Hena na ndryshon jeten

[Narkomane]

Fuqinë e jashtëzakonshme të Hënës dhe ndikimin e këtij sateliti në vetë Tokën - paraardhësit tanë kaherë e kanë pasur të njohur, andaj, bazuar në këtë realitet, ata gjithmonë përshtatnin dhe orientonin përditshmërinë e tyre sipas këtij ritmi.








▪ Atë që e dinin gjyshërit tanë - tash është dëshmuar edhe shkencërisht: Hëna ndikon dukshëm në ndryshimin e jetës tonë.
Pas disa vite hulumtimi dhe studimi të bëra në këtë drejtim, Jehona Paunger dhe Tomas Pope, të arriturat e tre kërkimore rreth ndikimit të Hënës në përditshmërinë tonë, këto ditë, me sukses i kanë prezantuar në një artikull të gazetës më të lexuar gjermane "Bild".
Shikimi i këtyre dy studiuesve në lidhje me ndikimet e Hënës, ka ngjallur një interesim të madh tek lexuesit e kësaj reviste prestigjioze me tirazh disa milionësh.
Por, çka do të duhej të dimë fillimisht për Hënën?


KATëR GJENDJET E HëNëS


Hëna në të mbushur shihet dy deri tri herë pas Hënës së re dhe duket si hije e argjendtë në errësirën e natës. Ajo përhap siguri, veçanërisht pas një etape të pesimizmit, me bindje se gjërat, megjithatë, sërish do të ecin para. Hëna e plotë është si një festë. Dielli dhe hëna qëndrojnë përballë njëri-tjetrit dhe e marrin tokën në mes, si prindi fëmijën e tyre. Koha është për veprime të mëdha dhe dashuri.
Hëna në të sosur simbolizon aktin e dhënies dhe dhuratat. Koha është për shërim (operacionet) dhe e përshtatshme për mbjellje dhe vjelje të bimëve.
Hëna e re figurativisht simbolizon babanë. Kush agjëron në këtë ditë, ai e pastron mirë trupin nga helmet. Gjithashtu, edhe fillimi i ndonjë diete, çfarëdo nisme e re, biznes, ose farë kurimi për dobësim, në këtë periodë do të mbështetet nga Hëna.

KALENDARI HYJNOR
Hëna që "është ngrënë" pakëson energjitë tona. Trupi është i dërmuar dhe i rraskapitur, ka nevojë për qetësi. është faza e pjekurisë dhe e gjykimit për spastrimin e keqkuptimeve brenda familjes dhe në profesion. Operacionet gjatë kësaj kohe kanë më shumë gjasa dhe mundësi të jenë të suksesshme, proceset e shërimit përparojnë, gjithashtu, më shpejt. Pastrimi, fshirja, larja dhe heqja e peshës bëhen më lehtë. Pastrimi i gjakut përmes çajit të hithit gjatë kohës sa Hëna "hahet", është një mjet shërues i famshëm. Të vjetrit tanë e dinin mirë se, trupi pas një dimri rraskapitës është si i rrahur, gjë që ndikon në kolesterinën. Në pastrimin e hershëm - "pastrimi i gjakut", në këtë periodë, aktivizon kapacitetin e plotë të funksionalitetit të veshkave.
"Të vjelat" e kopshtit (kose të tarracës): bimë, perime dhe fruta të vilen shkurt pas Hënës së plotë. Ato pastaj kanë shije intensive. Edhe patatet dhe kërpudhat gjatë kohës së Hënës së plotë kanë aromë të plotë.
Agjërimi ka sukses në humbjen e kilogramëve të tepërt më së miri tri ditë para Hënës së plotë dhe tri ditë pas Hënës së plotë. Gjatë kësaj kohe sa jeni në dietë, pini së paku dy litra ujë në ditë! Flokët. Ngjyra rri më gjatë, nëse ato përdoren gjatë kohës sa hëna vjen duke u përplotësuar. Larja dhe prerja e tyre preferohet, nëse Hëna është në kuadër të shenjës së Luanit.
Lakrat këputni paradreke vonë, kur vesa tashmë është tharë dhe i magazinoni gjatë kohës kur Hëna "hahet". Kjo shmang mykun, ndërkaq cilësia dhe fuqia ndikuese e tyre mbetet e lartë. Dashura dhe të qenit të këndshëm (të "ëmbël!") - Hëna e plotë është romantike e madhe. Jo rastësisht dhe jo pa shkas, ajo është pagëzuar edhe si "planeti erotik". Gjatë Hënës së plotë ndryshohet fusha magnetike e Tokës. Fuqia e diellit dhe Hënës përshkrojnë trupin tonë dhe i bëjnë hormonet t'ia thonë valles.
Nëse Hëna qëndron në rrethin e shenjës së Peshores në Horoskop - është mirë për stërngopje, për ata që janë fizikisht të dobët si dhe për plehërimin e bimëve. Rekomandimet për ushqim gjatë kësaj periode: Hani më pak, ndërkas pas orës 18:00 mos hani më, nëse agjëroni, atëherë nuk është e mundur ta përballoni. Pini rreth 2 litra lëngje deri në ora 19.00, pastaj vetëm nëse keni etje.


KUR HëNA ëSHTë E RE - KENI Më SHUMë ENERGJI!


Hëna e re, faza e energjisë: Shikuar në rrafshin astronomik rrëshqet në mes Tokës dhe Diellit, fytyra e saj është zhytur tërësisht në errësirë. Lëreni çdo gjë të shkojë rrugës që është nisur. Startoni sërisha nga e para - një fillim i ri i mbarë (dieta, shpërngulja...) Në këtë fazë, madje edhe medikamentet, kanë ndikim më të mirë.
Pemët dhe lëngjet natyrore ju bëjnë posaçërisht mirë në periudhën para Hënës së re dhe para Hënës së plotë.
Këshillë: Në këtë periudhë bioproduktet kanë më shumë materie ushqyese dhe aromë natyrore.
Pelingu po u përdor kur është Hëna në të "sosur", e mban lëkurën shumë gjatë të lëmuar dhe të shëndoshë, por edhe të këndshme (lezetshme). Kjo këshillë nuk vlen kur është Hëna nën shenjën e Horoskopit-Peshk.
Kositja e barit. Për rritje të shpejtë bëhet, zakonisht, kur Hëna është duke u mbushur dhe qëndron në shenjën e Horoskopit të Gaforres ose të Akrepit.

PAS HëNëS Së PLOTë RRITET DëSHIRA PëR SEKS!
Seksi: Frytshmëria dhe gjallëria më të theksuara janë tetë ditë pas Hënës së plotë (të gushtit), dhe gjatë kohës sa Hëna është në të "sosur". Kjo periodë është parashenja dhe parakushti më i mirë për pranim të fetusit, ngase dëshira për seks rritet.
Edhe ritmi ditor i organeve gjatë kësaj periode ndryshon. Për shembull, te stomaku vërehet aktivitet i lartë prej orës 7.00 deri në ora 9.00, ndërsa faza e qetësisë, prej orës 9.00 deri në ora 11.00.
Hëna e plotë: Somnambulët (ata që shëtisin natën në gjumë) si dhe ata që flasin në gjumë, do të bëhen më aktiv, sepse në këtë periodë pengesat gjatë të fjeturit janë më të shpeshta. Në rrafshin astronomik, gjatë kësaj periode. Hëna qëndron prapa Tokës dhe është tërësisht e zënë nga Dielli.
Rrobat lahen më së mirë gjatë kohës sa Hëna është duke u mbushur, dhe ato, menjëherë pas larjes duhet nderen (të shtrihen) për t'u tharë.
Hëna që shkon duke u mbushur rezervon energji. Sa më shumë i ofrohet përplotësimit të saj (Hëna e plotë), aq më i fortë bëhet ndikimi i saj. Kjo periodë është koha optimale për biseda të vështira. Por, keni kujdes! Mos merrni kurrë diçka pësipër si obligim!

 

[Narkomane]

Ja se c kam lexuar ne nje shkrim po per henen ...nje histori vertet e cuditshme...

Ndikimi fatal i hënës

Të gjithë flisnin për të se është një pesëdhjetvjeqar me dukje të një djaloshi. Shokët dhe ata që e njifnin e përshkruanin si njeri shumë të sjellshëm dhe të butë. Fëmijëve u ndihmonte ta kalonin rrugën në vende të rrezikshme, më të vjetërve u a barte torbat, gjithkujt i ndihmonte kur kishin nevojë.

Ai gjithashtu organizonte aksione humanitare dhe merrte pjesë në to, i ndihmonte njerëzit fizikisht, me këshilla dhe jo rrallë edhe materialisht. Pos kësaj ai për ndryshim nga njerëzit e tjerë, të cilët i janë besnik vetëm parasë dhe fitimit, ishte njeri i kallëpit të vjetër dhe shpesh humbej në ëndërrime romantike duke mos u ruajtur as nga të tjerët.

Përveç kësaj, i adhuronte kuajt dhe gjithmonë mundeshe ta gjesh në garat e tyre. Binte në sy se kuajt i donte si qenje të gjalla e jo si mjete për fitim. Pra nuk ishte qudi që 46 - vjeçarin Fransoa Leroj e adhuronin të gjithë.

Për fat të keq më vonë u kuptua se ky njeri i zakonshëm dhe shumë i adhuruar nga të tjerët është një vrasës shumë i rrezikshëm dhe jo bash i përditshëm, sepse u vërtetua se ai i ka kryer shtatëmbëdhjetë krime seksuale-sadiste ndërsa i shtohen në barrë edhe nëntë të tjera!

Policia e kryeqytetit të Francës një kohë të gjatë vuante nga neuroza kolektive për shkak të disa rasteve të pashpjeguara: vinte natën, në mënyrë sadiste shfryhej në to dhe në fund i mbyste. Nuk i zgjidhte viktimat, kështu që vriste edhe vajza të reja të moshës 18 vjeqare edhe plaka të moshës 73 vjeqare. Ai ato i ngulfiste, i rrihte, i shponte me thikë, i dhunonte dhe në fund i vriste në mënyra të ndryshme. Vetëm tri prej tyre nuk i vrau dhe ato i ndihmuan shumë hetimeve të policisë.

Po, Fransoa shpesh dilte vonë nga shtëpia pas mesnate, dhe këtë e spjegonte me nervozën e paspjegueshme e cila e shtyente të dilte dhe të shetiste. Dilte i shqetësuar - thotë Brizhit Varga, e cila me të i kishte kaluar pesë vjet e gjysmë në martesë.

Kundrejt saj ai ishte shumë i kujdesshëm, bile i butë dhe kurrë nuk mundej të kuptohej se ai në të vërtetë ishte një psikopat me kërkesa të sëmura sadiste. Gruaja e dytë e tij, në gjykim thoshte se familja e tij veçanarisht nëna, kurrë nuk e kishin pranuar, sepse nënën e kishte diktator të llojit më të keq e cila në shtëpi nuk e lejonte përdorimin e alkoholit, duhanit bile edhe qeshjen me zë.

Ajo gjithmonë vendoste në emër të tij, bile edhe për gjëra si zgjedhja e pastës së dhëmbëve apo gjatësisë së pejve të këpucës.

Psikiatrët thonë: ajo grua është person posesiv me autoritet agresiv, sjelljet e saj kanë lënë shenja në djalin e saj. Psikiatri prof. Zhak Kozini shkon edhe mëtej duke thënë se nëna e tij ka pasur ndikim fatal në të birin e vet.

Rrethanat vendimtare

Por cila ishte rrethanë vendimtare në formimin e një personaliteti maniakal dhe vrasës?
Si fajtore kryesore u cilësua caku i vjetër dhe i tashëm i çdo romantiku e ajo është HËNA. Sepse, Fransoa Leroji renditej në kategorinë e atyre personave të cilët mjekët i quanin " homme de Lune" pra njerëz të hënës. Ekspertët mjeksorë të cilët e kanë kontrolluar të akuzuarin dhe të cilët e përcillnin gjendjen e tij, mundoheshin që në mënyrë objektive ti tregojnë gjygjit ndikimin misterioz të hënës në sjelljet kriminale të romantikut të akuzuar. Testet e ndryshme treguan se Leroi në mënyrë të veqante sillej kur ishte hëna e plotë.

Për dallim nga personat e tjerë, te ai gjatë kohës së hënës së plotë rritej tajimi i hormoneve, deri sa në gjak kishte sasi senzacionale të adrenalinës. Bëhej i parahatshëm, fillonte të vraponte dhe ti mëshojë me grushta dyerve to Parizit dhe në fund nisej për në shtëpinë e viktimës ose atë e gjente edhe rrugës. Tajimi enorm i hormonit fillonte në mbrëmje të natës me hënë të plotë dhe nuk i binte as pas mesnate. Psikiatrët mendojnë se Leroi natën përjetonte transformim në stilin e dr Xhekillit dhe dr Hajdit, duke u shëndruar në vrasës të cilin as nuk mundesh ta përshkruash.

Ç'farë është ndikimi i hënës

"Tek i akuzuari ekziston një element sekret i ndikimit të hënës të cilën shkenca edhe në shkallën e sotme të zhvillimit ende nuk mundet me spjeguar. Por nuk ka kurrëfarë dyshimi se i akuzuari në kohën e hënës së plotë shëndrrohet në një personalitet krejt tjetër, deri sa në proceset e tij fiziologjike vjen deri te alarmime dhe ndryshimet e mëdha dhe të quditëshme.

Në të vërtet vjen deri te aso tajimesh të hormoneve të cilat ishin dashur të priten te dhjetë njerëz përnjëher e jo vetëm te një njeri i vetëm. Përveç kësaj vjen edhe deri te ndryshimi i tonusit të muskujve të cilat tkurren dhe forcohen e që në medicië janë vërejtur vetëm te disa sëmundje".

Kështu para gjygjtarit u shpreh psikiatri tjetër, prof. Ogist Sharije.

Por në gjyq u kuptuan edhe disa fakte tjera. I akuzuari që në vitin 1962 ishte denuar me 20 vjet burg për shkak të vrasjes së tezes së vet. Mbrojtja e tij këtë e arsyetoi me atë se ai atëherë në moshën 16 vjeqare ishte i traumatizuar me vdekjen e dajës së vet, që ai e donte shumë, si dhe me vetëvrasjen e shokut të tij më të ngushtë nga shkolla.

Gjyqi i ndjeu edhe disa të dhëna se i akuzuari kishte jetuar në një pronë të pasur të fshatit në një rezhim të rreptë ku babai e urrente si vrasës deri sa nëna, fanatik i madh fetar, i rrinte si një "mur i pakapërcyeshëm" duke e ruajtur veqanarisht nga shoqëria me femra.

Edhe psikiatrët edhe mbrojtja e tij thanë se Fransoa Leroi ka qenë viktimë e ndryshimeve patologjike të natës, kur edhe ishte i zoti ti kryente veprimet e veta kriminale, duke u bërë një maniak sadist-mazohist dhe duke e kompenzuar inferioritetin e vet ditor.

Si ndikonte Hëna në vrasësin? A çfaqet shpesh ky fenomen? Çfarë janë ato rreze rë cilat drejtohen nga Hëna dhe futen në njeri?
Në Francë filloi intenzivisht të kërkohet përgjegjja!

Nga Arsim Ajgeraj