore dhe për një karrierë të suksesshme akademike.
·1993 e në vazhdim ka ushtruar detyra të rëndësishme drejtuese në USH, si: Drejtor i Departamentit të Gjuhësisë (1993 – 1995), Dekan i Fakultetit të Shkencave Shoqërore(2002), Zëvendësrektor i Universitetit të Shkodrës ”Luigj Gurakuqi”( 1993 – sot).
·Është autor e bashkautor i dy monografive dhe i dy teksteve mësimore universitare. Autor e bashkautor i mjaft artikujve shkencorë brenda dhe jashtë vendit, i mjaft kumtesave në aktivitete shkencore brenda e jashtë vendi. Ka mbajtur herë pas here ligjërata në Universitetet italiane, gjermane dhe universitetet shqiptare të rajonit (Kosovë, Maqedoni etj.)
·Ka kryer një sërë specializimesh e kualifikimesh jashtë vendi.
·1995 ka fituar gradën shkencore Doktor i Shkencave filologjike
·1999 ka fituar titullin Profesor i Asociuar
·2003 ka fituar titullin Profesor.
Zotëron disa gjuhë të huaja (italisht, frëngjisht, anglisht, serbokroatisht).
- Cilat janë arsyet që ju shtynë të kandidoni?
Si çdo njeri i përgjegjshëm për vendin ku jeton mendova të jap kontributin tim që qyteti i Shkodrës të jetë një qytet ku mund të jetohet. Unë kam vullnetin për të bërë që gjërat të nisin të ndryshojnë. Duke pasur një vullnet të tillë, unë u angazhova në jetën politike të qytetit tonë, aq sa vendosa ndërpres karrierën komode universitare, për të kërkuar në mënyrë të drejtpërdrejtë atë post që unë si qytetar e quaj më të vështirin dhe më me përgjegjësi, postin e të kryebashkiakut të Shkodrës.
- Alternativat që paraqisni para elektoratit tuaj?
Alternativat e programit tonë synojnë në përmirësimin e infrakstrukturës publike dhe të shërbimeve që lidhen me të,- në zhvillimin ekonomik vendor,- në zhvillimin social,- sigurinë civile etj Synojmë që përmes një strategjie për thithjen e të gjitha burimeve njerëzore e intelektuale të Shkodrës të gjithë së bashku do të bashkërendojmë e vëmë në jetë programe e projekte të cilat do të sigurojnë vazhdimësi intensive të punëve të nisura dhe të atyre që do të realizojmë në të ardhmen.Objektivat kryesore ku do të përqendrohemi në punën tonë në të ardhmen do të jenë : - Zbatimi konsekuent i ligjit dhe transparenca do të përshkojnë veprimtarinë e administratës gjatë këtij 3 – vjeçari. Tolerancë zero ndaj korrupsionit.
- Ndërtim i strukturave administrative në përputhje me kërkesat e kohës dhe në funksion të zgjidhjes së problemeve që e shqetësojnë Shkodrën sot. Ndershmëria dhe aftësia do të jenë kriteret bazë për organizimin e administratës së Bashkisë.
- Bashkëpunim intensiv me komunitetin në vendimmarrje dhe në aktivitete investimesh e shërbimesh. - Bashkëpunim me komunitetin e biznesit përmes programeve konkrete.- Krijimin e hapësirave e kushteve të favorshme për thithjen e investimeve të huaja.- Zgjidhjen e problemeve të mprehta në infrastrukturë (rrugë, ujë, kanalizime, trotuare, ndriçim i rrugëve, pastrim, gjelbërim etj.). - Bashkëpunim me institucione të huaja, me shoqata, donatorë e fondacione duke u krijuar atyre hapësira e kushte lehtësuese për financim.- Bashkëpunim me partnerët tanë strategjikë, kufitarë e rajonalë për realizimin e marrëdhënieve intensive tregtare, kulturore, artistike, sportive etj. - Vazhdimi i integrimit real të shtresës së të përndjekurve politikë në jetën shoqërore e ekonomike të qytetit. -Krijim i mundësive për të gjithë të riinjtë shkodranë për të kultivuar vlerat e tyre shkencore, kulturore, artistike e sportive, me qëllim që ata të luajnë një rol sa më aktiv në jetën e qytetit. -Rritje e rolit të gruas në të gjitha sferat e veprimtarisë dhe në të gjitha nivelet, për një integrim sa më të mirë të saj në të gjithë jetën shoqërore të qytetit. -Thithjen e mendimeve të kualifikuara dhe hartimin e projekteve të përbashkëta lokale e rajonale, kryesisht në bashkëpunim me Universitetin. - Shkodra të shndërrohet në një qytet turistik, duke shfrytëzuar resurset e mrekullueshme natyrore, kulturore e muzeale të saj.
Sa transparente dhe e sukseshme ka qenë Bashkia në këto tre vite?
- Kjo pyetje i është bërë Kryebashkiakut në detyrë, Rusi, dhe ai e ka dhënë përgjigjen e tij. Për më tepër mund t`i merret në mbyllje të mandatit të tij edhe një intervistë. Unë nga pozitat e një qytetari të kësaj Bashkie, në këto vite, kam konstatuar se qeverisja vendore ka qenë vazhdimisht e bllokuar nga qeverisja qendrore, e cila e ka përjashtuar Shkodrën nga planet e saj të zhvillimit. Gjithsesi ka pasur përpjekje të mira për kapërcimin e këtij hendikapi duke siguruar fonde nga bashkëpunimi me donatorë si dhe duke shfrytëzuar fondet e siguruara nga vetë Bashkia përmes sistemit të taksave lokale.
- Pikat e forta ku do të mbështeteni?
- Një program i besueshëm dhe i realizueshëm gjatë mandatit tre vjeçar. Mbështetja e një force të madhe politike, siç është Partia Demokratike, e cila është fituese në të gjitha zgjedhjet pluraliste. Vullneti dhe ndershmëria ime për të nisur dhe përfunduar projektet që do t`ia ndryshojnë faqen Shkodrës në të ardhmen. Mbi të gjitha besoj në komunitetin që përfaqësoj i cili është demokrat dhe i kulturuar, me prirje tradicionalisht perendimore.
- Cilat janë problemet jetike që ka Shkodra dhe çfarë zgjidhjesh do të bëni ju për to?
- Shkodra është ndër qytetet më varfëra të Shqipërisë, me probleme të mëdha sociale. Ashtu siç kam përmendur, problemet e qytetit të Shkodrës, janë po ato që kanë edhe qytetet e tjera, si problemi i furnizimit me ujë të pijshëm, energjia elektrike, infrastruktura, papunësia, rendi etj. Sipas alternativave të programit tim elektoral, që e paraqita pak më sipër, këto probleme gradualisht do të gjejnë zgjidhje.
marre nga Gazeta Shkodra
