Gruaja e mirë, dhe edukimi i fëmijës së saj

[Teolog]

Në këtë temë dua të theksoj disa cilësi të gruas së mirë, asaj gruaje prej të cilës ka për t’u edukuar një popull, prej asaj gruaje të cilës kanë për t’u marrë frytet e para të jetës, prej asaj të cilës ka për t’u ushqyer një qenie njerëzore, të cilën ka për ta drejtuar drejt një rruge të hajrit të virtytit dhe më e rëndësishmja që ka për t’i mësuar bazat e fesë, dinit, imanit.
Ato baza me të cilat kjo qenie njerëzore ka për të ecur përpara. Ka për t’u rritur, edukuar dhe për të përhapur Islamin… Por, për të përfituar këto fryte, për të arritur këto virtyte një njeri, duhet një nënë e mirë, duhet një grua e fortë, për të arritur që fryti i saj, euladi i saj të ecë në rrugën e Allahut (xh.sh)…
Të vërtetën e ka thënë Pejgamberi alejhi selam ku thotë: “Gruaja martohet për katër gjëra, për pasurin e saj, prejardhjen, bukurin dhe fenë e saj, zgjidhe atë që ka fe do të jesh i lumtur ” (Buhariu).
Gjithashtu Pejgamberi alejhi selam ka thënë: “Dunjaja është kënaqësi, ndërsa kënaqësia më e madhe në këtë dunja është gruaja e mirë (Muslimi).
Nëse vërejmë transmetimin e Buhariut (Allahu qoftë i kënaqur me të), shihet se më tepër i jepet vlerë gruas fetare, jo sepse virtytet tjera nuk kanë vlerë, por sepse ato janë gjëra kalimtare, si pasuria ose bukuria, kurse imani është ai i cili ka për të mbetur në zemrat e njerëzve, në bazë të imanit kanë për t’u llogaritur veprat tona dhe ibadetet tona që kemi bërë gjatë ciklit të jetës tonë…
Poashtu edhe në transmetimin e Muslimit (Allahu qoftë i kënaqur me të), vërejmë një vlerë të madhe të cilën i ka dhënë gruas së mirë dhe asaj fetare… Sepse prej kësaj gruaje kanë për të lindur breza, dhe lum për atë grua e cila ka siguruar të ardhmen e fëmijëve të saj dhe shefa’atin e Kur’anit për ta në Ditën e Kiametit..
Tregon një mësues i Kur’anit se një ditë në xhami erdhi një djalosh i vogël i cili dëshironte të mësojë me ta.
I thash: A din ndonjë pjesë të Kur’anit ?
Tha: Po …
I thash atij: Lexo diçka nga xhuzi Amme, ai lexoi..
I thash: A e din suren Tebareke ?
Tha: Po, u çudita nga dituria e tij duke pasur parasysh se ai ishte i vogël në moshë.
E pyeta për suren Nahl, e ai e dinte edhe këtë, ndërsa unë u çudita edhe më tepër…
Më pas e pyeta për sure më të gjata, i thash: O vogëlush a e din suren Bekare ?
Ai vazhdoi duke u përgjigjur: Po, e lexoj atë pa asnjë gabim.
I thash: O vogëlush a je hafëz i Kur’anit ???
Tha: Po !!
Subhanallah , MashaAllah … kërkova nga ai që të nesërmen të vinte me kujdestarin e tij .
Ndërsa unë mbeta i habitur me të …!
Si mund të jetë babai i tij !!!
Jam befasuar shumë kur e kam parë babain e tij !!!
Në shikim të parë nuk dukej se ishte i angazhuar me vogëlushin .
Më parapriu duke thënë : E di se çuditesh që unë jam babai i vogëlushit !!!
Por unë do ta marr konfuzionin tuaj …
Vërtet prapa këtij djaloshi qëndron një grua sa një mijë burra.
Të përgëzoj se në shtëpinë time kam tre djem të gjithë janë hafëza të Kur’anit , ndërsa vajza ime e cila është vetëm katër vjeçare e din xhuzin Amme.
U çudita dhe thash: Si mund të ndodhë kjo !!!
Më tha se nëna e tyre, prej kur fillon fëmija të flasë ajo fillon t’ia mësojë Kur’anin dhe ta nxitë atë në mësimin e tij…
Ai që e mëson i pari pjesën e Kur’anit, do të zgjedh ushqimin për atë natë …
Ai që e përsërit i pari, zgjedh se në cilin vend do të shkojmë në fundjavë …
Ndërsa ai që e përfundon Kur’anin i pari, zgjedh se ku do të udhëtojmë për pushime…
Në këtë mënyrë bëjnë gara me njëri-tjetrin se cili do ta mësojë i pari e cili do ta përsërisë …
Ja pra vëllezër dhe motra, ky është një shembull i gruas së mirë, asaj fetare edhe të devotshme..
Lusim Allahun (xh.sh) që të na shtojë imanin tonë, të na e shtojë durimin me fëmijët tonë, dhe të jemi shembull për to si ajo nënë e cila u përmend pak më lart… Lusim Allahun (xh.sh) që të na e lehtësojë rritjen e fëmijëve tanë drejt rrugës së Zotit të Plotfuqishëm… Le të jetë puna jonë dëshmi për ne në Ditën e Kiametit, dhe le të jenë fëmijët ata të cilët do të jenë shkak për shpëtimin tonë nga zjarri i xhehennemit… Amin

 

[Sahit Rexhepi Keca]

kto tipare dhe sjellje si gruja si femijet i marrin nga sjelljet e burrit.prindit..

 

[Hektor12]

Si sjam kompetent te jap nje pergjigje per te qene, po me duket qenka vetem per femrat ne baballaret jemi musafire ne familje

 

[HipHop-Girl]

Mos dil pa than , Torbestrafkullah..

 

[Hektor12]

EEEE cdo pune duhet me e marre me bismilah edhe rritjen e edukimin e tyre

 

[Sahit Rexhepi Keca]

burri eshte shtylla e shtepis,gruaja eshte edukuese e familjes,femijet jane ardhmeria dhe aroma e shtepise.kshtu formohet nje familje e lumtur.

 

[Hektor12]

pse mos valle burri ska pergjegjesi ne edukim apo thjesht shtylle per te ardhura e mbajt muhabet miqte apo komanduar urdheruar ... kjo eshte lumturia , per mua luumturia eshte shume me gjere , ka te beje me njerez zemra shpirtra dhe jo formate te gateshme te kornizuara ne rregulla

 

[Sahit Rexhepi Keca]

sepse burri nuk eshte tere diten ne shtepi del ne mengjes shkon ne pune kshtu qe femijet ma shum e kalojn kohen me nanen se me baben,e une se pata fjalen per ata persona qe rrine tere diten,ose kush prit musafir apo kush urdhron,etj

 

[Hektor12]

se ke kuptu thashe koncepti i lumturise .. po kape pjesen qe desherove ti

 

[Sahit Rexhepi Keca]

gruaja ose femrat jane nje person i heshtur por realitei i intelegjences se tyre eshte jashzaonisht i made kshtu qe duhet ta pranojme realitetin ne burrat -meshkujt.vetem kur ta pranojm kete realitet ne burrat per grate e tona ateher do te kete jete bashkeshortore te lumtur,e jo ti themi gruas ti nuk di asgje une jame burre dhe di ma shum,per edukimin maspari ndikon familja pastaj rrethi ku jeton ,etj etj

 

[Hektor12]

dmth sipas jush femra duhet te jete e heshtur dhe te mos flase per cmendon cndjen dhe cduhet bere, edukimin e baraz e kane si detyrim si nena si babai mbase babai me shume per shkak te kohes se paket gjithmone te jete disponibel dhe te jete kryesori ne edukim ai te shembulli ose mashkulli ideal per vajzen djalin femijet e tij

 

[Sahit Rexhepi Keca]

lexo dhe kupto.nuk deshta te them se femra duhet hesht,por kum desht te them se FEMRA ESHTE E HESHTUR POR ESHTE SHUM INTELGJENTE,dhe kete duhet ta pranojm ne burrat dhe per kete burri duhet ta pyes grun e jo te merr vendime ne ate kupnimin negative jo se gruja nuk di kurgja,lexo mire ttni ma kthen pergjigjen tjeter here.....

 

[Hektor12]

hahahah a thua se kuptove nejse mendimi jot ... inteligjente po e heshtur ncncnccn e kuptova shume mire ca deshe me thane qe eshte shume inteligjente po sduhet te flase ... seshte kjo ... per cfare permbledh jeta po nuk ka komunikim ska asnje kuptim te quhet jete bashkeshortore. nejse se devijuam nga tema mbase ke feja ku ben pjese kjo teme ke drejte gruaja do jete e heshtur ... Po te kujtoj nje thenje arabe ; Cili dergon gruan ne shkolle siguron te ardhmen e familjes se tij ... fiksoje

 

[Hektor12]

Gruaja muslimane si nënë

E marte 28 Maj 2013 12:09



Përveç rolit të saj si bashkëshorte, femra ka edhe një rol tjetër të veçantë, atë si nënë. Statusi dhe vlera për prindërit në botën muslimane është shumë e lartë.
Thotë Zoti në Kur’an: Zoti yt ka dhënë urdhër të prerë që të mos adhuroni tjetër pos Tij, që të silleni në mënyrë bamirëse ndaj prindërve. Nëse njërin prej tyre, ose që të dy, i ka kapur pleqëria pranë kujdesit tënd, atëherë mos u thuaj atyre as “ of-oh”, as mos u bë i vrazhdë ndaj tyre, po atyre thuaju fjalë të mira (të buta, respektuese).
(El-Isra '17. : 23-24)
Dhe, po ashtu në një tjetër sure Allahu xh.sh. thotë: Ne njeriun e kemi urdhëruar për sjellje të mira ndaj prindërve të vet, sepse nëna atë e barti me mund pas mundi dhe pas dy viteve ia ndau gjinin. Të jesh mirënjohës ndaj meje dhe ndaj dy prindërve tu, sepse vetëm tek Unë është kthimi juaj. (Llukman 31: 14)
Ndërsa, Pejgamberi a.s thotë: “ Xheneti është nën këmbët e nënave”. Me fjalë të tjera Xheneti pret ata të cilët çmojnë dhe respektojnë nënën. Për pasojë, nëna muslimane ka një ndjenjë të sigurisë në lidhje me kujdesin, që ajo mund të pret nga fëmijët e saj kur të arrin në moshë të pleqërisë.
Mësuesi më i mirë për njerëzimin, Muhamedi a.s., ishte ai që i ngriti gratë nga statusi i tyre si plaçkë, në gra të dinjitetshme dhe të barabarta me burrat para Allahut xh.sh.
Nga detyrat e saj më të rëndësishme është kujdesi për shtëpinë dhe fëmijët. Muhamedi a.s në lidhje me këtë çështje thotë: “ Kujdesuni për shtëpinë tuaj, që është xhihadi juaj”. Dhe, me këtë deklarim gruas i jepet statusi më i lartë në shoqërinë Islame.
Të jesh nënë, është një detyrë unike sepse vetëm gratë janë të kualifikuara për ta bërë atë. Allahu ju ka dhënë grave aftësi të veçanta dhe ndjesi të nevojshme për t’u kujdesur për fëmijët. Nuk ka zëvendësim për qumshtin e nënës apo dashurinë e saj. Durimi i saj, mirësia, gatishmëria për të sakrifikuar rehatinë e saj, dhe afinitetin e saj natyror për fëmijë-dhe afinitetin natyror të fëmijëve për nënën- janë çelësi për edukimin e suksesshëm të fëmijëve. Nëna kupton problemin e fëmijës, edhe kur nuk e shprehë atë. Ajo mund të ndjejë nevojat e fëmijës, si të natyrës fizike ashtu edhe emocionale.
Nënat janë punëtore të heshtura të cilat janë të domosdoshme për ndërtimin e karakterit të brezit të ardhëshëm. Një nënë besimtare që e kupton natyrën e përgjegjësisë së saj, do t’i pajis fëmijët e saj me besim dhe vlera morale, sa më shumë që të jetë e mundur. Ajo do t’i rrisë fëmijët me kurajo, nder, vërtetësi, durim dhe këmbëngulje, dashuri dhe mirësi, besim dhe vetbesim.
Ky rol e bënë gruan të jetë si puna e harkëtarëve ne betejën e Uhudit. Ata dukeshin pak të rëndësishëm, por ishin çelës për fatin e gjithë ushtrisë. Nëse gratë e mbajnë mirë frontin, e gjithë ushtria do të ketë sukses, por, nëse ato e lënë për “veprime më të mençura” tjetër kund, të gjithë do të humbasim.