Re: HOMERI - grek apo trojan !
Respektet e mia Odoakrit.
Në shek.12, kur mendohet se është bërë lufta greko-trojane. Nuk ka ekzistuar termi grek. Ky është shfaqur shumë vonë i paraprirë nga termi helen. Siç mund ta shihni edhe në Iliadë, ata quhen herë akej, herë argej, herë danaj, sikundër edhe trojanët dalin edhe si dardanë. Bëhet fjalë për fundin e shkëlqimit të fiseve akeje, të njëjtat fise që i dhanë fund qytetërimit minoik të kretës dhe që u vendosën në palestinë si filistinë. Akejtë erdhën nga veriu përpara dorëve dhe u përzienë me popullsinë vendase paragreke dhe pellazge me qendra Mikenën dhe Harapin. Unë mendoj se pellazgët s’janë legjendë pa një bazë historike. Miti i tyre shkon paralel me mitin e Atlantidës, Kecal_koatlit në Amerikën jugore, Minosin e Kretës etj. Për t’u shënuar është që në Iliadë dhe Odise nuk përmenden askund përkthyes. Kjo dëshmon që bëhej fjalë për popullsi indoevropiane, të cilat kishin pak a shumë të njëjtën gjuhë, të dëshmuar nga karianishtja, lidishtja dhe frigjishtja në Azinë e Vogël dhe në Egje, si edhe nga etruskishtja dhe mesapishtja në Apenine, për fat të keq anjëra prej tyre e zbërthyer në mënyrë të padyshimtë. Për t’u përmendur është se megjithëse për zbërthimin e këtyre gjuhëve janë përdorur gjithë gjuhët e Mesdheut, shqipja ndonëse me njeë vjetërsi të mrekullueshme s’është marrë asnjëherë në konsideratë. T’i rikthehemi çështjes. Megjithatë, grekët (po e përdor këtë term për lehtësi.) flisnin për popujt e tjerë si barbarë. Kjo dëshmon që Troja dhe popujt e tjerë që i shkuan në ndihmë si: trakasit, dardanët(?!), egjiptianët me Memnonin, amazonat me Hipolitën etj. Qenë mbetjet e fundit të popullsive të vjetra protoindoevropiane, të cilat përballë dyndjeve të popujve më të rinj, si ilirët, akejt e më vonë dorët etj. U zhdukën ose u asimiluan në mënyrë të ndërsjelltë duke na dhënë Mesdheun e vjetërlindor në fqinjëri me fenikasit e tuaregët në Afrikën veriore, skithët në Kaukaz dhe Tartesin e lashte në gad. Iberik. Pas luftës së Trojës – një mini luftë botërore e kohës për përmasat mesdhetare të saj – akejtë u degjeneruan kulturalisht dhe politikisht dhe ranë përballë dyndjeve dore dhe jone. Kjo nuk ka qenë një rënie e përgjakshme por më shumë një asimilim paqësor. Ndaj një pjesë e trashëgimisë artistike të tyre duhet të ketë kaluar tek të ardhurit, pasardhës i të cilëve është edhe Homeri. Nuk dihet në se tek ai ka mbizotëruar gjaku pellazg, ake, frigas apo jon. Fakt është që mesdheu lindor ka qenë një botë e ngjeshur, me shumë ndërshkëmbime kulturalo – tregtare dhe lidhje gjaku. Lufta e Trojës është tarshëgimi e të gjithë këtyre popujve, por kënga për të, pa dalë ndonjë fakt i ri me peshë duhet të mbetet trashëgimi e asaj popullsie në trojet e të cilëve sot jeton kryesisht konglomerati grek.
2
Është e vërtetë që ka ndryshime stili dhe gjuhe midis Iliadës dhe Odisesë. Odisea daton si më e re, por nga ndonjë analizë karboni, sepse s’ka origjinale, por nga studime të brendatekstit. Nga thellësia e shekujve na ka ardhur një emër: Homer. Le ta pranojmë atë kështu siçka ardhur dhe le t’i vlerësojmë poemat e lidhura me këtë emër ashtu siç na kanë ardhur. Ato shquhen për mungesë të plotë anësie dhe shovinizmi!!!
