Ildri
Forumium maestatis
DUBAI : Një student rus me një kurajo të pabesueshme, Marat Dupri, u ngjit në majën e qiellgërvishtësit më të lartë në botë, për të realizuar disa fotografi të rralla të një prej qyteteve më spektakolarë të botës, Dubait.
19-vjeçari, i cili bleu aparatin e parë fotografik vetëm dy vjet më parë, u shndërrua menjëherë në një të apasionuar pas fotografive, duke nisur të fotografonte nga ndërtesat më të larta të Moskës, në rrugët e ndodhura poshtë.
Megjithatë, siç dëshmoi edhe në një intervistë për të përditshmen ruse “Pravda”, përvoja në Dubai ishte krejt e veçantë, pasi për herë të parë, i riu ngjitej në lartësi nga të cilat njerëzit në rrugët poshtë pothuajse nuk shquheshin më.
