Greqisë i falim kufirin deri në Qeparo

Greqisë i falim kufirin deri në Qeparo

<div class="ubbcode-block"><div class="ubbcode-header">Quote:</div><div class="ubbcode-body">Zbardhet marrëveshja e panjohur e nënshkruar dje nga Bakojanis-Basha. “Gazeta Shqiptare” boton në numrin e sotëm dokumentin e panjohur e të mbajtur sekret nga qeveria shqiptare.
Ujërat territoriale shqiptare që i janë dhuruar tashmë Greqisë, vijojnë nga Kepi i Qeparoit deri në ishullin e Erikuzës, në largësi 12 minuta gjerësi gjeografike. Në marrëveshje përcaktohen 150 koordinatat e reja Shqipëri-Greqi.

Tkurren kufijtë detarë të Shqipërisë në Jug të vendit. "Gazeta Shqiptare" shkruan sot se Qeveria Berisha i ka dhuruar dje Greqisë ujërat tona territoriale.Marrëveshja mes dy vendeve u nënshkrua dje në selinë e Kryeministrisë, nga ministri i Punëve të Jashtme, Lulzim Basha dhe ministrja e Jashtme e Greqisë, Dora Bakojanis, në prani të kryeministrit Sali Berisha dhe homologut të tij grek, Kostas Karamanlis.

“Gazeta Shqiptare” zbardh në numrin e sotëm dokumentin e panjohur e të mbajtur sekret nga qeveria shqiptare. Në marrëveshje përcaktohen 150 koordinatat e reja Shqipëri-Greqi. Me dhurimin që qeveria iu ka bërë ujërave territoriale, pozitat strategjike të shtetit shqiptar në det tkurren ndjeshëm. Koordinatat e reja të përcaktuara e kanë thelluar pozitën e disfavorshme që Shqipëria ka pasur në det në raport me Greqinë edhe para ndryshimeve të reja.

Deri para këtij ndryshimi vija kufitare detare fillonte nga Kepi i Stillos përgjatë ngushticës veriore të Korfuzit dhe përballë Kepit të Qefalit ajo ishte në formë të rregullt harkore. Të dy ishujt Erikuza dhe Otoni, që i përkasin Greqisë, ishin të baraslarguar nga kjo vijë harkore. Vihet re se baraslargimi nga brigjet e dy shteteve sipas hartës së vjetër ruhet vetëm në Kepin e Karagollit e konkretisht në drejtimin Sarandë-Korfuz.

Ndërkohë që vijimi i saj në drejtim të veriut afrohet në Kepin e Qefalit pranë Gjirit të Kakomesë, vetëm 2.500 m. Në bazë të ndryshimit të firmosur dje nga Basha dhe Bakojanis, kjo vijë harkore ngjitet në veri-perëndim. Ujërat territoriale shqiptare që i janë dhuruar tashmë Greqisë, vijojnë nga Kepi i Qeparoit deri në ishullin e Erikuzës, në largësi 12 minuta gjerësi gjeografike. </div></div>

 

[Al-Punk]

Re: Greqisë i falim kufirin deri në Qeparo

Nje tjeter trajtim i temes:
Vizita e Karamanlis, ja marrëveshja Shqipëri-Greqi

<div class="ubbcode-block"><div class="ubbcode-header">Quote:</div><div class="ubbcode-body">Në bazë të marrëveshjes, kufiri ujor është ndarë në masë të barabartë për të dyja shtetet, me rreth 150 pika ndarëse (nga Korfuzi deri në Vlorë).

TIRANË- Vizita e Kryeministrit grek, Kostas Karamanlis, përfundoi dje me një marrëveshje të nënshkruar mes dy ministrave të jashtëm, Lulzim Basha dhe Dora Bakojanis, "Për delimitimin e zonave të tyre përkatëse të Shelfit Kontinental dhe zonave të tjera detare që u përkasin në bazë të së drejtës ndërkombëtare".

Në bazë të marrëveshjes, kufiri ujor është ndarë në masë të barabartë për të dyja shtetet, me rreth 150 pika ndarëse (nga Korfuzi deri në Vlorë).

Në hyrje të marrëveshjes konfirmohet dëshira e mirë e dy vendeve për të formuar lidhjet e fqinjësisë së mirë dhe bashkëpunimit mes tyre, si dhe vetëdija e nevojës për të delimituar me saktësi hapësirat detare, mbi të cilat dy vendet ushtrojnë apo do të ushtrojnë sovranitetin, të drejtat sovrane apo juridiksionin e tyre në përputhje me të drejtën ndërkombëtare.

"Kufiri detar ndërmjet Republikës së Shqipërisë dhe Republikës së Greqisë, do të caktohet në përputhje me parimin e baraslargësisë.

Në mënyrë më specifike, vetëdija e delimitimit do të jetë vija e mesme, çdo pikë e së cilës është e baraslarguar nga pikat më të afërta të vijës bazë (si kontinentale ashtu edhe ishullore), nga e cila matet gjerësia e ujërave territoriale detare",- thuhet në nenin 1 të marrëveshjes ndërmjet Republikës së Shqipërisë dhe Republikës së Greqisë për delimitimin e zonave të tyre përkatëse të Shelfit Kontinental dhe të zonave të tjera detare, që u përkasin në bazë të së drejtës ndërkombëtare.

Palët angazhohen të marrin përsipër për të zgjidhur në rrugë diplomatike, çdo mosmarrëveshje që mund të lindë në lidhje me interpretimin apo zbatimin e saj.

Ekspertët e Ministrisë së Punëve të Jashtme janë shprehur se kjo marrëveshjeje është e njëjtë në thelb me atë që Shqipëria ka nënshkruar me Italinë në vitin 1992.

Baza juridike në të drejtën ndërkombëtare për përcaktimin e Shelfit Kontinental, gjendet në Konventën për të Drejtën e Detit (e njohur ndryshe si Konventa e Montego Bay, sipas emrit të vendit ku u përfundua në vitin 1982), e cila ka hyrë në fuqi më 16 nëntor 1994.

Greqia është palë që prej 21 korrikut 1995, ndërsa Shqipëria që nga data 23 qershor 2003. Duke qenë se të dyja vendet janë palë në këtë traktat ndërkombëtar, sipas nenit 83 të Konventës, ato duhet "të përcaktojë me marrëveshje mbi bazat e ligjit ndërkombëtar, kufirin e Shelfit Kontinental".

Në këtë rast, Shelfi Kontinental përfshin shtratin e detit dhe tabanin e zonës nënujore që shtrihet përtej detit të tij territorial, përgjatë zgjatimit natyral të territorit të tij tokësor deri në kufirin më të largët të kufirit kontinental, ose në një distancë prej 200 milje detare nga vijat bazë, nga të cilat është matur gjerësia e detit territorial, kur kufiri kontinental nuk shtrihet deri në këtë distancë. Shelfi përfshin zgjatjen nënujore të masës së tokës dhe përbëhet nga fundi i detit, uljet dhe ngritjet e tij.

Ai nuk përfshin masën ujore dhe ajrore mbi të. Parimi bazë i përdorur e që është edhe metoda më e përhapur në përfundimin e marrëveshjeve të tilla është ai i bashkëlargësisë, d.m.th. përcaktimi i një vije ndarëse me largësi të njëjtë nga të gjitha pikat e vijës bazë të shteteve bregdetare.

------------------------------------------------------------------------------------

Një orë para konferencës për shtyp, njoftohet se përfaqësuesit e medias nuk duhet të bëjnë asnjë pyetje.


Berisha-Karamanlis, ndalohet
media të bëjë pyetje

TIRANË- Një ditë para vizitës së Kryeministrit të Greqisë, Kostas Karamanlis, në Tiranë, agjenda zyrtare e shpërndarë nga Kryeministria njoftonte se, në fund të takimeve mes dy kryeministrave, atij grek dhe atij shqiptar, do të kishte edhe një konferencë për shtyp.

Por, vetëm një orë para se të përfundonin të gjitha takimet në Kryeministri, u njoftua se nga dy kryeministrat do të kishte vetëm një deklaratë për shtyp, dhe se nuk do të lejohej asnjë pyetje nga mediat.

Madje, për këtë fakt është kujdesur jo pak edhe zëdhënësja e Kryeministrit, Juela Mecani, e cila ka kujtuar disa herë përfaqësuesit e medias se nuk ishin të lejuar të bënin pyetje.

Kjo u duk qartë edhe në masat që ata kishin marrë. Si asnjëherë tjetër, në zyrën e konferencave për shtyp, aty ku më parë zhvilloheshin mbledhjet e qeverisë, ishin zhdukur gjysma e karrigeve, ku në raste takimesh të rëndësishme, uleshin të gjithë përfaqësuesit e medias.

Punonjës të Kryeministrisë kishin vendosur vetëm disa prej tyre. Madje, zëdhënësja e Kryeministrisë kujdesej që në ato pak vende bosh të akomodoheshin, pikë së pari, gazetarët e mediave greke, që shoqëronin Kryeministrin e Greqisë, Kostas Karamanlis.

Gjatë nënshkrimit të marrëveshjes ishin të pranishëm edhe këshilltarët e Kryeministrit, si dhe zyrtarë të lartë të administratës.

Po gjatë takimeve të djeshme, në ambientet e Kryeministrisë, u vunë re masa të larta sigurie, që të kujtonin vizitën e ish-Presidentit të SHBA-së, Xhorxh W. Bush. Kontrolle të njëpasnjëshme, ndërsa kati i dytë i Kryeministrisë, aty ku do të mbahej edhe deklarata për shtyp, ishte mbushur me punonjës të Gardës.

Deklarata e përbashkët për mediat ishte e vetmja gjë që mund të mësoje nga takimet e zhvilluara. Burime nga Kryeministria deklaruan dje se, gjatë takimeve u diskutua vetëm për ato çështje që u bënë publike, dhe për pasojë interesimi i medias nuk u cilësua i domosdoshëm për të mësuar tej qëndrimeve publike. </div></div>
http://www.infoarkiv.com/html/media/arti...-Shqiperi-Greqi

 

[GJYSHI]

Re: Greqisë i falim kufirin deri në Qeparo

Cfare jane keto budalliqe te qeverise shqiptare ose ka ndonje arsye pse e kane bere kete veprim??

 

[Al-Punk]

Re: Greqisë i falim kufirin deri në Qeparo

Ne shkrimin e dyte ka nje argumentin qe duket llogjik, por jam kurioz nese ka nje variant tjeter, pasi eshte vetem nje ane e medaljes

 

[Al-Punk]

Re: Greqisë i falim kufirin deri në Qeparo

Artan lame shkruan nje copez interesante mbi kete argument:
<div class="ubbcode-block"><div class="ubbcode-header">Quote:</div><div class="ubbcode-body"> FESTA E KUFIRIT

Nxinte Anila Basha teksa më fliste për punë të marrveshjes detare me Greqinë. Na i hodhën grekët, si s‘hapi gojë njeri, jo po na morrën detin këtu, jo po na zhvatën nëndetin atje. Dëgjova e dëgjova dhe i dhashë karar ta kthej punën së prapi.

Unë, Anila e më të shumtit e shqiptarëve, mund të mërzitemi sa të duam për këtë punë, por të siguroj Anilë dhe ju të tjerë që u mërzitët, se peshqit e detit, jo që s‘janë mërzitur hiç, por kur ta marrin vesh që ka lëvizur kufiri, do gëzohen pa masë. Do gëzohen se që sot e tutje nuk do t‘i gjuajë më njeri me korrent, me bomba apo me dinamit. Do kenë punë vetëm me rrjetat e peshkatarëve grekër, të cilat edhe ato duhet të jenë sipas normave të Komunitetit Europian dhe kaq. Edhe koralet, gaforet, flora dhe fauna e nëndetit, do kenë bërë festë, se shpëtoi nga shfrytëzimi deri në palcë. Edhe anijet e mbytura e të kthyera në relike, shpëtuan. Deri tani ishin ambjentuar me zhytës piratë që shkulnin prej tyre ç‘mundnin, duke shkatëruar ç‘mbetej pa marrë dhe që, edhe ajo që shkulnin, përfundonte hajduçe më ndonjë koleksion ilegal e s‘mund të kapardisej gjithë krenari në muze. Tani do vijnë ekspedita nënujore t‘i studiojnë, do t‘i nxjerrin me kujdes, pa do t‘i restaurojnë, do t‘i vendosin nëpër vitrina ku do vijë bota të çuditen gjithë admiratë para tyre.

A ma gjeni dot ku çalon ky arsyetim, se peshqit, gaforet e delfinët nuk njohin kufij shtetesh, por vetëm kufij mirësie. Ata dinë vetëm kaq: këtej të vrasin - andej të mbrojnë. I dinë mirë kafshët këto punë dhe ia trashëgojnë njëra-tjetrës brez pas brezi si legjenda instiktesh. Larg nga Saranda, në Shkodër, më thonë se kolonitë e zogjve janë përqëndruar të gjitha në anën malazeze të Bunës, pasi andej nuk u bie njeri në qafë dhe rrojnë e gëzojnë në paqë e në harmoni me njerëzit e natyrën, ndërsa këtej Bunës s‘pipëtin gjë prej gjëje, përveç ushëtimës së ndonjë çifteje që heq qafe ndonjë zog fatzi që ka ngatërruar udhën.

Po le të shkojmë sërisht në Jug, andej nga na cënuan mëmëdhenë. Ata ishujt e vegjël para Ksamilit ka vite që vuajnë në grahmat e fundit të mbijetesës së tyre. Çdo shenjë jete është zhdukur syresh. E dini që në më të madhin e tyre, që ishte i mbuluar cep më cep me pemë të harlisura, ka pasur edhe dhi të egra? Kafshë të gjora që, pas ‘90-ës, u zhdukën pa nam e nishan. Ishulli tjetër është ngrënë përgjysmë me eskavator dhe tani mbi ujë ka mbetur vetëm gjysma e tij, pasi në gjysmën tjetër të rrafshuar, herë pas here ndërtohen lokale, të cilat i prish pastaj policia ndërtimore, pastaj lokali ndërtohet prapë nga një tjetër person më i fortë se i pari, e kështu me radhë. Ndër ishuj më të shumtat e pemëve janë prerë dhe ç‘mbetet e shuan zjarri kohë pas kohe. Sikur më ‘13-ën, kur ndaheshin kufijtë, gjyshërit të kishin qenë më pak mëmëdhetarë, ishujt do t‘i kishin mbetur Greqisë dhe sot do gëlonin nga flora e fauna, nga lepujt e nga dhitë brigjata, nga pemët lulet e kaçubat.

Gjithë ç‘kam dëgjuar këto ditë për punë të marrveshjes që nënshkroi Lul Basha (ja futa kot më duket, se kush e pyet Bashën kur është Berisha. Prapë më ngjan se ja futa kot, se kush e pyet Berishën kur janë grekërit në mes!) nxitojnë të bëjnë paralelizma me Ahmet Zogun, kur i dha Shën Naumin Sërbisë. Mirëpo, ta zëmë se Ahmet beu do ish treguar patriot i pafrikur dhe s‘do e kish lëshuar manastirin, ç‘do ngjiste më pas? Më pas, do kish ardhur Enver Hoxha dhe më ‘67-ën do ia nxirrte manastirit themelitë në havadan, siç ua nxorri të gjitha kishave, manastireve, xhamive e teqeve të tjera dhe ne do ta kishim duartrokitur siç e duartrokitëm. Falë xhambazllëkut të Ahmet beut më ‘25-ën, manastiri i Shën Naumit lartohet mbi Liqer ende sot e kësaj dite, duke i bërë duva Perëndisë që e bëri Ahmet benë batakçi dhe jo patriot.

Lirinë e meritojnë vetëm popujt që lëftojnë e vriten për të. Eh more gjyshër të lartër ç‘na bëtë, ç‘barrë të madhe, që s‘është për këllqet e shprishura të kohëve tona, na latë. Konica, kur ja sollën shpirtin në majë të hundës shqipot, shkroi: "Shqipërinë e bënë idealistët, e rojti rasti, e prishnë politikanët". Të më ndjejë Faiku që po ja trazoj gjumin e përjetshëm, po kam ndër mënt t‘i shkoj mbi varr, t‘i trokas e t‘i them "Faik be, të doli llafi".</div></div>