Re: Fillimi i Luftes se Ftohte 2?LF2
Sme besojne syte pasi Rusia kercenon hapur ameriken=perendimin se ne rast se vazhdon me planin per ndertimin e sistemit mbrojtes ne antirakete me vendet ne kufi me Rusine do te kete pergjgje.
Marre nga
http://www.gazeta-shqip.com
Rusia: Do përdorim armë bërthamore nëse ndjejmë rrezik
Deklaratë e ashpër e shefit të ushtrisë ruse në një mbledhje stafi
Shefi i ushtrisë ruse deklaroi dje se Moska mund të përdorë armët bërthamore në taktikat parandaluese për të mos lejuar goditjen ndaj saj dhe aleatëve të saj në rajon. Kjo është deklarata e fundit e ashpër e lëshuar nga autoritetet moskovite në lidhje me marrëdhëniet me Perëndimin. Komenti i bërë nga gjeneral Juri, në fakt nuk përbën ndonjë ndryshim thelbësor nga politika e deritanishme e ndjekur nga autoritetet ruse. Sipas analistëve, kjo lloj deklarate mund të konsiderohet si një paralajmërim i Moskës ndaj Perëndimit për mundësinë e përdorimit nga ana e saj të armëve bërthamore. Moska është shumë e pasur me një arsenal të tillë. "Nuk kemi ndërmend që të sulmojmë askënd, por e konsiderojmë shumë të rëndësishme për të gjithë partnerët tanë në komunitetin botëror që të kuptojnë se për mbrojtjen e sovranitetit dhe integritetit territorial të Rusisë e aleatëve të tij, Moska mund të përdorë forcën ushtarake, qoftë edhe në rastin e një parandalimi, duke përfshirë këtu edhe përdorimin e arsenalit bërthamor", mësohet të ketë deklaruar shefi i ushtrisë gjatë një konference ushtarake, e cila është transmetuar edhe në televizionin shtetëror. Sipas agjencisë shtetërore të lajmeve Ria-Novosti, gjenerali shtoi se Rusia do të përdorë arsenalin bërthamor vetëm në përputhje me ligjet e doktrinës ushtarake ruse. Kjo doktrinë e adaptuar në vitin 2000, thotë se Rusia mund të përdorë armë bërthamore si kundërveprim ndaj sulmit që mund t‘i bëhet asaj, ose ndonjë vendi aleat me të, ose në rastin e rrezikut të madh të një sulmi të pritshëm bërthamor që synon të godasë Rusinë. Një gjeneral rus në pension, Vladimir Dvorkin, ish-ekspert i kontrollit të armëve konvencionale në Ministrinë Ruse të Mbrojtjes, tha se në deklaratën e gjeneralit nuk ka asnjë gjë të re dhe se fjalët e tij janë një përsëritje e asaj çka përmban doktrina në vetvete, pra bëhet fjalë për thënie që janë të shkruara në të që në vitin 2000. Putin dhe zyrtarë të tjerë të lartë rusë kanë nënvizuar vazhdimisht nevojën e përmendjes së vazhdueshme të fuqisë bërthamore të vendit dhe i kanë rezervuar vetes të drejtën që të kryejnë edhe sulme parandaluese me armët bërthamore. Por, në pjesën më të madhe të deklaratave, që zyrtarët e lartë kanë bërë në lidhje me sulmet paralajmëruese, nuk kanë përmendur ato me armë bërthamore. Fjalimi i mbajtur nga shefi i ushtrisë ruse vjen në mesin e diskutimeve mes Moskës dhe Perëndimit në lidhje me planin amerikan për të ndërtuar sistemin mbrojtës antiraketë me vendet në kufi me Rusinë dhe sigurisht çështjes së pavarësisë së Kosovës. Por, analistët janë të mendimit se edhe këtë herë si herë të tjera, fuqia bërthamore përmendet vetëm për arsye momentale dhe jo si kërcënim i drejtpërdrejtë dhe konkret për Perëndimin.
E pastaj ju flisni per fantazi
