Re: Persekutimi I Hebrenjeve Nga Serbet gjate luftes se II Boterore
Ketu me poshte eshte nje kenge popullore serbe çasni krsti (Reliket e Kryqit te Shenjte).
Aksioni fillon ne Tsarigrad (emri serbisht i Konstandinopojes), ne oborrin e perandorit Constantin i cili u kerkon apostujve Pjeter dhe Pal ku gjendet Kryqi i Shenjte. Apostujt i pergjigjen :
"O cari i madh Constantin !
Reliket tona të Kryqit janë në tokë çifute,
Tek Çifuti, car i mallkuar ;
Ngre, o car, tërë ushtrinë e krishterë,
E me të pushto tokën çifute,
Dhe shkretoje atë tokë.
Shkretoje dhe, me zjarr, digje,
Edhe kape carin çifut,
Dhe mundoje në tortura të rënda ;
Por i fortë është besimi i Çifutit,
Edhe cari do të vdesë nën tortura
Pa treguar [ku është] Kryqin ;
Dërgo pra, o car, ushtarë të egër
Në pallatin mbretëror
Për t'i marrë fëmijën carinës.
Ndiz pastaj dy zjarre kërcëllitës,
Vëre fëmijënEdhe midis dy zjarreve,
Që të fishkëllëje si gjarpër helmues ;
Dhe e ëma duke qenë e dhembshur
Dhe në merak për fëmijën e vet,
Carina do të tregojë [ku është] Kryqin."
Duke dëgjuar këto fjalë, cari
U shkruan katër anëve të botës,
Edhe mbledh gjithë ushtrinë e krishterë,
Dhe me këtë ushtri pushton tokën çifute,
Dhe e shkreton këtë tokë,
E shkreton dhe, me zjarr, e djeg,
Edhe kap carin çifut,
Edhe e mundon në tortura të rënda :
Ia thyen këmbët edhe krahët,
Ia shkul sytë edhe dhëmbët,
Edhe e lodh në tortura mizore ;
Por i fortë është besimi i Çifutit.
Edhe cari vdes nën tortura
Pa dashur për të treguar Kryqin !
Cari dërgon ushtarë të egër
Në pallatin mbretëror ;
Ato ia marrin fëmijën carinës,
Edhe ndezin dy zjarre kërcëllitës,
Edhe e vendosin fëmijën midis dy zjarreve.
Fëmija fëshkëllen si gjarpër helmues,
Atëherë Çifutja e mallkuar afrohet,
Afrohet dhe qan me lotë,
Puth dorën dhe rrobën e carit,
Tokën e zezë që ai shkel :
"O car i madh Constantin !
O tejet i nderuari car Constantin !
Largoje fëmijën tim nga zjarri,
Edhe unë do t'ju tregoj Kryqin."
Çifutja e mallkuar fillon të ngrihet,
Fillon e prapë nuk mundet !
Cari ndizet si një zjarr përvëlues :
"Afrojeni fëmijën tek zjarri !"
E ëma çifute dorëzohet dhe tregon vendin e relikave. Constantin gjen atëherë vendin e fshehtë. Duke iu shmangur një dredhie, ai njeh Kryqin e vërtetë midis kryqeve të ndryshme.
Shumë këngë e rrëfime të tjera popullore serbe flasin për "Çifutë të mallkuar" ; ato i akuzojnë ato si rrëmbyes fëmijësh të krishterë dhe për kanibalizëm, veçanërisht me rastin e dasmave.
Shkëputur nga "Le nettoyage éthnique" (Spastrimi etnik), përmbledhur nga Mirko Grmek, Marc Gjidara dhe Neven Simac (France)
