Nje marins shqiptaro-amerikan vritet ne Falluxha

Nje marins shqiptaro-amerikan vritet ne Falluxha

30 Nentor 2004

Nje shqiptar ka mbetur i vrare nga luftimet e diteve te fundit ne Falluxha mes forcave amerikane dhe guerrilasve irakiane. Ushtari i vrare eshte shqiptaro-amerikani Gentian Zef Marku, nga Piraj i Lezhes, i cili sherbente ne kompanine "Bravo" te Batalionit te Pare te Marinsave ne Falluxha. Djali humbi jeten ne 25 nentor, ne Falluxha, kur nga luftimet per te marre nen kontroll qytetin rebel te Falluxhas ne Irak mbeten te vrare 10 trupa amerikane. Familja Marku ne SHBA, e ka mesuar tashme lajmin e hidhur per djalin e saj 22 vjecar. Familjaret jane ne pritje te mberritjes se trupit te djalit te vrare, per ta percjelle ate ne banesen e fundit. I kontaktuar me telefon nga news24, babai Gentianit, Zef Marku ende ne gjendje shoku, nuk mundej te fliste gjate per ngjarjen e hidhur. Ajo qe dihet, eshte se familja e tij u largua nga Lezha ne vitin 1997 dhe u vendos ne Warren, ne Michigan te SHBA. Deshira per tu bere marins, Gentianit iu nxit nga babai i tij Zefi, i cili ne Shqiperi kishte sherbyer si kapiten policie. Pas perfundimit te trainimit, ne gusht 2002 Gentian Marku caktohet ne kompanine amerikane Bravo, skuadra e trete. Para nje viti Gentiani mberriti ne Shqiperi bashke me 1 700 trupa te tjera amerikane per nje stervitje te perbashket me trupat shqiptare. Pati shume pak kohe per te takuar familjaret qe ka ne Lezhe, pasi pas stervitjes ne Shqiperi, trupat amerikane u nisen me nje mision tjeter. Gentian Marku eshte shqiptari i dyte qe vritet ne Irak, nen flamurin amerikan
 
Click to expand...
P

peson

Primus registratum
Re: Nje marins shqiptaro-amerikan vritet ne Falluxha

ngushellimet e mija familjes se tij
 
P

peson

Primus registratum
Re: Nje marins shqiptaro-amerikan vritet ne Falluxha

<span style="font-weight: bold">Shekulli” riboton të plotë rrëfimin e marinsit të vrarë, Gentian Markut, dhënë për gazetën në maj të vitit 2003</span>


<span style="font-style: italic">“Dua të kthehem një ditë në Shqipëri”</span>

Gentiani: Këtu të respektojnë më shumë kur nuk je amerikan, por i shërben deri në vdekje Amerikës

Aleksandra Bogdani

TIRANË- Theksi amerikan nuk ia ka ndryshuar aspak të folurën prej lezhiani, të vetmit marins shqiptar në Ushtrinë Amerikane. Gentian Marku, 21-vjeçari i rritur në qytetin e Lezhës, shkëputet nga miqtë e tij të grupit dhe na përshëndet në shqip. Është shumë i kënaqur që është rikthyer për pak ditë në vendin e tij, megjithëse nuk ka pasur ende kohë të takojë gjyshërit, axhat (siç u thotë ai xhaxhallarëve) dhe të afërmit e tjerë në Lezhë. “Ndoshta nesër do të kem kohë të shkëputem dhe të shkoj në shtëpinë time, ku kanë përgatitur një drekë për mua”,-thotë për “Shekullin” Gentiani. Kombësia e tij, por edhe fakti që Gentiani është një ushtar i vërtetë i ushtrisë amerikane kanë mjaftuar që ai të rikthehej në Shqipëri, për herë të parë pas emigrimit. Por tashmë, 21-vjeçari nga Lezha e ka realizuar ëndrrën e tij amerikane. Ai bën pjesë në nderin e ushtrisë amerikane, është një marins.
Emigrimi
“Gjashtë vjet më parë, im atë fitoi llotarinë amerikane. Ne u larguam nga Lezha dhe u vendosëm në Miçigan”,-fillon të tregojë historinë e tij Gentian Marku. Djaloshi, i cili asokohe ishte vetëm 15 vjeç, vazhdoi shkollën e mesme, ndërsa prindërit e tij punojnë sot e kësaj dite në fabrikë. Gjatë studimeve, Gentiani ka provuar të gjitha llojet e punëve, derisa vendosi të futej në Marinë. Në fakt, ëndrra e tij e ka zanafillën në profesionin e të atit. “Babai im, Zef Marku, ka qenë shef i Policisë Ushtarake në Lezhë dhe unë gjithnjë kam dashur t’i ngjaj atij”,-shton Gentiani. Ai tregon se pas katër vitesh shërbimi në Marinë, do të ketë mundësi të bëhet një oficer policie në Amerikë. Gentiani shton për “Shekullin” se ka pasur gjithnjë dëshirë të bëjë stërvitje dhe të ketë përgatitje të lartë fizike. Por guximi i tij u vu në provë vetëm gjatë testit për të hyrë në Marinë, test të cilin Marku e fitoi. “Doja të provoja se sa guxim kam dhe në fakt ia arrita qëllimit, pasi u pranova në Marinë”,-tregon Gentiani.
Misioni
“Gjatë shërbimit tim kam arritur të kuptoj se marinsat amerikanë kanë më shumë disiplinë dhe forcë, por edhe janë më të respektuarit në ushtrinë amerikane”,-shton Gentiani për “Shekullin”. Ai ka më shumë se 1 vit e gjysmë që bën stërvitje çdo ditë, por misioni më i rëndësishëm është ai në Irak. Grupi ku bën pjesë Gentiani ka qënë grupi i parë dhe i vetëm që ka mundur të hyjë në Mosul. “Ishte mision vërtet i vështirë, pasi ishte një luftë e vërtetë, por mua më ka pëlqyer”,-shton shqiptari i vetëm në Marinën Amerikane. Gentiani tregon se populli i Mosulit i ka pritur më mirë se ç’parashikohej, ushtarët amerikanë. “Fëmijët na përshëndesnin me duar, ndërsa të rriturit na ofronin shumë herë cigare”,-rrëfen për eksperiencën e tij në Irak, 21-vjeçari nga Lezha që banon në Miçigan. Marku shton se në ushtrinë amerikane është ndier i barabartë me marinsat e tjerë. Ai është pranuar menjëherë nga shokët e grupit, të cilët pas 1 viti e gjysmë i ka si vëllezër. Gentian Marku shprehet se atje të respektojnë më shumë nëse nuk je amerikan, por pranon t’i shërbesh deri në vdekje ushtrisë amerikane.
Rikthimi
Gentian Marku mezi pret të rikthehet në shtëpinë e tij në Lezhë, qoftë edhe për disa orë. Koha e shkurtër e qëndrimit në vendin e tij të lindjes dhe stërvitja intensive e kanë penguar atë të shkonte në Lezhë për t’u çmallur me të afërmit. Por këta të fundit nuk kanë mundur të presin gjatë. “Të afërmit e mi kanë ardhur në Rinas dhe më kanë takuar. Ata kanë përgatitur një drekë për mua, në ditët e fundit të qëndrimit në Shqipëri”,-shton Gentiani. Shton se largimi i tij në Shtetet e Bashkuara të Amerikës nuk është përfundimtar. “Në qoftë se këtu gjërat do shkojnë për mirë, unë do të kthehem. Ndoshta kur të plakem, por e di që një ditë do të kthehem në Shqipëri”,-përfundon marinsi amerikan, Gentian Marku.


01/12/2004
 
P

peson

Primus registratum
Re: Nje marins shqiptaro-amerikan vritet ne Falluxha

Vizitë në shtëpinë e Gentian Markut në Piraj të Lezhës, dyert e së cilës janë hapur për miqtë e të afërmit

Amaneti i Gentianit: “Dua të prehem në atdhe”

Marinsi i vetëm shqiptar, Gentian Marku, i kishte lënë amanet së motrës që ta varrosnin në Piraj të Lezhës

Kastriot Bushi

LEZHË- “Këtu kanë nisur luftime të ashpra. Unë rrezikohem seriozisht të mos kthehem gjallë në Amerikë. Por ti motër, më ruaj fort në zemër, ashtu siç po të ruaj unë. Ti dhe babi duhet të më dërgoni në Piraj. Aty kam lindur, aty dua që të më varrosni”. Ndrekë Marku, xhaxhai i marinsit shqiptar Gentian Marku, që dha jetën për SHBA-në në luftimet e ashpra në Falluxha të Irakut, tregon për “Shekullin” se ky është e-maili i fundit që Gentiani i ka dërguar motrës së tij, Anës. Prej katër ditësh, shtëpia e Gentian Markut, marinsit amerikan që dha jetën në Falluxha të Irakut, pret e përcjell të afërm, miq e bashkëfshatarë. Xhaxhai i tij, Ndrekë Marku, kujdeset për ceremoninë mortore, që zhvillohet në shtëpinë e vjetër të marinsit, në fshatin Piraj të Lezhës. Ka qënë babai i Gentianit, Zef Marku, që ka dhënë lajmin e hidhur me telefon për të afërmit e tij. Të pikëlluar për vdekjen e Gentianit, të afërmit e tij presin çdo ditë lajme nga Amerika, për ditën kur trupi i marinsit amerikan do të vijë në Shqipëri, ashtu siç e kishte lënë amanet Gentiani.
Telefonata e fundit
Xhaxhai i Gentit, Ndrekë Marku, shprehet se ka folur me nipin për herë të fundit, dy muaj më parë. “Por nga sa na kanë lajmëruar, ai komunikonte shpesh në internet me të motrën, Anën. Asaj i kishte shprehur parandjenjën se nuk do të kthehej gjallë dhe i kishte lënë amanetin e fundit: të varrosej në vendlindjen e tij, në Piraj”,-shton për “Shekullin” Ndrekë Marku.Ndreka shton se në bisedën e fundit me Gentianin, ky i fundit nuk i kishte shprehur ndonjë shqetësim. “Ai u shpreh shumë optimist, duke më thënë se rreth vetes kishte shokë e miq të mirë”,-rrëfen xhaxhai. Ndrekë Marku thotë me sinqeritet se në të vërtetë nuk e ka miratuar dëshirën e nipit të tij, për të qënë pjesë e Marinës Amerikane. “Ushtria është e tillë. Në çdo moment jeta është në pikëpyetje. Në fillim, Gentiani kishte dëshirë të kryente për dy vjet shkollën e marinsve, për t’u bërë më pas oficer policie. Gjatë shkollës filloi lufta në Irak, ndaj edhe ai u bë pjesëtar i këtyre forcave”,-shton xhaxhai i tij për “Shekullin”.
Takimi i fundit
Të afërmit e kanë takuar Gentianin për herë të fundit në maj të vitit të kaluar, gjatë stërvitjes së forcave amerikane në Durrës dhe Rinas. “Ne u çmallëm me të, pa e ditur se do të ishte hera e fundit që e shihnim”,-tregon xhaxhai i tij. Pas misionit të parë në Mosul, gjatë vitit 2003, Gentian Marku do të rikthehej në Irak, në qershor të vitit 2004. “Që prej kësaj kohe, Genti u vendos në Falluxha, së bashku me ushtarët e tjerë amerikanë. Gjatë kësaj kohe ai ka biseduar shpesh me ne dhe prindërit, por nuk tregonte asgjë për luftimet. Na thoshte gjithnjë se ishte mirë me shëndet”,-shton Ndrekë Marku. Ai tregon se Gentiani kishte lidhje shumë të ngushtë me motrën e vet, Anën, të cilës i tregonte gjithçka. “Fillimisht nuk donim ta besonim lajmin e vdekjes së tij, kur na mori në telefon Zefi. Por lufta këtë punë ka”,-përfundon me lot në sy, Ndrekë Marku.


01/12/2004
 
M

mostro

Putraku
Re: Nje marins shqiptaro-amerikan vritet ne Falluxha

&lt;img src=&quot;/pf/images/graemlins/frown.gif&quot; alt=&quot;&quot; /&gt; &lt;img src=&quot;/pf/images/graemlins/frown.gif&quot; alt=&quot;&quot; /&gt;
 
A

ados

Primus registratum
Re: Nje marins shqiptaro-amerikan vritet ne Falluxha

Zoti e prefte ne paqe shqiptarin marins qe u vra ne irak.!!
 
P

peson

Primus registratum
Re: Nje marins shqiptaro-amerikan vritet ne Falluxha

E Enjte, 02 Dhjetor 2004


AMBASADORJA RIS NGUSHELLON FAMILJEN E MARINSIT

Tirane - Gjate nje bisede telefonike me kryeministrin Nano, ambasadorja e SHBA-se ne Shqiperi, Marsi Ris (Marcie Ries), shprehu ngushellime per humbjen e jetes se djaloshit shqiptar, gjate luftimeve ne Irak. Znj.Ris diskutoi me z. Nano per bashkerendimin e veprimeve institucionale, ne nderim te marinsit te vrare, i cili dha jeten ne emer te lirise dhe demokracise
 
U

u74

Primus registratum
Re: Nje marins shqiptaro-amerikan vritet ne Falluxha

Zoti e bekofte shpirtin e tij .
 
P

peson

Primus registratum
Re: Nje marins shqiptaro-amerikan vritet ne Falluxha

Gentian Marku shpallet Dëshmor i Atdheut


A.Rama

TIRANE- Marinsi shqiptar Gentian Marku, i cili humbi jetën gjatë luftimeve në Irak, është shpallur dje Dëshmor i Atdheut. Sipas zëdhënësit Dalipi, Komiteti Ndërministror për Statusin e Dëshmorit me propozim të kryeministrit Fatos Nano, ka vendosur dje që 22 -vjeçari Marku nga fshati Piraj i Lezhës, të radhitet mes dëshmorëve të tjerë të vendit. Ndërkohë trupi i pajetë i marinsit shqiptar që u vra gjatë luftimeve në qytetin e Falluxhas nën flamurin amerikan, pritet të mbërrijë të hënën në atdhe. Autoritetet shtetërore në kontakt të vazhdueshëm me ambasadën amerikane, po marrin masat për zhvillimin e cermonisë mortore në vendlindjen e Gentian Markut, duke përmbushur amanetin e tij të fundit që të prehet në tokën mëmë. “Kryeministri, autoritetet e Ministrisë së Mbrojtjes kanë marrë kontaktet e duhura me përfaqësuesit e institucioneve përkatëse amerikane dhe pritet që në fillim të javës së ardhshme ndoshta ditën e hënë trupi i ushtarit Gentjan Marku do të vijë në atdhe shoqëruar nga dy marinsa të ushtrisë amerikane dhe do të bëhen të gjithë nderimet e duhura në vendlindjen e tij. Me propozim të kryeministrit komiteti përkatës e ka shpallur ushtarin Gentian Marku “Dëshmor të Atdheut””, -tha Dalipi. Gentian Marku është shqiptari i dytë që humb jetën gjatë luftimeve mes forcave amerikane dhe atyre irakiane. Ai ishte larguar në Amerikë me llotarinë amerikane në vitin 1998.


04/12/2004
 
A

antares

Primus registratum
Re: Nje marins shqiptaro-amerikan vritet ne Falluxha

Edhe une mendoja qe kusht per nje njeri per tu bere deshmor i atdheut te ishte qe te kishte humbur jeten ne atdhe!
Meqenese kur kercenohet dhe shkelet atdheu ne dyndemi mizeri te hiqemi si Kosovare dhe te kerkojme azil neper bote, atehere na ka mbetur qe deshmore te bejme mercenare apo njerez qe vriten duke masakrar civile ne .......Falluja!
Hane Shan hane Bagdad!
Sa turp!
 
Kondrapedali

Kondrapedali

Kondrapedali
Re: Nje marins shqiptaro-amerikan vritet ne Falluxha

Faktikisht nuk qëndron fakti që Gentjan Marku të bëhet Dëshmor i Atdheut pasi ai nuk e dha jetën për atdheun
shrug.gif
. Fakti që ai u vra në Irak si amerikan nuk do të thotë që ai meriton më shumë mirënjohje apo respekt se një polic apo ushtarak shqiptar që vritet në krye të detyrës në Atdhe! Kryeministri Nano, para se të lëpijë menderen e Bushit të mendojë për nënshtetasit e tij në Atdhe!
Edhe njëherë, U preftë në paqe shpirti i Gentjan Markut (gjë që fatkeqësisht nuk po ndodh)
 
A

antares

Primus registratum
Re: Nje marins shqiptaro-amerikan vritet ne Falluxha

Nuk do bente keq bythelepiresi Nano qe tu krijonte lehtesira familjeve te policeve te vrare ne krye te detyres ne Shqiperi (pensione etj)!
Une bile edhe nje polic te vrare ne krye te detyres nuk do ta konsideroja Deshmor te Atdheut, po do ta dekoroja me medalje te tjera te pershtatshme per keto rrethana!
E ci mbetet Mujo Ulqinakut apo Oso Kukes? Keta deshmore po kthehen permbys ne varret e tyre kur marrin vesh gjera te tilla! Sa poshte kemi rene!
 
U

u74

Primus registratum
Re: Nje marins shqiptaro-amerikan vritet ne Falluxha

Gentian Marku u lind ne Shqiperi, dhe kur e parandjeu vdekjen iu kujtua prap Shqiperia . Amaneti i tije per tu varrosur ne vendin ku lindi
e verteton kete me se miri .

Ai nuk kerkoi te varroset ne vendin ku i joton babai ,nena dhe motra. Ne ate vend ku ai kaloi adolishencen dhe u rrit ,ne ate vend ku kaloi ditet me te bukra te jetes se tije .

Ai djale vullnetarisht hyri ne ushtrine amerikane duke lene menjane komoditetet qe i kishte siguruar po ne ate vend dhe qe shume te tjere i enderrojne.Ai djale kishte gjithcka per te humbur : jeten, prinderit, motren,te dashuren ,shoket ,xhaxhallaret dhe te afermit ne Shqiperi.Ai djale edhe ne ditet kur e ndiente fundin tragjik te jetes se tije nuk braktisi Ameriken, por nuk harroi as Shqiperine .

Ai djale luftoi dhe dha jeten per ato ideale qe bashkojne shqiptaret ,amerikanet dhe miliona te tjere ne mbare boten .

Gentian Markun nuk e la zemra pas dekadave me disiluzione dhe pa pas kurre kurajon te ballafaqohet me ndergjegjen e tije .
Ai e dinte shume mire nga vinte, kush eshte dhe c'fare kerkonte .Per keto u perpoq dhe qendroi.
Ai vdiq burre .
 
P

peson

Primus registratum
Re: Nje marins shqiptaro-amerikan vritet ne Falluxha

Përcillet për në banesën e fundit marinsi Gentian Marku që u vra në Irak. Dhimbje dhe lot për 22-vjeçarin

Babai i marinsit: Çova në fund amanetin e tim biri


Shekulli

LEZHË- Dikush atje mes vajit në vendlindjen e Gentit në fshatin Piraj të rrethit të Lezhës, tha se ai vdiq si Krishti, për lirinë e të tjerëve, për lirinë e të gjithë ne. Marinsi 22-vjeçar, Gentian Marku, që humbi jetën 10 ditë më parë në Irak, është përcjellë dje për në banesën e fundit, në fshatin e tij të lindjes, ashtu siç e kishte lënë amanet para se të ndërronte jetë. “Djalin tim Gentianin nuk e ndihmova, vetëm i zbatova amanetin. I çova deri në fund dëshirën për t’u prehur në vendlindje”. -Vetëm kaq ka mundur të thotë mes dëshpërimit babai i Gentit, Zefi, duke falenderuar me zemër të thyer, ashtu siç u shpreh ai, të gjithë të pranishmit në ceremoninë mortore. Zefi ka mundur të japë dhe mesazhin që fatin e familjes tij, mos e pastë asnjeri.

Tek shtëpia, lot, vaje dhe elegji…
Arkivoli i marinsit shqiptar, të inkuadruar në trupat amerikane i mbuluar me dy flamujt e vendeve, rrethohej nga të afërmit e tij, të cilët vajtonin humbjen e 22-vjeçarit. Ndihej dhimbje në ato momente por vargjet elegjiake përcillnin në anën tjetër të dhimbjes dhe krenarinë për këtë bir të denjë të fshatit. Njerëzit e mbledhur përreth tij, rrëfenin histori nga jeta me Gentianin. Preng Tarazhi, nga Mirdita, kishte ardhur enkas nga Amerika, ku banon. E njihte Gentin prej pesë vitesh. “Ishte djalë shumë i mbarë dhe i dashur. Pjekuria nuk ia tregonte moshën. Më ka mbajtur djalin në kishë dhe i ka vënë emrin Alban, ndaj nuk mund të rrija pa ardhur. Djali e ka patur pikë të dobët Gentin, nunin e tij. Nuk ia kemi treguar vdekjen e tij. Ai e priste me padurim të kthehej nga lufta në Irak”, thotë mes lotëve Prenga. “I është dhimbë gjithë fshatit”,- thotë një banor i moshuar. Arkivoli me trupin e pajetë të marinsit është sjellë mbrëmjen e dy ditëve më parë nga Rinasi në Piraj, i shoqëruar nga një vargan makinash. Sipas zakonit të kësaj ane Genti “ka fjetur” në gjirin e familjes për herë të fundit. Gjyshi i tij ka derdhur lot të pafund. E ka rritur vetë dhe Genti kishte dashur shumë të rrinte pranë gjyshit, edhe pse babai, nëna dhe motra e tij jetonin në Lezhë. Xhaxhai i Gentit, tregon mes lotëve se shtëpia jonë ka qenë e hapur prej ditësh, dhe mortja ka nisur që kur u mësua lajmi i kobshëm për humbjen e djalit të vetëm të Zefit. Qindra e mijëra njerëz nga ana e anës kanë hyrë e dalë nga kjo derë, ku kanë ardhur të shprehin ngushëllimet e tyre. Ndërsa dje në ceremoninë mortore kanë qënë të pranishëm dhe ministri i Mbrojtjes Pandeli Majko, deputetët Preç Zogaj, Pal Dajci, Nikollë Lesi, Edi Paloka e të tjerë, përfaqësues të Ambasadës Amerikane dhe një grup marinsash amerikanë që kanë shoqëruar arkivolin e Gentian Markut që nga Amerika.

Mesha për Gentianin dhe ceremonia mortore
Në kishën e Pirajve është zhvilluar një meshë kushtuar Dëshmorit Gentian Marku. Ipeshkvi i dioqezës së Lezhës, Dom Dod Gjergji tha se sot kur celebrojmë meshën për Gentianin, këtë bir të Krishtit, festojmë festën e të ngjizunit të Krishtit, ose Zoja e Papërlyer, qysh e quajmë në traditën e kishës. Ne i dhurojmë Gentianit lutjet tona, zërin e shpirtit tone…” Është punë e madhe kur dikush e jep jetën e vet për të tjerët, sepse edhe Krishti, thoshte nuk ka dashuri më të madhe se kur dikush e jep jetën për ty. Dhe Gentiani e ka dhënë jetën për të tjerët. Për familjen e Gentit është një humbje e madhe, por në zakonet tona shqiptare nuk ka dashuri më të madhe, dhuratë më të madhe kur dikush është i gatshëm të japë djalin”,- tha më tej Ipeshkvi i dioqezës së Lezhës. Njerëzit e pranishëm në meshë u lutën për shpirtin e Gentit. Arkivoli me trupin e tij, simbolikisht ishte i qarkuar nga fjala Paqe, një pëllumb i bardhë në mes, kurora të shumta, për t’u përcjellë më pas në varrezat e fshatit, ku u kryen të gjitha ritet mortore sipas zakonit. Arkivoli u mbart nga bashkëfshatarë, nga trupat komando, por dhe marinsat amerikanë, të cilët gjatë gjithë ceremonisë bënë roje nderi. Një batare pushkësh shoqëruan lamtumirën e fundit. Duar të shumta hodhën dhe mbi birin e fshatit, ndërsa më pas dhjetëra kurora me lule, mbuluan vendin ku u preh Dëshmori më i ri i Atdheut.

Ministri Majko
Ministri i Mbrojtjes, Pandeli Majko, duke shprehur ngushëllimet e sinqerta për familjarët tha dhe se “midis kësaj dhimbjeje, që është më shumë se një dhimbje, në këtë humbje që është më shumë se një humbje, në këtë vdekje që është më shumë se një vdekje, ripërsëris atë që tha dhe përfaqësuesi i kishës, bekimin për Gentianin, i cili mund të kishte vdekur si gjithë të tjerët por me atë amanet për t’u kthyer tek dheu i të parëve. Ai nuk iku si gjithë të tjerët, prandaj jemi të gjithë këtu sot, jo vetëm për ta përcjellë, por dhe për ta falenderuar Gentianin, që në këtë vdekje na mësoi shumë gjëra të tjera, të cilat mendonim se na ishin bërë të mjegullta….”, tha Majko


09/12/2004
KATEGORIA: Kronikë nga rrethet
 
P

peson

Primus registratum
Re: Nje marins shqiptaro-amerikan vritet ne Falluxha

Marinsi amerikan: Djali juaj ishte një hero


Gjergj Marku

Marinisi amerikan, kapiten Forrest Hoover, që kishte ardhur në Shqipëri për të përcjellë marinsin e vrarë në Irak ka dhënë dje një intervistë ekskluzive për “Shekull-in”.
Keni ardhur nga Amerika për të shoqëruar një djalë shqiptar, që ishte marins në radhët e ushtrisë amerikane, mbresat?
Është nder, por dhe detyrë e jona të respektojmë trupin e marinsit, që sot është i veshur në dy flamujt tanë kombëtarë, shqiptar dhe amerikan. Jam shumë i emocionuar nga kjo pritje e paparë për mua.
Për ju Genti ishte një amerikan i mirë?
Kam qenë me Gentin për pesë ditë dhe gjatë kësaj kohe e mësova shumë shpejt se Genti ka qenë njeri shumë i mirë dhe një marins i shkëlqyer. Luftoi për të mirën e të gjithëve.
Për herë të parë vini në Shqipëri?
Po, për herë të parë, por edhe pse kam dy ditë këtu, mësova shumë gjëra, për nderimin që u bëhet ushtarëve tanë, që luftojnë nën flamurin amerikan.
Emocionet tuaja për pritjen e bërë marinsit?
Kam qenë në disa funerale gjatë gjithë jetës sime, por ky ka qenë vërtet madhështor dhe i prekshëm. Shumë njerëzor dhe krenar njëkohësisht.
Çfarë do t’i përcillnit si mesazh familjes së Gentit?
(Në këto momente katër marinsave amerikane dhe shoqëruesit, mjekut Kola, u rrjedhin nga qerpikët disa pikëza loti), ndërsa kapiten Hoover përgjigjet: Kur të shoh babain e Gentit, do t’i them se djali juaj ishte një hero!


09/12/2004
 
You must log in or register to reply here.
Top