Re: Protestat "Nano ik"
SHITET HOTEL "TIRANA" MITI I NDËRTIMEVE KOMUNISTEHoteli i madh, “Tirana International” blihet me 371 euro për një metër katror ndërtim Genci Çobani24 biznesmenë shqiptarë blejnë 15-katëshin për 5,2 milionë euro Shitet Hotel “Tirana International”. Pas një ankandi të paralajmëruar qysh kohë më parë dhe, të zhvilluar më së fundi dje në mesditë në një nga sallat e Pallatit të Kongreseve në Tiranë, një nga hotelet më të njohur në Shqipëri, i instaluar në zemrën e kryeqytetit shqiptar, ka ndërruar pronësinë. Ankandi, në të cilin merrnin pjesë tri subjekte, njëri prej të cilëve, i përbërë nga 24 biznesmenë shqiptarë, të cilët konkurronin në këtë garë përballë subjektit turk “Heytekstil” dhe atij italian, “Polieur”, të grupuar nën emrin “Albanian Consortium” (të gjithë konkurruesit, sipas rregullave të paracaktuara që më parë kishin depozituar nga 300 mijë euro, e cila, siç u konfirmua për “Ballkan” nga noterja Shpresa Kurti është shifër e kthyeshme për subjektet që nuk arritën të bëheshin blerës të Hotel “Tiranës&#8221
, u hap në orën 12.00 dhe u drejtua nga Neil Duckworth, drejtor i SHM Smith Hodgkinson International ltd, Angli. Siç ishte përcaktuar që më parë, shuma nga e cila do të fillonte garimi i tri subjekteve pjesëmarrëse ishte 5 milionë euro. Në marzhin e parë të ankandit, të tre pjesëmarrësit iu përgjigjën shifrës së ofruar nga drejtuesi i tij, zoti Duckworth, prej 5,1 milionë eurosh. Kjo bëri që ankandi të vazhdojë duke iu shtuar një shumë prej 100 mijë eurosh, së cilës iu përgjigj vetëm përfaqësuesi i “Albanian Consortium”, Koço Kokëdhima. Duke bërë kështu që, ankandi të mbyllej në shifrën e 5,2 milionë eurove, me pronar të ri grupin “Albanian Consortium”. Lista e 24 pjesëtarëve të “Albanian Consortium”
1. 2K Group”, Koço Kokëdhima
2. “Tealk-Alb”, Tahir Muhedini
3. Ram Geci
4. “Riviera L.T.D.”, Dritan Çelaj
5. “Anakonda”, Sulejman Shehi
6. Aleksandër Pilo
7. Muhamet Malo8. Aleksandër Kalivopulli
9. Arben Meçaj
10. “T.I.D.” ltd, Behar Male
11. Luan Bregasi
12. Vasil Naçi
13. Diana Gambeta
14. Luan Leka
15. “Albania Drink Distribution”, Xhafer Xhako
16. “Eurofree”, Julian Mane
17. “Anoil”, Piro Angjeli
18. Banka Popullore, Edvin Libohova
19. “A.I.B.A.”, Armando Duka
20. “Lani” ltd, Vladimir Kosta
21. Ylli Brraka22. Luan Duraj
23. “Salillari” ltd, Pëllumb Salillari
24. “K.B.A.” ltd, Artan Pulaha
Vetëm 200 mijë euro më lart nga çmimi fillestar, ose vetëm 4 për qind më shumë se sa vlera e startimit të ankandit të organizuar për shitjen e “15-katëshit”. Nuk mund të mohohet se ishte një nga ankandet e paktë të organizuar deri më sot për shitjen e njërës prej vlerave më të mëdha të ekonomisë shqiptare, madje, pse jo edhe simbol i kryeqytetit të ri shqiptar, i cili, për nga mënyra e procedimit mund të konsiderohet si i pakontestueshëm. Në fakt, prania e pronarëve të truallit, mbi të cilin është ngritur Hotel “Tirana International” krijoi në një farë mënyre një lloj tensioni tek organizatorët e ceremonisë. Gjithsesi, këta të fundit ia dolën t’i mbajnë ata jashtë sallës ku po zhvillohej ankandi. Ndërkohë që, njëri nga organizuesit e procedurave të këtij të fundit tha për “Ballkan” se atyre (pronarëve) iu ishte bërë ftesa për të marrë pjesë në ankand, por, prej tyre kjo ishte refuzuar duke u quajtur e pamundur, për shkak të shifrës së lartë (5 milionë euro, ose, sipas kursit aktual, rreth 650 milionë lekë), me të cilën ishte përcaktuar “gongu” financiar i ankandit. Nga ana tjetër, duke pasur parasysh faktin se bëhet fjalë për një godinë të kompletuar, me sipërfaqe 14 mijë metra katrorë (933 metra për një kat të vetëm), në qendër të Tiranës, si dhe pika “Zero” për të gjitha matjet e distancave të Shqipërisë, në të gjitha pikat e saj, konvertimi i shumës prej 5,2 milionë eurosh në çmim për metër katror, mund të quhet disi i ulët. Dhe, në fakt, ky çmim, sipas një llogarie të thjeshtë del rreth 371 euro për metër katror sipërfaqe ndërtimi
, pa përfshirë këtu edhe vlerën e truallit, e cila, në atë pikë të Tiranës, nuk mund të jetë në asnjë rast më pak se 500 euro për metër katror
. Ndërkohë që, gjithmonë duke iu referuar pozicionit që ka Hotel “Tirana”, sipas çmimeve të njohura mirë tashmë në tregun e pasurive të patundshme, një metër katror ndërtim në atë zonë, gjithashtu në asnjë rast nuk shitet më pak se 700 euro për metër katror. Në këtë pikëpamje, nuk është ndonjë gabim të thuhet se çmimi i trojeve në qendër të Tiranës është përgjysmuar, të paktën në rastin e ankandit në fjalë. Njëkohësisht, një tjetër dilemë është çështja e borxheve të mbartura nga veprimtaria e deritanishme e 15-katëshit. Njëri nga blerësit, Luan Bregasi u shpreh për gazetarët se objekti është blerë pa borxhe, ndërkohë që përfaqësuesi i “DV Alba”, aksioner kryesor i deridjeshëm deklaroi se borxhet nuk arrinin më shumë se 1 milionë euro.
