Re: Metoda sasiore dhe cilesore ne psikologji
Si te sillemi me njerezit
Lerini te tjeret te flasin
Kur duam t'u mbushim mendjen të tjerëve e t'i bindim për mendimet tona, kemi maninë për të folur shumë. Përkundrazi është mirë që të lëmë të tjerët të flasin. Është e natyrshme që ata dinë më shumë për punët dhe problemet e tyre nga sa mund të dimë ne. Prandaj më mirë t'u bëjmë atyre pyetje. T'i lëmë ata të flasin. Nëse nuk jemi dakord me ta, do të kemi tundimin t'i ndërpresim. Kjo është një gjë që nuk duhet bërë. Është e rrezikshme. Nëse kanë akoma një thes me gjëra për të thënë, nuk mund t'i bëjmë aspak të dëgjojnë. Është më mirë të dëgjojmë në mënyrë të vëmendshme me mirësjellje. Duhet të jemi të sinqertë dhe të nxisim bashkëbiseduesin të shprehë mendimet e veta në mënyrë të hapur. A është një sistem i nevojshëm ky në marrëdhëniet e punës?
Mos u zemeroni per asgje
Mendoni se bashkëbiseduesi juaj edhe mund të ketë gabuar rëndë, por është i bindur për të kundërtën. Mos e dënoni për këtë mendjelehtësi, si të gjithë budallenjtë do të ishin të aftë të vepronin kështu. Përpiquni ta kuptoni. Vetëm njerëzit e urtë, tolerantë dhe jo të zakonshëm ia arrijnë kësaj. Është gjithmonë një motiv që i bën të tjerët të sillen në një farë mënyre. Zbulojeni këtë motiv dhe do të keni në dorë çelësin e sjelljes së tyre, për të mos thënë edhe çelësin e personalitetit të tyre. Përpiquni ndershmërisht t'i merrni seriozisht shqetësimet e bashkëbiseduesit tuaj. Pyeteni veten: Po të isha unë në kushtet e tij si do ndjehesha? Si do veproja? Dhe do të shmangnit humbjen e kohës duke u zemëruar për asgjë, sepse duke u interesuar për çështjen, paraqet më pak kundërshtim në pasojat. Ndërkaq do të bëheshit më të aftë në fushën e marrdhënieve njerëzore.
mendimet spontane jane me te besueshme
A nuk e besoni që na duhet t'u japim më shumë besim mendimeve që lindin spontanisht se sa atyre paragjykimeve që na servilen të gatuara mbi një pjatë argjendi? Dhe, po qe se gjërat janë kështu, a nuk është më urtësi të hedhim atje ndonjë këshillim të matur dhe pastaj tua lëmë detyrën të nxjerrin përfundimet?... Askujt nuk i pëlqen të ndjehet i detyruar të bëjë diçka. Dëshirojmë të besojmë se e kemi blerë një gjë të caktuar apo e kemi bërë një gjë tjetër me vullnetin tonë. Na pëlqen të dëgjojmë të na pyesin se çfarë dëshirojmë, cc'mendojmë dhe çfarë presim? Njëzet e pesë shekuj më parë Lao-Tse, filozof kinez, shkroi gjëra të cilat edhe lexuesi i sotëm mund t'i vlerësojë si thesare. "Arsyeja për të cilën lumenjtë dhe detet marrin dhuratë ujërat e qindra burimeve malore, qëndron në faktin se lumenjtë dhe detrat ndodhen më poshtë se malet. Kështu ato mund të mbretërojnë mbi përrenjtë malorë. Prandaj i mençuri, i cili dëshiron të vihet mbi njerëzit, ata nuk e ndiejnë peshin e tij; edhe pse vendi i tij është përpara të gjithëve, ata nuk ndjehen të ofenduar.
njerezit kane uri per mirekuptimin tuaj
A nuk do të ishte e bukur sikur të njihnin një formulë magjike që ka fuqinë t'i japë fund çdo diskutimi, që bën të lindë mirëkuptimi reciprok dhe t'i bindë të tjerët të na dëgjojnë me vëmendje? Po? Mirë. Atëherë filloni duke thënë: - "Nuk të qortoj nëse mendon kështu. Përkundrazi, edhe unë po të isha në vendin tënd besoj se do bëja të njëjtën gjë". Përballë një përgjigje të tillë edhe ariu më i tmerrshëm në botë do të bëhej qengj. Dhe shikoni se nuk është fjala për një gënjeshtër. Në fakt po të ishit ju vërtetë në vend të tjetrit , do të silleshit si ai. Po të kishit trupin, karakterin dhe mendjen e Al Kapones, po të kishit jetuar në të njëjtin ambient, ndoshta do të ishit tamam si ai dhe do të kishit bërë si ai. E vetmja arsye që nuk jeni gjarpër me zile është se nëna dhe babai juaj nuk ishin gjarpërinj me zile. Nuk është merita juaj se jeni ai që jeni. Dhe mbani mend se njerëzit që zemërohen e tërbohen nga ju nuk kanë asnjë faj që janë ata që janë. Mundohuni t'i kuptoni; tre të katërtat e personave që takoni, zakonisht kanë uri dhe etje për mirëkuptimin tuaj.
Si ta bindni tjetrin te mbeshtese bindjet tuaja
Parimi 1.
Mënyra më e mirë për të marrë përfitimin më të madh nga një diskutim është shmangia.
Parimi 2.
Tregoni respekt për bindjet e të tjerëve. Mos thoni kurrë: - "ju keni gabuar".
Parimi 3.
Po të keni gabuar, pranojeni menjëherë dhe pa asnjë mëdyshje.
Parimi 4.
Filloni gjithmonë duke u treguar miqësorë.
Parimi 5.
Veproni në mënyrë që bashkëbiseduesi juaj të nxitet të thotë "PO" që në fillim.
Parimi 6.
Lërini bashkëbiseduesit tuaj të flasin sa të dëshirojnë.
Parimi 7.
Jepuni të tjerëve përshtypjen se kanë qenë ata të parët që kanë pasur mendimin e drejtë.
Parimi 8.
Kërkoni ndershmërisht t'i shikoni gjërat nga këndvështrimi i bashkëbiseduesit tuaj.
Parimi 9.
Jini mirëkuptues përballë bindjeve dhe dëshirave të të tjerëve.
Parimi 10.
Bëjuni thirrje motiveve më fisnike.
Parimi 11.
Dramatizojini bindjet tuaja.
Parimi 12.
Vërini përpara një sfidë.
