Kampioni i Botës ngre në festë shkodren
Kampioni i Botës ngre në festë shkodrën
MEJDAN ZHIVANI
4 Qershor Peshëngritje
Dje është organizuar një pritje shumë festive në pritjen e Erkand Qerimajt, pas shpalljes së tij kampion i botës
Pas pritjes që i është rezervuar në aeroportin e Rinasit mesantën e së premtes, radhën për një pritje madhështore për kampionin e botës në peshëngritje e ka pasur qyteti i lindjes Shkodra. Kështu, dje paradite qyteti i Shkodrës ka pritur me shumë entuziasëm Erkand Qerimajn, i cili vetëm pak ditë më parë në Kinë në kampionatin botëror të peshëngritjes, në peshën 69 kg për moshën deri 20 vjeç në stilin e shtytjes, arriti të shpallej kampion bote, që bëhet kështu edhe i pari sportist shqiptar për ngjyrat e kombit tonë që merr një medalje të tillë. Qerimaj ka ngritur në këtë aktivitet peshën prej 175 kg, duke e renditur pa diskutim të parin, ndonëse në këtë konkurim ka pasur kampion nga e gjithë bota, madje edhe botëror. Gjithsesi, qyteti i Shkodrës së bashku me istitucionet drejtuese vendore dhe sportive, dje kishte organizuar një pritje festive për peshëngritësin e talentuar. Sipas programit, rreth 10:30 ishte rezervuar një pritje në sheshin pranë prefekturës, pikërisht në momentin e mbërritjes së Erkandit në qytetin e Shkodrës. Kishin dalë për të pritur kampionin e botës qindra qytetarë shkodranë, të cilat e kanë duartrokitur pa pushim në çastin që kolona e makinave që shoqëronte Qerimajn në drejtim të shehsit qëndror të qytetit. Në pritje të kampionit të botës kishin dalë drejtuessit të lartë të pushetit lokal, deputetë, drejtues të sportit etj. Në fillim u ekzekutua himni kombëtar i dirigjuar nga banda muzikore e qytetit, e më pas u lexua karriera sportive e deritanishme e Qerimajt. Më pas përshëndetën, prefekti Gjovalin Kolombi, kryetari i bashkisë Artan Haxhi, shefi i klubit shumësportësh Gëzim Mema, kryetari i këshillit të qarkut Lorenc Luka, deputeti Gilman Bakalli, sekretari i federatës së peshëngritjes Ilir Kraja etj. Në fund të kësaj ceremonie Qerimaj i shoqëruar edhe nga një karvan i gjatë makinash, i veshur me uniformën e Birra Tirana, ka bërë një xhiro rreth qytetit, ku është përshëndetur nga mbarë qytetarët shkodran, e më pas është kthyer në ambjentet e bashkisë, ku dhe ishte organizuar një koktej për të pranishmit.
Pritja në Rinas
Në aeroportin e Rinasit kampioni Qerimaj u prit fillimisht nga sponsori i vetëm i tij zyrtar, Birra Tirana, ku në deklaratën e tij ai e përshëndeti këtë “kampione” të biznesit, si një nga më të veçantat e suksesit të tij. “Unë e bëra detyrën time që e ngrita flamurin shqiptar në Kinë, ndërsa ju më prisni sot me këtë madhështi. Falenderoj shtetin shqiptar, Birrra Tirana, Federatën Shqiptare të Peshëngritjes, dhe të gjithë ju që më prisni sot e më krijoni këto emocione të papërshkruara”. Por kërshëria e disa gazetarëve të pranishëm në këtë pritje, nxorri në dukje edhe ndihmesën e madhe që Birra Tirana ka dhënë në sukseset e Erkand Qermajt. “Më shikoni të veshur me uniformën e Birra Tirana? Është sponsori im i vetëm zyrtar dhe gjej rastin që ta falenderoj në mënyrë të veçantë. Është e vetmja që më ka mbështetur që në fillimet e mia dhe është pjesë e këtij suksesi. E falenderoj shumë”, - theksoi midis të tjerave në deklaratat e tij në aeroportin e Rinasit Erkand Qerimaj.
Kraja: Suksesi i erkandit jo rastësi
I vetmi drejtues i FSHP-së pjesëmarrës në pritjen e organizuar për kampionin e botës Erkand Qerimajn dje në Shkodër ishte sekretari i kësaj federate Ilir Kraja. Në prononcimin e tij dhënë për gazetën “Metropol Sport”, Kraja shprehu vlerësimet e tij maksimale për këtë sportist, duke e quajtur jo një rastësi suksesin e Qerimajt. “Ka qënë një sukses jashtëzakonisht i madhe për talentin Qerimaj shpallja kampion bote, duke nderuar veten në radhë të parë, Shkodrën dhe mbarë kombin tonë, pasi është i pari sportist shqiptar që ngrihet në nivele kaq të larta, kur kemi parasysh se Erkandi është vetëm 18 vjeç. Por nëse do t’i referohemi suksesit të radhës, theksoj se Qerimaj nuk e ka pasur të lehtë, pasi përballë tij në garë kanë qënë të gjithë kampion bote, aq më tepër që Kina shquhet në këtë sport, dhe veçanërisht në këtë peshë. Kemi parasysh vetëm një fakt që kinezët kanë 2.5 milion peshëngritësa, ndërsa ne kemi rreth 160 të tillë, prandaj në këtë aspekt them se suksesi i Erknadit ishte jashtëzakonisht i madh. Megjithatë, suksesi i Erkandit nuk është një rastësi, pasi qënë vitin 2002 kur ai ka filluar të garojë në aktivitetit ndërkombëtarë në moshën 14 vjeç, gjithnjë është nderuar me medjale. Por këto suksese janë arritur prej tij falë punës së të mirë dhe me shumë vullnet e dëshirë në stërvitje, ku padyshim një meritë të padiskutueshme ka edhe trajneri i talentuar Genc Barkiçi. Duke parë aftësitë e këtij peshëngritësi, unë jam i bindur se Qerimaj do të ketë të tjera suksese edhe më të larta, duke filluar që nga olimpiadat e ndryshme apo edhe në “Pekinin 2008”. FSHP-ja vazhdimisht e ka mbështetur Erkandin në të gjitha drejtimet dhe me të gjitha mundësitë e saj që ka pasur, dhe të njëjtën gjë premtojmë edhe në të ardhmen. Por vitet e fundit edhe shteti ka lëvizur disi në aspektin financiar dhe besoj se edhe këtu Qerimaj do të ketë një mbështetje të fuqishme, pasi nga qeveria na është premtuar një gjë e tillë. Gjithashtu, mbështetje financiare do të ketë edhe nga Komiteti Olimpik, Bashkia e Shkodrës, ndërkohë që sponsori kryesor do të jetë Birra Tirana”, - ka përfunduar sekretari i FSHP-së Ilir Kraja.
Barkiçi: Arritëm objektivin që i kishim vënë vetes
I mbuluar nga emocionet e mëdha të jep një sukses i tillë, por edhe nga pritja e rezervuar në Shkodër, trajneri Erkandit, Genc Barkiçi, ka theksuar dje se synimin që kishin për këtë kampionat botëror e arritën, duke e ngritur flamurin shqiptar në majat më të larta në peshëngritjen botërore. “Normalisht që të arrish një sukses të tillë, siç është ky me Erkandin ku unë jam trajneri i tij personal, pra të shpallesh kampion bote emocionet janë shumë të mëdha. Ndonëse ne nuk e kemi zakon të flasim shumë përpara garave të tilla, pasi garë është dhe nuk dihet. Në fakt i kishim vënë detyrë vetes për sukses të tillë dhe ia arritëm qëllimit, kjo falë punës sonë të përbashkët në stërvitje, ku për asnjë moment nuk i ndahemi palestrës. Pra kemi arritur të ngrejmë flamurin shqiptar në majat më të larta në aktivitet ndërkombëtare, por duke parë që një sukses i tillë arrihet pikërisht në Kinë ku gjynjëzohen peshëngritësa të rangut botëror, sikur ky sukses dyfishohet. Tani e tutje na del një punë akoma më e madhe, pasi është më e lehtë ta fitosh një trofe se sa ta mbrosh, por kam besim se një sukses tëtillë do ta mbrojmë edhe në të ardhmen. Megjithatë kërkohet një mbështetje financiare më e fuqishme, pasi nuk mjafton vetëm financimi për sportistin, ku Birra Tirana i ka qëndruar shumë pranë, por duhet edhe për trajnerin, pasi suksesi është i përbashkët”, - ka përfunduar trajneri Genc Barkiçi.
Qerimaj: Suksesin ia dedikoj gjithë shqiptarëve
Brenda atmosferës festive që ishte organizuar dje në Shkodër për peshëngritësin kampion i botës, Erkand Qerimaj, këtij të fundit ishte tepër vështirë t’i shkëpusje dy fjalë, pasi njërëzit që dëshironin ta takonin, mediat e ndryshme etj, bënin që koha e tij të ishte shumë e shkurtër. Megjithatë kemi arritur që t’i shkëpusim dy fjalë eksluzivisht për gazetën “Metropol Sport”, ku Erkandi këtë sukses historik për të dhe gjithë kombin mbarë, ia ka dedikuar gjithë shqiptarëve kudo që janë brenda dhe jashtë kufijve shtetërorë të Shqipërisë. “Ju them sinqerisht se e prisja një sukses të tillë, pasi kisha punuar shumë në stërvitje, pavarsisht se nuk ishte kollaj të përballesh me një Kinë të tërë, ku si në numër popullsie ashtu edhe në peshëngritje vazhdojnë të jenë një superfuqi. Sikur të kisha pasur edhe një garë në shkëputje, pasi dështova në 141kg, do të kisha dalë kampion bote edhe në dy garësh. Ndonëse Shqipëria e vogël, por me 175 kg në shtytje arrita të dal kampion bote, duke munduar në garë kinezin, që ishte pretendenti numër një për titull botëror deri atëherë. Kështu, këtë sukses, që për mua mbetet historik ia dedikoj gjithë shqiptarëve kudo që janë. Në të ardhmen shpresoj që shteti të më ofrojë më shumë përkrahje financiare, pasi deri tani asgjë nuk ka bërë veçse ka premtuar, apo edhe nga donatorë të ndryshëm, sepse unë deri tani jam sposorizuar vetëm nga Birra Tirana”, - ka përfunduar kampioni i botës, shkodrani Erkand Qerimaj.
Kampioni i Botës ngre në festë shkodrën
MEJDAN ZHIVANI
4 Qershor Peshëngritje
Dje është organizuar një pritje shumë festive në pritjen e Erkand Qerimajt, pas shpalljes së tij kampion i botës
Pas pritjes që i është rezervuar në aeroportin e Rinasit mesantën e së premtes, radhën për një pritje madhështore për kampionin e botës në peshëngritje e ka pasur qyteti i lindjes Shkodra. Kështu, dje paradite qyteti i Shkodrës ka pritur me shumë entuziasëm Erkand Qerimajn, i cili vetëm pak ditë më parë në Kinë në kampionatin botëror të peshëngritjes, në peshën 69 kg për moshën deri 20 vjeç në stilin e shtytjes, arriti të shpallej kampion bote, që bëhet kështu edhe i pari sportist shqiptar për ngjyrat e kombit tonë që merr një medalje të tillë. Qerimaj ka ngritur në këtë aktivitet peshën prej 175 kg, duke e renditur pa diskutim të parin, ndonëse në këtë konkurim ka pasur kampion nga e gjithë bota, madje edhe botëror. Gjithsesi, qyteti i Shkodrës së bashku me istitucionet drejtuese vendore dhe sportive, dje kishte organizuar një pritje festive për peshëngritësin e talentuar. Sipas programit, rreth 10:30 ishte rezervuar një pritje në sheshin pranë prefekturës, pikërisht në momentin e mbërritjes së Erkandit në qytetin e Shkodrës. Kishin dalë për të pritur kampionin e botës qindra qytetarë shkodranë, të cilat e kanë duartrokitur pa pushim në çastin që kolona e makinave që shoqëronte Qerimajn në drejtim të shehsit qëndror të qytetit. Në pritje të kampionit të botës kishin dalë drejtuessit të lartë të pushetit lokal, deputetë, drejtues të sportit etj. Në fillim u ekzekutua himni kombëtar i dirigjuar nga banda muzikore e qytetit, e më pas u lexua karriera sportive e deritanishme e Qerimajt. Më pas përshëndetën, prefekti Gjovalin Kolombi, kryetari i bashkisë Artan Haxhi, shefi i klubit shumësportësh Gëzim Mema, kryetari i këshillit të qarkut Lorenc Luka, deputeti Gilman Bakalli, sekretari i federatës së peshëngritjes Ilir Kraja etj. Në fund të kësaj ceremonie Qerimaj i shoqëruar edhe nga një karvan i gjatë makinash, i veshur me uniformën e Birra Tirana, ka bërë një xhiro rreth qytetit, ku është përshëndetur nga mbarë qytetarët shkodran, e më pas është kthyer në ambjentet e bashkisë, ku dhe ishte organizuar një koktej për të pranishmit.
Pritja në Rinas
Në aeroportin e Rinasit kampioni Qerimaj u prit fillimisht nga sponsori i vetëm i tij zyrtar, Birra Tirana, ku në deklaratën e tij ai e përshëndeti këtë “kampione” të biznesit, si një nga më të veçantat e suksesit të tij. “Unë e bëra detyrën time që e ngrita flamurin shqiptar në Kinë, ndërsa ju më prisni sot me këtë madhështi. Falenderoj shtetin shqiptar, Birrra Tirana, Federatën Shqiptare të Peshëngritjes, dhe të gjithë ju që më prisni sot e më krijoni këto emocione të papërshkruara”. Por kërshëria e disa gazetarëve të pranishëm në këtë pritje, nxorri në dukje edhe ndihmesën e madhe që Birra Tirana ka dhënë në sukseset e Erkand Qermajt. “Më shikoni të veshur me uniformën e Birra Tirana? Është sponsori im i vetëm zyrtar dhe gjej rastin që ta falenderoj në mënyrë të veçantë. Është e vetmja që më ka mbështetur që në fillimet e mia dhe është pjesë e këtij suksesi. E falenderoj shumë”, - theksoi midis të tjerave në deklaratat e tij në aeroportin e Rinasit Erkand Qerimaj.
Kraja: Suksesi i erkandit jo rastësi
I vetmi drejtues i FSHP-së pjesëmarrës në pritjen e organizuar për kampionin e botës Erkand Qerimajn dje në Shkodër ishte sekretari i kësaj federate Ilir Kraja. Në prononcimin e tij dhënë për gazetën “Metropol Sport”, Kraja shprehu vlerësimet e tij maksimale për këtë sportist, duke e quajtur jo një rastësi suksesin e Qerimajt. “Ka qënë një sukses jashtëzakonisht i madhe për talentin Qerimaj shpallja kampion bote, duke nderuar veten në radhë të parë, Shkodrën dhe mbarë kombin tonë, pasi është i pari sportist shqiptar që ngrihet në nivele kaq të larta, kur kemi parasysh se Erkandi është vetëm 18 vjeç. Por nëse do t’i referohemi suksesit të radhës, theksoj se Qerimaj nuk e ka pasur të lehtë, pasi përballë tij në garë kanë qënë të gjithë kampion bote, aq më tepër që Kina shquhet në këtë sport, dhe veçanërisht në këtë peshë. Kemi parasysh vetëm një fakt që kinezët kanë 2.5 milion peshëngritësa, ndërsa ne kemi rreth 160 të tillë, prandaj në këtë aspekt them se suksesi i Erknadit ishte jashtëzakonisht i madh. Megjithatë, suksesi i Erkandit nuk është një rastësi, pasi qënë vitin 2002 kur ai ka filluar të garojë në aktivitetit ndërkombëtarë në moshën 14 vjeç, gjithnjë është nderuar me medjale. Por këto suksese janë arritur prej tij falë punës së të mirë dhe me shumë vullnet e dëshirë në stërvitje, ku padyshim një meritë të padiskutueshme ka edhe trajneri i talentuar Genc Barkiçi. Duke parë aftësitë e këtij peshëngritësi, unë jam i bindur se Qerimaj do të ketë të tjera suksese edhe më të larta, duke filluar që nga olimpiadat e ndryshme apo edhe në “Pekinin 2008”. FSHP-ja vazhdimisht e ka mbështetur Erkandin në të gjitha drejtimet dhe me të gjitha mundësitë e saj që ka pasur, dhe të njëjtën gjë premtojmë edhe në të ardhmen. Por vitet e fundit edhe shteti ka lëvizur disi në aspektin financiar dhe besoj se edhe këtu Qerimaj do të ketë një mbështetje të fuqishme, pasi nga qeveria na është premtuar një gjë e tillë. Gjithashtu, mbështetje financiare do të ketë edhe nga Komiteti Olimpik, Bashkia e Shkodrës, ndërkohë që sponsori kryesor do të jetë Birra Tirana”, - ka përfunduar sekretari i FSHP-së Ilir Kraja.
Barkiçi: Arritëm objektivin që i kishim vënë vetes
I mbuluar nga emocionet e mëdha të jep një sukses i tillë, por edhe nga pritja e rezervuar në Shkodër, trajneri Erkandit, Genc Barkiçi, ka theksuar dje se synimin që kishin për këtë kampionat botëror e arritën, duke e ngritur flamurin shqiptar në majat më të larta në peshëngritjen botërore. “Normalisht që të arrish një sukses të tillë, siç është ky me Erkandin ku unë jam trajneri i tij personal, pra të shpallesh kampion bote emocionet janë shumë të mëdha. Ndonëse ne nuk e kemi zakon të flasim shumë përpara garave të tilla, pasi garë është dhe nuk dihet. Në fakt i kishim vënë detyrë vetes për sukses të tillë dhe ia arritëm qëllimit, kjo falë punës sonë të përbashkët në stërvitje, ku për asnjë moment nuk i ndahemi palestrës. Pra kemi arritur të ngrejmë flamurin shqiptar në majat më të larta në aktivitet ndërkombëtare, por duke parë që një sukses i tillë arrihet pikërisht në Kinë ku gjynjëzohen peshëngritësa të rangut botëror, sikur ky sukses dyfishohet. Tani e tutje na del një punë akoma më e madhe, pasi është më e lehtë ta fitosh një trofe se sa ta mbrosh, por kam besim se një sukses tëtillë do ta mbrojmë edhe në të ardhmen. Megjithatë kërkohet një mbështetje financiare më e fuqishme, pasi nuk mjafton vetëm financimi për sportistin, ku Birra Tirana i ka qëndruar shumë pranë, por duhet edhe për trajnerin, pasi suksesi është i përbashkët”, - ka përfunduar trajneri Genc Barkiçi.
Qerimaj: Suksesin ia dedikoj gjithë shqiptarëve
Brenda atmosferës festive që ishte organizuar dje në Shkodër për peshëngritësin kampion i botës, Erkand Qerimaj, këtij të fundit ishte tepër vështirë t’i shkëpusje dy fjalë, pasi njërëzit që dëshironin ta takonin, mediat e ndryshme etj, bënin që koha e tij të ishte shumë e shkurtër. Megjithatë kemi arritur që t’i shkëpusim dy fjalë eksluzivisht për gazetën “Metropol Sport”, ku Erkandi këtë sukses historik për të dhe gjithë kombin mbarë, ia ka dedikuar gjithë shqiptarëve kudo që janë brenda dhe jashtë kufijve shtetërorë të Shqipërisë. “Ju them sinqerisht se e prisja një sukses të tillë, pasi kisha punuar shumë në stërvitje, pavarsisht se nuk ishte kollaj të përballesh me një Kinë të tërë, ku si në numër popullsie ashtu edhe në peshëngritje vazhdojnë të jenë një superfuqi. Sikur të kisha pasur edhe një garë në shkëputje, pasi dështova në 141kg, do të kisha dalë kampion bote edhe në dy garësh. Ndonëse Shqipëria e vogël, por me 175 kg në shtytje arrita të dal kampion bote, duke munduar në garë kinezin, që ishte pretendenti numër një për titull botëror deri atëherë. Kështu, këtë sukses, që për mua mbetet historik ia dedikoj gjithë shqiptarëve kudo që janë. Në të ardhmen shpresoj që shteti të më ofrojë më shumë përkrahje financiare, pasi deri tani asgjë nuk ka bërë veçse ka premtuar, apo edhe nga donatorë të ndryshëm, sepse unë deri tani jam sposorizuar vetëm nga Birra Tirana”, - ka përfunduar kampioni i botës, shkodrani Erkand Qerimaj.