Partia e Punës së Shqipërisë - 2004
Partia e Punës e Shqipërisë ( PPSH ), si vazhdim i drejtëpërdrejtë i Partisë Komuniste të Shqipërisë ( PKSH ), është themeluar në Tiranë, më 8 nëntor 1941, nga komunistët shqiptarë me shokun Enver Hoxha në krye.
Partia e Punës e Shqipërisë ka meritën historike të organizimit, të udhëheqjes dhe të fitores së Luftës Antifashiste Nacionalçlirimtare të popullit shqiptar mbi pushtuesit nazifashistë dhe duke qenë në pushtet, për afro pesë dekada, edhe të arritjeve në ndërtimin e socializmit në Shqipëri, në kushtet e rrethimit të egër imperialisto- revizionist.
Përvoja e PPSH-së në ndërtimin e socializmit dhe në luftën kundër imperializmit, oportunizmit e revizionizmit modern përbën një kontribut të çmuar në zbatimin e filozofisë marksiste-leniniste dhe të praktikës së socializmit shkencor. Kjo përvojë angazhon komunistët shqiptarë për të parë thellë e më përgjegjësi shkaqet objektive e subjektive, të brendëshme e të jashtëme, që hapën rrugën e ndryshimeve kundërrevolucionare të dirigjuara nga Ramiz Alia dhe çuan në përmbysjen e socializmit në Shqipëri pas vdekjes së Enver Hoxhës.
PPSH udhëhiqet nga marksizëm-leninizmi, mësimet e Marksit, Engelsit, Leninit, Stalinit dhe Enver Hoxhës. Me veprimtaritë e saj ajo ka provuar se populli shqiptar, me komunistët në ballë, mund të mbështetet për zhvillimin e vendit, në radhë të parë, në forcat e brendëshme mendore e materiale, në bashkëveprim me faktorët pozitivë të jashtëm.
PPSH është forca e vetme politike revolucionare e vendit që lufton për interesat e klasës punëtore, të fshatarësisë e të masave të tjera punonjëse dhe mbron me konsekuencë historinë, kulturën, moralin, traditat përparimtare e revolucionare të popullit shqiptar, demokracinë popullore dhe vlerat e socializmit shkencor, të drejtat civile dhe sindikale. PPSH i çmon të papajtueshme interesat midis shfrytëzuesve dhe të shfrytëzuarve, është kundër çdo lloj shtypjeje e shfrytëzimi dhe e sheh socializmin të lidhur ngushtë me luftën klasore, me shtetin e punëtorëve dhe të fshatarëve, me demokracinë proletare, me mbrojtjen e lirisë dhe të pavarësisë së atdheut. Ajo është e vendosur në pikëpamjen e saj se strategjia e imperializmit kundër socializmit, siç thekson shoku Enver Hoxha, nuk ka ndryshuar dhe se socializmi nuk dështoi por u tradhëtua. Ka ndodhur vetëm një kthim mbrapa, një ndërprerje e përkohëshme në proçesin e zhvillimit revolucionar botëror. Është kapitalizmi rendi që e ka jetuar epokën e vet dhe ndodhet në fazën e tij të fundit-imperializëm, i cili, siç e ka thënë V. I. Lenini, është vigjilja e revolucionit socialist.
PPSH është pjesë e lëvizjes komuniste marksiste-leniniste botërore dhe jep kontributin e vet për organizimin e forcimin e saj, i përmbahet parimit të internacionalizmit proletar, të bashkëpunimit e solidaritetit ndërkombëtar dhe përmbush me konsekuencë detyrimet ndërkombëtare.
Qëllimi i afërt i PPSH-së është rivendosja e pushtetit popullor dhe ndërtimi i socializmit.
Qëllimi i fundit i saj është ndërtimi i shoqërisë komuniste.
--->>>> www.ppsh.org <<<<---
Partia e Punës e Shqipërisë ( PPSH ), si vazhdim i drejtëpërdrejtë i Partisë Komuniste të Shqipërisë ( PKSH ), është themeluar në Tiranë, më 8 nëntor 1941, nga komunistët shqiptarë me shokun Enver Hoxha në krye.
Partia e Punës e Shqipërisë ka meritën historike të organizimit, të udhëheqjes dhe të fitores së Luftës Antifashiste Nacionalçlirimtare të popullit shqiptar mbi pushtuesit nazifashistë dhe duke qenë në pushtet, për afro pesë dekada, edhe të arritjeve në ndërtimin e socializmit në Shqipëri, në kushtet e rrethimit të egër imperialisto- revizionist.
Përvoja e PPSH-së në ndërtimin e socializmit dhe në luftën kundër imperializmit, oportunizmit e revizionizmit modern përbën një kontribut të çmuar në zbatimin e filozofisë marksiste-leniniste dhe të praktikës së socializmit shkencor. Kjo përvojë angazhon komunistët shqiptarë për të parë thellë e më përgjegjësi shkaqet objektive e subjektive, të brendëshme e të jashtëme, që hapën rrugën e ndryshimeve kundërrevolucionare të dirigjuara nga Ramiz Alia dhe çuan në përmbysjen e socializmit në Shqipëri pas vdekjes së Enver Hoxhës.
PPSH udhëhiqet nga marksizëm-leninizmi, mësimet e Marksit, Engelsit, Leninit, Stalinit dhe Enver Hoxhës. Me veprimtaritë e saj ajo ka provuar se populli shqiptar, me komunistët në ballë, mund të mbështetet për zhvillimin e vendit, në radhë të parë, në forcat e brendëshme mendore e materiale, në bashkëveprim me faktorët pozitivë të jashtëm.
PPSH është forca e vetme politike revolucionare e vendit që lufton për interesat e klasës punëtore, të fshatarësisë e të masave të tjera punonjëse dhe mbron me konsekuencë historinë, kulturën, moralin, traditat përparimtare e revolucionare të popullit shqiptar, demokracinë popullore dhe vlerat e socializmit shkencor, të drejtat civile dhe sindikale. PPSH i çmon të papajtueshme interesat midis shfrytëzuesve dhe të shfrytëzuarve, është kundër çdo lloj shtypjeje e shfrytëzimi dhe e sheh socializmin të lidhur ngushtë me luftën klasore, me shtetin e punëtorëve dhe të fshatarëve, me demokracinë proletare, me mbrojtjen e lirisë dhe të pavarësisë së atdheut. Ajo është e vendosur në pikëpamjen e saj se strategjia e imperializmit kundër socializmit, siç thekson shoku Enver Hoxha, nuk ka ndryshuar dhe se socializmi nuk dështoi por u tradhëtua. Ka ndodhur vetëm një kthim mbrapa, një ndërprerje e përkohëshme në proçesin e zhvillimit revolucionar botëror. Është kapitalizmi rendi që e ka jetuar epokën e vet dhe ndodhet në fazën e tij të fundit-imperializëm, i cili, siç e ka thënë V. I. Lenini, është vigjilja e revolucionit socialist.
PPSH është pjesë e lëvizjes komuniste marksiste-leniniste botërore dhe jep kontributin e vet për organizimin e forcimin e saj, i përmbahet parimit të internacionalizmit proletar, të bashkëpunimit e solidaritetit ndërkombëtar dhe përmbush me konsekuencë detyrimet ndërkombëtare.
Qëllimi i afërt i PPSH-së është rivendosja e pushtetit popullor dhe ndërtimi i socializmit.
Qëllimi i fundit i saj është ndërtimi i shoqërisë komuniste.
--->>>> www.ppsh.org <<<<---
