Re: E majta apo e djathta kishte me shume vota?
E gjeta! Ishte tek revista Klan!
Nuk fitoi Berisha, por humbi Nano
Votat e PS dhe LSI së bashku janë më të mëdha se ato ku PD ka dalë fituese të paktën në 15 zona, dhe kjo do të thotë se nëse Nano nuk do të detyronte Metën që të largohet nga PS, edhe sot e majta do të kishte në votën për mazhoritarin 58 mandate, sa ka fituar PD!
nga Shkelzen Maliqi
Per Berishen, pas largimit te rremujshem, pak kush ka besuar se do te mund te rekuperohet dhe te kthehet serish ne pushtet. Edhe forcat e djathta ne Shqiperi kane pasur dyshime per kete, dhe kjo ka shkaktuar edhe carjet e PD-se dhe humbjet e njepasnjeshme e bllokut te djathte ne zgjedhjet e pergjithshme dhe lokale (2001 dhe 2003), kur analistet serioze rekomandonin nxjerrjen e nje figure dhe lideri tjeter i te djathtes, ne vend te Berishes, per te cilin mendohej se e percjelle fati i humbesit te perjetshem. Por, Berisha ishte kembengules, nxorri ca mesime nga gabimet e te kaluares, ndryshoi strategjine dhe sjelljet perjashtuese, inkuadroi ne PD forcat e reja dhe riktheu disa nga lideret historik, per te perfunduar ciklin me nje fitore mjaft bindese.
Megjithate, rezultati befasues i zgjedhjeve te 3 korrikut nuk i atribuohet aq shume vetem meritave te Berishes, sa gabimeve te kundershtarit te tij, Fatos Nanos. Edhe pse numerimi i votave nuk ka perfunduar ende dhe ka disa zona ku vazhdojne kontestet, qe tani mund te konstatohet se perparesia e forcave e te djathtes qe i ka udhehequr Berisha, numerikisht nuk eshte me e madhe se e forcave te se majtes.
Perkundrazi, ajo duhet te jete me e vogel, dhe e majta mbase do te fitonte edhe keto zgjedhje (virtualisht dhe realisht), po te mos ishte e prire gabimisht dhe me arrogance nga Fatos Nano, i cili prej kohesh kishte shkaktuar carje ne PS-ne (largimi i grupit te Ilir Metes, qe krijuan LSI-ne) dhe nuk siguroi bashkepunimin dhe bashkeveprimin as me figurat e tjera me ndikim brenda PS-se (Edi Rama, Rexhep Meidani, Pandeli Majko).
Nese shikohen rezultatet qe ka arritur LSI-ja e Metes ne shume zona zgjedhore, e qe ne nivelin e vendit jane rreth 10 %, shihet qarte se votat e PS-se dhe LSI-se se bashku jane
me te medha se ato ku PD-ja ka dale fituese te pakten ne 15 zona, dhe kjo do te thote se nese Nano nuk do te detyronte Meten qe te largohet nga PS-ja, edhe sot e majta do te kishte ne voten per mazhoritarin 58 mandate, sa ka fituar PD-ja!
Kuptohet carja e thelle e majtes nuk ka qene vetem rezultat i cmirave dhe mosdurimeve personale te Nanos nga njera ane, dhe te Metes dhe lidereve te tjere socialiste me ndikim dhe orientime te vecuara, nga ana tjeter. Keto dallime, qe kane rezultuar me carje u shkaktuan nga profilizimi degjenerativ i vete PS-se, si parti e majte, te ciles i kishte rene per hise misioni historik i instalimit te kapitalizmin real ne Shqiperi.
Deshtimi kryesor i Berishes deri ne vitin 1997 nuk ka qene vetem lejimi qe shteti te bjere ne anarki, por vonesat dhe hezitimet e pakuptimta qe t’i hapet rruga kapitalizmit dhe tregut te lire ne Shqiperi.
Nano, si lider i PS, edhe pse jo edhe kryetar qeverie, ka qene ideatori kryesor i liberalizmit te Shqiperise, duke hequr dore pothuajse teresisht nga ideologjia dhe majtise, ne favor te nje retorike pragmatiste zhvillimore, qe kulminacionin e cinizmit e ka arritur me deklarimet gjate fushates se fundit, se vizioni dhe ideli i tij eshte shnderrimi i Shqiperise ne nje parajse te turizmit te tipit te Las Vegasit, me kazinote e shumta, ku bixhozxhinjte nga anet e ndryshme te Evropes dhe botes do t’i derdhnin eurot dhe leket e tyre ne kontot e Nanos dhe pronareve te tjere te kazinove, dhe ku edhe shqiptaret do te
dilnin perfitues.
Ajo qe ka degjeneruar te majten shqiptare kane qene interesat dhe monopolet e medha qe i kane rene ne dore elitave politike dhe ekonomike ne periudhen e tranzicionit te pare dhe te vrullshem ne kapitalizem real (kryesisht pa rregulla dhe i eger), ku vendimet politike per koncesionet ose legalizimet e bizneseve kane sjellur perfitime te medha nje grupi jo edhe aq te gjere te njerezve qe jane bere pronare faktik te Shqiperise, e njekohesisht edhe drejtues nga prapaskena i niveleve te ndryshme te pushtetit, si dhe te mediave. Edhe pse shume analiste politik kane prirje qe keto procese te instalimit te kapitalizmit t’i pershkruajne me terma te instalimit te pushtetit te mafiave dhe te krimit te organizuar, une mendoj se krijimi i monopoleve nuk e ka burimin kryesor tek fondet e pista (droga, armet, prostitucioni), por te ridistribuimi dhe privatizimi i monopoleve shteterore mbi resurset e bizneseve me fitimprurese (karburantet, duhani, ndertimet, tregtia e mallrave te konsumit te gjere etj.).
Konflikti me i hershem Nano–Meta burimin nuk e ka pasur te dallimet ideologjike ose te mosdurimet personale, por tek kontrolli i shperndarjes se lekeve dhe monopoleve te medha. Nano, si kryetar i partise ka organizuar nje fushate te madhe kunder Metes dhe qeverise se tij, duke e akuzuar per korrupsion. Por, kjo fushate qe ai e quante “katarsis” perfundoi me riinstalim te vete Nanos ne krye te te gjithe bizneseve, si kapo i monopoleve legale, gjysmelegale dhe ilegale, ku ai pasi u be Kryeminister, vazhdoi bashkepunimin edhe me ministrat qe me pare i kishte akuzuar si mafioze, te korruptuar dhe monopoliste. Pushteti i madh monopolist si duket e beri Nanon te pakujdesshem dhe te verber per ekzistimin e forcave tjera pretendente per katarsis dhe shperndarjen me te drejte te pasurive dhe resurseve, por edhe per punen hakmarrese te Metes dhe LSI-se, qe
PS-se dhe te “majtes” ia kishin marre mazhorancen.
