Re: Edi Rama dhe Fatos Nano si Arkani
HAKMARRJA E XHOANA NANOS
NGA NIKOLLE LESI
Qe gruaja me emrin Xhoana Nano eshte kryeministrja reale e Shqiperise nuk ka asnje pike dyshimi. Zoti Nano vetem firmos dhe urdheron cka thote ajo grua, e cila ne nje kohe rekord ngriti kompanite Xhoi Travel dhe Albacopter. Shoqeria e pare ka marre monopolin e levizjes ne toke nga Shqiperia ne Greqi e anasjelltas, kurse shoqeria e dyte e krijuar pas se pares Albacopter u krijua, pasi nuk i mjaftonte toka. I duhej edhe ajri. Helikoperet e shoqerise se saj private "patrullojne" qiellin sa nga Korfuzi ne Shkoder, sa nga Ohri ne brigjet e ishujve greke. Nese kjo grua do te kishte ardhur e pasur nga Athina e nates ne Tirane, atehere gjithsecili do te perulej para aftesise se saj per te menaxhuar. Por nuk eshte aspak keshtu. Kur i kam kerkuar ministrit te Financave Kastriot Islami "viti 2003) qe te jap shpjegime ne parlament ne seance te hapur se sa detyrime fiskale apo sa here jane kontrolluar nga organet tatimore bizneset e gruas se kryeministrit Nano me eshte pergjigjur, bile edhe me shkrim: "Nuk lejohet qe te nxirret sekreti i nje firme private"! Nese duhet te kete transparence me teper se te gjithe duhet te jete kryeministri dhe natyrisht e shoqja, e cila shfrytezon pushtetin ekzekutiv te te shoqit qe quhet sot Fatos Nano. Nuk mundet qe te luhet roli i "parimorit" sic ben kryeministri aktual dhe nga ana tjeter zbaton aksiomen "beni si them une, e mos beni sic bej une!". Une kam pare me verejtje kopjen e deklarates se pasurise se Fatos Nanos te vitit 2002 dhe ate te vitit 2003. Kjo e vitit 2003 ende mbahet sekret, porse une arrita ta lexoj. Prape fukara i madh na del ky zoti Nano ! Gjithcka ne emer te gruas se dyte Xhoana Nano, a thua se e ha njeri kete lloj manovrimi gjoja "ligjor". Kryeministri na qenka fukara, kurse Xhoana pasanike! A flene ne nje shtepi keta te dy?-mund te thote dikush. Apo vetem bashkejetojne? Apo rrine si concubinage "bashkejetese pa kurore)?! E beri nje shkrim ne korrik 2003 Andi Bushati, drejtor i revistes Klan, po ne kete reviste dhe desh hengri dajak nga Xhoana Nano. Natyrisht jo direkt nga dora e saj, por nga disa bodigarde qe ruajne burrin e Xhoanes e qe eshte kryeministri Nano. Bushati kishte botuar disa dite pas doreheqjes se zotit Meta nga posti i zv/kryeministrit ne korrik 2003 nje editorial ne kete reviste, ku analizonte qetesisht Fatos Nanon. Por nder te tjera ai kishte permendur nje fragment se zoti Nano punonte edhe per te kenaqur shijet e nje femre me emrin Xhoana. Bushati kishte futur dhe nje fjale concubine, natyisht qe lidhej me Xhoin e Fatosit.
Concubine ka kuptimin direkt bashkejetese. Kryeministri qe merr vesh edhe nga frengjishtja nuk e kishte perkthyer tamam concubine ne termat qe e kishte fjalori dhe qe nenkuptonte Andi Bushati, por i kishte lene shijen e keqe te fjales, pse te mos e themi te asaj femre qe shetit naten neper semafore. Kaq kishte dashur kryeministri Nano dhe ishte betuar qe sapo ta takonte Bushatin do "t'ia rregullonte samarin". Sikur t'i ishte lutur Perendise Xhoana nuk do ta kishte gjetur kaq perballe Andin. Bashke me gruan, nje grua qe gezon respekt ne te gjitha qarqet intelektuale, Bushati kishte shkuar si "cjapi tek kasapi". Diten qe kishte botuar shkrimin ne revisten Klan, Andi hyn ne restorant Kashta ne Durres bashke me te shoqen per te ngrene nje darke. Restoranti eshte privat dhe nuk administrohet nga Drejtoria e Sherbimeve qeveritare, pra mund te hyje kushdo. Nderkohe rojet te shumta e kishin rrethuar restorantin ku darkonte kryeministri Nano me te shoqen, Xhoanen. Bushati hyn ne restorant, ulet ne nje cep per te ngrene darken e premtuar se shoqes. Sapo e shikon kryeministri dhe Xhoana therrasin njeri nga rojet e tyre. Nderkohe Andi porositi, pasi i hodhi nje veshtrim tangent menyse.
-Duhet te dilni nga restoranti!- iu afrua nje nga rojet e shumta te kryeministrit. Perballe Xhoana luante me dore ne drejtim te Bushatit. Sec thoshte ajo grua kryeministri familja Bushati nuk po e kuptonte, porse rojet e rrethuan ne pritje qe te linte restorantin.
-Ore, une jam klient i ketij restoranti. Kam porositur dhe po pres te ha darke. C'kam bere?- insistoi Andi dhe u mundua te merrej vesh me rojet e Nanos, te cilet per nga menyra se si shikonin donin te thonin se "Xhoi dha urdher. E dime se eshte fyese dhe e padrejte, por na kupto. Na heq buken e gojes ajo!". Situata ishte nxehur jashte mase. Kryeministri dhe Xhoana pinin vere te shtrenjte ne tavolinen perballe dhe benin sikur nuk e shikonin Andi Bushatin tashme qe rojet e kishin rrethuar per ta nxjerre forcerisht nga restoranti. I kishte ndodhur edhe ne vitin 1995 kur sapo kishte pergatitur numrin e gazetes "Koha Jone" bashke me koleget dhe ishte futur tek bar-restorant "Caplini". Bushati shquhej per shkrimet e forta ndaj qeverisjes se PD-se dhe kishte krijuar armiq ne pushtet si gjithe gazetaret e tjere te "Koha Jone". Edhe atehere duke ngrene kishte qene. I lodhur pas punes stermunduese gjate tere dites e deri ne ora 24.00 Andi ishte gjendur ne korrik 1995 para nje pice, duke e ngrene si i uritur. Tre punonjes te SHIK-ut te Gazidedes ishin futur brenda ne restorant. Ne te njejten menyre si bodigardet e Nanos i jane drejtuar:
-Perjashta! Perjashta!
Meqenese Andi me koleget nuk kishin dale, pasi pica nuk kishte shkuar ne fund pas asaj lodhje te dites, njeri prej shikasve e ka marre zvarre gazetarin Bushati dhe e ka nxjerre nga restorant "Caplini". Ne ate korrik 1995 ishin shikasit pa eprorin e tyre qe flinte ne ate ore, kurse ne korrik 2003 rojet kishin shefin e tyre Nano qe i urdheronte, duke qene vete ne restorant.
-Mire, mire po dalim, porse shume fyese eshte kjo qe po beni " ishte pergjigjur drejtori i revistes Klan rojeve, por me veshtrim nga tavolina ku rrinte first lady shqiptar me burrin e saj Fatos Nano. Sapo ishte duke dale tek dera Bushati me te shoqen ishte degjuar nje e bertitur e madhe e kryeministrit Nano.
-Hajde gezuar! Me fund ta pijme kete gote!
-Si nuk pati fytyre e na hyri ne restorant pikerisht sot qe ka kritikua ne reviste "kishte nderhyre gruaja e neteve te Athines qe lumturohej ne krahet e kryeministrit shqiptar.
-Merre pak ne telefon Bushatin dhe kercenoje " kishte insistuar kryeministri. Pas pak Bushati i fyer degjon ne telefon zerin e gruas qe e nxori perjashta restorantit ne menyre fyese.
-C'ishte ajo qe kishe shkruar per mua sot ne reviste?- ishte pyetja e zonjes se pare te vendit, e cila po pinte atje ne "sarajet" e kryeministrit shqiptar- Apo kujton se nuk e dijme kuptimin e fjales concubine? E di frengjishten me mire se ti burri im!- fliste, pyeste e pergjigjej po vete Xhoana Nano. Natyrisht une nuk kam qene ne linje apo ne pergjim , porse aq sa me ka treguar Andi i merzitur ate nate po mundohem ta riprodhoj per publikun.
-Concubine ka kuptim tjeter nga ai qe e keni marre ju zonja Nano " ishte munduar Bushati t'ia shpjegonte- Zoti Nano e di frengjishten per ta folur e jo per ta shkruar!
-Ai i di te gjitha! Por mos guxo me te shkruash per mua- kishte mbyllur telefonin gruaja e pare e ketij vendi. Fjalen concubine zoti Nano nuk e kishte marre ne kuptimin real te fjales qe do te thote bashkejetese, por, sic thame pak me siper, atje ku i digjte. Concubine! Bashkejetese e rregullt apo bashkejetese me grua pa kurore?! Nje perkthyes tjeter e dhiste fare kur thoshte se concubine perkthehet bashkejetese me nje kurve. Hajde si ta marresh. Edhe ashtu, edhe keshtu . Bushati e kishte thene ne kuptimin e drejte te fregjishtes se tij. Pala tjeter e kishte marre aty ku iu digjte. Por drejtori i revistes mbeti pa darke ate nate vetem per ate fjale concubine.
Nuk mjaftoi nxjerrja perjashta nga restoranti per Bushatin. Nje Bushat tjeter e hengri nga zemerimi i familjes Nano. Vetem pas nje jave Medi Bushati, nje nga personalitetet e larta te futbollit shqiptar, babai i Andit, shkarkohet nga detyra e drejtorit te Stadiumit Kombetar "Qemal Stafa". Kishte edhe 6 muaj per te dale ne pension. Nga njerezit qe kane bere epoke ne sport. Edhe ai e hengri nga fjala concubine e Andit! Dy Bushate i palosi kjo grua qe e ngaterronte fjalen concubine me perkthimin grek qe do te thote te kesh punuar tek lagjja e Kullave!
Kjo ishte nje nga historite e vargut te hakmarrjes se Xhoana Nanos me duart e kryeministrit. Foli Fatos Klosi, ish-kryetar i SHIK-ut tek Top Channel nja dy fjale tha per Xhoin dhe agjenturen greke. E moren te pandehur menjehere Klosin ne kundershtim me cdo ligj e moral, pasi kryetari i sherbimit sekret te cdo vendi paguhet dhe ruhet ne menyre te vecante. Ne koken e tij jane sekretet e vendit, ndaj i ruhet koka. Kurse Nano per ti plotesuar deshiren gruas se tij e futi neper sallat e prokurorise. Gruaja e Klosit, Dorina, beri vetem nje deklarate ne mbrojtje te te shoqit dhe per dy dite u shkarkua nga detyra e drejtoreshes se drejtorise se Kontrollit ne ministrine e Arsimit. Vete kryeministri merrej me ate shkarkim. Qejfi i Xhoit duhej plotesuar! Kritikoi TV Klan veprimet jo ligjore te kryeministrit Nano dhe u urdherua Policia Ndertimore qe te dergonte fadromat ne fshatin turistik, ku ndodhet vila e biznesmenit te pare me te suksesshem shqiptar Marsel Skendo. Zoti Skendo eshte bashkepronar ne TV Klan. Sa here Nano shkonte ne Durres perballe viles se Marselit u thoshte qe te rreshtonin morine e fadromave te policise ndertimore per ti bere presion njerit prej bashkepronareve te ketij televizioni qe pasqyronte te verteten e hidhur per Nanon. Vete kryeministri rrinte duke pire dhe kenaqej me faromat qe i linte te gatshme per shembje. Qendronte stoik nga ofertat dhe presionet Aleksander Frangaj, drejtor i Pergjithshem i TV Klan dhe kryeministri niste vargun e policeve tatimore per te kontrolluar.
Ky eshte shfrytezim i paster i pushtetit. Keshtu humbet PS dhe socialistet e thjeshte, te cilet aspirojne se kane nje kryetar qe mendon per ta. "Me plasi ***** per PS-ne!" me kishte thene ne takimin qe beme ne kryeministri ne maj 2003 dhe nuk me shqitej nga mendja. Socialistet e thjeshte mendojne se ato fjale qe ai thote per ta ne konferenca apo kongrese burojne nga thellesia e zemres se kryetarit. Nuk e dijne se kryetari Nano ka dy vite qe ka ndryshuar krejtesisht. Nano e ka mendjen tek concubine e Bushatit dhe tek thesi i parave te mbledhura cdo nate. Dikur ishte ndryshe kryetari. Ishte buzagaz, miqesor, bashkepunues.
Tashme kryeministri Concubine!
