Kujdes nga mashtruesit !
Te qytetarët ka mbërritur një zarf ku thuhej se jeni fitues të llotarisë “El Gordo de la Primitiva”
<span style="font-weight: bold">Spanjollët mashtrojnë shqiptarët</span>
Ambasada në Madrid: Eshtë “lojë” e rrjeteve mafioze
I nderuar qytetar shqiptar, ju keni fituar 180000 euro nga llotaria <span style="font-weight: bold">”El Gordo de la Primitiva”</span>! Kjo është një përgjigje e lumtur që nga fukara, një ditë të bukur, mund të të shndërrojë në milioner.
Por sikur të ishte kështu. ”Shumë prej familjeve shqiptare janë mashtruar nga shuma marramendëse që iu ofron kjo llotari spanjolle, më se e panjohur për to”. Kështu ka pohuar ambasadorja shqiptare, Anila Bitri, në një relacion dërguar Ministrisë së Jashtme të Shqipërisë. Sipas saj, ”llotari” të tilla organizohen nga falsifikues, pjesëtarë të rrjeteve mafioze ndërkombëtare, të cilët kanë për qëllim t’u shkëpusin sa më shumë para ”fituesve” të dehur nga çmimet që u premtojnë.
Ndërkohë, shumë nga qytetarët kanë ardhur në redaksinë e gazetës ”Panorama”, dhe kanë shprehur çudinë që iu kishte ndodhur prej disa ditësh. Ata shpjegojnë se kur kishte mbërritur letra, nëpërmjet postës me adresë të saktë, kishin mbetur të shtangur që papritur dhe pa menduar ishin bërë milionerë. Ata po aq sa janë gëzuar edhe janë trembur, pasi përsëri nuk e kanë bërë dot lidhjen se si kjo llotari nga Spanja kishte mundur t’i identifikonte ata në mënyrë kaq të saktë. Ekzistenca e këtyre letrave në të cilat thuhej se ”jeni bërë milioner, kundrejt një pagese”,ka vënë në lëvizje punonjës të ndryshëm të Ministrisë sonë të Punëve të Jashtme. Edhe ata, të habitur kanë kërkuar menjëherë kontakt me ambasadën shqiptare në Spanjë, për t’u siguruar, nëse ekziston ose jo kjo llotari, që çoroditi dhjetëra qytetarë.
Përgjigjja e ambasadores
Që të fitosh në një llotari, pikësëpari, duhet të luash. Kështu, shkruhet në relacionin e ambasadores Bitri. Gazeta ”Panorama” ka arritur të sigurojë të gjithë relacionin që ka mbërritur në Ministrinë e Punëve të Jashtme në lidhje me këtë çështje. ”Qytetarë të ndryshëm shqiptarë nga Shqipëria dhe vendet e tjera ku ka emigracion shqiptar janë vënë në kontakt me ambasadën që unë përfaqësoj, duke kërkuar ndihmë për të marrë çmimet”, shkruhet në fillim të relacionit. Lidhur me këtë ambasadorja Bitri ka kontaktuar me koordinatorin kombëtar të Lojërave të Fatit pranë Ministrisë së Brendshme të Spanjës, i cili i ka komunikuar se shteti spanjoll nuk organizon lojëra fati në internet. Sipaj tij, organizimi dhe kontrolli i të gjitha llotarive që luhen në Spanjë bëhet vetëm nga shteti, pra nga ky lloj aktiviteti janë të përjashtuar me ligj individët ose shoqëritë e ndryshme. Përveç kësaj, edhe fakti që asnjëri nga fituesit nuk ka luajtur në këtë llotari, të bën të dyshosh se si është e mundur të fitosh pa luajtur. Pas shqetësimit të ngritur nga shumë qytetarë gazeta ”Panorama”, bëri disa verifikime dhe konstatoi se e gjithë kjo ishte një mashtrim. Ndërkohë, adresa e kësaj llotarie shfaqet akoma në internet.
Faqe 15 - Aktualitet, nga Laureta Rryçi
30 Prill 2004 Gazeta Panorama
Te qytetarët ka mbërritur një zarf ku thuhej se jeni fitues të llotarisë “El Gordo de la Primitiva”
<span style="font-weight: bold">Spanjollët mashtrojnë shqiptarët</span>
Ambasada në Madrid: Eshtë “lojë” e rrjeteve mafioze
I nderuar qytetar shqiptar, ju keni fituar 180000 euro nga llotaria <span style="font-weight: bold">”El Gordo de la Primitiva”</span>! Kjo është një përgjigje e lumtur që nga fukara, një ditë të bukur, mund të të shndërrojë në milioner.
Por sikur të ishte kështu. ”Shumë prej familjeve shqiptare janë mashtruar nga shuma marramendëse që iu ofron kjo llotari spanjolle, më se e panjohur për to”. Kështu ka pohuar ambasadorja shqiptare, Anila Bitri, në një relacion dërguar Ministrisë së Jashtme të Shqipërisë. Sipas saj, ”llotari” të tilla organizohen nga falsifikues, pjesëtarë të rrjeteve mafioze ndërkombëtare, të cilët kanë për qëllim t’u shkëpusin sa më shumë para ”fituesve” të dehur nga çmimet që u premtojnë.
Ndërkohë, shumë nga qytetarët kanë ardhur në redaksinë e gazetës ”Panorama”, dhe kanë shprehur çudinë që iu kishte ndodhur prej disa ditësh. Ata shpjegojnë se kur kishte mbërritur letra, nëpërmjet postës me adresë të saktë, kishin mbetur të shtangur që papritur dhe pa menduar ishin bërë milionerë. Ata po aq sa janë gëzuar edhe janë trembur, pasi përsëri nuk e kanë bërë dot lidhjen se si kjo llotari nga Spanja kishte mundur t’i identifikonte ata në mënyrë kaq të saktë. Ekzistenca e këtyre letrave në të cilat thuhej se ”jeni bërë milioner, kundrejt një pagese”,ka vënë në lëvizje punonjës të ndryshëm të Ministrisë sonë të Punëve të Jashtme. Edhe ata, të habitur kanë kërkuar menjëherë kontakt me ambasadën shqiptare në Spanjë, për t’u siguruar, nëse ekziston ose jo kjo llotari, që çoroditi dhjetëra qytetarë.
Përgjigjja e ambasadores
Që të fitosh në një llotari, pikësëpari, duhet të luash. Kështu, shkruhet në relacionin e ambasadores Bitri. Gazeta ”Panorama” ka arritur të sigurojë të gjithë relacionin që ka mbërritur në Ministrinë e Punëve të Jashtme në lidhje me këtë çështje. ”Qytetarë të ndryshëm shqiptarë nga Shqipëria dhe vendet e tjera ku ka emigracion shqiptar janë vënë në kontakt me ambasadën që unë përfaqësoj, duke kërkuar ndihmë për të marrë çmimet”, shkruhet në fillim të relacionit. Lidhur me këtë ambasadorja Bitri ka kontaktuar me koordinatorin kombëtar të Lojërave të Fatit pranë Ministrisë së Brendshme të Spanjës, i cili i ka komunikuar se shteti spanjoll nuk organizon lojëra fati në internet. Sipaj tij, organizimi dhe kontrolli i të gjitha llotarive që luhen në Spanjë bëhet vetëm nga shteti, pra nga ky lloj aktiviteti janë të përjashtuar me ligj individët ose shoqëritë e ndryshme. Përveç kësaj, edhe fakti që asnjëri nga fituesit nuk ka luajtur në këtë llotari, të bën të dyshosh se si është e mundur të fitosh pa luajtur. Pas shqetësimit të ngritur nga shumë qytetarë gazeta ”Panorama”, bëri disa verifikime dhe konstatoi se e gjithë kjo ishte një mashtrim. Ndërkohë, adresa e kësaj llotarie shfaqet akoma në internet.
Faqe 15 - Aktualitet, nga Laureta Rryçi
30 Prill 2004 Gazeta Panorama
