Martin Gora
Primus registratum
Re: Ku e ka mbeshtetjne e vertete Fatos Nano?
Prit se ka edhe nje ane tjeter
Më lejoni ta nis këtë
komunikim me Kuvendin dhe publikun duke përsëritur ngushëllimet, solidaritetin dhe angazhimin e Kryeministrit të Shqipërisë dhe Qeverisë së saj për kurimin e shkaqeve për transformimin e gjendjes që vazhdon të viktimizojë shtetas në duart e trafikantëve. Ngjarja tragjike e 9 janarit 2004 në bregdetin e Vlorës i është nënshtruar tashmë një analize të thellë dhe të gjithanëshme. Në këto analiza, me përgjegjësistë qeverisëse, ligjore dhe ekzekutive të maxhorancës, jo vetëm për shkaqet dhe pasojat që ajo krijoi, Qeveria po e thellon arsyetimin dhe po i forcon masat antitrafik dhe antikrim. Tashmë drejtësia e organizuar po i jep goditje vdekjeprurëse krimit të organizuar.
Menjëherë pas ngjarjes kam thirrur në takime institucionale, të ndara dhe të përbashkëta, titullarë të institucioneve të rendit, të mbrojtjes, të shërbimeve inteligjente dhe të drejtësisë, të cilët kanë për detyrë zbulimin dhe ndëshkimin ligjor të kriminelëve edhe në këtë ngjarje, si dhe të atyre që mund të jenë pjesë e rrjeteve kriminale kudo qofshin. Veprimet e strukturave të shtetit janë paraqitur tashmë publikisht dhe në mënyrë kronologjike në raportin zyrtar të qeverisë që gjendet edhe në tryezat tuaja të punës.
Dëshiroj të theksoj se është bërë një punë e guximshme dhe heroike e forcave të policisë dhe ushtrisë kombëtare, të cilat në bashkëpunim me strukturat aleate të NATO-s, veçanërisht ato të Italisë, nga të cilat do të veçoja Guardia di Financa, Grupo Navale 28 dhe Guardia di Costiera, të cilat në bashkëpunim me forcat tona të armatosura bënë të mundur shpëtimin e 11 shtetasve. Me këtë rast e kam për detyrë t'i falenderoj të gjithë pjesëmarrësit në këtë operacion, të drejtuar nga Shtabi i Emergjencës që krijoi Kryeministri dhe e drejtoi Zëvendëskryeministri.
Të nderuar deputetë të opozitës,
Ne punuam me të gjitha mundësitë kundër forcave të natyrës me qëllim që t'i shpëtonim të gjithë fatkeqët, por kjo nuk u arrit për shkak të vështirësive në terren, si dhe për shkak të sistemit të alibive, që ju keni ngritur duke e shoqëruar këtë ngjarje në çdo hap të saj. Paralelisht, policia e shtetit nisi hetimin për personat e dyshuar, një pjesë e të cilëve u ndalën që brenda natës së 9 janarit dhe të tjerë që janë arrestuar më pas apo janë shpallur në kërkim nga organet ligjore të hetimit.
Në vlerësimin tim ngjarja në fjalë u dëshmua edhe nga burime vërtet të pavarura dhe nga Ministri i Brendshëm i Qeverisë Italiane, një ngjarje sporadike, një shenjë se krimi i organizuar i trafikut të qenieve njerëzore tenton të ringrihet dhe nuk ka të bëjë me linjat e vjetra të trafikut tashmë të asgjësuara përfundimisht falë masave efikase të Qeverisë së Shqipërisë. Them sporadike, sepse qysh prej një viti e gjysëm nuk kishte ndodhur një ngjarje e tillë tragjike dhe as kalime të paligjshme të kufirit tonë detar.
Natyrisht, presioni i shtetit ligjor ndaj kësaj shfaqjeje të shëmtuar të krimit të organizuar ka qënë i madh, prandaj edhe format e shfaqjes së këtij trafiku janë bërë më të sofistikuara, prandaj u zgjodh një natë me një det prej 6 ballësh, ku vigjilenca për shkak të situatës logjike nuk ishte në nivelin e ditëve të tjera. Nuk mund të përjashtohet fakti që në organizimin e kësaj ngjarjeje mund të kenë marrë pjesë edhe zyrtarë të Policisë së Shtetit, të cilët në kushtet e abuzimit me detyrën, janë pa diskutim bashkëpunëtorë në këtë vrasje. Ndaj tyre ka filluar tashmë hetimi dhe jam i bindur se drejtësia e shtetit të së drejtës do të bëjë që ata të vuajnë dënimin e merituar për këtë krim të shëmtuar.
Në analizën time si Kryeministër, por jo vetëm timen, Qeveria dhe strukturat përkatëse kanë dëshmuar që në fillim një nivel të lartë ndërveprimi, organizimi dhe përgjegjësie. Kjo është një provë përveç të tjerash edhe për nivelin e bashkëpunimit me strukturat e NATO-s dhe me ato ushtarake të dy vendeve fqinjë, të Italisë dhe të Greqisë.
Më lejoni ta mbyll arsyetimin për ngjarjen korrente, duke iu referuar raportit zyrtar të Qeverisë që keni mbi tryezat tuaja. Po merrem me mocionin politik të mosbesimit që ka paraqitur opozita ndaj meje. Po merrem jo me topat që varen rrotull, por me shtratin e topit të opozitës, që nuk po i lë topat që ka rrotull të rriten.
Dua të ritheksoj se, Qeveria është këtu, maxhoranca është këtu, shteti ligjor është në këmbë për të kryer me shumë përgjegjësi të gjitha detyrat me transparencë ndaj publikut, që të identifikojë gjithçka që nuk funksionon, të ndëshkojë gjithkënd që ka përgjegjësi ligjore dhe penale, si dhe të akselerojë programet e kurimit të varfërisë dhe të shkaqeve që i lënë akoma shqiptarët të viktimizohen.
Në fakt jam i detyruar t'i përgjigjem politikisht kërkesës për mocion mosbesimi të opozitës.
Të nderuar deputetë,
Nuk është e vështirë të hetohet se, gjatë këtyre ditëve, njeriu që ka derdhur më shumë lotë, pavarësisht se në mënyrë tinzare, nuk është familjar i viktimave, por është një korb i zi që sillet e përsillet në skenën e historisë politike të re shqiptare dhe që quhet Sali Berisha. Unë jo një herë kam tentuar, madje edhe në ndonjë rast me humor, të vë në dukje ndryshimet politike mes nesh dhe Berishës. Ndryshimet tona janë thelbësore, janë ndryshime që fillojnë me pikësynimet tona politike dhe mbarojnë me teknologjinë e të bërit politikë. Janë ndryshime të thella që veçanërisht në momente tragjedish bëhen edhe më të qarta para syve të publikut.
Në këto ditë dhimbjeje për gjithsecilin, vetëm një njeri nuk rreshti së prodhuari vrer duke mos respektuar as traditën më të thjeshtë kombëtare: atë të heshtjes dhe paqtimit në respekt të të vdekurve. Atë të meditimit fisnik tradicional dhe të filozofisë së pajtimit shpirtëror që të ofron vdekja. Kjo nuk është një pamje e re për publikun shqiptar. Këtë e kemi parë edhe pas ngjarjeve të tjera tragjike. Një njeri bie duke rregulluar antenën dhe shpallet dëshmor i vrarë nga "komunistat", një tjetër vdes pale nga ç'sëmundje dhe në konferencat e shtypit të Berishës trumbetohet si krimi i radhës i "qeverisë komuniste".
Një hijenë sillet në politikën shqiptare. Ajo është Berisha. I paaftë të ofrojë programe alternative zhvillimi, i paaftë të konkurrojë sipas rregullave të një shoqërie demokratike dhe i paaftë të fitojë në rrugë normale, ai ka bërë të vetën, - duket se e ka gjenetike një gjë të tillë - teknologjinë e shëmtuar të hijenës që tenton të majmet nga vdekjet. Dhe nuk po majmet dot!
Unë nuk dua që këtë rast të sotëm dhe këtë tribunë ta përdor për të dëshmuar se politika jonë është krejt e ndryshme, sepse është një politikë e jetës dhe e ndërtimit të saj. Nuk do të doja ta shfrytëzoja këtë moment ende zije për të dëshmuar se ne asnjëherë dhe kurrë nuk i përdorëm vdekjet e të paktën 3000 shqiptarëve, që u vranë për shkak të qeverisjes së marrë të Berishës. Nuk kam dalë këtu që të tregoj se si zhdukeshin anijet, së bashku me dëshmimtarët, - siç është rasti i anijes me 32 shqiptarë të Dibrës e shumë e shumë të tjerave - sepse regjimi autoritar i Berishës i kishte mbyllur gojën mediave dhe transparencës së shoqërisë civile.
Nuk kam dalë këtu të evidentoj dëmet e pallogaritëshme që i bëri nderit dhe imazhit të Shqipërisë dhe vetë shqiptarëve instalimi i trafiqeve zyrtare të Berishës deri në furnizimin e makinës vrasëse të Millosheviçit. Nuk kam dalë në këtë foltore të respektuar që jo rallë është keqpërdorur, të filloj të ndërtoj një politikë të tipit të Berishës, e cila përdor këtë teknologji primitive dhe të papranueshme për shqiptarët, sepse përndryshe do të kërkoja me plot gojën gjykimin e Sali Berishës në Tribunalin e Hagës.
Nuk ka mënxyrë më të madhe se sa të dhunosh edhe vdekjen tragjike duke e nxjerrë në ankandin e spekulimit politik, duke u përpjekur çdo ditë të krijosh antishtet, apo shtet paralel, të krijosh çoroditjen e opinionit publik duke hapur kësisoj korridore të reja për krimin që goditi rëndë Shqipërinë. Një politikë e përgjegjëshme, një politikë shqiptare dhe kombëtare, jo si Berisha që deshi ta ndajë edhe ditën e zisë nëpër parti, është bashkim në refleksion kombëtar, është bashkim siç është në këto raste zija, është bashkim në goditjen e pamëshirshme ndaj krimit, pavarësisht se kush e mbart atë dhe në ç'formë shfaqet.
Berisha shtiret gjithandej si njeri i traditës. Ai nuk mund të jetë i tillë, pasi tradita e shqiptarëve është e ndryshme, është ajo e respektimit në heshtje të të rënëve. Kurse ai, ende pa u mbushur shtatë ditë nga ndarja me ta, ende pa u djegur qiriri i parë në varreza, me një padurim karakteristik prej hijene, kurdis këtë mocion mosbesimi me shpresën e marrë të përfitimit politik.
Unë kam më shumë miq se Berisha, jo vetëm në të djathtën europiane, por edhe në Veri të Shqipërisë, unë kam më shumë elektorat atje, unë kam më shumë mjete se ai për të përdorur për këtë rast, por për moralin tim politik dhe shqiptar, është e pa pranueshme të shndërrohet vdekja në arenë betejash elektorale. Ai e bëri. Kjo është fyerja e radhës që Berisha u bën shqiptarëve dhe të vdekurve. Kjo është përdhosje e traditës shqiptare dhe e vlerave tona humane dhe europiane. E kam thënë edhe më herët dhe e përsëris se Berisha shkakton një vorbull të frikëshme errësire, prapambetjeje, izolimi dhe moszhvillimi me teoritë e tija të konfliktit dhe mosbashkëpunimit.
Kur më vdiq nëna më 12 dhjetor 1995 dhe mua më sollën policët nga burgu i Bënçës në varrezat e Sharrës, disa sekonda para përcjelljes së saj. Duke mposhtur dhimbjen, i kam bërë apel Berishës dhe politikës shqiptare: "Të ulen armët!, jo vetëm për të vdekurit, por edhe për të gjallët!" Ndërsa Berisha që s'mësoi asgjë nga tranzicioni shqiptar dhe tragjeditë e tij, vazhdon të vrasë edhe të vdekurit. Për këto arsye lëvizja e vërtetë qytetare dhe europiane e shqiptarëve ka 13 vjet që të thotë me votën e lirë: "Mjaft, zoti Berisha!"
Ne nuk do të lejojmë që kjo të ndodhi, sepse jemi votuar për këtë gjë: jemi votuar që të ndërtojmë shpresën dhe jetën europiane për shqiptarët. Jo shpresën e abuzimeve politike, por shpresën reale, me projekte konkrete të kurimit të plagëve të shumta që i la shtetit dhe Shqipërisë e kaluara dhe rregjimi i Berishës. Për këtë arsye, në takimin e djeshëm të drejtuesve të partive pjesëmarrëse në "Koalicionin për Integrim" u vendos që të mbështeten masat konkrete ligjore dhe operacionale që do ta mbyllin plagën e të gjitha trafiqeve për Shqipërinë, që krimi i organizuar të goditet pa mëshirë, në front dhe në prapavijë dhe të kurohen plagët shoqërore që ka krijuar dhe vazhdon të krijojë varfëria e theksuar në disa zona të Shqipërisë. Ne, ndryshe nga pretendimi i këtyre të opozitës, nuk e fshehim aspak këtë realitet, e njohim mirë atë dhe e kemi të dokumentuar vargun e problemeve të shumta që kemi për të zgjidhur, por në vend që mbi këtë realitet të ndërtonim spekulime dhe abuzime politike, kemi ndërtuar programe të plota reformash dhe ndërhyrjesh të thella për zhvillim dhe integrim, tashmë pronë e publikut të gjerë, përmes të cilave përfundimisht do ta shëndoshim gjendjen me synimin për ta sjellë jetën e shqiptarëve në nivelet europiane me solidaritet mbarëkombëtar.
Po në takimin e djeshëm liderat e maxhorancës vendosën që të propozojnë ngritjen e një komisioni hetimor parlamentar në lidhje me ngjarjen tragjike të 9 janarit.
Unë e mbështes nismën e maxhorancës për këtë hetim parlamentar të çështjes, nismë e cila do të kontribuonte në thellimin e hetimeve dhe në sqarimin e publikut për shkallën e përfshirjes së gjithësecilit në këtë ngjarje. Në këtë funksion maxhoranca parlamentare do të kontribuojë në këtë komision hetimor për të sqaruar rrethanat e çështjes, si dhe përgjegjësitë publike e ligjore edhe të institucioneve të shtetit.
Si Kryeministër i Shqipërisë më lejoni të paraqes para jush drejtimet kryesore të aksionit ekzekutiv për vitin 2004 në luftë kundër Krimit të Organizuar dhe Trafiqeve;
1- Ne do të vazhdojmë ristrukturimin e Policisë së Shtetit dhe të Shërbimit Informativ Shtetëror. Në vlerësimin e qeverisë është e nevojshme krijimi i një strukture operacionale të veprimit dhe shkëmbimit të informacionit anti trafik. Kjo strukturë do të ketë në fokusin e punës së saj parandalimin e rasteve anti trafik, kapjen dhe evidentimin e trafikantëve dhe në mënyrë të veçantë dokumentimin ligjor të çdo krimineli që tenton të përfshihet në veprimtari anti trafik.
2- Vitin 2004 ne e konsiderojmë si viti i reformimit më të thellë të regjimit të menaxhimit të Kufijve shtetërore. Kjo reformë bazohet në Strategjinë për Menaxhimin e Kufijve Shtetërorë, e njohur edhe nga partnerët tanë që na asistojnë. Ne synojmë me këtë reformë që kufijtë shtetërorë të jenë të sigurtë nga intervenimi i krimit të çfarëdo forme dhe më të hapur për lëvizjen e lirë të shtetasve.
3- Qeveria do të vazhdojë pa hezitim të ndëshkojë zyrtarët e paaftë apo të korruptuar në Polici apo kudo tjetër. Policia e Shtetit po jep shembullin më të mirë të reagimit ligjor në këtë drejtim. Kam nxitur dhe do të mbështes çdo veprim anti-korrupsion edhe në radhët e administratës publike.
4- Përshtatja e legjislacionit me standarte dhe praktika të hetimit anti krim të organizuar apo anti mafie. Ne filluam këtë reformë ligjore dje, me miratimin e dy nismave ligjvënëse për ndryshimet në Kodin Penal dhe atë të Procedurës Penale. Këto nisma janë depozituar tashmë në Kuvend dhe do t'i nështrohen shqyrtimit dhe miratimit tuaj. Një seri tjetër projektesh do të paraqiten brenda 3 dhe 6 mujorit të parë të këtij viti. Këto ndryshime ligjore synojnë në thelbin e tyre krijimin e fleksibilitetit të nevojshëm për organet e hetimit në çështje anti trafik apo anti krim të organizuar. Këto nisma ligjore janë vlerësuar si pjesë të bazës ligjore për funksionimin efikas të gjykatave dhe Prokurosisë së Krimeve të Rënda.
5- Forcimi i kontrollit doganor dhe forcimi i masave anti-evazion. Shërbimi doganor, do të bëhet më mirë këtë vit modeli i sigurisë dhe i mbylljes së çdo shtegu ligjor apo fizik për trafik lëndësh narkotike apo për kontrabandë tregëtare. Natyrisht ne jemi të interesuar për bashkëpunim me biznesin e ndershëm, por kjo nuk do të thotë hapje të paligjshme doganore. Njëkohësisht, do të vazhdojë pastrimi i radhëve të këtij shërbimi nga elementë abuzivë, shumë më i thellë se deri më sot.
6- Krahas këtyre masave qeveria do të jetë shumë e vendosur për të vazhduar të përafrojë me reforma dhe veprime administrative dhe institucionale standartet e lëvizjes së lirë të shqiptarëve me ato të marrëveshjes Shengen. Mbi këtë bazë do të negociohet me vendet e BE-së për më shumë hapësira për lëvizjen e lirë të shtetasve, megjithëse duhet të pranojmë se në këtë drejtim ka realisht një progres të dukshëm.
Për këtë qëllim është hartuar një program i detajuar veprimesh ekzekutive, i cili monitorohet nga Kryeministri. Ne jemi të vendosur për t'i realizuar këto masa, pavarësisht zhurmës së opozitës, që po tenton t'i bllokojë edhe Kuvendin edhe zbatimin e veprimeve të shtetit ligjor.
Të nderuar deputetë,
Ngjarja tragjike e 9 janarit nuk ishte aspak një fillim i mbarë për vitin e ri ku po futemi. Është në dorën tonë që të ndërtojmë mbi këtë ndodhi tragjike një të ardhme tjetër për zhvillimet tona dhe integrimin e Shqipërisë. Këtu kam parasysh sidomos reformat që duhet të vazhdojnë të kryhen, jo thjesht sepse i kërkon Bashkimi Europian, por sepse ato përfundimisht do të përmirësojnë gjendjen në vend, do të forcojnë shtetin, ekonominë dhe shoqërinë shqiptare, duke e bërë përfundimisht të huaj mentalitetin e ikjes nga sytë këmbët dhe ndërtuar jetën e standarteve europiane në çdo pëllëmbë të Shqipërisë sonë të dashur.
Prit se ka edhe nje ane tjeter
Më lejoni ta nis këtë
komunikim me Kuvendin dhe publikun duke përsëritur ngushëllimet, solidaritetin dhe angazhimin e Kryeministrit të Shqipërisë dhe Qeverisë së saj për kurimin e shkaqeve për transformimin e gjendjes që vazhdon të viktimizojë shtetas në duart e trafikantëve. Ngjarja tragjike e 9 janarit 2004 në bregdetin e Vlorës i është nënshtruar tashmë një analize të thellë dhe të gjithanëshme. Në këto analiza, me përgjegjësistë qeverisëse, ligjore dhe ekzekutive të maxhorancës, jo vetëm për shkaqet dhe pasojat që ajo krijoi, Qeveria po e thellon arsyetimin dhe po i forcon masat antitrafik dhe antikrim. Tashmë drejtësia e organizuar po i jep goditje vdekjeprurëse krimit të organizuar.
Menjëherë pas ngjarjes kam thirrur në takime institucionale, të ndara dhe të përbashkëta, titullarë të institucioneve të rendit, të mbrojtjes, të shërbimeve inteligjente dhe të drejtësisë, të cilët kanë për detyrë zbulimin dhe ndëshkimin ligjor të kriminelëve edhe në këtë ngjarje, si dhe të atyre që mund të jenë pjesë e rrjeteve kriminale kudo qofshin. Veprimet e strukturave të shtetit janë paraqitur tashmë publikisht dhe në mënyrë kronologjike në raportin zyrtar të qeverisë që gjendet edhe në tryezat tuaja të punës.
Dëshiroj të theksoj se është bërë një punë e guximshme dhe heroike e forcave të policisë dhe ushtrisë kombëtare, të cilat në bashkëpunim me strukturat aleate të NATO-s, veçanërisht ato të Italisë, nga të cilat do të veçoja Guardia di Financa, Grupo Navale 28 dhe Guardia di Costiera, të cilat në bashkëpunim me forcat tona të armatosura bënë të mundur shpëtimin e 11 shtetasve. Me këtë rast e kam për detyrë t'i falenderoj të gjithë pjesëmarrësit në këtë operacion, të drejtuar nga Shtabi i Emergjencës që krijoi Kryeministri dhe e drejtoi Zëvendëskryeministri.
Të nderuar deputetë të opozitës,
Ne punuam me të gjitha mundësitë kundër forcave të natyrës me qëllim që t'i shpëtonim të gjithë fatkeqët, por kjo nuk u arrit për shkak të vështirësive në terren, si dhe për shkak të sistemit të alibive, që ju keni ngritur duke e shoqëruar këtë ngjarje në çdo hap të saj. Paralelisht, policia e shtetit nisi hetimin për personat e dyshuar, një pjesë e të cilëve u ndalën që brenda natës së 9 janarit dhe të tjerë që janë arrestuar më pas apo janë shpallur në kërkim nga organet ligjore të hetimit.
Në vlerësimin tim ngjarja në fjalë u dëshmua edhe nga burime vërtet të pavarura dhe nga Ministri i Brendshëm i Qeverisë Italiane, një ngjarje sporadike, një shenjë se krimi i organizuar i trafikut të qenieve njerëzore tenton të ringrihet dhe nuk ka të bëjë me linjat e vjetra të trafikut tashmë të asgjësuara përfundimisht falë masave efikase të Qeverisë së Shqipërisë. Them sporadike, sepse qysh prej një viti e gjysëm nuk kishte ndodhur një ngjarje e tillë tragjike dhe as kalime të paligjshme të kufirit tonë detar.
Natyrisht, presioni i shtetit ligjor ndaj kësaj shfaqjeje të shëmtuar të krimit të organizuar ka qënë i madh, prandaj edhe format e shfaqjes së këtij trafiku janë bërë më të sofistikuara, prandaj u zgjodh një natë me një det prej 6 ballësh, ku vigjilenca për shkak të situatës logjike nuk ishte në nivelin e ditëve të tjera. Nuk mund të përjashtohet fakti që në organizimin e kësaj ngjarjeje mund të kenë marrë pjesë edhe zyrtarë të Policisë së Shtetit, të cilët në kushtet e abuzimit me detyrën, janë pa diskutim bashkëpunëtorë në këtë vrasje. Ndaj tyre ka filluar tashmë hetimi dhe jam i bindur se drejtësia e shtetit të së drejtës do të bëjë që ata të vuajnë dënimin e merituar për këtë krim të shëmtuar.
Në analizën time si Kryeministër, por jo vetëm timen, Qeveria dhe strukturat përkatëse kanë dëshmuar që në fillim një nivel të lartë ndërveprimi, organizimi dhe përgjegjësie. Kjo është një provë përveç të tjerash edhe për nivelin e bashkëpunimit me strukturat e NATO-s dhe me ato ushtarake të dy vendeve fqinjë, të Italisë dhe të Greqisë.
Më lejoni ta mbyll arsyetimin për ngjarjen korrente, duke iu referuar raportit zyrtar të Qeverisë që keni mbi tryezat tuaja. Po merrem me mocionin politik të mosbesimit që ka paraqitur opozita ndaj meje. Po merrem jo me topat që varen rrotull, por me shtratin e topit të opozitës, që nuk po i lë topat që ka rrotull të rriten.
Dua të ritheksoj se, Qeveria është këtu, maxhoranca është këtu, shteti ligjor është në këmbë për të kryer me shumë përgjegjësi të gjitha detyrat me transparencë ndaj publikut, që të identifikojë gjithçka që nuk funksionon, të ndëshkojë gjithkënd që ka përgjegjësi ligjore dhe penale, si dhe të akselerojë programet e kurimit të varfërisë dhe të shkaqeve që i lënë akoma shqiptarët të viktimizohen.
Në fakt jam i detyruar t'i përgjigjem politikisht kërkesës për mocion mosbesimi të opozitës.
Të nderuar deputetë,
Nuk është e vështirë të hetohet se, gjatë këtyre ditëve, njeriu që ka derdhur më shumë lotë, pavarësisht se në mënyrë tinzare, nuk është familjar i viktimave, por është një korb i zi që sillet e përsillet në skenën e historisë politike të re shqiptare dhe që quhet Sali Berisha. Unë jo një herë kam tentuar, madje edhe në ndonjë rast me humor, të vë në dukje ndryshimet politike mes nesh dhe Berishës. Ndryshimet tona janë thelbësore, janë ndryshime që fillojnë me pikësynimet tona politike dhe mbarojnë me teknologjinë e të bërit politikë. Janë ndryshime të thella që veçanërisht në momente tragjedish bëhen edhe më të qarta para syve të publikut.
Në këto ditë dhimbjeje për gjithsecilin, vetëm një njeri nuk rreshti së prodhuari vrer duke mos respektuar as traditën më të thjeshtë kombëtare: atë të heshtjes dhe paqtimit në respekt të të vdekurve. Atë të meditimit fisnik tradicional dhe të filozofisë së pajtimit shpirtëror që të ofron vdekja. Kjo nuk është një pamje e re për publikun shqiptar. Këtë e kemi parë edhe pas ngjarjeve të tjera tragjike. Një njeri bie duke rregulluar antenën dhe shpallet dëshmor i vrarë nga "komunistat", një tjetër vdes pale nga ç'sëmundje dhe në konferencat e shtypit të Berishës trumbetohet si krimi i radhës i "qeverisë komuniste".
Një hijenë sillet në politikën shqiptare. Ajo është Berisha. I paaftë të ofrojë programe alternative zhvillimi, i paaftë të konkurrojë sipas rregullave të një shoqërie demokratike dhe i paaftë të fitojë në rrugë normale, ai ka bërë të vetën, - duket se e ka gjenetike një gjë të tillë - teknologjinë e shëmtuar të hijenës që tenton të majmet nga vdekjet. Dhe nuk po majmet dot!
Unë nuk dua që këtë rast të sotëm dhe këtë tribunë ta përdor për të dëshmuar se politika jonë është krejt e ndryshme, sepse është një politikë e jetës dhe e ndërtimit të saj. Nuk do të doja ta shfrytëzoja këtë moment ende zije për të dëshmuar se ne asnjëherë dhe kurrë nuk i përdorëm vdekjet e të paktën 3000 shqiptarëve, që u vranë për shkak të qeverisjes së marrë të Berishës. Nuk kam dalë këtu që të tregoj se si zhdukeshin anijet, së bashku me dëshmimtarët, - siç është rasti i anijes me 32 shqiptarë të Dibrës e shumë e shumë të tjerave - sepse regjimi autoritar i Berishës i kishte mbyllur gojën mediave dhe transparencës së shoqërisë civile.
Nuk kam dalë këtu të evidentoj dëmet e pallogaritëshme që i bëri nderit dhe imazhit të Shqipërisë dhe vetë shqiptarëve instalimi i trafiqeve zyrtare të Berishës deri në furnizimin e makinës vrasëse të Millosheviçit. Nuk kam dalë në këtë foltore të respektuar që jo rallë është keqpërdorur, të filloj të ndërtoj një politikë të tipit të Berishës, e cila përdor këtë teknologji primitive dhe të papranueshme për shqiptarët, sepse përndryshe do të kërkoja me plot gojën gjykimin e Sali Berishës në Tribunalin e Hagës.
Nuk ka mënxyrë më të madhe se sa të dhunosh edhe vdekjen tragjike duke e nxjerrë në ankandin e spekulimit politik, duke u përpjekur çdo ditë të krijosh antishtet, apo shtet paralel, të krijosh çoroditjen e opinionit publik duke hapur kësisoj korridore të reja për krimin që goditi rëndë Shqipërinë. Një politikë e përgjegjëshme, një politikë shqiptare dhe kombëtare, jo si Berisha që deshi ta ndajë edhe ditën e zisë nëpër parti, është bashkim në refleksion kombëtar, është bashkim siç është në këto raste zija, është bashkim në goditjen e pamëshirshme ndaj krimit, pavarësisht se kush e mbart atë dhe në ç'formë shfaqet.
Berisha shtiret gjithandej si njeri i traditës. Ai nuk mund të jetë i tillë, pasi tradita e shqiptarëve është e ndryshme, është ajo e respektimit në heshtje të të rënëve. Kurse ai, ende pa u mbushur shtatë ditë nga ndarja me ta, ende pa u djegur qiriri i parë në varreza, me një padurim karakteristik prej hijene, kurdis këtë mocion mosbesimi me shpresën e marrë të përfitimit politik.
Unë kam më shumë miq se Berisha, jo vetëm në të djathtën europiane, por edhe në Veri të Shqipërisë, unë kam më shumë elektorat atje, unë kam më shumë mjete se ai për të përdorur për këtë rast, por për moralin tim politik dhe shqiptar, është e pa pranueshme të shndërrohet vdekja në arenë betejash elektorale. Ai e bëri. Kjo është fyerja e radhës që Berisha u bën shqiptarëve dhe të vdekurve. Kjo është përdhosje e traditës shqiptare dhe e vlerave tona humane dhe europiane. E kam thënë edhe më herët dhe e përsëris se Berisha shkakton një vorbull të frikëshme errësire, prapambetjeje, izolimi dhe moszhvillimi me teoritë e tija të konfliktit dhe mosbashkëpunimit.
Kur më vdiq nëna më 12 dhjetor 1995 dhe mua më sollën policët nga burgu i Bënçës në varrezat e Sharrës, disa sekonda para përcjelljes së saj. Duke mposhtur dhimbjen, i kam bërë apel Berishës dhe politikës shqiptare: "Të ulen armët!, jo vetëm për të vdekurit, por edhe për të gjallët!" Ndërsa Berisha që s'mësoi asgjë nga tranzicioni shqiptar dhe tragjeditë e tij, vazhdon të vrasë edhe të vdekurit. Për këto arsye lëvizja e vërtetë qytetare dhe europiane e shqiptarëve ka 13 vjet që të thotë me votën e lirë: "Mjaft, zoti Berisha!"
Ne nuk do të lejojmë që kjo të ndodhi, sepse jemi votuar për këtë gjë: jemi votuar që të ndërtojmë shpresën dhe jetën europiane për shqiptarët. Jo shpresën e abuzimeve politike, por shpresën reale, me projekte konkrete të kurimit të plagëve të shumta që i la shtetit dhe Shqipërisë e kaluara dhe rregjimi i Berishës. Për këtë arsye, në takimin e djeshëm të drejtuesve të partive pjesëmarrëse në "Koalicionin për Integrim" u vendos që të mbështeten masat konkrete ligjore dhe operacionale që do ta mbyllin plagën e të gjitha trafiqeve për Shqipërinë, që krimi i organizuar të goditet pa mëshirë, në front dhe në prapavijë dhe të kurohen plagët shoqërore që ka krijuar dhe vazhdon të krijojë varfëria e theksuar në disa zona të Shqipërisë. Ne, ndryshe nga pretendimi i këtyre të opozitës, nuk e fshehim aspak këtë realitet, e njohim mirë atë dhe e kemi të dokumentuar vargun e problemeve të shumta që kemi për të zgjidhur, por në vend që mbi këtë realitet të ndërtonim spekulime dhe abuzime politike, kemi ndërtuar programe të plota reformash dhe ndërhyrjesh të thella për zhvillim dhe integrim, tashmë pronë e publikut të gjerë, përmes të cilave përfundimisht do ta shëndoshim gjendjen me synimin për ta sjellë jetën e shqiptarëve në nivelet europiane me solidaritet mbarëkombëtar.
Po në takimin e djeshëm liderat e maxhorancës vendosën që të propozojnë ngritjen e një komisioni hetimor parlamentar në lidhje me ngjarjen tragjike të 9 janarit.
Unë e mbështes nismën e maxhorancës për këtë hetim parlamentar të çështjes, nismë e cila do të kontribuonte në thellimin e hetimeve dhe në sqarimin e publikut për shkallën e përfshirjes së gjithësecilit në këtë ngjarje. Në këtë funksion maxhoranca parlamentare do të kontribuojë në këtë komision hetimor për të sqaruar rrethanat e çështjes, si dhe përgjegjësitë publike e ligjore edhe të institucioneve të shtetit.
Si Kryeministër i Shqipërisë më lejoni të paraqes para jush drejtimet kryesore të aksionit ekzekutiv për vitin 2004 në luftë kundër Krimit të Organizuar dhe Trafiqeve;
1- Ne do të vazhdojmë ristrukturimin e Policisë së Shtetit dhe të Shërbimit Informativ Shtetëror. Në vlerësimin e qeverisë është e nevojshme krijimi i një strukture operacionale të veprimit dhe shkëmbimit të informacionit anti trafik. Kjo strukturë do të ketë në fokusin e punës së saj parandalimin e rasteve anti trafik, kapjen dhe evidentimin e trafikantëve dhe në mënyrë të veçantë dokumentimin ligjor të çdo krimineli që tenton të përfshihet në veprimtari anti trafik.
2- Vitin 2004 ne e konsiderojmë si viti i reformimit më të thellë të regjimit të menaxhimit të Kufijve shtetërore. Kjo reformë bazohet në Strategjinë për Menaxhimin e Kufijve Shtetërorë, e njohur edhe nga partnerët tanë që na asistojnë. Ne synojmë me këtë reformë që kufijtë shtetërorë të jenë të sigurtë nga intervenimi i krimit të çfarëdo forme dhe më të hapur për lëvizjen e lirë të shtetasve.
3- Qeveria do të vazhdojë pa hezitim të ndëshkojë zyrtarët e paaftë apo të korruptuar në Polici apo kudo tjetër. Policia e Shtetit po jep shembullin më të mirë të reagimit ligjor në këtë drejtim. Kam nxitur dhe do të mbështes çdo veprim anti-korrupsion edhe në radhët e administratës publike.
4- Përshtatja e legjislacionit me standarte dhe praktika të hetimit anti krim të organizuar apo anti mafie. Ne filluam këtë reformë ligjore dje, me miratimin e dy nismave ligjvënëse për ndryshimet në Kodin Penal dhe atë të Procedurës Penale. Këto nisma janë depozituar tashmë në Kuvend dhe do t'i nështrohen shqyrtimit dhe miratimit tuaj. Një seri tjetër projektesh do të paraqiten brenda 3 dhe 6 mujorit të parë të këtij viti. Këto ndryshime ligjore synojnë në thelbin e tyre krijimin e fleksibilitetit të nevojshëm për organet e hetimit në çështje anti trafik apo anti krim të organizuar. Këto nisma ligjore janë vlerësuar si pjesë të bazës ligjore për funksionimin efikas të gjykatave dhe Prokurosisë së Krimeve të Rënda.
5- Forcimi i kontrollit doganor dhe forcimi i masave anti-evazion. Shërbimi doganor, do të bëhet më mirë këtë vit modeli i sigurisë dhe i mbylljes së çdo shtegu ligjor apo fizik për trafik lëndësh narkotike apo për kontrabandë tregëtare. Natyrisht ne jemi të interesuar për bashkëpunim me biznesin e ndershëm, por kjo nuk do të thotë hapje të paligjshme doganore. Njëkohësisht, do të vazhdojë pastrimi i radhëve të këtij shërbimi nga elementë abuzivë, shumë më i thellë se deri më sot.
6- Krahas këtyre masave qeveria do të jetë shumë e vendosur për të vazhduar të përafrojë me reforma dhe veprime administrative dhe institucionale standartet e lëvizjes së lirë të shqiptarëve me ato të marrëveshjes Shengen. Mbi këtë bazë do të negociohet me vendet e BE-së për më shumë hapësira për lëvizjen e lirë të shtetasve, megjithëse duhet të pranojmë se në këtë drejtim ka realisht një progres të dukshëm.
Për këtë qëllim është hartuar një program i detajuar veprimesh ekzekutive, i cili monitorohet nga Kryeministri. Ne jemi të vendosur për t'i realizuar këto masa, pavarësisht zhurmës së opozitës, që po tenton t'i bllokojë edhe Kuvendin edhe zbatimin e veprimeve të shtetit ligjor.
Të nderuar deputetë,
Ngjarja tragjike e 9 janarit nuk ishte aspak një fillim i mbarë për vitin e ri ku po futemi. Është në dorën tonë që të ndërtojmë mbi këtë ndodhi tragjike një të ardhme tjetër për zhvillimet tona dhe integrimin e Shqipërisë. Këtu kam parasysh sidomos reformat që duhet të vazhdojnë të kryhen, jo thjesht sepse i kërkon Bashkimi Europian, por sepse ato përfundimisht do të përmirësojnë gjendjen në vend, do të forcojnë shtetin, ekonominë dhe shoqërinë shqiptare, duke e bërë përfundimisht të huaj mentalitetin e ikjes nga sytë këmbët dhe ndërtuar jetën e standarteve europiane në çdo pëllëmbë të Shqipërisë sonë të dashur.
