Kontratat skandaloze te Albtelekomit

[Daniel H]

Re: Kontratat skandaloze te Albtelekomit

Gazeta Shqiptare
Albtelekom, vëllai i drejtorit shet kartat e AMC
Ilirian Kuko edhe në konflikt interesi

Geri Kuko, vëllai i drejtorit aktual të Albtelekom, Ilirian Kuko, është një nga pronarët e 5 firmave që kanë ekskluzivitetin e shitjes së kartave me parapagim të kompanisë AMC. Për shkak të lidhjeve familjare ky është një konflikt i hapur interesi, i cili ka lindur që në momentin kur Ilirian Kuko është emëruar drejtor i Përgjithshëm i Albtelekom. Burime nga shumë drejtime, edhe pranë sipërmarrjeve të zotit Kuko kanë konfirmuar këtë konflikt interesi, i cili është duke u diskutuar për t’u hetuar edhe nga komisioni parlamentar për Albtelekom, i ngritur rishtas nga Kuvendi. Por emri i vëllait të drejtorit të Albtelekom nuk është hera e parë që del, ai është përmendur që në nëntor të vitit 2005 nga një tjetër Geri. Shqiptaro-amerikani Geri Kokalari gjatë një interviste dhënë për mediat shqiptare ka përmendur dyshimin e tij në lidhje me emërimin e drejtorit të përgjithshëm të Albtelekom dhe faktin se vëllai i tij Geri Kuko kishte lidhje biznesi me bashkëshorten e ish-kryeministrit Nano.

Konflikti i interesave
Në një kohë kur flitet hapur për marrdhënien mes Albtelekom dhe AMC që ka krijuar tarifat më të larta në rajon për telefoninë celulare, zbulohet një konflikt i hapur interesi. Një familjar i Drejtorit të Përgjithëm të Albtelekom ka lidhje binezi me AMC. Biznesi i tij lidhet me shitjen e kartave rimbushëse AlbaKart. Geri Kuko është pronari dhe drejtuesi i një prej 5 firmave që tregëtojnë këto karta. Kontrata e parë me AMC është bërë nga një tjetër biznesmen, i cili më pas ka pajtuar 5 distributorë një prej të cilëve bëhet i mundur shpërndarja dhe tregëtimi i të gjitha kartave rimbushëse të kompanisë se telefonisë celulare AMC. Çdo veprim për rritjen sa më të madhe të fitimeve të kësaj kompanie rrit direkt edhe të ardhurat financiare për familjarët e drejtorit të përgjithshëm të Albtelekom. Kjo çështje pritet të zbardhet më tej edhe nga komisioni hetimor parlamentar i cili pritet që të thërasë edhe drejtorin e Përgjithshëm të Albtelekom për të gjitha akuzat që atij i janë bërë.

Paralajmërimi i Kokalarit
Në nëntor të 2005, shqiptaro-amerikani, njeriu që deri para zgjedhjeve të 3 korrikut ishte bërë këshilltari më i afërt i kryeministrit paralajmëroi duke thënë se nëse nuk do kihet kujdes do të ripërsëriten gabimet që çuan në rrëzimin e Fatos Nanos. Dhe ai në intervistën e dhënë në nëntor të 2005 kishte parasysh emërimet që ishin bërë në drejtimin e ministrisë së Transporteve dhe në krye të Albtelekom. Me ironi ai deklaronte në atë kohë “kjo është një çështje tjetër shqetësuese në të cilën shpresoj të mos jetë përzier e bija e Berishës”. Ajo që Kokalari diskutonte ishte eksperienca e Kukos në drejtimin e një firmë që ofron një sërë shërbimesh telekomunikacioni “dhe me aq sa di; ai s’e ka këtë eksperiencë. Gjërat ngatërrohen më tej kur mëson që Ilirian Kuka është vëllai i Geri Kuka i cili përflitet se është një ortak tregtie me Xhoana Nanon”. Kokalari kërkonte që “pyetjet e ngritura mbi lidhjet dhe eksperiencën e z. Ilirian Kuka duhet të hetohen nga z. Berisha nga dhe z. Basha përndryshe ata do të përfundojnë në të njëjtat veprime që sollën rënien e Fatos Nanos”.

 

[Oltion Rrumbullaku]

Re: Kontratat skandaloze te Albtelekomit

100 milione dollarë në derën e ERT
Gazeta Shqip
15 Maj 2006
Oltion Rrumbullaku

Siç u bë e njohur edhe në media, në ditën e premte u shpall qartësisht fakti që Albtelekom dhe kompanitë celulare nuk arritën marrëveshjen e interkonjeksionit të diskutuar prej tyre këto dy muajt e fundit. Kjo mund të konsiderohet një shtyrje e marrjes së një vendimi shumë të rëndësishëm që në paskuinta, vë përballë dy kompanitë celulare me të gjithë konsumatorët shqiptarë.
Pak histori
Deri në Nëntor 2004, marrëveshjet e interkonjeksionit kanë qenë skandaloze në të gjitha aspektet si në dëm të konsumatorit shqiptar ashtu edhe për Albtelekom. Shifrat që përfitonin kompanitë celulare nga telefonatat që fillonin nga Albtelekom e përfundonin tek celularët ishin mbi 40 lek/minutë. Gjatë fundit të vitit 2004, pati një presion të konsiderushëm nga lëvizjet qytetare dhe marrëshja e re u nënshkrua me 28 lek/min, megjithëse si bazë krahasimi u përdor çmimi maksimal i terminimit në Europë në 2003 i cili ishte 21 lekë/minutë. Marrëveshja që ishte në fuqi gjatë 2005, nënkuptonte që në një telefonatë të nisur nga Albtetekom me kosto 40 lek/minutë, Albetelekom mbante 12 lek/minutë dhe kompanitë celulare tepricën prej 28 lek/minutë. Megjithëse marrëveshja u ndryshua në fund të 2004, ajo përsëri ishte shumë diskriminuese për konsumatorët shqiptarë dhe shumë fitimprurëse për kompanitë celulare edhe për faktin se i mbante çmimet e Albtelekom drejt celularëve në nivele të larta.
Në nëntor të 2005 kjo marrëveshje interkonjeksioni skadoi dhe palët duhet të kishin gati një marrëveshje të re. Për shkak të menaxhimit të keq të Albtelekom, drejtoria e kësaj shoqërie akoma publike, e shtyu diskutimin i marrëveshjes së re deri në Mars të 2005, megjithëse sipas kushteve normale tregtare marrveshja duhej të firmosej përpara skadimit të marrëveshjes së mëparshme, e të hynte në fuqi po në Nëntor 2005, pas skadimit të marrëveshjes së mëparshme. Muajt po kalojnë dhe marrëveshja e skaduar është akoma në fuqi, dhe siç duket, kompanitë celulare po bëjnë të gjitha përpjekjet ligjore dhe ekstraligjore për të mos patur një marrëveshje të re.
Gjatë negociatave për marrëveshjen e re, disa specialistë të Albtelekom bënë transparente përpjekjet e drejtuesve të Albtelekom për të pranuar çmimet e propozuara nga kompanitë celulare. Çmimet e terminimit të kërkuara fort nga kompanitë celulare ishin tashmë 21 lek/min, ndryshe nga çmimi maksimal i terminimin i cili ekzistonte në Europë në 2005 i fiksuar në shifrat e 14 lekë/minutë. Pra, edhe çmimi i kërkuar nga Albtelekom është çmimi maksimal i vitit të kaluar në Europë (14 lekë/minutë), gjë që do të thotë se edhe kjo marrëveshje e kërkuar nga Albtelekom nuk do të na e hiqte aspak fatkeqësinë e pasjes së çmimeve më të lartë telefonike në të gjithë kontinentin. Efektet financiare në total janë të pallogaritshme, dhe efektet tek secili prej nesh që konsumon kohë telefonike janë të pabesueshme. Vetëm në Shqipëri ndodh që të konsumohet më shumë para në celularë se në karburante; të konsumohet më shumë para në biseda telefonike, se sa në veshmbathje; të konsumohet më shumë për të folur në celular, se sa paguhet në shërbimin arsimor dhe shëndetësor, e kur të gjitha këto para përfundojnë në vetëm dy kompani jo shqiptare atëherë diskutimi bëhet vërtetë i frikshëm. Nëse flasim me shifra më konkrete, marrëveshjet aktuale prej 28 lek/minutë që sjellin një çmim në nisje të telefonatave nga Albtelekom minimalisht me 40 lek/minutë (pa TVSH) e nxjerrin kompaninë publike nga tregu i telefonatave me celularët sepse çmimet janë pothuajse të njëjta me kompanitë celulare dhe komoditeti shumë më i ulët. Në rastin e një tarife të propozuar nga specialistët e Albtelekom (përsëri më e larta në Europë) prej 14 lekësh, Albtelekom mund të hynte fuqishëm në treg me një tarifë 20 lek/minutë drejt celularëve duke ndikuar drejtpërdrejt në liberalizimin e tregut. Me 350 milionë Euro shitje në vit (po të përdorim krahasimin e Ing. Ngjeqarit, 3-4 milionë Euro një pallat 12 katësh, mund të themi se janë rreth 100 pallate në vit që shkojnë drejt Greqisë) këto kompani do të ishin seriozisht të rrezikuara, sidomos në segmentin e çmimit nga 21 lek/minutë në 14 lek/minutë. Në këtë segment të mosmarrëveshjes, konsumatori shqiptar do të përfitontë minimalisht 10 milionë dollarë për çdo lek më pak të marrëveshjes së interkonjeksionit dhe për 7 lekë më pak do të përfitonte nga 70 – 100 milionë dollarë nga çmime më të ulta të bisedave telefonike. Albtelekom do të kishte boom në shitjet e tij, dhe e gjitha kjo do të sillte një humbje të ndjeshme në shitjet e kompanive celulare dhe më shumë para në xhepat e shqiptarëve për t’i shpenzuar në shpenzime të tjera më të frytshme. Këtu nuk po përmend skenarin më të favorshëm, më çmime terminimi prej 7 lekësh, aq sa është mesatarja europiane, i cili nëse do të zbatohej do t’a liberalizonte në mënyrë të menjëhershme këtë treg.
Çështja në ERT
Gjithsesi palët nuk ranë dakord e kjo është shumë e trishtë. Kjo duket si fitore për interesat e konsumatorëve shqiptarë, megjithëse druajmë se do të jetë një fitore si ajo e Pirros. Them këtë sepse muajt po kalojnë dhe çmimet e shërbimeve telefonike janë përherë e më të betonuara dhe çdo muaj i kaluar heq me miliona dollarë nga të gjithë ne.
Shprehem në një mënyrë të tillë, sepse tashmë çështja është në dorën e ERT, dhe një tjetër ent publik duhet të tejkalojë interesat vetjake të drejtuesve të tij, për të respektuar më një fund, për një herë të vetme interesat e popullit shqiptar dhe çdo konsumatori të shërbimit celular në Shqipëri. ERT duhet të ndërmarrë një vendim brenda një muaji (sipas Nenit 43, të Ligjit mbi Telekomunikacionet), por është pothuajse e sigurt që një vendim i tillë do të hidhet në gjyq nga kompanitë celulare. Shqipëria është i vetmi vend në Europë që me vendim gjykatë i ka konsideruar kompanitë celulare si operatorë të thjeshtë në treg, njësoj si kompanitë e telefonisë rurale, pa ndërhyrë aspak në rregullimin e tarifave të tyre, siç bën çdo ent i tillë në Europë. Gjyqtarët që firmosin vendime të tilla janë akoma në detyrë, megjithëse i kanë faturuar çdo qytetari në Shqipëri fatura në vlera absurde për vite të tëra. Gjyqe të tilla mund të inskenohen përsëri, por mbetet detyrë qytetare e secilit prej nesh që të paktën gjyqin e marrëveshjeve të interkonjeksionit t’a monitorojmë ngushtësisht, t’a paraqesim në media, në qoftë se nuk dëshirojmë përsëri të çojmë drejt vendit fqinj një vlerë monetare sa 100 pallate të rinj në vit. Në qoftë se kjo çështje do të përfundojë në gjykatë atëherë në rastin më optimist gjykatat shqiptare mund t’a japin verdiktin final pwr kwtw akt administrativ tw ERT nga fundi i vitit 2006. Kjo do të thotë që me shumë mundësi do të mbushet një vit, që Albtelekom, ETR dhe Gjykatat Shqiptare nën këshillat e kompanive celulare do të vonojnë arritjen e një marrëveshjeje të re. Duke vlerësuar një efekt prej 70-100 milionë dollarë në vit, një pjesë e vogël e tyre mund të përdoret për të frenuar secilin nga operatorët publikë në marrjen e këtij vendimi. Albtelekom u vonua shtatë muaj, dhe tashmë topi mbetet në derën e ERT e më pas mund të pasohet tek gjykatat.
Le të shpresojmë që hyrja në fuqi e një marrëveshje të re, nuk ka hyrë në kalendat greke, po, po, ato greke, për të dalë me shumë vështirësi prej andej.

 

[dimir]

Re: Kontratat skandaloze te Albtelekomit

Dikur nje shoku im shkruante per kete abuzim dhe ERT e hodhi ne gjyq, gjykata vazhdon procesin ai eshte akoma i akuzuar per shpifje dhe ka shkruar sa 1/50 e kesaj qe shkruhet ketu .

 

[Oltion Rrumbullaku]

Re: Kontratat skandaloze te Albtelekomit

Tashi ja fute icik kot, me kete shokun tend. Cdo me thone kjo qe nuk duhet me shkrujt supozime te tilla

 

[Santiago]

Re: Kontratat skandaloze te Albtelekomit

Sot mund te hedheesh ne gjyq kedo....
Problemi eshte se ALbtelekom eshte cope cope....por edhe gazetaret ja fusin ndonjehere me teper se sa duhet....
Kurse ky shkrimi me lart ka nje problem te vockel : shifra reale e abuzimit nuk eshte 100 milion....eshte pak me teper
/pf/images/graemlins/mad.gif

 

[MLK]

Re: Kontratat skandaloze te Albtelekomit

AMC me parate e fituara ne Shqiperi financon humbjet ne Rumani. 38 deri ne 72 lek per minute bisedat ne Shqiperi e vetem 16 leke ne Rumani!
Llogaria eshte e thjeshte per tu bere...

 

[Daniel H]

Re: Kontratat skandaloze te Albtelekomit

Tarifat në Shqipëri, dy herë më të larta se në Britaninë e Madhe

Genci Çobani-Gazeta Ballkan

Edhe pse është vendi më i varfër i kontinentit evropian, me të ardhurat më të ulëta për frymë, tarifat e shërbimeve telefonike celulare që aplikohen në Shqipëri, janë më të lartat në Evropë. Madje, ato ua kalojnë disafish edhe vendeve më të zhvilluara të Bashkimit Evropian, duke arritur deri në 3-fishin e tyre. Pak ditë më parë, Enti Rregullator i Telekomunikacioneve (ERT) vendosi të shpallë “Operatorë me ndjeshmëri të lartë në treg” dy kompanitë që veprojnë aktualisht në Shqipëri, AMC dhe Vodafone, duke deklaruar në të njëjtën kohë se, sipas ligjeve në fuqi, kjo do të rrisë kontrollin mbi to dhe do të mundësojë një paketë të re masash administrative, nëpërmjet të cilave do të synohet ulja e çmimeve të shërbimeve celulare. Megjithatë, përveç faktit që ky vendim është cilësuar si tepër i vonuar, janë të shumtë specialistët, të cilët mendojnë se edhe nëse do t’i dilet që të arrihet ulja e tarifave për këtë lloj telefonie, diferenca që ekziston midis kostos reale të këtyre shërbimeve dhe çmimit me të cilin ato blihen nga abonentët shqiptarë është aq e lartë sa që edhe çmimi që do të rezultojë pas kësaj uljeje do të jetë përsëri shumë i lartë. Për më tepër, kur ky çmim krahasohet me vendet e tjera të Evropës, ndaj të cilave, siç e thamë është 3 herë më i lartë. Sipas publikimit zyrtar, të bërë nga vetë kompanitë në fjalë, në fund të vitit 2003, të ardhurat e deklaruara prej tyre në Shqipëri ishin rreth 15 miliardë lekë, ndërkohë që numri i abonentëve kishte arritur në rreth 500 mijë. Vetë të dhënat e publikuara në adresën zyrtare të Cosmote-s (Kompania-mëmë e AMC-së në Greqi) pranojnë se në Shqipër kanë 305 mijë abonentë, ndërkohë që bëjnë të ditur se, vetëm gjatë vitit 2001, pra vetëm një vit pas blerjes, fitimi neto u rrit me 37 për qind. Duke pasur parasysh faktin se, në Greqi, Cosmote ka 3,08 milionë klientë (pra, rreth 10 herë më shumë se në Shqipëri), ia vlen të theksohet edhe fakti tjetër, i pohuar gjithashtu nga drejtuesit e kompanisë greke, sipas të cilit, AMC siguron 9,6 për qind të fitimit të të gjithë Grupit, si dhe 15 për qind të të ardhurave (pa llogaritur interesat), të pagimit të taksave dhe rikuperimit të fondit të amortizimit. Nga krahasimi që u bëhet çmimeve mesatare të shërbimeve celulare midis Shqipërisë dhe Anglisë (një nga vendet me standartin më të lartë të jetesës në Evropë) rezulton se tek ne, këto çmime janë rreth 2 herë më të larta. Kështu, nëse në Shqipëri, për tefonart me kartë, çmimi arrin në 72 lekë për një minutë, për të njëjtën kohë, një britanik paguan vetëm 20 cent. E konvertuar në lekë, sipas kursit aktual të këmbimit, kjo shumë është e barabartë me 39,4 lekë. Bëhet fjalë për kohën e pikut (7-19.00), sepse, jashtë kësaj kohe, në Britani, tarifat për minutë bien mesatarisht në 5 pensë, ose 9,85 lekë; pra 7 herë më pak se sa çmimet e Shqipërisë. Ndërkohë që, për abonentët me kontratë, diferenca është edhe më e madhe, duke arritur deri në 10 herë. Nuk duhet harruar se bëhet fjalë për një vend, ku rroga mesatare është rreth 20 herë më e lartë se tek ne.

Çmimet e shërbimeve me kartë në Britaninë e Madhe
KOMAPNIA ÇMIMI GJATË PIKUT ÇMIMI JASHTË PIKUT
ORANGE 20 PENS/MINUTË 5 PENS/MINUTË
VODAFONE 25 PENS/MINUTË 5 PENS/MINUTË
VIRGIN 15 PENS/MINUTË 10 PENS/MINUTË

Shënim: Një pens, sipas kursit të këmbimit midis lekut dhe paundit britanik është i barabartë me 19,7 lekë. Aktualisht, në Shqipëri, tarifa për abonentët me kartë është 24 lekë për 20 sekonda, ose 72 lekë për një minutë. Ndërkohë që, qoftë edhe një sekondë e vetme bisedë në 20 sekondat e para, kushton gjithashtu 24 lekë

PROTESTA
ACAC: Fikni celularët, përdorni sa më pak shërbimet e kompanive
“Përdorni sa më pak telefonat celularë! Duke filluar që nga dita e hënë, bojkotoni sa më shumë shërbimet e dy kompanive që veprojnë në vendin tonë!”. Në thelb, kjo ishte thirrja e lëshuar dje nga kreu i Koalicionit Shqiptar Kundër Korrupsionit (ACAC), Kreshnik Spahiu, i cili është edhe Drejtor Ekzekutiv i Zyrës për Mbrojtjen e Konsumatorëve (CAO). Sipas Spahiut, kjo është njëra nga rrugët për uljen e tarifave, të cilat janë shumë më të larta se sa kostot që përballojnë kompanitë për realizimin e shërbimeve që ofrojnë. Përsa i përket rolit të luajtur nga ana e ERT-së, kreu i CAO-s tha se, vonesa e këtij organizmi për shpalljen e dy operatorëve që veprojnë në tregun shqiptar të telefonisë fikse si “Operatorë me fuqi të ndjeshme në treg”, u ka lejuar atyre që të abuzojnë për një kohë të gjatë me tarifat, në kurriz të konsumatorëve të varfër shqiptarë. Në të vërtetë, vetëm para pak ditësh, Enti Rregullator i Telekomunikacioneve vendosi ta bëjë këtë cilësim, si për AMC-në, ashtu edhe për Vodafone, duke e argumentuar këtë me shtrirjen e gjerë gjeografike, si dhe me numrin e madh të abonentëve që kanë. Megjithatë, nga ana e drejtuesve të ACAC-it, ky hap është konsideruar si tepër i vonuar dhe, sipas Spahiut, ai duhet të ishte bërë shumë kohë më parë. Ndërkohë, ajo që kërkohet nga ana e këtij koalicioni, krerët e të cilit deklarojnë se janë konsultuar me specialistët e kësaj fushe, jo vetëm brenda, por edhe jashtë Shqipërisë, një nga hapat më të rëndësishëm që duhet hedhur sa më parë dhe në mënyrë tepër energjike nga ana e ERT-së është garantimi i konkurrencës së lirë në këtë lloj shërbimi, veprim ky që, sidomos tani, kur pritet dalja në treg e operatorit të tretë, “Eagle Mobile”, bëhet mëse i domosdoshëm.

PAS PRIVATIZIMIT
Shteti shqiptar lëshon pjesë nga aksionet e mbetura të AMC-së
Albanian Mobile Communication (AMC) është themeluar nga shteti shqiptar në vitin 1996 dhe, deri në qershor të vitit 2000, gjithashtu shteti ishte pronari i vetëm i tij. Pikërisht në këtë kohë, kompania e vetme e telefonisë celulare deri në atë kohë në Shqipëri iu shit kompanisë së njohur greke të telefonisë, Cosmote. Në të vërtetë, ajo që shpesh harrohet, ose me qëllim lihet mënjanë, është fakti se Cosmote nuk e bleu të gjithë kompaninë, por 85 për qind të aksioneve të saj, për të cilat, sipas kontratës u paguan 96 milionë euro. Pjesa tjetër, pra, 15 përqindëshi i aksioneve mbeti në dispozicion të shtetit shqiptar, i cili, zyrtarisht edhe sot e kësaj dite vazhdon të jetë bashkëpronar i AMC-së. Menjëherë pas privatizimit të paketës kryesore të aksioneve, u deklarua se pjesa e mbetur e tyre (15 për qind) do të ruhej për pronarët e truallit ku ishin vendosur pasuritë e paluajtshme të AMC-së, si dhe për punonjësit e saj, të cilët do të dëshironin të merrnin pjesë në këtë proces. Në të vërtetë, qysh atëherë nuk dihet, jo vetëm se çfarë do të bëhet dhe kur do të privatizohet pjesa e mbetur e aksioneve, por edhe se sa është aktualisht ajo. Pasi, vit pas viti, pjesa e shtetit është ulur, pasi AMC ka përdorur si argument kryesor për të fituar terren masën reale të investimeve që ajo ka bërë, investime të cilave shteti shqiptar nuk iu është përgjigjur në vlera monetare, por në aksione. Duke pasur parasysh vlerën e blerjes (96 milionë euro për 85 për qind) i bie që e gjithë AMC-ja të jetë vlerësuar rreth 112 milionë euro. Kështu, sipas deklarimeve zyrtare të Cosmote-s, vetëm në vitin 2001, investimet e saj për AMC-në arritën në rreth 50 milionë euro, ndaj të cilave, shteti shqiptar nuk reagoi me investime nga ana e tij, të cilat, nëse do të respektoheshin raportet, duhet të arrinin në rreth 8 milionë euro. Në këtë mënyrë ai është detyruar të lëshojë pjesë nga aksionet e veta, të cilat, aktualisht nuk bëhen publike se sa kanë mbetur.

STATISTIKA
Shqiptarët flasin në celular 3 herë më shumë se grekët
Në përgjithësi, në statistikat e të huajve, shqiptarët rezultojnë si përdorues intensivë të celularit. Madje, deri në atë pikë sa që mund të konsiderohen edhe si të dashuruar pas tij. Sipas shifrave të Cosmote-s, nëse një grek flet mesatarisht 96 minuta në muaj nga aparati i tij “mobile”, një shqiptar, këtë kuotë e ka çuar në 300 minuta, ose, mesatarisht 5 orë, edhe pse tarifat janë ende shumë të larta. Megjithatë, sipas studiuesve dhe konstatuesve të këtij fakti, më shumë se sa me ndonjë nivel të lartë adhurimi, shifra në fjalë lidhet më shumë me nivelin ende shumë të ulët të telefonisë fikse, si në cilësinë e saj, ashtu edhe në shtrirjen gjeografike që ka, si dhe në masën e popullsisë që mbulon ky shërbim. “Në një vend ku vetëm 7 për qind e popullsisë mbulohet nga shërbimi kabllor telefonik, teknologjia e telefonisë celulare rezultoi shumë atraktive”, thuhet në raportin e Cosmote-s për gjendjen e shërbimit telefinik në Shqipëri. Gjithsesi, bëhet fjalë për kohën e privatizimit të AMC-së dhe që atëherë, gjendja e telefonisë fikse, të paktën përsa i përket shtrirjes gjeografike të saj dhe numrit të abonentëve është përmirësuar pozitivisht. Nuk mund të thuhet se, aktualisht në Shqipëri shërbimi telefonik fiks përdoret vetëm prej 7 për qind të popullsisë, pasi, sidomos gjatë dy vjetëve të fundit, ky shërbim është zgjeruar të paktën 3 herë. Por, nga ana tjetër nuk duhet harruar se, ende, ky lloj shërbimi nuk është shtrirë pothuajse fare në zonat rurale, ku jeton më shumë se gjysma e popullsisë së vendit. Ndërkohë që, me probleme paraqitet edhe gjendja në një pjesë të zonave urbane, kryesisht në qytetet e vogla të vendit, më shumë në zonën verilindore, por edhe në rajone të tjera të vendit tonë. Të gjitha këto e kanë bërë të domosdoshëm përdorimin e celularëve, jo vetëm në qendrat e mëdha urbane të Shqipërisë, por edhe në ato, që nuk janë mbuluar sakaq me shërbimin e telefonisë kabllore, pavarësisht nga rritja e tij.

 

[Daniel H]

Re: Kontratat skandaloze te Albtelekomit

Procesverbalet sekrete: “Celularët fshehin paratë’’
Këshilli: Dyshojmë për AMC dhe Vodafone
Nga Gazeta Shqiptare

Aferat milionëshe të telefonisë vijojnë të jenë në qendër të vëmendjes së mediave. Gazeta Shqiptare ka botuar gjatë javëve të fundit materiale dhe fakte të pakundërshtueshme që zbulojnë një situatë tejet shqetësuese që përshkon sot sektorin e telefonisë fikse e mobile në Shqipëri.
Më poshtë, Gazeta po boton pjesë të procesverbaleve të tre mbledhjeve të Këshillit Mbikqyrës të Albtelekom, përkatësisht të datave 16 janar, 26 janar dhe 12 prill 2006, ku anëtarët bashkë me drejtorin e Albtelekom Ilirian Kuka, Saimir Sallaku Zv.Drejtor Ekonomik dhe Hekuran Cengu Zv.drejtor teknik, debatohet rreth problemeve që lidhen me gjendjen e Albtelekomit, nënshkrimin e marrëveshjeve të interkoneksionit me AMC dhe Vodafone si dhe favorizimet kontraktuale që ka përfituar AOL, (kompania në pronësi të Ylli Panaritit biznesmen i lidhur me Partinë Demokratike), në raport me vetë Albtelekom.
Nga debatet në Këshillin Mbikqyrës dalin elemente interesante të cilat provojnë në mënyrë direkte faktet që Gazeta Shqiptare ka ofruar prej javësh për publikun. Mund të lexohet për shembull se anëtarët e Këshillit Mbikqyrës kanë dyshime serioze lidhur me fshehjen e të ardhurave reale nga ana e kompanisë AMC dhe Vodafone, ashtu siç ofrojnë fakte për shkeljen nga ana e kompanive mobile të marrëveshjes së interkoneksionit. Përmes dialogjeve ky fakt del i qartë, ashtu sic rezulton se vetë Albtelekom, por edhe ERT, ndjehen të pafuqishme për të imponuar rregulla të njëjta loje për operatorët celularë. Anëtarët e Këshillit shkojnë madje edhe në propozime absurde për t’i hequr Albtelekom statusin e Operatorit me fuqi të ndjeshme (OFNT), përsa kohë që këtë status nuk e marrin dy celularët.
Lidhur me AOL, duket se Këshilli (por jo cuditërisht drejtori Kuka), ka elemente të mjaftueshme për të vërejtur favorizimin e hapur që i është bërë kësaj kompanie nga stafi i ri drejtues, në lidhje me trafikun ndërkombëtar. Aty del hapur se ky operator përdor internetin për të maskuar thirrjet ndërkombëtare si thirrje rurale. Deklarata e z.Hekuran Cengu se “mund të ofrojë dokumenta” në këtë drejtim, është mëse e qartë.


Këshilli, akuza celularëve për fshehje bilancesh
Ilirian Kuka: Duhet që ne të kërkojmë në Ministrinë e Financave të dhëna në lidhje me të ardhurat e Mobileve, sepse duke u nisur nga të ardhurat dhe numrin e abonentëve përcaktohet shumë më lehtë nëse janë Operatorit me fuqi të ndjeshme (OFNT) ose jo.
Agim Hodaj: E kemi shumë të vështirë të kërkojmë këto të dhëna dhe ata nuk na i japin.
Etion Kapedani - Ai nuk e deklaron asnjëherë se sa milionë minuta kalon apo rigjeneron. Ai ndoshta në Ministrinë e Financave, ka deklaruar më pak nga ajo qe ju mund të keni në dokumentet tuaja.
Favorizimi i AOL
...Neritan Sejamini: (...) Për AOL unë kam 2 pyetje për drejtorine:
1.Ka ndryshuar ndonjë gjë midis AOL dhe Albtelekomit qëkurse ka ardhur stafi i ri në detyrë?
2.Ka ndonjë ndryshim kontrata me AOL në lidhje me të tjerët?
...Ilirian Kuka: Në lidhje me pikën 1 jam mëse 99% i sigurtë që nuk është bërë ndonjë ndryshim me AOL, megjithatë atë 1% do ta verifikoj.
...Hekuran Cengu: Me dokumentat qe disponoj është tentuar të favorizohet. Mund t’i paraqes këto dukumenta. (…) Sipas konceptit tim ai po e shkatërron Telekomin sepse trafiku që ai duhet të kalojë në mënyrë të rregullt kalon në rrugë të tjera dhe nuk zbaton rregullat, sepse mesa di unë në jemi një kompani që zbatojmë rregullat e lojës dhe ligjet e shtetit. (…) Unë e kam të evidentuar që ruralet po na fusin trafik ndërkombëtar dhe mund të bëjmë këtë shtojcë
Neritan Sejamini: Na sillni një kopje të shkresave që i janë dërguar ERT në lidhje me trafikun, të sillet gjithë praktika.
Hekuran Cengu: Këtu kemi shkelje të hapur ligjore. Është shkelur ligji i telekomunikacionit. Ruralet marrin trafik nga bota në mënyrë të paligjshme.
Adrian Jasimi- Këto që i faturohen Telekomit i faturohen si kombëtare, ndërsa ajo është trafik ndërkombëtar

“Celularët shkelin interkoneksionin”
Andia Pustina: Gjithë trafiku kalon nga AMC dhe Vodafon. Nuk e di nëse keni dijeni dhe per kullat që kanë vendosur në Sarandë dhe presin gjithë trafikun. Kjo është e paligjshme.
Neritan Sejamini: Ju e keni volumin e trafikut në vite dhe mund të na bëni një grafik dhe tabelë në lidje me trafikun në këto vite.
Adrian Jasimi: Ky veprim është ligjor, apo jo?
Hekuran Cengu: Nuk është ligjor
Neritan Sejamini: Ketu po flasim që ai po bën tranzitimin dhe po shkel marrëveshjen e interkoneksionit me ju, atëherë pse nuk i coni në gjykatë.
Ilirian Kuka: Ai e fut në internet dhe thotë që e kam trafik nga interneti. Kemi dy opsione, këto 5-6 karta të parapaguara dhe 11 rurale ti bllokojmë dhe opsioni tjetër është që ERT të shpallë si shërbim të ri, vetëm që duhen përcaktuar rregullat e reja që të jemi në rregull.
“Pse të mos trajtohemi edhe ne si celularët?”
Selami Xhepa: Të tre operatorët janë në të njëjtat kushte dhe ERT-ja mund ta shfrytëzojë këtë si kusht që të na heqë edhe ne përcaktimin si Operatorit me fuqi të ndjeshme (OFNT), meqenëse duhet që çdo vit të dalë vendim i ri nga ERT-ja.
Alfred Rrushaj: ERT-ja është e pavarur dhe mund ta bëjë ose jo.
Neritan Sejmani: Kjo është diçka që ne na jep mundësinë dhe krijon kushte për negocim.
Eris Hoxha: Ata (AMC) e fituan gjyqin, sepse paraqitën dokumente.
Alfred Rrushaj: Ne çdo rast që do të analizosh ata i plotësojnë kushtet si OFNT.
Ilirian Kuka: E ka pezulluar gjykata vendimin e ERT-së.
Eris Hoxha: Para se të hedhim në gjyq, duhet të punojmë me ERT-në.
Ilirian Kuka: Kjo mund të ndikojë dhe të na e heqë përcaktimin si OFNT.
Selami Xhepa: Po edhe ne mund ta hedhim në gjyq ERT-në, meqë na ka shpallur OFNT.
Agim Hodaj: Ne përkohësisht në lidhje me marrëveshjet e interkoneksionit, na intereson të mos jemi OFNT. Derisa të merret vendimi për Mobilet, për efekt te Marrëveshjes së Inerkoneksionit, të konsiderohemi si ata (jo OFNT).

 

[MLK]

Re: Kontratat skandaloze te Albtelekomit

Aferat milioneshe te Albtelecomitn te Vodafone e AMC jane permendur vetem nga 2 media te shkruara e vetem nje televizive ne Shqiperi! Te gjitha te tjerat nuk kane shkrojtur asnje rrjesht per keto probleme dhe pse flitet per nje diference prej rreth 70 milione eurosh!
Ajo qe te le per te çuditur eshte fakti se ne faqen e pare te nje gazete mund te shofim nje anonim qe ka perplasur makinen, me te gjitha te dhenat deri te tipi i karburantit qe perdor makina e kur vjen puna per probleme vitale te shoqerise shqiptare te gjitha heshtin!
E gjitha kjo ndodh me te vetmen arsye se marrin nga 400 euro ne jave per reklamen qe bejne operatoret e telekomit ne gazetat e tyre.

 

[ujku81]

Re: Kontratat skandaloze te Albtelekomit

Eshte e vertete,vetem Gazeta Shqiptare dhe ABC dhe TV NEws 24 kane folur per kete. AMC i kontrollon nepermjet reklamave.
Nejse, problemi per mua nuk qendron tek AMC por tek Albtelekomi. AMC eshte kompani private qe do mbroje interesat e saj, eshte Albtelekomi qe duhet gjithashtu te mbroje interesat e tij, qe deri tani nuk e ka bere.

P.S: Ndonje AF-ist qe punon ke AMC dhe mund te shprehej per kete. /pf/images/graemlins/wink.gif /pf/images/graemlins/tipsy.gif

 

[Santiago]

Re: Kontratat skandaloze te Albtelekomit

e ka lan menja.... /pf/images/graemlins/laugh.gif /pf/images/graemlins/laugh.gif /pf/images/graemlins/laugh.gif

 

[MLK]

Re: Kontratat skandaloze te Albtelekomit

Celularët, vendimi mund të kundërshtohet në Gjykatë


F. Papadhimitri

TIRANË- Operatorët celularë në vend janë njoftuar menjëherë nga Enti Rregullator i Telekomunikacioneve për vendimin e marrë. Burime nga të dy kompanitë celulare në vend thanë dje për gazetën se zyrtarisht janë njoftuar për vendimin për tarifat e interkoneksionit. Edhe pse janë njohur me tarifat e reja që duhet të aplikohen në fillim të muajit gusht, zyrtarisht, as kompania Vodafone dhe as AMC nuk kanë reaguar për tarifat e interkoneksionit. Gjatë bisedimeve që kanë pasur me përfaqësues të Albtelekom, por dhe në deklaratat që kanë bërë, përfaqësues të dy kompanive mobile kanë kërkuar një çmim jo më të ulët se 20 lekë. Ndërkohë, çmimi i miratuar nga ERT-ja është afërsisht 16 lekë. Vendimi i Entit Rregullator për nga vetë forma që i jep ligji nuk mund të kundërshtohet. Po në ligj përcaktohet që tarifat e reja duhet të hyjnë në zbatim jo më vonë se 30 ditë që nga data që është marrë vendimi. Specialistët e fushës dhe eksperiencat me kompanitë celulare kanë treguar se e vetmja mënyrë kundërshtimi është procesi gjyqësor. Kështu, edhe pse ende nuk ka një deklaratë zyrtare në lidhje me tarifat e interkoneksionit, kompanitë celulare mund të hapin proces gjyqësor kundër vendimit dhe çështja do të ngelet në dorë të gjykatës. Përpos kësaj, me hapjen e procesit gjyqësor, vendimi mund të vonojë shumë kohë, dhe kjo do të sjellë një dëm ekonomik të madh për kompaninë Albtelekom, por më të ndjeshme pasojat ekonomike do të jenë për konsumatorët. Proceset gjyqësore në raste të tilla mund të zgjasin shumë, dhe një rast i ngjashëm është për statusin Operator me Fuqi të Ndjeshme në Treg. Tri kompanitë më të mëdha të telefonisë në vend janë shpallur prej kohësh OFNT, por kompanitë celulare e kundërshtuan këtë vendim të ERT-së, dhe për 18 muaj kjo çështje u shqyrtua në sallat e gjyqit. Dhe vetë zyrtarë të ERT-së janë të vetëdijshëm për një reagim të tillë. “Tarifat e interkoneksionit për vitin 2006 përfaqësojnë nivele mesatare evropiane, e cila e krahasuar me nivelin e tarifave të interkoneksionit të aplikuara në marrëveshjet e lidhura nga subjektet në fund të vitit 2004 shënon një ulje të ndjeshme”, - thuhet në njoftimin e djeshëm të ERT-së.

 

[MLK]

Re: Kontratat skandaloze te Albtelekomit

Dobjani: Telekom, fajtor për tarifat e celularëve

Ka pasur përplasje për tarifat e interkoneksionit. Pa të drejtë u shkarkua drejtori i interkoneskionit

Florian Papadhimitri

TIRANË- Persona me poste të larta drejtuese dhe vendimmarrje në Albtelekom kanë tentuar të favorizojnë operatorët celularë në lidhjet që këto kompani kanë ndërmjet tyre. Akuzën, të bazuar edhe në dokumente të ndryshme, e ka bërë dje në komision hetimor parlamentar për telefoninë Avokati i Popullit, Ermir Dobjani. I thirrur për të dhënë informacion për cilësinë e shërbimeve dhe tarifat e telefonisë, Dobjani, në raportin e tij, i ka kushtuar një vend të veçantë marrëveshjeve të fundit të interkoneskionit mes Albtelekom dhje operatorëve të telefonisë së lëvizshme. Sipas tij, ka pasur një sërë mbledhjesh dhe dokumentesh që tregojnë se ka pasur tentativa për favorizim të kompanive celulare në kurriz të konsumatorëve. Së pari, Ermir Dobjani tha se ka pasur tentativa të dukshme dhe të dokumentuara për të favorizuar me çmimet e intekoneksionit kompanitë celularë dhe, së dyti, janë vonesat në vendosjet e çmimeve që po dëmtojnë konsumatorët shqiptarë.
Interkoneksioni
Ermir Dobjani u ka bërë të ditur deputetëve të komisionit hetimor parlamentar se nuk duhet të hetohet vetëm për kompanitë celulare, pasi një pjesë të rëndësishme në kostot e telefonisë dhe çmimet që paguajnë konsumatorët e mban edhe kompani Albtelekom. “Institucioni i Avokatit të Popullit ka krijuar bindjen e plotë se një tjetër çështje që ndikon në mënyrë të drejtpërdrejtë në tarifat e telefonisë janë dhe marrëveshjet e interkoneksionit që lidhen midis Albtelekom dhe kompanive celulare”,- tha dje Dobjani. Ai ka bërë të ditur se institucioni që ai drejton ka kundërshtuar që në vitin 2001 mënyrën sesi vendosen tarifat e interkoneksionit, dhe po kështu ka bërë edhe me marrëveshjen e fundit. Duke u ndalur të marrëveshjet e 2006-ës, Dobjani ka bërë një kronologji të zhvillimeve, me anë të të cilave ka argumentuar shkeljet e tentuara për favorizim të celularëve. Dojani bëri të ditur se konflikti i interesave të dyshimta ka sjellë edhe shkarkimin nga puna të drejtorit të interkoneksionit, Agim Hado. “Me vendimin 4, të datës 1 shkurt të Këshillit Mbikëqyrës të Albtelekom ishin përcaktuar kufijtë e tarifave të reja që do të propozoheshin. Më pas, më datë 6 dhe 30 mars, në mbledhjet e Këshillit Mbikëqyrës, grupi i punës del në përfundimin që Albtelekom duhet të propozojë si tarifë Ndërkombëtare hyrëse çmimin 14 lekë për minutë”, -u shpreh Dobjani, duke shtuar se “pas kësaj ky propozim hasi në interesa të dyshimta të disa përfaqësuesve të Albtelekom, të cilët kishin hedhur propozimin për çmimin 21 lekë për minutë. Më datë 5 prill lirohet nga detyra, pa motivacion, drejtori i interkoneksionit në Albtelekom, Agim Hado, pasi ky dha argumentet bindëse për çmimin minimal”, - bëri të ditur dje Dobjani. Gjatë leximit të informacionit, Dobjani ka lexuar edhe një sërë vendimesh të Albtelekom, si dhe ka përmendur akt-kontrollin e Inspektimit të Këshillit të Ministrave, ku janë përmendur shkelje të drejtuesve të kësaj kompanie. Në mbylljen e pjesës për interkoneksionin, Ermir Dobjani tha se tashmë “roli i ERT-së është vendimtar për të shmangur keqpërdorimin e deritanishëm nga AMC dhe Vodafone”.

 

[ujku81]

Re: Kontratat skandaloze te Albtelekomit

Strategjia per telekomin eshte e qarte, jane duke e cuar ne fund te gropes, qe te shitet per 5 leke dhe pastaj te shnderrohet ne monopolin me te fuqishem ne vend (as AMC e Vodafone nuk krahasohen dot me te), telefoni fikse, celulare, internet, data transmetting, etj, etj

 

[Daniel H]

Re: Kontratat e interkonjeksionit.

Gazeta Shqiptare
Albtelekom do ulë çmimet me 12 lekë

AMC e Vodafone vazhdojnë të mbajnë tarifat e larta

Drejtuesit e Albtelekom do të deklarojnë sot se do të paguajmë më pak për telefonanat nga numrat fiks. Burime të besueshme në këtë kompani konfirmuan dje për Gazeta Shqiptare se drejtuesit e kompanisë do të deklarojnë uljen e çmimeve me 12 lekë për minutë. Çmimet do të ulen për bisedat nga numrat fiks në celularë. Ndërsa për telefonatat nga celularët në celurarë është në dorën e AMC dhe Vodafone të cilat kanë 16 ditë që vazhdojnë të mbajnë tarifat e larta edhe pse interkonjeksionet janë më të lira.
Albtelekom
Gjigandi i telefonisë fikse, Albtelekom, pritet që sot të deklarojë uljen e çmimit të bisedave nga telefonat fiks në ato celular, me 12 lek/min. Pas shumë negociatash, Albtelekomi ka gjetur gjuhën e përbashkët me dy operatorët e telefonisë celulare, për të ulur me 12 lek/min tarifat e bisedave telefonike nga telefonat fiks në celular. Sipas marrëveshjes së re të Interkonjeksionit e cila ka hyrë në fuqi më 30 korrik, tarifa e aksesit dhe e terminimit të thirrjeve në rrjetin fiks, pësojnë ulje në masën 12 për qind; tarifa e terminimit të thirrjeve nga rrjeti fiks në rrjetin celular dhe nga rrjeti celular në rrjetin tjetër celular, rezulton me ulje në masën 43 për qind. Konkretisht, tarifa e interkonjeksionit nga 28 lek për shkëmbimin nga telefoni fiks në celular, do të bëhet 16 lek. Ndërsa për shkëmbimet ndërmjet telefonisë fikse, nga 3 lek do të bëhet 2,64 lek.
Operatorët celularë
Në një rrjedhë logjike, vendimi i Entit Rregullator të Telekomunikacioneve për uljen e tarifave të Interkonjeksionit me 43 për qind midis operatorëve celulare Vodafon dhe AMC, do të sillte ulje të çmimeve për bisedat celulare për konsumatorët. Por edhe pse kanë kaluar pothuajse dy javë nga marrja e vendimit, një gjë e tillë nuk po ndodh. Edhe pas vendimit të ERT-së, kompanitë celulare vazhdojnë të operojnë me të njëjta tarifa në treg si më parë.
Rriten fitimet për celularët
Ulja e tarifave të Interkonjeksionit për operatorët celularë, vetëm sa ka rritur edhe më shumë fitimet për Vodafonin dhe AMC-në. Konsumatorët shqiptarë shpresuan se vendimi i fundit i Entit Rregullator të Telekomunikacioneve për uljen e tarifave të Interkonjeksionit me 43 për qind midis operatorëve celularë Vodafon dhe AMC, do të sillte ulje të çmimeve të telefonisë celulare për konsumatorët. Por në të vërtetë, një gjë e tillë nuk ndodhi. Vendimi i fundit i ERT-së për uljen e tarifave të Interkonjeksionit për operatorët celularë, vetëm sa ka rritur fitimet për dy kompanitë celulare.
Tarifat më të larta
Shqipëria mban rekord për sa i përket tarifave të bisedave në celular. Emigrantët shqiptarë që jetojnë dhe punojnë në vendet fqinje, befasohen me tarifat e bisedave celulare në Shqipëri. Në krahasim me vendet fqinje si Greqi apo Itali, në Shqipëri tarifat janë disa herë më të larta. Edhe pse jemi ndër popujt më të varfër në Evropë, harxhojmë më shumë para për bisedat në celular se çdo vend tjetër, dhe kjo vetëm pasi tarifat që dy kompanitë celulare aplikojnë në treg, janë shumë të larta.



Albtelekom
Duke nisur nga dita e sotme, shqiptarët do të shpenzojnë më pak para në bisedat telefonike nga numrat fiks, në celular. Kjo, pasi pritet që tarifat e bisedave nga numrat fiks në celular, të ulen me 12 lek/min.
AMC
Kompania AMC vazhdon të operojë në treg me të njëjtat tarifa si më parë. Me nënshkrimin e marrëveshjes së re të Interkonjeksionit, shqiptarët shpresuan se AMC-ja do të ulte çmimet e bisedave në celular, por në të vërtetë AMC-ja vetëm sa ka rritur fitimet e saj.
Vodafon
Shoqëria Vodafon, edhe pas nënshkrimit të marrëveshjes nuk i ka ulur çmimet e bisedave në celular. Sipas marrëveshjes së re të Interkonjeksionit, është ulur me 43 për qind kostoja e terminimit të thirrjeve nga celulari në celular.

 

[ujku81]

Re: Kontratat e interkonjeksionit.

Normalisht i bie qe te na leverdise te marrim me shume nga fiksi ne celular, meqe do ulen tarifat, ndersa thirrjet celular-celular varen nga AMC e VOdafone. Logjika e do qe dhe keto te ulen per t'ju kunderpergjigjur uljes se tarifes nga fiksi ne celular por...te presim.

Marreveshja e interkonjeksionit eshte vetem hapi i pare drejt permiresimit te tarifave, hapi i dyte dhe me deciziv eshte venia ne pune e operatorit te trete celular ne pronesi te Albtelecom, vetem kjo mund ti ule ndjeshem tarifat.

 

[Santiago]

Re: Kontratat e interkonjeksionit.

Ky Geri Kokalari i ka cu leter Sales....per ate muhabetin e Albtelekomit......
Deri para ca kohesh i bosoja ktij robit......por tani po krijohet bindja qe cfaredo qe te ndodhe me Albtelekomin ky do jete kundra nese nuk do jete vete i perfshire.....nejse......vrejeni vete se mos gjeni noi gjo intereConte....... /pf/images/graemlins/booki.gif


H.E. Prof. Dr. Sali Berisha
Republic of Albania
Tirana, Albania

Your Excellency:

On the occasion of your trip to Turkey, I would like to make another attempt to jog your memory which appears to have progressively deteriorated with each day that has passed since the elections. On the other hand, the mountain of broken campaign promises you made to the people of Albania is growing larger than the many piles of garbage that litter the Albanian countryside.

I ask you try to recall the spring of 2005 when Illi Panariti, who was then serving as an advisor to you on telecom related issues, was in contact with me. We exchanged numerous emails because Illi was supposedly seeking my assistance in an attempt to bring transparency to the Albtelecom bidding process. You will also recall that I had determined that several of the companies that were included on the Nano government's published bid list were not in fact legitimate bidders, and these firms included Western Wireless and Samsung. In fact, I had verification from these companies in the form of email exchanges with their executives that I shared with Illi and others. I also exchanged email with Illi in April 2005 with regard to rumors the Turks were being given the inside track on the Albtelecom deal, long before the actual award. These were all very obvious signs of improprieties surrounding the bidding process for Albtelecom.

These are very serious issues because it appears there was an unprofessional, intentionally inadequate attempt to market Albtelecom and this had an extremely negative impact on the ability to obtain the highest possible price for Albtelecom.

Given this set of circumstances, and because you were aware of these details,.the question must be asked: what, if anything, are you doing to uncover these improprieties? Also, when will you release the full findings of the Deloitte Touche study on Albtelecom? It is my understanding that you are now talking about establishing another commission to make a determination on the Albtelecom privatization. Please be advised that Albania doesn't need any more commissions if they are going to result in more of what Albanian government officials have been feeding the people of Albania: toothless forums that lack any semblance of transparency established only for the purpose of rubber stamping the objectives of corrupt government "leaders."

If it seems that I am suspicious of your objectives then this is one instance it can be said that we are on the same page. Because I believe you and several of your ministers have been compromised by the interests of others with respect to the Albtelecom privatization as well as on the issue of the interconnection agreements and in ways that are damaging to the people of Albania.

Speaking of the interconnection agreement "investigation," it has become quite obvious that this inquiry is going nowhere fast. It is highly disturbing that your government has not called for the International Telecommunications Union (ITU) and other internationally recognized outside experts to provide testimony about the interconnection agreements. Although you seem to have conveniently forgotten, the interconnection agreements were determined to be unfairly biased by the ITU, an affiliate of the United Nations, and were also considered highly irregular in a separate report issued by the U.S. government. In yet another attempt to jog your memory, I have attached another copy of the ITU report which you may also recall that the Albanian government intentionally tried to hide from the Albanian public when it was released. During the years these interconnection schemes have been in place, I maintain they robbed the people of Albania of tens of millions of dollars as the result of collusion between the telecom carriers and corrupt government officials. When is your government going to rectify this situation and aggressively seek penalties from the perpetrators and compensation for the people of Albania?

Astonishingly, during the time of a supposed investigation of the interconnection agreements, with your full support, your puppet Lulzim Basha negotiated back room deals with his Greek friends at AMC and Vodafone. Despite these underhanded deals, the people of Albania are still being forced to endure excessive telephone charges that are among the highest in the world. When will the cost of making telephone calls in Albania be reduced so that they can be brought in line with European standards for the benefit of Albanian consumers?

Given the circumstances surrounding the Albtelecom matter, you have an obligation to declare to the people of Albania where the Albtelecom issue fits into your agenda with Turkish government officials and what, if anything, you accomplish in this regard. Because of your faulty memory it appears necessary to remind you that it is the people of Albania to whom you must answer, not the Turkish government, not the U.S. government, not the Greek government, not Col. Janullotos and not AMC or Vodafone.

Thank you.

Sincerely,

Gary Q. Kokalari

bcc: Marci Ries
Rosemary DiCarlo

 

[ujku81]

Re: Albtelekomi ju rikthehet turqve

Kryeministri ndryshon qëndrim përballë homologut turg Erdogan për shitjen e Albtelekomit

Berisha i rikthen turqve Albtelekomin

“Zoti Çalik ka treguar vullnet të angazhohet në rinegociimin e kontratës. Jam optimist në rezultatin e negociatave”

Nevila Perndoj

TIRANË- Të gjitha qëndrimet e deritanishme të mazhorancës lidhur me kontestimet e vazhdueshme për privatizimin e Albtelekomit bien poshtë. Kryeministri Sali Berisha ka deklaruar dje në Turqi pas takimit të zhvilluar me kryeministrin turk Tahip Erdogan se Albtelekom dhe Calik Enerji, do të rinegociojnë kontratën e nënshkruar por me disa ndryshime. Berisha theksoi se ky ishte edhe përfundimi i ekspertizës për këtë kontratë. “Unë e informova kryeministrin Erdogan se kompania e konsulencës ndërkombëtare ka mbaruar ekspertizën e saj. Sipas gjykimit të ekspertëve mbi këtë ekspertizë, kontrata ekzistuese ka nevojë të rishqyrtohet në nene të caktuara. Jam informuar se zoti Ahmet Çalik ka treguar vullnet të plotë të angazhohet në rinegociimin e kontratës dhe unë jam optimist në rezultatin e këtyre negociatave. Negociatat janë çështje të kompanisë Çalik dhe Telekomit. Jam në dijeni se ekziston vullneti i përbashkët për t’i shqyrtuar problemet që mbeten për t’u zgjidhur”, - tha ai. Pak ditë më parë, kryeministri Sali Berisha i pyetur pikërisht për këtë çështje në një konferencë për shtyp, nuk bëri me dije vlerësimin që kishte qeveria rreth raportit, duke lënë të kuptohet se një gjë e tillë do të zbardhej vetëm kur kreu i ekzekutivit do të zhvillonte vizitën në Turqi. Dokumenti i raportit hetimor të kompanisë Deloitt&Touche, që kishte mëse dy jave që ishte në tryezën e kryeministrit Sali Berisha, vinte në dukje se në kontratën me Calik Enerji dhe në procedurat e ndjekura për privatizimin e Albtelekom, kishte shkelje.
Raporti
Në raport (referuar një pjese të botuar në media) thuhej se konsorciumi turk, i prezantuar në privatizimin e Albtelekom, nuk kishte garanci për shërbimin, që duhet të kryejë si operator i telefonisë dhe se ajo ishte vlerësuar gjithashtu si një investitor jostrategjik dhe i aftë për të blerë një kompani të përmasave të Albtelekom. Megjithatë, Presidenti i kompanisë, Ahmet Çalik, i cilësoi si të pavërteta konkluzionet në fjalë, në një nga deklarimet tij të kohëve të fundit. Ish-qeveria e PS-së firmosi një kontratë me konsorciumin turk, për të shitur 76 për qind të kompanisë shtetërore Albtelekom, për shumën e 120 milionë eurove. Calik Enerji ishte kompania e vetme ndërkombëtare që bëri një ofertë për të blerë aksione të Albtelekomit, ndërkohë që lidhja e kësaj kontrate u kontestua ashpër nga opozita e atëhershme e PD-së e cila e cilësonte absurde dhe qesharake shitjen e Albtelekomit për një shumë sa më sipër. Megjithatë me ardhjen në pushtet të PD-së, qëndrimet u zbuten duke ia lënë në dorë një kompanie te huaj kontrollin. Në analizën gjashtëmujore, pas përfundimit të raportit, Ministri i Ekonomisë, Genc Ruli, dha dy variante lidhur me kontratën e shitjes. Ai theksoi se në rast se në raportin e kompanisë Deloitt&Touche janë respektuar procedurat për privatizimin e Albtelekom-it, atëherë qeveria shqiptare do të rinegocionte drejt përfitimit më të madh në favor të shitësit që në këtë rast është qeveria shqiptare. Në të kundërt, sipas tij, në fund të këtij viti Albtelekom sh.a do të kalonte edhe një herë në proces privatizimi.




06/09/2006
KATEGORIA: Politike

 

[ujku81]

Re: Albtelekomi ju rikthehet turqve

Dmth do rritet pak cmimi.

 

[harap]

Re: Albtelekomi ju rikthehet turqve

Kete i ka kerkuar Ahmet Çalik qe ne takimin e pare.Jam gati per çdo rivleresim qe mund ti behet Albtelekomit.Nqs sdo keni te deshire te ma jepni perseri sdo kete asnje gjyq ne drejtim tuaj.Keto i ka thene qe ne fillim Berishes.