Pezullohet Bosnje-Hercegovina

[Al-Punk]

Bosnje-Hercegovina është pezulluar nga të gjitha aktivitetet e FIFA-s dhe UEFA-s për një periudhë të papërcaktuar. Vendimi është marrë pasi Asambleja e Përgjithshme e Federatës së futbollit të këtij vendi (FFBH/NSBiH) nuk përshtati statusin e saj sipas kërkesave të FIFA-s dhe UEFA-s. Komitetet ekzekutive të këtyre dy organizmave drejtues të futbollit i kishin lënë afat FFBH/NSBiH deri në datën 31 mars 2011 dhe paraditen e sotme kanë zyrtarizuar pezullimin.

Përfaqësueset dhe klubet e Bosnje-Hercegovinës nuk lejohen më të marrin pjesë në kompeticionet ndërkombëtare duke filluar që nga dita e sotme (1 prill 2011) deri në një njoftim tjetër të FIFA-s. Bosnje-Hercegovina ndodhet në grupin D së bashku me Shqipërinë. Pas këtij vendimi, të gjitha ndeshjet e luajtura deri tani nga Bosnja nuk do të merren në konsideratë. Gjithashtu edhe pikët e fituara ndaj kësaj kombëtareje do të ulen në renditjn e grupit D. Dy janë kombëtaret që do të kenë ulje pikësh nga ky vendim: Shqipëria do të ketë 1 pikë më pak në grup dhe Franca 3 pikë më pak.