Hakmarrja, Tmerri i Tiranes
KRYEPROKURORI MUNGON DY DITE NE ZYRE
Të gjithë frikë nga "Hakmarrja…"
Kryeministri shton rojet
Duke filluar që në orët e vona të pasdites së të enjtes, menjëherë pas thyerjes së vërtetësisë së lajmit që në Bruksel ishte kapur kreu i organizatës së quajtur "Hakmmarrja për Drejtësi Shqiptare", në Tiranë ka filluar paniku. Entusiazmi i qartë që shkaktoi lajmi për kapjen e kreut të organizatës (menjëherë u mendua se me pjesën tjetër të anëtarëve do të ishte më e thjeshtë) u zëvendësua me heshtje dhe meditim të frikshëm. Ndërsa gjatë ditës së djeshme frika u pa qartë pas disa veprimeve të policisë dhe të Gardës së Republikës për marrjen në ruajtje të disa personazheve të politikës dhe vendbanimeve të tyre. Një vëzhgues jo ekspert mund të gjente dje një shumëfishin të rojeve civile të vendosur rreth vilës së Nanos që ndodhet tek ish-blloku. Krahas gardistëve të veshur me uniforma ushtarake aty ishin shtuar edhe një dyzinë gardistësh të veshur civilë, të cilët ishin vendosur pothuaj në largësinë 10 metra larg njëri-tjetrit. Po kështu i njëjti person mund të vinte re pa frikë se në takimet e djeshme Kryeministri shoqërohej nga dyfishi i truprojave të zakonshme.
Por i njëjti panik i krijuar vihej re edhe me krerët e policisë dhe të prokurorisë. Dje në prokurorinë e Përgjithshme jepnin një informacion sipas të cilit Kryeprokurori Theodhori Sollaku për dy ditë nuk do të ishte në detyrë. Që pas vrasjes së shoferit të tij kryeprokurori udhëton me një makinë Fiat Croma të blinduar, e cila lëviz në mes të dy fuoristradave me targa të policisë në bordet e të cilëve ndodhen njerëz të armatosur. Të tilla makina të blinduara janë duke përdorur këto ditë edhe krerët e tjerë të akuzës. Por paniku duket ka përfshirë edhe krerët më të lartë të policisë. Gjatë gjithë ditës së djeshme ata u janë përgjigjur në telefona vetëm njerëzve shumë të afërt të tyre dhe nuk kanë preferuar të hapin telefonat edhe për kolegët. Ndërkohë që kanë zhvilluar shumë mbledhje të cilat në mbrëmje vonë janë konkluduar në një takim me zv/ministrin e Rendit të sapoemëruar Igli Toska.
Ja kush është në të vërtetë Altin Arapi
Lidhja me Shytët dhe detyra si ekzekutor Në fillim vodhën disa armë në një repart ushtarak dhe me to grabitën degën e arkës së kursimeve numër 8 në Tiranë ku morrën vetëm 48 mijë lekë. Ky ishte sipas prokurorisë starti i asaj që më pas do të quhej organizata me e madhe kriminale në Shqipëri në krye të së cilës do të vendoseshin dy vëllezërit Shyti, bij të ish-funksionarit të lartë të shtetit komunist Aredin Shyti. Porse vetëm një hap larg tyre, më saktë në krahun e djathtë të Orik Shytit, sipas akuzës do të vendosej përgjithmonë Altin Arapi, djali i hallës i tij nga Vlora. I cili në vitin 1990 gjendej në Tiranë për të vazhduar studimet në ish-shkollën e Bashkuar të Oficerëve. Nuk përcaktohet sesi u kishte lindur ideja për t'iu futur rrugës së krimit, porse sipas akuzës në vitin 1990 Oriku dhe Altini (me ndihmën e një të njohuri të Altinit) kishin vjedhur disa armë në repartin ushtarak numër 8770 në Tiranë. Ishin 5 pistoleta dhe tre kallashnikovë. Si fillim kishte qenë ideja e shitjes së tyre, por më pas, sipas akuzës, ishin synuar bankat.
Emri i Arapit në vjedhje bankash
Sipas kërkesës për gjykim të prokurorisë, emri i Altin Arapit përmendet në 22 vepra penale të filluara me vjedhjen e arkës së kursimeve numër 8 në Tiranë dhe të përfunduara me vrasjen me dashje të ish-drejtorit të Përgjithshëm të Burgjeve, Bujar Kaloshi më 26.07.1996. Sipas akuzës Arapi ka marrë pjesë në pothuaj të gjitha "krimet" e organizatës "Hakmarrja…". Në tre raste të vjedhjeve të bankave në të cilat akuzohet se ka marrë pjesë janë vrarë tre punonjës, vë vendosjen e bombës në supermarketin VEFA etj. Sipas një skeme të hierarkisë dhe funksioneve të organizatës, të përpunuar nga hetimi në vitin 1996 emri i Arapit futej tek dega e kriminalitetit dhe klasifikohej i pari në listë.
Bomba te VEFA dhe vrasja e Kaloshit
Dy ngjarjet më kulmore për të cilat prokuroria akuzon si pjesëmarrës Altin Arapin janë konsideruar hedhja në erë e supermarketit VEFA më 26.02.1996 dhe vrasja e drejtorit të Burgjeve Bujar Kaloshi më 20.07.1996. Sipas akuzës atentati ndaj supermarketit ka qenë një akt i mirëfilltë terrorist që kishte për qëllim destabilizimin e vendit para zgjedhjeve parlamentare të vitit 1996. Arapi ka patur rolin e njërit prej urdhëruesve dhe kontrolluesve të katij akti. Ndërsa vrasja e drejtorit të burgjeve sipas akuzës është kryer nga Arapi në mënyrë të drejtpërdrejtë. Kështu Arapi dhe një tjetër i akuzuar i "Hakmarrjes…" që tashmë nuk jeton, Enkeled Agaj, kanë bërë ekzekutimin e ish-drejtorit në afërsi të shtëpisë së tij pranë pallatit të sportit "Asllan Rusi". Në momentin kur Kaloshi është shfaqur, Arapi ka qëlluar në drejtim të tij, duke zbrazur një krehër pistolete. Për tu siguruar se kishte vdekur, ai ka mbushur armën me një tjetër krehër, duke shënuar në kokën e viktimës. Ndërkohë i akuzuari tjetër Enkeled Agaj nuk kishte qëlluar në shenjë, duke e kursyer shoferin. Kjo është akuza e fundit në dosjen e vjetër për Altin Arapin të konsideruar si mjeshtër të atentateve, për të cilin ishte dokumentuar edhe një histori qesharake. Gjatë vjedhjes së parë të armatosur të jetës së tij, i ishte shkrehur arma pa dashje pasi nuk dinte ta përdorte.
EKSTRADOHEN SOT MIQTE E KILLERIT
Arapi, marrëveshje për deportim
Akuzohet për "vrasjen me dashje" të Sinës
Drejtuesit e akuzës dhe të policisë në Tiranë janë futur në tratativa për sjelljen në Shqipëri gjatë 2-3 ditëve në vazhdim të Altin Arapit, njeriut të akuzuar si vrasësi i shoferit të kryeprokurorit Sollaku. Sipas një burimi zyrtar të ministrisë së Rendit, pothuaj është arritur në një marrëveshje me organet homologe belge, që Arapi dhe dy shqiptarët e tjerë në shoqërinë e të cilëve është ndaluar, të deportohen për në Shqipëri me anë të procedurave të përshpejtuara, duke u konsideruar persona të padëshirueshëm për shtetin belg. "Kemi një konfirmim pozitiv të kërkesës, por ende nuk kemi arritur të përfundojmë tratativat", ishte pohimi optimist i zyrtarit të ministrisë së Rendit. Po sipas burimit, për dy shqiptarët e tjerë të kapur është vendosur deportimi i cili mund të kryhet edhe gjatë ditës së sotme, por për Altin Arapin duhet të merret një firmë e ministrit të Drejtësisë të shtetit belg që të deportohet, pasi për të kanë filluar procedurat e ekstradimit. Sipas akuzës Arapi akuzohet për vrasjen me dashje të Genci Sinës një vepër penale që parashikon një dënim deri në 20 vjet heqje lirie.
Ku u kapën
Burime të policisë belge pohuan se tre shqiptarët, mes të cilëve edhe Altin Arapi, ishin kapur në kryeqytetin belg të mërkurën pasdite teksa ecnin në këmbë në njërën nga rrugët. Të tre ishin të pajisur me dokumente identifikimi false dhe me celularë me karta belge. Policët belgë kishin pasur një informacion të saktë për vendndodhjen e Altin Arapit dhe kishin ndjekur lëvizjet e tij prej gati një jave. Sipas burimeve, Arapi ishte ndjekur këmba-këmbës nga agjentë të disa shërbimeve inteligjente, me kërkesë të shtetit shqiptar, i cilësuar si ekzekutori i shoferit të kryeprokurorit Theodhori Sollaku. Një ngjarje që kishte vënë në lëvizje për herë të parë pothuaj të gjitha strukturat e përgjumura të drejtësisë, por që ishte mbështetur edhe nga shërbimet e huaja policore dhe sekrete.
Përgjimet telefonike
Burime të policisë pohojnë se në gjurmë të Altin Arapit nuk do të ishte arritur kurrë nëse nuk do të ishin përgjuar bisedat telefonike të tij me lidhjet në Shqipëri. Me shumë fat ishte identifikuar numri i telefonit të tij në Shqipëri dhe gjurmët ishin ndjekur deri në Maqedoni. Këtu stafeta i ishte lënë shërbimit sekret të shtetit fqinj dhe kështu me radhë. Jo rastësisht amabasadori amerikan në Tiranë, Xhejms Xhefri, dy ditë para arrestimit kishte kërcënuar: "Baronë të krimit ne ju jemi vënë pas". Duket, shërbimet sekrete amerikane kishin lëshuar një sinjal pozitiv për këtë ngjarje.
Oficerët në Bruksel
Dje në Bruksel kanë mbërritur dy oficerë të Interpol-Tiranës të cilët do të merren me plotësimin e të gjitha procedurave ligjore për të mundësuar deportimin e tre të ndaluarvve. Me të mbërritur ata kanë marrë takim me autoritetet policore belge, duke marrë edhe të dhëna për tre të ndaluarit. Sipas të dhënave të paraqitura atyre, është verifikuar saktë kapja e Altin Arapit dhe e dy të tjerëve mbi të cilët nuk ekzsiton ndonjë akuzë e njohur. Paraprakisht dy të tjerët kanë qenë me dokumente qendrimi false në Belgjikë dhe mendohet të jenë miq të largët të Altin Arapit.
Ngatërresa e fotove gënjeu belgët
Gabimi i paqëllimshëm i një polici të thjeshtë në vitin 1996 ka bërë që gjatë ditës së enjte të gjithë shqiptarët e interesuar të mashtroheshin nga një lajm sipas të cilit në Belgjikë ishte prangosur Orik Shyti. Pas goditjes së organizatës së quajtur "Hakmmarrja për Drejtësi Shqiptare" në tetor të vitit 1996, mes vogëlsirave të tjera të policisë, dikush ishte marrë me sigurimin e fotove dhe futjen e tyre në dosjet përkatëse, të hetimit apo të kërkimit. Gjatë kontrollit të banesave, ishin gjetur foto të Orik Shytit si dhe foto të kushëririt të tij Altin Arapi, të cilët të dy arritën t'i shpëtonin prangave të policisë. Pikërisht pas sigurimit të këtyre fotove, një polic i thjeshtë ishte marrë me futjen e secilës nëpër dosje. Por, teksa në duar kishte patur foton e Altin Arapit, polici, në një moment hutimi, kishte shkruar nga pas emrin e Orik Shytit. Fotua më pas ishte shumëfishuar dhe shpërndarë në të gjitha komisariatet e Republikës. Pra në duar të gjithë policëve aktikrim të vendit kishte rënë fotua e Altin Arapit nga pas së cilës shkruhej Orik Shyti.
Shtatë vjet më pas, kur fotot e vjetra të krerëve të organizatës "Hakmarrja…" pothuaj kishin humbur mes mijëra fotove të tjera të personave të shpallur në kërkim, fotua e Altin Arapit në ministrinë e Rendit vazhdonte të kishte të shkruar në kurriz emrin e Orik Shytit. Menjëherë pas vrasjes së shoferit të kryeprokurorit Sollaku, policia me të dhënat që kishte, kishte besuar se ekzekutori ishte Orik Shyti. Pak ditë më pas, shërbimet sekrete kishte dhënë një lajm sipas të cilit ekzekutori kishte kaluar kufirin shqiptar. Në këto kushte ishte përgatitur urgjent urdhër-arresti ndërkombëtar i Shytit i shoqëruar me fotografinë e cila kuptohet që ishte e Altin Arapit. Pas kapjes së tij në Bruksel, policia belge kishte marrë në duar dosjen dhe pas krahasimit të fotos, kishte dhënë sihariqin për policisë shqiptare: Kemi kapur Orik Shytin! fe. de.
NE SHTEPINE E TE DASHURES SE ALTIN ARAPIT
"Vrasësja" elegante me dy fakultete
Gjyshja e Imeldës: Ka shkëlqyer gjithnjë në mesime.
TIRANE
Ndërsa në polici Imelda Tasho nuk pranon të ketë asnjë lidhje me vrasjen e shoferit të kryeprokurorit Sollaku, Genci Sina, në shtëpinë e Imelda Tashos gjatë ditës së djeshme kishte plakosur heshtja. Për herë parë në atë banesë kishin shkelur agjentë të shumtë të policisë, të cilët nuk lanë vend pa kontrolluar dhe kishin kthyer përmbys gjithë shtëpinë. Familja, deri dje nderuar nga të gjithë në lagje, ka mbyllur derën. Vajza e tyre e dytë, e cila vlerësohej shumë, kishte përfunduar dy fakultete, ishte me një punë të respektuar në Ministrinë e Jashtme dhe tani ishte arrestuar si të ishte një kriminele. Prindërit e saj kishin qëndruar edhe ata për të dhënë shpjegimet e tyre deri në orën 01.00 pas mesnate në drejtorinë e Policisë së Tiranës. Në mëngjes ata kishin shkuar në punë, në një firmë kineze për pajisje elektroshtëpiake, me shpresë se mos e gjitha kjo ishte një ëndërr e keqe dhe kur të ktheheshin do ishte sqaruar gjithçka. E vetme në shtëpi dhe e gatshme për t'u kthyer përgjigje të afërmve dhe miqve të familjes është gjyshja. Pavlina ka rrëfyer për Gazetën për tmerrin dhe ankthin që ka përfshirë familjen e tyre.
Kur e mësuat arrestimin e mbesës suaj?
Duhet të kenë qenë orët e pasdites kur kanë ardhur agjentët e policisë. Në shtëpi isha unë bashkë me dy prindërit e saj. Ishte bërë vonë dhe ajo nuk kishte ardhur as për pushimin e drakes, kur ia behën policët. Nga ata kemi mësuar se vajzën e kishin arrestuar që në punë. Pastaj kam ndjekur televizorin dhe gazetat, por më shumë jam e habitur, ndërsa ende nuk po e marr vesh se çfarë po ndodh. E di që është një flluskë sapuni dhe se do pëlcasë shpejt.
A jua treguan motivin e arrestimit?
Thonin që ishte e implikuar në një vrasje dhe pyesnin për persona që unë nuk i njoh. Kërkonin të dhëna për Imeldën, nëse ishte e fejuar apo në kishim ne dijeni për ndonjë lidhje dashurie të saj.
A bënë kontroll në banesë?
Policët kanë kontrolluar në të gjithë shtëpinë dhe kanë kthyer çdo gjë përmbys. Ishte hera e parë që shkelnin policë në shtëpinë tonë dhe ishte e tmerrshme. Ata kanë marrë vetëm disa gazeta që Imelda i mbante në dhomën e saj. Kanë kontrolluar edhe fotografitë e saj, por nuk kanë marrë ndonjë.
A e kujtoni çfarë gazetash ishin?
Nuk i kisha parë ndonjëherë, por duhet të kenë qenë gazeta të javëve të fundit, të cilat Imelda i kishte lexuar dhe hequr veç kushedi pse. Pashë që policët i panë me shumë interes dhe filluan të pyesnin në kishim të tjera në shtëpi.
A shoqëruan ndonjë prej pjesëtarëve të familjes?
Policët morën me vete, kur ikën, prindërit e Imeldës. Ata i kanë mbajtur në pyetje deri pas mesnate dhe i kanë kthyer në orën 01.00 të mëngjesit. Mua nuk më morën, pasi jam e sëmurë dhe duhej të qëndroja në shtëpi.
Çfarë ju thanë kur u kthyen djali dhe nusja?
Nuk folën asnjë fjalë kur u kthyen, por ishin tepër të shqetësuar. Thanë që vajzën e kanë ngatërruar të tjerë dhe unë e besoj këtë.
Çfarë mund të na thoni për Imeldën?
Është vajzë për t'u marrë shembull. Ka qenë e shkëlqyer në mësime dhe ka mbaruar dy fakultete. Vendin e punës në Ministrinë e Jashtme e fitoi lehtësisht me konkurs në korrik. Nuk na ka nxjerrë asnjëherë probleme, është pak e shoqërueshme dhe nuk ka shoqëri të keqe. Ajo është vajza e dytë, ndërsa motra e madhe Genta është në Francë dhe motra e saj e vogël Egla është në një kolegj në Greqi.
Imelda Tasho komshije me vëllezërit Shyti
Pallati ku banon Imelda Tasho gjendet vetëm disa metra larg atij ku banon familja e krerëve të organizatës "Hakmarrje për Drejtësi", Orik dhe Laert Shyti. Kjo, sipas burimeve policore, justifikon faktin e prezencës në Shqipëri të eksponentëve të kësaj organizate gjatë kohës që ata ishin shpallur në listat "Ëanted". Po sipas burimeve edhe njohja e Imeldës me killerin Altin Arapi mendohet të ketë ndodhur gjatë kohëve që ky i fundit shkonte të vizitonte familjen e Hajredin Shytit, nip i të cilit është edhe vetë. Fqinjët thonë se në banesën e Shytëve e ëma dy djemtëve super të kërkuar ka qëndruar deri para 5 ditëve dhe është larguar në Kanada. Në fakt, po sipas fqinjëve, ajo thoshte se ndihej e kërcënuar gjatë këtyre ditëve dhe tre ditë para se të largohej kishte shkëputur fare linjën e telefonisë fikse në banesë.
Në qelinë e Imeldës ku policët s'guxojnë të hedhin sytë
Në Drejtorinë e Policisë së Tiranës pakkush i ka hedhur sytë në qelinë ku mbahet rreptësisht e izoluar Imelda Tasho, por shumë kanë vënë re elegancën e 27-vjeçares, punonjëse e Ministrisë së Jashtme. Bluzja e saj e bardhë stonon me ambientet ku qëndron prej dy ditësh tashmë, por në kontrast është edhe e gjithë lidhja e saj me Altin Arapin, të akuzuar si vrasës i shoferit të kryeprokurorit Theodhori Sollaku dhe gjithashtu lider në grupin "Hakmarrje për Drejtësi". Flokë gështenjë e hapur, tipare fine, Imelda është ndryshe nga "prototipi" i një të dashure "të forti", (në imagjinatën kolektive bjonde e gjatë dhe e bëshme). Punonjësit e Drejtorisë së Policisë shkojnë e vijnë në korridor, por ajo dhomë, ku qëndron Imelda, nuk ka qenë dhe nuk është "kompetencë"e tyre. Prokurorët kanë qëndruar gjatë, sidomos gjatë orëve të natës, për të kërkuar nga 27-vjeçarja atë që ajo priste prej ditësh se do t'i ndodhte: rrëfimin e momentit të ekzekutimit të shoferit të Sollakut, me statusin e dëshmitares në vendin e ngjarjes. Gjurmët e gishtërinjve të saj, sipas policisë, janë gjetur si në taksinë nga ku është qëlluar, ashtu dhe në restorantin nga ku mendohet të ketë dalë vrasësi i Genci Sinës.
Imelda qëndron e qetë në qeli, e dinte se do të arrestohej, e priste dita-ditës; me qetësi ishte ngritur dhe nga karrigia në zyrën e saj në Ministrinë e Jashtme, ku investiguesit i kanë vënë prangat pak orë para përfundimit të orarit zyrtar. Policia shprehet se nuk po merret më me vajzën, por në korridoret e Drejtorisë së Policisë Imelda është diskutimi i ditës: "S'qenka hiç e pashme, komenton një polic i thjeshtë…". "Ik.. s'merr vesh ti, kjo është yll dhe e veshur firmato fare", ia kthen kolegu tjetër, i cili për vete, të burgosurën, e ka parë vetëm shkarazi. Njëri thotë se kishte veshur pantallona, e tjetri ngul këmbë se kishte parë fundin mbi gju të vajzës. E dashura e të akuzuarit si vrasës i Genci sinës, shoferit të kryeprokurorit të vendit, Theodhori Sollaku edhe mbrëmë e kaloi natën në Drejtorinë e Policisë së Tiranës.
Gazeta Shqiptare
KRYEPROKURORI MUNGON DY DITE NE ZYRE
Të gjithë frikë nga "Hakmarrja…"
Kryeministri shton rojet
Duke filluar që në orët e vona të pasdites së të enjtes, menjëherë pas thyerjes së vërtetësisë së lajmit që në Bruksel ishte kapur kreu i organizatës së quajtur "Hakmmarrja për Drejtësi Shqiptare", në Tiranë ka filluar paniku. Entusiazmi i qartë që shkaktoi lajmi për kapjen e kreut të organizatës (menjëherë u mendua se me pjesën tjetër të anëtarëve do të ishte më e thjeshtë) u zëvendësua me heshtje dhe meditim të frikshëm. Ndërsa gjatë ditës së djeshme frika u pa qartë pas disa veprimeve të policisë dhe të Gardës së Republikës për marrjen në ruajtje të disa personazheve të politikës dhe vendbanimeve të tyre. Një vëzhgues jo ekspert mund të gjente dje një shumëfishin të rojeve civile të vendosur rreth vilës së Nanos që ndodhet tek ish-blloku. Krahas gardistëve të veshur me uniforma ushtarake aty ishin shtuar edhe një dyzinë gardistësh të veshur civilë, të cilët ishin vendosur pothuaj në largësinë 10 metra larg njëri-tjetrit. Po kështu i njëjti person mund të vinte re pa frikë se në takimet e djeshme Kryeministri shoqërohej nga dyfishi i truprojave të zakonshme.
Por i njëjti panik i krijuar vihej re edhe me krerët e policisë dhe të prokurorisë. Dje në prokurorinë e Përgjithshme jepnin një informacion sipas të cilit Kryeprokurori Theodhori Sollaku për dy ditë nuk do të ishte në detyrë. Që pas vrasjes së shoferit të tij kryeprokurori udhëton me një makinë Fiat Croma të blinduar, e cila lëviz në mes të dy fuoristradave me targa të policisë në bordet e të cilëve ndodhen njerëz të armatosur. Të tilla makina të blinduara janë duke përdorur këto ditë edhe krerët e tjerë të akuzës. Por paniku duket ka përfshirë edhe krerët më të lartë të policisë. Gjatë gjithë ditës së djeshme ata u janë përgjigjur në telefona vetëm njerëzve shumë të afërt të tyre dhe nuk kanë preferuar të hapin telefonat edhe për kolegët. Ndërkohë që kanë zhvilluar shumë mbledhje të cilat në mbrëmje vonë janë konkluduar në një takim me zv/ministrin e Rendit të sapoemëruar Igli Toska.
Ja kush është në të vërtetë Altin Arapi
Lidhja me Shytët dhe detyra si ekzekutor Në fillim vodhën disa armë në një repart ushtarak dhe me to grabitën degën e arkës së kursimeve numër 8 në Tiranë ku morrën vetëm 48 mijë lekë. Ky ishte sipas prokurorisë starti i asaj që më pas do të quhej organizata me e madhe kriminale në Shqipëri në krye të së cilës do të vendoseshin dy vëllezërit Shyti, bij të ish-funksionarit të lartë të shtetit komunist Aredin Shyti. Porse vetëm një hap larg tyre, më saktë në krahun e djathtë të Orik Shytit, sipas akuzës do të vendosej përgjithmonë Altin Arapi, djali i hallës i tij nga Vlora. I cili në vitin 1990 gjendej në Tiranë për të vazhduar studimet në ish-shkollën e Bashkuar të Oficerëve. Nuk përcaktohet sesi u kishte lindur ideja për t'iu futur rrugës së krimit, porse sipas akuzës në vitin 1990 Oriku dhe Altini (me ndihmën e një të njohuri të Altinit) kishin vjedhur disa armë në repartin ushtarak numër 8770 në Tiranë. Ishin 5 pistoleta dhe tre kallashnikovë. Si fillim kishte qenë ideja e shitjes së tyre, por më pas, sipas akuzës, ishin synuar bankat.
Emri i Arapit në vjedhje bankash
Sipas kërkesës për gjykim të prokurorisë, emri i Altin Arapit përmendet në 22 vepra penale të filluara me vjedhjen e arkës së kursimeve numër 8 në Tiranë dhe të përfunduara me vrasjen me dashje të ish-drejtorit të Përgjithshëm të Burgjeve, Bujar Kaloshi më 26.07.1996. Sipas akuzës Arapi ka marrë pjesë në pothuaj të gjitha "krimet" e organizatës "Hakmarrja…". Në tre raste të vjedhjeve të bankave në të cilat akuzohet se ka marrë pjesë janë vrarë tre punonjës, vë vendosjen e bombës në supermarketin VEFA etj. Sipas një skeme të hierarkisë dhe funksioneve të organizatës, të përpunuar nga hetimi në vitin 1996 emri i Arapit futej tek dega e kriminalitetit dhe klasifikohej i pari në listë.
Bomba te VEFA dhe vrasja e Kaloshit
Dy ngjarjet më kulmore për të cilat prokuroria akuzon si pjesëmarrës Altin Arapin janë konsideruar hedhja në erë e supermarketit VEFA më 26.02.1996 dhe vrasja e drejtorit të Burgjeve Bujar Kaloshi më 20.07.1996. Sipas akuzës atentati ndaj supermarketit ka qenë një akt i mirëfilltë terrorist që kishte për qëllim destabilizimin e vendit para zgjedhjeve parlamentare të vitit 1996. Arapi ka patur rolin e njërit prej urdhëruesve dhe kontrolluesve të katij akti. Ndërsa vrasja e drejtorit të burgjeve sipas akuzës është kryer nga Arapi në mënyrë të drejtpërdrejtë. Kështu Arapi dhe një tjetër i akuzuar i "Hakmarrjes…" që tashmë nuk jeton, Enkeled Agaj, kanë bërë ekzekutimin e ish-drejtorit në afërsi të shtëpisë së tij pranë pallatit të sportit "Asllan Rusi". Në momentin kur Kaloshi është shfaqur, Arapi ka qëlluar në drejtim të tij, duke zbrazur një krehër pistolete. Për tu siguruar se kishte vdekur, ai ka mbushur armën me një tjetër krehër, duke shënuar në kokën e viktimës. Ndërkohë i akuzuari tjetër Enkeled Agaj nuk kishte qëlluar në shenjë, duke e kursyer shoferin. Kjo është akuza e fundit në dosjen e vjetër për Altin Arapin të konsideruar si mjeshtër të atentateve, për të cilin ishte dokumentuar edhe një histori qesharake. Gjatë vjedhjes së parë të armatosur të jetës së tij, i ishte shkrehur arma pa dashje pasi nuk dinte ta përdorte.
EKSTRADOHEN SOT MIQTE E KILLERIT
Arapi, marrëveshje për deportim
Akuzohet për "vrasjen me dashje" të Sinës
Drejtuesit e akuzës dhe të policisë në Tiranë janë futur në tratativa për sjelljen në Shqipëri gjatë 2-3 ditëve në vazhdim të Altin Arapit, njeriut të akuzuar si vrasësi i shoferit të kryeprokurorit Sollaku. Sipas një burimi zyrtar të ministrisë së Rendit, pothuaj është arritur në një marrëveshje me organet homologe belge, që Arapi dhe dy shqiptarët e tjerë në shoqërinë e të cilëve është ndaluar, të deportohen për në Shqipëri me anë të procedurave të përshpejtuara, duke u konsideruar persona të padëshirueshëm për shtetin belg. "Kemi një konfirmim pozitiv të kërkesës, por ende nuk kemi arritur të përfundojmë tratativat", ishte pohimi optimist i zyrtarit të ministrisë së Rendit. Po sipas burimit, për dy shqiptarët e tjerë të kapur është vendosur deportimi i cili mund të kryhet edhe gjatë ditës së sotme, por për Altin Arapin duhet të merret një firmë e ministrit të Drejtësisë të shtetit belg që të deportohet, pasi për të kanë filluar procedurat e ekstradimit. Sipas akuzës Arapi akuzohet për vrasjen me dashje të Genci Sinës një vepër penale që parashikon një dënim deri në 20 vjet heqje lirie.
Ku u kapën
Burime të policisë belge pohuan se tre shqiptarët, mes të cilëve edhe Altin Arapi, ishin kapur në kryeqytetin belg të mërkurën pasdite teksa ecnin në këmbë në njërën nga rrugët. Të tre ishin të pajisur me dokumente identifikimi false dhe me celularë me karta belge. Policët belgë kishin pasur një informacion të saktë për vendndodhjen e Altin Arapit dhe kishin ndjekur lëvizjet e tij prej gati një jave. Sipas burimeve, Arapi ishte ndjekur këmba-këmbës nga agjentë të disa shërbimeve inteligjente, me kërkesë të shtetit shqiptar, i cilësuar si ekzekutori i shoferit të kryeprokurorit Theodhori Sollaku. Një ngjarje që kishte vënë në lëvizje për herë të parë pothuaj të gjitha strukturat e përgjumura të drejtësisë, por që ishte mbështetur edhe nga shërbimet e huaja policore dhe sekrete.
Përgjimet telefonike
Burime të policisë pohojnë se në gjurmë të Altin Arapit nuk do të ishte arritur kurrë nëse nuk do të ishin përgjuar bisedat telefonike të tij me lidhjet në Shqipëri. Me shumë fat ishte identifikuar numri i telefonit të tij në Shqipëri dhe gjurmët ishin ndjekur deri në Maqedoni. Këtu stafeta i ishte lënë shërbimit sekret të shtetit fqinj dhe kështu me radhë. Jo rastësisht amabasadori amerikan në Tiranë, Xhejms Xhefri, dy ditë para arrestimit kishte kërcënuar: "Baronë të krimit ne ju jemi vënë pas". Duket, shërbimet sekrete amerikane kishin lëshuar një sinjal pozitiv për këtë ngjarje.
Oficerët në Bruksel
Dje në Bruksel kanë mbërritur dy oficerë të Interpol-Tiranës të cilët do të merren me plotësimin e të gjitha procedurave ligjore për të mundësuar deportimin e tre të ndaluarvve. Me të mbërritur ata kanë marrë takim me autoritetet policore belge, duke marrë edhe të dhëna për tre të ndaluarit. Sipas të dhënave të paraqitura atyre, është verifikuar saktë kapja e Altin Arapit dhe e dy të tjerëve mbi të cilët nuk ekzsiton ndonjë akuzë e njohur. Paraprakisht dy të tjerët kanë qenë me dokumente qendrimi false në Belgjikë dhe mendohet të jenë miq të largët të Altin Arapit.
Ngatërresa e fotove gënjeu belgët
Gabimi i paqëllimshëm i një polici të thjeshtë në vitin 1996 ka bërë që gjatë ditës së enjte të gjithë shqiptarët e interesuar të mashtroheshin nga një lajm sipas të cilit në Belgjikë ishte prangosur Orik Shyti. Pas goditjes së organizatës së quajtur "Hakmmarrja për Drejtësi Shqiptare" në tetor të vitit 1996, mes vogëlsirave të tjera të policisë, dikush ishte marrë me sigurimin e fotove dhe futjen e tyre në dosjet përkatëse, të hetimit apo të kërkimit. Gjatë kontrollit të banesave, ishin gjetur foto të Orik Shytit si dhe foto të kushëririt të tij Altin Arapi, të cilët të dy arritën t'i shpëtonin prangave të policisë. Pikërisht pas sigurimit të këtyre fotove, një polic i thjeshtë ishte marrë me futjen e secilës nëpër dosje. Por, teksa në duar kishte patur foton e Altin Arapit, polici, në një moment hutimi, kishte shkruar nga pas emrin e Orik Shytit. Fotua më pas ishte shumëfishuar dhe shpërndarë në të gjitha komisariatet e Republikës. Pra në duar të gjithë policëve aktikrim të vendit kishte rënë fotua e Altin Arapit nga pas së cilës shkruhej Orik Shyti.
Shtatë vjet më pas, kur fotot e vjetra të krerëve të organizatës "Hakmarrja…" pothuaj kishin humbur mes mijëra fotove të tjera të personave të shpallur në kërkim, fotua e Altin Arapit në ministrinë e Rendit vazhdonte të kishte të shkruar në kurriz emrin e Orik Shytit. Menjëherë pas vrasjes së shoferit të kryeprokurorit Sollaku, policia me të dhënat që kishte, kishte besuar se ekzekutori ishte Orik Shyti. Pak ditë më pas, shërbimet sekrete kishte dhënë një lajm sipas të cilit ekzekutori kishte kaluar kufirin shqiptar. Në këto kushte ishte përgatitur urgjent urdhër-arresti ndërkombëtar i Shytit i shoqëruar me fotografinë e cila kuptohet që ishte e Altin Arapit. Pas kapjes së tij në Bruksel, policia belge kishte marrë në duar dosjen dhe pas krahasimit të fotos, kishte dhënë sihariqin për policisë shqiptare: Kemi kapur Orik Shytin! fe. de.
NE SHTEPINE E TE DASHURES SE ALTIN ARAPIT
"Vrasësja" elegante me dy fakultete
Gjyshja e Imeldës: Ka shkëlqyer gjithnjë në mesime.
TIRANE
Ndërsa në polici Imelda Tasho nuk pranon të ketë asnjë lidhje me vrasjen e shoferit të kryeprokurorit Sollaku, Genci Sina, në shtëpinë e Imelda Tashos gjatë ditës së djeshme kishte plakosur heshtja. Për herë parë në atë banesë kishin shkelur agjentë të shumtë të policisë, të cilët nuk lanë vend pa kontrolluar dhe kishin kthyer përmbys gjithë shtëpinë. Familja, deri dje nderuar nga të gjithë në lagje, ka mbyllur derën. Vajza e tyre e dytë, e cila vlerësohej shumë, kishte përfunduar dy fakultete, ishte me një punë të respektuar në Ministrinë e Jashtme dhe tani ishte arrestuar si të ishte një kriminele. Prindërit e saj kishin qëndruar edhe ata për të dhënë shpjegimet e tyre deri në orën 01.00 pas mesnate në drejtorinë e Policisë së Tiranës. Në mëngjes ata kishin shkuar në punë, në një firmë kineze për pajisje elektroshtëpiake, me shpresë se mos e gjitha kjo ishte një ëndërr e keqe dhe kur të ktheheshin do ishte sqaruar gjithçka. E vetme në shtëpi dhe e gatshme për t'u kthyer përgjigje të afërmve dhe miqve të familjes është gjyshja. Pavlina ka rrëfyer për Gazetën për tmerrin dhe ankthin që ka përfshirë familjen e tyre.
Kur e mësuat arrestimin e mbesës suaj?
Duhet të kenë qenë orët e pasdites kur kanë ardhur agjentët e policisë. Në shtëpi isha unë bashkë me dy prindërit e saj. Ishte bërë vonë dhe ajo nuk kishte ardhur as për pushimin e drakes, kur ia behën policët. Nga ata kemi mësuar se vajzën e kishin arrestuar që në punë. Pastaj kam ndjekur televizorin dhe gazetat, por më shumë jam e habitur, ndërsa ende nuk po e marr vesh se çfarë po ndodh. E di që është një flluskë sapuni dhe se do pëlcasë shpejt.
A jua treguan motivin e arrestimit?
Thonin që ishte e implikuar në një vrasje dhe pyesnin për persona që unë nuk i njoh. Kërkonin të dhëna për Imeldën, nëse ishte e fejuar apo në kishim ne dijeni për ndonjë lidhje dashurie të saj.
A bënë kontroll në banesë?
Policët kanë kontrolluar në të gjithë shtëpinë dhe kanë kthyer çdo gjë përmbys. Ishte hera e parë që shkelnin policë në shtëpinë tonë dhe ishte e tmerrshme. Ata kanë marrë vetëm disa gazeta që Imelda i mbante në dhomën e saj. Kanë kontrolluar edhe fotografitë e saj, por nuk kanë marrë ndonjë.
A e kujtoni çfarë gazetash ishin?
Nuk i kisha parë ndonjëherë, por duhet të kenë qenë gazeta të javëve të fundit, të cilat Imelda i kishte lexuar dhe hequr veç kushedi pse. Pashë që policët i panë me shumë interes dhe filluan të pyesnin në kishim të tjera në shtëpi.
A shoqëruan ndonjë prej pjesëtarëve të familjes?
Policët morën me vete, kur ikën, prindërit e Imeldës. Ata i kanë mbajtur në pyetje deri pas mesnate dhe i kanë kthyer në orën 01.00 të mëngjesit. Mua nuk më morën, pasi jam e sëmurë dhe duhej të qëndroja në shtëpi.
Çfarë ju thanë kur u kthyen djali dhe nusja?
Nuk folën asnjë fjalë kur u kthyen, por ishin tepër të shqetësuar. Thanë që vajzën e kanë ngatërruar të tjerë dhe unë e besoj këtë.
Çfarë mund të na thoni për Imeldën?
Është vajzë për t'u marrë shembull. Ka qenë e shkëlqyer në mësime dhe ka mbaruar dy fakultete. Vendin e punës në Ministrinë e Jashtme e fitoi lehtësisht me konkurs në korrik. Nuk na ka nxjerrë asnjëherë probleme, është pak e shoqërueshme dhe nuk ka shoqëri të keqe. Ajo është vajza e dytë, ndërsa motra e madhe Genta është në Francë dhe motra e saj e vogël Egla është në një kolegj në Greqi.
Imelda Tasho komshije me vëllezërit Shyti
Pallati ku banon Imelda Tasho gjendet vetëm disa metra larg atij ku banon familja e krerëve të organizatës "Hakmarrje për Drejtësi", Orik dhe Laert Shyti. Kjo, sipas burimeve policore, justifikon faktin e prezencës në Shqipëri të eksponentëve të kësaj organizate gjatë kohës që ata ishin shpallur në listat "Ëanted". Po sipas burimeve edhe njohja e Imeldës me killerin Altin Arapi mendohet të ketë ndodhur gjatë kohëve që ky i fundit shkonte të vizitonte familjen e Hajredin Shytit, nip i të cilit është edhe vetë. Fqinjët thonë se në banesën e Shytëve e ëma dy djemtëve super të kërkuar ka qëndruar deri para 5 ditëve dhe është larguar në Kanada. Në fakt, po sipas fqinjëve, ajo thoshte se ndihej e kërcënuar gjatë këtyre ditëve dhe tre ditë para se të largohej kishte shkëputur fare linjën e telefonisë fikse në banesë.
Në qelinë e Imeldës ku policët s'guxojnë të hedhin sytë
Në Drejtorinë e Policisë së Tiranës pakkush i ka hedhur sytë në qelinë ku mbahet rreptësisht e izoluar Imelda Tasho, por shumë kanë vënë re elegancën e 27-vjeçares, punonjëse e Ministrisë së Jashtme. Bluzja e saj e bardhë stonon me ambientet ku qëndron prej dy ditësh tashmë, por në kontrast është edhe e gjithë lidhja e saj me Altin Arapin, të akuzuar si vrasës i shoferit të kryeprokurorit Theodhori Sollaku dhe gjithashtu lider në grupin "Hakmarrje për Drejtësi". Flokë gështenjë e hapur, tipare fine, Imelda është ndryshe nga "prototipi" i një të dashure "të forti", (në imagjinatën kolektive bjonde e gjatë dhe e bëshme). Punonjësit e Drejtorisë së Policisë shkojnë e vijnë në korridor, por ajo dhomë, ku qëndron Imelda, nuk ka qenë dhe nuk është "kompetencë"e tyre. Prokurorët kanë qëndruar gjatë, sidomos gjatë orëve të natës, për të kërkuar nga 27-vjeçarja atë që ajo priste prej ditësh se do t'i ndodhte: rrëfimin e momentit të ekzekutimit të shoferit të Sollakut, me statusin e dëshmitares në vendin e ngjarjes. Gjurmët e gishtërinjve të saj, sipas policisë, janë gjetur si në taksinë nga ku është qëlluar, ashtu dhe në restorantin nga ku mendohet të ketë dalë vrasësi i Genci Sinës.
Imelda qëndron e qetë në qeli, e dinte se do të arrestohej, e priste dita-ditës; me qetësi ishte ngritur dhe nga karrigia në zyrën e saj në Ministrinë e Jashtme, ku investiguesit i kanë vënë prangat pak orë para përfundimit të orarit zyrtar. Policia shprehet se nuk po merret më me vajzën, por në korridoret e Drejtorisë së Policisë Imelda është diskutimi i ditës: "S'qenka hiç e pashme, komenton një polic i thjeshtë…". "Ik.. s'merr vesh ti, kjo është yll dhe e veshur firmato fare", ia kthen kolegu tjetër, i cili për vete, të burgosurën, e ka parë vetëm shkarazi. Njëri thotë se kishte veshur pantallona, e tjetri ngul këmbë se kishte parë fundin mbi gju të vajzës. E dashura e të akuzuarit si vrasës i Genci sinës, shoferit të kryeprokurorit të vendit, Theodhori Sollaku edhe mbrëmë e kaloi natën në Drejtorinë e Policisë së Tiranës.
Gazeta Shqiptare