PROPOZIMI, TE HIQEN VIZAT PER BALLKANIN!

PROPOZIMI, TE HIQEN VIZAT PER BALLKANIN!

Nga Viron Gjymshana

Me ane te nje rezolute te vecante aprovuar ne seance plenare, Parlamenti Europian propozoi heqjen e vizave per qytetaret e vendeve te Europes Juglindore si dhe perfshirjen e ketyre vendeve ne politiken e tij te jashtme dhe te sigurise se perbashket. Keto propozime jane pjese e kontributit te PE-se ndaj politikes se re qe Komisioni Europian, dhe posacerisht Romano Prodi dhe Kris Patten kane promovuar javet e fundit ndaj rjonit ballkanik. Zyrtaret e larte te BE-se e kane perseritur disa here me radhe keto muajt e fundit se zgjerimi i Bashkimit Europian perfundon vetem pas anetaresimit edhe te vendeve ballkanike ne te.

Megjithate, duhet nenvizuar se deri me tani kemi te bejme me rekomandime te Parlamentit Europian dhe derisa ato te kthehen ne ligje do te duhet edhe firma e Keshillit te Ministrave te BE-se si dhe e Komisionit Europian. Keto rekomandime u bene gjate nje mbledhjeje te posacme kushtuar ardhmerise se integrimit te vendeve te Europes Juglindore ne Bashkimin Europian, e cila u organizua ne seline e Parlamentit Europian ne Strasburg. Ne kete takim moren pjese edhe perfaqesues te presidences se tanishme greke te BE-se, asaj te ardhshme italiane si dhe zyrtare te larte te Komisionit Europian.

Mbajtja e kesaj seance paraprin punimet e samitit europiano-ballkanik qe do te mbahet ne 21 qershor ne Selanik te Greqise. Ne perfundim te kesaj mbledhjeje Parlamenti Europian, i mbledhur ne seance plenare, aprovoi edhe nje rezolute, ne te cilen nder te tjera vihej ne dukje se integrimi i vendeve te Europes Juglindore ne BE do te kerkoje nje kohe relativisht te gjate, duke pasur parasysh situaten e veshtire politike, etnike, ekonomike dhe sociale ne keto vende. Por kjo prapambetje dhe kohezgjatje perben nje arsye me shume per parlamentaret europiane, qe ata te benin thirrje per nje forcim te metejshem te lidhjeve ndermjet rajonit ballkanik dhe vendeve te BE-se. Europarlamentaret Doris Pack, Joos Lagendajk, Johannes Svoboda dhe te tjere propozuan me kete rast nje seri masash dhe iniciativash qe do te ndihmonin ne afrimin me te shpejte te ketyre vendeve ne familjen europiane.

Nder propozimet e tyre, qe u perkrahen njezeri edhe nga asambleja e Parlamentit Europian, nenvizohej nevoja e vendosjes se kritereve apo standarDeve specifike per cdo vend ballkanik ne vecanti, nga shkalla e plotesimit te te cilave do te varet edhe data e anetaresimit te tyre ne BE; perfshirja e ketyre vendeve ne politiken e jashtme dhe te mbrojtjes te Bashkimit Europian si dhe ne programet e tij te edukimit dhe arsimimit te njohura si Leonardo dhe Sokrates. Nje propozim tjeter qe terheq vemendjen eshte edhe ai qe ka te beje me heqjen e regjimit te vizave per qytetaret ballkanas qe deshirojne te udhetojne ne vendet e Bashkimit Europian. Rezoluta u ben thirrje po ashtu vendeve ballkanike te ngrejne ne maksimum luften kunder krimit te organizuar, te forcojne bashkepunimin nderkufitar ne fushen e drejtesise dhe rendit, te nxisin kthimin e refugjateve dhe tembrojne te drejtat e pakicave.

Rezoluta e sapoaprovuar e Parlamentit Europian perben nje hap me shume ne mbeshtetjen e politikes se re qe Bashkimi Europian dhe posacerisht Romano Prodi dhe Kris Patten kane promovuar javet e fundit ndaj Ballkanit. Me 21 maj Komisioni Europian propozoi te ngreje ne nivelin e Partnershipit per Integrim marrdheniet ndermjet BE-se dhe vendeve ballkanike. Dhe tani Parlamenti Europian ben thirrje per krijimin e instrumentave dhe programeve te perbashketa ndermjet vendeve te Europes Juglindore me ato te BE-se. Radhen tani e ka samiti i Selanikut ku kryetaret e shteteve dhe qeverive te vendeve ballkanike do te takohen me homologet e tyre europiane.



Marre nga "Koha Jone"

 

[Arbana Mali]

Re: PROPOZIMI, TE HIQEN VIZAT PER BALLKANIN!

Ministri i Jashtëm i grekërve kërkon ndjesë, porse dhuna nuk ndalet


Akoma pa u shuar mirë buja e vrasjes së Vullnet Bytyçit nga kufitarët grekë, këto të fundit kanë shkaktuar një tjetër incident. Arian Tarko, 28 vjeç, është rrahur nga policët grekë në postën e doganës greke të Kristolopogjisë. Sherri ka nisur në prani të dhjetra personave të tjerë, të cilët ishin në radhë si Tarko, për të hyrë në tokën greke. Por duke dashur që gjithçka të ngelë brenda për brenda, policët grekë e kanë marrë të riun shqiptar dhe e kanë futur brenda në postë. Aty, ata kanë e rrahur dhe e kanë qëlluar, duke i shkaktuar plagë të rënda.

Në gjendje shoku, me shenja dhune në fytyrë, Arian Tarko, është paraqitur në orët e mbrëmjes në komisariatin e Korçës. Me zërin që i dridhej, por plot duf e mllef, ai ka bërë denoncimin, që tashmë është bërë i zakonshëm: “Më kanë rrahur policët grekë!” Dhe siç ndodh në të tilla raste, policët e komisariatit të Korçës, kanë plotësuar një formular, ku ka firmosur dhe viktima, i cili më pas, është nisur drejt shtëpisë së tij në Gramsh.

Megjithatë, 28-vjeçari u ka shpjeguar grekërve se ai e kishte nxjerrë pasaportën në policinë e Gramshit
e nuk e kishte blerë rrugëve apo ta kishte të falsifikuar. “Në këto momente njëri nga policët më ka goditur me grushta disa herë në fytyrë dhe me shkelma në pjesën e prapme të trupit”, dëshmoi gramshioti. Pasi e kanë rrahur, policët e kanë detyruar atë që të firmoste një formular, të cilën e kanë plotësuar para syve, por ai nuk ka pranuar që të lërë firmën mbi të. Autoritetet greke e kanë kërcënuar dhe i kanë thënë që të largohej urgjentisht. “Në rast se do të kalosh në Greqi, të duhet një pasaportë e re dhe vizë”, mësohet t´i kenë thënë ata. Grushtat dhe shqelmat e policëve grekë kishin shkaktuar enjtje dhe të çara në fytyrë, ndërkohë që në pjesën e pasme të trupit dukeshin qartë të mavijosurat. Tarko ka qëndruar për disa minuta në policinë e Korçës, e cila i ka premtuar se do
të marrë masa për të sqaruar akoma më tej këtë incident.


VIKTIMAT E TRI JAVËVE TE FUNDIT

Vullnet Bytyçi i vrarë (18 vjeç, nga Hasi)
Ligor Halili i gjymtuar (45 vjeç, nga Elbasani)
Mili Halili i rrahur (43 vjeç, nga Elbasani)
Rrahman Pashollari i rrahur (60 vjeç, nga Elbasani)
Leonard Shmilka i rrahur (19 vjeç, nga Pogradeci)
Dashamir Brekolli i rrahur (26 vjeç, nga Devolli)
Sokol Hallka, i rrahur 26 vjeç, nga Cërriku


KRYEMINISTRI SHPREH NGUSHËLLIMET PËR EMIGRANTIN E VRARË

Kryeministri F. Nano, ka bërë dje një vizitë në shtëpinë e emigrantit të vrarë nga grekërit, Vullnet Bytyçi. Rreth orës 13.00 të mesditës së djeshme, i shoqëruar nga shtabi i tij dhe ministri i Rendit Publik, Luan Rama, ai ka shprehur ngushëllimet në familjen e Bytyçëve. Ndonëse dialogu nuk ka qenë shumë intensiv, kryeministri Nano, i është drejtuar kryefamiljarit Mehdi Bytyçi: “I kam kërkuar autoriteteve të pushtetit lokal që të bëjnë bilancin e të gjitha nevojave emergjente që ka familja juaj dhe unë angazhohem, se brenda një kohe shumë të shkurtër, do t’i realizoj ato”. Ai ka vazhduar më tej se ka kontaktuar dhe me palën greke për të zbardhur rrethanat e ngjarjes. Kam folur në telefon me ministrin e Jashtëm grek, Papandreu. Ai më ka thënë që të të bëj shumë të fala dhe të kërkon ndjesë për incidentin e ndodhur në kufi”. I zhytur në trishtim, kryefamiljar Mehdi Bytyçi është shprehur se familja e tij kërkon vetëm drejtësi. “Djali im është nisur me një çantë të mbushur me bukë dhe nuk ka pasur armë. Unë dua që kësaj çështje t’i shkohet deri në fund dhe të zbardhet plotësisht”.