Re: Ekonomia e Shqiperise dhe Reformat
Privatizimet strategjike, "basti" i 2007-ës
Suksesi i procesit do të mundësojë hartimin e buxhetit suplementar
Gazeta Shqip
Viti 2007 do të jetë më vendimtari për sa u përket sfidave që ka përpara qeveria, lidhur me privatizimet strategjike. Edhe pse në buxhetin e vitit 2007 nuk janë parashikuar të ardhura nga privatizimet e sektorëve strategjikë, basti i qeverisë do jetë realizimi i premtimeve të saj, karshi opinionit publik dhe institucioneve financiare ndërkombëtare, që monitorojnë ecurinë e reformave të vendit. Vitin e ardhshëm qeveria duhet të përfundojë me sukses privatizimin e kompanisë shtetërore të telefonisë fikse, Albtelekom, shitjen e shoqërisë së përpunimit të naftës ARMO, shoqërinë e sigurimeve, INSIG, divizionin e Shpërndarjes në KESH, Albtelekom, paketën shtetërore të aksioneve të AMC-së, aksionet e mbetura të Bankës së Bashkuar të Shqipërisë, si dhe objektet shtetërore.
Albtelekom
Në muajt e parë të vitit 2007 parashikohet të përfundojë me sukses privatizimi i parë i qeverisë së pas 3 korrikut, e cila duket se do t‘i japë fund çështjes "Albtelekom". Qeveria shqiptare ka nisur procesin e rinegocimit të kontratës së shitjes së kompanisë Albtelekom me përfaqësuesit e kompanisë turke "Calik Group". Vendosja e kushteve në mënyrë që "Calik" të plotësojë treguesit e operatorit strategjik, është pika kyçe e diskutimeve nga pala shqiptaren ndërkohë, çmimi i shitjes së Albtelekomit prej 120 milionë eurosh, nuk është përfshirë në rinegocimin e kontratës me kompaninë turke "Çalik Group". Çështja e romingut dhe vendosja e penaliteteve, që kompania turke "Calik" të mos mund ta rishesë Albtelekomin për një afat të caktuar kohor, do të jenë dy pikat e tjera të diskutimeve.
ARMO
Kompania e përpunimit të hidrokarbureve, ARMO, do t‘i nënshtrohet në vitin 2007 për të disatën herë procedurave parapërgatitore për privatizimin përfundimtar të saj. E filluar në vitin 2004 nga qeveria e atëhershme, privatizimi i ARMO-s nuk arriti të realizohej, duke mos përmbushur premtimin për privatizim brenda vitit 2005. ARMO është një nga tri shoqëritë shqiptare të naftës, krahas Albpetrolit e Servcom-it.
INSIG
Kompania shtetërore e sigurimeve, INSIG, do të privatizohet brenda vitit 2007. Qeveria shqiptare ka 61% të aksioneve të INSIG-ut, ndërsa 39% të këtyre aksioneve i kanë BERZH dhe IFC. Vlen të theksohet se në shitje do të dalin jo vetëm aksionet që ka shteti në këtë kompani, por edhe aksionet e Bankës Evropiane për Rindërtim e Zhvillim dhe IFC-së. Formula e privatizimit të INSIG-ut, përgatitur nga Ministria e Financave, përjashton kompanitë shqiptare nga pjesëmarrja në procesin e privatizimit.
KESH-i
Para pak kohësh, qeveria ka marrë vendimin për kthimin e Divizionit të Shpërndarjes së KESH-it në një shoqëri aksionere jashtë kontrollit të Korporatës, ndërkohë që privatizimi i saj do të bëhet në fund të vitit 2007. Qeveria ka rihapur së fundmi procesin e privatizimit për objektet shtetërore, ndërkohë që, vitin e ardhshëm, do të privatizohen edhe aksionet që qeveria ka në Bankën e Bashkuar, si edhe aksionet shtetërore te kompania AMC.
Privatizimet strategjike, "basti" i 2007-ës
Suksesi i procesit do të mundësojë hartimin e buxhetit suplementar
Gazeta Shqip
Viti 2007 do të jetë më vendimtari për sa u përket sfidave që ka përpara qeveria, lidhur me privatizimet strategjike. Edhe pse në buxhetin e vitit 2007 nuk janë parashikuar të ardhura nga privatizimet e sektorëve strategjikë, basti i qeverisë do jetë realizimi i premtimeve të saj, karshi opinionit publik dhe institucioneve financiare ndërkombëtare, që monitorojnë ecurinë e reformave të vendit. Vitin e ardhshëm qeveria duhet të përfundojë me sukses privatizimin e kompanisë shtetërore të telefonisë fikse, Albtelekom, shitjen e shoqërisë së përpunimit të naftës ARMO, shoqërinë e sigurimeve, INSIG, divizionin e Shpërndarjes në KESH, Albtelekom, paketën shtetërore të aksioneve të AMC-së, aksionet e mbetura të Bankës së Bashkuar të Shqipërisë, si dhe objektet shtetërore.
Albtelekom
Në muajt e parë të vitit 2007 parashikohet të përfundojë me sukses privatizimi i parë i qeverisë së pas 3 korrikut, e cila duket se do t‘i japë fund çështjes "Albtelekom". Qeveria shqiptare ka nisur procesin e rinegocimit të kontratës së shitjes së kompanisë Albtelekom me përfaqësuesit e kompanisë turke "Calik Group". Vendosja e kushteve në mënyrë që "Calik" të plotësojë treguesit e operatorit strategjik, është pika kyçe e diskutimeve nga pala shqiptaren ndërkohë, çmimi i shitjes së Albtelekomit prej 120 milionë eurosh, nuk është përfshirë në rinegocimin e kontratës me kompaninë turke "Çalik Group". Çështja e romingut dhe vendosja e penaliteteve, që kompania turke "Calik" të mos mund ta rishesë Albtelekomin për një afat të caktuar kohor, do të jenë dy pikat e tjera të diskutimeve.
ARMO
Kompania e përpunimit të hidrokarbureve, ARMO, do t‘i nënshtrohet në vitin 2007 për të disatën herë procedurave parapërgatitore për privatizimin përfundimtar të saj. E filluar në vitin 2004 nga qeveria e atëhershme, privatizimi i ARMO-s nuk arriti të realizohej, duke mos përmbushur premtimin për privatizim brenda vitit 2005. ARMO është një nga tri shoqëritë shqiptare të naftës, krahas Albpetrolit e Servcom-it.
INSIG
Kompania shtetërore e sigurimeve, INSIG, do të privatizohet brenda vitit 2007. Qeveria shqiptare ka 61% të aksioneve të INSIG-ut, ndërsa 39% të këtyre aksioneve i kanë BERZH dhe IFC. Vlen të theksohet se në shitje do të dalin jo vetëm aksionet që ka shteti në këtë kompani, por edhe aksionet e Bankës Evropiane për Rindërtim e Zhvillim dhe IFC-së. Formula e privatizimit të INSIG-ut, përgatitur nga Ministria e Financave, përjashton kompanitë shqiptare nga pjesëmarrja në procesin e privatizimit.
KESH-i
Para pak kohësh, qeveria ka marrë vendimin për kthimin e Divizionit të Shpërndarjes së KESH-it në një shoqëri aksionere jashtë kontrollit të Korporatës, ndërkohë që privatizimi i saj do të bëhet në fund të vitit 2007. Qeveria ka rihapur së fundmi procesin e privatizimit për objektet shtetërore, ndërkohë që, vitin e ardhshëm, do të privatizohen edhe aksionet që qeveria ka në Bankën e Bashkuar, si edhe aksionet shtetërore te kompania AMC.