Re: Nano takon Bush - shqiperia ne Nato me 2007
E Merkure, 31 Mars 2004
BUSH ANULLON TAKIMIN E PARALAJMERUAR NGA NANO
Nuk besojme se ka shqiptar qe te mos gezohet per hapat qe ben Shqiperia drejt afrimit me standardet demokratike te vendeve perendimore. Edhe lajmi qe Shqiperia, Kroacia e Maqedonia jane afer pranimit te tyre ne NATO, eshte nje lajm qe gezon gjithe shqiptaret kudo qe ata ndodhen. Kjo eshte njera ane dhe me kryesore e problemit. Porse opinioni publik ishte fryre dhe mashtruar tej mase jo nga thelbi, por nga "levozhga". Para nisjes Nano kishte lene te kuptohej se do te pritej me gjemime topash ne Shtepine e Bardhe per ndihmen qe i dha Bushit per Irakun. Por Nano harron se ne Shqiperi pozite-opozite jane proamerikane.
Kryeministri i Shqiperise mori me vete gazetare te shumte, te cilet do te jepnin momentin kur Presidenti Bush do te dilte per ta pritur me lule. Nano nuk harroi te merrte biznesmenet e pagimit te faturave qejfopaguese sa here ai kapercen kufirin. Mori edhe Xhoanen, e cila pelqen kostumet e modes se fundit, te cilat kushtojne nga 10-18 mije dollare. Gjate gjithe ketyre diteve, disa media servile, ne vend qe te gezoheshin per afrimin e Shqiperise ne NATO, e devijuan gjithe problemin ne te ashtuquajturin "takimi koke me koke Nano-Bush". Natyrisht, ashtu ishin porositur nga stafi nanoist. Nje "telelajm" njoftonte paraprakisht me buje se Nano do te pritej nga Bushi per nje ore ne nje takim "koke me koke"! Nje tjeter gazete me ngjyra, njoftonte si me korrier per nje jave rresht lajme te takimit historik Nano-Bush. Media te tjera, sic duket te blera "per nje kacidhe", vazhduan tere keto dite te frynin tullumbacen kryeministrore permes lajmeve qe merrnin jo nga gazetaret, porse nga pronaret e tyre, te cilet marrin tendera dhe prona nga kryeministri. Te gjithe e fryne viziten e Nanos ne Uashington, sikur Presidenti Bush do te priste ne nje takim te vecante kryeministrin shqiptar, Fatos Nano. Edhe vete Nano, qe i kishte perhapur fjalet para takimit, ishte i bindur se Presidenti Amerikan do t'i kushtonte nje takim te vecante. Por, sic u pa dhe sic shikohet edhe nga e vetmja fotografi qe ka derguar kryeministria, zoti Nano eshte pare ne Kopshtin e Shtepise se Bardhe mes nje numri te madh te ftuarish. Me pas, ne nje cep tavoline me shume te tjere, ku ndodhej edhe Presidenti amerikan. Por takim koke me koke apo diku ne korridore nuk eshte bere. Te pakten deri mbreme nuk na e konfirmoi asnje zyre shteterore apo e ambasades amerikane ne Tirane. Nese do te ishte bere, nuk do te vononte TVSH-ja e Zhejit ta jepte ore e cast, dite-nate. Takim koke me koke quhet fjala vjen takimi qe ka bere ish-presidenti amerikan Klinton me ish-kryeministrin Majko apo me e vecante dhe me zyrtare mbetet takimi Bush-Berisha dhe Bush-Meta. Ndersa "takimi" i Nanos me Bushin eshte sic thote nje fjale e urte popullore "njatjeta ju 7 kryeministra qe u futet ne NATO, njatjeta edhe ju te tjeret!". Tek "te tjeret" futet edhe kryeministri shqiptar. Megjithate lajmet qe vinin nga Uashingtoni nuk qene te mira per zyren kryeministrore. Por ehe per mediat e blera, te cilat lane per gjithe naten gazetaret roje prane kompjuterave ne pritje te nje fotografie apo lajmi per "takimin koke me koke" Nano-Bush! Vetem dje pasdite arriti me ne fund nga kompjuterat e keshilltareve te Nanos nje foto e madhe, ne nje tavoline ku merrnin pjese kryeministrat e shtate vendeve anetare dhe tre vendeve kandidate per ne NATO, ku ben pjese edhe Shqiperia.
Sigurisht, ne nuk gezohemi per kete fakt. Ne na vjen keq ku e ka cuar imazhin e Shqiperise zoti Nano, aq sa hyn ne Kopshtin e Shtepise se Bardhe dhe nuk e pret Presidenti Bush. Amerikanet e studiojne cdo levizje, cdo berje apo jo te fotografise me Presidentin e tyre. Ata e dine se c'bejne, ndaj drejtojne Boten. Ata nuk duan qe ndjenjat dominuese shqiptare anti-Nano te kalonin ne antiamerikane. Kesisoj, ata i bene nje "nder" zotit Nano, duke e futur vetem ne Kopshtin e Shtepise se Bardhe. Por me kaq. Nuk mund te pranojne ata shkeljen e parimeve te Demokracise. Ata mbeshtesin popullin shqiptar dhe jo personat. Shtepia e Bardhe, kur don te te respektoje deri ne fund, te pret te pakten per minimumi dy minuta Presidenti. Mjafton te kujtojme ketu se ish-Presidenti i SHBA, Xhorxh Bush "i vjetri) ka pritur zyrtarisht ish-presidentin Berisha. Presidenti Klinton eshte takuar me ish-presidentin Meidani dhe ish-kryeministrin Majko. Presidenti Xhorxh E. Bush ka pritur ish-kryeministrin Meta. Bile takimi Bush-Meta ka zgjatur jashte cdo parashikimi. Fotografite e takimit u nxoren ne cast e jo sic thonin mbreme nga zyra e shtypit e kryeministrit Nano ne Tirane se "nuk jane lare akoma fotografite e takimit Nano-Bush"! Hajde c'logjike e genjeshter! A thua se Amerika vuan per laboratore per te lare fotografite. Amerika po shkon ne planetin Mars. Kur pyetej zyra e shtypit e kryeministrit dje se "a eshte bere takimi koke me koke me Presidentin Bush?" te thonin jo pa humor, se "takimi ka qene sekret dhe ruhet konfidencialiteti"! A thua se Nano eshte Toni Bler apo Shirak!
Natyrisht, fakti qe Presidenti Bush nuk e priti kryeministrin shqiptar, te pakten ne nje takim qofte kortezie, vetem per vetem, tregon se amerikanet kane verejtje dhe pikepyetje te shumta per politiken shqiptare. Para nisjes mediat pro-Nanos dhe vete Nano ishin karikuar se do ta priste me nderim te vecante Presidenti Bush, do te benin fotografi bashke, do te pinin kafene bashkerisht. Por asnje nga keto nuk ndodhi. Jo per fajin e Shtepise se Bardhe, porse "bardhesia" e kryeministrit tone eshte bere njolle e zeze ne tere Europen.
Re.Po.
