ENERGJIA
Fqinjët në garë, fillon epoka e centraleve bërthamore në Ballkan
Serbia, Bullgaria, Sllovenia, Kroacia dhe Rumania, pjesë e projektit rus për ndërtimin e 42 reaktorëve deri në vitin 2030
Rumania, Bullgaria, Sllovenia dhe Kroacia në vitet e ardhshme do të shtojnë burimet bërthamore të prodhimit të energjisë. Sipas këtij projekti, Rusia do të ndërtojë në këto vende, por edhe më gjerë, deri në 2030-ën rreth 42 centrale bërthamore, siç bën të ditur raporti më i fundit i Korporatës Elektroenergjetike serbe (KWH). Aktualisht, në Serbi është në fuqi një moratorium që parashikon ndërtimin e burimeve bërthamore të energjisë dhe në një të ardhme të afërt do të fillojë puna për ndërtimin e tyre.
Nga ana tjetër, Bullgaria ka planifikuar fillimin e ndërtimit të një stacioni bërthamor në Belne, rreth 250 km larg Sofjes, pavarësisht se nga data 1 janar 2007 i vuri drynin dy centraleve bërthamore në Kozlodui, të një fuqie prej 800 MW, për shkak të hyrjes në BE. Projekti i Belnes parashikon ndërtimin e dy centraleve bërthamore, me një fuqi 1000 MW secili. Ndërtimi i centralit të parë pritet të përfundojë në 2011-ën, ndërsa i dyti në 2013-ën. Ndërtimi i centralit bërthamor në Belne shihet si një nga përpjekjet e Bullgarisë për të ruajtur monopolin e eksportuesit numër një të energjisë në Ballkan dhe në vendet e Evropës Juglindore. Sofja e ka nisur ndërtimin e këtij centrali të energjisë në vitin 1986. Në atë kohë, Bullgaria kishte investuar rreth 1 miliard dollarë, por projekti mbeti në mes në vitin 1991, jo vetëm për mungesë fondesh, por edhe për shkak të kontestimeve nga organizatat mjedisore. Konsorciumi i përbërë nga kompania ruse "Amstroy Export", ajo franceze "Areva" dhe gjermanët e "Simens", janë fitueset e tenderit ndërkombëtar që do të ndërtojë dhe do të administrojë dy reaktorë bërthamorë në stacionin e Belnës në Bullgari. Procedura e vlerësimit të ofertave për ndërtimin e reaktorëve bërthamorë 1 dhe 2 zgjati për 17 muaj dhe në përfundim la jashtë konsorciumin që kishin krijuar kompania çeke "Skoda JS" me firmën gjermane "Hochtief" dhe atë amerikane "Westinghouse". Interes për të financuar projektin dhe për të marrë në dorë administrimin e tij kanë shprehur kompani ruse "Gazprom", kompania italiane "Enel" dhe kompania çeke "CEZ". Në Rumani, në mes të vitit 2007, prodhimi i energjisë nga stacionet bërthamore do të dyfishohet, pasi parashikohet që në të vetmin stacion bërthamor në vend, "Cerna Voda", do të shtohet një tjetër central me një fuqi 706 MW. Në "Cerna Voda" prodhohen rreth 54 miliardë kilovat/orë energji dhe prodhimi nga burimet bërthamore shkon nga 10 deri në 12 për qind. Qeveria rumune parashikon ndërtimin në një kohë të afërt të dy stacioneve të tjera bërthamore. Edhe qeveria Sllovene bëri zyrtarisht të ditur se do të shtojë burimet bërthamore të prodhimit të energjisë elektrike dhe në planet e saj është ndërtimi i një njësie të prodhimit të energjisë me një fuqi 1000 MW në stacionin bërthamor në KRSKO. Ndërtimi i kësaj njësie do të fillojë në 2013-ën dhe parashikohet të përfundojë brenda një katërvjeçare.
Sipas raportit të korporatës serbe të energjisë, edhe në Kroaci qarkullojnë të dhëna jozyrtare, sipas të cilave në vitet e ardhshme do të fillojë ndërtimi i një stacioni bërthamor në bregdetin e Adriatikut ose në brigjet e Danubit.
www.GAZETA-SHQIP.COM
Fqinjët në garë, fillon epoka e centraleve bërthamore në Ballkan
Serbia, Bullgaria, Sllovenia, Kroacia dhe Rumania, pjesë e projektit rus për ndërtimin e 42 reaktorëve deri në vitin 2030
Rumania, Bullgaria, Sllovenia dhe Kroacia në vitet e ardhshme do të shtojnë burimet bërthamore të prodhimit të energjisë. Sipas këtij projekti, Rusia do të ndërtojë në këto vende, por edhe më gjerë, deri në 2030-ën rreth 42 centrale bërthamore, siç bën të ditur raporti më i fundit i Korporatës Elektroenergjetike serbe (KWH). Aktualisht, në Serbi është në fuqi një moratorium që parashikon ndërtimin e burimeve bërthamore të energjisë dhe në një të ardhme të afërt do të fillojë puna për ndërtimin e tyre.
Nga ana tjetër, Bullgaria ka planifikuar fillimin e ndërtimit të një stacioni bërthamor në Belne, rreth 250 km larg Sofjes, pavarësisht se nga data 1 janar 2007 i vuri drynin dy centraleve bërthamore në Kozlodui, të një fuqie prej 800 MW, për shkak të hyrjes në BE. Projekti i Belnes parashikon ndërtimin e dy centraleve bërthamore, me një fuqi 1000 MW secili. Ndërtimi i centralit të parë pritet të përfundojë në 2011-ën, ndërsa i dyti në 2013-ën. Ndërtimi i centralit bërthamor në Belne shihet si një nga përpjekjet e Bullgarisë për të ruajtur monopolin e eksportuesit numër një të energjisë në Ballkan dhe në vendet e Evropës Juglindore. Sofja e ka nisur ndërtimin e këtij centrali të energjisë në vitin 1986. Në atë kohë, Bullgaria kishte investuar rreth 1 miliard dollarë, por projekti mbeti në mes në vitin 1991, jo vetëm për mungesë fondesh, por edhe për shkak të kontestimeve nga organizatat mjedisore. Konsorciumi i përbërë nga kompania ruse "Amstroy Export", ajo franceze "Areva" dhe gjermanët e "Simens", janë fitueset e tenderit ndërkombëtar që do të ndërtojë dhe do të administrojë dy reaktorë bërthamorë në stacionin e Belnës në Bullgari. Procedura e vlerësimit të ofertave për ndërtimin e reaktorëve bërthamorë 1 dhe 2 zgjati për 17 muaj dhe në përfundim la jashtë konsorciumin që kishin krijuar kompania çeke "Skoda JS" me firmën gjermane "Hochtief" dhe atë amerikane "Westinghouse". Interes për të financuar projektin dhe për të marrë në dorë administrimin e tij kanë shprehur kompani ruse "Gazprom", kompania italiane "Enel" dhe kompania çeke "CEZ". Në Rumani, në mes të vitit 2007, prodhimi i energjisë nga stacionet bërthamore do të dyfishohet, pasi parashikohet që në të vetmin stacion bërthamor në vend, "Cerna Voda", do të shtohet një tjetër central me një fuqi 706 MW. Në "Cerna Voda" prodhohen rreth 54 miliardë kilovat/orë energji dhe prodhimi nga burimet bërthamore shkon nga 10 deri në 12 për qind. Qeveria rumune parashikon ndërtimin në një kohë të afërt të dy stacioneve të tjera bërthamore. Edhe qeveria Sllovene bëri zyrtarisht të ditur se do të shtojë burimet bërthamore të prodhimit të energjisë elektrike dhe në planet e saj është ndërtimi i një njësie të prodhimit të energjisë me një fuqi 1000 MW në stacionin bërthamor në KRSKO. Ndërtimi i kësaj njësie do të fillojë në 2013-ën dhe parashikohet të përfundojë brenda një katërvjeçare.
Sipas raportit të korporatës serbe të energjisë, edhe në Kroaci qarkullojnë të dhëna jozyrtare, sipas të cilave në vitet e ardhshme do të fillojë ndërtimi i një stacioni bërthamor në bregdetin e Adriatikut ose në brigjet e Danubit.
www.GAZETA-SHQIP.COM