Histori dashurie me plumb ne koke

Histori dashurie me plumb ne koke

Krim unikal ne konviktin e universitetit "F.S.Noli" te Korces. Nje vajze 20-vjecare nga rrethi i Pogradecit ka vrare shoqen e saj te dhomes te se njejtes moshe, duke e qelluar me arme zjarri, pistolete. Ngjarja tejet tronditese ndodhi rreth ores 14.00 te dites se hene, ne dhomen e katit te peste te konviktit ku ishin akomoduar edhe dy studentet e vitit te dyte te Fakulttit te Gjuheve te Huaja

 

[peson]

Re: Histori dashurie me plumb ne koke

<span style="font-weight: bold">Sherr për të dashurin, studentja vret shoqen</span>

KORÇË- E qetë dhe në momentin kur policia është shfaqur para saj, studentja Ornela Çapollari ka bërë të paditurën lidhur me vrasjen e shoqes së dhomës, Suela Sina. Nuk ka thënë asnjë fjalë dhe kurrsesi nuk e ka pranuar autorësinë, pavarësisht se policia ka gjetur armën me të cilën ajo akuzohet se ka vrarë shoqen e dhomës. “Në armën pistoletë me të cilën është vrarë studentja Suela Sina, nga Prrenjasi, kemi gjetur gjurmë të gishtave të shoqes së saj Ornela Çapollari, nga Pogradeci”,- thanë burime zyrtare të policisë së Korçës. Por pavarëisht kësaj prove bindëse që policia ka në dorë, 20-vjeçarja nga Pogradeci, Ornela Çapollari, nuk e ka zbërthyer gojën. Ajo nuk ka rrëfyer asgjë rreth motiveve të këtij krimi, që sipas hetimeve të deritanishme të policisë kanë si shkak grindjen për një djalë.

Ngjarja
Ngjarja që ka tronditur konviktoret e universitetit “Fan Noli” në Korçë ka ndodhur rreth orës 15:00 të ditës së djeshme. Policia ende nuk ka mundur të zbardhë plotësisht rrethanat e këtij krimi, por mendohet se mes dy vajzave studente ka pasur një grindje me fjalë për çështjen e të dashurit të Ornelës, i cili, mesa duket, kishte filluar një lidhje intime, paralele, me Suelën. Sipas hetimeve të para të policisë, të cilat i referohen dhe dëshmive të shoqeve të autores së akuzuar të krimit dhe shoqeve të viktimës, të dyja donin të njëjtin djalë, I. Cena, nga Pogradeci, student për agronomi. Ato kishin qenë shoqe të ngushta me njëra-tjetrën dhe flinin në një dhomë, por dashuria për të njëjtin djalë i ka prishur marrëdhëniet mes tyre. Për këtë shkak ato kishin filluar të grindeshin me njëra- tjetrën, mësohet të kenë thënë për policinë studentet që e njihnin si autoren e akuzuar të krimit ashtu dhe viktimën E tradhtuar nga shoqja e saj, e akuzuara Ornela Çapollari ka vendosur të hakmerret në mënyrën më makabër. Burime të policisë thanë se ajo ka mundur të gjejë një pistoletë tek një i njohuri i saj dhe ka shkuar në dhomën ku ndodhej Suela. Ajo ka filluar të grindet me Suelën dhe më pas e ka qëlluar atë me një plumb të vetëm në kokë që ka qenë vdekjeprurës.

Dëshmitaret
Pas krimit, studentja e ciklit të ulët e akuzuar për vrasjen e shoqes së saj ka dalë e qetë nga dhoma e krimit. Një studente, mësohet të ketë thënë për uniformat blu të policisë së Korçës se ajo e kishte parë Ornelën që të dilte nga godina, duke e mbajtur dorën poshtë një xhupi. Më pas, mësohet të ketë thënë dëshmitarja, Ornela ka shkuar në pjesën e pasme të godinës së konviktit dhe është rikthyer përsëri për të biseduar me një grup shoqesh. Në bazë të kësaj dëshmie policia ka menduar se pas godinës, ku ka shkuar dhe autorja e akuzuar e krimit, mund të ndodhej pronari i pistoletës. Por ka rezultuar e kundërta. Arma e krimit është gjetur pas dy orë kërkimesh nga policia, e hedhur 50 metra larg godinës së konviktit, ku pas ekspertizës janë gjetur dhe gjurmë të gishtave të studentes së akuzuar për vrasje.

Hetimet
Burimet e policisë thanë për gazetën se autorja e akuzuar e këtij krimi është arrestuar, ndërsa në polici janë shoqëruar dhe dëshmitarë, të afërm të autores, si dhe studenti nga Pogradeci që mendohet të jetë bërë shkaktar i ngjarjes. Deri në orët e vona të mbrëmjes së djeshme, ata janë marrë në pyetje, por policia e Korçës nuk ka dhënë detaje nga dëshmitë e tyre. Ndërkohë, burime të policisë thanë për gazetën se studentja e akuzuar nuk ka pranuar të tregojë asgjë. Ajo ka kërkuar praninë e një avokati, pa iu përgjigjur asnjë pyetjeje të policisë.

Konviktorët e Universitetit “Fan Noli” në Korçë kanë mbetur të shokuar nga ngjarja tragjike dhe aspak e zakontë që ndodhi në një nga godinat e konviktit të vajzave. Djem dhe vajza studentë kanë dalë në sheshin e konviktit dhe të tronditur kanë folur për ngjarjen që kishte ndodhur në dhomën 62, në konviktin e vajzave.

Të gjithë studentët thërrisnin shoqet në këtë godinë duke kërkuar hollësi se çfarë kishte ndodhur në të vërtetë. Lajmi u mësua shumë shpejt. Ornela Çapollari kishte vrarë me pistoletë, shoqen e saj të dhomës, Suela Sinën, vetëm se e konsideronte jo vetëm si rivale, por dhe shkaktaren e prishjes së lumturisë së saj, duke i rrëmbyer të dashurin.

Kështu diskutonin studentët me njëri- tjetrin ndërsa atje në dhomën nr.62 të konviktit qëndronte i shtrirë trupi i pajetë i 20-vjeçares Suela Sina. Kujdestarja e konviktit, Bardha Spaho, e njoftuar për këtë ngjarje ka lajmëruar menjëherë drejtorin e konvikteve, Vladimir Dino, i cili njoftoi policinë që mbërriti menjëherë në vendngjarje.

Ornela pasi kreu vrasjen doli nga dhoma qetësisht dhe u përzie në biseda me një grup studentesh që gjendeshin në sheshin rreth godinave. Ajo ka qarë kur ka “mësuar“ atë që ka ndodhur; kanë thënë dëshmitarët në vendngjarje. Por nuk zgjati shumë dhe para saj u shfaq policia duke e arrestuar vajzën nga Pogradeci nën akuzën e vrasjes

Krisma e armës
Kanë qenë disa vajza të konviktit ku ndodhi vrasja ato që kanë dëgjuar një krismë arme dhe menjëherë kanë lajmëruar kujdestaren e konviktit dhe kjo e fundit drejtorin e konvikteve. Askush nuk e ka besuar një ngjarje të tillë. Drejtuesit e konviktit që kanë shkuar në dhomën 62 dhe kanë parë trupin e pajetë të studentes nga Përrenjasi kanë mbetur të shokuar dhe menjëherë kanë lajmëruar policinë, e cila ka mbërritur menjëherë në vendngjarje

Policia
Një orë pas vrasjes së studentes 20-vjeçare, policia ka mundur të identifikojë si autore të krimit Ornela Çapollarin, e cila më pas është prangosur. Vajza nuk ka shfaqur asnjë shenjë tronditjeje në momentin e arrestimit. Ajo ka qenë shumë e qetë, duke mos pranuar kurrsesi akuzën e ngritur ndaj saj. Burime të policisë së Korçës thanë për gazetën se studentja Ornela Çapollari është arrestuar nën akuzën e vrasjes me dashje.

Arma e krimit
Arma me të cilën u vra studentja Suela Sina është gjetur disa orë pas krimit, duke qenë një provë e sigurt në duart e policisë. Pas dëshmisë së një studenteje se Ornela ishte larguar pas godinës së konviktit fill pas krimit u mendua se arma e krimit ishte marrë nga pronari.Pavarësisht kësaj dëshmie, policia ka kontrolluar në të gjitha mjediset e brendshme të konviktit si dhe jashtë tij, për ta gjetur armën 50 m larg godinës


11/01/2005

 

[Renea88]

Re: Histori dashurie me plumb ne koke

rane katunaret ne pistoleta

 

[besim231071]

Re: Histori dashurie me plumb ne koke

NUK E KUPTOVA PERSE BEHEJ VOTIMI.

 

[peson]

Re: Histori dashurie me plumb ne koke

Gjykata vendos masën e sigurisë burg pa afat për studenten Ornela Çapollari, e akuzuar si autore e krimit

Pistoleta që vrau studenten, e përdorur në krime të tjera


Jorgjeta Gjançi

KORÇË- Pistoleta me të cilën u qëllua për vdekje studentja 20-vjeçare Suela Sina është përdorur dhe në krime të tjera të bujshme në rajonin e Korçës të cilat ende nuk janë zbardhur. Burimet thanë për gazetën se në dhomën e konviktit të vajzave të Universitetit “Fan Noli”, në Korçë, ku tre ditë më parë u gjend e vrarë studentja nga Përrenjasi, u gjet plumbi dhe gëzhoja e armës pistoletë, me të cilën u ekzekutua ajo. Gjatë hetimit dhe krahasimit të tyre me ato që janë gjetur edhe në krime të tjera, mësohet se ka rezultuar një fakt interesant për policinë kriminale. Studentja Ornela Çapollari, e akuzuar për vrasjen e shoqes së saj, duke mohuar kryerjen e krimit nuk ka pranuar të japë asnjë shpegim rreth faktit se ku e ka gjetur armën. Edhe pse vazja e akuzuar është përballur me faktin se ekspertët kanë vërtetuar se në dorezën e pistoletës janë gjetur gjurmët e gishtave të saj deri dje pasdite ajo nuk ka dhënë asnjë shpjegim rreth këtij fakti.

Pistoleta dërgohet në Tiranë
Kjo pistoletë, e cila është çuar urgjent në Laboratorin e Kriminalistikës në Tiranë, rezulton të jetë përdorur edhe në disa krime të bujshme të kryera gjatë viteve të fundit në qytetin e Pogradecit dhe të Korçës, pjesa më e madhe e të cilave ende nuk është zbardhur. Nisur nga ky fakt ka filluar të tronditet versioni se motiv i vrasjes ka qënë vetëm xhelozia, për të cilën është arrestuar shoqja e ngushtë e viktimës, Ornela Çapollari, studente në vitin e tretë dega cikli i ulët. Kësisoj është shtuar dhe versioni se vrasja është parapërgatitur nga disa persona dhe për qëllime më të thella. Në këto rrethana nuk është çudi që të ketë arrestime të tjera në qytetin e Pogradecit dhe të Korçës. Për fshehtësi hetimi prokuroritë e dy rretheve juglindore nuk kanë bërë të ditur se në cilët krime është përdorur pistoleta me të cilën u vra studentja Sina. Arma e krimit u gjet disa orë pas ngjarjes, e hedhur prapa godinës së konviktit të vajzave në Korçë. Sipas burimeve zyrtare, në këtë armë janë gjetur gjurmë të gishtave të studentes Çapollari, e arrestuar nën akuzën e vrasjes së shoqes së saj por paralel me hetimin e çështjes, po studiohen edhe rrethanat që lidhin këto krime me njeri - tjetrin.

Ornela, në burg pa afat
Dje në mesditë, në gjykatën e shkallës së parë të rrethit të Korçës, u zhvillua dhe seanca për masën e sigurisë ndaj studentes Ornela Çapollari, e arrestuar nga policia nën akuzën e vrasjes së shoqës së saj të dhomës, Suela Sina, pas grindjes për çështjen e një djali. Trupi gjykues me gjyqtar Gjergji Koçon, ka pranuar akuzën në hetim të paraqitur nga prokurori i çështjes, Edmont Shytka. Sipas prokurorit të çështjes, studentja Ornela Çapollari do të hetohet për vrasje me paramendim dhe armëmbajtje pa leje. Vajza e akuzuar nuk ka folur gjatë seancës së djeshme. Në emër të saj ka folur avokati Fatos Çeta, i cili ashtu si edhe klientja e tij, ka mohuar kryerjen e krimit prej Ornelës. Ai ka kërkuar masën e sigurisë “detyrim paraqitjeje” mbasi sipas tij “Ornela rrezikohet të humbasë vitin akademik në Universitet”. Por pretendimet dhe kërkesa e tij nuk janë marrë parasysh nga trupi gjykues, i cili ka vendosur masën e sigurisë “burg pa afat” për studenten Ornela Çapollari.

Hetohen numrat në celularin e Ornelës
Burime brenda gjykatës kanë bërë të ditur se pas zhvillimit të seancës për dhënien e masës së sigurisë, përfaqësues të prokurorisë dhe gjykatës kanë zhvilluar një takim, ku është biseduar dhe vendosur ndërmarrja e një veprimi teknik prej grupit të hetimit, që mendohet se është vendimtar në zbardhjen e vrasjes së studentes nga Përrenjasi. Grupi i hetimit ka marrë gjithë numrat e telefonave celularë me të cilët ka folur studentja e akuzuar, para dhe pas kryerjes së krimit. Një burim i brendshëm i policisë tepër i besuar ka bërë të ditur se grupi i hetimit ka në dorë dhe një përgjim të një bisede të zhvilluar mes Ornelës dhe babait të saj në mjediset e paraburgimit, kur ky hetohej nëse ishte apo jo posedues i pistoletës me të cilën u vra Suela Sina. Nuk bëhet e ditur se cili është thelbi i kësaj bisede , por nënvizohet se ka të dhëna e detaje të rëndësishme për zbardhjen e së vërtetës rreth krimit.


13/01/2005

 

[peson]

Re: Histori dashurie me plumb ne koke

NJE PERSON I DYTE I MISTERSHEM NE VRASJEN E STUDENTES

Korce - Studentja Ornela Cepollari, e akuzuar si autore e vrasjes me pistolete te shoqes se dhomes te saj, Suela Sina, nga Prrenjasi, do te qendroje e izoluar ne paraburgim pa afat derisa te zhvillohet procesi i rregullt gjyqesor ndaj saj. Hetuesit dyshojne se nje person i dyte eshte perfshire ne ngjarje, nderkohe qe besojne se arma e krimit, pistolete, e derguar per ekspertize balistike, eshte perdorur edhe ne krime te tjera. Ata kane shpresuar edhe tek pergjimi i kryer ne dhomat e paraburgimit, por gjakftohtesia e vajzes i ka habitur kur ka kembengulur se &quot;nuk ishte vrasesja e shoqes&quot;. Seanca gjyqesore per vleresimin e mases se arrestit ne flagrance ndaj 20-vjecares Ornela Cepollari eshte zhvilluar dje. Si perfaqesuesi i organit te akuzes, ashtu edhe trupi gjykues i ceshtjes kane qene ne nje mendim se e pandehura do te mbahet e izoluar ne burg pa afat me akuzen paraprake &quot;vrasje me paramendim&quot;. Ne te njejten dite kur u krye seanca per vleresimin e mases se arrestit ne flagrance ndaj studentes pogradecare, ne Gjykaten e Faktit ne Korce eshte zhvilluar edhe nje tjeter seance gjyqesore lidhur me pergjimin e fshehte ndaj vajzes se paraburgosur.

Seanca gjyqesore

Brenda afatit ligjor, prokuroria dhe Gjykata e Faktit ne Korce kane zhvilluar diten e merkure seancen per vleresimin e mases se arrestit ne flagrance ndaj 20-vjecares Ornela Cepollari, qe akuzohet se ka vrare me arme zjarri, pistolete, shoqen e saj te dhomes ne konvikt. Prokurori i ceshtjes, Edmond Shytka, mesohet se ka kerkuar masen e sigurise &quot;arrest ne burg pa afat&quot; per studenten e dyshuar si vrasese, dhe gjykatesi Gjergji Koco nuk ka hezituar aspak qe te lere ne fuqi kerkesen e perfaqesuesit te akuzes. Por nderkaq, eshte zhvilluar edhe nje seance e dyte gjyqesore per pergjimin qe prokuria ka kryer ne dhomat e paraburgimit te komisariatit te Korces, duke patur si objek survejimi studenten e dyshuar per vrasje. Burime te besueshme i deklaruan &quot;KJ&quot; se gjykata vendosi qe te njohe pergjimin sekret te studentes ne qeli, dhe njekohesisht te kete parasysh si argumente te akuzes kete lloj pergjimi. Pergjimin sekret te studentes se dyshuar si vrasese, e konfirmoi edhe gjykatesi i ceshtjes, Gjergji Koco, i cili tha se &quot;kjo praktike e organit te Prokurise u aprovua ne seancen gjyqesore si prove per akuzen e ngritur ndaj studentes pogradecare&quot;.

Cepollari: Nuk e kam vrare une

Kjo e fundit, jo vetem qe ka mohuar kryerjen e krimit, por edhe ne prani te avokatit mbrojtes ka mohuar vazhdimisht vrasjen me pistolete te shoqes se saj ne konvikt. &quot;Me ka habitur gjakftohtesia e vajzes ne mohimin e vepres penale per te cilen akuzohet&quot;, tha nje burim i ogranit hetimor. Sipas te cilit nuk ka aspak rendesi shoqerimi ne polici i babait te vajzes se akuzuar paraprakisht per vrasje te paramenduar, gjetja e nje lende helmuese e llojit bar miu ne canten e studentes pogradecare qe ende nuk eshte saktesuar nga ekspertiza, sesa pista me e mundshme hetimore se kush ka lidhje me pistoleten qe u be arma e vrasjes se studentes nga Prrenjasi. &quot;Ka nje person te trete ne kete ngjarje, dhe kjo po hetohet me perparesi&quot;, thane burime te besueshme te grupit hetimor te ngjarjes, sipas te cilave, nuk mund t'u jepet kredencial lajmeve mbi arrestimin e prindit te sudentes se arrestuar, apo te te riut qe ndezi xhelozine mes dy femrave, me nje pozicion krejt periferik ne kete ngjarje.

Misteri

Pistoleta, kyci i hetimeve

Letra qe supozohet se studentja pogradecare ka lene si deshmi e krimit, substancat helmuese ne canten e saj qe ne fakt po i nenshtrohen ekspetrizes, apo vlera e parave te gjetura tek dy protagonistet e kesaj tragjedie, duket se nuk i kane interesuar shume ekipit hetimor te ngjarjes. Pistoleta e krimit rezulton se eshte prova kyce nga ku mbetet te provohet autoresia e vrasjes se studentes. Sipas te dhenave te besueshme ka dale se arma e krimit ne vrasjen e studentes mund te jete perdorur edhe me pare ne ekzekutime njerezish. &quot;Po verifikohen dy gezhojat e gjetura ne ngjarjen e vrasjes se studentes me prova te tjera qe lene te dyshosh se nga e njejta arme zjarri jane kryer edhe vrasje te tjera&quot;, thane burimet e policise rajonale. Edhe pse ruajtja e sekretit hetimor ishte justifikimi me carmatoses i organit te akuzes, nuk u mohua qe vajza pogradecare mund te jete &quot;viktime&quot; e nje vrasjeje qe ne sfond ka te tjere persona te inkriminuar ne kete ngjarje.

Ngjarja ndodhi rreth ores 14.30 te dites se hene ne ambientet e konviktit te Korces ku dhe dy studentet ishin vendosur prej dy vitesh, ndersa thuhet se u zune per xhelozi

Viktima ishte Suela Sina, 20 vjec, studente e gjuheve te huaja dhe banuese ne Perrenjas, ndersa per autore u akuzua shoqja e saj e dhomes, Ornela Cepollari

Sipas hetimeve rezulton se Ornela e ka ndjekur shoqen e dhomes deri ne dhomen ku e vrau, pasi ajo kerceu me djalin qe donte

Ornela arrestohet dy ore pas ngjarjes, por nuk pranon asnje akuze. Policia hedh dyshimet e para per nje person te dyte te implikuar ne ngjarjen makabre

Gjendet arma, pistolete, per te cilen u tha se ishte e babait te vajzes, por ngjarja mbeti misterioze edhe pas pergjimeve te kryera e mohimit te vajzes, pavaresisht nga helmi qe iu gjet

 

[peson]

Re: Histori dashurie me plumb ne koke

Rrengu i hetuesve që solli pohimin e krimit nga Ornela

Kurthi i hetuesve për studenten vrasëse

Pesë ditë pas vrasjes së studentes Suela Sina zbardhet skema që u përdor për zbulimin e autores së krimit

Shekulli

KORÇË- “Suela është mirë dhe ndodhet në spital. Madje ajo të ka kërkuar dhe dëshiron te takohet me ty”. Ky rreng i përdorur nga grupi hetimor i policisë së Korçës ka bërë që Ornela Çapollari të pohojë “po unë e qëllova Suelën”. Pas këtij pohimi të Ornela Çapollarit, studentes 21-vjeçare, që është arrestuar nën akuzën e vrasjes së shoqes së saj të dhomës, Suela Sina, kanë filluar dhe pyetjet e njëpasnjëshme të grupit hetimor Këto pyetje janë finalizuar dhe me gjetjen e armës, vendndodhjen e së cilës, sipas burimeve të sigurta të policisë, e ka treguar vetë studentja e akuzuar për vrasje. Madje ajo ka treguar dhe identitetin e personit që i kishte dhënë armën tip pistoletë, me të cilën ajo akuzohet se qëlloi për vdekje shoqen e saj të ngushtë.

Hetimet
Pesë ditë pas vrasjes së bujshme që ndodhi në konviktin e vajzave në Universitetin “Fan Noli”, në Korçë, zbardhet skema që ka sjellë dhe pohimin e Ornelës “po unë e qëllova Suelën”. Fill pas krimit të rëndë, policia e Korçës ka shoqëruar si autore të dyshuar të ngjarjes, shoqen e ngushtë të viktimës, Ornela Çapollarin, nga Pogradeci. Grupi hetimor nuk e ka pyetur direkt studenten se “përse e qëllove Ornelën”, por i ka thënë asaj se është thjesht e shoqëruar ashtu si dhe disa konviktore. Më pas Ornelës i është thënë se Suela ndodhej në gjendje të mirë shëndetësore dhe se kishte kërkuar të takohej me të. Në këto momente, studentja e dyshuar, e ka marrë të mirëqenë deklarimin e policisë. E trembur nga ky fakt (se Suela ishte gjallë), studentja e akuzuar ka pohuar “po unë e qëllova”, ndërsa ka urinuar, shenjë kjo e shpjeguar në raste të tilla. Grupi hetimor i ka kërkuar asaj që të tregojë vendin ku kishte hedhur armën e krimit, tip pistoletë. Burime të sigurta nga grupi hetimor thanë për gazetën se ndërsa studentes së akuzuar i kërkohej të tregonte vendin e hedhjes së pistoletës, ajo kërkonte me ngulm që të ndërrohej. “Më lini të ndërroj pantallonat dhe më pas do të tregoj”,- mësohet të ketë thënë para grupit hetimor vajza e akuzuar. Por sërish e akuzuara është përballur me trysninë e përdorur nga hetuesit. “Nëse nuk tregon se ku e ke hedhur pistoletën, atëherë do të të nxjerrim kështu përpara shoqeve dhe shokëve dhe do t’u themi se Ornela është autore e vrasjes së Suelës”. Përballë këtij tensioni, 21-vjeçares, s’i ka mbetur gjë tjetër veçse të tregojë vendndodhjen e pistoletës, e cila, sipas pohimeve të së akuzuarës, u gjend 50 metra larg godinës ku ndodhi vrasja e studentes Suela Sina, nga Përrenjasi. Burime të sigurta nga grupi hetimor thanë për gazetën se vajza ka treguar dhe identitetin e personit që i ka dhënë armën e krimit, por ai nuk bëhet i ditur për arsye hetimi. Mësohet se personi që posedonte armën që vrau 20- vjeçaren Sina, është kontigjent i policisë.

Ornela në burgun 325
Pas marrjes së masës së sigurisë burg pa afat, studentja e akuzuar Ornela Çapollari, nuk ka qëndruar as 24 orë në qelitë e komisariatit të Korçës. Dje në mesditë ajo është transportuar, nën masa të rrepta sigurie, në burgun 325 në Tiranë. Mësohet gjithashtu se vajza e akuzuar që prej ditës së djeshme nuk do të mbrohet nga avokati Fatos Ceta. Ky i fundit, i pyetur dje nga gazeta “Shekulli”, tha se është tërhequr nga kjo çështje pasi është emëruar në një detyrë shtetërore. Nuk bëhet e ditur nëse është përcaktuar apo jo ndonjë avokat tjetër për të mbrojtur studenten e akuzuar. Në seancën e dhënies së masës së sigurisë të zhvilluar dy ditë më parë në gjykatën e shkallës së parë të rrethit të Korçës, Ornela Çapollari nuk e pranoi krimin. Ndërkohë ish-avokati i saj kërkoi që ndaj saj të jepej një masë më e lehtë sigurie, si detyrim paraqitjeje, pasi e akuzuara rrezikonte të humbiste studimet.

 

[peson]

Re: Histori dashurie me plumb ne koke

FRIKE NGA DHOMA 61 E KRIMIT

Reportazh nga ambientet ku ndodhi ngjarja dhe ku hetuesit kane mbledhur dje sendet personale te personazheve

Korce- Ne dhomen me numer 61 te katit te peste te konviktit ne Korce mbizoteron nje heshtje varri. Levizje te rralla ne korridor dhe vajza qe te shikojne si te trembura. Vrasja me pistolete e studentes Suela Sina, brenda ne dhomen e konviktit, nga nje shoqe e saj, me shume se kudo ndihet ne pasojat tragjike tek konviktet e universitetit &quot;F.S.Noli&quot; te Korces. Pak dite pasi ka ndodhur ngjarja, studentet konviktore shfaqen me rroba te zeza, si nje shenje zie per humbjen e nje bashkemoshatareje, por edhe te tronditjes qe ka shkaktuar vrasja e padegjuar deri me tani. Nje tmerr te pazakonte duket se ka shkaktuar vrasja e studentes se gjuhes angleze, perderisa dhoma ku ajo ishte akomoduar eshte braktisur me ngut nga vajzat e tjera, dhe personeli i qendres se trajtimit te studenteve eshte gati te kryeje edhe dezinfektimin sikur ne dhomen me numer 61 ka rene papritur nje semundje e rrezikshme.

Heshtje nga studentet konviktore

Vajzat ne dhomen perkarshi dhomes ku ndodhi krimi i cuditshem, por edhe te tjera ne ambientet e katit te peste te konviktit, tregohen mjaft te rezervuara lidhur me ngjarjen e dites se hene. Disa prej tyre, te pyetura mbi natyren njerezore te viktimes dhe autores se dyshuar te vrasjes, nuk paten kurajon te flasin per pershtypjet e tyre para dhe pas ngjarjes. Madje nuk dhane asnje opinon per rrethanat e krimit, duke u shmangur me kujdes per gjithcka ka ndodhur ne dhomen me numer 61 te katit te peste te konviktit. Autoritetet e konviktit pretenduan se te gjitha vajzat qe ishin akomoduar ne dhomen ku ndodhi vrajsa me pistolete, keto dite jane larguar dhe deshmia e tyre rrethanore ishte e pamundur. Ne fakt, edhe prindi i nje studenteje konviktore nga fshati Remenj i rrethit te Pogradecit, tregon se e ka larguar vajzen e tij nga konvikti per shkak se ishte e akomoduar ne dhomen ku ndodhi ngjarja. Si ai, edhe disa prinder te tjere, kane shpejtuar qe te shperngulin vajzat e tyre nga konvikti, pasi ketu nuk ka me asnje siguri per jetese normale.

Inventari i dhimbjes ne dhomen e krimit

Personeli i Qendres se Trajtimit te Studenteve ne Korce eshte angazhuar me ambalazhimin e sendeve vetjake te studentes qe u vra dhe asaj qe u arrestua, kur ja beh ne ambientet e konvikteve prokurori i ceshtjes. Ne qese te zeza plasmasi, nga ato qe perdoren per mbeturinat, jane hedhur pas inventarit te gjitha sendet personale te te dy vajzave te perfshira ne ngjarjen tragjike. Veshje te jashtme e te brendshme, takeme tualeti me shumice, fletore leksionesh ku emri Ornela Capollari, (autorja e dyshuar e vrasjes), bie ne sy mbi pllakat ku ndodhi vrasja, jane tashme si nje pune angari per ata njerez qe duhet te dokumentojne dhe magazinojne &quot;pasurine&quot; e dy vajzave; njeres qe ka perfunduar ne varreza dhe tjetres ne qeli. Zemra te vizatuara gjithandej ne muret e dhomes, fotografi femrash e me pak meshkujsh qe njihen si yje te muzikes e kinematografise, keto mbizoteronin ambientin dekorativ te dhomes ku u vra studentja nga Prrenjasi.. &quot;Cdo gje e bukur dhimbje le pas&quot; ishte nje citat i shkruar me boje ne murin e krevatit tip marinari te dhomes 61 ku u vra studentja onviktore. Drejtuesit e qendres se trajtimit te studenteve konviktore kane vendosur ta mbyllin dhomen ku ndodhi vrasja e studentes. Qe prej nates se hene, diten kur ndodhi krimi, shoqet e dhomes se viktimes dhe te vajzes qe u arrestua per vrasje, nuk kane guxuar te flene me ne ambientin ku ndodhi ngjarja tronditese.

 

[peson]

Re: Histori dashurie me plumb ne koke

Ç'e bën vrasëse një 20 vjeçare


--------------------------------------------------------------------------------


Ka dy mundësi që shpjegojnë krimin e 20-vje-çares, një agresivitet skajor dhe nje xhelozi skajore ose është tip i pakontrolluar emocionalisht ka...një disekuilibër emocional, ndoshta nga lindja, origjina, apo faktorë të kësaj natyre. Çrregullimi i personalitetit është ndonjëherë dukuri e adoleshencës, po fakti që është studente e vitit të dytë tregon që ka një personalitet të edukuar gabim, ka një formim të gabuar. Kjo vjen nga edukimi familjar i mangët, ose nga mungesa e edukimit familjar në tërësi. Ajo është edukuar në një shoqëri agresive, të dhunshme, ku vrasja, vdekja, dhuna janë natyra e dytë e komunikimit. Edhe dashuria për të ka kuptimin e një posiviteti dhe pronësie të rëndomtë dhe jo të një ndjenje të lartë fisnike shpirtërore. Ajo do të bënte të njëjtën gjë edhe nëse do t'i kishin marrë çantën, ose një letër sekrete të saj. Këto tipa kanë karakter të dyfishtë, nga njëra anë iu mungon identiteti personal dhe në përpjekje për ta formuar, ata luhaten midis nevojës për miqësi normale, që pranohet nga shoqëria dhe midis nevojës për të krijuar identitetin e të fortit, e të rëndësishmit e atij që bën ligjin. Dhe për të ruajtur këtë identitet fals ajo është gati që të rrezikojë edhe duke vrarë. Natyrisht këtu qëndron dallimi mes një mashkulli me identitet të fortë dhe një femre të tillë. Sepse femra e ka të vështirë t'i rezistojë atij ekuilibri mendor që ka mashkulli në momentin e kryerjes së veprimit. Femra e ka të vështirë të ruajë gjakftohtësionë dhe të marrë vendime të qeta, kur i duhet të dalë nga natyra e saj femërore dhe të tregohet e fortë. Secili është i suksesshëm kur reagon në mënyrën e vet. Femrat janë më të suksesshme kur reagojnë në nivelin e arsyetimit dhe të gjakftohtësisë. Burrat janë shumë të dhunuar psikologjikisht kur kanë gra gjaknxehta. Por fakti që edhe me provat e pakundërshtueshme ajo s'e pranon vrasjen, s'është tipar i karakterit të fortë. Aktualisht ajo është në një moment kthjellimi dhe e kupton që dënimi i saj nuk është vetëm ligjor por edhe moral. Domethënë ajo dënohet më shumë nga shoqëria e femrave dhe akoma më shumë pikërisht pse është femër. Prandaj e ka shumë të vështirë ta pranojë këtë realitet të ri&quot;.

 

[peson]

Re: Histori dashurie me plumb ne koke

Çelnik Çapollari, babai i Ornelës, e akuzuar për vrasjen e shoqes së saj të dhomës




Çelnik Çapollari, babai i Ornela Çapollarit, i kërkon falje publike familjes së Suelës, nëse vajza e tij e ka vrarë atë

“Nëse ka vrarë Suelën, të vriste veten”


POGRADEC- Nuk e beson kurrsesi se vajza e tij ka vrarë shoqen e saj të dhomës, në konviktin e vajzave në Universitetin “Fan Noli” në Korçë, por thotë se nëse “Ornela e ka vrarë shoqen, më mirë të vriste edhe veten”. Çelnik Çapollari, babai i Ornela Çapollarit, studentes së akuzuar për vrasjen e shoqes së saj të dhomës, Suela Sina, ka dhënë dje një intervistë ekskluzive për gazetën “Shekulli”, ndërsa ka shprehur ngushëllimet për familjen e studentes së vrarë dhe u ka kërkuar falje publike nëse vajza e tij është me të vërtetë autore e krimit.

Flet babai
Pasi ka lënë qelinë e komisariatit të Korçës ku qëndroi dy ditë, pasi dyshohej se ishte ai pronar i armës me të cilën u qëllua për vdekje studentja Suela Sina, Çelnik Çapollari nuk ka shkuar në apartamentin e tij, në një pallat në breg të liqenit të Pogradecit, ku banon prej disa muajsh pas zhvendosjes nga fshati Gështenjas. Së bashku me gruan dhe dy djemtë e tij, është vendosur tek shtëpia e një të afërmi të tij. Të gjithë anëtarët e familjes Çapollari janë të tronditur nga vdekja e studentes Suela Sina, të cilën e njihnin personalisht. Aq më tepër janë të tronditur se si autore e këtij krimi është arrestuar vajza e tyre, Ornela, 21 vjeç. “Nëse vajza ime e ka kryer me të vërtetë këtë akt të shëmtuar nuk do t’ia fal kurrë. Nëse ajo e ka kryer këtë akt më mire të kishte vrarë edhe veten e saj …”, thotë Çelniku. Babai i studentes së akuzuar për vrasje të shpjegon se është njeri punëtor, që ka jetuar me djersën e ballit dhe në fshatin e tij të lindjes, Gështenjas, me 3000 banorë, e respektojnë të gjithë. “Jam zgjedhur kryeplak i fshatit për dy herë radhazi. U kam zgjidhur halle dhe konflikte nga më të ndryshmet bashkëfshatarëve të mirë dhe sot unë përballem me një hall të tillë që nuk e mendoja kurrë”,- thotë babai i tre fëmijëve.

Ornela jo tek Suela, natën e Vitit të Ri
Çelniku mohon atë që është thënë se vajza e tij Ornela, natën e Vitit të Ri e ka kaluar në shtëpinë e Suelës, në qytetin e Përrenjasit. “Kjo nuk është e vërtetë, pasi natën e Vitit të Ri e kemi kaluar familjarisht në shtëpinë tonë. Madje, kujton babai i studentes së akuzuar, kemi uruar që viti 2004 mos ardhtë kurrë, pasi atë vit më pësoi një fatkeqësi djali i madh. Ky i fundit u aksidentua në sy dhe për pak sa nuk humbi shikimin. “Me përpjekje munda që ta çoja në një klinikë turke dhe mjekët atje arritën që ta shpëtojnë atë”,- thotë ai. Çelniku kujton ndër të tjera se Suela ka ardhur vetëm një herë në shtëpinë e tyre, vitin e kaluar, kur ata jetonin fshat. “Suela qëndroi vetëm dy orë. Hëngri vetëm një drekë dhe u largua”,- thotë Çelniku, i cili ishte i vetmi nga pjesëtarët e familjes që nuk e kishte takuar atë ditë shoqen e vajzës. “Më erdhi keq që nuk e takova Suelën, se vajza ma kishte paraqitur si shoqen e saj më të ngushtë dhe e donte shumë”,- thotë më tej ai.

Çelniku: Do të shkoj për ngushëllim në familjen e Suelës

Ka mallkuar vitin 2004, që i solli fatkeqësi në familje, (iu aksidentua djali), por ky vit i ka shkaktuar një gjëmë të madhe. “Viti 2005 që në fillim më solli ketë gjemë të madhe jo vetëm mua, por sidomos familjes Sina”,- vijon Çelniku rrëfimin e tij për gazetën “Shekulli”. Babai i Ornelës thotë se ai dhe gruaja e tij, Fatmira dhe dy djemtë, Renatoja dhe Klesi, orë e çast jetojnë me këtë dhimbje. “E kemi qarë tamam si vajzën tone edhe Suelën .Atë ditë që ishtë varrimi i Suelës isha i gatshëm të shkoja dhe të merrja pjesë në ceremoninë mortre”,- vijon babai i Ornelës së akuzuar. Ai nuk ngurron të thotë se një ditë do të shkoj tek familja Sina për ngushëllim, megjithëse nuk i ka takuar asnjëherë prindërit e studentes së vrarë. Ka dëgjuar fjalë shumë të mira për ta, se janë një familje fisnike. “Edhe tek varri i Suelës do të vendos një tufë lule, në shenjë respekti si do që të paraqiten rrethanat”,- thotë ai

 

[peson]

Re: Histori dashurie me plumb ne koke

Letra e “lamtumirës”, një provë e rëndësishme


Shekulli

KORÇË-Përveç armës së krimit, një provë materiale shumë e rëndësishme për grupin e hetimit përbën letra që u gjet vetëm një metër larg studentes së vrarë, vendosur mbi krevatin ku ajo flinte. Letra me një shkrim që i ngjante me tepër një zhgaravinë është shkruar nga njëra prej dy vajzave. Kjo ende nuk është zbardhur dhe pritet ekspertiza e letrës së lamtumirës ku shkruhej “babi unë e bëra” dhe më poshtë emri i Ilir Canës, djalit që u bë shkak për xhelozinë mes dy vajzave. Dyshohet se ajo është shkruar nga viktima nën kërcënimin e armës ose nga e akuzuara, e cila sipas hetimeve të deritanishme rezulton se ka dalë e fundit nga dhoma ku u krye krimi dhe është përpjekur të largojë çantën dhe xhoken e saj, të cilat do t’i nevojiteshin kur në konvikt të mësohej se çfarë kishte ndodhur në dhomën 61. Ekspertizat e armës dhe e letrës pritet të zbardhin të vërtetën e kësaj vrasjeje.


15/01/2005

 

[After_dark]

Re: Histori dashurie me plumb ne koke

<span style="font-weight: bold">Ka dy mundësi që shpjegojnë krimin e 20-vje-çares, një agresivitet skajor dhe nje xhelozi skajore ose është tip i pakontrolluar emocionalisht ka...një disekuilibër emocional, ndoshta nga lindja, origjina, apo faktorë të kësaj natyre. Çrregullimi i personalitetit është ndonjëherë dukuri e adoleshencës, po fakti që është studente e vitit të dytë tregon që ka një personalitet të edukuar gabim, ka një formim të gabuar. Kjo vjen nga edukimi familjar i mangët, ose nga mungesa e edukimit familjar në tërësi. Ajo është edukuar në një shoqëri agresive, të dhunshme, ku vrasja, vdekja, dhuna janë natyra e dytë e komunikimit. Edhe dashuria për të ka kuptimin e një posiviteti dhe pronësie të rëndomtë dhe jo të një ndjenje të lartë fisnike shpirtërore. Ajo do të bënte të njëjtën gjë edhe nëse do t'i kishin marrë çantën, ose një letër sekrete të saj. Këto tipa kanë karakter të dyfishtë, nga njëra anë iu mungon identiteti personal dhe në përpjekje për ta formuar, ata luhaten midis nevojës për miqësi normale, që pranohet nga shoqëria dhe midis nevojës për të krijuar identitetin e të fortit, e të rëndësishmit e atij që bën ligjin. Dhe për të ruajtur këtë identitet fals ajo është gati që të rrezikojë edhe duke vrarë. Natyrisht këtu qëndron dallimi mes një mashkulli me identitet të fortë dhe një femre të tillë. Sepse femra e ka të vështirë t'i rezistojë atij ekuilibri mendor që ka mashkulli në momentin e kryerjes së veprimit. Femra e ka të vështirë të ruajë gjakftohtësionë dhe të marrë vendime të qeta, kur i duhet të dalë nga natyra e saj femërore dhe të tregohet e fortë. Secili është i suksesshëm kur reagon në mënyrën e vet. Femrat janë më të suksesshme kur reagojnë në nivelin e arsyetimit dhe të gjakftohtësisë. Burrat janë shumë të dhunuar psikologjikisht kur kanë gra gjaknxehta. Por fakti që edhe me provat e pakundërshtueshme ajo s'e pranon vrasjen, s'është tipar i karakterit të fortë. Aktualisht ajo është në një moment kthjellimi dhe e kupton që dënimi i saj nuk është vetëm ligjor por edhe moral. Domethënë ajo dënohet më shumë nga shoqëria e femrave dhe akoma më shumë pikërisht pse është femër. Prandaj e ka shumë të vështirë ta pranojë këtë realitet të ri&quot;. </span>

Se di moj gishtez, por nqs keto jane mendimet e tua apo te gazetes, por ska perralle me te bukur. Flet per edukimin?? Cili shqiptar eshte rritur me edukim tamam?? Pastaj skemi te bejme me nje kriminel ordiner qe u rrit rrugeve dhe spati edukimin tamam por me nje studente qe pati nje crregullim nervor. Tani na sjell dhe nje teori tjeter, qe meshkujt jane killer gjakftohte dhe femrat vrasin vetem se se mbajne veten dot

. Aspekti tjeter qe sjell aty eshte sikur je avokatja apo psikologia personale e vajzes qe mendohet qe ka kryer krimin. Jo tani po e kthjellohet jo tani po e kupton. Ia lexove gje ne balle? &lt;img src=&quot;/pf/images/graemlins/laugh.gif&quot; alt=&quot;&quot; /&gt; . Nje arsye pse ajo spranon krimin, mund te jete dhe gjendja e saj e renduar psiqike. Se eshte ai denimi kolektiv, prandaj ju femrat i beni gjerat fshehurat, zini te dashur dhe asnje se di,dhe mos u cudisni pse perfundoni semaforeve apo te vrara.
E fundit qe do shtoja eshte dhe citimi i babait te vajzes: Me mire te kishte vrare dhe veten e saj.
Ketu duket qe babait te saj i intereson me shume ca do thote bota,jo si e ka hallin vajza,jo pse e beri. Nqs vajza e tij ka bere nje krim ,do denohet sipas ligjit dhe ai ska asnje pergjegjsi per krimin e goces.

 

[MiriEr]

Re: Histori dashurie me plumb ne koke

Ne radhe te pare dua te them se me ka ardhur shume keq per ate qe ka ndodhur se ne radhe te pare viktimen e njihja nga afer dhe dergoj ngushellimet e mija familjes se Sueles dhe tjera eshte se akoma nuk arij ta kuptoj se si mund te arij nje femer te beje nje veprim aq te shemtuar si mmud te vrasesh nje njeri me aq gjakftohtesi si e beri ajo.per sa lexova me lart te them te drejten u shokova sepse eshte nje ngjarje renqethese po me shume me habit gjakftohtesia e vraseses pa le po avokati ishte i shqetesuar se klientja e tij do humbiste dhe vitin akademik keta njeres nuk jane ne vete drejt me thene tjetra vret me gjakftohtesi te plote ata merziten per vitin shkollor ore cna degjojne veshet po shpresoj te kete sado pak profesionalizem dhe njeres te specializuar qe te gjejne dhe se nga kush e ka mare autorja e krimit armen me te cilen u vra viktima sepse me sa lexova me lart eshte perdorur dhe per krime te tjera kjo eshte e rendesishme pa te tjerat pak a shume dihen nuk besoj se i duhet shume hetuesise te pyese motivet e vrasjes sepse ato dihen po i duhet te gjeje dhe te vere nen pranga dhe bashkepunetorin e te akuzuares i cili e ka ndihmuar te arije ate qe ajo kishte vendosur te bente.Nga deshmitare okulare ne vndgjarje degjova se ne fotografite e te akuzuares ishte gjetu dhe nje fotografi e shoqeve te saj ku fytyra e vikimes ishte e rethuar dhe ne fytyre ishte nje kyq pra del fare qarte se vrasesja e kishte planifikuar me kohe ate qe beri dhe nuk ishte aspak e momentit sic thuej me siper se e pa viktimen duke kercyer me ish te dashurin e saj.megjithate ne nuk mun te flasim dhe te japim shpjegime te hollesishme te ngjarjes po le te shpresojme se organet e hetuesise dhe drejtesise do bejne te pa munduren qe si autorja e krimit dhe bashke punetoret e saj te marin denimin e merituar qe u takon.

 

[-MATTEO-]

Re: Histori dashurie me plumb ne koke

po shume histori i keni bere kesaj teme. po pse nuk diskutoni per mentalitetin shqiptare qe eshte me epoken e skenderbeut.

shanset per te hyre ne evrope 0.0001% !!!! &lt;img src=&quot;/pf/images/graemlins/frown.gif&quot; alt=&quot;&quot; /&gt;

 

[peson]

Re: Histori dashurie me plumb ne koke

Ornela Çapollari, studentja e akuzuar për vrasjen e shoqes së saj të ngushtë


Policia: Bashkëpunëtori ka instruktuar autoren e akuzuar të këtij krimi që të zhdukë provat e mundshme

<span style="font-weight: bold">&quot;Studentja vrasëse ka vepruar me bashkëpunëtor</span>


Jorgjeta Gjançi

KORÇË- Ornela Çapollari, studentja e akuzuar për vrasjen e shoqes së saj të ngushtë, ka pasur një bashkëpunëtor të specializuar për kryerjen e këtij krimi. Policia e Korçës, në bashkëpunim me prokurorinë e këtij rrethi, vazhdon të hetojë intensivisht për zbardhjen e vrasjes së studentes 20 –vjeçare Suela Sina, nga Përrenjasi, ngjarje kjo e ndodhur në 10 janar të këtij viti, në një nga dhomat e konviktit të Universitetit “Fan S. Noli” në Korçë. Burime policore thanë për gazetën se autorja e akuzuar për këtë krim vazhdon të mbetet Ornela Çapollari, 21 vjeç, nga Pogradeci shoqe me viktimën. Në bazë të hetimeve të zhvilluara deri tani lidhur me këtë krim që tronditi mbarë opinionin, dyshohet se studentja e akuzuar për vrasje ka pasur një bashkëpunëtor. Burimet thanë për gazetën se bashkëpunëtori i studentes së akuzuar nuk ka qenë njeri i zakonshëm, por i specializuar në fushën e krimeve. “Kjo pasi Ornela ka vepruar si një mjeshtre gjatë kryerjes së krimit”,- theksuan burimet e policisë. Bashkëpunëtori, sipas policisë, ka pasur qëllim që ta mbështesë kryerjen e krimit, por gjithmonë me kujdes jo vetëm për të mos u zbuluar vetë, por edhe për të zhdukur provat e krimit. Ai ka instruktuar autoren që të parandalojë provat e mundshme dhe më pas të zhdukë edhe ato që do të krijoheshin gjatë krimit.

Policia
Sipas grupit të hetimit të policisë së Korçës, studentja e akuzuar për këtë krim ka zbatuar me përpikmëri një nga kërkesat e instruktorit të saj, atë që gjatë kryerjes së vrasjes të mos kishte asnjë dëshmitar okular. Kështu ditën e krimit, studentja e akuzuar e ka ndjekur hap pas hapi shoqen e saj, Suelën. Ajo ka ndjekur gjithë lëvizjet e Suelës në qytet dhe nëpër auditoret e Universitetit, me pretendimin se duhej të sqaronte diçka rreth marrëdhënieve të saj me studentin e vitit të tretë agronomi, Ilir Cane (djali që thuhet se u bë shkak për xhelozinë mes dy shoqeve). Suela, së bashku me disa shoqe, ishte në dhomën e saj në konvikt, kur aty ka shkuar Ornela dhe u ka kërkuar shoqeve te Suelës që të largoheshin nga dhoma sepse kishte diçka për të biseduar me të. Këtë fakt e kanë konfirmuar për grupin e hetimit dy vajza, të cilat me kërkesën e Ornelës kanë qenë të detyruara të largoheshin nga dhoma 61 ku u krye krimi.
Me mendimin se krisma e armës nuk ishte e fortë dhe se nuk krijoi dyshime tek studentet e dhomave të tjera të konviktit, Ornela mendohet se ka fshirë nga arma tip pistoletë TT gjurmët e gishtave të dorës së saj dhe mandej duke e fshehur në mes të xhupit ka dalë nga godina dhe e ka hedhur atë (armën) rreth 50 metra larg godinës së konviktit. Vajza e akuzuar për vrasje, sipas policisë, mendoi se ky veprim nuk do të kishte tërhequr vëmendjen e ndokujt, por hetimet zbuluan se largimi në një rrugë jo të zakonshme kishte tërhequr vëmendjen e një studenteje, e cila rezervoi dëshminë e saj për hetimin. Po kështu ka tërhequr vëmendjen e studentëve edhe fakti se Ornela qëndronte e qetë mes tyre, çka dëshmon se ishte e përgatitur psikologjikisht për atë që kreu, thanë burimet.

Ngushtohet rrethi i bashkëpunëtorëve
Të gjithë elementët e mësipërme, sipas policisë, tregojnë se Ornela sado e shkathët që të ketë qenë, përsëri nuk do të kishte mundur të vepronte me kaq profesionalizëm në një krim, po qe se ajo nuk do të kishte pasur një instruktim profesional. Policia, duke kontrolluar telefonatat në celularin e vajzës së akuzuar dhe duke mësuar lidhjet e saj me persona të ndryshëm në qytetin e Korçës, ka ngushtuar shumë rrethin e të dyshuarve që mund të kenë luajtur rolin e bashkëpunëtorit apo të instruktorit. Burime policore nuk e përjashtojnë edhe mundësinë se personi që dyshohet si bashkëpunëtor të ketë qenë apo dhe të jetë në radhët e policisë dhe ka dijeni rreth stampave të krimeve të këtij lloji. Përveç fakteve të mësipërme, nga burime shumë të sigurta policore, mësohet se prej ekspertëve është ndërmarrë edhe një veprim i dytë teknik që ndihmon në zbardhjen e vrasjes , por që sot përbën një sekret hetimi. Nga burime policore mësohet se grupi i hetimit, përveç armës së krimit, letrës që u gjet në dhomën 61 dhe barit të miut që u gjend në çantën e Ornelës, ka grumbulluar në vendngjarje dhe më pas gjatë hetimit edhe një sërë provash të tjera, të cilat bëhen të ditura, por që do të çohen në sallën e gjyqit dhe do të hedhin dritë mbi autorësine e krimit, për të cilin deri tani e akuzuara e vetme është Ornela Çapollari, studentja nga Pogradeci, tashmë e izoluar në burgun 325 në Tiranë.
Vrasja e studentes
Rreth orës 14:30 të së hënës së kësaj jave, në dhomën 61 të konviktit të vajzave në Universitetin “F. S. Noli” në Korçë, u gjet e vrarë studentja Suela Sina. Një orë pas këtij krimi, policia ka mundur të identifikojë si autore të krimit Ornela Çapollarin, e cila më pas është prangosur. Vajza nuk ka shfaqur asnjë shenjë tronditjeje në momentin e arrestimit. Ajo ka qenë shumë e qetë

Dëshmitarët
Sipas vajzave konviktore që janë marrë në pyetje nga policia, pas krimit, Ornela ka dalë nga dhoma duke fshehur diçka në xhup. Më pas ajo ka shkuar nga prapa godinës së konviktit. Pas këtij veprimi, sipas dëshmitareve, Ornela është përzier në biseda me një grup studentesh që gjendeshin në sheshin rreth godinave. Ajo ka qarë kur ka “mësuar“ atë që ka ndodhur, kanë thënë dëshmitarët në vendngjarje.

Motivi i krimit
Motivi i krimit, sipas hetimeve të deritanishme të policisë ishte xhelozia për studentin Ilir Cena. I pyetur nga policia, studenti nga Pogradeci ka pranuar se dashuronte vetëm Suelën dhe se ditën e hënë rreth orës 09:00 këtë gjë ia ka thënë në sy edhe Ornelës dhe i ka kërkuar që të mos ushqejë iluzione. Studenti nga Pogradeci është marrë në mbrojtje nga policia dhe është siguruar në një vend të fshehtë.

Letra e “lamtumirës”
Policia e Korçës ka mundur të gjejë dhe një letër “lamtumire” pranë trupit të pajetë të studentes Sina. Në letrën e shkruar keq thuhej “babi unë e bëra” dhe pak më poshtë ndodhej dhe emri i studentit Cena. Policia dyshon se letra është shkruar nga e akuzuara Ornela Çapollari, për ta paraqitur ngjarjen si një vetëvrasje. Sipas policisë, dyshohet se Ornela ka ushtruar presion mbi Suelën, që të pranonte vetëvrasjen

 

[peson]

Re: Histori dashurie me plumb ne koke

E afërmja e Ornela Çepollarit, të akuzuar për vrasjen e shoqes së dhomës, dëshmon kundër saj në Gjykatën e Korçës

<span style="font-weight: bold">Dëshmia, Ornela më solli armën e krimit në dyqan</span>


KORÇË-Një shitëse dorëzoi në polici pistoletën që vrau studenten Suela Sina, në dhomën e saj të konviktit të universitetit “Fan Noli” të Korçës. Dëshmia e shitëses, e cila është e afërme e autores së dyshuar të vrasjes, Ornela Çapollarit, është siguruar dje në Gjykatën e Korçës dhe ka hedhur dritë mbi ngjarjen tronditëse, të ndodhur më 10 janar në konviktin e universitetit. Në masa të rrepta sigurie, larg kamerave dhe gazetarëve të shumtë, dëshmitarja e vrasjes së Suelës ka hyrë në sallën e gjykatës, ku ka treguar dialogun me Ornela Çapollarin, pak minuta pas krimit, duke dhënë kështu ndihmesën e saj në zbardhjen e kësaj çështjeje. Në këtë seancë të sigurimit të provës kanë qënë të pranishëm prokurori i çështjes, Edmond Shytka, dhe avokati i të akuzuarës për vrasjen, Neshat Fana.
Dëshmia
Shitësja 45-vjeçare, inicialet e së cilës janë B.K është e afërme e Ornelës, ndërkohë që punon në një dyqan në bulevardin “Gjergj Kastrioti” të Korçës. Përpara gjyqtarit Gjergji Koço, ajo ka thënë se ndodhej në dyqan, në kohën që Ornela Çapollari kishte shkuar drejt saj me vrap dhe e skuqur në fytyrë. “E pashë që nxitonte dhe e pyeta për arsyen. Ajo nuk më ktheu përgjigje, por më zgjati një çantë plastmasi me ngjyrë blu, brenda së cilës ndodheshin disa plaçka të mbështjella me gazetë. Ornela më tha ta mbaja çantën në dyqan, se do vinte ta merrte të nesërmen”,-ka pohuar para gjykatës, shitësja 45-vjeçare. Ajo ka shtuar se me Ornelën kishte lidhje gjaku, e nuk kishte dyshuar aspak për faktin se ajo linte shumë herë gjëra në dyqanin ku punonte. “Pa e kontrolluar, e futa nën banak. Pashë Ornelën që u largua me një makinë, që mund të ishte edhe taksi, drejt universitetit”,-ka shtuar dëshmitarja. Ajo ka shtuar se lajmin e vrasjes së Suela Sinës e kishte mësuar kur ishte ende në punë. “Dëgjova se për këtë krim akuzohej shoqja e dhomës. Menjëherë më shkoi mendja tek Ornela dhe u kujtova për çantën që ma la me aq urgjencë. Mora çantën në dorë dhe pesha e rëndë, e mbështjellë më krijoi dyshimin se diçka nuk shkonte”,- shton dëshmitarja.
Pistoleta e krimit
Dëshmitarja e djeshme ka thënë në gjykatë se çantën e kishte hapur vetëm pasi kishte dëgjuar në televizion, arrestimin e Ornelës për vrasjen e shoqes së saj të dhomës. “Kur mësova se Ornela ishte shoqëruar në polici së bashku me disa shoqe të tjera, e hapa çantën që më kishte lënë. Aty gjeta pistoletën. Kishin kaluar vetëm katër orë, nga koha që Ornela kishte ardhur në dyqanin tim. Menjëherë pasi gjeta pistoletën, u paraqita në polici dhe tregova gjithçka që kishte ndodhur”,-mësohet të ketë thënë 45-vjeçarja, gjatë sigurimit të provës në Gjykatën e Korçës. Dëshmia e djeshme zbardhi mënyrën sesi u gjet pistoleta e krimit, nga hetuesit e kësaj çështjeje. Nga ana tjetër, dëshmia e shitëses, kushërirë me Ornela Çapollarin ka rënduar pozitën e kësaj të fundit, në vrasjen e shoqes së saj të dhomës. Burime nga grupi i hetimit pohojnë për “Shekullin” se kjo është një prej dëshmive kyçe, që organi i akuzës do të përdorë si provë në gjyqin kundër studentes Ornela Çapollari. Suela Sina u vra më 10 janar të këtij viti, në dhomën e saj të konviktit. Për këtë krim u arrestua shoqja e saj e dhomës, e cila fillimisht e ka pranuar autorësinë, por më pas ka ndryshuar qëndrim. Në dhomën e saj, policia gjeti edhe një letër të shkruar nga Ornela, adresuar babait të saj: “babi, unë e bëra…”. Nga hetimet e deritanishme dyshohet se krimi është bërë për motive xhelozie.

PISTOLETA
Ndryshe nga ç’u deklarua në fillim të hetimeve, arma e krimit është dorëzuar në polici nga një shitëse, e afërme me të akuzuarën Ornela Çepollari. Sipas dëshmitares, Ornela ia ka dërguar pistoletën në dyqan, të mbështjellë me gazetë, brenda një çante plastmasi

LETRA
“Babi, unë e bëra…”. Një letër e papërfunduar, që sipas hetuesve të çështjes është shkruar nga Ornela Çepollari është gjetur në dhomën e konviktit. Letra u dërgua për ekspertizë, por shërbeu si një provë më tepër për t’i vënë prangat të dyshuarës Ornela Çepollari


26/02/2005

 

[MLK]

Re: Histori dashurie me plumb ne koke

Vrasjet me motiv pasionin fatkeqesisht zene vendin e pare biles dhe jane shume me siper se sa vrasjet me motiv parane! Pra pasioni vazhdon te mbetet shkaku kryesor i vrasjeve dhe ne bote e Shqiperia mendoj se nuk duhet te kete keto raporte.

 

[do vdes per ty]

Re: Histori dashurie me plumb ne koke

aman o zot cpo degjojme, ne shqiperi duhet te vihet urgjentisht denimi me vdekje si ketu ne USA qe te rrine urte keto pilivesat e keqija , mizerjet vajti vrau shemtira per te dashurin e shoqes o zot i madh kesaj i thone ec o cuni bej sex me mua me zor se te dua kjo eshte kriminele edhe rrugace. ne litar qelbesira se mori jeten e nje adoleshenteje dhe preu shume enderra te bukura ne mes. mjer kujt i ra fatkeqesia se te rrisesh femine 20 vite te enderrosh qe ta shofesh nuse me te bardha nje dite edhe te ta vrasi nje prostitute si ajo ornela ky eshte kulmi.
zot me jep fat ne jete se sduroj dote te tilla gjera

 

[do vdes per ty]

Re: Histori dashurie me plumb ne koke

une do vdec per alushin , dudushin time qe e kam xhan xhan &lt;img src=&quot;/pf/images/graemlins/smile.gif&quot; alt=&quot;&quot; /&gt; se eshte si alush i vogel i vogel xhan xhan &lt;img src=&quot;/pf/images/graemlins/smile.gif&quot; alt=&quot;&quot; /&gt; nejse ika une tani se e bera si muhabete bebash tek kopeshti numer 31 &lt;img src=&quot;/pf/images/graemlins/smile.gif&quot; alt=&quot;&quot; /&gt;